FESTU

substantif masculin

[T-L : festu ; GD : festu ; GDC : festu ; AND : festu1 ; DECT : festu ; FEW (III, 485a) : festuca ; TLF (VIII, 801b) : fétu]

A. -Au propre.

1.Brin de paille, fétu.

Sayete est pierre inde et noyre. Sy atrait a ly pollés et festus sy com ambre. En froyde ayghe il art, et en oyle il estaint, qui est merveille. (Mandeville, Lap. M., c.1350-1390, 183)

Ton chief (...) De ce chappellet de festuz Vueil coronner. (Mir. parr., 1356, 48)

Si comme lever un festu de terre ou froter sa barbe... (Oresme, E.A.C., c.1370, 512)

Ici jeue Robert de l'escremie d'un festu a l'emperiére [didascalie : Robert, contrefaisant le fou, s'attaque avec un fétu à l'empereur] . (Mir. Rob. Dyable, c.1375, 75)

'...je vey deux longs festus sur le pavement, qui tissoient ensamble et se jouoient.' (Froiss., Chron. M., XII, c.1375-1400, 179)

Nous veons bien aussy en frenesie que le malade cuide veoir voler mouchetes souvent devant lui ou que il y ait pailletes ou festuz ou aucunes telles choses et y gette les mains aucunefois et les desire a prendre, si comme Ypocras dit en Prenostiques et Galien aussy (Evr. Conty, Harm. sphères H.P.-H., c.1400, 96)

Chappeaulx jolis de festus Sus leurs chaperons vestus Avoyent jusques a l'ueil Pour l'arsure du soleil. (Chr. Piz., Dit Pastoure R., 1403, 239)

Pour 2 chappeaulx de festuz, 5 solz tournois, Pour deux esteufs à jouer à la paume, 10 deniers tournois (Comptes Etat bourg. M.F., t.1, 1419, 197)

Pour aussy vray que euvangile, respondy celle, on me fist prendre .VIIJ. festus cueilliez la nuit de sainct Jehan, et d'iceulx en faire .IIIJ. petites croix et les mettre aux quatre corons de mon lit, et ainsy en fus delivre (Ev. Quen. II, c.1466-1474, 141)

Les bledz n'auront plus de festus. (Rapp., c.1480, 65)

2.[Dans divers usages ou situations]

a)[Les enfants se servent d'un brin de paille pour épeler une à une les lettres]

Escoillier de Merencolie, A l'estude je suis venu, Lettres de mondaine clergie Espelant a tout ung festu, Et moult fort m'y treuve esperdu. (CH. D'ORLÉANS, Ball. C., c.1415-1457, 178)

b)[Dans la courte-paille]

Tirer/traire au(x) festu(s). Tirer à la courte-paille.

Mais nous tirerons au festu, Et cilz qui le plus grant ara Le gieu pour jouer eslira. (Desch., Oeuvres R., t.7, c.1370-1407, 164)

...aucuns si ont a dyviser heritage, ou aultre chose et ne puent bien estre d'acort. Adonques ilz puent bien user de sort, car ilz puent traire aux festus ou, samblablement, en plusieurs aultres manieres soy exposer a fortune. (Songe verg. S., t.1, 1378, 385)

Au festu tire qui pourra Pour prandre le pis ou le mieulx (CH. D'ORLÉANS, Rond. C., 1443-1460, 327)

Tirer au court festu

DENTART. Qui commencera le premier ? GADIFER. Qui me croira, nous sortirons. ROULLART. Tirons au court festu. (Michel, Myst. Pass. J., 1486, 309)

c)[Comme marque d'alliance, d'engagement] Rompre le festu. Briser un engagement, une alliance, une amitié (plus fragile qu'on ne pensait).

Et d'autre part, je ne croy mie Que celle qui estoit s'amie, S'elle l'amoit d'amour seüre, N'eüst trop plus chier l'aventure De son mari et son courrous, Et deüst estre entr'eaus deus rous Li festus jusqu'a une piece, Qu'oster de son ami tel piece, Qu'a tous jours fu desfigurez, Meins prisiez et plus empirez. (Mach., J. R. Nav., 1349, 240)

LE PÉRE. Avant ! est rompu le festu ? Egar ! qu'est ce, dame espousée ? Estes vous ja si tost levée ? (Mir. chan., c.1361, 177)

Sire, bien m'en doubtoie, Mais dire ne le vous osoie, Mais je doubtoie vos courrous Et que li festus ne fust rous Entre nous deulz sans renouer ; Si que jamais ne quier vouer A fame ne moi obligier, Car on les pert trop de ligier. (Mach., Voir, 1364, 664)

...ilz auront tousjours deux ou troys argumens apparans et voix de vraye existence pour rompre le festu du traictie precedant. (Mézières, Songe vieil pèl. C., t.2, c.1386-1389, 376)

Le festu est rompu entre toy et moy et n'est creature vivant qui en puist faire la paix (Percef. III, R., t.3, c.1450 [c.1340], 119)

d)[On traîne un fétu (devant le chat)]

Mener qqn au festu comme un chat (comme on ferait d'un chat en traînant un fétu) Faire aller qqn à droite, à gauche, dans tous les sens ; donner des ordres contradictoires.

[Un chevalier se plaint à Charlemagne de ce qu'il ordonne la retraite après les avoir envoyés à l'attaque] 'Par les saintz de Dieu, nous sommes doncques enfans que on mene au festu comme ung chat ?' (Doolin de Mayence V, P., a.1500, 102)

Trainer (le) festu (devant vieux chat). Chercher (en vain) à tromper, par les apparences, une personne expérimentée.

Mauvais fait a viel cat dervé Avoir le festu traïné, Qu'il porroit bien griffer du piet. (Jean De Le Mote, Voie d'enfer P., 1340, 140)

Mais paine pert et se travaille, Qui devant moy trayne ung festu ; Comme ung chat, suis vieil et chenu, Legierement pas ne m'esveille (CH. D'ORLÉANS, Rond. C., 1443-1460, 327)

J'entens bien tout ; il ne fault point Traisner festu devant vieil chat ; Car celuy qui a faict l'achat Des pannes et vous, c'est tout ung. (Nouv. Path. T., c.1474-1485, 120)

Ne pas trainer le festu. Ne pas hésiter.

Nous ne trainerons point longuement le festyu. Il est conclud que les Archadiens et Jupiter isteront demain de la cité et que, s'ilz treuvent qui les assaille, ilz deffenderont leurs vyes (LEFÈVRE (R.), Hist. Troyes A., c.1464, 182)

e)[Allusions bibliques (Matth. VII, 3-5)]

Qui est cil qui le festu voit En l'ueil son frere, et pas ne voit Dedens le sien un chevron grant (Guill. Digull., Pèler. J.-C. S., 1358, 179)

Je vous requier et supplie une chose : vous qui, en nom du clergié, la vie dez chevaliers reprovés, jouxte lez paroles de l'Euvangile : 'Ostés le trief de l'uyel dez clers, avant que vous efforciés d'oster le festu de l'ueil dez chevaliers'. (Songe verg. S., t.1, 1378, 17)

...Frere, que faiz tu ? Tu voiz en mon oeil ung festu Et ou tien ne voiz ung grant fust (Alecis, ABC P.P., 1451, 31)

Et saint Augustin, en l'exposition de l'Ewangile saint Mathieu, dit que yre, qui est grave pechié, n'est que ung festu, mais hayne est une grosse trabe en l'eul du pecheur (Fillastre, Traité Conseil H., c.1472-1473, 248)

Faire d'un festu un tref. Faire d'une paille une poutre.

Pour ceste cause donc et pour autres pluseurs que je trespasse, dient les philosophes que 'hayne vault pis que ne fait ire'. Et pour ce dit aussi un sage que 'cely qui fait hayne de couroux, fait d'un festu un tref', c'est a dire d'un petit mal un grant. (Evr. Conty, Eschez amour. mor. G.-T.R., c.1400, 449)

f)[Loc. diverses ; idées d'inutilité, de perte de temps...]

Planter bois de festus. Faire qqc. d'inutile ou d'absurde.

Veulz tu du doy arer les champs ? Veulz tu planter bois de festus ? (Desch., Oeuvres Q., t.1, c.1370-1407, 207)

Plumeter le festu. Perdre son temps.

ESTORFAULT. Les gens y ceurent par bouffees, Ainsi que s'on couroit au fu (...). MATAGOT. Que sage que c'est, que fais tu Que tu n'y ceurs abillement Sans plumeter cy le festu Et passer tamps, ne scay comment ? (Molinet, Myst. st Quentin C., c.1482, 173)

Querir le festu en l'estrain. Chercher la petite bête, couper les cheveux en quatre.

Ainsi par especial en la ville de Bruges, où le grant retour des François estoit, murmuroient-ilz et queroient le festu en l'estrain pour avoir la riote et le debat. (Froiss., Chron. M.M., XIII, c.1375-1400, 94)

...fais envieux, de tous biens devestus, Pour se couvrir tous faulx moyens contreuvent, Et, en querant par l'estrain les festus, Calumpnient lez oeuvrez des vertus Et leurs effectz desdaignent et repreuvent (Lyon cor. U., 1467, 30)

Toujours quiert on le festu en l'estrain. (Molinet, Faictz Dictz D., 1467-1506, 205)

Surquerir le festu au charbon. Demander l'impossible (?).

Qui par conseil et advis bel et bon, Sans surquerir le festu au charbon, Manifesta sa bonne sapïence (La Vigne, V.N., p.1495, 141)

B. -[Marquant l'idée d'une chose sans importance, d'une valeur minimale]

Lors vestu si (tres) fors estoient Quë il n'estoit guerre mortel Ne tourment nul, tant fust cruel, Que pas doutassent un festu (Guill. Digull., Pèler. vie hum. S., c.1330-1331, 126)

Mais chien qu'on nage, en lieu de paie, Quant il est passez, il abaie. Biaus dous amis, einsi fais tu, Et tout ce ne vaut un festu, Car il n'est chose si perdue Com bonté qui n'est congneüe. (Mach., R. Fort., c.1341, 62)

J'ay la male sanglante hart : Je n'ay fait qui vaille un festu. (Mir. ev. arced., c.1341, 135)

Ne les prisa pas deux festuz (Mir. emp. Julien, 1351, 206)

Et m'esperence est si petite Que mes cuers point ne s'i delite, Qu'en li n'a force ne vertu Ne delit qui vaille un festu, Et tout pour ma tres chiere dame Que j'aim tres loiaument, par m'ame, Que paour ay que ne la perde. (Mach., C. ami, 1357, 74)

Certes, je ne prise un festu, Empereur, toutes tes menaces (Mir. st Ign., 1366, 108)

Tout ce ne vault pas deux festus (Desch., M.M., c.1385-1403, 284)

Sire chevalier, dist le roy, menassier povez vous assez, car autre chose n'emporterez vous de moy, car voz maistres ne voz menaces ne prise je pas un festu. (Arras, c.1392-1393, 158)

Sanglante passïon te fiere, Meschante fame ! Que fez tu ? Il n'a pas vaillant .I. festu ; De quoy te rendra il ton drapel ? (Mart. st Pierre st Paul R., c.1430-1440, 145)

Et ne scés la raison pourquoy, N'il ne t'en chault pas ung festu (CH. D'ORLÉANS, Rond. C., 1443-1460, 478)

Il n'y a perde d'ung festu (Barbes brayes A., a.1450, 258)

Leurs faiz ne vaillent deux festus, C'est tout neant que de leur fais : Ilz sont boussus et contrefais, Sans force ne puissance avoir. (Myst. st Adr. P., c.1450-1485, 78)

Je ne prise pas ung festu Leur langaige ne leur deffance. (Myst. st Adr. P., c.1450-1485, 72)

Ce n'est c'ung droit encombrement De place et ung empeschement ; En eulx [les idoles] n'a force ne vertuz Ne plus qu'il a en ung festuz Quant il est par le pié copez. (Myst. st Adr. P., c.1450-1485, 103)

Mais vous ne prisez ung festu, Entre vous riches, povres hommes. (Path. D., c.1456-1469, 78)

Tout n'en valloit pas ung festu, Nous fusmes bannis en tous lieux En la malle grace des dieux (Sots gard., a.1488, 104)