FANGE

substantif féminin

[T-L : fange ; GDC : fange ; DEAF, F 106) : fange ; AND : fanc ; FEW (XV-2, 109a) : fani ; TLF (VIII, 645b) : fange]

A. -Boue, fange.

Inde est trouvee en roseaux qui ont les racines fichiees en fange et en limon (Corbechon, Couleurs S., 1372, 383)

Or parle CAYPHAS. Nous volons que il soit batus, Vraymant en la croys pandus ; La fangez vous luy gités, Et visage vous ly escraché. (Pass. Autun Roman F., c.1400-1500, 184)

On te puist getter en la fange ! (Roy sotz, c.1450-1500, 224)

Et vous, mon corps, ou vil estes et pire Qu'ours ne pourcel qui fait son nic es fanges, Louez la Court devant qu'il vous empire, Mere des bons et seur des benoistz anges (Villon, Poèmes variés R.H., c.1456-1463, 77)

Point ne t'a faict sans entendement naistre, Comme les bestes qui vont par les champs paistre, Ains toy, venu d'ord limon, boe et fange, T'a faict digne d'avecques luy repaistre En paradis, pour a jamais y estre (Meschin., Lun. princes M.-G., c.1461-1465, 24)

Mon cheval feray baigner en fange Des François jusques a la sangle, En leur sang, de ce me fais fort ; N'y aura privé ne estrange Ne sy hupé que je ne plange, Et que je ne le boute [a] mort. (Myst. siège Orléans H., c.1480-1500, 480)

...toute la nuyct passée avoient esté debout en la fange, rasibus de la porte de leurs ennemys (Comm., I, 1489-1491, 149)

Ce neantmoins de soy mesmes en la fenge Dens les fossez en cheut grant quantité (La Vigne, V.N., p.1495, 234)

[Dans un cont. métaph.]

Aussi faut il que je pas ne m'estrange De Bon Espoir, ne que face l'estrange A Dous Penser, qu'a estre de leur range Faut que je tende. Car vraiement, qui d'euls deus se desrange, S'il aimme fort, il se gette en la fange, Et s'en doit bien cils qui les mue ou change Paier l'amende. (Mach., F. am., c.1361, 175)

En Fortune, la grant deesse, Ne te fies, n'en sa promesse ; Car en pou d'eure elle se change, Le plus hault souvent gette en fange. (Chr. Piz., Ep. Othea L., c.1400-1401, 255)

...ceulx qui ont le plus mengié et fourré leurs museaulx es biens de ce monde, ce sont ceulx le plus souvent qui se vont getter en la fange par le plaisir qu'ilz y prennent, lequel plaisir accessoire passe le principal qu'ilz deussent avoir (RENÉ D'ANJOU, Mortif. Vaine Plais. L., 1455, 17)

Et se tu ne fais comme je t'ay devisé, Charles te fera pendre par ton col en ung gibet et estrangler villement et t'en menera premierement en destre comme l'un fait ung mastin a la laisse, et ne trouvera fange par ont il ne te face passer. (Bagnyon, Hist. Charlem. K., c.1465-1470, 89)

Il s'esbahyroit bien tost si le cas luy touchoit de quelque chose et seroit homme pour appointer bien legièrement et nous laisser en la fange. (Comm., I, 1489-1491, 43)

[Dans une compar.]

Tout homme doit fuir louange, Et celuy qui ensuit [l. en suit] la voye, Il est plus vil et ort que fange Et fat ; car grant orgueil l'abbaye ['convoite la louange'] (Rivière, Nef folz D., 1497, 588)

Par métaphore. [À propos de pers.]

...de ceulz qu'il y trouva de son temps qui estoient la lye et la fange des bons anchiens, et dist ainsi qu'ilz sont sans honte a demander, legiers a refuser ce que on leur demande. (Fillastre, Traité Conseil H., c.1472-1473, 160)

Proverbe. Plus on brasse la fange, plus ce doit mal sentir

...plus brasse on la fange, Et plus doit mal sentir. (Prov. rimes F.M., c.1485-1490, 46)

B. -Endroit creux rempli de boue.

...il fist cheoir la dicte jument et le dit boys dont elle estoit chargée en une fange estant ou dit chemin (Doc. Poitou G., t.8, 1445, 215)

Icy se bouta en un creux (...), entra en une fange dont ne se pouvoit retraire, cuidant aller chemin plein et ouvert (Chastell., Chron. K., t.3, c.1456-1471, 250)

L'yver, les fanges y sont fort grandes, et l'esté la pouldre (Comm., III, 1495-1498, 226)

Bourbier des enfers.

Vostre gyron, Vierge de purité, A retenu soubz son reconditoire, Dont prononcé fut l'arrest frustratoire Du genre humain aux plutoniques fanges. (La Vigne, Chant royal C., 1511, 44)

C. -Au figuré. Souillure.

Et se nous n'avons pas souffisante congnoissance de Dieu, quelle merveille quant nous sommes tous ors et tous plungiez et versez en la fange et boe de toute charnalité ? (Gers., P. Paul, a.1394, 513)

Cil qui tombe et se ressourt a mains de vergoigne que cil qui par honte de relever demeure souillé en la fange, et plus est louable bon amendement que vicieuse faulte n'est reprouchable (Chart., L. Esp., c.1429-1430, 106)

Helas ! ils [les luxurieux] font tres mauveys change ; Chastïer on ne le pouroit Que tousjours ne soyent en fange. (Myst. st Sébast. M., c.1450-1500, 6)