ENTENDEMENT

substantif masculin

[T-L : entendement ; GD : entendement1 ; GDC : entendement ; AND : entendement ; FEW (IV, 743a) : intendere ; TLF (VII, 1198a) : entendement]

I. -[Correspond à entendre au sens propre] Perception par le sens de l'ouïe.

Les deux vaynes qui sont derriere les aureillez saigne l'on pour la maladie des aureillez et par especial à ceulx qui ont petit d'entendement de oïr cler et qui ont la voix cassé et qui doubtent de mesellerie. (Le Lièvre, Traité saignée W., a.1418)

Item dessus les deux orailles derriere a deux vaines lesquelles on saigne pour donner cler entendement et vertu de bien oyr cler (Comp. kal. bergiers C., 1493, 54 r°)

II. -[Correspond à entendre 'comprendre']

A. -Faculté de compréhension, intelligence, jugement.

1.[À propos de l'être hum.]

a)Intelligence, jugement, esprit.

Il [le lion] me regarda environ Et prist le pan de mon giron A ses dens, aussi sagement Com s'il eüst entendement ; S'aloit devant et je après. (Mach., D. Lyon, 1342, 171)

Il avoit perdu sa memoire, Sens, maniere et entendement ; Dont on puet vëoir clerement Qu'il n'avoit point de volenté, Fors que le cuer entalenté Des grans soties qu'il faisoit. (Mach., J. R. Nav., 1349, 226)

...Conment a s'ymage [de Dieu] m'a fait, Et entendement et memoire M'a donné (Mir. Barl. Josaph., c.1363, 271)

...Et ne doy mie desvoloir Leur plaisant gracieus voloir, Einsois y doy mon sentement Mettre et tout mon entendement, Cuer, corps, pooir et quanque j'ay. (Mach., Prol., c.1377, 7)

Si prie humblement au roy des roys qu'il me vueille enluminer mon entendement si et par tele maniere que je puisse escripre et esclairer en cest livre chose qui conteigne raison au lous de Dieu et sa Mere, au profit du commun et au saulvement de m'ame et à la confusion de l'ennemy. (Cout. bourg. glosé P.M., c.1380-1400, 61)

Se je avoye entendement et languaige pareil aux angels, sy ne pourroye dire riens suffisamment et dignement selon les vertus, excellences et merites du glorieux et honnouré amy de Dieu, du saige amoureux, monseigneur saint Pol (Gers., P. Paul, a.1394, 492)

...le Roy estant malade en son hostel de Saint Pol à Paris de la maladie de l'alienation de son entendement (Baye, I, 1400-1410, 137)

Si est honte a homme et dommage, Quant Dieu le forma a s'image, Pour virtueux entendement Avoir, et a tel dampnement Se met qu'il vit comme une beste, Qui a tous ses vouloirs est preste. (Chr. Piz., M.F., II, 1400-1403, 76)

Par elle, selon la doctrine de Aristote, ont estoy et sont souvent lez haulx engins et eslevés entendemens des parfons et excellens hommes troublés et obscurcis, aprés frequentation de trop parfondes et diverses pensees. (Chart., L. Esp., c.1429-1430, 4)

Assés te donna Dieu quant il te bailla estre et vie, entendement pour juger et vouloir pour eslire. (Chart., L. Esp., c.1429-1430, 151)

Et pour ce que en dieu ny [l. n'y] a que vne voulente [l. voulenté] et vng entendement ainsi comme vne nature, pour tant le saint esperit a tout vne nature, vng entendement et vne voulente [l. voulenté] qui luy sont communiquez en sa production eternellement du pere et du filz (Cib., p.1451, 202)

...vous semble il a la vérité, et a vostre entendement, que ce que droit cy vous me dictes ne soit point fantosme (C.n.n., c.1456-1467, 100)

Encores veul je et vous commande que es VIJ dons du Saint Esperit vous devez croire et obeïr ; c'est assavoir (...) le don de conseil, le don d'entendement (La Sale, J.S., 1456, 39)

...Amour (...) inspira tellement l'entendement du bon et loyal servant qu'il trouva moien d'accomplir son jeu. (C.n.n., c.1456-1467, 365)

Dont et des causes et des racines dont cecy meut je vous racompteray droit cy au plus pres du vray et de mon entendement. (Chastell., Chron. IV, D., c.1461-1472, 102)

Et pour ce, l'escripture dit qu'il [Dieu] 'siet sur les Cherubins', c'est a dire sur la plenitude et la plentureuseté de science et par dessus tous entendemens. (Somme abr., c.1477-1481, 131)

Entendement humain

Sus ce point me puis aviser Pour un petitet deviser Comment Bonne Amour hautement Est uns clers solaus, telement Qu'engiens, avis, appensemens, Ne nuls humains entendemens, S'il n'estoient purefïé Et de toute erreur nettïé, Les rais resgarder ne porroient, Et que plus s'en efforceroient, Plus trouveroient leur contraire. (Mach., D. Aler., a.1349, 347)

Je respon, et me semble premierement, que entendement humain aussi comme naturelment se consent que hors le ciel et hors le monde qui n'est pas infiny est aucune espace quelle que elle soit, et ne puet bonnement concevoir le contraire. (Oresme, C.M., c.1377, 176)

L'en treuve tant de merveilles, selon commune estimacion, et si nouvelles que humain entendement est contraint de dire que les jugemens de Dieu sont abisme sans fons et sans rive (Arras, c.1392-1393, 3)

...je dy que les secrez jugemens de Dieu et les punicions sont invisibles a congnoistre a entendement humain, car il est trop gros pour entendre l'espite espirituelle, ne comprendre que c'est. (Arras, c.1392-1393, 311)

Le philozophe fut moult sage Qui dist en la premiere page De sa noble Methaphisique Que humain entendement s'aplique Naturelment a concevoir Et a aprendre et a savoir. (Coudrette, Mélus. R., c.1401-1402, 107)

Les jugemens de Nostre Seigneur sont vrais, justifiez en eulz mesmes : Mes jugemens sont a cremir non pas a discuter, car ilz sont incomprehensibles a humain entendement. (Internele consol. P., 1447, 255)

...comme les fais des hommes et les escandres du monde sont de diverses conditions, loist bien entendre aussi que, selong ce, de l'abisme des jugemens de Dieu se tirent autant de diverses manieres de pugnitions inscrutables et desquelles les humains entendemens quant les voient s'espoentent (Chastell., Chron. IV, D., c.1461-1472, 254)

[En corrélation avec sens]

Lors en sa main cueilli de la rousée Sus l'erbe vert ; si l'en a arrousée En tous les lieus de sa face esplourée Si doucement Que la dame qui avoit longuement Perdu vigour, scens et entendement Ouvri les yeus et prist parfondement A souspirer, En regretant celui qui desirer Li fait la mort par loiaument amer. (Mach., J. R. Beh., c.1340, 66)

'...Et je prie a celui a qui li mons apent Qu'i me voeulle garder de mal et de tourment, Et donner Auberon sens et entendement, Si que me voeulle aidier a faire mon talent, Tant qu'encore je puisse raler a sauvement O rëalme de France et en mon tenement.' (Huon Bordeaux B., c.1400-1450, 119)

Car le proufit et la proye mainent les affections legieres et variables des convoiteux a soy mettre en aventure, mais l'onneur et la loiaulté des vertueux mainent le cuer, le sens et l'entendement, a leurs vies exposer pour le salut publique. (Chart., Q. inv., 1422, 53)

...et combien que je n'ay sens, entendement, discrecion, forme de langage ne aultre chose de vous savoir advertir en si haultes matieres... (Juv. Urs., T. rever., 1433, 55)

Je vis toujours en deuil et en moleste, En moi je n'ay sens ne entendement (Myst. ste Barbe P., 1493, 13)

...puisque Dieu avoit fait Premierement l'omme tant imparfait D'entendement, de sens et de scïence Que pour sa rude, folle inobedïence, Il trespassa ce qu'avoit deffendu, Lors, quant Dieu vit qu'il avoit offendu, Ne pouoit il soubdain Adam deffaire Et, de rechief, ung aultre corps reffaire (...) ? (La Vigne, S.M., 1496, 337)

Je suis en tel point de la teste Que je tourne comme une beste Qui n'a sens ne entendement. Tousjours languis en ce tourment Sans avoir aucun reconfort. (Myst. st Laur. S.W., 1499, 200)

Par extension. Esprit (en tant que siège de la réflexion).

Environ l'aube du jour, lors que la premiere clarté du soleil et nature contente du repos de la nuit nous rappellent aux mondains labours, n'a gaires me trouvay soudainement esveillié et, ainsi que a l'entendement après repos se presente ce que l'en a plus a cuer, me vint en ymaginacion la douloureuse fortune et le piteux estat de la haulte seigneurie et glorieuse maison de France (Chart., Q. inv., 1422, 6)

Les maistres mectent difference entre cogitacion, meditacion et contemplacion. Ilz ont conuenience ensemble pour ce quelles sont toutes trois en l'entendement et en toutes trois quelque regart d'entendement, mais il y a difference iacoit ce quelles soient aucunes fois dune matiere. Car une même chose est aultrement en l'entendement par cogitacion, aultrement par meditacion et aultrement par contemplacion. (Cib., p.1451, 181)

...rien ne luy venoit a son entendement qui peust eloigner ce maudit mary (C.n.n., c.1456-1467, 183)

Le bon filz mercya son pere de son bon advertissement, et luy promect d'escripre ses enseignemens au plus profond de son entendement (C.n.n., c.1456-1467, 330)

Et je te dy que, se tu as envye sur aultruy, tu seras incessamment lassé et traveillié en l'entendement et n'auras jamais joye tant que tu ayes trouvé façon et moyen de lui nuyre (Bueil, I, 1461-1466, 49)

b)[Cette faculté dirigée vers un but] Attention, application, intérêt.

Car il s'est si ligement Et si amoureusement A vous donnés Qu'à vostre honneur seulement Est tout son entendement ; Bien le savés. (Mach., Ch. bal., 1377, 622)

Haa, Dieu tout puissant, se tous ceulx qui a ce se soubtillent joignissent ensemble leurs entendemens a cherchier la ressourse de leur seigneurie, ilz gaignassent a la prosperité comme le salut de leurs estas et de leurs vies, quant par leurs parciaulx desirs ilz le perdent avecques la seigneurie qu'ilz delaissent en perdicion. (Chart., Q. inv., 1422, 32)

...ilz ne se donnerent garde de Passelion qui ailleurs avoit occuppé son entendement, et tant approucherent l'un de l'autre qu'ilz n'eurent espace fors de saluer l'un l'autre. (Percef. IV, R., c.1450 [c.1340], 901)

En cestuy endroit où j'ay cuidié avoir main arrestée en une matière, survient soudainement une autre qui me transverse les yeux et me vient retraire l'entendement des faits de ce royaume pour l'appliquer en autre nation nouvelle (Chastell., Chron. K., t.2, c.1456-1471, 56)

Mettre son entendement à qqc./à + inf.

Sy vous dy que, puis que ceste damoiselle ot conceü en son cuer la vaillance du chevalier, elle mist tout son entendement a lui amer et afferma en son cuer que ja n'avroit autre mary. (Bérinus, I, c.1350-1370, 183)

Las ! j'ay mis mon entendement A vous aymer, dame d'honnour (Garenc., Poésies N., 1389-1415, 105)

Nature mist tout son entendement A la fourmer et faire proprement. (CH. D'ORLÉANS, Ball. C., c.1415-1457, 26)

J'aymë, et si ne sçay comment Ai mis tout mon entendement, Cueur, ame, corps, vie et substance A celle ame qui nullement Ne veult donner aleigement Du dueil qui tant me fait grevance. (Narcissus, p.1426, 312)

J'ayme trop mieux a la pasture Mettre tout mon entendement [plutôt qu'à l'amour] ; C'est trestoute ma nouryture, C'est trestout mon soustenement. (Jeu quatre pers. L., a.1465, 194)

Au pluriel. Avoir ses entendemens à qqn. Avoir tout son esprit, son attention tournés vers qqn.

Et pour ce Seneque raconte Qu'il congnut un grant fil de conte, Aourné de beaus vestemens, Qui n'avoit ses entendemens Fors a sa femme, et en publique Avoit en lui telle pratique Que partout ou il la trouvoit, Sa face en son sain lui tenoit, Et ne pouoit une seule heure Sanz sa femme faire demeure, Tant estoit plains d'ardant amour (Desch., M.M., c.1385-1403, 176)

Avoir l'entendement de qqc. Comprendre qqc..

Comme pour donner cognisance generallement a toutes et singuliers personnes (...) qui n'ont pas l'entendement de latin, [avons] noz, Johans des Preis dis d'Oultremouse (...) devant en premier livre nommeis, fais et ordineis et ensy de latin en franchois translateis quattres livres de chronicques (JEAN D'OUTREM., Myr. histors G., a.1400, 1)

À bon entendement. À bon escient, en connaissance de cause.

Là fist une collation Le pape, en grant devotion ; Et bien et bel et proprement Moustra, à bon entendement, Comment on doit son Dieu amer Et son proisme sans point d'amer (Mach., P. Alex., p.1369, 241)

Aussi, se dame honnorer De vray ami et douter Se voit humblement, El doit, ou elle mesprent, Son bien desirer ; Et s'il vuet perseverer, En bon gré le prent, Car à bon entendement C'est guerredonner. (Mach., Les lays, 1377, 388)

Lysez a traict et bellement Il n'y fault riens contrelarder, Du scavoir ne vous puis garder Advisez pourquoy ne comment, Veez a bon entendement, Croyez qu'il n'y fault autrement, Et avec le nom et surnom Reprendrez le lieu proprement Relatant mon gouvernement En office de grant renom. (Régn., F.A., 1432-c.1465, 6)

Si vous m'avez, je le dis seurement, Rien ne ferez qu'à bon entendement. (La Marche, Mém., II, c.1470, 375)

c)[Cette faculté spécifiée ou qualifiée]

THÉOLOGIE PHILOSOPHIE Une des trois puissances de l'âme raisonnable, les deux autres étant mémoire et volonté.

Ne es tu pas une seule et simple substance ? Certes oy ! Neantmoins tu as trois vertuz, qui sont memoire, entendement et voulenté. (Gers., Trin., 1402, 166)

Pareillement aussi en nous est trouvee aucunement l'ymage de la trinité, car nous avons memore, entendement et voulenté. (Somme abr., c.1477-1481, 114)

Entendement speculatif. Intelligence tournée vers la théorie.

La premiere partie est appelee entendement speculatif, et est vers les veritéz neccessaires comme ilz sont es sciences mathematiques et en aucunes autres. (Oresme, E.A.C., c.1370, 331)

Entendement pratique

Et l'autre partie est appelee entendement pratique et est vers les veritéz qui sont es ars et sciences des fais humains ou il a pluseurs veritéz qui ne sont pas simplement neccessaires. (Oresme, E.A.C., c.1370, 331)

Entendement charnel. Esprit terre-à-terre.

Et ce se fait pour debouter l'entendement charnel, c'est assavoir qu'on ne cuide ce que le Pere pour l'anchienneté de lui ne soit reputé impotent, le Filz a cause de sa jonesse ne soit reputé moins sage et le Saint Esperit a cause de sa soudaineté soit tenu estre cruel. Ceste raison apartient aux simples. (Somme abr., c.1477-1481, 159)

[Qualifications laudatives]

Bon/clair/vif/subtil entendement

Ma dame reverent et chiere, Digne de loange et d'onnour, Excellent en toute valour Que cuers porroit ymaginer, Yeus vëoir, oreille escouter, Main figurer, ne bouche dire, Soutils entendemens descrire, Goust savourer, ne tast sentir... (Mach., R. Fort., c.1341, 83)

Et posé que nul corps ne fust, encore est ce simplement impossible et enclot contradiction que Dieu feist et formast une chose corporele qui eust plus ou moins de dimensions si comme chascun de cler entendement puet legierement ymaginer. (Oresme, C.M., c.1377, 56)

...la gloire et joye de soubtil et bon entendement precelle toutes autres leesces (Chr. Piz., Faits meurs Ch. V, S. I, 1404, 35)

Pieça, en jeunesse fleurie, Quant de vif entendement fu, J'eusse apris en une heure et demye Plus qu'a present (CH. D'ORLÉANS, Ball. C., c.1415-1457, 179)

Cestui fut maistre de Ullixes, qui puis fut de subtil entendement et fut moult congnoissant en la science de astrologie et eut grande affinité à Molla, juge d'Israël (Simon De Phares, Astrol., c.1494-1498, f° 26 r°)

Par métonymie. au pluriel. Les grands esprits.

Car non pas seulement moy, femme simple et ignorent en qui n'a science ne autre savoir ne mais stille vulgal et rural en fait d'escripture, mais tous haulx entendemens remplis de clergie, orateurs sages stillés en rethorique, droit, et raison, obligé de chanter de toy en vers et en proses, si que à tousjours en demeure memoire. (Chr. Piz., Paix W., 1412-1413, 60)

Zehelon, le venerable docteur, grant philozophe et astrologien, fut en ce temps et fut au concille de Cartage, tenu l'un des plus beaux entendemens et perspicu, qui fust ou nombre de IIcXXVIII prelatz. (Simon De Phares, Astrol., c.1494-1498, f° 98 v°)

Sain d'entendement. En possession de ses facultés intellectuelles.

...car si celle pension ou porcion estoit excessive et tropt grande, elle seroit au préjudice et dommaige de toute la communaulté, ainsi que à chacun sain d'entendement peult legièrement apparoir. (Oresme, Monnoies W., c.1365, XXV)

Ce jour, fu esleu par voie de scrutine maistre Berthelemin Hamelin, licencié in utroque et advocat escoutant ceans, ou lieu de maistre Guillaume de Marle, conseiller du Roy en la Chambre des Enquestes, qui doit monter en la Chambre Grant, ou lieu de messire Guillaume de Gaudiac, docteur in utroque, doien de S. Germain l'Aucerroiz de Paris et conseiller dudit Seigneur ceans, moult notable clerc en son temps, et seigneur de très belle et commendable vie, qui puiz IIIJ jours ou environ, sain d'entendement et aagié de IIIJxx ans, est alé de vie à trespas. (Baye, II, 1411-1417, 185)

[Qualifications négatives]

Gros/pauvre/petit/rude entendement

Et de ce se esbahist et merveilla Empedocles en disant que ceulz qui par leur langue ont ceste vanité moutepliee ont petit entendement en ce que il dient que les parfondeurs ou parfondeces de terre sont infinies, et que aussi l'air en haut est infini. (Oresme, C.M., c.1377, 542)

Puis donques, tres souverain Seigneur, que j'ai en vous tres parfaite fiance, qui suis honme de tanve estude et de rude entendement, voeillés moy, en pitié, soubstenir tramblant, et corriger pechant, reconfortés et aidés vostre escrivain, car ce petit traitié, lequel sera le Songe du vergier appellé, povés corriger, suppleer et adrecer, ainsi, et par telle maniere que, en corrigent et en suppleant, plus grant gloire et louange vous soit deüe et donee que a moy (Songe verg. S., t.1, 1378, 11)

Or ay devisé grant partie De ce lieu, ou est departie Mainte aventure par Fortune, En qui n'a seureté aucune, Si com je le sçay deviser, Et com je le pos aviser, Selon mon povre entendement. (Chr. Piz., M.F., II, 1400-1403, 99)

...quel gloire incomprenable à nostre congnoissance et rude entendement qui en cestui monde ne le puet proprement sentir, dist Saint Augustin. (Chr. Piz., P.V.H., 1416-1418, 45)

En ceste dolente et triste pensee, qui tousjours se presente a mon cueur et m'acompaigne au lever et au couchier, dont lez nuys me sont longues, et ma vie ennuieuse, ay ja par long temps travaillié et foullé mon petit entendement, qui tant est surprins et environné de desplaisans frenesies, que je ne le puis exploicter a chose dont me vienge liesse ne confort. (Chart., L. Esp., c.1429-1430, 3)

Et combien que au premier celle gent demy brute querist la substentation de vivre ains que la congnoissance de Dieu, et comme l'estre dez choses soyt enchainé, entrerent par la congnoissance des choses a eulx necessaires ou desir de congnoistre lez parfaytes, ilz eurent au commencement gros entendement desnué de discipline et naturel sens sans longue experience. (Chart., L. Esp., c.1429-1430, 170)

Et quant je vy son doulx regard, Je luy vins dire : ' Dieu vous gard ' Et la saluay doulcement Selon mon povre entendement. (Régn., F.A., 1432-c.1465, 162)

Et s'il est homme qui tienne son mesnage, Qui ait hostel qui luy soit d'avantage, Rentes et biens assez souffisamment, Du blé, du vin, du boys et du potage, Ung beau jardin pour avoir du fruictage, Pour son estat maintenir doucement, Sans rien devoir pour vivre lyement, S'il n'est content, quant a moy je suppose Qu'il est homme de povre entendement, Et puis dire par tout publicquement : Fol est celluy qui plus demander ose. (Régn., F.A., 1432-c.1465, 165)

Et pour ce pour abreger je conclus selon mon povre entendement que devez entendre a ce traictié de paix, et que, ce fait, vous devez assembler voz trois estas en vostre ville de Paris, capital de vostre royaulme, pour avoir advis de trouver les moiens de remectre vostre royaulme sus, et y faire regner justice, et trouver expediens en toutes les doubtes qui peuent sourvenir (Juv. Urs., Loquar, 1440, 435)

[Pour qualifier avec humilité l'intelligence humaine face à Dieu]

...a ce que (...) par la lumiére feussent enluminez les entendemens obscurs a cognoistre Dieu cy aval en partie (Mir. chan., c.1361, 139)

Il a fait moult grant allegence A noz simplez entendemens, A nous faire les preschementz Qu'il nous a naguieres aprins. (Gréban, Pass. J., c.1450, 417)

Dur d'entendement

Helas, helas, le grant tourmant Que vous souffrés, Jhesus mon filz ! O felons durs d'entendement, Qui frapés tant, Bien estes de maleur remplis ! (Pass. Auv., 1477, 198)

...comme bien seroit requis à vostre très sacrée Majesté, de supporter et supplier mon petit entendement (Simon De Phares, Astrol., c.1494-1498, f° 8 r°)

d)[Comme faculté vulnérable]

Troubler l'entendement de qqn. Égarer qqn, faire perdre sa lucidité à qqn.

...Et, s'il dort, qu'il soit reveillé ; Et qu'il n'ayt livre ne livret, Car cela du tout l'enyvroit Et luy troubloit l'entendement. (Maistre Mim. T., c.1480-1490, 258)

Le duc de Bourgongne se trouvoit obstiné, et luy avoit Dieu troublé le sens et l'entendement, car toute sa vie il avoit travaillé à faire passer les Angloys, et, à ceste heure qu'ilz estoient prestz et toutes choses bien disposées pour eulx, tant en Bretaigne que ailleurs, il demouroit obstiné en une chose impossible. (Comm., II, 1489-1491, 14)

Avoir l'entendement troublé

Si ne soit pas tenu a faute, Pour ce qu'ay de santé deffaute, Dont troublé mon entendement Est a present aucunement (Chr. Piz., M.F., II, 1400-1403, 156)

Or avoit ledict duc passé ce terme de beaucoup de jours, et ceste seulle craincte et ambicion de Nancy luy fist bailler ledit connestable, comme avez ouy, tout ainsi comme, en ce propre lieu de Nancy, il avoit commis ce cryme, justement après qu'il eut remys le second siège et fait mourir ledit Sifron (lequel il ne voulut ouyr parler, comme homme qui avoit jà l'ouye bouchée et l'entendement troublé), fut en ceste propre place deceü et trahy par celuy dont plus se fyoit et par adventure justement payé de sa desserte pour les cas qu'il avoit commis dudict connestable et par avarice de ladicte ville de Nancy. (Comm., II, 1489-1491, 140)

L'entendement est meslé/lié. L'esprit est brouillé.

L'ung dit qu'il y fait bon aler [dans l'autre monde] Et que tout plaisir y habunde, L'aultre dit que douleur parfonde. L'entendement est tout meslé : Mais d'y aler nulz ne s'i fonde. (Prisonn. desconf. C., c.1488-1489, 41)

Ce faisant, je m'entroubliay, Non pas par force de vin boire, Mon esperit comme [var. L'entendement] lÿé. (Villon, Lais R.H., c.1456-1457, 28)

Desmeller l'entendement. Retrouver ses esprits.

Puis que mon sens fut a repos [après cette perte de conscience, cet entroubli] Et l'entendement desmellé, Je cuiday finer mon propos, Mais mon ancrë estoit gelé Et mon cierge trouvay soufflé (Villon, Lais R.H., c.1456-1457, 30)

Estre hors d'entendement

Troublee suis et hors d'entendement, Desollee (suis) et toute fantasticque. (Sots mal., c.1480, 86)

Perdre (le sens et) l'entendement

Vous vous mettez en dangier de perdre sens et entendement, ad ce que je voy vostre doleur tant aspre. (C.n.n., c.1456-1467, 536)

Oudit an, le lundi XXVe jour dudit mois d'aoust, le roy devint fort malade en son hostel des Montilz lés Tours, tellement qu'il perdit la parolle et tout entendement (Roye, Chron. scand., II, 1460-1483, 135)

Et, de ceste espoventable et merveilleuse chose, ung homme, en la place de Greve, qui à ladicte heure aloit oyr messe au Saint-Esperit, fut de ce si très espoventé qu'il en devint fol et perdi son sens et entendement. (Roye, Chron. scand., I, 1460-1483, 141)

J'ay leu en tant de librarie Que j'ay l'entendement perdu, Et si n'ay pas partout bien veu. (S. fol, c.1480-1490, 8)

Il tenoit la si doulcement Qu'il y perdit l'entendement, Car certes le bon Triboulet Buvoit quarte de vin tiré. (Vig. Trib., c.1480, 231)

2.[À propos d'un animal] Aptitude à apprendre.

Il a hardiesce et vaillance Et vitesce et recongnoissance Et est de tel entendement Que de legier tres bien aprent. (La Buigne, Rom. deduis B., 1359-1377, 317)

B. -Par métonymie. Ce qui est à comprendre, à entendre ; façon de comprendre.

1.Sens, interprétation, signification, explication.

Par ces raisons s'en couvient taire Pour les entendemens divers Qui sont aucune fois pervers. (Mach., J. R. Nav., 1349, 270)

Plusieurs retiennent bien en memoire les paroles mais ilz n'ont pas l'entendement des paroles, et se ne veullent estudier afin qu'ilz les puissent entendre. (Daudin, De la erudition H., c.1360-1380, 67)

Chelui est tres bon liseur, qui actent l'entendement des choses dittes anchois que de soy il y mette quelque chose, et plus y met qu'il ne oste (Daudin, De la erudition H., c.1360-1380, 131)

Se aucune parolle a .III. ou .IIII. significacions, tantost il est dit doubteus, c'est a dire qu'il a pluseurs entendemens. (Foul., Policrat. B., II, 1372, 152)

Et par ce s'ensuit que espere est la plus petite figure de toutes en la significacion et entendement maintenant mis. (Oresme, C.M., c.1377, 394)

Quar, ja soit ce que le theologien ait en la Sainte Escripture plusieurs paraboles, toutevoies, onques il n'y en sçot tant que un phisicien n'en sache plus faire et controver. Et dist la loy civile que, pour ce que ilz scevent user de telles paraboles et de paroles de divers entendemens devant lez princes et lez aultres seigneurs, ilz devent estre appellés parabolains, et ainsi sont nommés en Droit. (Songe verg. S., t.1, 1378, 78)

...l'entendement de la Saincte Escripture est double : un qui est hystorique ou literal, l'autre qui est mistique et espirituel (Songe verg. S., t.1, 1378, 171)

Et pour ce sont telz mos appellez equivoques et retrogrades, car en une meisme semblance de parler et d'escripture ilz huchent et baillent significacion et entendement contraire des mos derreniers mis en la rime, si comme il apparra en ceste couple de balade mise cy après (Desch., Art dictier R., 1392, 277)

'Beaulx seigneurs, deportez vous de ymaginer a la subtivité de ce lay, car il n'est homme vivant qui sceust penser l'entendement sy non celui ou ceulx a qui il touche...' (Percef. III, R., t.1, c.1450 [c.1340], 278)

Mais quant la pucelle eut oÿ l'entendement du mandement de son pere, elle y vint (Percef. IV, R., c.1450 [c.1340], 207)

Et quant vous dittes qu'il est venu expugner le deable pour nous, en quel sens ou en quel entendement osez vous dire ceste parolle ? (Crap., Cur Deus, De arrha B.H., c.1450-1460, 171)

Je (...) ce petit livret (...) vous donne et presente (...) vous supplyant humblement et aux nobles quy le liront ou oront lire, que se parfluïté ou trop d'abondance de langaige y est trouvee, il vous plaise suppleer mon ignorance et regarder a l'entendement de l'histoire plus que a l'ordonnance et fachon de mon ouvrage. (Gérard de Nevers L., c.1451-1464, 2)

Par hoquettemens, qui empeschent l'entendement des paroles, entendons lez mouvemens de la desordonnance de propre voulenté, qui empesche la maniere de droitte raison (Nouvelles inéd. L., p.1452, 118)

Puis le Jouvencel se esjouit et dist : 'C'est joyeuse chose que la guerre ; on y oït, on y voit beaucoup de bonnes choses, et y apprent moult de bien. Quant elle est en bonne querelle, c'est justice, c'est deffendre droicture. (...). Et, quant la guerre prent en cest entendement, c'est ung plaisant mestier et bon à jeunes gens...' (Bueil, II, 1461-1466, 20)

Faire entendement que. Donner à entendre que.

...se le cappitaine avoit fait entendant [var. entendement] qu'il avoit povoir et l'avoit asseuré de touz lez François.. (Bouvet, Arbre bat. R.-B., c.1386-1389, 360)

Pour bref entendement. En bref.

Et, pour brief entendement, se tu veulx savoir la neccessité de toutes lez chouses que Dieu a faittes, tu dois dont savoir que toutes chouses il a faites par telle neccessité que il les a volu ainsi faire, ne quelconque neccessité n'y ait point precedé ne avancié sa voulenté, mais les chouses toutes sont car il les a voulu estre (Crap., Cur Deus, De arrha B.H., c.1450-1460, 244)

Entendement pratique. Explication concrète.

Car selon l'operacion de chascun sens est delectacion. Et semblablement, selon entendement pratique et selon speculacion. (Oresme, E.A., c.1370, 507)

2.Façon de comprendre ; avis, opinion, conception.

Mais sachiez bien, Dame, comment qu'il n'ait partout que bien, Qu'en ce vostre entendement et le mien Ne se joingnent, ne acordent en rien, Eins sont contraire, Einsi com je le vous pense a retraire, Quant poins sera. (Mach., J. R. Beh., c.1340, 93)

Qui ainsi fait, en mon entendement Com je le dis et comme je propose, Il me semble que c'est fait sagement. (Régn., F.A., 1432-c.1465, 165)

Madame, dist le chevalier, ne vous courroucés point a moy de ce que j'ay dit, car sachiés que mon entendement est que l'amour que on dit estre entre le chevalier et la dame n'est fors en espece de mariage. (Percef. IV, R., c.1450 [c.1340], 360)

...et se devoit faire ce qu'il fit, car a l'onneur de Dieu il le fit, selon mon entendement. (Crap., Cur Deus, De arrha B.H., c.1450-1460, 250)

Donc, et si loisible est d'en parler par manière de conjecture, ainsi que divers entendemens diverses choses conçoivent (...) il sambleroit (...) que ceste mort du jeusne roy ait esté faite par jugement de Dieu pour exempler le roy et reprendre en son chemin (Chastell., Chron. K., t.2, c.1456-1471, 385)

Et à mon entendement, l'Empereur, le Roy des Rommains, vostre pere, et vous après eulx, avez droit en la duchié de Mylan ou portion de droit, dont en pourrez plus plainement enquerir et savoir la verité. (La Marche, Mém., I, c.1470, 29)

Et, combien que la bordure des armes de Portugal soit de gheules semée de chasteaulx d'or, ne desplaise aux paintres et aux deviseurs, car la bordure de gheules est bonne, mais les chasteaux sont faulx, selon l'entendement du Roy Henry, car ce doivent estre confennons qui sont les armes de Boulongne. (La Marche, Mém., I, c.1470, 38)

3.Façon d'envisager les choses, intention, dessein, volonté.

Guillaume, assez souffissanment, Selonc le vostre entendement, Avez vostre propos baillié ; Mais vous l'avez trop court taillié Pour avoir droit pour vous si tost ; Car uns autres poins le vous tost. (Mach., J. R. Nav., 1349, 208)

Or vous di, foi que je doi m'ame, Que la response de ma dame Me donna double entendement, Mais oultre son commandement Je ne fuisse ja mais passés. (Froiss., Par. am., c.1361-1362, 77)

...à quoy a dit que l'entention et entendement, quant à la maniere de la Court, estoit l'entention dudit recteur (Baye, I, 1400-1410, 342)

Car le proufit et la proye mainent les affections legieres et variables des convoiteux a soy mettre en aventure, mais l'onneur et la loiaulté des vertueux mainent le cuer, le sens et l'entendement, a leurs vies exposer pour le salut publique. (Chart., Q. inv., 1422, 53)

Autres femmes a moy venoient Qui leurs secretz si me disoient, Dequoy des biens souvent avoye, Car balades je leur faisoye, Selon leur vray entendement. (Régn., F.A., 1432-c.1465, 90)

Et quant le noble Pierre eut entendu parler le chevalier, (...) il disposa en son noble couraige et entendement (...) qu'il yroyt comme chevalier errant par le monde. (Belle Maguel. C., 1453, 2)

Messire Henry, vous estes ung chevalier de bien, et me samble que vous portez enseigne a vostre bras (...). Je suis ycy venus devers vous pour y touchier a tel entendement que, se vous avez riens en ceur touchant ceste enseigne, je le vous accompliray a l'ayde de Dieu et pour l'onneur de vostre dame (Chastell., Chron. IV, D., c.1461-1472, 137)

Mes pour la chose ainsi parfaire, Feray a mon tendement [l. entendement]. (Myst. siège Orléans H., c.1480-1500, 590)

À l'entendement de qqn. Selon la volonté de qqn.

Je laysse aux amoreux malades Qui ont espoir d'alegement Faire chançons, diz et balades, Chascun a son entendement, Car ma dame en son testament Print a la mort, Dieu en ait l'ame, Et emporta mon sentement Qui gist o elle soubs la lame. (Chart., B. Dame, 1424, 332)

'Seigneurs qui estes icy, je vous advertis comment a mon entendement et a vostre correction j'ay ordonné que les escuiers a leur requeste demain avront la journee pour eulx, car ilz sont quatre qui a la jouste responderont contre tous ceulx de dehors...' (Percef. IV, R., c.1450 [c.1340], 21)

Entendement de + inf.

Certes, en moy n'a scens n'entendement De faire riens qui touchast à baudour... (Mach., L. dames, 1377, 86)

Et en moy n'est entendement ne sens D'escripre fors ainsy comme je sens. (Chart., L. Esp., c.1429-1430, 2)

Je ne puis croire qu'il ait le sens ne entendement d'estre amoreux. (La Sale, J.S., 1456, 56)

Et, se vous aviez vostre entendement de donner tousjours à vostre adversaire en ung lieu et vous veissiez qu'il y donnast provision, pareillement devez changer propos (Bueil, II, 1461-1466, 102)

III. -[Correspond à s'entendre] Accord, entente, convention, arrangement.

Or sur ce mesme temps estoient allés à Calais le conte d'Estampes, l'évesque de Toul, le mareschal de Bourgongne, tenir un parlement avecques les Anglès, le conte de Varvyc et aucuns autres, pour la rénovation des trèves entre le roy anglès et le duc, avecques aucuns autres secrets entendemens qu'ils avoient ensemble sur autres grandes matières particulières (Chastell., Chron. K., t.3, c.1456-1471, 428)

...comme les deux maisons anciennement avoient esté ennemies ensemble, il sembloit bien sonner estrangement que ung conte d'Ermignac se venist rendre en ses mains et en ses terres [du duc de Bourgogne] , ne feust que quelque grant entendement y eust entre eulx (Chastell., Chron. IV, D., c.1461-1472, 256)

Et deppuis changerent les entendemens et bonnes amytiés qui estoient entre le conte de Charrolois et ledit connestable, pour ce que de là en avant ledit connestable se declaira François, et habandonna la hantise dudit conte (La Marche, Mém., III, c.1470, 25)

Dict qu'il entendoit que par lesditz scellés y eust eu amitié et entendement entre eulx et qu'ilz eussent esté les plus fors et eussent promis ne faire point de guerre à mondit seigneur de Bourgoigne pour le moins. (Le Clerc, Interp. Roye, c.1502, 351)