ENQUESTE

substantif féminin

[T-L : enqueste ; GDC : enqueste ; AND : enqueste ; DECT : enqueste ; FEW (IV, 707a) : inquirere ; TLF (VII, 1158b) : enquête]

A. -Action d'enquerir, demande, interrogation.

Et pour che souventefois je requier que l'enqueste de disputation soit faite en toute pacienche et repos, afin que, se par aventure auchune chose estoit dite moins que souffissanment, qu'on le peust repeter et exposer plus clerement. (Daudin, De la erudition H., c.1360-1380, 142)

Or faut, car je li ai proumis Et par mon saielet tramis, Qu'a toute le premiere enqueste Qu'il escrira, - c'est sa requeste, - Je li rescripse et li devise Mon nom par certainne devise (Froiss., Pris. am. F., 1372-1373, 66)

B. -Recherche, investigation.

Cil phillosophe Tholomee Qui sur touz ot la renommee D'estre bon astronomïen Au temps l'emperiere Adrïen Fist d'astronomie maint code En une isle qui a nom Rode Et trouva par prouvable enqueste, Si come il dit en la Mageste, Que toute la terre et la mer Que solon le monde clamer Vers le firmament si poi monte Qu'il n'a vers li raison ne conte Fors com .I. petit point massis Emmy un tresgrant cercle assis (Tomb. Chartr. Trois contes S., c.1337-1339, 101)

...ceste maniere d'enqueste ne demoura plus entre les cleres et notables personnes, ainçois commença a deffaillir et a soy tourner sus les plus villes testes (Bers., I, 9, c.1354-1359, 26.22, 49)

Ung sage auquel on demanda la maniere et forme de aprendre, respondy que pour bien aprendre convenoit avoir pensee humble, de querir estude, vie pasible, enqueste secrete, povreté, terre estrange (Daudin, De la erudition H., c.1360-1380, 44)

Tant comme à ces enquestes et demandes, le roy d'Ermerie respondi que le grant takem de Tartarie li avoit tousjours fait guerre (Froiss., Chron. M., XII, c.1375-1400, 209)

Si mandera tantost les principaulx de ses hommes et aussi tous les prevosts et baillis de ses chastellenies, si vouldra savoir par bonne enqueste comment ilz se sont portéz le temps passé (Chr. Piz., Trois vertus W.H., c.1405, 86)

...aussi que n'ay eu espasse ne la pacience de discourir et ensercher plusieurs regions et volumes, car ce eust esté à moy enqueste trop thedieuse. (Simon De Phares, Astrol., c.1494-1498, f° 10 r°)

LE GENDARME. J'auray le terme de la court, Mais qu'il vous plaise, a tout le moins Je vueil produire mes tesmoingz, Et vueil monstrer par voye d'enqueste, Qu'il est plus licite et honneste Qu'elle soit a moy qu'autrement. (P. moyne, a.1500, 51)

Faire enqueste

Il n'en fault plus enqueste faire : Le fait si est assez prouvé. (Mir. marq. Gaudine, 1350, 138)

Et par Dieu, j'ai fait grant enqueste ou vous estes, et a pluiseurs ; mais nulz ne m'en savoit dire le certain, dont j'ai eu maintes pensees diverses. (Mach., Voir, 1364, 518)

...ne nulle enqueste n'en ai fet ne ne voel faire (Froiss., Pris. am. F., 1372-1373, 60)

'Très redoubté sire et noble roy, nous vous supplions que, se nous vous avons courroucié par celle cause ou autre, que il vous plaise à faire juste et loyal enqueste de nous et nous mener par voie de droit.' (Froiss., Chron. M., XII, c.1375-1400, 133)

...je n'eusse point passé une enqueste faite de quelque pays que ce fust, sans ce que je eusse depuis l'enqueste faite sceu que elle eust esté veritable et notable. (Froiss., Chron. M., XII, c.1375-1400, 237)

...grant cure et grant diligence je mis en mon temps du savoir, et encherchay maint royaulme et maint pays pour faire juste enqueste de touttes les choses qui cy-dessus sont contenues en ceste hystoire (Froiss., Chron. M., XIV, c.1375-1400, 3)

Et le bon homme vient et enquiert que elle a et s'esbahist fort, combien qu'il li a autreffoiz veu jouer le personnage, mes, pour enqueste qu'il puisse faire, il n'en avra ja aultre chouse (Quinze joies mar. R., c.1390-1410, 50)

Messires Gerars de Rocefort, qui chastellains en estoit, fist enqueste par ou ne conment la ville estoit prise. (Froiss., Chron. D., p.1400, 559)

Trop bien savoit tout ce messires Gautiers de Manni, que il estoit mis et ensepvelis en terre sainte en la Riole ou la priés, mais il convenoit que il fesist enqueste a ceuls dou pais, ou on l'avoit mis. (Froiss., Chron. D., p.1400, 629)

Du sourplus ne fault faire enqueste ne demande, les oeuvres sont publiques et le tesmoing en est intollerable famine (Chart., Q. inv., 1422, 22)

Et tantdiz que la diligence et enqueste se faisoit, nostre marchant, tant eschaudé de marier que plus ne povoit, faisoit de l'amoureux [Les amis d'un marchand se mettent en quête d'une épouse pour lui] (C.n.n., c.1456-1467, 557)

S'elle fut dolente et [desplaisante], ja n'est mestier d'en faire enqueste (C.n.n., c.1456-1467, 570)

FINE. De ce ne voulons faire enqueste, Mais vous viendrez o nous vrayement. (Sots triumph., c.1475, 41)

Faire enqueste de qqn. S'occuper de qqn.

Hellas, le cueur ! Hé, Dieu, la teste ! Mon treschier pere, vous dirai ge ? Ne faictes plus de moy enqueste ; La grant douleur qui me tempeste M'a mys en si tresgrant destroit Que de mourir suis toute preste. Couvrez moy ; las, je meurs de froit ! (La Vigne, S.M., 1496, 466)

C. -En particulier. DROIT Recherche, investigation effectuée par ordre de justice.

...seur l'enqueste qui par eulz seroit faite et rapportee dedens la Saint Remy darrenierement passee drois feust fais a yceulz en la diffinitive (Chartes Abb. St-Magl. T.F., t.3, 1330, 26)

Par vertu duquel acort, et pour ce que dit est et a la requeste des dittes parties, ledit nostre devancier commist par commist (et) par ses lettres les diz Pierre de Lieuviller, Jehan Harpin et Phelippe Lerart a faire laditte enqueste et a rapporter ce que il en feroient (Chartes Abb. St-Magl. T.F., t.3, 1330, 26)

Et depuis, le bailli d'iceulx religieux, veant que ledit maire des faiz et crimes imposés audit Rosseau n'estoit pas souffisamment informez mais que par la confession dudit Hubert, et que des diz crimes ledit Rosseau avoit esté interroguez et les avoit niez en soy mettant sur yceulx en l'enqueste du païs, eslargi ledit Rosseau jusques a certain jour par la terre d'iceulx religieux, auquel il promist revenir sur peine de banissement et d'estre attaint des cas a lui imposez (Chartes Abb. St-Magl. T.F., t.3, 1378, 485)

Car le juge qui juge avant enqueste faite, et partie s'i est submise à jugier sur icelles, le jugement ne vault, et le juges est reputé pour suspet (Cout. bourg. glosé P.M., c.1380-1400, 116)

...maistres Quentin Massue et Mahieu Courtois, conseilliers du Roy, avoient esté commis de par la Court à faire l'enqueste d'entre dame Marguerite de Braquemont, d'une part, et le sire de Morueil, d'autre part (Fauq., I, 1417-1420, 386)

Sur quoy conclut a esté et ordonné qu'il sera defendu que desormais aucune enqueste ne soit faicte sur reproches ne sur salvacions (Fauq., II, 1421-1430, 256)

Les autrez [procès] se fondent en depposicion de tesmoings que on dit enqueste (Juv. Urs., Aud. illos, 1432, 34)

Lequel arrest fut donné pour ce qu'il fut recellé par ledit de Meleun une depposicion d'enqueste faicte en la cité d'Ast par maistre Pierre Doriolle, conseillier de la court de parlement, d'un nommé messire Regnault du Dresnay, chevallier ; laquelle depposition signée et scellée dudit conseillier, avoit esté baillée par le roy audit de Meleun pour joindre au procès dudit de Chabannes (Le Clerc, Interp. Roye, c.1502, 161)

Estre mis en enqueste

Qui a tort soit mis en enqueste (CH. D'ORLÉANS, Rond. C., 1443-1460, 461)

Écrit portant cette information.

...ains ly sierat la dicte enqueste relivrée clouze et saielée (Hemricourt, Patron Temp. B., c.1360-1399, 72)

...fu veu et leu, mot après autre, l'enqueste et procès cy-dessus escript, par lequel lesdiz procureur du roy prisonnier avoient et ont voulu prendre droit. (Reg. crim. Chât., II, 1389-1392, 26)

...en la presence desquieulx, après ce que Jehan Pelart, prisonnier, cy-dessus nommé, et aussi ledit procureur du roy vouldrent prendre droit par l'enqueste cy-dessus faite et escripte, par ledit maistre Nicolas Bertin, examinateur, fu veu et leu, mot après autre, l'enqueste cy-dessus escripte. (Reg. crim. Chât., II, 1389-1392, 356)

...nous avons esté advertiz que en certain procés pendant en nostre court entre (...) le seigneur de Montreal, d'une part, et mess^res Raymon, Jehan et maistre Loys de Salignac, freres, d'autre, a esté de la part desdiz de Sallignac commis certaine faulceté, et avecques ont iceulx de Sallignac furtivement prins certaines enquestes appartenans audit de Montreal, lesquelles ilz ont bruslées (Lettres Louis XI, V., t.9, 1481, 107)

...les avons chargez vous bailler et rendre tous et chacuns les tiltres, enseignemens et enquestes qu'ils ont par devers eulx concernant le differant qui est entre nous et nostre trés chier et trés amé cousin le duc de Savoye (Lettres Ch. VIII, P., t.2, 1488, 13)

Les Enquestes. Chambre des Enquêtes du Parlement de Paris, chargée d'étudier les dossiers (elle recueille les témoignages et examine les pièces produites, prononce des jugés que la Grande Chambre du Parlement transforme en arrêt).

Et avec ce y furent pluseurs de messieurs des Enquestes, et fu parlé de pluseurs choses, tant de l'assignation des gages de messieurs dessusdiz et autres menues besoignes. (Baye, I, 1400-1410, 19)

...plusieurs des maistres des requestes de l'ostel du Roy nostre sire, les seigneurs des grant chambre, des enquestes, et requestes du Palais. (Ch. VI, D., t.1, 1408, 314)

En Parlement a deux chambres, c'est assavoir la Grant chambre et celle des Enquestes. (Juv. Urs., Nescio, 1445, 515)

Officier des enquestes

...maistres et autres officiers de monnoyes, ouvriers et monnoyers, les genz et officiers des enquestes, secretaires, seneschaus, baillis, vicontes, chastellains, prevoz tant fermiers comme autres, sergenz, auditeurs, examinateurs, notaires, et generaument touz autres officiers quelconques de nostre dit seigneur (Pouv. réform. D., 1357, 76)