ESTOMAC

substantif masculin

[T-L : estomac ; GDC : estomac ; AND : estomac ; FEW (XII, 281b) : stomachus ; TLF (VIII, 188b) : estomac]

A. -Organe de la digestion, estomac.

...l'incision du cervel est mortelle, du cuer, du dyafragme, des rains, des bouiaux gresles, de l'estomac, du foye. (Saint-gille, A.Y., 1362-1365, 91)

Tu en as le ventre plus net Et la fourcelle et l'estomac. (Mir. Pierre Changeur, c.1378, 231)

...maiz tousjours ayez lors en memoire que c'est mauvaise paisson que de caille et de pigon, car c'est chair de dure digestion et demeure longuement en l'estomac. (Ménagier Paris B.F., c.1392-1394, 161)

...qant il ont tant mengié de char mal quite que lor estomac samble estre wape et afoiblis, il jettent celle plate piere ou feu et destemprent un petit de leur farine de iaue. Et qant leur piere est escaufee, il jettent de celle clere paste sus celle caude piere et en font un petit tourtiel a maniere de une oublie de begine, et le menguent pour conforter lor estomach. (Froiss., Chron. D., p.1400, 127)

Cedit jour, environ entre IJ et IIJ heures après minuit, survint au graphier un flux de ventre qui par V jours ensuivans l'a tenu avec une autre maladie du stomac qui par XIJ jours en grant necessité l'a tenu (Baye, I, 1400-1410, 178)

...il disoit que les qualitez des viandes diverses troublent l'estoumach (Chr. Piz., Faits meurs Ch. V, S., I, 1404, 45)

Catarre qui descent de la teste eschauffe le foie, charge le cueur, empesche l'estomac, estouppe lez entrailles, et altere tout le corps (Chart., L. Esp., c.1429-1430, 45)

Et quant les panses furent bien plaines et farcies, et les estomacz arousez et bien abuvrez, le seignur de Saintré demanda a damp Abbés se il fut onques armé. (La Sale, J.S., 1456, 292)

...mon estomac en est si traveillé que, tantost qu'il les sent [les pâtés d'anguille] , il a assez disné. (C.n.n., c.1456-1467, 83)

...il [le ventre] est pris pour la chose que l'arabique translacion appelle estomac (Panis, Guidon, 1478, tr.I, doct.2, chap.6)

L'estomac ou ventre est organne de la premiere digestion et engendre chyllum. (Panis, Guidon, 1478, tr.I, doct.2, chap.6)

Par métaphore.

Ainssi moult de science non digeree en l'estomac de l'ame, qui est memoire, s'elle n'est cuite par le feu de carité et soit ainssi envoie par auchuns conduis de l'ame... (Daudin, De la erudition H., c.1360-1380, 99)

B. -Région de l'estomac, poitrine, ventre.

...l'un d'iceulx, qui avoit ung glaive, se vira subit et le darda en l'estomac du chevalier (C.n.n., c.1456-1467, 551)

...laquelle il [Brézé] print et tira par le bras à terre, et, en la tirant à bas, lui bailla de ladicte espée au travers d'entre deux espaules, et puis, elle descendue à terre et estant à deux genoilz, lui traversa ladicte espée par deux foiz parmy les tetins et l'estomac, dont incontinent ala de vie à trespas. (Roye, Chron. scand., II, 1460-1483, 16)

Et advint que ung cranequinier luy donna d'ung vireton parmy l'estomac (La Marche, Mém., II, c.1470, 43)

Mais ledit Maynner dudit cop ou autrement cheut de l'estomac et du visaige sur de grosses pierres qui estoient en la rue, tellement que cinq jours après ou environ, par faulte de gouvernement ou autrement, il est alé de vie à trespas. (Doc. Poitou G., t.2, 1478, 215)

[Lieu où se manifeste la fièvre, le froid]

Ly ayghe ou elle a estet lavee clarifie les oels et garist de fievres l'estomach ; et le fort eschaufé il froyde. Se ly berils est reons et le mettés al solail, sy rent feu. (Mandeville, Lap. M., c.1350-1390, 183)

...tant en fut afoiblis et debilités que toute sa vie demoura tres palle et tres maigre, et sa complexion moult dongereuse de fievres et froidure d'estomach (Chr. Piz., Faits meurs Ch. V, S., I, 1404, 132)

[L]es malades cueurs amoureux Qui ont perdu leurs appetis, Et leurs estomacs refroidis Par soussis et maulx douloureux, Diete gardent sobrement, Sans faire exces de Trop Douloir (CH. D'ORLÉANS, Rond. C., 1443-1460, 358)

C. -[Plus ou moins synon. de coeur] Siège des sentiments et des pensées.

De fois en aultre, par foiblesse de cuer, failloit la parolle au noble conte et le couvenoit cesser de sez regrez pour une espace, tant que lez souspirs et durs sangloux fussent yssus de son estomach (Comte Artois S., c.1453-1467, 114)

Si fu long temps en celle paine, couvrant un tres envenimé vouloir et portant en son estomacq le desir du vaillant chevalier mettre a mort. (LEFÈVRE (R.), Hist. Jason P., c.1460, 232)

Or, monseigneur, recueillez en vostre estomach et enrichissez vostre cueur de bonnes vertus, prises et cueillies ou vergier de voz ancesseurs (La Marche, Mém., I, c.1470, 100)

...mondit seigneur le prince les voullust bien essayer pour savoir qu'ilz avoient en l'estomac (Leseur, Hist. Gast. IV, C., t.2, 1477-1478, 226)

De fier estomac. D'une manière hautaine.

Ledit prescheur, par l'opposite, en toute humilité souffisanment les approuvoit [les miracles de saint Dominique] , et l'autre, d'ung fier estomach, presumptueusement les despitoit. (Lég. st Dominique T., c.1500, 325)

De franc estomac. Librement.

...n'y avoit deffiance entre nous par quoy l'ung ne parlast de franc estomac a l'autre de son affaire (Chastell., Temple Boc. B., 1463-1464, 5)

De plein estomac. Du fond du coeur.

...et en grosses substancieuses paroles et de plain estomac prisa et collauda ses vertus, ses bontés (Chastell., Chron. K., t.4, c.1456-1471, 49)

De profond estomac. En toute franchise.

...si une fois seulement cestui roy Charles eust pu voir son dit cousin, et [eussent pu] entredeviser eux deux de parfont estomac, jamais ne se fust pu deffier après de sa personne (Chastell., Chron. K., t.4, c.1456-1471, 8)

De propre estomac. Du plein gré de qqn.

...et avec ce que nostre Saint-Père tousjours le sollicitait (...) sy y envoya-il, mu de propre estomac (Chastell., Chron. K., t.4, c.1456-1471, 458)

En son (secret) estomac. En soi-même.

Quant vint a la parfondeur de la nuit, elle [la reine Ysiphile] se coucha tres pensive et fort entreprinse, car en son estomac avoit une tresgrosse bataille entre son cuer et Honte. Son cuer vouloit qu'elle s'en alast couchier avec Jason, Honte y contredisoit. (LEFÈVRE (R.), Hist. Jason P., c.1460, 174)

Dire qqc. en son estomac. Se dire à soi-même.

...adont firent ung cry, lequel fu oÿ de toutez pars, puis se ferirent entre leurs ennemis de tel courage que ce sambloient leupz ravissans entre brebis, dont le conte d'Artois fu esjoÿ trez adcertez et dit en son secret estomacq s'il ne fait plus fort c'onquez mais il ne se prise ung denier (Comte Artois S., c.1453-1467, 42)

Et Peleus n'en dist mot, ainçois monstra un tresbeau samblant a Jason, qui ne passa point la gorge et tresbien fourré d'ypocrisie et de trahison. Puis passa oultre, disant en son estomacq que Jason le bouteroit hors du royaulme s'il n'y remedioit (LEFÈVRE (R.), Hist. Jason P., c.1460, 166)

Le fond de l'estomac de qqn. Le fond de la pensée de qqn, les pensées véritables de qqn.

...lui faire savoir clerement le fons de son estommac, assavoir mon s'il estoit indigné et mal content de lui ou non (Chastell., Chron. IV, D., c.1461-1472, 209)

Dire ce qu'on a sur l'estomac. Dire ce que l'on a sur le coeur.

Dy hardiment ce qu'as sur l'estomac, Mais compte vray, sans aler vacillant ! Desgorge tout ! Deslie moy ce sac ! (Purg. Am. T., 1463, 71)

Ouvrir son estomac

Sy ne se voulut plus contenir le duc qu'à ce jeune chevalier il n'ouvrist pleinement son estomac, et qu'il ne lui dist ce qu'avoit en coeur de faire (Chastell., Chron. K., t.3, c.1456-1471, 21)

S'ouvrir de son estomac. Se confier, dire ce que l'on a sur le coeur.

Aprés donques (...) que ouvert s'estoit de son estommac le daulphin viennois a son oncle, ordonnerent ensemble de faire partir leur ambassade ains plus tost que plus tard (Chastell., Chron. IV, D., c.1461-1472, 29)

Parler d'estomac ouvert. Parler avec sincérité.

Le roy alors commença a parler et dist : 'Vray est que j'ay parlé a vous d'estommac ouvert...' (Chastell., Chron. IV, D., c.1461-1472, 70)

Parler de l'estomac de qqn. Parler à coeur ouvert au nom de qqn.

...je desire bien par mes escrips de faire apparoir sa netteté et preudommie [du duc de Bourgogne] en cestuy endroit et approuver veritables les parolles et promesses de ses ambassaeurs parlans de son estommac (Chastell., Chron. IV, D., c.1461-1472, 93)

Vider son estomac. Dire ce que l'on a sur le coeur.

Quant donques le duc attempreement avoit oÿ le recort de ses chevaliers et leur avoit donné espace de vuider leur estommac, en toutes choses se contint transquille et amoderé (Chastell., Chron. IV, D., c.1461-1472, 153)