ENFANCE

substantif féminin

[T-L : enfance ; GD : enfance ; GDC : enfance ; AND : enfance ; DECT : enfance ; FEW (IV, 663b) : infantia ; TLF (VII, 1083a) : enfance]

A. -Première période de la vie, jeune âge, jeunesse.

Sire, il a bien set ans ou huit entiers, Que mes cuers a esté sers et rentiers A Bonne Amour, si qu'apris ses sentiers Ay trés m'enfance. Car dès premiers que j'eus sa congnoissance, Cuer, corps, pooir, vie, avoir et puissance Et quanqu'il fu de moy, mis par plaisance En son servage. (Mach., J. R. Beh., c.1340, 62)

Amours, je te vueil aourer Com mon dieu secont et douter, De toutes mes vertus loër, Servir, obeïr, honnourer De cuer, de corps et de penser. Car en m'enfance Me feïs loiaument amer, Et les biens de toy desirer... (Mach., R. Fort., c.1341, 118)

Vostre bon pére norri m'a D'enfance jusqu'a orendroit (Mir. st J. Cris., c.1344, 269)

...Car il a plus grant difference Dou temps que je vi en m'enfance A cestui qui trop est divers, Qu'il n'ait des estez aus yvers. (Mach., J. R. Nav., 1349, 140)

D'yaus deuz issy Huon Capez (...), Qui fu en se jonesse de fortune jus mis, Car il fu en enfanche desguisez et hastis (Hugues Capet L., c.1358, 3)

Hébé, deesse de jouvente, Qui est et belle et douce et gente, Et qui est des cieus boutilliere, Fu esleue la premiere, Pour li norrir en son enfance, Jusque à l'estat de congnoissance, Ou plus avant, se mestier yere, Car bien en savoit la maniere. (Mach., P. Alex., p.1369, 5)

LE MARQUIS [à Griseldis] . (...) Combien qu'or soies haultement En plaisant fortune eslevee, Bien pense que pas oublïee N'as la vie et la povreté Ou tu as en t'enfance esté (Gris., 1395, 52)

Philosophes en son enfence Et en sa primiere croiscence L'entroduirent (Chr. Piz., M.F., IV, 1400-1403, 31)

Et quant à la dicte somme disoit que l'obligation dont partie se ventoit avoit esté faicte ou temps de son enfance ou juenesce (Baye, I, 1400-1410, 187)

Encores, mon tresredoubté seigneur, pour ce que, dès vostre enffance, preinstes plaisir a lirre toutes vertueuses histoires, sy croy que de bien en mieulx vous y commettez (La Sale, Salade, c.1442-1444, 22)

Saintré, qui ja bien avoit retenu les doctrines de Madame, quant elle en son enffance l'adressoit a estre vertueulx (La Sale, J.S. E., 1456, 224)

Mon seigneur, il est verité Que pour Dieu et en charité Je l'ay nourry en son enfance, Et, quant je vis qu'il eust puissance D'aler aux champs, pour abregier, Je le fis estre mon bergier Et le mis a garder mes bestes. (Path. D., c.1456-1469, 158)

Port asseuré, maintien rassiz Plus que ne peut nature humaine, Et eussiez [vous, Marie d'Orléans] des ans trente six ; Enfance en rien ne vous demaine. Que jour ne le die et sepmaine, Je ne sçay qui le me deffant. Ad ce propoz ung dit ramaine : De saige mere saige enfant. (Villon, Poèmes variés R.H., c.1456-1463, 44)

Sainct Pol l'appostre, en son enffance De nostre loy persecuteur, Commant se mist il en deffence Contre le benoist Createur ? (La Vigne, S.M., 1496, 284)

[Parfois opposée à l'adolescence ou à d'autres termes sans que les fronttières soient toujours clairement marquées]

Qui est cellui qui ignore que en grand ignorance de verité, laquelle est magnifeste es enfans, et que en grant habundance de vaine couvoitise, qui commenche a aparoir en puericie qui est l'eage prochain aprés enfance, l'omme vient en ceste vie ? (Daudin, De la erudition H., c.1360-1380, 7)

Aprés le cours des ans d'enfance on vient en l'eage nommé adolescence, qui est de .XIIII. ans jusques a .XXVIII. (Daudin, De la erudition H., c.1360-1380, 279)

Et comme il soit ainsi que les aages d'enfance, de adolescence et de joennesce soient tost passés et unes choses sont delitables en un aage et les autres en autre (Oresme, E.A., c.1370, 418)

...mesmement de l'enfance et adolescence de Jhesu Crist pou traitte l'Euvangille. (Chr. Piz., Faits meurs Ch. V, S., I, 1404, 16)

Je fu en fleur ou temps passé d'enfance, Et puis aprés devins fruit en jeunesse (CH. D'ORLÉANS, Ball. C., c.1415-1457, 130)

[Point de vue médical] Période du jeune âge située entre des phénomèmes physiologiques remarquables (entre la pousse des dents et la puberté).

En celle aage d'anfance qui est dicte concussion, vienent les maladies qui s'ensuivent (Saint-gille, A.Y., 1362-1365, 70)

D'enfance. Durant l'enfance, depuis l'enfance.

Et, quant la gent fu toute departie, li roys Ysopes appella sa niepce et lui dist : 'Ma belle niece, vous savez bien que le regne de Blandie est a moy et que je vous ay nourrie d'enfance...' (Bérinus, I, c.1350-1370, 179)

Et semblablement est il en autres choses, car en amistié de compaignons qui sont nourris ensemble d'enfance, un seul n'est pas amis a pluseurs. (Oresme, E.A., c.1370, 490)

...tousjours sçut on mieuls ce que on voelt dire et proposer ens ou langage ou on est d'enfance introduit qu'en .I. aultre (Froiss., Chron. D., p.1400, 232)

...tout doi savoient bien jeuer et escremir, et mieuls assés li rois d'Engleterre et de plus soutieus tours ne fesist li dis mesire Ustasse ; car il l'avoit apris d'enfanche. (Froiss., Chron. D., p.1400, 870)

Si gouvrenoit l'offisce de le connestablie de France, pour le temps d'adonc, li chevaliers del monde que le plus il amoit, car il avoient esté ensamble nouri d'enfance, messires Charles d'Espagne. (Froiss., Chron. L., IV, c.1375-1400, 102)

Selon l'enfance de qqn. En accord avec le jeune âge de qqn.

...il sont venus en Babiloinne, Où li soudans les atendoit. Quant il les sot, pour eaus mandoit, Si que le clerc à li menerent Dou bon roy, et moult l'onnourerent. Li clers li fist la reverence Et li soudans, selonc s'enfance, Le reçut gracieusement. (Mach., P. Alex., p.1369, 128)

Estre en enfance

Et quant Amours m'ot a ce mis Que pris fui et loiaus amis, Elle congnut bien ma juenesse, Mon innocence, ma simplesse. Et pour ce qu'estoie en enfance, Me prist elle en sa gouvernance ; Si me moustra la droite voie, Comment ma dame amer devoie, Servir, oubeïr, honnourer... (Mach., R. Fort., c.1341, 6)

Jeter son enfance

Uns enfes de petit aage Qui a le cuer gay et volage, Si comme de .X. ans ou douse, Que Juenesse en son cuer arrouse, En ouevre de getter s'enfanse, Et on n'i met point de deffense, Eins conjoit en tout son affaire, En quanqu'il fait et qu'il vuet faire, A quoy il se puet adrecier Pour une bonne ouevre drecier. (Mach., D. Aler., a.1349, 241)

B. -Par analogie.

1.État d'une personne qui se sent dépendante, en état d'infériorité, comme un enfant.

...car veues les tribulacions, afflictions (...) que j'ay, je suis reduit comme a puerilité et enfance. (Juv. Urs., Nescio, 1445, 443)

2.[D'une pers. âgée] Tourner en enfance. Perdre l'usage de la raison.

Ilz s'en vont et dient a chacun que le proudomme est tourné en enfance, et travaille le filz a faire metre le bon homme en tutelle, et luy font acroire qu'il a perdu le sens et le memoire, combien qu'il est auxi sage qu'il fut oncques. (Quinze joies mar. R., c.1390-1410, 75)

...ledit deffunct disoit à sondit père que ledit suppliant disoit et semoit par la ville que sondit père estoit tourné en enfance ; lequel suppliant, oyant lesdictes parolles et recors que ledit deffunct avoit tousjours tendu et tendoit de le mettre en la malegrace de sondit père, pour lui faire prendre ses biens et succession, entra en ladicte chambre (Doc. Poitou G., t.12, 1480, 370)

Rentrer en enfance

De ceste misere de naissanche humaine dist saint Augustin ou livre .XXIe. de la Cité de Dieu : 'Qui est chelui qui ne auroit horreur et plus chier a morir s'on lui proposoit ou la mort ou rentrer en enfance ?...' (Daudin, De la erudition H., c.1360-1380, 334)

Revenir en enfance

Aléz vous en ! n'y veéz guoutte, Senturio, qu'en grant viellesse Est vostre corps et en tritesse ; Revenu estes en enffances. (Pass. Semur D.M., c.1420 [1488], 220)

3.Action, comportement, attitude digne d'un enfant ; naïveté, légèreté, sottise, inconscience.

Bien doy avoir pardon, car che fu droitte enffanche (Flor. Rome W., c.1330-1400, 191)

Quant j'oï ce, je me coursay Et vers elles mon chief dressay, En disant : 'Vous n'i veës goute Ne rien ne savez, car sans doubte, C'est grant folie et grant enfance D'argüer de vostre puissance Contre la puissance que j'ay...' (Mach., F. am., c.1361, 206)

N'onques ne me fist sacrefice De tor, de buef, ne de genice, N'offrande d'oile ne d'encens, Que je ne tieng pas a grant scens, Ne d'une chandeille de cire, N'un salut ne me daingnoit dire. Mais je croy que c'est par enfance, Par folie ou par ignorance. (Mach., F. am., c.1361, 220)

...a croire estes trop hastieu : C'est grant enfance. (Mir. st Sev., 1362, 226)

Que te faut il en ce païs ? Certes, je sui tous esbahis De ta tres grant outrecuidance, De ta sotie et de t'enfance. Mais, vraiement, je te tendray, Que l'aler hors te deffendray. (Mach., P. Alex., p.1369, 18)

...Einsi use ma vie en grief tourment, Car mes fins cuers se tient de sa maisnie Et je sçay bien qu'elle ne le vuet mie ; Einsois m'estuet tout seul, sans cuer, languir, Car je n'en puis ne tant ne quant garir. S'elle m'ocist, c'iert pechiés et enfance, Puis que je l'aim sans nul decevement... [le ms. (consulté par G. Roques) porte Car je n'en puis ne tant ne quant joïr (et non : ne tant ne quant garir)] (Mach., L. dames, 1377, 116)

Et s'aucuns ont parlé pour ma grevance, Qui sunt à moy haïneus et contraire, S'elle les croit, s'iert pechiés et enfance ; Mais en li est de moy faire ou deffaire. (Mach., L. dames, 1377, 213)

Faire enfance(s)

Quant j'o ces .II. enfances fait U temps qu'avoie dens de lait Et qu'en enfancë (encor) estoie, (Je) me pensai qu'encor feroie. (Guill. Digull., Pèler. vie hum. S., c.1330-1331, 233)

Mahom ! dist ly soudans, vécy grande meskance ; Ahy, roys Sustamans, qui a fait telle enfance ? (God. Bouillon R.B., t.3, c.1356, 102)

CONSCIENCE. Mere, veez, et qu'est ce cy ? Quelle enfance est faicte icy ! RAYSON. Fy, quelle ordure est entassee En nostre escole et amassee ! Qui a ce fait, dy, Conscience ? CONSCIENCE. Le cuer, dame, est reüs en ce. (Coeur sens M., a.1433, 80)

Faire une maise/male/mauvaise enfance

Tant s'acoustuma Berinus a faire males enfances qu'il n'estoit nulz qui le veïst ou qui en oïst parler qui ne lui donnast maleïcon, si que tout cil qui demouroient ou reparoient a l'ostel l'eschevoient a leur pouoir et se tardoient de venir y. (Bérinus, I, c.1350-1370, 10)

...sa dicte fille faisoit et avoit encommencié faire pluseurs mauvaises enfances, estoit cappable de mal engin et malice, gastoit et discipoit les biens et vivres de son dit pere, tant en son hostel comme chieux aucuns de ses voisins (Doc. Poitou G., t.6, 1391, 44)

Et maintes autres enfances a faites qui seroient trop longues ... raconter (Jean De Sultanieh, Mém. Tamerlan M., 1403, 456)

Nicodemus, sans point tarder, Et Joseph atout unguemens, Suaires et abillemens, Sont alés au mont de Calvaire Une tres maise enfance faire, Car Jhesus ilz ont despendu, Et puis l'ont mis et estendu En ung monument entailliet, Pour quoy nous sommes bien tailliet, Que mal et perte en ayons S'alencontre ne pourveyons (Marcadé, Myst. Pass. Arras R., a.1440, 221)

Faire une pute enfance

LONGIN. (...) Helas, que j'ay fait pute enfence ! J'ay toute ensanglanter ma lance. Mais je ne sçay que se peut estre, Par celuy Dieu qui me fit naistre. A l'aventure m'an laveray, Quant Dié plaira tantost verray. (Pass. Autun Biard F., 1470-1471, 112)

4.[Avec une valeur positive]

a)Esprit d'enfance.

...tout ce et autres choses Vous seront orendroit descloses, De la merveilleuse constance Griseldis et de son enfance (Gris., 1395, 4)

État d'esprit d'enfant, insouciance, légèreté.

A Gharssille est venus legier et plains d'enffance (Flor. Rome W., c.1330-1400, 233)

b)Bonne enfance. Prouesse, exploit.

PREMIER DYABLE. Or avons nous fait bonne enfance A ceste premiére venue ; La dame a bien esté tenue, Dont mes cuers est joians et liez, Quant leur veu a esté brisiez... (Mir. enf. diable, c.1339, 11)

...menez ceste pourveanche Au castel d'Angorie, se ferez bonne enffanche (Renaut Mont. B.N. V., c.1350-1400, 614)

Seigneurs, tost verrez bonne enfance : Panthaleon m'est alé querre Celui par qui ainsi meserre. (Mir. st Panth., 1364, 359)

C. -Par métonymie. [Au sing. à valeur coll.] Enfants.

...a morir ainsi miex m'acors Et de ces ynocens la vie Sauver (...) Que recouvrer vie cruelle Par la mort d'enfance si belle (Mir. st Sev., 1362, 199)