DOCTRINE

substantif féminin

[T-L : doctrine ; GD : doctrine ; AND : doctrine ; FEW (III, 112a) : doctrina ; TLF (VII, 375a) : doctrine]

I. -Ce qui, par sa généralité, par son universalité, par sa cohérence, vaut d'être transmis , d'être enseigné ; par méton. la transmission elle-même.

A. -Ce qui, par sa généralité, par son universalité, par sa cohérence, vaut d'être transmis, enseigné.

1.Ensemble cohérent de principes et de notions proposé comme fondement d'un enseignement, d'un mode de vie.

...par leur doctrine perverse, Nul de nostre loy ne converse Avec eulz qu'a eulx ne l'atraient (Mir. st Ign., 1366, 75)

...et posé que ladicte escripture ne fust pas erronée en la foy, si est-elle injurieuse et scandaleuse à bonnes meurs et à toute police, et par ce doit estre vengée par la Court, combien que virtualiter elle mesme se condempne en sa mauvaise doctrine, si comme le dit aussi le cardinal de Cambray. (Baye, II, 1411-1417, 262)

Si doit estre discipline de chevalerie et crainte d'onneur gardee es maisons des nobles comme en l'ost du prince, car la reverence et salvable doctrine des vaillans peres et anciens d'un lignaige peut plus aux jounes proufiter a vertu que la peur de la justice de leur chief. (Chart., Q. inv., 1422, 61)

Tu voys doncquez comme les regnes et les puissances establies sans doctrine ou conduiz par desrayson sont non certains, et tirent et le roy et le royaulme a paine et a mort, qui est la soulde et le guerdon de peché, selon saint Paoul. (Chart., L. Esp., c.1429-1430, 47)

En ly baillant la cocuche : Recevez papal dignité Et en general auctorité Sur tout l'estat de sainte Eglise, Qui de par Dieu vous est commise, Afin que vous edifïez, Plantez, esrachiez, destruiez, Plantez vertus, esrachiez vices, Destruiez erreurs et malices, Edefïez sus la foy temples De sainteté par bons examples Et par saine et vraye doctrine ! (Mart. st Pierre st Paul R., c.1430-1440, 159)

...pour doctrine necessaire au gouvernement de ceste vye (La Sale, Sale D., 1451, 1)

Ensemble de principes, de notions qui fondent une religion.

Et ja soit che que l'auctorité de cheulx qui nous loent et anoncent les escriptures nous esmeuve a congnoistre plusieurs doctrines, toutefois, se briefment en noz corages n'estoit imprimee la congnoissanche de chaschune doctrine, nous par quelque estude n'aurions le desir d'icelle aprendre. (Daudin, De la erudition H., c.1360-1380, 83)

Salmon le roy tres sage et paisible en fait la preuve, quant tant de livres de sainte doctrine escripvit, et par sens et science dissipa toute iniquité, et getta de sa seigneurie en son temps meschief et discorde. (Chart., L. Esp., c.1429-1430, 73)

Les enfans ensuyrent leurs peres en l'abusion des faulx dieux, et ou rayson lez en desamonnestoit, la foy de leurs predecesseurs vainquoit par auctorité et doctrine inviolable (Chart., L. Esp., c.1429-1430, 115)

Et don de prophecie se assiet sur lez humbles et sur lez innocens, et l'office de messagerie divine n'est jamaiz commis a celui dont la vie est contraire a sainte doctrine. (Chart., L. Esp., c.1429-1430, 119)

Veez cy l'entree des prophecies de Mahommet, et tu, mahommetiste, doys plus avoir honte que gloire de donner foy a la doctrine de tel aucteur. (Chart., L. Esp., c.1429-1430, 119)

Et ce voulut il [Mahomet] retenir des ydolatres pour rendre honneur a sa maistresse Venus, dont il se monstra par sa doctrine, plaine de toutes dissolutions et d'ordure, adorateur voluntaire, et par sa luxure, qui surmonta toutes autres, obeissant subgeit et serf a corruption. (Chart., L. Esp., c.1429-1430, 122)

Regardons toute l'evangelique doctrine de nostre Dieu et de nostre maistre, et nous n'y trouverons si non admonnestement d'amour, de justice, et de paix, conseulx de sainte purté, de innocence, de aide a son prouchain, deffenses de dissolutions, de deshonneur, de desordonnance, et de iniquité, confors de pacience, d'obeissance, de humilité et de consolation en ce monde, et espovoir de pardurable gloire advenir. (Chart., L. Esp., c.1429-1430, 127)

Doctrine catholique

Et ce fust l'achoison qui si long temps endurcy les courages dez Romains contre la doctrine catholique, dont la terre romaine fut consacree du sang de tant de martyres, ains que les empereurs voulsissent recepvoir le nom crestien, imputans a criminelle inconstance et mesprison contre leur sang et leurs ancesseurs se ilz trespassoient la religion de leurs peres et les traditions de leurs majours. (Chart., L. Esp., c.1429-1430, 115)

De catholique doctrine. D'enseignement universel ; de portée générale.

...et sans aver esté jamais à l'escolle escripvoit, parloit latin et dictoit et composoit livres de catholique doctrine (Simon De Phares, Astrol., c.1494-1498, f° 117 r°)

Doctrine d'une vertu. Ensemble de préceptes, de principes de conduite qui fondent une vertu.

O constance, treslouable vertu et digne de memoire perpetuelle, par qui les seigneuries sont faictes longuement durables et les hommes, quoy qu'ilz seuffrent, eschappent a honneur des dangiers de perverse fortune, bien as trouvé peu de couraiges françois qui ta doctrine aient en ces merveilleux dangiers de guerre ensuye, et bien heureux sont ceulx qui, en si griefve tempeste et troublee confusion, se sont maintenuz sans reprouche. (Chart., Q. inv., 1422, 30)

Faire la doctrine de telle vertu. Mettre en application ce qui caractérise telle vertu.

...en faisant en toutes choses la doctrine de clemence et de justice (Juv. Urs., Verba, 1452, 273)

De grande doctrine. De grande valeur éducative.

Seigneurs, or escoutez (...) Glorïeuse chançon et de moult grant doctrine (Hern. Beaul. D.B., c.1350-1400, 24)

2.Ce qui fonde une science, un savoir, un savoir-faire, ensemble cohérent de connaissances requises, théorie, conception.

a)Discipline en tant que type de savoir.

Mais che ne dy je pas pour tant que chaschune scienche soit sapience a proprement parler, mais toutes doctrines tendent a parvenir a sapience comme ses chambrieres, ainssi que chy aprés sera demoustré. (Daudin, De la erudition H., c.1360-1380, 91)

Et selon ceste maniere doit l'en faire es autres arts et doctrines, afin que les choses qui sont dehors les oeuvres et n'y appartiennent ne soient pluseurs ou plus longues que ne sont les oeuvres. (Oresme, E.A., c.1370, 123)

Mathesim donques, qui est doctrine bonne et approuvee (...) que nature nous a aprise - et raison l'appreuve et experience de proffit si l'apreuve et conferme - il prennent pour leur fondement (Foul., Policrat. B., II, 1372, 158)

Se donques les mathematicians estoient contens et leur souffisoit de la fin de la prouvable doctrine de mathesis senz plus aler oultre, il pourroient savoir et actaindre la vraie posicion des estoilles (Foul., Policrat. B., II, 1372, 165)

Une certaine et vraie doctrine, Cueillie ou champ de Médicine, Pour savoir les causes à droit De la boce qui lors régnoit (La Haye, P. peste, 1426, 12)

[Avec adj. précisant le type de savoir]

C'est ethiques et politiques, qui sont continuéz ensemble et font une doctrine appelee civile. (Oresme, E.A.C., c.1370, 105)

C'est doctrine médicinale D'ouvrir la vaine capitale Quant l'apostume, o sa tempeste, Occupe la gorge ou la teste (La Haye, P. peste, 1426, 119)

[Avec un compl. déterminatif de même registre]

Chevalerie est la doctrine des guerres, yconomique de gouverner un hostel, et rethorique appartient as advocas. (Oresme, E.A.C., c.1370, 105)

...et que de tres saint mouvement et de tres noble courage, il fait selon l'aucteur Vegece, qui dit en sa Doctrine de fais d'armes que il n'est nul quelconques a qui il siece ou appartiengne plus a savoir meilleurs choses et pluseurs que il appartient au prince. (Oresme, E.A., c.1370, 100)

...les josnes gens estoyent fors à tenir en ordre et se desroboient pour aller assaillir avecques les archiers, et tellement que les enseignes demourarent, telle fois fut, petitement accompaignées ; et le conte dist par plusieurs fois : 'Nous nous mectons en desordre contre la doctrine de la guerre...' (La Marche, Mém., II, c.1470, 262)

b)Axiome, principe.

Posé que un triangle soit pardurable, toutevoies, par maniere de doctrine, l'en met qu'il est compousé de lignes et de angles aussi comme de choses qui sont premieres avant que triangle. (Oresme, C.M., c.1377, 182)

Et par ce que dit est, il n'entendent pas qu'il [ ait ] esté fait, quar quant il parlent de la generacion du monde, il ne veullent pas dire que il fu aucune foys engendré apres ce que onques n'avoit esté -- quar il a esté touz temps perpetuelment -- mais il mettent telle chose par maniere de doctrine aussi comme es descripcions de geometrie. (Oresme, C.M., c.1377, 182)

c)Au pluriel. Principes d'une discipline particulière.

Comment le Jouvencel, pour sa grant renommée, fut fait lieutenant du Roy à Crathor et en tout le païs, et comment le Roy lui envoya ses lettres et trois hommes de son Grant Conseil, dont l'un estoit nommé maistre Jehan Bienassis, qui lui remonstra plusieurs belles doctrines touchant le fait de la justice et de la police du païs. (Bueil, II, 1461-1466, 23)

Comment le Jouvencel et sa compaignie allerent faire une course devant Escallon et destrousserent bien cent hommes, et, eulx retournés à Crathor, leur remonstra plusieurs belles doctrines de guerre. (Bueil, II, 1461-1466, 14)

B. -Par métonymie. Transmission, enseignement.

1.Transmission de règles de vie, de préceptes moraux..., éducation, enseignement.

Et c'estoit chose necessaire, Puis que je me voloie traire Vers celle que Raisons doctrine, Que j'ensieuisse sa doctrine Et que souvent m'en souvenist... (Mach., R. Fort., c.1341, 108)

Dont maint, par bonne entention, S'enclinent si a sa doctrine Que chascuns par soy se doctrine D'estre diligens et hastis De devenir contemplatis. (Mach., J. R. Nav., 1349, 273)

Plaise vous a nous enformer, Sire, de doctrine qui vaille, Si qu'en nous foy pas ne deffaille Par ignorance. (Mir. st Ign., 1366, 91)

...li enffes est jones et de legier esprit : si ara mestier que il soit menés et gouvrenés de bonne doctrine ; et li ensengniés et faites ensengnier tous les poins et les estas roiaulx qu'il doit et devera tenir. (Froiss., Chron. R., IX, c.1375-1400, 282)

[Piètre dou Bos] le consilla, à l'entrer en l'office, qu'il fust crueulx et mauvais, afin que il se fesist cremir. Phelippe retint bien de son escolle et de sa dotrine, car il n'eut mies esté longhement en l'office de gouvrener Gaind, quant il en fist tuer et decoller devant lui douse. (Froiss., Chron. R., X, c.1375-1400, 140)

Mais combien que les choses soient telles, toutesvoies convient il essaier et tempter aidier par aucune bonne doctrine a ce que l'en puisse mieulx faire les operacions vertueuses. (Oresme, E.A., c.1370, 150)

...qui ne veult oyr que chose plaisant a soy et a sa loenge nourrit flateurs entour soy et deboute tous aultres au moins de fait : ce fut la doctrine saint Loys a son filz. (Gers., Annonc., a.1400, 235)

...les autres sont empeschiez par habondance de vices et de mauvaise vie, et par deffault de bonne doctrine, et par acoustumance de ouyr mauvaise doctrine (Gers., Trin., 1402, 153)

Nason, mon amy, j'ay memoire De la doctrine nostre maistre [Jean Baptiste] , Qui nous dit qu'il nous falhoit estre Avec Jhesus (Pass. Auv., 1477, 115)

Hellas, s'on m'eust donné doctrine Lors que j'estoye en jeune eage, Chastyement et discipline, J'eusse evicté ce dur passaige ! (La Vigne, S.M., 1496, 320)

Avoir qqn en doctrine. S'occuper de qqn, de son éducation.

Je vueil savoir Qui luy a baillé medicine. Dy moy qui t'a eu en doctrine, Par quel art ne par quel clergie ! (Myst. st Vincent L., c.1471-1476, 438)

Estre en la doctrine de qqn. Recevoir un enseignement, une formation de qqn.

...le jone Richart, fil dou prince (...) estoit en le garde et doctrine de ce gentil et vaillant chevalier monsigneur Guichart d'Angle (Froiss., Chron. R., VIII, c.1375-1400, 224)

À Messire Nicole Matinel, prestre, pour partie de la despense Lancelot, filz de Monseigneur Messire Philippe (...) qui fu un an et XV jours en la compaignie dudit Messire Nicole et à sa doctrine (Compte Navarre I.P., 1367-1371, 347)

Tenir qqn en doctrine. S'occuper de l'éducation de qqn.

Les enfans, que le bon homme avoit tenuz en doctrine et tenuz court, seront mal instruiz dorenavant, car si le proudome les vieult blasmer, la dame sera contre lui, dont il a grant deul en son cuer. (Quinze joies mar. R., c.1390-1410, 73)

Proverbe. Belle doctrine met/prend en lui celui qui se chastie par autrui

Prens toy garde a tes davenciers Dont li plussieurs, les piéz dreciéz, Sont cheüz pour ce qu'ilz n'ont cure [Ne] de Raison ne de Mesure. Belle doctrine prent en lui Qui se chastie par autr[u]y. (Liber Fort. G., 1346, 77)

'Bonne doctrine met en luy Qui se chastie par aultruy'. (Moralité 1427 B.B., 1428, 139)

Et pour ce monsg^r Gérard lui feist avoir paour de sa vye [à un vilain qui s'était moqué de lui] ; si fut bien employé, car une autre fois il se garda de le mocquer, et aussi firent moult d'autres qui prinrent example à cestui ; et à bonne cause, dit-on souvent, bonne doctrine prant en lui qui se chastie par autruy. (Wauquelin, Gir. Ross. M., 1447, 195)

Enseignement religieux.

...il adjoustoit : 'Paix ou gouverne mes brebis, mes aigneaux', c'est a dire tous crestiens, en trois manieres : par doctrine, par correction ou discipline, et par exemple (Gers., P. Paul, a.1394, 488)

[Dans le vocab. de la spiritualité] Premier des cinq degrés vers la contemplation.

La vie des iustes en ce monde est excercitee en cinq choses par les quelles ainsy que par degrez elle est subleuee a la perfection qui est aduenir en la vie mortelle. Le premiere chose est doctrine, la seconde est saincte meditacion, la tierce est oroison, la quarte est operacion, sensuit la cinquiesme chose qui est contemplacion en laquelle aussi comme on fruit des quatre precedentes on gouste en ceste mortelle vie quel louyer ou guerdon on aura en lautre (Cib., p.1451, 177)

Des cinq degrez ou eschelons le premier est leçon ou doctrine et conuient aulx commencans cest a dire a ceulx qui commencent a monter en la montaigne de parfaicte vie (Cib., p.1451, 177)

2.Au pluriel. Leçons, préceptes (de morale, de vie...).

A che propos dist saint Augustin : 'Toutes doctrines que les maistres enseignent, ilz les expliquent par paroles...' (Daudin, De la erudition H., c.1360-1380, 28)

Et puis qu'avoir tu voels les biens, Mes doctrines, compains, retiens, Et ne va ja trop travillant Dame qui a le coer vaillant. (Froiss., Par. am., c.1361-1362, 58)

Juge tes faitz par aultrui, si congnoistras que l'issue de ton cas est sur toutes choses redoutable, quant tant d'anciens sages philosophes qui ont resisté a fortune par sapience n'ont sceu sans mort eschapper les curiaulx maladventures. Note Senecque, que Neron aprés tant de doctrines et de service fist mourir par seignee en ung chault baing. (Chart., L. Esp., c.1429-1430, 9)

A vous tresexcellent et trespuissant prince et mon tresredoubté seigneur et maistre, monseigneur le duc de Calabre, premier filz du roy de Scicille, per de France et mon souverain seigneur, je Anthoine de La Sale, vostre treshumble et tresobeïssant serviteur, pour eschiever oysiveté, qui est de Dieu tresdeffendue, me suis delicté a traire de mains livres, que j'ay pris plaisir a lire, les tresnotables exemples que les historiographes et aultres qui ont escript les tresdignes fais de memoire partans des jestes, doctrines et admonestemens de noz peres anciens, dont les vollumes de leurs treslongues escriptures sont sy grandes que oncques ne fut nul, après Dieu, que tous les peust visiter ne lire. (La Sale, Salade, c.1442-1444, 3)

Et communement ne sont pas clercs [les gens de guerre] , ne n'ont pas leu les loix, ne en jeunesse eu doctrines, par quoy ilz puissent estre si resolus comme aultres gens. (Bueil, II, 1461-1466, 27)

Mais il est besoing en ceste conclusion que je tiengne l'anchienne regle et coustume que ont tenu les sains docteurs en leurs espitres, comme saint Augustin, saint Jerome, saint Pol, saint Thomas d'Acquin, Bonaventure et plusieurs autres notables docteurs, qui tousjours ont finé et conclut leurs livres et espitres en doctrines et en vrais exemples, pour tenir leurs disciples et ceulx à qui ilz ont adrecié leurs escriptures en la crainte de Dieu singulierement, car crainte et amour ne sont pas loings de la condicion l'un de l'autre. (La Marche, Mém., I, c.1470, 177)

Mais croire a Dieu est croire a ses paroles, doctrines et enseignemens. (Somme abr., c.1477-1481, 100)

3.Transmission de savoirs, enseignement, instruction.

Doctrine reçoive humblement ; Mais bien se gart qu'il continue, Car science envis retenue Est et de legier oubliée, Quant elle n'est continuée. (Mach., R. Fort., c.1341, 2)

Item, si comme je ay touchié devant et selon les anciens philosophes, la musique insensible des corps du ciel est selon les proporcions armoniques dont je ay faite mencion et desquelles est composee musique humaine et sensible laquelle se conforme et a une colligance et affinité a la musique celestiel. Et ceste conformité ou aliance peust apparoir par un merveilleus signe lequel je n'ay pas apris par doctrine d'autre et est tel... (Oresme, C.M., c.1377, 484)

Cestui Aomar, ainsi que dit Albumasar, fut moult sage astrologien et suivoit la doctrine de Jehan, filz Caleg et celle de Phador (Simon De Phares, Astrol., c.1494-1498, f° 81 v°)

Savoir théorique, p. oppos. à la pratique, au savoir faire intuitif, aux dons naturels.

Mais je di oultre, que tout aussi comme aucun chante bien ou fait ymages ou autres besoingnes senz art et senz doctrine par son engin, qui est a ce naturelment enclin, et neent moins il n'est pas ainsi de chascun. (Oresme, E.A., c.1370, 99)

Et ceulz ici meïsmes proffitassent plus asséz en telles besoingnes se, aveques la bonne habilité de nature que ilz ont, ilz eüssent la doctrine. (Oresme, E.A., c.1370, 99)

Il [Aristote] entent par art science pratique et par doctrine science speculative (Oresme, E.A., c.1370, 103)

Car eux, bien instruits et par nature et par doctrine, congnoissans toutes choses terriennes estre muables et diversement à fortune subjectes, n'ont volu tant adhiber leur fiance à l'une qu'en égale mesure de constance, s'il avenoit, ils n'aient pu endurer l'autre (Chastell., Chron. K., t.1, c.1456-1471, 45)

'...en ces choses [l'art de la guerre] , la coustume et usaige treuvent souvent plus d'art et de nouvelles choses que l'ancienne doctrine n'en a demonstré.' (Bueil, II, 1461-1466, 59)

Enseignement, école.

Remarque : Doc.1404 ds GD II, 733b.

II. -Par extension. Ce qui vaut dans une circonstance particulière, pour une personne donnée.

A. -Ce qui vaut dans une circonstance particulière, avertissement, conseil donné à qqn.

G'iray donc par vostre doctrine Afin qu'il m'enseigne et dottrine Conment j'amende. (Mir. parr., 1356, 27)

Aies toudis bonnes espies, Que qu'il couste, et ou tu te fies, Et les paie si largement Qu'il te servent hardiement, Par quoy tu saches le couvine Des annemis. Ceste doctrine Est la chose plus neccessaire Que je congnoisse en ton affaire (Mach., C. ami, 1357, 118)

Doulz amis, retien ma doctrine, Car en bonne foi te doctrine (Mach., Voir, 1364, 534)

Car lui mesmes en parlant à sadicte fille comme se la besongne lui estoit agréable, et qu'elle voulsist user de son conseil pour avoir l'amour du roy à tousjours, il lui bailla une petite boitelète pleine d'oignement et lui enhorta que quant viendroit à l'heure que le roy dessusdit viendroit en sa compaignie pour la congnoistre charnellement, elle ongnist le bout de son ventre par dessoubz dudit oignement. Laquelle doctrine elle receut et acompli à l'entencion dessusdicte. (Monstrelet, Chron. D.-A., t.3, c.1425-1440, 45)

Est ferme l'avis et estables, De ceulx bons Maistres, vénérables Et moult expers en médicine, Qui escrirent ceste doctrine Que moult peut nuire et néant vault En ce temps user de baing chault (La Haye, P. peste, 1426, 86)

Je suis de vostre oppinion Et croy que c'est chose divine. Remener la fault a Chinon ; Qu'il est raison qu'elle domyne Et qu'on ensuyve sa doctrine En luy baillant ce qu'elle demande. (Myst. siège Orléans H., c.1480-1500, 387)

Avertissement, châtiment infligé à qqn.

Remarque : Doc.1389 ds GD II, 733b (Icellui Danois ... prinst deux vergerons de saulx, et l'en bati a nu par les fesses, par maniere dedoctrineet de chastoy).

B. -Éducation, façon de se comporter propre à une personne.

Façon d'être, de se comporter.

Or nous convient véoir ung pau de leur doctrine. (God. Bouillon R., t.2, c.1356, 417)

...dont par eulx [saint Augustin et d'autres authentiques historiographes] nostre doctrine est anciennement inluminee. (La Sale, Sale D., 1451, 53)

Éducation, savoir-vivre.

Et endoctrinoit la ducoise, qui fu mout sage, tous les jours en manières et en contenances le jone fille de Baivière, quoique de sa nature elle estoit propre et pourveue de sens et de doctrine, mais point de françois elle ne savoit. (Froiss., Chron. R., XI, c.1375-1400, 228)

[Avec un adj. valorisant] Bonne éducation, bonnes manières.

Moult estoit la pucelle de tres noble doctrine. Avuec lie avoit mainte noble meschine ; N'i ait celle qui ne soit noble comme royne. (Lion Bourges K.P.F., c.1350, 170)

Son biau parler, sa haute honnour, Sa courtoisie sans errour, Sa franche liberalité, Sa douceur pleinne d'amisté, Son dous regart, sa biauté fine Et son atour belle doctrine Me demoustroient et maint bien, Se je les retenisse bien. (Mach., R. Fort., c.1341, 13)

Cousin, seur tous ceulz du mont Sine Doy ammer se bourgois, la cause le destinne, Car il m'a visité d'ammoureuse doctrine, Si ammoureusement par pensee beninne Que se fusse ses fieux engenrré de s'orinne (Renaut Mont. B.N. V., c.1350-1400, 459)

Tout ensement, en sa juenesse Le norrist [Pierre de Lusignan] Hébé la deesse, Et si tres bien l'endoctrina, Que toute bonne doctrine a. (Mach., P. Alex., p.1369, 10)

...il [un biau filz] est de si bonne doctrine Qu'en touz bons meurs son cuer doctrine (Mir. st Alexis, 1382, 282)

Et sachiés que c'est dommage que le jenneceau n'est duit entre gens de bien ou il peust apprendre, car il est de tant bonne doctrine et gentil courage et de coeur si hardy et courageux qu'il ne pourroit faillir de parvenir a tresgrant perfection de une fois estre preudhomme. (Percef. IV, R., c.1450 [c.1340], 531)

Condition sociale, rang.

...il n'ot si bel enfant [Baudouin] , né de telle doctrine, Dès-si jusques en Gresse, le terre Alixandrine. (Baud. Sebourc B., t.1, c.1350, 5)

...S'ay laissiet le royalme dont doy estre roÿne, Et m'en suy affuïe comme povre beguine, Car j'ay plus chier a estre en bien povre doctrine, Et vous servir tousjours de pensee enterine, Qu'estre dame royaux tenant noble saisine, Et faire le pequiet dont j'estoie en la mine. (Belle Hélène Const. R., c.1350, 174)