FELONIE

substantif féminin

[T-L : felonie ; GD : felonie ; AND : felunie ; DECT : felonie ; FEW (XV-2, 124a) : *fillo ; TLF (VIII, 730b) : félonie]

A. -[Correspond à felon A]

1.Méchanceté, cruauté.

Or imposons donques nom a celui qui superhabunde et soit apellé felon et la malice felonnie. (Oresme, E.A., c.1370, 167)

Et li riche font encor pis, Car il portent dedens lor pis Tant de mal et de felonnie [var. vilanie] , D'orgueil, d'avarice et d'envie, Qu'on ne le te porroit nombrer. (Mach., C. ami, 1357, 71)

Einsi me deporteray De tout ce que dire orray, N'en merencolie Ja mon cuer n'en metteray, Pour ce que pure me sçay De leur tricherie ; Ne cuers qui est de bon port Ne doit doubter leur raport [des médisants] Plein de felonnie. (Mach., Ch. bal., 1377, 598)

Par métonymie. Action inique, traitement injuste et cruel.

Et quant ce vint au jour que la court deust departir, l'emperiere de Romme fist assembler ses barons et leur requist et pria en fine amistié que ilz lui voulsissent aidier a vengier l'oultrage et la felonnie que Logres fist a Berinus son pere, quant il enchassa lui et Cleopatras par traïson hors du royaume de Blandie, de quoy Ypamador, le filz Logres est en possession et saisine, et en tient, tant comme a present, la seigneurie. (Bérinus, II, c.1350-1370, 163)

Parole mauvaise, impie.

Paien, dist il, tu as dit grant felonie, car ton Mahon sy ne vaut riens : sur ung fumier morut entre porceaulx. (JEAN D'OUTREM., Myr. histors G., a.1400,)

2.Cruauté, violence, fureur.

Cruauté.

...et se bien y pensons devotement, il n'est si dur cueur, ne tant incredule, qui ne doye estre ravy en l'admiration du merveilleux mistere de crestienne foy, par qui humilité des prescheurs a surmontee la majesté des roys, les simples ydiotes ont confundu les subtiz philosophes, lez tendres vierges et lez fraelles fameletes ont vaincu la felonnie des tyrans, et la sapience du monde est tournee en desprisable follie. (Chart., L. Esp., c.1429-1430, 32)

Il n'est soing que quant on a fain Ne service que d'ennemy Ne mascher qu'ung botel de faing Ne fort guet que d'homme endormy Ne clemence que felonnie (Villon, Poèmes variés R.H., c.1456-1463, 56)

[À propos d'un animal] Cruauté, agressivité.

A brociet le ceval par sy fire aramie, Que ly cevaus ly vint espris de félonnie (God. Bouillon R., t.2, c.1356, 420)

...li conmuns peuples est de fele, perilleuse, orguilleuse et desloiale condition. Et la ou li peuples vodroit monstrer sa felonnie et sa poissance li noble n'averoient point de duree a euls. (Froiss., Chron. D., p.1400, 42)

...lequel lou apperceu des chiens, incontinent la battaille d'eulx fut appaisiee de leur felonnie, pour courre sups a leur ennemy ancien. (La Sale, Salade, c.1442-1444, 54)

Colère, fureur.

«...Se le roy a heü dessus vous felonnie Conscience li a son ire rapaisie...» (Renaut Mont. B.N. V., c.1350-1400, 302)

Quant li captaus oy nommer les Gascons, si fu durement esmervilliés, et rougia tous de felonnie. (Froiss., Chron. L., VI, c.1375-1400, 111)

Ainsi fist il, n'i failli mie, Mais le roy plain de felonnie De s'espee le vint occire (Chr. Piz., M.F., II, 1400-1403, 307)

Le cueur et le corps lui estoient tant enflez de despit et de felonnie que elle fust crevee, se elle ne se desgorgast par tençons et reprouches, ainsi comme ung moust qui boust en tonnel, et par faulte d'event ront la barre et le bondel. (Chart., L. Esp., c.1429-1430, 6)

Quant celle plus par ire que par rayson fust fort esmeue a parler, la parolle de eschauffoison et de felonnie lui faillit, maiz non pas la volenté de pis dire. (Chart., L. Esp., c.1429-1430, 11)

...elle dist par grant yre et felonnie que selle [l. s'elle] concepvuoit a celle foiz, quelle [l. qu'elle] donnoit son friut au deable. (Miélot, Mir. N.D. W., 1456, 17)

Estre en sa felonie. Être en colère.

Dont dist messires Jehans de Hollandes, qui estoit encores en sa felonnie : 'Stafort, Stafort (...) tes gens m'ont mort mon escuier que bien amoie.' Et à ces cops il lance une espée de Bourdiaux que il tenoit toute nue. (Froiss., Chron. R., XI, c.1375-1400, 262)

Faire sa felonie de + inf. Commettre telle action sous l'effet de la colère.

'Monsigneur, se li rois Phelippes a fait se hastieveté et se felonnie de mettre à mort si vaillans chevaliers que cil estoient, n'en voeilliés mies pour ce blecier vostre corage...' (Froiss., Chron. L., III, c.1375-1400, 39)

Oster qqn de sa felonie. Calmer qqn.

'Et je tous premiers, pour li oster de sa felonnie, presenterai ma teste et voel bien morir pour l'amour de ceulx de Gand.' (Froiss., Chron. R., X, c.1375-1400, 217)

Rage, esprit de vengeance.

'Et tousjours nous croisteront gens qui isteront de Flandres, et qui ont le leur tout perdu, qui voront gaagnier avoecques nous, et qui ont encores ou coer la felonnie et le mautalent sus les François, qui leur ont mors et ochis en ces guerres leurs pères, leur fils et leurs amis.' (Froiss., Chron. R., XI, c.1375-1400, 94)

...chil qui avoient eu lors freres, lors peres, lors enfans, cousins ou proismes mors avoient grant felonnie ou coer (Froiss., Chron. D., p.1400, 121)

Quant le conte de Foeis oy ceste response, si ly mua le sens en felonnie et en courroux, et dist en tirant hors une dague : 'Faulx traitre, as-tu dit ce mot de non faire ?' (Froiss., Chron. M., XII, c.1375-1400, 62)

Animosité, haine.

Vous avez trop de foiz oy dire et retraire ung notable que, quant on a la maladie ou chief que tous les membres s'en sentent et convient que la maladie se purge par où que ce soit. Je, acteur, j'entens ceste maladie par les felonnies et amises qui pour ce temps estoient en Angleterre. (Froiss., Chron. M., XIV, c.1375-1400, 40)

Quant Julius eut entendu la requeste du preudhomme, la mauvaise flonnye et hayne qu'il avoit sur les habitans du païs lui alla estaindre (Percef. IV, R., c.1450 [c.1340], 687)

[À propos d'une action physique ou militaire] Violence, hostilité perfide.

Moult fut Roulant hardy et plain de felonnie, Devant Girart occist quatre de sa lignie, Et Betran [la] occist Gontart de Lombardie (Gir. Vienne D.B., c.1350-1400, 174)

3.[Avec une valeur plutôt positive] Ardeur, véhémence.

Lors picquerent leurs trois chevaux aussi comme par grant flonnye et vont jouster l'un au Chevalier aux Trois Lyons, l'autre... (Percef. IV, R., c.1450 [c.1340], 429)

B. -[Correspond à felon B] Rupture par un vassal du lien qui l'unit à son seigneur.

...pour la felonie ou la traÿson du dit messire Jehan de Montfort, la duché de Bretaingne ne puet ne ne doit estre aucunement confisquee ne forfaite, car la chose laquelle doit estre, en certain cas, restituee, ne puet estre confisquee pour l'offense de celluy qui la tient (Songe verg. S., t.1, 1378, 263)

S'il [Homme lige] commect traïson ne félonie contre son seigneur, il pert son fief, si ledit seigneur ne luy fait guerre. (Cout. instit. Anjou Maine B.-B., t.1, 1411, 451)

...en tant que touche le procureur du Roy pour les crimes, deliz, felonies et excès dessusdiz (Baye, II, 1411-1417, 78)

...pour laquelle cause ledit roy desclaira ladicte duchié et parrie estre a luy et a la couronne confisqués, pour la felonnie et infidelité commises envers luy, et la conquesta toute (Juv. Urs., Aud. celi, 1435, 200)

Déloyauté (à l'égard d'un seigneur qui vous a fait du bien).

...il (Robert du Quesnoy) encontra aucuns des fauconniers du duc qui venoient de l'esbat avec leurs oyseaux, et alors demandant auxdits compagnons à qui ces oyseaul estoient, et respondans qu'ils appartenoient au duc de Bourgongne, lui violentement et par grant félonie en prist un ou deux et forcément les emporta (Chastell., Chron. K., t.3, c.1456-1471, 341)

Acte de déloyauté.

...et si estoyent tenus les ditz Edouart et prince a amender au roy tous les dommages que leurs gens avoyent faiz ou royaulme, et se le roy eust peu tenir les ditz Edouart et prince, il en eust peu licitement faire justice comme de gens qui avoyent commis felonnie contre leur souvrain seigneur. (Juv. Urs., T. crest., c.1446, 131)