FICHER

verbe

[T-L : fichier ; GD : fichié, fichier ; GDC : fichier ; AND : ficher ; DECT : fichier ; FEW (III, 506a) : *figicare]

A. -Au propre.

1.Faire pénétrer (un objet pointu) dans qqc..

a)Ficher un objet poinu dans/en qqc.

«...Je ne sai s'on le vout ne ferir ne touchier, Mais les moinnes ala tellement festier Qu'a l'un ala le col si doulcement sachier Qu'il li ficha ses dens tout parmy le gosier...» (Renaut Mont. B.N. V., c.1350-1400, 467)

Et là s'aherdoient à ces mairiiens traire hors à force ; et eurent, je vous di, mout de painne anchois que il les peuissent avoir hors, si parfont i estoient il fichiet. (Froiss., Chron. R., IX, c.1375-1400, 287)

Et fisent ces Flamencq au dessus d'Audenarde en l'Escaut fichier et planter grans et gros mairiens, par quoi point de navire de Tournai ne peust venir en Audenarde. (Froiss., Chron. R., X, c.1375-1400, 247)

...les Bretons (...) fichierent leurs lances et glaives en terre (Froiss., Chron. M., XII, c.1375-1400, 305)

Lors vindrent deux hommes vestus de gros burel, qui dirent : Nous sommes cy envoiez pour vous aidier. Lors desvoleppent le cuir en un luissel et le portent ou fons de la valee, au plus prez du rochier que ilz porent ; et y fichent un pel fort et gros, et puis y lient l'un des boux du cuir, et avoit ly uns un grant fais de paulx qu'il fichoit de lieu en lieu en avironnant le rochier ainsi qu'il trouvoit la trenché faicte ; et ly autres le suivoit en attachant le cuir aux paulx. (Arras, c.1392-1393, 33)

Et bien le dist li rois (...) que li senglers de Windesore ficeroit encores ses dens moult parfont ens es portes de Paris ; et chils Edouwars est li senglers de Windesore, ensi que dient les prophesies de Merlin (Froiss., Chron. D., p.1400, 410)

Dist le Policratique que le flateur est ennemy de toute vertu et qu'il avugle cellui qui le croit, tout ainsi que se un clou lui fichast en l'ueil. (Chr. Piz., Paix W., 1412-1413, 86)

Si lui ficha trois glaives parmy le corps en droit le cuer, et puis le fist gecter en une fosse et lapider et couvrir de pierres. (Monstrelet, Chron. D.-A., t.1, c.1425-1440, 199)

Et la ficha sa lance en celluy lieu, qui se disoit Petronium, et mercya Dieu premierement et monseigneur saint Jacques quant pour leur voulenté il estoit venus si advant seurement, sans autre contradiction, comme seigneur superieur, jusques au lieu qu'il ne pouvoit passer plus oultre. (Bagnyon, Hist. Charlem. K., c.1465-1470, 178)

[Maxime] On doit ficher au noeud du mauvais arbre le clou et le coignet de fer. On doit être sévère avec ceux qui vous tendent des pièges en agissant de même avec eux.

En autre pas est escript qu'ilz [Jésus] respondy aux prestres du Temple qui lui proposerent question en aguet pour congnoistre sa puissanche : «Le baptesme de saint Jehan est il du chiel ou des hommes ?». Ceste maniere de parler fut selonc le dit commun qu'«on doit fichier au neu du mauvais arbre le clou ou le coignet de fer». (Daudin, De la erudition H., c.1360-1380, 154)

Participe passé en emploi adjectival.

S'en diray un petit argu D'un po d'aucun bos bien agu Dedens mole terre fichiez : Il seroit plus tost arrachiez C'uns qui seroit a grant effort Fichiez en un lieu dur et fort. (Mach., D. Aler., a.1349, 300)

Item , les branches couppees fichees en terre et arrousees prennent racines et croissent. (Ménagier Paris B.F., c.1392-1394, 119)

...l'andemain que le temps fut bien cler, nous deliberasmes de retourner, seullement pour querir noz espees ; lesquelles trouvasmes, moy especialement le premier, qui la lessay près de ung buisson a tout le feurre fichee. (La Sale, Salade, c.1442-1444, 146)

Par métaphore.

Lors en mon estant me dressay, Se vi, ou mes yeus adressay, Un oisel de proie volant, L'air devers midi acolant, Si haut vers les nues fichiez Qu'il y sambloit estre atachiez. (Mach., D. Aler., a.1349, 395)

Locution. [P. allus. à l'usage romain qui consistait à planter un clou dans le mur du Temple de Jupiter pour compter les années] Ficher le clou. Remplir une mission honorifique de peu d'importance.

...et ceulz qui traient aus consulz l'onneur de la prise de Nole dient que il pristrent aveuques Atine et Calatie et dient que Petilius seulement avoit esté fet dictateur pour cause de fichier le clou en une pestilence epidimial qui lors estoit avenue. (Bers., I, 9, c.1354-1359, 28.6, 52)

Et se ainssi estoit, comme tu veux pretendre, o Api Claudien, lequel troveroiez tu qui se deust tenir a paié de la dictatorie de .VI. moys ou de l'interregne de .V. jours ? Ou lequel oseroiez tu creer dictateur pour cause des gieus ou pour fichier le cleu ? (Bers., I, 9, c.1354-1359, 34.12, 61)

Ficher qqc. en/sur (un objet pointu.) Planter qqc. (sur un objet pointu).

Et quant ce venoit la nuit, il leur faisoit les testes coper, et tous ceulx qu'il avoit par celle occasion faiz destruire faisoit fichier les testes en bastons sur la tour de dessus sa porte, pour monstrer exemple a ceulx qui sa fille vendroient demander et requerir. (Bérinus, I, c.1350-1370, 297)

...es hales de Paris, où fu devant infinité de peuple decapité, et sa teste fichée en une lance en l'eschafaut (Baye, I, 1400-1410, 292)

...prens ton prisonnier et expédie la besongne selon justice, et lui fais trencher la teste d'une dolouere, et puis la fais ficher ès hales sur une lance. (Monstrelet, Chron. D.-A., t.2, c.1425-1440, 44)

Ficher qqc. (à clous). Fixer qqc. en le perçant (d'un objet pointu).

...s'apparut en l'air ung signe de croix en triple forme, l'une blanche devers Aquillon, une autre devers le midi de mesmes coulleur et les stimates, la tierce fut ou millieu coullourée de coulleur, en laquelle estoit la forme d'un homme pendu et fiché à clos les braz haulx eslevez et estanduz et ès autres croix n'y avoit riens. (Simon De Phares, Astrol., c.1494-1498, f° 123 r°)

Afficher (un document).

Dit oultre que pendant cedit procès ceans, lesdiz Vivian et de Vaulz ont fait fischier à Paris certaines citacions et escommuniemens contre lesdis de Saint-Germain (Fauq., II, 1421-1430, 230)

b)Ficher qqn. Enfoncer une arme pointue dans qqn.

Azaël, qui couroit comme ung cheval, se confioit en son agilité et ne se voulu deporter ne croire le conseil de Abner, mais tousjours le poursuioit, dont Abner, indigné, en tournant sa lance derriere luy, frappa Azaël par my le corps et le ficha tout mort en terre, comme nous lisons ou second chapitle du Second livre des Roix. (Fillastre, Traité Conseil H., c.1472-1473, 199)

2.Par extension. Mettre, placer qqn/qqc. (qq. part).

a)Ficher qqn qq. part

...adont on les ficha en bonne forte prison (Bouciquaut L., 1406-1409, 269)

b)Ficher qqc.

Ficher qqc. en qqc./ qq. part. Mettre, placer qqc. qq. part.

...se vous aviez fichié Vostre corps en un feu ardant... (Mir. mère pape, c.1355, 370)

Mousse vais cueillant sus les roches, Es fentes la fiche, a grans troches, Tant qu'estanche la feis assez Et rejoigny les bors cassez. (Chr. Piz., M.F., I, 1400-1403, 52)

Et sachiez que aspide porte en sa teste la tres clere et luisant pierre que l'en appelle escharboucle. Et quant l'enchanteur qui lui veult oster dit ses parolles aussitost qu'il s'en appercoist il fiche l'une de ses oreilles dedens terre et en l'aultre boute sa queue en telle maniere qu'il deuient sourt et non oant des parolles coniureuses. (Best. hérald. H.E., c.1435-1450, 492)

[JÉSUS à Thomas] N'aiez peur, pas ne t'esmaiez, Fiche ta main dedans ma plaie. Soie feal et non mescreant. (Pass. Semur D.M., c.1420 [1488], 268)

Mettre (le feu) qq. part.

La gent Marïus ne lacha, Encor le feu en ses manoirs Ficha ; femmes, enfens et hoirs Luy destruit et moult malmena. (Chr. Piz., M.F., IV, 1400-1403, 8)

Emploi pronominal. Se mettre qq. part.

Si tost comme l'enfant fut né on l'ala baptizer, La roÿne sa mere pour lui a soulacier Si s'en vint avecq elle dedens le baing ficher. (Galien D.B., c.1400-1500, 13)

...aussi peut on destruire les engins de dehors par un engin gitant une fonde de fer à aneaulx, et delez cel engin on doit faire une forge en laquelle soit un grant fer bien rouge et bien enbrasé, et soit ce fer ardent gitté es engins de dehors, et contre ce fer nul cuir cru ne peut deffendre que le feu ne se fiche en l'engin. (Chr. Piz., Faits meurs Ch. V, S., I, 1404, 238)

Ficher qqc. au doigt. Enfiler qqc. au doigt..

Lors prist un anel en son doy, Bel, bon, chier, precieus et riche, Et doucement en mien le fiche. (Mach., R. Fort., c.1341, 76)

...c'est sa guise et son usage Que, quant femme va en message Vers lui (...) Un anelet ou doy lui fiche (Chr. Piz., M.F., I, 1400-1403, 38)

B. -Par analogie.

1.Emploi transitif.

a)[D'une pers.]

Ficher son regard sur qqc./qq. part. Diriger, fixer (son regard) sur.

Les aultres en parlant extendent le doy, drechent les sulcilz et tournent les yeulx ou par une parfonde consideration les fichent en bas, en moustrant qu'il y ait par dedens quelque emprinse de grant magnificence. (Daudin, De la erudition H., c.1360-1380, 248)

Car les quatre vertus sensitives dedens homme, que nous appellons sensitive, ymaginative, estimative et memoire, sont corporelles et organiques, et se pevent grever par trop souvent ou en trop fort oeuvre les exploicter, ainsi que entre les cinq sens de dehors l'oeil se trouble par regarder clarté trop resplendissant, ou par trop souvent lire, ou fichier son regard sur choses menues, de deliee ou differente figure. (Chart., L. Esp., c.1429-1430, 4)

...les femmes (...) sont a cest cop simples et coyes et n'ont le regard fiché qu'en terre. [À l'église] (C.n.n., c.1456-1467, 339)

...le cyrurgien (...) toutes les foiz qu'il venoit faire sa visitacion, fichoit ses doulx regards sur ce beau poly viaire de ceste chambriere. (C.n.n., c.1456-1467, 503)

b)ASTR. [D'un corps céleste] Fiché

Immobile, qui semble comme fiché.

Car se les estoilles estoient meues parmi le ciel en le divisant, elles feroient si grant son et si fort que les corps de cibas ne pourroient durer et pour ce ordena nature que elles ne fussent meues fors au mouvement des esperes ou elles sont fichiees afin que les corps de cibas fussent saufz. (Oresme, C.M., c.1377, 474)

La .VIIJe. espere aprés c'est celle qui contient les estoilles innumerables que nous appellons fixes pour ce que elles sont toutes aussy comme fichiees et portees en ceste espere d'une maniere ensemble sans point muer leur situacion. La .IXme. espere est la derreniere, qui toutes les autres esperes dessus dictes contient et avironne en soy. (Evr. Conty, Harm. sphères H.P.-H., c.1400, 6)

Fixe.

Et l'en ne apparçoit en rien que les estoilles fichiees soient esloingniees les unes des autres autrement que devant. (Oresme, C.M., c.1377, 422)

2.Emploi pronominal. [D'une pers.]

Se ficher qq. part. Pénétrer qq. part.

D'eulx guaires suivre n'ont talent, Ains se fichent es pavillons Et dient : ' Robons et pillons Vaissellement, or et argent !' (Chr. Piz., M.F., II, 1400-1403, 205)

Plus tost qu'en haste se ficherent En leur cité ceulx qu'eschapperent (Chr. Piz., M.F., III, 1400-1403, 152)

Scipïo es tentes le roy Se fiche (Chr. Piz., M.F., III, 1400-1403, 234)

Se ficher dedans qqc. Se planter sur qqc..

Il se ficha dedans les arsons, si enbrassa son escu, puis hurta son cheval des esperons (La Cépède, Paris Vienne K., 1432, 107)

Se ficher à/en qqn. Fondre sur qqn (pour un affrontement au corps-à-corps).

As Sarrasin s'en vont assambler et ficquier (God. Bouillon R., t.2, c.1356, 359)

Et de prime face, Salhadin couca la lance, hurta le destrier dez esperons et, a belle coite, dez payens es crestiens se ficha en telle façon que tout abbati devant luy (Saladin C., c.1465-1468, 35)

[De moniales] Se ficher en dortoir. Aller se coucher.

L'ABBESSE. (...) Suer, il nous fault aler couchier : Pensons d'en dortoir nous fichier ; Il est saisons. (Mir. nonne, 1345, 323)

C. -Au figuré.

1.Se ficher dans/en qqc./qq. part

[D'une pers.] Se jeter dans, se mettre dans, se fourrer dans qqc..

...or vois tu et cognois par grace de Dieu les tres grans et espouentables perilz ou tu t'es fichee, tout a cause de ce dampnable orgueil ? (Chr. Piz., Trois vertus W.H., c.1405, 20)

Se ficher dans un défaut. S'entêter (dans un défaut).

Li roys, qui en orgueil se fiche, Dit que 'premier iront sur Siche, Qui contree estoit bonne et belle Et terre plus qu'aultre rebelle, Pour ce la volt du tout soubzmettre Et en sa subjeccïon mettre.' (Chr. Piz., M.F., III, 1400-1403, 6)

[D'une chose personnifiée]

Et sans doutance, Eins que partis fusse de sa presence, Dedens mon cuer se ficha si Plaisance, En remirant sa douce contenance, Que sachiez bien, Se j'eüsse l'avoir Otheviën, Et sceüsse le scens de Galiën, Et avec ce tuit li bien fussent mien, Je tout eüsse Guerpi par si, que vëoir la peüsse, A mon voloir ou que faire sceüsse Chose a son vueil, dont plaire li deüsse. (Mach., J. R. Beh., c.1340, 73)

Car Envie si n'est pas seule, Eins vomist souvent par sa gueule Contrueves, baras, jengleries, Meffais, traïsons, tricheries, Murtres, detractions, haïnes, Ou tant a de maises racines Qu'onques nul n'en dit bon exemple, N'en siecle n'a ordre ne temple Ne seculer qu'elle ne triche. Partout se met ; partout se fiche ; Partout vuet estre ; partout rampe ; Elle n'a pas eu pié la crampe, Eins est viguereuse et aperte, Nom pas a pourfit, mais a perte. (Mach., D. Lyon, 1342, 225)

[D'une chose abstr.] Se fixer qq. part.

Et ainsi avarice atise Le cuer de cil ou el se fiche, Si que n'est jamais a gré riche. (Chr. Piz., Chem. estude P., 1402-1403, 197)

Salemon dit en ses proverbes, Ou sont contenus mains biaux verbes : Se sapience en ton cuer entre, Et science se fiche ou centre De ton ame, conseil plaira A toy qui point ne te laira, Et te conservera prudence De toute mauvaise accidence. (Chr. Piz., Chem. estude P., 1402-1403, 230)

2.Emploi transitif.

Ficher qqc. en qqn. Placer, mettre qqc. (un sentiment, une pensée) en qqn.

Mes pensers de jours et de nuis Sont en vous si mis et fichiez Qu'il n'est homme nul (...) Que j'aime autant con je fas vous (Mir. Amis, c.1365, 21)

Elle est belle, sans differance, Saige, et de tresnoble lignie ; En elle est m'amour ja fichie, Et vouldroye bien que ce fut fait. (Myst. st Adr. P., c.1450-1485, 170)

...elle le commença a desirer et ficha tout son amour en luy (C.n.n., c.1456-1467, 569)

...je perçoy vostre grand amour et confiance que vous avez fiché en moy (C.n.n., c.1456-1467, 575)

Je vous diray, mes bons seigneurs, Et comme je voy et me semble, Que vous avez fiché voz ceurs A Jehanne, qui les vous assemble, Et que vous estes tous ensemble Uniz et d'une oppinion, Dont mes fais et mes dis resemble Tous a la vostre intencion. (Myst. siège Orléans H., c.1480-1500, 584)

Ficher qqc. en son coeur/dans le coeur de qqn. Imprimer, fixer, faire pénétrer qqc. (dans son coeur, dans le coeur de qqn).

Mais tu ne m'as mie si chier Qu'einsi te laissasses trichier Qu'en mon cuer deingnasses fichier Ma garison. Car s'il se deingnoit descochier Seur li, sans li plus destachier, Onques ne fu par tel archier Si garis hom, Qu'assés aroie guerredon. (Mach., Compl., 1340-1377, 246)

...Car qui plus quiert, il vuet trichier, S'Amours tant chier L'a que fichier Deingne par l'ueil de son archier En son cuer d'eaus la congnoissance. (Mach., R. Fort., c.1341, 17)

LA MARQUISE [au marquis] . (...) Nulle chose ne te puet plaire Qu'a moy doye ou puisse desplaire, Et ce j'ay en mon cuer fichié Si ques ja n'en ert effacié ; Pour procés de temps, ne pour mort, Ne pour nulle rien tant soit fort Müer n'en verrez mon coraige. (Gris., 1395, 53)

Dix commandemens par moy te mande A garder sans point trespasser ; Garde, peuple de les casser. (...) Voy les te cy, or les escoutes Et en ton cueur les fiches et boutes ; Vecy la loy en pierre escripte. (Pass. Semur D.M., c.1420 [1488], 40)

...environ le commencement du moys de juillet, fut semé certain langage par gens plains de zizanie, et disoit-on que on voulloit empoisonner le roy très chrestien Charles VIIe de ce nom, luy estant à Meun sur Yèvre. De laquelle chose après qu'il fut informé, ficha tellement ledit empoisonnement en son ceur, que oncques puis n'eult joye ne santé. (Chart. J., Chron. Ch. VII, V., t.3, c.1437-1464, 112-113)

Ficher qqc. en l'esprit, la mémoire de qqn. Faire pénétrer qqc. dans l'esprit de qqn.

Et aussi quilz ne fichent en leur ymaginacion semblance de chose qui ne soit honneste et licite. (Cib., p.1451, 213)

Mais deux choses me font doubter que combien qu'elles soyent fichees en vostre memoire, que toutevoye les grans occuppacions que vous avez ne vous en distrayent aucunement, et pour ce telles choses ne se peuent trop ramentevoir. (Juv. Urs., Verba, 1452, 197)

...mais que par bonne circonspection et deliberacion ilz mectent ordre en leur fait et quilz ne se broullent point par confusion de choses impertinentes. Et aussi quilz ne fichent en leur ymaginacion semblance de chose qui ne soit honneste et licite. (Cib., p.1451, 213)

infinitif substantivé. Action d'enfoncer, de planter.

[Dans un cont. métaph.]

Et dient, dont moult me desplest, Mais je n'en quier faire lonc plest, Que cils qui est tost a son gré Venus a souverein degré De son plaisir, legierement, Sans trouver empeechement, Que mieus vaurroit qu'il le laissast Aler, et puis le pourchassast, Pour querir le commencement Dou fichier en lui fermement, Afin que lonc tans li durast, Quelque grief qu'il en endurast. (Mach., D. Aler., a.1349, 300)

3.Participe passé en emploi adjectival.

a)[D'une pers., d'un aspect de la pers.]

Fiché en qqc. Installé en qqc..

Et qu'est Paradis ? (...) Estre tousjours present en la compagnie des angelz avec les benois saints fichiez en la gloire de Nostre Createur (Chr. Piz., Trois vertus W.H., c.1405, 21)

Fiché à + inf. Résolu à.

Fais que ton cueur si soit fiché A aymer du tout Jesuchrist. (Régn., F.A., 1432-c.1465, 102)

b)[D'une chose abstr.]

Implanté, fixé.

Car Meseürs m'a mis et enserré En crueus las de Fortune si fort Que je me sens nu et desherité De tous les biens, sans recevoir confort. Toute tristesse est en mon cuer fichie Et par li est toute dolour norrie En moy, n'Amours ne me vuet partuer, Einsois me fait vif languissant durer, Pour moy faire plus peinne et plus tourment, Sans esperer mercy n'aligement. (Mach., L. dames, 1377, 63)

...Po pleur les pechiés Qui sont en mi, Vieil et endormi. S'en fremi, Car en mi Mon cuer sont fichiés. (Mach., Les lays, 1377, 411)

Fixé, localisé.

Quartement note que douleur de reins et de colique quant est de ventosité, jassoit ce qu'il soit deambulatif, touteffois vapeur venteuse se meut legierement, mais quant est de la partie du lieu la douleur des reins est fichee, mais douleur des intestins, c'est douleur deambulative, car les intestins vont en la partie dextre et senestre (Gordon, Prat., c.1450-1500, VI, 9)

Et celles [infections du cuir] qui sont fichees plus proprement sont celles qui sont dictes assafati et impetigines et celles qui sont mouvables comme serpens ça et la sont dictes serpigines et sont dictes vulgaulment dartres et feu volage. (Panis, Guidon, 1478, tr.VI, doct.1, chap.3)

Stable, définitif.

Et Albert dit ici que la fin nous est propre, fichié ou establie et ordenee de nature et nous la desirons naturelment senz eleccion. (Oresme, E.A.C., c.1370, 186)