DEMANDEUR

substantif masculin

[T-L : demandëor ; GDC : demandeor ; AND : demandour ; FEW (III, 36a) : demandare ; TLF (VI, 1053a) : demandeur]

A. -DROIT Celui qui intente un procès en justice. (synonyme appelantacteur) (antonyme defendeur)

Li estaz de la cause de Clermarés (...) duquel Messires Robers de Flandres est demandierres et Madame d'Artois deffendroiz, est tels... (Arch. Nord, c.1330, B 4027, f° 11, IGLF)

...ou il est vehemente presumpcion contre le deffendeur et, adonques, selon l'ordre de Droit et selon rayson, l'en doit proceder aux tormens (...) ou le demandeur ne preuve aucunement son entente ne si n'a pour luy aucune presumpcion et, adonques, selon Droit et selon rayson, la partie deffenderesse doit estre absoubse de la demande de la partie averse (Songe verg. S., t.1, 1378, 351)

Quant le clerc fait vyolence au lay, le lay est demandeur et le clerc deffendeur (Songe verg. S., t.2, 1378, 152)

La relacion faite du sergent au juge de son adjournement, le demandeur doit estre droit devant le juge ; c'est à dire qu'il ne doit proposer que droiture et loyaulté et choses à lui appartenir (...) en faisant son propos et ses premisses et ses moiens, il doit regarder des yeulx son rée, en monstrant qu'il adrece son propos à lui (Cout. bourg. glosé P.M., c.1380-1400, 110)

Comme plait et procés fust meu et pendant par devant nous en nostre auditoire de Sainct Legier en Yveline entre le procureur de mondict seigneur, demandeur en cause de saisine et novelleté, d'une part, et Massot Chavyn, defendeur, d'autre part... (Chartes Abb. St-Magl. T.F., t.3, 1385, 544)

Les parties revendront au premier jour plaidoiable après la Penthecoste, et interim les demandeurs bailleront aux defendeurs declaracion des sommes qu'ilz demandent. (Fauq., II, 1421-1430, 344)

Nota que quant un acteur ou demandeur a procés par especial en parlement et son adversaire meurt avant la discucion du procés, le demandeur doit faire adjourner les heritiers ou aians cause du mort a reprendre ou delaissier le procés, et ce doit faire dedant l'an de la mort. (Odart Morchesne, Formulaire G.L., a.1427, 181)

...à conseillier l'arrest d'entre maistre Laurent Bacheler, demandeur et complaignant, et maistre Nicole Niquet, defendeur, qui est alé de vie à trespas durant le temps de la visitacion de ce procès (Fauq., III, 1431-1435, 164)

Et doit on ouyr les partiez bien et doulcement, c'est assavoir le demandeur en sa demande et conclusion et le defendeur en ses deffenses, sans aucune interrupcion, et les partiez ouyez les appointer, conme de raison (Juv. Urs., Aud. illos, 1432, 30)

Encores voullons et ordonnons que le demandeur ou appellant doye dire, ou faire dire par ung advocat, son propos devant nous (La Sale, Salade, c.1442-1444, 210)

Qu'es tu, ou demandeur or deffendeur ? (Path. D., c.1456-1469, 144)

...et est en l'election du demandeur de poursuivre ou il vouldra (Juv. Urs., Verba, 1452, 365)

Se vostre partie est presente, Delivrez vous sans plus d'atente. Et n'estes vous pas demandeur ? LE DRAPPIER. Si suis. (Path. D., c.1456-1469, 156)

Mons. le grant maistre, j'ay veu trois ou quatre gaiges devant moy de foy mentir et aussi de rompture de saufconduitz, mais les demandeurs venoient tousjours requerir la raison au capitaine à qui estoit le deffendeur. (Le Clerc, Interp. Roye, c.1502, 355)

B. -JOUTES ET TOURNOIS Celui qui provoque qqn en duel judiciaire.

Et pour monstrer son innocence, franchement et liberallement accepta le gaige de bataille, [et] se tira par devers le roy, luy suppliant humblement que son plaisir fust le recepvoir et admettre à deffendre sa juste querelle par bataille à oultrance contre ledit Julio, [ et, ] en acceptant la judicature, donner seureté et saufconduit audit Julio, demandeur et convocant en laditte matere de gaige de bataille, de venir faire ses armes et s'en retourner seurement et saulvement en son pays. (Le Clerc, Interp. Roye, c.1502, 354)

[Dans le contexte du mariage]

Helas ! or est cilz plus meschans Qui entre avec femme en ce gaige [de bataille] , Car l'en voit bien un mariaige Durer souvent .XXX. ans et plus. Quant sera telz gaiges conclus, Qui un chascun jour recommence ? Ly uns riote et l'autre tance, On ne scet qui est demandeur. (Desch., M.M., c.1385-1403, 22)

C. -Celui qui demande qqc..

1.Celui qui sollicite qqc..

Item, le liberal n'est pas demandëeur ne requerant ; car celui qui fait bien, ce n'est pas sa maniere souffrir de legier que l'en li face bien. (Oresme, E.A., c.1370, 233)

...je croy bien que si grant mont N'ont mie de finance ensemble, Com de demandeurs la s'assemble (Chr. Piz., M.F., II, 1400-1403, 67)

Ja Dieu ne veuille, sire, que par une telle maniere ou par autre, de trop grans demandeurs vous chargiez tant vostre bon peuple povre sans evidente et juste necessité (Gers., Noël, p.1404, 313)

Pendant ce temps, vinrent embassadeurs De tous costés, que fort bien contenta ; Justice fist, tant de grandz commandeurs Que de petis qui furent demandeurs (Molinet, Faictz Dictz D., 1467-1506, 404)

Remarque : Cf. Prov. H., 1330-1500, D 24.

Proverbe. À bon (baud / hardi) demandeur, bon escondisseur (dissenteur). On a l'adversaire qu'on mérite.

Pour ce fait bon parler a point Par scens, par avis et par point, Doucement, sans maniere ruste, Et demander ce qui est juste, Car encontre bon demandeur Appartient bon escondisseur. (Mach., R. Fort., c.1341, 139)

Le tiers commandement de liberalité si est que on retribue a chascun selon sa dignité et son merite. En quel cas, on doit moult attendre les meurs, la science, prudence et proesce de celui qu'on retribue, et non mie donner a la volee. A hardi demandeur Affiert il sage esconduisseur. (Courtecuisse, Serm. D., 1397-1418, 260)

...et se aucuns sont trop grans demandeurs en appert ou autrement, usez, sire d'un proverbe commun : A bon demandeur, Bon escondisseur. (Gers., Noël, p.1404, 312)

... à baud demandeur, hardy estoit dissenteur. (Chastell., Chron. K., t.4, c.1456-1471, 97)

Remarque : Cf. DI STEF. 235b s.v. demandeur.

2.Celui qui pose des questions.

Certes ce n'a pas esté du temps que j'ay esté paige, ne escuyer, ne josne homme que j'ay ceste question demandée ne sceue. Ad ce je respons deux poinctz ou deux raisons qui ne sont pas à oblier ou à non ramentevoir, pour appaiser les demandeurs. La premiere si est que le duc Philippe de Bourgoingne estoit filz, en tiers, du Roy Jehan de France, et yssu paternellement du noble lit, du sang et de la maison royalle de France (La Marche, Mém., I, c.1470, 277)