ENGIN

substantif masculin

[T-L : engin ; GD : engin ; GDC : engin ; AND : engin ; DECT : engin ; FEW (IV, 685b) : ingenium ; TLF (VII, 1115b) : engin]

A. -Dispositions naturelles de l'être humain : intelligence, tempérament, caractère.

1.Intelligence, capacité intellectuelle, faculté de comprendre, raison.

Brief des ouevres celestiennes Et aussi des choses terriennes Savoit tant qu'elle estoit experte, D'engin si vive et si aperte, Que nuls ne le porroit despondre... (Mach., J. R. Nav., 1349, 180)

Vous estes astrologiens, Les plus haulx de sens et d'engiens (Mir. Barl. Josaph., c.1363, 243)

Par Scens aras ton engin enfourmé De tout ce que tu vorras confourmer ; Retorique n'ara riens enfermé Que ne t'envoit en metre et en rimer ; Et Musique te donra chans, Tant que vorras, divers et deduisans. (Mach., Prol., c.1377, 2)

Car l'art de l'engin humain ensuyt nature en ses oeuvres, maiz l'art divin dont tu es instrument la precede et tient serve et subjecte, et luy mue ses riglez et ses loys par espirituel povoir, qui est par dessus lez mettez de sa commission (Chart., L. Esp., c.1429-1430, 33)

Se crestiens sont tenus croire aucuns articles plus haulx que la capacité de engin humain, la est congneue la haulte excellence de leur Dieu et la divinité de leur loy, et appert qu'elle ne soit pas trouvee de erreur d'omme, maiz baillee de souverain maistre, quant elle surmonte leur invention. (Chart., L. Esp., c.1429-1430, 128)

...la povreté ou foiblesse de l'engin ne peult soustenir choses difficiles et estranges (Gordon, Prat., c.1450-1500, I, 1)

Dilatacion de pensee est quant lentendement [l. l'entendement] se extent et se espant en plusieurs choses mediter lesquelles on peult assez aisiement congnoistre comment, mais que on applique son engin et entendement. (Cib., p.1451, 185)

C'est a dire, mon ami, que l'omme qui hante les foles femmes pert six choses, dont la premiere est qu'il pert l'ame, la IJ^e l'angin, la IIJ^e ses bonnes meurs, la IIIJ^e sa force, la V^e sa clarté et la VJ^e sa voix. (La Sale, J.S., 1456, 27)

...n'estoit pas, creez, son engin oiseux, mais labouroit a toute force pour fournir la promesse a son serviteur (C.n.n., c.1456-1467, 183)

Engin divin, saint engin. L'esprit de Dieu.

Le tresdoulx corps de la vierge Marie Reserva Dieux ou plus hault throsne cler, Pour estre ainsi qu(e) une porte jolie En qui l'engien divin par sa pitié Descendre fist (Mir. enf. ress., 1353, 81)

Ce saint engien, qui fist le firmament. (Mir. enf. ress., 1353, 83)

Proverbe.

L'oisiveté fait reculer l'engin

Sur la parole dessus ditte dist saint Jherome : 'Par huisseuse l'engien est rebourssié, et lascheté est comme une enroullure de sapience'. (Daudin, De la erudition H., c.1360-1380, 39)

L'engin blessé par longue rouillure s'endort

De che dist aussi Ovide que 'l'engien blechié par longue roullure s'endort et est moult mains proufitable s'il n'est remué ou resvillié par acoustumanche...' (Daudin, De la erudition H., c.1360-1380, 39)

Locution. Frotter son engin à fausse queux. Aiguiser son intelligence au contact d'une mauvaise pierre à aiguiser (au contact d'une doctrine perverse)' (Cf. G. Hasenohr, M. fr. 14-15, 1984, 242, qui propose une autre lecture possible où queux signifie 'pierre de touche').

A fausse queux son engien frote Qui laist Seneque et Aristote, Car, ou de verité parlerent, Le droit chemin andeux monstrerent, Et est leur raison coulouree Que verité soit honneree. (Desch., M.M., c.1385-1403, 92)

[Qualifications laudatives] Engin admirable/aigu/bon/clair/delié/grand/haut/noble/subtil...

Amours, je ne savoie rien, Nès differer le mal dou bien, Quant a mon vrai cuer, que je tien, Sans riens retenir, pour tout tien, Donnas par ton soutil engien La congnoissance D'amer et d'estre en ton lien, Et le presentas sans moien Avec le corps et tout le mien A ma dame, ce say je bien (Mach., R. Fort., c.1341, 119)

Je avoye, Dieu mercy, sens et memoire et bonne souvenance de toutes les choses passées, engin cler et agu pour concepvoir tous les fais dont je pourroie estre informé touchant à ma principal matiere. (Froiss., Chron. M., XII, c.1375-1400, 2)

Et pour animer, exciter et esmouvoir les cuers des jeunes honmes qui ont subtilz et nobles engins et desir de science, afin que il estudient a dire encontre et a moy reprendre pour amour et affection de verité, je ose dire et me faiz fort que il n'est honme mortel qui onques veist plus bel ne meilleur livre de philosophie naturele que est cestui, ne en ebreu, ne en grec ou arabic ne en latin, ne en françois. (Oresme, C.M., c.1377, 730)

Treschier filz, en particuler Pour toi, qui as l'engin si cler, A ta priere et ta requeste, Ay forment traveillié ma teste Et resgardé en pluseurs livres, Afin que tu fusses delivres De marier par les exemples Que tu as devant grans et amples, Que je t'ay mot a mot escrips (Desch., M.M., c.1385-1403, 272)

Tu as assez aage et temps D'apprendre, et si as bon engin. (Mir. st Panth., 1364, 311)

Et aucune fois dient que aucuns prudenz de grant engin et de grant industrie sont incontinenz. (Oresme, E.A., c.1370, 365)

Et ainsi sont les choses repostes en pluseurs lieux sceues, et non pas en un tout seul. Et ainsi est il de nostre histoire. Elle est forte a croire, en pluseurs lieux, de ceulx qui ont gros engin, et a ceulx qui l'ont delié, legiere. (Arras, c.1392-1393, 311)

Saint Jehan Bouche d'or expose toute la vertuz de son hault et cler engin et de son eloquence souveraine a le louer ou le manifier en ung sermon ou omelie, non pourquant confesse il bien que la grandeur de voz louanges, o glorieux saint Pol, surmontoit du tout son eloquence. (Gers., P. Paul, a.1394, 493)

Li contes de Hainnau et messires Jehans de Hainnau, ses oncles, avoient cler enghien assés pour comsiderer toutes ces coses, et veoient bien les dissimulations qui estoient entre ces signeurs de l'Empire (Froiss., Chron. D., p.1400, 455)

Et a ce profittent plus larmes, pleurs et souspirs devotz que cler engin, ne estude quelconque. (Gers., Trin., 1402, 172)

Et Pierre eust pas demeuré ung an entier que per son noble et soubtil engin il sceut parler le more et le grec (Belle Maguel. C., 1453, 34)

Ascanyus, filz Eneas, fut environ ce temps de moult subtil engin et très speculatif en la science des estoilles. (Simon De Phares, Astrol., c.1494-1498, f° 40 r°)

Pachomus fut en ce temps second de ce nom, homme de admirable engin. (Simon De Phares, Astrol., c.1494-1498, f° 87 r°)

[D'une pers.] Delié/subtil de engin/eslevé en engin

Comment ce se puet faire ne puet savoir humaine creature, car ces poins et autres a Dieu retenu en son secret, et en monstre les exemples es lieux et aux personnes ou il lui plaist. Et que plus sera la personne grossiere, et plus a enviz le croira ; et plus sera deliee de engin et de science naturelle, et plus tost y aura affection que ce soit chose faisable, combien que les choses secretes de Dieu ne puet nulz savoir au cler. (Arras, c.1392-1393, 311)

Messire Pierre Lanchast, fort subtil et agu d'engin (...) s'estoit tenu long tampz à l'hostel d'ung bonnetier [pour échapper aux mutins] (Molinet, Chron. D.J., t.1, 1474-1506, 636)

Pompeius Trogus, de la nacion de Espaigne, fut homme cler et eslevé en engin. (Simon De Phares, Astrol., c.1494-1498, f° 65 r°)

[Qualifications négatives (souvent par fausse modestie)] Engin gros/imbecile/rude/mal entendant... Intelligence médiocre, obtuse, bornée.

Tu as engin mal entendant. (Mir. nat. N.S.J.C., c.1343, 239)

Un homme sui de rude engien, Si ne vous say, dame, prier (Mir. march. larr., c.1349, 94)

Et ainsi sont les choses repostes en pluseurs lieux sceues, et non pas en un tout seul. Et ainsi est il de nostre histoire. Elle est forte a croire, en pluseurs lieux, de ceulx qui ont gros engin, et a ceulx qui l'ont delié, legiere. Tout aussi que de une personne qui oncques n'aura yssu de sa region ne de son pays, ne pourroit croire maintes choses qui sont a moins de C. lieues prez de lui, et lui sera grant estrangetté, et dira qu'il ne se pourroit faire (Arras, c.1392-1393, 311)

J'ay gros engin et rude entendement, Dur concevoir et parler trop agreste Pour approchier par dit ou sentement De tes escrips, sans plus le fondement. (Robertet, Oeuvres Z., c.1450-1500, 120)

L'escript descoeuvre mon engin imbecille. (Robertet, Oeuvres Z., c.1450-1500, 166)

...moy qui suis et ay tousjours esté rude et de tresgros engin, en maintien, en faiz et en diz (La Sale, J.S., 1456, 309)

Tu m'entens bien, ou as l'engin trop rude ? (Meschin., Lun. princes M.-G., c.1461-1465, 25)

En particulier. Petit/pauvre engin

...quar vous avez resuscité mon corps, mon avis et mon petit engien, qui estoit tous arrudis. (Mach., Voir, 1364, 80)

...et se yl y a aucune chose a amender, si le veuilliez faire, car vous le sarés miex faire que je ne fais, car j'ai trop petit engien pour bien faire une tele besongne. (Mach., Voir, 1364, 94)

Et vous, tres glorieux apostres, les honnourez amis de Dieu, saint Pierre et saint Pol, entre voz honneurs ne nous oubliez pas, nous, dy je, qui sommes afflics, povres et miserables, qui selon nostre petit engin et pouoir nous efforsons vous reverer et porter gloire, nous qui demandons aucuns reliefs, aucune aumosne de vostre plantureuse table ou vous seez en paradis (Gers., P. Paul, a.1394, 484)

Et comme j'ay sceu par tes premieres lectres a moy envoyees tu desirant avoir la coppie d'un petit traictié en maniere d'epistre de par moy ja envoyé a solennel clerc, mon seigneur le prevost de Lisle (ouquel est traictié et dit au long selon l'estendue de mon petit engin l'oppinion de moy tenue, a la sienne contraire, de la grant louenge qu'il actribue a la compilacion du Rommant de la Rose, comme il m'apparut par un sien dictié adrecié a un subtil clerc docteur, sien amy, contraire a sa dicte oppinion - a laquelle la moye se confere), et pour vouloir emplir ton bon mandement le t'ay envoyé (Chr. Piz., Déb. R. Rose H., 1401-1402, 24-25)

...et quoyque ceste matiere soit moult obscure et soubtille à la foiblece de mon pouvre engin, le cours des auteurs et leurs escrips nous en fera sages, dont, en usant de leurs motifs, dirons que art, prudence, entendement, science et sapience sont les suppoz de perfaitte sagece (Chr. Piz., Faits meurs Ch. V, S., II, 1404, 10)

Et en milieu de mon oyseuse, pour satisfaire à l'ennortacion de mondit seigneur de Montferrant, j'ai fait une petite epistre audit George de la premiere empainte de mon povre engin, laquelle envoie par ce porteur, affin que par vous deux soit veue. (Robertet, Oeuvres Z., c.1450-1500, 117)

Pour quoy je fineray a tant ceste histoire, priant a mon tresredouté seigneur monseigneur le duc de Bourgoingne et a tous ceulz qui ce livre verront qu'il leur plaise excuser ce que mon povre et ruide engin n'a sceu touchier ne comprendre. (LEFÈVRE (R.), Hist. Jason P., c.1460, 240)

Au pluriel. Facultés, capacités.

Mais je ne les vëoie mie, Car dou chemin estoie arriere, Et, d'autre part, pour la maniere De ce que j'estoie entendus Et tous mes engins estendus A ma queste tout seulement. (Mach., J. R. Nav., 1349, 156)

2.Par extension. Caractère, naturel.

...et, pour ce, à ce propos treuve l'en en maintes escriptures que anciennement aux enfans des roys et princes, comme autrefois ay parlé sur ceste matiere, estoient quis sages maistres philosophes, lesquelz en avoient l'administracion et gouvernement jusques ad ce que ilz fussent parcreus et enforcis si que ilz fussent ydoines à soustenir le fais des armes, et adonc estoient livrez à la chevalerie, es mains des sages chevaliers expers en telle discipline, car n'est mie doubte, comme il est dit par maint autteur, tout ainsi comme la cire est apte et preste à toute emprainte recepvoir, est l'engin de l'enfent disposé à recepvoir telle discipline comme on lui veult baillier et aprendre (Chr. Piz., Faits meurs Ch. V, S., I, 1404, 18)

Il approcha de pres Crispe Saluste, De doulx engin et courage robuste, Et Pollion equiparable à Tulle. (Robertet, Oeuvres Z., c.1450-1500, 172)

...pou de temps aprés, il vint ung amant devers elle, qui lui promist argent, et puis ung autre, et aprés plusieurs, ainsi que c'est l'estude et engin de touz jeunes hommes. (Rippe, Andrienne, a.1466. In : Chrestom. R., 38)

En aprés, touz en une voix disoient bien et louoyent mes bonnes fortunes, qui avoye ung filz ennobly de si bon engin. (Rippe, Andrienne, a.1466. In : Chrestom. R., 38)

...Car, par amours, jeune enffant s'abillite En dances, lustes et saulx adventureux Et d'estre rustre en tous temps se delicte. Par cest endroit l'engin se debillite Et prent ung ply que jamais ne luy fault : Le cueur se ruse et le corps s'agillite (La Vigne, S.M., 1496, 191)

B. -[Manifestation de ces facultés : aptitude à trouver des procédés divers pour atteindre des fins pratiques] Habileté, ingéniosité.

1.[Avec une valeur positive] Art, habileté, adresse, savoir-faire, talent (dans tel domaine d'activité).

Car tout aussi com d'une drame Le bon maistre garist et drame L'ueil empeschié de catharacte, Dou quel il couvient qu'il abate Par soutil engien une toie Qui la clarté tient et desvoie, Et li rent sa clarté premiere, Tout einsi me rendoit lumiere De cuer, de memoire et de l'ueil, Et me metoit d'umbre en soleil Sa clarté et sa resplendeur. (Mach., R. Fort., c.1341, 56)

Et celles [sept branches] de si grant engien Et si magistraus faisoit estre Que trestout ce qui pooit nestre Ne desous leurs eles comprendre, A elles estoit a reprendre. (Froiss., Joli buiss. F., 1373, 101-102)

Et en toutes guises doit avoir plus grant engin en chascier et rechascier le chevreul qu'il ne doit avoir en nulle autre beste. (Gast. Phébus, Livre chasse T., 1387-1389, 219)

Cedit jardin [de l'abbaye] est fait en telle maniere que tous les arbres par espicial y sont norris par engin et par force ; car en tous les lieux ou les arbres sont plentés, il y a mur de pierre et de terre seiche a l'entour. Et y a plusieurs des freres moignes de leans qui se congnoissent en courtillage, qui sont commis et ordonnés a gouverner lesdis arbres et jardin d'eaue doulce et d'aultres choses necessaires. (Voy. Jérus., c.1395, 48)

L'autre musique instrumental, qui est la droite propre et la vraie musique, a es chans et es sons dont nous usons son lieu principalment, soient chans excercez par nostre voix humaine ou par aucuns instrumens faiz par l'art ou par engin humain, si comme sont vieles, psalterions et harpes, orgues, muses, fleutes, timbres, tabours, cimbales et moult d'autres instrumens qui a ces .IIJ. manieres peuent bien estre ramenez. (Evr. Conty, Harm. sphères H.P.-H., c.1400, 70)

...ouquel mestier elle fut de si grant engin que par texure elle faisoit tout ce que un peinctre faisoit d'un pinceau. (Premierfait, Cas nobles hommes G., 1409, 212)

Ung riche palais ancien avoit de coste soy, somptueusement edifié de murailles eslevees et de haultes tours, compassé, comprins et environné de diverses et differentes habitacions par engins de souverains ouvriers, enrichy d'entailleures, paintures, armoeries et autres menueries a l'ueil plaisans (Chart., Q. inv., 1422, 9)

De ses vertus [d'une femme] je ne me pourroye taire, Mais a les dire y auroit trop a faire, Car je n'ay pas l'engin ne la memoire Pour raconter les biens que contenoit. (Hautev., Compl. H., c.1441-1447, 58)

Et fin de compte l'apressa tant la royne qu'il fu constraint de luy dire sa demande, car c'est ung engin mervilleux que de femme quant elle se vuelt a quelque chose aplicquier. (Saladin C., c.1465-1468, 109)

En particulier. Moyen de traitement (en médecine).

Cest unguent conferme la peau et la consolide et multiplie les cheveulx si non que la peau fust endursie et caleuse car en une peau caleuse par nul engin de medicine ne peult croistre cheveu (Prevost, Cir. Guill. Salicet, 1492, I, 3)

...il n'est tour ne engin que les dictz medicins sachent pour alleger quelque pou de ce destresseux mal. (C.n.n., c.1456-1467, 33)

Engin de curer / engin de medecine / engin medicinable. Moyen de traitement.

...car les engins de curer maladies ne viennent pas des causes primitives, mais viennent de l'essence et nature de la maladie ou du membre (Gordon, Prat., c.1450-1500, I, 2)

Pour ce tu dois sçavoir qu'il sont plusieurs engins de curer : aulcuns sont a digerer, aulcuns a conserver, aulcuns a evacuer (Gordon, Prat., c.1450-1500, I, 5)

Cest unguent conferme la peau et la consolide et multiplie les cheveulx si non que la peau fust endursie et caleuse car en une peau caleuse par nul engin de medicine ne peult croistre cheveu (Prevost, Cir. Guill. Salicet, 1492, I, 3)

...par medicine ne aultre engin medicinable (Prevost, Cir. Guill. Salicet, 1492, I, 47)

2.[Avec une valeur neutre]

a)Moyen, procédé, invention, stratagème (pour parvenir à une fin).

Gieffroy lui respondi et lui dist : 'Beaux doulx amis, se ainsi estoit que je feïsse tant par mon engin et par mon conseil que tu eüsses la seignourie sur eulx qui t'emplaident par leur barat, et de chascun autant ou plus qu'ilz cuident avoir de toy, quel loyer m'en donroies tu et quel guerredon ?' (Bérinus, I, c.1350-1370, 58)

Et ainsi comme nous estions au plus grant peril, une voix vint a monseigneur et dist : 'Berinus, se tu vueils promettre et vouer que, quant tu venras a terre et tu querras engin par quoy tu boives toute l'iaue de la mer, sanz rien boire de l'eaue doulce, je te delivreray et toute ta maisnie sains et saufs de ce tourment.' (Bérinus, I, c.1350-1370, 92)

Et quant Prudens qui estoit la plus sage, ot quiz et gardé partout, et il ne pot trouver nulle entree, si commença a penser et a soubtiller comment celle perte pouoit estre avenue, maiz il ne pot concevoir nul engin par quoy on peüst entrer sanz sa clef (Bérinus, I, c.1350-1370, 386)

A ces mos s'avanchièrent chevalier et escuier pour trouver voie, art et engien de passer oultre au pont. (Froiss., Chron. R., XI, c.1375-1400, 17)

LE SERGENT DU MARQUIS [à Griseldis]. (...) Je vous suppli que pardonner Me vueilliez et non imputer Ce dont je suis contraint au faire. Tressaige dame estes d'affaire Et assez savez par raison Que c'est d'estre en subjeccïon Et soubz puissance de seigneur, A laquelle, ne par rigueur, Ne par nul engin, resister On ne pourroit, ne contrester, Qu'exemples avez veü mains. (Gris., 1395, 54)

Si ne pooient li signeur plus aviser voie, maniere ne enghien conment il peuissent le chastiel de Agillon avoir et destruire. (Froiss., Chron. D., p.1400, 671)

Si leur couvient engin trouver, Comment pourront leur fait saulver. (Chr. Piz., M.F., III, 1400-1403, 240)

Si les faisoit, par son savoir, Par aucun engin remouvoir [Pronotheüs, sculpteur, réusssit par un stratagème, à faire bouger ses statues] , Quant ilz estoient assouvis, Si cuidoient [les gens] qu'ilz fussent vifs. (Chr. Piz., M.F., II, 1400-1403, 283)

...mais au roy ne chaloit de rien, synon de trouver tour et engin de grever sez ennemis et reconquerir sur eulx son pays que par force ilz avoient pris. (Comte Artois, c.1453-1467, 68)

...ilz pensoient, et jour et nuyt, par quelle façon et moien ilz se pourroient rencontrer ; mais ilz n'y savoient engin trouver (C.n.n., c.1456-1467, 306)

b)[Avec une valeur variable selon le point de vue, quand il s'agit de capacité à trouver des solutions là où le recours à la force est impossible ou inefficace]

Et en mainte maniere je t'ay essayé, mais neant n'y ay conquesté, ne force ne engin n'y puet valoir ne aidier, car ta loyauté tant seulement t'a garanti. (Bérinus, I, c.1350-1370, 256)

...li roys moult se mervilla, Pour ce qu'il li avoit promis Que s'en païs des annemis, Par engin ou par hardiesse, Pooit penre aucune fortresse, C'un an entier le serviroit, Et que de li ne partiroit. (Mach., P. Alex., p.1369, 102)

Et puis chevauça vers le ville de Mauron (...) Mais il ne l'eurent mies par leur assaut. Si se logièrent là celle nuit, et le gaegnièrent à l'endemain par l'engien et le sens d'un chevalier de Gascongne. (Froiss., Chron. L., III, c.1375-1400, 91)

Se par engin n'est prinse ja le roy ne l'ara [la place] (Cip. Vignevaux W., p.1400, 34)

Mais or voyez comment Fortune Contre le bien de ceulx repune, Qu'elle veult du tout agrever, Car tous ceulx du monde grever, Se la fussent, en verité, Ne peüssent a la cité Par siege, ne par autre engin, Ne par force d'umain engin, Tant estoit fort et permanable Et de tout le monde imprenable (Chr. Piz., M.F., II, 1400-1403, 181)

Et, quant ot Caldee soubzmise Et Assire, tout a sa guise, A Daires le regne laissa, Qui de lui le tint, puis passa En Lide sur le roy Crocés, Qu'il tant mena, par lonc procés, Que par engin et par bataille L'occist, et le regne, sanz faille, Conquist (Chr. Piz., M.F., II, 1400-1403, 201)

Jugurte, qui par force et engin avoit seigneury en Auffrique, s'avança la mort es prisons de Rome, voullant abregier le douloureux temps de sa captivité. (Chart., L. Esp., c.1429-1430, 19)

Et se l'interestz, sans orgueil ne aultre maltallent, pour son bon droit requiert battaille, ne doit doubter engin ne force, ayant espoir au vray et trespuissant juge qu'il sera pour luy. (La Sale, Salade, c.1442-1444, 223)

...sans engin ne porrions bonnement resister a l'entreprise des Sarrazins qui sont bien cent et cincquante mille (Comte Artois, c.1453-1467, 69)

Proverbe. Mieux vaut engin que force

Tant i fist de proèches n'est sé merveille non, Et délivra le roy de la geste Mahon : Ce fu bielle sience et noble avision. Mieux vaut engiens que force, à le fois le dist-on. (Baud. Sebourc B., t.2, c.1350, 66)

'...Il fait boin ouvrer par engien, quant on ne poet avant aler par force...' (Froiss., Chron. L., II, c.1375-1400, 97)

Engin vault mieulx que force, comme recite ceste fable d'une belete ancienne, laquelle ne pouoit plus prendre les ratz. (Macho, Esope R., c.1480, 132)

Comme dit un vercifieur : 'L'engin surmonte les forces...' (Colart Mans., Dial. créat. R., 1482, 268)

Au figuré. Manière.

Il pourpensa art et engin comment il le peüst avoir ne oster de ce vilain lieu (Bérinus, II, c.1350-1370, 1)

Mais sachiez, se vous me voulez croire et vous plaist a oïr mon conseil, le larron ne se pourra garantir ne tenser par nul engin qu'il ne soit recongneü et le tresor trouvé (Bérinus, II, c.1350-1370, 34)

Par tel engin que. De telle manière que.

Item au mast de la nef doit avoir fort attachié un tref, lequel soit ferré de l'une part et de l'autre, et là miz par tel engin que on le puisse haulcer et abaisser et en ferir grans coups, qui viennent hurter contre la nef des ennemiz (Bueil, II, 1461-1466, 58)

Engin de qqc./de + inf. Possibilité, désir, volonté de.

'Sire', che dist Corsubles, freres Salehadin, 'Ja crestien n'eüssent eüt coer ni engin De venir si avant, sus chiaus de vostre lin, S'il ne fuissent passét cha outre le marin A grant effort de gens...' (Bât. Bouillon C., c.1350, 193)

Hermondine, qui nul engien D'amours n'avoit encor en li, A sa cousine respondi... (Froiss., Méliad. L., t.1, 1373-1388, 19)

...Et tant sachiés c'a Hermondine Fist la response trop grant bien, Car matere y prist et engien De parler puissedi assés (Froiss., Méliad. L., t.2, 1373-1388, 240)

3.[Avec une valeur négative]

Capacité de tromper, ruse.

Or vous diray que Raine fist, quant elle vit son seigneur atrait a point a sa volenté : elle soutiva art et engin, en toutes les manieres que elle sot et pot, par quoy elle peüst Berinus faire mal de son pere, si que elle le peüst enchacier ou faire mourir. (Bérinus, I, c.1350-1370, 23)

...car moult doubtoit et cremoit l'engin et le malice de l'Ennemi pour ce que moult grant ennuy il lui avoit fait par pluseurs foiz. (Bérinus, I, c.1350-1370, 245)

Pour ce que la beste nuist tant seulement par force de corps communelment, et le mauvais homme nuist plus par enging (Oresme, E.A.C., c.1370, 387)

...S'il scévent riens qu'il soit ainsi Que Clovis ait par dedeça Envoié dons ore ou pieça Par ses legaz et par engin (Mir. Clov., c.1381, 217)

Je vueil que les jouvenceaulx pensent l'engin, les ars et les laqs des femmes, et que ilz resgardent soubtilment quantes et queles choses desloyaulx soient mucees soubz celle deliee pellete de la bouche des femmes qui samble pigmentee (Premierfait, Cas nobles hommes G., 1409, 211)

...car lors advint l'istoire de Mundus et de Pauline, laquelle Pauline fut deceue par iceulx prebtres, par engin, et fut enfermée en l'église où estoit caché icelui Mundus (Simon De Phares, Astrol., c.1494-1498, f° 75 v°)

SATHAN. (...) A le tempter je prandray mes sejours. PROSERPINE. Par mon engin luy feray ses atours, Bon gré, mal gré, perdre et desavouer. (La Vigne, S.M., 1496, 369)

Remarque : Dans l'ex. suivant la loc. par mon engin est traduite par l'éd. 'par ma faute', ce qui correspond parfaitement au contexte. Est-ce l'idée négative souvent présente dans engin qui a rendu possible ce glissement vers l'idée de culpabilité (cela dans une longue laisse en -in) ?

...'Foy que doy Appollin, Se d'ycy ne partez, vous arez le hutin, Se avïez cent viez, sy serés mys a fin, Allez vous en, beau sire, tout parmy cest chemin, Je ne vouldroye mye, foy que doy a Jupin, Que vous eussiez nul mal, voire, par mon engin.' - Belle, se dit Florent, cueur avez enterin, Vostre gré je faray (Flor. Octav. L., t.1, c.1356, 101)

Faux engin. Ruse déloyale, tromperie.

Vous mentez, dist ly quens, (...) Mais vous avez au roy fait I. jeu de fauvin, Et je, pour lui aidier, comme men signeur fin, Ly quis vraie science contre vo faulz engin. (Hugues Capet L., c.1358, 232)

...dont pluiseurs malfaiteurs se sont avanciez, par la force de leurs corps et faulx engins, a faire homicides, traysons et tous aultres griefz (La Sale, Salade, c.1442-1444, 208)

Mal engin. Mauvaise intention, procédé déloyal, ruse, artifice, stratagème.

Mais en la fin, Com fins loiaus amoureus, de cuer fin Espris d'amer, sans penser mal engin, Moult humblement li dis, le chief enclin, Et sans effroy... (Mach., J. R. Beh., c.1340, 81)

Et s'il est qui m'en desprise, On verra qu'en toute guise De mal engien N'i a rien, Et qu'à ce mené M'ont juenesse, mignotise, Debonnaireté, cointise... (Mach., Les lays, 1377, 384)

Lors le mareschal les fist jurer sur sains Euvangiles que sur la foy que ilz tenoient de Dieu (...) ilz ne portoient ne savoient chose sur eulx, ne entendoient a porter, ne porteroient, comme briez, parolles, charmes, herbes, conjuracions, ne autres diaboliques operacions de mal engin (La Sale, J.S., 1456, 125)

[L'absence prolongée d'un serviteur provoque des commentaires] 'Cest homme-icy est subtil, mais ne se monstre point bon homme quant aux affaires de son maistre. Luy estant maladif, il l'abandonne si longuement ! Certes, il y va à mal engin ; il le tient pour mort ; il entend à ses besognes par-delà, pour faire une levée.' (Chastell., Chron. K., t.4, c.1456-1471, 239)

Ceux qui y pensent mal engin, leur mal engin leur vient et les deçoit. (Bueil, II, 1461-1466, 258)

Sans (mal) engin. Sans tromperie.

Mais toutes pas teles n'estoient, Car maintes dames le faisoient Einsi comme Amours le devise, Sans mal engien et sans feintise, De fin cuer loial, sans meffaire, Dous, humble, courtois, debonnaire, Par franche liberalité Et de fine pure amité. (Mach., D. Lyon, 1342, 218)

Chascuns ouevre de son office Sans mal engin et sans malice. (Mach., D. Aler., a.1349, 331)

'...Se vous volés le camp enprendre, à ce matin, Contre Cornumarans, que je n'aime ung frelin ; Et vous me le matés (...) Vous donray mille mars, cascun an, sans engin...' (God. Bouillon R., t.2, c.1356, 79)

...promettons par ces presentes lealment et en bonne foi, sens mal engin tenir fermement (Trés. Reth. S.L., t.2, 1366, 181)

Nuls d'eaus ne scet dire : 'c'est mien', Pour ce que c'est une unité, Conjointe par vraie amité, Sans barat et sans mal engien (Mach., Les lays, 1377, 341)

Et a toutes les seignouries, Que cy dessus sont esclarcies, Aux foiz, aux droiz et aux hommaiges, Aux ressors et aux heritaiges Et a tout ce qui s'en despent, Le roy de France et le regent Durent renuncier au proufit Du roy anglois, par leur escript, Et de ses hoirs, et leur bailler, Sanz mal engin, comme heritier, Les diz lieux, sans faire l'estrange, Dedens la Saint Michiel archange, Ensuiant une année après Au plus tart, et en seront près Au dit jour, et sanz nulle faille. (Desch., M.M., c.1385-1403, 385)

...une trieuves (...) furent donnees et jurees entre toutes parties, a durer jusques a la Saint Jehan Baptiste prochain venant, et tenoit casquns et casqune ce que il devoit tenir sans mal enghien. (Froiss., Chron. D., p.1400, 561)

...et renonçons à toutes allegacions et excepcions, tant de droit que de fait, que pourrions dire ou alleguer au contraire, en especial au droit disant que general renonciacion ne vault, se l'especial ne precede, et tout sans fraude, decepcion ou mal engin (La Marche, Mém., I, c.1470, 238)

Ceux du mal engin. Les gens habiles et retors.

...en la conté de Champaigne a tousjours eu bon [a] recouvrer de foison de gens lourds en la taille (...) pourtant qu'ilz sont si près voisins a ceulx du mal engin. (C.n.n., c.1456-1467, 131)

Par métonymie. [À propos d'une arme] De mal/mauvais engin. Déloyal, non conforme au règlement (des duels).

Lesquelles, se ilz ne leur sont en especial deffendues, voullons et ordonnons qu'ilz puissent combattre a cheval et a piet, armez chascun a sa voullenté de tous bastons et hernoiz pour offendre et pour deffendre, sy par eulx meismes n'estoit empris et accordé, levez tous harnoiz de malvais engin, c'est assavoir charmes, charrois et invocacions d'ennemis et toutes aultres semblables choses deffendues, selon Dieu et sainte esglise, a tous bons crestiens, ou aultrement portant la pugnicion que faulx et malvais crestien doit porter. (La Sale, Salade, c.1442-1444, 216)

...sy fut trouvé que la hache de Diégo estoit de mal engin, et qu'elle n'estoit pas telle comme ès chapitres estoit contenu. Sy luy en fut baillée une autre, non obstant que messire Philippe de Sul s'en débattist assez. (Faits Lalaing K., c.1470, 137)

Au pluriel. Procédés habiles destinés à tromper, stratagèmes, artifices, mauvais tours.

Fortune a plus de mil engiens, Pour penre et decevoir les siens ; Mais la dolente, elle n'a riens Que donner puist. (Mach., R. Fort., c.1341, 40)

Or voy que chascuns en abuse, Car je ne voy homme puissant Qui n'ait puis dis, puis vint, puis cent Tours, manieres, engiens ou ars Pour pillier hardis et couars. (Mach., J. R. Nav., 1349, 140)

Einsi me tiens Par tes engiens : S'en muir, quant piteus n'en deviens. (Mach., Les lays, 1377, 297)

JHESUS. Pierre, soyes sur ta deffense, Car Sathan ses engins assemble Pour vous tempter trestouz ensemble (Gréban, Pass. J., c.1450, 245)

Feray sçavoir mes diverses cautelles Et mes engins qui sont inumerables, Pour actraper petites puterelles, Louves puantes, matrones macquerelles (La Vigne, S.M., 1496, 222)

Procédés pour piéger qqn.

Ung soir environ la mynuyt, qu'il faisoit noir et rude temps, il descendit de sa montaigne et vint a ce village, et tant passa de voies et sentiers que soubz le toict de la mere a la fille, sans estre oy, seul se trouva. L'ostel n'estoit pas si grand, ne si pou de luy hanté tout en devocion, qu'il ne sceust bien les engins. (C.n.n., c.1456-1467, 98)

C. -Par métonymie. [Manifestation matérielle de l'intelligence et de l'ingéniosité humaines]

1.Instrument, outil.

...l'une [des divisions politiques] se nomme Ouc et l'autre Cabillau, dont le nom de l'un signifie un poisson qui a un grand engoulement et large, et l'autre signifie un engin de fer crochu et très-agu, par lequel il se prend et se estrangle. Et peut-estre qu'ils y ont aucun entendement de mistère en cecy, et est bien vraysemblable, comme si l'on voulsist dire que l'un contend à tout engouler, et l'autre à faire estrangler les engouleurs. (Chastell., Chron. K., t.1, c.1456-1471, 210)

Par métaphore. [Dans un contexte grivois] Sexe féminin.

Le droit que Dame Nature, Au moyen de l'engin qu'on porte, Fournit d'argent et de pasture Et de robbe de mainte sorte. Telle monnoye deust estre forte Et durer beaucoup au besoing, Car, ainsi qu'elle se comporte, Elle est forgee a double coing [Autre métaph. grivoise] . (Coquill., Oeuvres F., 1478-p.1494, 171)

L'une est abillee en villaige, L'autre est dangereuse au frain, Et l'autre deveroit estre saige, Car elle a ung tresgrant engin. D'une on dit qu'elle aime le hutin, Et a l'instrument compassé Comme ung houseau de Biscain, Tant a le ventre deslassé. (Coquill., Oeuvres F., 1478-p.1494, 238)

BURGIBUS. Je me veulx pendre d'une hart S'aultrement n'en venons a poinct ! PROSERPINE. Je veulx, par mon engin gaillart, Jouer d'un aultre contrepoinct. (La Vigne, S.M., 1496, 517)

Membre viril.

Si est saiges qui longuement se garde De ce grief mal ou trop nuit le connin ; C'est ce qui fait le mal de sainct Foutin Venir dessoubz, les corps esprent et art : Lors laisseront li viellart ce hutin, Maiz je me doubt que ce ne soit trop tart. Princes, qui boit chascun jour de fort vin Par son boire devient frere Frappart, Et quant vieulx est il retret son engin, Maiz je me doubt que ce ne soit trop tart. (Desch., Oeuvres Q., t.4, c.1370-1407, 281)

Au pluriel.

Instruments propres à un corps de métier, à une activité.

...tous les engins et outilz, Qu'il couvient, pour faire bastis, Trouva Nambrot (Chr. Piz., M.F., II, 1400-1403, 150)

...les pietons atout engins convenables doivent faire les fossés et bastides, et doit avoir commandeurs sur eulx, qui la chose ordenent et leur facent faire (Chr. Piz., Faits meurs Ch. V, S., I, 1404, 210)

Portoient avecques eux eschelles et tous autres engins pour prendre villes (Chastell., Chron. K., t.3, c.1456-1471, 349)

En particulier. Appareils, instruments (de pêche ou de chasse).

N'avons rois, engiens ne filés, Et des poissons avons assés ; Des engiens ne sçavons noient (Renart contref. R.L., t.1, 1328-1342, 150)

...appareillier engins et pieges, faire laz a oiseaux ou prendre as engins et chalumel ou en autre maniere est par ordenance royal fait cas criminel ou civil (Foul., Policrat. B., I, 1372, 107)

Et on les chasce [les ours] as alans, as levriers et as chiens courans, a l'arc, as espieuz, as lances et as espees, as laz et as cordes, as fosses et autres engins. (Gast. Phébus, Livre chasse T., 1387-1389, 86)

Et aussi puet on prendre des loux touz vifs a divers engins, les quieulx je diray ça devant. (Gast. Phébus, Livre chasse T., 1387-1389, 241)

...Michel de Neelle, ouvrier d'engins à pescher (Comptes Paris M., t.2, 1470-1471, 236)

...il avoit trouvé es eaues et pescheries dudit lieu de Sales, qui sont eaues defendues, deux pescheurs qu'il disoit estre des gens d'un nommé Thabouril, peschans esdictes eaues et que, pour ce qu'il s'estoit efforcé de prendre leurs engins, lesdiz pescheurs l'avoient batu (Doc. Poitou G., t.12, 1478, 217)

ST PIERRE. Enfens, nous sommes ceste foys Assez avant : noz roiz fault tendre ; J'ay espoir de largement prendre, Sy fault noz engins desployer. (Myst. Pass. Troyes B., a.1482, 959)

Et, aprés qu'il eut getté ses instrumens et tous ses raitz et engins en la mer, il pescha une petite suite ou alose marine, laquelle dist au dit pescheur... (Tardif, Apologues R., c.1493-1498, 77)

[Dans un contexte métaph.] Piège.

Ici gist le las tendu aus piéz de l'innocent [Jésus, à qui on vient de demander s'il faut payer le tribut à César] et, pour le grever et actraper, la fausse traÿson tent ses engins, mais c'est pour noient (Foul., Policrat. B., III, 1372 , 230)

Tendre à l'engin emmiellé. User de ruse, de flatterie pour arriver à ses fins.

...il a tant fait et si bien tendu a l'engyn enmielle [l. enmiellé] qu'il a villes et chasteaux, mil ou .II.^m de belle rente et de haulte seigneurie. (Mézières, Songe vieil pèl. C., t.2, c.1386-1389, 330)

2.Dispositif ingénieux.

Si m'en alai parmi le brueil Qui estoit si biaus qu'onques mais Ne vi, ne ne verrai jamais Si bel, si gent, si aggreable, Si plaisant, ne si delitable ; Et les merveilles, les deduis, Les ars, les engins [var. engiens] , les conduis, Les esbas, les estranges choses Qui estoient dedens encloses, Ne saroie jamais descrire. (Mach., R. Fort., c.1341, 30)

En milieu estoit atachiez Uns serpens d'or a douze chiés Qui par engiens et par conduis Estoient ad ce faire duis Que la fonteinne sans sejour Gettoient de nuit et de jour. (Mach., F. am., c.1361, 191)

Quand est à parler des grans estas qui y furent fais sans nombre en divers mès de boires et de mengiers très plantiveusement, par l'espace de huit jours ou environ, ilz seroient trop longz à déclairer. Et y avoit figures de unicornes et autres bestes sauvages, qui par engin jettoient clère yaue roze, vins en aulcuns lieux, en habondant de ceulx qui estoient de ladicte feste. (Monstrelet, Chron. D.-A., t.4, c.1444-1453, 371)

Pres du chasteau a ung lieu (...) auquel on a d'usaige Faire bateaux de sumptüeux ouvraige, Et grosses nefz (...) la ou gents esperitz Les parachevent tant devant que derriere. Puis par les engins, grans flotz non tariz, Ilz ne les font que mettre en la riviere. (La Vigne, V.N., p.1495, 204)

Dispositif (pour attraper des souris).

J'ay esté de divers estas Et oy crier pluseurs cris, La cote, la chappe, vieulz draps, L'engin a prandre les souris, Pastez chauls, le sel blanc, le ris... (Desch., Oeuvres R., t.7, c.1370-1407, 56)

Et se vos mesgnies vous rapportent que les ras dommagent voz blefz, lars, frommages et autres garnisons, dictes a maistre Jehan qu'il les peut destruire en six manieres : Primo, par avoir garnison de bons chatz ; .IIo., par ratieres et soricieres ; tercio, par engin d'aisselles appuiees sur buchectes que les bons serviteurs font (Ménagier Paris B.F., c.1392-1394, 131)

3.Machine.

...le marinier trouva maniere qu'il conduisi sa navire vers la montaigne, ou avoit ung moult fort chastel qui estoit sur une haulte roche sus la mer. Mais quant il fut venu jusques la, il fit signe a la guette qu'on feist avaller l'engin pour tirer amont aucunes marchandises. (Percef. III, R., t.2, c.1450 [c.1340], 83)

Pour le louage d'un angin pour dresser led. arbre... (Entrées roy. G.L., 1486, , , 287)

Engin à lever la pierre. Machine pour soulever les fardeaux (sur un chantier).

A Colin Lefranchois, charpentier, pour avoir fait l'engin a lever la pierre (Comptes Archev. Rouen J., 1460-1461, 317)

4.En particulier. Engin, machine de guerre (catapulte, canon...).

Dont commanda le roy des engins charpentier, Et qu'on en face tost XX ou XXX lever (Gir. Vienne D.B., c.1350-1400, 137)

Qui de ces quatre poins se garde En fort ville assise, il n'a garde, S'elle est de bonne gent garnie, D'engiens et d'autre artillerie. (Mach., C. ami, 1357, 120)

...maistre Gervaise Adelée, maistre des engins et autres oeuvres de charpenterie des chasteaulx et villes de Mortaing (Compte Navarre I.P., 1367-1371, 101)

À Jehan Quesnel, maistre des oeuvres du chastel de Cherebourg, pour les bons services quil [l. qu'il] avoit faiz à Monseigneur et aussi pour aide de sa raencon où il fu mis quant il fu prins en conduisant les engins quil menoit au siege d'Arondeville (Compte Navarre I.P., 1367-1371, 152)

À Perrinet Lespec de Briquebec, pour II cuirs de buef tennez pour faire II eslingnes pour le grant engin de Briquebec, ou temps quil fu ordené estre mené au Houme par mandement de Monseigneur d'Avrenches, lieutenant de Monseigneur le Captal (Compte Navarre I.P., 1367-1371, 338)

Ars turquois, angiens et bricoles, Chaz, pannons, baniere, frendoles, Et quanqu'il faut pour assaillir Et pour deffendre. (Mach., P. Alex., p.1369, 55)

...les estoilles ne sont pas meues par soy et de soy aussi comme sont les bestes, car figure sperique est a ce inhabile, mes elle est tres habile a mouvement qui est fait par violence ou par vertu dehors, et pour ce sont de telle figure les pierres d'engin et les pelotes ou esteufs dont les enfans se esbatent. (Oresme, C.M., c.1377, 492)

Avoecques tout ce, li Cambrisien fissent en grant haste ouvrer et carpenter enghiens et bricoles pour jeter au chastiel et abatre les tois (Froiss., Chron. D., p.1400, 394)

Et furent fait chil enghien, nonmés kas (...) a la devise et ordenance des deus mestres enghienneours qui menoient les ouvriers. (Froiss., Chron. D., p.1400, 669)

Le maistre dez engiens fist ouvrer radement Lez charpentiers pour faire lez engiens vistement. (Cip. Vignevaux W., p.1400, 94)

Item, un autre engin on fait, qui est appellé vigne, et cel engin fait on de bons ays et merrien fort affin que pierre d'engin ne le puisse brisier, et le cueuvre l'en de cuir cru que feu n'y puist esprendre, et est cel engin de .VIII. piez de lé et de .XVI. de long, et de tel haultece que plusieurs hommes y puissent entrer, et le doit l'en garder et mener jusques aux murs, et ceulz qui sont dedens fouissent les murs du chastel, et est moult proffitable, quant l'en peut, approchier des murs. (Chr. Piz., Faits meurs Ch. V, S., I, 1404, 231)

Or vous mandent par moy les petis et les grans Que venés o chastel et s'alés amenant Engains et espringales par quoy on fache tant C'on le puist conquester par les pierres jettant. (Huon Bordeaux B., c.1400-1450, 248)

Et advint que, à l'eure qu'ilz avoient deliberé de passer par dessus ledit pont, arriva audit Port à l'Anglois certain grant nombre de frans archers et autres gens de guerre pour le roy, qui vindrent asseoir engins au bout dudit pont, dont ilz tirerent a l'encontre desdiz Bourguignons et en tuerent et navrerent, et les convint reculer. (Roye, Chron. scand., I, 1460-1483, 97)

A quoy lui fut bien resisté par le sire de Crussol et autres vaillans cappitaines pour le roy, qui se vindrent loger dedens et qui la fortifierent d'engins, de vivres et autres choses pour repulser sa dampnée fureur. (Roye, Chron. scand., I, 1460-1483, 284)

Pour laquelle chose faire, aprez que par certains moyens et subtilz engins aurez comblé les fossez, tant de bois que d'aultres choses, en manière que pourrez aller au pié du mur, vous menerez ung engin nommé mouton, qui est fait de merrien, en guise de maison couverte dessus (Bueil, II, 1461-1466, 50)

Item leur fault avoir un autre engin, qu'on appelle loup, auquel a ung fer courbé, qui très fortes dens a et agües, qui soit assiz de telle manière sur le mur qu'il vienne engouller le tref du mouton et le tiendra si fort qu'il ne pourra tirer n'avant n'arrière (Bueil, II, 1461-1466, 52)

Entour cestui temps le roy de Phez (...) vint assegier icelle cité a grant multitude et puissance de gens, entre lesquelz avoit XVm hommes a cheval et IIIIxx mille de pié a tout leurs affustemens et bombardes, et d'engins telz comme a la mode du pays, qui n'estoit pas si mortelle ne si aigre comme par deça (Chastell., Chron. IV, D., c.1461-1472, 76)

Engin volant. Machine de guerre légère.

Lors firent dressier engins vollans et assortir bombardes contre ledit pont (Le Bouvier, Chron. Ch. VII, C.C.J., c.1451-1455, 166)

...et par les engins volans enfondra maisons, pons et moulins, dont aucuns furent tous démolis jusques à non pouvoir plus moudre. (Chastell., Chron. K., t.2, c.1456-1471, 55)

...ledit messire Thomas Kiriel fist tirer dudit Chierebourg une bombarde et ung engin volant, qu'il fist asseoir et affuter devant ladicte place. Desquelz engins, ceulx de dedens Vallongne estoient fort battus ; car ledit engin volant leur faisoit de grans dommaiges et oppression. (Escouchy, Chron. B., t.1, c.1450, 277)

...monseigneur le comte de Romont, Philippe, monseigneur (...) firent chargier une bombarde à Mons aveuc aultres engiens vollans et vindrent pour mettre le siege devant le chasteau de Trelon (Molinet, Chron. D.J., t.1, 1474-1506, 266)

[Sentence] Plus va de pierres a la tour Par l'engin, plus se froisse entour Que quant une seule la fiert

Plus va de pierres a la tour Par l'engin, plus se froisse entour Que quant une seule la fiert. Se un seul homme te requiert, Tu te puez mieulx mettre a deffense Que se .XV. te font offense (Desch., M.M., c.1385-1403, 344)

[À propos du cheval de Troie]

Ainsi entra l'engin a Troye, Ou chevaliers ot enfermez Plus de .L. bien armez. (Chr. Piz., M.F., III, 1400-1403, 157)

[Dans un contexte métaph.]

Venu m'est a remenbrance Que penitance est instrument Et engin, par quoi prestement On puet geter jusques a l'uis Du royaume de paradis. (Guill. Digull., Pèler. J.-C. S., 1358, 200)

Hau, guecte, hau, resveille toy, resveille : Ung eschelleur a moy prendre si veille Par ung engin fait sans boys et sans corde, Mes yeulx le guident et mon cueur s'i accorde : Se je suis pris, ce n'est pas grant merveille. (Régn., F.A., 1432-c.1465, 158)