EXTORSION

substantif féminin

[T-L : estorsïon ; GD : extorsion ; GDC : extorsion ; AND : extorsion ; FEW (III, 330b) : extorsio ; TLF (VIII, 522a) : extorsion]

A. -Au propre. Torsion.

1.Dislocation d'un membre, luxation.

Cy commance le cinquiesme traictié des dislocacions et estercions [l. estorcions] et restauracions des os rompuz et deslouez (Panis, Guidon, 1478, tr.V, doct.1, chap.1)

2.Douleurs provoquées par des contractions intestinales, colique.

Ly malignes esperis fuyent la pierre [de sayete 'de jais'] . Ly ayghe de ly boulte garist estorsions el ventre. Se vous donnés l'ayghe de luy boyre une femme : se elle est virge, elle tenra, et se elle est corrupte elle pissera tantost. (Mandeville, Lap. M., c.1350-1390, 184)

Venez vous couchier sur ung lit, Et ung peu vous reposerez, Assez tost garis vous serez, Ce n'est rien qu'une extorsion Qui vous tient. (Marcadé, Myst. Pass. Arras R., a.1440, 63)

B. -Au figuré.

1.Distorsion, atteinte portée à qqc..

Faire extorsion au droit

Les officiers royaulx et des princes cuident bien servir leurs maistres quant ilz font une extorcion au droit de l'esglise. (Juv. Urs., Aud. celi, 1435, 245)

2.Action d'extorquer qqc. à qqn, de prendre qqc. à qqn sans son consentement par la force ou la ruse.

En desdaing et despl[a]isance A Dieu est cil qui s'avance De faire li don et present Qui n'est aquis dëuement, Qui en bourse d'autri est pris Et par extorsions aquis. (Guill. Digull., Pèler. J.-C. S., 1358, 83)

Et veurent encores savoir plus avant que li grans tresors, que on avoit levet ou royaume dou temps passet, en disimes, en maletottes, en soussides et en forges de monnoies, et en toutes aultres extorsions (...) estoit devenus. (Froiss., Chron. L., V, c.1375-1400, 72)

...il se parti de laditte ville d'Aucerre (...) en entencion de faire et baillier à nos seigneurs les reformateurs une supplicacion ou requeste à l'encontre des personnes qui s'ensuivent (...) pour pluseurs griefs, extorcions et empeschemens inraisonnables à lui faiz par les dessus nommez, dès l'an LXVIJ, à cause de l'imposicion du vin vendu en gros, dès ledit temps, en ladite ville d'Aucerre. (Reg. crim. Chât., I, 1389-1392, 127)

Item, pour ce qu'il estoit venu plusieurs complainctes sur le fait des capitaines et gardes des villes et forteresses et leurs gens et officiers, lesquels sont coustumiers, comme l'en dit, de composer plusieurs de ceulx qui sont subgiez a faire guet aux forteresses a eulx bailliés en garde, par grans sommes de deniers et autres choses, en les contraignant a ce par menaces et autres voies obliques contre raison et ou prejudice de ceulx qui n'ont composé qui par ce sont contrains d'aler au guet plus souvent qu'ilz ne deussent, et aussi ne veulent recevoir audit guet gens assez souffisans et expers et font plusieurs extorcions sur les deffautes des guets, comme l'en dit, ordonné est et commandé a tenir que... (Echiq. Normandie S., 1400, 106)

...pour trop d'autres extorcions et abbus que les Anglois faisoient (Jean De Montreuil, Traité Angl. III, G.O.O., 1416, 285)

Ledit suppliant nous paiera l'amende de vint livres tournois pour le delict, forfaict et extorcion desdictes dix livres tournois, pour emploier a l'emparement de hales de Valongnes et restituera lesdictes dix livres a yceulx habitans (Chancell. Henri VI, L., t.2, 1432, 205)

...les donmages et extorcions que ilz [les sujets du roi] seuffrent (Juv. Urs., D. Tours, 1468, 442)

Faire (une) extorsion à/sur qqn

Il faisoient sus le peuple grande extorsions et estoient convoiteus, et tant moins estoient tant avoit chescun de eulz plus grande partie de teles exactions et extorsions. (Oresme, Pol. Arist. M., c.1372-1374, 152)

De gent de court de bas estas Je vi, en cellui lieu, maint tas, Faisans de grans extorcions Aux povres gens (Chr. Piz., M.F., II, 1400-1403, 42)

...pour avoir advis et deliberacion et provision à ce que on puist seurement amener vivres à Paris et obvier à ce que aucunes roberies ou extorcions ne soient faictes indeuement aux marchans ou autres quelzconques. (Fauq., I, 1417-1420, 45)

...si ledit gouverneur faisoit aucuns griefz ou extorcions ausdiz maistres, ouvriers, maneuvres ou servicteurs desdictes mines dont ilz se sentissent grevez, ilz en pourroient appeller par devant le bailli de Mascon, séneschal de Lyon, conservateur des privilèges des dictes mines (Aff. Jacques Coeur M., 1453-1457, 353)

...pour riens ne vouldroit souffrir extorcions ne oppressions estre fais a ses subgectz (Trés. Reth. L., t.3, 1456, 376)

Et est besoin, sire, que vous envoyez commissaires aux lieux où sont allez nosdicts chevaux pour faire tenir ordre, ou autrement ils pourroient faire quelques extorsions au peuple. (Lettres Ch. VIII, P., Pièces justif., t.3, 1489, 406)

Mais vous, qui estes ingrat des biens que le roy vous a faitz, avés prins et prenez peine de jour en jour de luy faire toutes les extorcions et machinations que luy povez faire, tant sur les subjects et seigneurs de son sang que autres princes ses voysins, qui luy veulent mal à vostre requeste, lesquelz vous avez esmeuz et taschez encores de esmouvoir de jour en jour à luy vouloir mal (Le Clerc, Interp. Roye, c.1502, 262)

[Du diable qui 'extorque' l'âme]

SATHAN [au chrétien] . Dedans mes las Je t'ai atrappé a cest heure. S. NICOLAS. (...) Laisse ceste ame ! SATHAN. Non feray. En Enfer je l'emporteray, Car elle est mienne par droicture. S. NICOLAS. Tu as menty. SATHAN. Il est parjure Et mesmement encontre toy. S. NICOLAS. Il est mort en tres ferme foy Et a eu grant contriction. SATHAN. Tu me veulx faire extorcion. De ta main mise j'en appelle. (Mir. st Nic. juif, c.1480-1500, 139)

3.Par extension. Tort, préjudice, mauvais traitement infligé à qqn, exaction.

Lequel Guillaume, disant lui estre remenbrant des extorcions, mauvaistiez et larrecins par lui commises, congnut publiquement [ceci] (Reg. crim. Chât., I, 1389-1392, 26)

...ilz arriverent au-devant de l'ostel du presbitaire, ouquel lieu il qui parle par plusieurs fois demanda ladite fille, disant que elle estoit sa suer, et se complaingnoit moult fort de l'extorcion et injure que l'en lui faisoit, et que se l'en ne lui rendoit, et bailloit sadite suer, que il feroit tant, feust par amours ou par force, que il l'auroit (Reg. crim. Chât., II, 1389-1392, 230)

...le dit suppliant pursua vers le dit W. pur son accompt devant les barons de l'eschequer nostre seigneur le Roy pur les ditz faux juggement et aultres extorcions et grevans a lui faitz par le dit W. encontre la comune loy (Lettres agn. L., p.1390, 5)

...en sa prison il luy souvenoit des tres grans griefs, dommages et extorcions que les anciens ennemis de ce royaulme ont fait (...) à l'ostel d'Alençon (Cagny, Chron. M., 1436, 24)

...et que nulz ne face nulles extorcions l'un contre l'autre, soit en prenant places ou aultrement. (Monstrelet, Chron. D.-A., t.5, c.1444-1453, 415)

SATHAM. [à l'Empereur] (...) Omicide, larecim, decevance, Deloiaulté et toute estorciom, De feyre tous ses maulx sur les crestïens t'avance, Et boute tout a persecuciom. (Myst. st Sébast. M., c.1450-1500, 66)

...et, quant la proposicion eult prins fin, icellui duc, moult reverendant le Roy et ceulx de ladicte ambaxade, leur fist dire et remonstrer en sa presence, bien au long, les grans faultes, abus, extorcions et desrisions que ceulx de sa ville de Gand avoient fait de long temps contre luy, ses subgez et seignourie (Escouchy, Chron. B., t.2, a.1465, 11-12)

Incontinant, sans delayer, Sans extorcion cruelle, Renvoyez le [le messager] par devers elle Et ne le vueillez retenir (Myst. siège Orléans H., c.1480-1500, 427)

Et, pour eviter vostre ennuy, Nous ferons fin, pour ce jourduy, Aux tres griefves extorcions, Peines et blaphemacions Qu'en la maison d'Anne [Jésus] endura (Myst. Pass. Troyes B., a.1482, 750)

En l'honneur de la Passion, Dirai ge, voyez ce povre homme, Lequel, par grant extorcion, Est tourmenté, vous voyez comme ! (La Vigne, Aveugle boiteux D., 1496, 68)

Le faulx ennemy D'enffer pour resolucion, Ains qu'il soit deux jo[u]rs et demy, Vous fera quelque extorcion, Car il scet bien l'intencion Pour quoy vous estes sur les champs. Gardez sa maledicion Qui pis vault a quatre marchans Hÿer de brigans sur la pree Ou tost voz piez seront marchans ; Si eurent la gorge coppee. Gardez que n'y soit atrapee Semblablement vostre personne. (La Vigne, S.M., 1496, 287)

[D'un acte délictueux] Estre de grande extorsion à qqn. Causer un tort considérable à qqn.

...lequel [seigneur de Montagu] m'a aujourd'uy dit et descleriée [sic] que son yntension est de prendre et avoir toux les biens de moy et de madite fille, quy me seroit chose de grant extorsion et fort dur à porter (Lettres Louis XI, V., t.8, c.1480, 362)