EXCUSER

verbe

[T-L : escuser2 ; GD : escuser1 ; GDC : escuser ; AND : excuser ; DECT : escuser2 ; FEW (III, 286a) : excusare ; TLF (VIII, 418a) : excuser]

A. -Se justifier, justifier qqn/qqc..

1.Produire/alléguer des raisons, des arguments pour se dérober à qqc. (à une obligation, à une demande de qqn...), pour justifier qqc./qqn' la distinction entre raisons sérieuses, légitimes et prétextes inventés n'est pas toujours possible.

a)S'excuser

Amour me fait avoir envie De vous amer, si qu'excuser Ne me say mais ne refuser Vers vous, biau sire. (Mir. st J. Cris., c.1344, 270)

...furent les pluseurs barrons et chevaliers et escuiers du roy mandé, qui s'excusoient et faisoient le malade (Froiss., Chron. M., XIV, c.1375-1400, 51)

Le pape et les cardinaulx, quant ilz veirent que les miracles du corps saint se multiplioient ainsi, en escripsierent au roy de France, et par especial à son frere ainsné, le conte Waleran de Saint-Pol, et luy manderent qu'il allast en Avignon. Le conte ne s'en voult point excuser ne deporter, mais il y ala et donna des belles lampes d'argent qui sont devant son autel. (Froiss., Chron. M., XIV, c.1375-1400, 184)

Et le landemain manderent a Gieffroy qu'ilz estoient tous prestz de venir par devers lui pour eulx excuser, et Gieffroy leur remanda qu'il estoit tous prest de eulx ouïr. (Arras, c.1392-1393, 210)

Si vous requerons et prions tous que vous ne veulliez informer que de raison. Quant Gieffroy ot oye l'escusacion de l'ancien chevalier pour lui et pour les autres, si traist son conseil ensemble et leur dist : Beaulx seigneurs, que vous semble de ce fait ? Il me semble que ces gens se excusent bonnement. Par foy, sire, ce dirent ilz tous de commun, c'est verité ; ne nous ne leur saurions que demander, fors que vous leur faciez jurer sur Sainctes Evvangiles, se le siege eust esté devant Sion, s'ilz eussent aidié ne conforté Glaude et ses freres contre vous (Arras, c.1392-1393, 211)

Li Alemant, qui servi l'avoient sus tout son voiage, et asquels il devoit grant finance, li demanderent a estre paiiet : il s'escusa et dist que il n'avoit point d'argent la aporté, fors que pour ses menus frés paiier. (Froiss., Chron. D., p.1400, 244)

...et en furent priiet li contes de Hainnau et messires Jehans de Hainnau et messires Henris de Flandres. Li contes de Hainnau s'escusa, mais son oncle et messire Henris i furent. (Froiss., Chron. D., p.1400, 460)

...li rois (...) parla au duch de Braibant et li pria par amisté et linage que il se vosist avanchier et tant faire que il n'euist cause nulle a plaindre de li, car tout li aultre signeur s'esqusoient par lui. (Froiss., Chron. D., p.1400, 288)

Sur quoy ledit de Clamecy se excusa grandement et notablement, afin que on voulsist pourveoir audit office d'autre personne que de lui (Fauq., I, 1417-1420, 246)

...après, par autres, fu nommé maistre Guillaume Cotin, qui s'en excusa et refusa semblablement ycelle charge (Fauq., III, 1431-1435, 70)

Lesquelz compaignons trouverent ledit exposant (...) et lui demanderent s'il vouloit estre avec eulx ad ce faire et il auroit sa part de ce qu'ilz devoient avoir. A quoy il leur respondi que non et que ja ne lui advendroit, en soy excusant du mieulx qu'il povoit et en leur remonstrant que ce n'estoit pas chose raisonnable a fere, et atant se departi d'eulx. (Chancell. Henri VI, L., t.2, 1431, 169)

...manda le roy de France au dit Edouart qu'il luy vinst faire hommage de la duchié de Guyenne, mais il s'excusa par la mort de son pere. (Juv. Urs., T. crest., c.1446, 111)

La royne tresdoulcement se excusa, mais a la parfin elle vint veoir la hacquenee aux fenestres, qui moult belle et bonne estoit, couverte d'un parement de soye aux couleurs et devises de la royne, dont elle fut tres contente. (La Sale, J.S., 1456, 74)

La belle meschine, bonne et sage, ne fut pas si beste que aux gracieux motz de son maistre ne baillast response en rien a son avantage, mais s'excusa si gracieusement que monseigneur en son courage tresbien l'en prise (C.n.n., c.1456-1467, 115)

Elle, qui ne demandoit aultre chose, ne s'excusoit en rien sinon du lieu. [Un homme accable une femme de ses avances amoureuses] (C.n.n., c.1456-1467, 247)

Sapience, combien que elle se excusa humblement - neantmoins riens n'estoit que Charité ne obtenist de elle -, parla en ceste maniere (Gers., Concept., 1401, 393)

S'excuser de qqc. Alléguer une raison pour se dérober à qqc., refuser qqc..

Huez, dist la roïne, je vous os bien parler ; Mais puisque je vous veul sy hault honneur donner, Vous ne vous en devez par nul tour escuzer (Hugues Capet L., c.1358, 142)

...lesdiz convers commancerent à parler pour savoir lequel d'eulx iroit à Meleun avec il qui deppose, par devers le roy nostre seigneur, pour lui faire commander que il feist ladite excecucion ; et tant pour ce que chascun d'eulx s'en excusoit, parolles contencieuses et rancuneuses se meurent entre lesdiz convers (Reg. crim. Chât., II, 1389-1392, 21)

Ce jour, maistre André Cotin m'a requiz que je le vousisse excuser devers la Court, pour ce que faut que voist à Meaulz avec les commissaires de la Court (Baye, I, 1400-1410, 34)

Meismes li dus d'Orliens pour yaus à abuser En prist une [une robe] pour li et vot dedens entrer (...) Mais trop li fu estroite, comme il vot pourposer, Pour tant le desviesti et s'en vot escuser Que pour l'estroiteté ne poroit ens durer. (Geste ducs Bourg. K., c.1410-1419, 273-274)

Mi segneur, je me vois escusant De ceste cose-chi : causse y a asés grant (Geste ducs Bourg. K., c.1410-1419, 309)

... [l'homme] fut d'elle esprins d'amours, en luy faisant tant d'humbles et doulces requestes qu'elle ne s'en estoit sceu excuser (C.n.n., c.1456-1467, 375)

...elle ne vouloit condescendre a ce mariage, et au mieulx qu'elle savoit s'en excusoit. (C.n.n., c.1456-1467, 423)

Mais ou cas qu'ilz [mes exécuteurs testamentaires] s'en excusassent [de la charge de s'occuper de ma succession] En redoubtant les premiers fraiz, Ou totalement reffusassent, Ceulx qui s'enssuivent cy aprés Institue, gens de bien tres : Phelippe Bruneau, noble escuier ; Et l'autre ? Son voisin d'emprés, Sy est maistre Jacques Raiguier. (Villon, Test. R.H., 1461-1462, 146)

Dont, comme par commun usage de parler je m'excusace du faire et en feisse le refus, disant que ma faculté estoit petite et peu souffissant a ce, enfin toutesvoyes, pressé de ses larmes (...) me accorday a y entendre (Chastell., Temple Boc. B., 1463-1464, 5)

Et, pendant le temps que ledit connestable estoit audit Rouen, luy fut mandé par le mareschal Joachin et les seneschaulx qu'il envoiast gens d'armes à Saint-Quentin, dont il se excusa et en rescripvit audit grant maistre, ainsi qu'il s'ensuit: ... (Le Clerc, Interp. Roye, c.1502, 304)

S'excuser devers/vers qqn.

Et chascun d'eulx s'appareille pour venir devers Montfrin, pour avoir conseil comment on pourroit ouvrer de cestui fait, ne se ilz pourroient trouver voye comment ilz se peussent excuser devers Gieffroy. (Arras, c.1392-1393, 207)

Li contes de Namur s'estoit esqusés deviers le conte de Hainnau, de qui il relieuve sa terre et l'en doit service, pour tant que il n'estoit pas chiés de la besongne, mais li rois d'Engleterre (Froiss., Chron. D., p.1400, 418)

Je m'excusé vers eulx comme debvoye, Car de ce faire n'avoye pas la science, Disant que ce conduire ne sçavoye, Les suppliant de prandre en pacience Et pardonner a mon incipience. (Antitus, Poés. P., c.1500, 54)

S'excuser sur qqn. Faire porter sur qqn la raison de ne pas faire qqc..

Montbleru de prinsault s'excusa sur monseigneur d'Estampes, qui l'avoit la amené, et dist qu'il ne l'oseroit habandonner [Des amis ont proposé à Montbléru de rester en leur compagnie] (C.n.n., c.1456-1467, 396)

S'excuser à/de + inf. Se dérober à la l'obligation, à la demande de, refuser de.

Item, il se excuseront de aidier as parens qui ont esté negligens de les nourrir a droit (Oresme, Ycon. Arist. M., 1374, 833)

...car je croy, Quant homs voit ses anemis Qui destruisent sa gent et son païs, Qu'il ne se puet excuser de combatre, S'il a pooir de leur orgueil abatre. (Mach., L. dames, 1377, 230)

...nulle chose ne faisoit tant faire egale liberté comme que tout homme, tant soit il grant ne puissant, se doye ne puisse excuser a respondre de sa cause. (La Sale, Sale D., 1451, 253)

Lequel évesque de Tournay, soy excusant de respondre en tels hauts et glorieux termes [en latin] comme avoit parlé le proposant, fonda sa response en disant en françois... (Chastell., Chron. K., t.4, c.1456-1471, 163)

S'excuser de ne pas + inf. Avoir à justifier le fait de ne pas.

...Proece ne voelt point que nuls povres bacelers de bonne volenté s'escuse de non querir les armes par defaute de mise (Froiss., Chron. D., p.1400, 36)

S'excuser que. Se justifier en prouvant, en disant que.

'Venés couchier entre nous deulz, Et ne faites pas le honteus : Vesci tout a point vostre place. 'Je respondi : 'Ja Dieu ne place Que je y vois(s)e ; la hors serai, Et la je vous attenderai (...).' Adonc ma dame jura fort Que je iroie, et, quant vint au fort, De li m'aprochai en rusant Et tousdis en moy escusant Que ce a moi pas n'appartenoit. (Mach., Voir, 1364, 338)

Or regardés comment cil de Gaind se pueent escuser que il ne consentirent ce fourfait, car il furent en Audenarde abatans portes et murs plus d'un mois. (Froiss., Chron. R., IX, c.1375-1400, 221)

...et s'escusa bien li dus de Lancastre que che n'estoit mies la couppe dou roi ne de son conseil, mais la fortune de mer. (Froiss., Chron. R., IX, c.1375-1400, 235)

Item, scet que se le roy de France ou aucuns ses officiers aloient oudit pays de Guienne acompaigniés desdites gens d'armes et arbalestriers, il a oudit pays cent forteresses, que grandes que petites, lesqueles, soubz umbre de ce qu'ilz se pourroient excuser par devers les Englès qu'ilz se seroient rendus François pour la doubte et paour d'iceulx, et qu'ilz ne destruisissent eulx et leurs biens, se rendroient voulentiers François, sanz aucune force ou contrainte leur faire. (Reg. crim. Chât., II, 1389-1392, 197)

Par foy, dame, s'il [votre mari] se puet excuser qu'il n'ait pas erré contre son serement ne faussé ne enfraint l'ommage que il doit, j'en seray tous liez, et seray cellui qui voulentiers le recevray en ses excusacions, lui et ses complices. (Arras, c.1392-1393, 209)

Messires Jehans de Hainnau, qui estoit ensi que moiiens entre ces parties, remonstra ce au consel le roi d'Engleterre, et les paroles des François et quel cose il disoient, conment il deuissent estre la venu aultrement pourveu que il n'estoient. Il respondirent a ce et s'escuserent que il apertient et convient que as parlemens qui sont a la Saint Michiel a Wesmoustier, ou tous li consauls generauls d'Engleterre est, soient remonstrees tels coses (Froiss., Chron. D., p.1400, 190)

...mais a celles qui ja ont passé joenne aage, et qui assez ont du leur, ne povreté ne les y contraint, c'est toute folie, quoy que aucunes qui le veulent faire dient ce n'est riens d'une femme seule, et si pou se fient en leur sens que elles se excusent que gouverner ne se sauroient. (Chr. Piz., Trois vertus W.H., c.1405, 193)

Vous, par armes que aiez faites, a la requeste de monseigneur le roy ne autres n'avez voulu estre chevalier, vous excusant que jamais ne le seriez ce n'estoit contre les Sarrazins ou soubz la banniere de mondit Seigneur (La Sale, J.S., 1456, 187)

'...Item, se les capitaines avoient aucune commission qui recueillissent les deniers sur l'argent des gens d'armes pour payer les debtes et s'ilz avoient aucune part avec eulx. Item, se ilz ont point faict prandre des draps ou autres marchandises aux gens d'armes pour leur payement, eulx excusans qu'ilz ne pouvoyent estre payez des recepveurs.' (Le Clerc, Interp. Roye, c.1502, 346)

Ne pouvoir s'excuser que ne + subj. Ne pouvoir faire autrement que, n'avoir d'autre alternative que.

...nullement il ne se pooit esquser ne passer que il n'alast en Franche, et que il ne relevast la ducee de Bretagne dou roi. (Froiss., Chron. D., p.1400, 484)

Il ne s'en peult oncques excuser que il ne le convenist mourrir et fut decollez au dehors de Londres à la justice du roy. (Froiss., Chron. M., XIV, c.1375-1400, 75)

Ne pouvoir être excusé que ne

Il ne peult estre excusé qu'il ne le faille mourir et desmembrer. (Bagnyon, Hist. Charlem. K., c.1465-1470, 169)

b)Excuser qqn. ou une chose personnifiée/qqc.

Justifier qqn, trouver des raisons à ce que fait ou ne fait pas qqn.

SUER YSABEL. Alez, dame ; puis qu'il vous plait, De nous serez bien excusée, Jusques a tant qu'a remontée Dormi aiez. (Mir. abbeesse, 1340, 71)

...Mais or me respon sans muser, Car encor la vueil excuser [Fortune] De ce que devant as prouvé Que tu l'as amere trouvé, Et ç'a demander m'a meü : Di, douquel tu as plus eü De li, ou de mal ou de bien ? (Mach., R. Fort., c.1341, 95)

...toutesvois il m'avint bien Qu'il me dist qu'excusé seroye Se je m'amie ly monstroie (Mir. marq. Gaudine, 1350, 153)

Mais le bon roy vueil excuser Sans flaterie et sans ruser, De ce que si tost pour jugier Leur delivra le chevalier, Ja soit ce que leur loy deïst Que li roys einsi le feïst. (Mach., P. Alex., p.1369, 253)

Il parle ici comme se excusast fortune. (Oresme, E.A.C., c.1370, 234)

La dame (...) prist congiet a son frere le roi de France. Li rois li donna assés legierement, mais il voloit que ses neveus Edouwars demorast avoecques lui. Mais la dame l'escusa et dist que, sans son fil, point elle n'oseroit retourner en Engleterre. (Froiss., Chron. D., p.1400, 57)

Si vous prie, m'amye, que vous retournez encores vers luy une foiz pour m'excuser [Empêchée de rejoindre son ami, une dame lui envoie sa chambrière] (C.n.n., c.1456-1467, 269)

Si vous prie que le veillez excuser, et luy mesme vous en prie [Un curé, qui a oublié d'annoncer le carême à ses ouailles, leur explique que Carême, dont il a fait un homme, n'a pu arriver à temps] (C.n.n., c.1456-1467, 514)

...je vous prie que si les aultres m'accusent de cecy, que m'excusez en gardant mon honneur (C.n.n., c.1456-1467, 371)

Touteffois il excuse icelui Ptholomée [des erreurs de calcul] , disant que ce ne venoit pas par ignorance ou faulte d'entendement, ainçois venoit pour le temps escheu où il eschet grande et longue vaccacion. (Simon De Phares, Astrol., c.1494-1498, f° 108 v°)

Solliciter la compréhension au profit de qqn.

Les aultrez quatre barons poullains congnurent bien le grant dueil que il avoit et, (...) se efforcerent de le excuser. (La Sale, J.S. E., 1456, 264)

Excuser qqn envers qqn

...s'il y avoyt chose qui deust desplaire au roy (...) envers luy me vueillez excuser (Juv. Urs., T. rever., 1433, 55)

Excuser qqn que ... ne. Donner raison à qqn de, être une justification pour qqn de.

Et combien que ignorance de droit ne l'excuse pas que il ne peche et face chose injuste, toutesfois n'est ce pas pechié fait par injustice proprement, mais bien peut estre a justice. (Oresme, E.A.C., c.1370, 315)

Participe passé en emploi adjectival.

Qui a une justification, dont on reconnaît les bonnes raisons.

L'espousée en estoit bien excusée [Une jeune accouchée n'est pas en mesure d'accueillir ses amis] (C.n.n., c.1456-1467, 198)

Avoir/tenir qqn pour excusé (de qqc.)

Si me devez tenir pour excusee, Car il me faut malgré mien obeÿr ; Mais je tenrai couvent au revenir : Vostre langueur sera par moi sanee, Tresdoulz amis que j'aim sans repentir, Se moi laissiés et Amour couvenir. (Mach., Voir, 1364, 284)

Certaine sui que toute sa pensee Tout son desir est, et toute sa cure, Comment il puist faire brief retournee, Et que par ce souvent grief paine endure ; Dont, se je fais mon devoir par droiture, Je le doi bien pour escusé tenir, Car cuers donnés ne se doit retollir. (Mach., Voir, 1364, 598)

Mon tresdoulz cuer, se je vous escri briément, je vous pri qu'il ne vous veuille desplaire, car, se vous saviés bien ou je sui et les gens a qui j'ai a faire, vous m'en tenriés bien pour excusee. (Mach., Voir, 1364, 600)

Tres chiere dame, du mien n'emportez vous rien fors tant que vous passez par my mon pays, et est la villenie a moy, quant vous estes estrangiere, que je ne vous recoif en mon pays plus honnourablement que je ne puis faire ycy. Dont, respondy la dame, roy Elinas, je vous en tien bien pour excusé, et vous pry, se vous ne voulez autre chose, que vous ne laissiez ja a retourner pour ceste querele. (Arras, c.1392-1393, 8)

...vous please moy avoir pur excusé, pur tant que je ne puisse venir al vostre tresexcellente presence come au presente par cause de diverses et certeins enfirmitees que hauntent moun corps de jour en autre, cy que je ne puisse travailer VJ miles ensemble sanz grand desaise. (Lettres agn. L., p.1412, 367)

...et supplieront au Roy, aux segneurs et gens de son Conseil que en ce les veullent tenir pour excusez, car ilz ne le pourroient faire au bien et à l'onneur du Roy et de sadicte Court. (Fauq., II, 1421-1430, 367)

Tenez moy pour excusé Se ne vous voy, ma doulce dame, Car prisonnier suis, par mon ame, Fortune si m'a abusé. (Régn., F.A., 1432-c.1465, 37)

...dont par mondit seigneur le chancellier fut tenu pour excusé, et à tant se departi mondit seigneur le chancellier. (Roye, Chron. scand., I, 1460-1483, 357)

Quitte de qqc., libéré de qqc..

Et il est excusé de obligacion moral ou cas que il cuide vraysemblablement que l'autre soit mauvais. (Oresme, E.A.C., c.1370, 457)

Qui est dispensé de qqc..

Si le payent et jeunes et vieilles ; puisqu'elles sont mariées, il n'en y a pas une qui en soit excusée. [Les Cordeliers imposent 'un disme' à toutes les femmes mariées de la ville] (C.n.n., c.1456-1467, 221)

Ceste nuyct, je me trouvai en une grant tente qui estoit au millieu de l'ost, où l'on faisoit le guet, et en estoye ceste nuyt là, car nul n'estoit excusé. (Comm., I, 1489-1491, 64)

c)Excuser qqc.

Justifier qqc., trouver des raisons à qqc..

Tu as accusees les jounesses et les envoisees joieusetez, mais tu as excusé et soustenu les traïsons et les conspirations detestables dont tu es en ce ruineux party. (Chart., Q. inv., 1422, 42)

...Rollo excusa celluy fait, allegant la coustume de sa contree estre telle (Juv. Urs., T. crest., c.1446, 67)

...le curé trouva le moien d'excuser sa simplesse et ignorance. (C.n.n., c.1456-1467, 514)

Justifier le fait de ne pas entreprendre qqc., empêcher, éviter qqc..

Et le roi, pur plus alongier le fait Et pur la bataille excuser, Fist touz le barons assembler Et mettre ensample de deux partz. (Héraut Chandos, Vie Prince Noir T., c.1385, 72)

Et volentiers, a ma semblaunce, Vousist la bataille excuser S'il le pooit devoider, Mais bien veoit qe lui covient faire. (Héraut Chandos, Vie Prince Noir T., c.1385, 77)

Excuser que. Refuser de.

Je renoie Mahon, je ne le puis amer, Et croi en che Seignour qui volt mort endurer Sus le Mont de Calvaire, pour le poeple sauver, Si que par che point chi ne poés escuser Que ma grant maladie ne doies mechiner. (Bât. Bouillon C., c.1350, 89)

[D'une chose] Être une justification, une excuse pour qqn.

En ces .II. mois que dit vous ay, En ma maladie dittay Et en mon lit ces .IIII. choses Qui sont en ces lettres encloses Et sont icy aprés escriptes ; Et se faute y ha ou redites, Maladie m'escusera Envers celui qui les lira. (Mach., Voir, 1364, 110)

Justifier, légitimer qqc..

Si que la dame est fole qui s'adresse A telle amour dont s'onneur est perie, Et cils fait mal qui li quiert, car simplesse La mauvaitié dou fait n'escuse mie. Pour ce dame nuit et jour Doit avoir l'ueil et le cuer à s'onnour Et tel amant fuir, car, sans mentir, S'il cuide amer, ne fait il que haïr. (Mach., L. dames, 1377, 198)

Excuser qqn que ne + sub. Justifier qqn de ne pas.

Riens ne me doit excuser ne deffendre Que ne face le bon commandement De vous, dame, se je vous say entendre, Par qui j'ay corps, vie et entendement. (Mach., Prol., c.1377, 2)

Au passif.

Par quoy je doy estre excusé en partie se je ne parle en ceste matiere si proprement, si clerement et si ordeneement comme il fust mestier (Oresme, E.A., c.1370, 100)

Et d'autre partie, comme dit est, le boananse [celui qui dépense beaucoup] proffite a pluseurs et le parvifique est en partie excusé par ignorance et par inclinacion naturele que chascun a a garder sa pecune. (Oresme, E.A.C., c.1370, 247)

Estre excusé pour qqc.

...car aucune foiz l'en est excusé pour teles passions en tant que le fait n'est pas injuste qui autrement seroit injuste. (Oresme, E.A.C., c.1370, 308)

Estre excusé de + inf. Être justifié de faire ou de ne pas faire qqc. qqc..

Je dy par raison semblable seroit excusé le marié de cognoistre sa cousine quant il est jugié par l'eglise selon les drois. (Oresme, E.A.C., c.1370, 318)

...feignant estre malade de goute, dont souvent estoit ocupé, afin d'estre excusé (...) de servir le Roy en son armée. (Monstrelet, Chron. D.-A., t.3, c.1425-1440, 4)

d)infinitif substantivé. Fait de se justifier.

Et adont ledit Blancpain ou Girouys, ne scet lequel, lui respondi qu'il povoit bien estre que il se venoit excuser devers le roy ; et ledit Breton dist : Et quel excuser ? disant : Je vouldroye bien qu'il pleust à Dieu que je feusse une fois devant le roy en son bon conseil, et je diroie la verité (Reg. crim. Chât., II, 1389-1392, 545)

2.Fournir des arguments, une justification, alléguer des raisons pour se disculper, échapper à une accusation, affirmer son innocence ou pour disculper qqn ; atténuer la gravité (de qqc.).

a)S'excuser

Et certes elle n'i ha courpe, Si fait grant pechié qui l'encourpe ; N'il n'est d'elle plus vrai amant, Ainsi le croi, se Dieu m'amant. Faites li savoir sans muser, Et s'elle se puet excuser Si soit hors de la villonnie ! Et si doit en oÿr partie, Car bons juges ja ne sera Qui partie n'ascoutera ! (Mach., Voir, 1364, 684)

...ceste offense (...) couroit trop grandement au blasme et au prejudice du duc de Braibant, qui estoit gardien et souverain regard de la Lange-Fride. Le duc de Jullers s'excusa foiblement, car, ad ce qu'il monstroit, il amoit autant la guere comme la paix (Froiss., Chron. M., XIV, c.1375-1400, 161)

Et il, autant asseuré en bourdes que ung aultre a dire verité, s'excusa treshaultement [Un homme se défend d'un larcin, qu'il a commis] (C.n.n., c.1456-1467, 44)

...n'estoit saint ne saincte qu'elle ne parjurast, soy excusant de l'entretenance du premier. [Un amant reproche à sa maîtresse de n'avoir pas mis fin à une liaison antérieure] (C.n.n., c.1456-1467, 237)

Par gehine congnut quancqu'on vouloit rouver. Et quant il estoit hors s'en vouloit excuser, Mais pour son escondire il ne pot eschapper Que Robert le traïtre ne le fesist finer. (Cip. Vignevaux W., p.1400, 85)

Sitos que li contes le tint, il li fist remonstrer en la presence de li ce pour quoi il l'avoit mandet. Onques li chevaliers ne se peut esquser, mais le fist decoler. (Froiss., Chron. D., p.1400, 269)

...doubtant que se ilz gangnoient le pais, il lui feust neccessité d'estre furtif ou temps advenir, trouva moien par aucuns de la congnoissance dudit de Rambures, auquel yl avoit eu congnoissance au temps de sadicte prise, qu'il ala parler a seurté audit de Rambures et soy excuser. (Chancell. Henri VI, L., t.2, 1431, 170)

...trop bien chanterent la leczon a la religieuse nonnain, laquelle se sceut bien excuser. [Plusieurs religieuses reprochent à une nonnain sa mauvaise conduite] (C.n.n., c.1456-1467, 305)

Proverbe. Plus vite s'excuse femme que vent ne vente

Et le trouvast-on bien [l'amant] , aveuques li gisant, Plus tost s'escuse femme que vens ne voist ventant. (Baud. Sebourc B., t.1, c.1350, 71)

S'excuser devers/envers qqn

Et la tiray par le pan dou giron. S'en tressailli, dont sa belle façon Coulour mua. Si respondi, que plus n'i arresta, Et durement envers moy s'escusa De son penser a quoy elle musa. Et li enquis Pourquoy son cuer estoit einsi pensis. (Mach., J. R. Beh., c.1340, 115)

...Si que je ne puis veoir, Ymaginer, penser ne concevoir, Par quel moyen escuser me porroie Envers Amours, se son bien ne voloie. (Mach., L. dames, 1377, 179)

Et il qui parle lui respondi qu'il avoit oy dire, ne scet à qui, que dedens deux ou trois jours ensuivans, il vendroit ; et icelli Breton lui dist : Sainte Marie ! que puet-il venir faire ? Et adont ledit Blancpain ou Girouys, ne scet lequel, lui respondi qu'il povoit bien estre que il se venoit excuser devers le roy (Reg. crim. Chât., I, 1389-1392, 545)

Et après ce ledit Drouart s'excusa envers la Court et supplia très humblement que on lui voulsist pardonner ladicte offense (Fauq., I, 1417-1420, 223)

Pour ce, ceulx qui ont leur actente Icy, ne qui a moy s'amusent Sur la sepulture presente, Ilz perdent leur temps et s'abusent ; Leur saison despendent et usent Ainsi que bestes et follastres, Et envers Dieu pas ne s'escusent Qu'ilz ne soyent tous ydolatres. (La Vigne, S.M., 1496, 429)

S'excuser de qqc. Se disculper de qqc., rejeter la responsabilité de qqc..

...Pour soy deffendre et escuser Du fait dont tu l'os accuser (Mir. ev. arced., c.1341, 134)

...que jou aye pour la prise de Olivier de Clichon rompu ne brisiez le voyaige de mer, de ce me vueil-je bien escuser, que nul mal je n'y ai pensé ne ne pensoye au jour que je le pris ; car partout doibt-on prendre son ennemy là où on le treuve. (Froiss., Chron. M., XIV, c.1375-1400, 16)

...l'abet (...) s'en vint deviers la roine et son fil. Et s'umelia et s'escusa de ce que ils et si monne estoient ensi demuchié et repus, car il quidierent bien, tel fois fu, a estre tout pris et perdu (Froiss., Chron. D., p.1400, 78)

Et en fu li contes de Flandres soupeçonnés que il ne li euist consilliet a faire, pour tant que il avoit sa serour a fenme ; mais li contes se osta de la soupeçon et s'en escusa grandement et tant que on le tint bien pour escusé. (Froiss., Chron. D., p.1400, 489)

[Plusieur hault baron] ...qui loiaument s'estoient acquité et porté ens es gerres de Bretagne (...) furent acuset de trahison, de la quelle accusation on ot grant mervelle. Et ne s'en porent onques chil escuser ne purgier qui accuset furent, et les en convint morir honteusement. (Froiss., Chron. D., p.1400, 593)

On voit trop bien que c'est, vous ne vous en sariez excuser ne sauver. [Une jeune mariée reproche à son mari d'avoir longuement parlé avec une autre femme] (C.n.n., c.1456-1467, 71)

...vous n'avez nulle cause de moy suspessonner en rien de personne qui vive, et si ne fault aussi ja que m'en excuse. (C.n.n., c.1456-1467, 235)

Vous vous excusez beaucop de ce dont sçay tout le voir (C.n.n., c.1456-1467, 245)

...[il] mectoit sus a l'oste qu'il estoit cause de son meschef ; mais Dieu scet qu'il s'en excusoit bien [Un prêtre vient d'être châtré dans une auberge] (C.n.n., c.1456-1467, 406)

S'excuser sur qqn (de qqc.). Rejeter la responsabilité (de qqc) sur qqn.

...pour occasion des grans faultes que ycelle Court a trouvées en pluiseurs des ceintures d'argent et autres euvres d'orfavrerie, arrestées sur lesdis merciers, qui s'en sont excusez et excusent sur les orfevres qui les ont faictes ou vendues (Fauq., II, 1421-1430, 302)

...j'ay veu aucuns folz eulz excuser sur Fortune (La Sale, J.S. E., 1456, 51)

...le couvent par nous vous fait a savoir que se aucune malveillance ne nouvelle en advient qui au couvent porte prejudice ne inconveniant quel qu'il soit, il s'en excusera et s'en deschargera du tout sur vous. (La Sale, J.S., 1456, 285)

Ceulx, presséz d'une sy forte main comme celle du duc le plus grant de la terre, doubtans choir en son indignation, obtemperèrent à son command, mais se excusèrent sur les pillars qui les traittoyent durement. (Molinet, Chron. D.J., t.1, 1474-1506, 51)

S'excuser de + inf. Rejeter l'accusation de.

...elle se cuidoit excuser de non soy vouloir marier, remonstrant et allegant pluseurs choses dont elle se cuidoit desarmer et eslonger ce mariage (C.n.n., c.1456-1467, 170)

Elle fist unes lettres par lesquelles (...) s'excusoit de vouloir en amours entretenir aultre que celuy auquel elle doit et foy et loyauté. (C.n.n., c.1456-1467, 257)

...[il] mectoit sus a l'oste qu'il estoit cause de son meschef ; mais Dieu scet qu'il s'en excusoit bien [Un prêtre vient d'être châtré dans une auberge] (C.n.n., c.1456-1467, 406)

S'excuser que. Rejeter une accusation en disant que.

Le chareton a peu de motz s'excusa qu'il n'y pensoit pas. [Un homme accuse un 'charreton' de chercher à avoir un rapport sexuel avec sa femme] (C.n.n., c.1456-1467, 67)

Se nous ne mettons quelque chose dedans et que mon mary le treuve, je ne me pourray excuser que je ne vous aye mis hors. [Une femme a libéré son amant du coffre où le mari l'avait enfermé] (C.n.n., c.1456-1467, 381)

b)Excuser qqn/qqc.

Excuser qqn. Chercher à sauver qqn d'une accusation, disculper qqn.

Par me foy, dist Regnaut, je ne vous creray ja : Trop mal le m'escuzés, car ses corps le compara (Renaut Mont. B.N. V., c.1350-1400, 655)

...mesires Jehans de Hainnau fu la tres bons moiiens pour mesire Godemar dou Fai, car li rois le voloit faire prendre et pendre ; mais li gentils chevaliers desus nonmés rafrena le roi et li brisa son air, et l'escusa par tant de raisons et si bonnes, que li rois, pour celle fois, s'apaisa (Froiss., Chron. D., p.1400, 742)

...le clerc de l'eschevinage de Cambray estoit venus excuser les eschevins dudit Cambray sur ledit fait (Baye, I, 1400-1410, 52)

Je ne le veulx point excuser ne accuser, et ne sçay s'ilz ont faict bien ou mal de l'avoir faict mourir (Comm., III, 1495-1498, 310)

Proverbe.

Qui bien s'acuse Dieu l'excuse, Et qui [s]'excuse Dieu l'accuse (Mir. ste Genev. S., c.1410-1420, 161)

[D'une chose] Disculper qqn.

Messire Guillebers de Lieureghen, qui là estoit, et qui cappitaine en estoit, et avoit esté, toute la saison, en fu durement courouciés, pour tant que il estoit là, et la ville estoit perdue ; mais che l'escusoit que li contes de Flandres, ses sires l'avoit mandé. (Froiss., Chron. R., XI, c.1375-1400, 148)

Excuser qqn de qqc. Disculper qqn de qqc., ne pas tenir compte de la culpabilité de qqn.

Chil douse bourgois fissent mout le piteux envers le conte et li priièrent à mains jointes que il vosist avoir pité de iaulx, et escusoient de la mort de son baillieu toute la loi et les hommes notables de la ville. (Froiss., Chron. R., IX, c.1375-1400, 181)

'Certes, Nicollas, je croi assés, et bien le voi, que vous estes courouchiés de la mort Jehan Bouchinel, mais je vous en escuse. Vous ne l'avés peut amender, et, se Dieux me vaille, se je euisse esté ou parti où vous estiés, vous n'en avés fait cosse que je n'euisse fait.' (Froiss., Chron. R., X, c.1375-1400, 50)

...pour l'onneur de son lignaige et de luy qui estoit prestre, on l'escuisoit de pluseurs choses qui estoient grandement prejudiciables à son honneur (Froiss., Chron. M., XIV, c.1375-1400, 43)

Ne pas en vouloir à qqn de qqc..

...il avoit envoiiet son chevalier, messire Lois de Cranehen, a Paris, deviers le roi de France, et le faisoit la tenir tout quoi, pour li escuser de toutes informations senestres qui pooient venir. (Froiss., Chron. D., p.1400, 298)

Excuser qqn envers qqn. Disculper qqn auprès de qqn, intercéder pour qqn auprès de qqn.

Mais priez Dieu que tous nous vueille absouldre. Se freres [nous, les pendus] vous clamons, pas n'en devez Avoir desdaing, quoy que fusmes occis Par justice ... touteffois vous sçavez Que tous hommes n'ont pas le sens rassis. Excusez nous, puisque sommes transis, Envers le filz de la Vierge Marie, Que sa grace ne soit pour nous tarie, Nous preservant de l'infernale fouldre. (Villon, Poèmes variés R.H., c.1456-1463, 66)

Atténuer la gravité de qqc. (des péchés).

Excuser ne doit pas pecheur Son pechié, il en est poieur (Best. lap. Rosarius S., c.1330, 25)

O tu, qui blasmes saint Pierre pour ce qu'il renia son maistre, ou qui pour ce veulz tes pechiez excuser, avise, je te prie, comment a ung seul regart de Jhesu Crist, il se converti soudainement a repentence tres amere (Gers., P. Paul, a.1394, 489)

Excuser qqc. sur qqn. Rejeter la responsabilité de qqc. sur qqn.

Estre ne porroit ullement Haine en si doulce creature [la femme] . Mais il, qui trop se desnature, Sur elle excuse son pechié, Disant que par sa fortaicture Il a transgressé et pechié. (Martin Le Franc, Champion dames I-II, P., 1440-1442, 229)

c)Participe passé en emploi adjectival.

Pardonné, absous.

Estre excusé. Être reconnu non coupable.

Jehan, vous retournerés en Engleterre et, vous venu chiés vous, vostre prisonnier, le roi d'Escoce, vous le presenterés a ma fenme et l'en ferés don. Vous estes tous esqusés de ce que vous l'avés tenu et gardé. Et pour vostre service que nous tenons a grant et a agreable, nous vous retenons pour nostre corps et de nostre cambre (Froiss., Chron. D., p.1400, 791)

Estre excusé de qqc. Être disculpé, déchargé de qqc. dont on est accusé.

Dictes que tant qu'elle croit que Arnoul soit mort et que il ne retourne pas, elle est excusee de adultere et de fornication pour l'ignorance du fait. (Sacr. mar., c.1477-1481, 70)

Avoir/tenir qqn pour excusé. Considérer qqn comme non coupable.

Mon tresdoulz cuer, je vous prie pour Dieu que vous me veuilliez tenir pour excusé se je n'ai envoié vers vous puis que vous partistes de moi (Mach., Voir, 1364, 268)

Et dist par son serement que c'est le premier meffait et larrecin qu'il commeist ou feist oncques ; et requist que de ce il fust tenu pour execusé, veu la petite valeur de la chose. (Reg. crim. Chât., I, 1389-1392, 394)

...li contes se osta de la soupeçon et s'en escusa grandement et tant que on le tint bien pour escusé. (Froiss., Chron. D., p.1400, 489)

Si requeroit que la Court l'eust pour excusé et ne creust point telx paroles, en soy offrant à icelle Court et en recommendant soy et ses besoignes. (Baye, I, 1400-1410, 187)

B. -Regretter qqc., accepter les regrets de qqn.

1.S'excuser. Présenter des regrets, demander pardon.

Et se tenir ne pues couvent, Excuse toy bien et souvent. Par ce point seras excusez Ou mains de ce fait accusez. (Mach., C. ami, 1357, 137)

...si comme ceuls qui en leur parler dient, par inadvertence, aucune chose dont ilz ne se prenoient garde ou qui leur eschape et par ce se excusent. (Oresme, E.A., c.1370, 181)

Or me couvient cy excuser Un petit, car ne puis muser A rimer (Chr. Piz., M.F., II, 1400-1403, 155)

...il se pensa bien que ses besoignes n'estoient pas bonnes ; si ne sceut que respondre, sinon de crier mercy, et de s'excuser le plus beau qu'il povoit (C.n.n., c.1456-1467, 220)

Monseigneur, madame m'envoie encores icy s'excuser devers vous pource que tant vous fait attendre, et creez qu'elle en est la plus courroucée (C.n.n., c.1456-1467, 270)

'Ostez, ostez vous, et me laissez, je n'ay cure d'estre baisée.' Il s'excusa le plus gracieusement que oncques sceut, et sur ce se partit. [Une femme refuse de se laisser embrasser] (C.n.n., c.1456-1467, 316)

S'excuser de qqc. Exprimer des regrets pour qqc., demander pardon pour qqc..

Et quant je vi qu'a moy parla, Je fui honteus, si tressailli, Car mespris avoie et failli, Quant devant li venus estoie Et nulle riens ne li disoie, Si que tantost m'en excusai Mieus que pos... (Mach., D. Lyon, 1342, 186)

Mon seigneur saint Jerosme en un sermon qu'il fait de la glorieuse vierge Marie, en soy excusant de sa loange, pour ce que on doit moult doubter que en louant si haulte royne langue humaine qui est corrompable ne deffaille, dit... (Mir. emper. Romme, 1369, 240)

S'excuser de ce que + sub.

Apres il s'excuse de ce que il parle de si forte question. (Oresme, C.M., c.1377, 406)

2.Excuser qqn

Accorder son indulgence, son pardon à qqn.

Pour c'escuser les vueil et doy, Que donné t'ont par leur douçour Cent joies pour une dolour. (Mach., R. Fort., c.1341, 100)

Si vous pri, ma dame, pour Dieu, Que, se je di en aucun lieu Chose qui vous puist anuier, Vueilliés mon deffaut supplier, Et vous pri qu'escusez [var. quescuser] en soie ; Car volentiers pas ne diroie Chose qui vous deüst desplaire. (Mach., R. Fort., c.1341, 130)

Mais, affin de eviter thedieuse prolixité, cy endroit mectray fin ad ce prologue, vous suppliant très humblement m'excuser, Sire, que là où je n'esciproye ['écrirai'] cy après des choses si haultement (Simon De Phares, Astrol., c.1494-1498, f° 8 r°)

Tenir qqn pour excusé

...s'il y avoyt chose qui deust desplaire au roy, mon souverain seigneur, ou a vous ou a aucun de vous, que envers luy me vueillez excuser, et vous aussi me tenir pour excusé et me soit pardonné (Juv. Urs., T. rever., 1433, 55)

Si me tiennent pour excusé ceulx qui verront ceste presente espitre, se il y a chose qui leur desplaise, car je n'y ay mis que ce que m'a esté dit, excepté le theume, lequel me a semblé propice (Juv. Urs., Aud. celi, 1435, 277)

Excuser (à) qqc. Pardonner qqc..

Et pour final conclusion, quelque chose que j'aye dit cy dessus, se il y a chose qui soit mal dite que on le me pardonne en excusant mes ignorance et aage, et que on le veille tenir pour non dit. (Juv. Urs., D. Tours, 1468, 449)

...combien que je ne vueil ne n'entens point les choses cy apres` escriptes estre appellées, dictes ou nommées Croniques, pour ce que à moy n'appartient, et que pour ce fayre n'ay pas esté ordonné et ne m'a esté permys, mais seulement pour donner aucun petit passe temps aux lisans, regardans ou escoutans icelles, en leur priant humblement excuser et supployer à mon ignorance et adresser ce qui y seroyt mal mis ou escript (Roye, Chron. scand., I, 1460-1483, 2)

Avoir de l'indulgence pour qqc., n'être pas trop critique envers qqc..

Se tu fais ce que je t'enseingne, Tu porteras d'Onneur l'enseingne Et bons amis seras sans faille De Mars, qui est dieu de bataille. Et se trop largement parole Mon songe, escuse ma parole ; Mais cilz petitement besoingne Qui riens ne fait de sa besoingne. (Mach., Voir, 1364, 482)

Par quoy, je te prie, o tresaorné homme, par l'amour que tu oncques portas au trespassé, dont le deces piteusement je regrette, que tu donnes pardon à ma folle audace et legiere entreprise, excusant les faultes de ceste petite et foible escripture en laquelle si riens a de louable soit attribué à l'honneur et merite du mort (Robertet, Oeuvres Z., c.1450-1500, 176)

N'ai ge bon droit se de toy me marris, Quant contre moy d'arguer tu ne cesse ? Au fort aller, j'escuse ta jeunesse Et de legier me fault passer ce poinct (La Vigne, S.M., 1496, 166)