EXECUTEUR

substantif masculin

[T-L : executor ; GDC : executor ; AND : executur ; FEW (III, 290b) : executor ; TLF (VIII, 422b) : exécuteur]

A. -DROIT

1.Celui qui accomplit (une sentence, un acte juridique, une décision).

Ce jour, la Court a mis au neant certeinne appellation entrejectée par la femme de maistre J. G. Caudel, conseiller du Roy nostre Sire, de certains executeurs d'une taille mise sus pour le convoy faire de madame de Guienne à Sens (Baye, II, 1411-1417, 87)

Et d'autre part lez haulx hommes qui premier establirent principaultés et firent lez loys par qui le monde est gouverné furent ensemble princes et clers savans, puissans conseilliers, executeurs des loys par leur sens, et conservateurs d'icellez par leur povoir vigoreux. (Chart., L. Esp., c.1429-1430, 74)

...et ad ce faire [écorcher le renard] furent executeurs promptement levriers et chiens (Juv. Urs., Loquar, 1440, 351)

Et quant aucuns cas de nouvelleté se executent par aucun juge ou executeur seculier (Juv. Urs., Verba, 1452, 382)

Et quant aucuns cas de nouvelleté se executent par aucun juge ou executeur seculier (Juv. Urs., Verba, 1452, 382)

Executeur de justice. Juge, celui qui rend la justice.

Derechief en la sainte Chevalerie ou principal convent aura X chevaliers de la Chevalerie corageus et de grant magnificence et en sainte vie aprouves, qui seront appeles les X excecuteurs de justice, qui devra estre faite par le grant justicier es personnes des grans officiers de la Chevalerie deffallans (Mézières, Sustance H., 1396, 80)

2.Executeur (de justice)/(de la haute justice)

a)Bourreau, celui qui exécute la sentence de mort.

Item, des causes qui sont instantez et presentes quant un princey avra condempné aucuns, que l'autre princey soit executeur, si comme que les astinomes executent ceulz que les agronomes condempnerunt (Oresme, Pol. Arist. M., c.1372-1374, 272)

LE ROY. (...) Or sus, vous deux, alez me querre L'excecuteur de ma justice ; Devant moy vueil qu'il les justice Si com dit est. (Mir. ste Bauth., c.1376, 146)

LE JUGE. Ribaux, prenés sans demeurée Tous ces larrons. Suz, serviteurs, Et soyés bon executeurs, Ainsi que il est ordonnez ! (Myst. st Adr. P., c.1450-1485, 151)

Cestuy estoit entierement. Des crestiens persecuteur ; C'estoit un fort executeur Et moult fort sy se delictoit Quant ces povres martirs batoit (Myst. st Adr. P., c.1450-1485, 181)

...le corps d'ung nommé Laurens Guernier (...) qui avoit, par arrest de la court de Parlement, esté pendu et estranglé au gibet de paris ung an et demy auparavant dudit jour, pour occasion de ce qu'il avoit tué et murdry ung collecteur ou receveur de la taille dudit lieu de Provins, et duquel cas il avoit obtenu remission, qui ne lui fut point enterinée par ladicte court, fut, au pourchas d'ung scien frere, fait despendre dudit gibet par Henry Cousin, executeur de la haulte justice audit lieu de Paris, et illec fut enseveli ledit corps et mis en une biere couverte d'ung cercueil, et dudit gibet amené dedans Paris par la porte Sainct-Denis. (Roye, Chron. scand., II, 1460-1483, 83)

...maistre George Boucher, habitadour d'Arle, et bourreau sive maistre des oeuvres et exécuteur de justice (Comptes roi René A., t.2, 1474, 455)

Et luy mesme, comme traitre, debat Ma requeste n'estre point exaulcee Et a desja conclu en sa pensee, Le faulx prodigue et [vil] inquisiteur, Que la vie des humains soit cassee Et estre [en veult] le propre executeur, En se monstrant de la mort zelateur, De belles loys de nature divie Commë inicque et faulx violateur, Persecuteur de toute humaine vie. (Cene dieux, c.1492, )

...par tiranie le fist pendre et non estrangler et depuis fendre son ventre et bruller ses entrailles devant lui et l'executeur noa les espiraux affin que le vent n'y entrast (Simon De Phares, Astrol., c.1494-1498, f° 150 r°)

b)Par extension. Persécuteur.

Sainct Pol fut grant persecuteur Durant le temps qu'il fut payen, Et fut moult grant executeur Dessus le peuple chrestien, Depuis il congneut son erreur En soy repentant par moyen, Tant quë il fut noble docteur Et fit après beaucoup de bien. (Régn., F.A., 1432-c.1465, 108)

B. -Celui qui mène à bien une entreprise, une mission, un office....

1.Celui qui accomplit la volonté de qqn.

...les huissiers et sergeans d'armes sont les executeurs du prince, et que telles nouvelles pourroient advenir ou telle chose pourroit estre faite, que le prince vouldroit faire mettre la main au plus grant de ses pays ou autres, et pour ce doivent estre assis iceulx sergeans d'armes devant sa face pour promptement executer son bon plaisir et commandement. (La Marche, Mém., IV, Pièces annexées, 1474, 81)

2.En particulier. Executeur (de qqn). Personne désignée par le testateur pour assurer la réalisation des dispositions testamentaires.

À Messire Jacques Froissart, clerc de Monseigneur et excecuteur de feu Monseigneur Messire Philippe de Navarre (...) que li poia Jehan des Ylles, viconte de Constances, par sa quittance du IIIIe jour de juing CCCLXIX, pour convertir ou fait de lexcecution dudit Messire Philippe, et qui sont à recouvrer sur ce que Monseigneur puet devoir à ladite excecution (Compte Navarre I.P., 1367-1371, 324)

...messire Olivier, Hervé de Mauny et Jehan le Bouteillier, exécuteurs dudit messire Bertran, se estoient ensaisinez, senz bénéfice d'inventoire, de plusieurs des diz meubles (Cartul. Laval B., t.2, 1384, 307)

...ledit pelerin a ordené et ordene par ceste presente escripture a ses tresamés peres et executeurs que chascun des oblas desusdis doient avoir chascun une cote et un chaperon du pris de .II. frans ou de plus s'il samblera bon asdis executeurs (Mézières, Test. G., 1392, 311)

...[les chevaliers] seront plus seurs (...) qu'il ne seroient s'il fuissent demoure es parties d'occident, et se leurs biens et leurs possessions fuissent demoure es mains de leurs amis ou excecuteurs et tuteurs (Mézières, Sustance H., 1396, 89)

La VIme question : Se les executeurs ne payent le testament, l'ame du testateur en est elle retardee ? Response : Oy. Si veez le mal des executeurs qui attendent sans cause, et le peril que c'est d'attendre a faire bien aprés sa mort. (Gers., Déf., 1400, 235)

Et quant est en mon luminaire Je n'en vueil en riens diviser, L'executeur le pourra faire Tel qu'i luy plaira adviser. Il me suffira d'une messe De Requiem haulte chantee (Régn., F.A., 1432-c.1465, 130)

Pour tout ce fournir [ma succession] et parfaire, J'ordonne mes executeurs Ausquelz fait bon avoir affaire Et contentent bien leurs debteurs. Ilz ne sont pas moult grans vanteurs Et ont bien de quoy, Dieu mercys ! De ce fait seront directeurs. Escryptz : je t'en nommeray six. (Villon, Test. R.H., 1461-1462, 145)

Dudit Me Guillaume Versoris, pour les ventes et saisines de 10 s. p. de rente qu'il a acheptées des executeurs dudit deffunct Drouet des Jardins (Comptes Paris M., t.2, 1470-1471, 245)

Executeur du testament de qqn

Messire Pierre Symeon, prestre, executeur du testament de feu madame Ysabel de Germaincourt, dame de Baucey, a au jour d'ui baillié à la Court la somme de soixante escus d'or (Baye, I, 1400-1410, 153)

Ce jour, la Court a fait provision aux executeurs du testament feu maistre Nicole de Baye, ce requerans pour faire l'obbit ou obseque pour ledit defunct, selon son ordonnance, en l'eglise de Paris, dont il estoit chanoine, et aussi en la Grant confrarie de Paris, de deux cens livres parisis. (Fauq., I, 1417-1420, 383)

...messire Robinet de Mailly, chevalier, conseillier et chambellan de mondit seigneur et executeur du testament de feu messire Charles Boutery, jadiz chevalier et chambellan de mondit seigneur (Comptes Etat bourg. M.F., t.1, 1419, 9)

...auquel lieu par nostre heritier, nostre très redoubté monseigneur le roy, lequel, s'il luy plaist, nous instituons nostre principal executeur, et par noz autres executeurs de cestuy nostre testament et derniere volunté ci après declairé, soit procuré nostredit corps estre honnestement ensevely, à la louenge de Dieu, non pas à la pompe et orgueil mondain (Le Clerc, Interp. Roye, c.1502, 283)

Par analogie.

Du testament Jhesu quil sont executeurs ? Certes se sont les prestres, de paradix tuteur, Il sont les cherubins a la flamb(l)ant espee Qui les pervers enchassent et aux bons font l'antree. (Pass. Semur D.M., c.1420 [1488], 121)

Executeur testamentaire

...Pierre de Tramblay, marchand drappier, bourgeois de Paris, ou nom et comme executeur testamentaire des testamens ou ordonnances de dernieres voulontez de feus Me Robert Lijotte, en son vivant notaire et secretaire du Roy nostre sire et chanoine de ladite eglise de Saint Germain l'Auxerrois (Comptes Paris V.L.D., t.1, 1447-1449, 592)

3.Executeur de qqc. Celui qui mène à bien (une action, une entreprise), agent.

...et en sa jonesse, veues les affaires qu'il eut, on peut bien dire qu'il fut garni de ceste vertu de force et vaillance, et son sens, prudence et courage faisoient ses gens vaillans, et avoir bons executeurs, comme Claquim, Clisson, Sanceurre et aultres, qui depuis ont esté au feu roy vostre pere: semblablement en avés vous de present, comme ilz ont bien monstré. (Juv. Urs., Verba, 1452, 228)

Les ennemiz estoient trois fois plus que le Jouvencel, qui tous furent mors ou priz par la voulenté de Dieu, dont il voulut faire le Jouvencel executeur. (Bueil, I, 1461-1466, 146)

Et luy mesme, comme traitre, debat Ma requeste n'estre point exaulcee Et a desja conclu en sa pensee, Le faulx prodigue et [vil] inquisiteur, Que la vie des humains soit cassee Et estre [en veult] le propre executeur, En se monstrant de la mort zelateur, De belles loys de nature divie Commë inicque et faulx violateur, Persecuteur de toute humaine vie. (Cene dieux, c.1492, )

S'ilz sont de guerre aux champs executeurs, Je suis certain que moult bien luy duyrez Et a bon port tousjours le reduyrez. (La Vigne, S.M., 1496, 193)

Aprés plusieurs compaignies passees Des ordonnances saigement compassees Oultre les mons soubz nobles conducteurs, Deliberans en leurs cueurs et pensees Que des affaires en France pourpensees A leur povoyr en estre executeurs, Et tellement par armee dompteurs Que Lombardye et toutes les Ytalles, Les regions dictes orïentalles, Et autres lieux pour prendre leurs delitz, Cliner feroyent aux nobles fleurs de lis. (La Vigne, V.N., p.1495, 138)