DESTROIT

adjectif et substantif masculin

[T-L : destroit ; GD : destroit1, destroit2 ; AND : destreit1 ; DECT : destroit ; FEW (III, 100b) : districtus¹ ; TLF (VII, 70b) : détroit]

I. -Adjectif.

A. -Au propre. [D'une chose, d'un lieu]

1.Étroit.

Il n'ont pité ne merci de nul gentil homme, se il eschiet entre leurs mains prisonniers ; mès le rançonneront de toute sa finance et oultre, et metteront en ceps, en buies et en fers et plus destroites prisons que il poront, pour estordre plus grant raençon. (Froiss., Chron. L., V, c.1375-1400, 65)

...Ou desert et es lieux destrois. (Le Fèvre, Respit Mort H., 1376-1380, 103)

...il estoient sus un cemin destroit que il ne pooient dou plus aler ou cevauchier que euls quatre de front. (Froiss., Chron. D., p.1400, 869)

Voie destroite

Alez vous sy destroicte voye Que suyvre je ne vous pourroye ? (Myst. Pass. Troyes B., a.1482, 663)

2.Serré.

Grosses vapeurs et grans fumées Par dedens la terre engendrées, Yssans dehors subitement, Par la force du mouvement Qu'elle seuffre souventes foiz Des vens en soy cloz et destroiz, Qui la font à force mouvoir Pour s'en yssir, à dire voir, Et à l'yssir certainement Ilz troublent l'air très grandement. (La Haye, P. peste, 1426, 55)

3.En quantité insuffisante.

Et leur estoient vivres et fourages si destroit que à painnes en pooient il recouvrer. (Froiss., Chron. R., X, c.1375-1400, 24)

B. -Au figuré.

1.Étroit, restreint.

...ung sien oncle (...) luy dist ainsy en destroit conseil : 'Renault, biau cousin, vous avez tant fait que vous vous trouvez ung povres homs et vostres terres engaigiez de touttes pars...' (Froiss., Chron. M., XIV, c.1375-1400, 144)

Strict, exprès.

...li chevaliers, sans trop destroit commandement, ne se fust jamais avanchiés de dire et faire ce que il disoit et faissoit. (Froiss., Chron. R., X, c.1375-1400, 126)

Précis.

Et avoit li dus d'Ango gens secretaires dalés le roi, par lesquels, de jour en jour, il savoit tout son estat ; et au destroit jour que li rois de France trespassa de che siècle, il estoit à Paris et assés priès de sa cambre. (Froiss., Chron. R., IX, c.1375-1400, 284)

[Avec un terme nég.] Au sens précis, accompli (dans le mal).

Que fais tu, larronciau destrois ? (Mir. femme roy Port., c.1342, 153)

Dame, vostre ribaut destroit, Qui lez vostre costé se gist. (Mir. marq. Gaudine, 1350, 138)

Tenir qqn destroit. Tenir qqn strictement, étroitement.

Vous savez, et est cler, Chascuns le voit, Que, se jamais il ne me souvenoit De ma dame qui me tient si destroit [var. moult estroit] , Que ma doleur oubliée seroit. (Mach., J. R. Beh., c.1340, 96)

Se vos regars, douce dame, n'estoit, Jamais pouoir n'aroie d'endurer Vostre refus qui me tient si destroit Qu'il fait maniere et sens en moy muer. (Mach., L. dames, 1377, 24)

Emploi substantival. Au destroit. Strictement.

...jadis nous soulions avoir, Nous, Pharisïens, la criee D'estre saincte gen[t] et riglee, De faire jeusnes et abstinences, Devocions, obedïences, De tenir la loy au destroit (Myst. Pass. Troyes B., a.1482, 415)

Vendre au plus destroit. Vendre au plus strict, en marchandant âprement.

...la ville et le chastel de Thurie (...) m'a fait plus de prouffit et de revenue par an (...) que le chastel et toutes les appendences à vendre au plus destroit et plus chier que on porroit ne valent. (Froiss., Chron. M., XII, c.1375-1400, 108)

2.[D'une chose, d'une situation...] Dur, rigoureux, pénible.

...je sui Guillaume le conte, Pecheur mauvais, a cuer destroit (Mir. st Guill., c.1347, 31)

Encores n'en saroient il si peu prendre que li passages de Raincevaus ne leur fust destrois, frois et lontains. (Froiss., Chron. L., VI, c.1375-1400, 230)

...Se de fain les dangiers destrois Assaiiet n'a deux fois ou trois (Thomas Maillet, Prov. Alain H., c.1375-1400, 85)

...la destroite froidure (Thomas Maillet, Prov. Alain H., c.1375-1400, 85)

Panse bien, panse que vault quanque tu faiz en ce monde, quanque tu traveilles, quanque tu rapines, quanque tu quiers vengence, quanque tu donnes a ta povre charoingne de mauvaises plaisances, se tu chiés, en la destroicte heure de la mort, a l'orrible jugement de justice, en mort perpetuelle. (Gers., Purif., 1396-1397, 67)

Quant Meliadice entendit ces parrolles, (...) eust douleur au cueur amerement, de paour que son pere la voulsist marier à l'un de ses troys, car nulle plus destroicte douleur ne plus grant courroux ne lui pouoit advenir que d'avoir autre que Cleriadus. (Cleriadus Z., c.1440-1444, 494)

...aussi une chascune creature, considerent sa vie plaine de offenses et de pechez, et estre en brief presentee au jugement de Dieu qui est et sera si destroit que il n'y ara si juste qui ne doubte a estre condampné. (Déclar. Hyst. S., a.1449, 172)

En particulier. [Du temps qu'il fait]

...adonc faisoit il moult froit et très destroit sus ce passage, car ce fu en le moiiené de fevrier ou environ qu'il passèrent. (Froiss., Chron. L., VII, c.1375-1400, 7)

Si eurent ce mardi moult dur passage et moult destroit de vent et de nege. (Froiss., Chron. L., VII, c.1375-1400, 8)

Et faisoit moult destroit temps de froit, de vent, de plueve et de nege. (Froiss., Chron. L., VII, c.1375-1400, 27)

3.[D'une pers.] Serré, accablé, angoissé.

Car je le vi deus fois ou trois Qu'il estoit si forment destrois Que par un po qu'il ne moroit. (Mach., D. Lyon, 1342, 174)

La femme son frére a fortrait (...), Dont je sui moult en cuer destroys (Mir. st Guill., c.1347, 6)

Car son plaint si parfondement Prenoit, et son gemissement, Que j'en os horreur et frëour, Doubtance, frisson et paour. Et si l'oy deus fois ou trois, Dont je fu durement destrois. (Mach., F. am., c.1361, 146)

Douce dame, vueilliez oïr la vois De ma clamour, qu'en souspirant m'en vois, Tristes, dolens, dolereus et destrois, Ne dou retour Ne say dire ne les ans ne les mois. (Mach., F. am., c.1361, 151)

Et y laissa mort son neveu que moult amoit (...) dont il estoit en coer (...) moult destrois, mais amender ne le peut. (Froiss., Chron. L., II, c.1375-1400, 162)

Destroit de + subst. Étreint de, accablé par.

...et ses quatre compaignons demeurent en la place, si destroiz de couroux que ilz ne scevent que ilz font ne où ilz sont. (Cleriadus Z., c.1440-1444, 365)

II. -Substantif masculin.

A. -Au propre. Lieu ou passage resserré.

1.[Dans une maison] Lieu resserré.

...lequel, pour la paour de la fraincte qu'il avoit oye, s'estoit mussé et cuidé sauver en un destroit oudit hostel (Chancell. Henri VI, L., t.1, 1424, 139)

2.[Dans un pays, une étendue de terre] Passage étroit, défilé.

Je sui aussi hors de mon droit Chemin, car vezci un destroit Ou chemins faillent. (Mir. march. larr., c.1349, 114)

Une duché [la Carinthie] qui est procheinne Des montaingnes de Lombardie. Et, par ma foy, je ne croy mie Qu'il ait ou monde entirement Si fort païs, car vraiement On y entre par II. destrois Qui sont rostes [var. roistes, roestes] , longs et estrois. (Mach., P. Alex., p.1369, 47)

...pluiseur bon chevalier (...) d'Escoce (...) savoient les destrois et les passages, qui leur estoit grans avantages pour porter contraire à leurs ennemis. (Froiss., Chron. L., IV, c.1375-1400, 156)

...il ne pooient entrer ne aler en Espagne fors par son pays et les destrois de Raincevaus. (Froiss., Chron. L., VI, c.1375-1400, 208)

...ces seigneurs (...) firent, par les hommes du pays, faire grans trenchois et roulleis sus les destrois par là où ilz avoient usaige de passer et de rapasser (Froiss., Chron. M., XIV, c.1375-1400, 191)

Il n'en peurent pas la tierche part [de leur charoi] remettre en le cité de Bourdiaus, tant par les chevaus qui leur faillirent, que pour les destrois des montagnes où il ne pooient passer. (Froiss., Chron. R., VIII, c.1375-1400, 171)

Et les atendoient as destroix et as passages et, quant il se veoient plus fort que li fourrageur n'estoient, il leur courroient sus. (Froiss., Chron. R., IX, c.1375-1400, 16)

...tous les chemins et passages de nozdis pais seront ouverts et appareilliés à tous nos subgés et soubmanans, soient prestres, chevaliers, clers, bourgois, marchans, ou autres de quelque estat ou condition qu'il soient, pour aler, venir, estre, sejourner, passer et repasser par les destrois et passages de nozdis pais (Trés. Reth. S.L., t.2, 1391, 368)

Sire, dist ly uns des chevaliers, il n'y a nul d'entre nous IIIJ. qui ne sache tous les chemins de cy en Prusse, et en Esclavonnie, et en Craquo. Se mestier est, nous vous y guiderons bien et seurement par tous les destrois, passaiges et rivieres. (Arras, c.1392-1393, 177)

Adont ont fait leur assemblees Et moult bien garni les entrees Des montaignes et les destrois, Qui moult sont petis et estrois. (Chr. Piz., M.F., II, 1400-1403, 218)

La embuschiee Est la grant doulceur et muchiee, Du doulz miel estroit enruchiee, Maiz a dangier est desbuschiee Pour les destroiz Et la force des lieux estroiz. (Chart., L. Dames, 1416, 255)

...iceulx de Malines sont affranchis d'ancienneté par ses predecesseurs de non paier tonlieu pour les villes et destrois de sondit pays de Flandres (Comptes Etat bourg. M.F., t.3, 1416-1418, 278)

...pour la voiture dudit salpetre de Bruges à Paris, les tonlieux tant audit Bruges que aux autres destrois, tonneaux et autres menuz frais 100 escuz (Comptes Etat bourg. M.F., t.3, 1418-1420, 557)

Le VIII^me [advisement] est que, s'il ne les [les ennemis] puelt prendre en pas ou en destroit de montaigne, d'yaue ou de boiz, ou qu'il ne les ait peu vaincre par nulles des choses dessusdictes, lesquelles il doit cerchier sur toutes choses, avant que disposer son ost a la battaille, s'il peut (La Sale, Salade, c.1442-1444, 243)

...et, pour abregier, avecquez luy se mirent par destrois et boscagez a sauveté ; sy n'y eult adont plus nul conroy tenu ne quelque deffence ez payens car lez plus asseurez prindrent la course (Comte Artois S., c.1453-1467, 77)

...passa madame par la ville, et se vint trouver aux champs. Et tant alla qu'elle vint a ung destroict auprès duquel passe la grosse riviere du Rosne (C.n.n., c.1456-1467, 313)

...le mary et le gentil homme son parent s'estoient embuschez en ung destroict par ou nostre curé devoit passer (C.n.n., c.1456-1467, 353)

[Cont. métaph.]

Vous m'avez fait errer maint pas Pour vous trouver et mains destrois. (Mir. mère pape, c.1355, 379)

Sire, pour verité tenez Du saint sepulcre vieng tout droit ; S'ay puis passé par maint destroit (Mir. Amis, c.1365, 4)

Se celuy doncquez qui demande la voye se doit laisser menner a sa feable guide et passer sans contredit les destroitz ou il le menne, combien qu'ilz soient estranges a son estimation, obeisse par plus forte rayson l'omme qui requiert l'aide de Dieu (Chart., L. Esp., c.1429-1430, 155)

3.Endroit où le lit d'une rivière est moins large.

Ensi avoit fait li rois de France pourvoir et garder les destrois et les passages sus le rivière de Somme. (Froiss., Chron. L., III, c.1375-1400, 156)

Tout cil, qui estoient avoecques monsigneur Godemar là envoiiet pour deffendre et garder le passage, estoient gens d'eslitte ; et se tenoient tout bien rengiet sus le destroit dou passage de le rivière. (Froiss., Chron. L., III, c.1375-1400, 162)

Remarque : Hist. prem. destruct. Troie R., c.1470-1480, gloss.

Le destroit d'un estang. Le col d'un étang.

Et puis [Remond] se party et vint passer au destroit de l'estant de Salse, et passa par dessoubz le chastel, et vint a Parpagnen, et y jut la nuit (Arras, c.1392-1393, 271)

4.Bras de mer resserré entre deux terres, détroit.

Haly dist que ces colompnes estoient .III. ymages ou ydoles lesquelles Hercules mist en .III. isles pres du passage Hercules que nous appellons les Destroz de Marroch. (Oresme, C.M., c.1377, 566)

...se aucuns vaisseaulx d'armée ou autres (...) arivoient ès pors, destrois et puissance de nous en nos pays de Hollande et Zéellande (Ch. VI, D., t.1, 1407, 306)

En ycellui ruissel de la mer [qu'on appelle la Mer Meridionnelle] les floz et refloz y sont moult petis et comme nyant au regart des floz et refloz de la haulte mer, et par aventure c'est pour ce qu'il n'y a pas plaine delivrance, car, comme on dit, le destroit de Maroch n'a de large en aucuns lieus que de deulx a .III. lieux françoises. (Fusoris, Traité cosmogr. G., 1432, 25)

Fist le livre de Cent parolles et le Cosmographe ouquel toute la mer et la terre est descripte, c'est assavoir toutes regions, villes el citez, pors, destrois, havres et passages (Simon De Phares, Astrol., c.1494-1498, f° 85 r°)

Remarque : Hist. prem. destruct. Troie R., c.1470-1480, gloss.

B. -Au figuré.

1.Situation pénible, lieu dangereux.

...Une grant tourbe de meschans Qui se vivent sans labourer. Quant ilz ne scevent que disner Et meurent de fain et de froid, Ilz sont tantost enn ung destroit Boutéz pour faire une finesse [un bon tour] . (Gréban, Pass. J., c.1450, 276)

Suis je de viel fer ou de peaultre ? Je vaulx ung homme comme ung autre, A bouter en ung viel destroit. (Myst. Pass. Troyes B., a.1482, 718)

Pense a mes ditz, homme serf, or y pense Et de saillir de ces destroitz t'avance. (Saint-gelais, Séj. honn. D., c.1490-1495, 245)

Destroit de qqc. Situation pénible liée à qqc..

DESCOUTTÉ. Ympositeurs ces grans asniers Si sont mis au destroit du vent. (Est., p.1460, 22)

...combien que de maulx logez et mal repeuz en y eult assez pour les destrois et malles façons du dit lieu. (La Vigne, V.N., p.1495, 282)

À destroit. À l'étroit, en position pénible.

...la endroit Fu malades si a destroit Que la touz ses jours il passa. La pour certain il trespassa (Mir. prev., 1352, 243)

Or est ce siege si estroit Que .II. y sont a grant destroit (Chr. Piz., M.F., II, 1400-1403, 4)

Pour ce voulut devenir homme Jhesus et morir en la crois Ou fust clouefz moult a destrois. (Myst. st Clément Metz D., p.1439, 360)

Mesmement Cligés, qui ne scet comment Fenice se sent, il est a grant destroit et fait telle lamentacion qu[e]... (Cligès C.T., 1455, 154)

Je me vois donc aprester A faire faire les trois croix Ou ces gens seront a destrois, Si que n'i fauldra a nul rien. (Myst. Pass. Amb. R., c.1474-1500, 57)

Qui eust peü avoir ce lieu, Gennes eust esté fort à destroict, veü que le roy tient Prouvence et que Savoye est à son commendement. (Comm., III, 1495-1498, 279)

Mettre/tenir qqn à destroit(s). Mettre/retenir qqn dans une situation pénible.

Le roy Karadas tenoit à mout grant destroit le conte du Mans (Ponthus Sidoine C., c.1400, 38)

JHESUCRIST. (...) Or te veulle remembrer souvant La griefz doleur et le torment Que je souffre en ceste croix Ou je suis mys cy a destrois. (Pass. Autun Biard F., 1470-1471, 147)

C'est mon entente, Et le lyerons si bien estroit Que nous le mettrons a destroit En telle façon et maniere Que sa presumpcion trop fiere Sera de par nous rabaisser. (Myst. Pass. Troyes B., a.1482, 695)

Avoir le coeur au destroit. Se sentir accablé, oppressé.

...et s'en revindrent, aprés que l'uis si fut fermé, tout droit en la chambre, sans sonner mot, car il avoit le cueur si au destroit de pitié que à paine pouoit il parler ne dire ung tout seul mot à Romaraine. (Cleriadus Z., c.1440-1444, 280)

2.Point délicat, difficulté, moment difficile, situation critique.

...quant ce vint au destroit De son travail, quand tu fus nez... (Mir. enf. diable, c.1339, 27)

Lors s'en aloient outre mer, En Chypre, en Terre de Labour, A grans frais et a grant labour, Pour demourer deus ans ou trois ; Si cerchoient tous les destrois Des païs et des aventures, Dont il y avoit de moult dures. (Mach., D. Lyon, 1342, 207)

Quant cil de le Rocelle veirent le destreit, et que escusances ne moustrances ne priières que il fesissent ne valloient riens, il obeirent, mès ce fu à trop grant dur. (Froiss., Chron. L., VI, c.1375-1400, 58)

Et là dirent les ghides qu'il avoient perdu leur chemin, et furent en grant destroit de froit et de nège. (Froiss., Chron. R., IX, c.1375-1400, 112)

Dont il avint ens ou quaresme que il furent en Gand à trop grant destroit, car des vivres de quaresme n'avoient il nuls. (Froiss., Chron. R., X, c.1375-1400, 203)

Quant je me vy a ce destroit Et qu'il m'ocioient mes gens, Aurelian (...) S'en vint a moy, qui me vint dire : 'Requerez l'aide (...) De Jhesu Crist (...)' (Mir. Clov., c.1381, 268)

Hanibal, qui tant rabaissa la gloire dez Rommains que leur povoir, qui le monde seigneurisoit, fut restraint et serré dedens leurs seulles muraillez, aprés sa fortune muee en infelicité, porta tousjours en son anel le venin, pour remede final de ses doubtes a besoing, et au destroit du peril de sa vie donna au venin le nom de sa mort, pour tollir aux glaives des Romains la gloire de l'occision de si hault duc. (Chart., L. Esp., c.1429-1430, 19)

...messire Henry, voiant que tant estoit parfond dedens que reculler n'en pooit et que, voulsist non voulsist, si convenoit il que sa legierté venist a ung dur destroit, s'en vint baudement au duc et luy requist ung chevalier ou II, duyt du mestier des armes, pour le conduire et instruire du fait (Chastell., Chron. IV, D., c.1461-1472, 139)

En particulier. Au destroit de la mort. À l'article de la mort.

Filz Albert, je sui au destroit De la mort (Mir. st Guill., c.1347, 51)

Gens d'armes ne vivent point de pardons, ne il n'en font trop grant compte, fors au destroit de la mort. (Froiss., Chron. R., XI, c.1375-1400, 87)

Darrain destroit. Agonie, mort.

Si n'est mie de merveilles se maintenant a ce darain destroit il [le roi de France] regrettoit le duc de Bourgoingne envers tous aultres (Chastell., Chron. IV, D., c.1461-1472, 311)

3.Détresse, nécessité, tourment, angoisse.

Mout me tient estret En aspre destret Son regart qui tret M'a et navré sans retret... (Mach., Les lays, 1377, 309)

Li Prince l'attendi sis mois Dont moult endurra des destrois Son hoost de soif et de faim Par defaute de vin et pain. (Héraut Chandos, Vie Prince Noir T., c.1385, 148)

...il [l'amant comparé au cygne] doit notablement pres de la mort chanter, c'est a dire qu'il doit, quant ce vient au destroit et qu'il se sent fort apressé d'amours, dire son fait a celle qu'il desire (Evr. Conty, Eschez amour. mor. G.-T.R., c.1400, 715)

Qu'il n'a puissance, à dire voir, à soy drecier ne soy mouvoir, N'autre chose ne peut-il faire Fors peu crier, plorer et braire, Et est subgit à tel destroit Que un peu de chault, ou peu de froit, Ou un petit d'oppression, Le mettroit à confusion. (La Haye, P. peste, 1426, 67)

En destroit. Dans la détresse.

Baiser vous veulx, las, tout atrest, En grant regré, Et en destret, - et voz playes acoler veulx ! (Pass. Auv., 1477, 257)

En tel destroit. En tel tourment, en tel supplice.

Mectez le moy en tel destroit Qu'il ne puisse plus reculler (Myst. st Vincent L., c.1471-1476, 445)