DESHONNESTE

adjectif

[T-L : desoneste ; GDC : deshoneste ; AND : deshoneste ; FEW (IV, 462a) : honestus ; TLF (VI, 1275b) : déshonnête]

A. -Contraire à la pudeur, à la bienséance.

1.[D'une pers.] Dont le comportement est contraire à la pudeur, aux bonnes moeurs, à la bienséance.

Et qui ne craint tel chose, il est senz vergonde et deshonneste. (Oresme, E.A., c.1370, 204)

Il est aussi deffendu en sa court que nul ne tiengne ne sueffre femme deshonneste (Jean De Sultanieh, Mém. Tamerlan M., 1403, 452)

Et vous qui estes noiseux et joueurs de cartes et de dez, et suivez deshonnestes gens, tavernes et cabarez (La Sale, J.S., 1456, 70)

...je veil que, a faire l'election et le chois, vous aiez singulier regard qu'il ne soit homme vague, deshonneste et pou vertueux [Partant pour un long voyage un mari conseille sa femme sur le choix d'un amant] (C.n.n., c.1456-1467, 563)

Seulement demande l'esmende De l'offence de Jehan prophete, Qu'a dit que je [Hérodiade] suis deshonneste, Palharde, ribaulde, putain. (Pass. Auv., 1477, 96)

...en la cité d'Athenes furent aucuns jeunes qui promirent a une deshonneste femme donner une somme de pecune se elle pouoit attraire a elle le couraige du philosophe en luxure. (Colart Mans., Dial. créat. R., 1482, 271)

2.[D'une chose]

a)Contraire à la pudeur, à la bienséance, inconvenant, choquant.

[D'une façon de vivre, de s'exprimer, d'une attitude]

Jamais n'i beüst ne mengast, Einsois trestous vis enragast, Qui le retenist malgré lui ; Il n'en feïst rien pour nelui Et vivoit a plain comme beste. C'estoit vie trop deshonneste, Honteuse, s'il en tenist conte ; Mais point ne congnoissoit de honte. (Mach., J. R. Nav., 1349, 226)

Et aucunes fois en telz giex l'en dit de laides paroles, ordes injurieuses et deshonestes. (Oresme, E.A.C., c.1370, 271)

Transmutations de olygarchie sunt encor faictes autrement, si comme quant les princes ou autres ont despendu leur biens propres en menant vie delicieuse et dishonneste. (Oresme, Pol. Arist. M., c.1372-1374, 219)

Dont il distrent que Dardane veneeur fut, d'un aigle, ravy ou ciel ou en l'air aus delicieuses boiçons, des quelles il passast as deshonnestes et desnaturelz embracemens (Foul., Policrat. B., I, 1372, 101)

Et certes, femmes ne doivent parler de nulle laidure, non mye seulement de con, de cul ne de autres secretz membres de nature, car c'est deshonneste chose a femme d'en parler. (Ménagier Paris B.F., c.1392-1394, 129)

...plus deshonneste chose a veoir n'est nulle autre que femmes de religion en abit desordonnees. (Chr. Piz., Trois vertus W.H., c.1405, 168)

...et qui y eust mis mos et langaiges moins deshonnestes, ce feust plus vostre honneur que la leur. (Juv. Urs., Verba, 1452, 372)

Et quant il est a la messe c'est le plus devot, a table le plus honneste, en compaignie des seigneurs et des dames le plus avenant, de ses oroilles nul villain mot escouter, de ses yeulz un faulz regart, de sa bouche un deshonneste parler (La Sale, J.S., 1456, 30)

...ung president saichant la deshonneste vie de sa femme, la fist noyer par sa mulle (C.n.n., c.1456-1467, 11)

Et fut premiers habitée par les Roynes dessusdictes, lesqueles, par leurs peciez, tomberent en fornicacion sy deshonneste que les deables habiterent avec elles, et firent et porterent geans grans et merveilleux. (La Marche, Mém., I, c.1470, 118)

[Du péché de luxure]

Puis ont volu en escript mettre Jupiter le roy des diex estre, Et toutes voies dient il Que souvent par son art soubtil Se transfourma en une beste Pour pechié faire deshonneste, Que nous appellons advoultire. (Mir. Barl. Josaph., c.1363, 284)

Luxure si est deshonneste Peché, car la vie de beste Prendre souvent fait, et laissier La nature et abaissier De l'amour de Dieu, dont souvent Aucuns meurent vilainnement. (CH. D'ORLÉANS, L. péché C., 1404, 547)

[D'un lieu]

Et quant il est a la messe c'est le plus devot, a table le plus honneste, en compaignie des seigneurs et des dames le plus avenant, de ses oroilles nul villain mot escouter, de ses yeulz un faulz regart, de sa bouche un deshonneste parler, de ses mains nul faulz serement ne atouchement, de ses piez en nul deshonneste lieu aler. (La Sale, J.S., 1456, 30)

...il venoit de la taverne et des estuves et des lieux deshonnestes et dissoluz (C.n.n., c.1456-1467, 29)

Cas deshonneste

Je desire tant que nulle autre chose plus, d'avoir vostre bonne amour et vostre bonne grace. Par ma foy, dist la dame, a ce n'avez vous pas failly, mais que vous n'y pensez fors toute honneur, car ja homme n'aura m'amour en soingnentaige. Haa, ma tres chiere dame, dist ly roys Elinas, je ne pense a nul cas deshonneste. Dont, dist la dame, qui bien savoit qu'il estoit espris de s'amour : Se vous me voulez prendre a femme (...) je (...) obeiray a vous (Arras, c.1392-1393, 9)

Parties deshonnestes. Parties honteuses.

...les parties deshonnestes du corps (Gers., Traité R. Rose H., 1402, 62)

B. -Contraire à l'honnêteté, à la loyauté, à l'honneur.

1.[D'une pers.] Malhonnête.

Puis qu'il est homs si deshonnestes, Morir y doit. (Mir. st J. Cris., c.1344, 274)

2.[D'une chose]

a)Contraire à l'honneur, à l'honnêteté, à la loyauté, qui manque à la probité.

Garde t', amis, qu'aus dez ne joues Et que pas ton temps n'i aloues, Car c'est chose trop deshonneste A prince qui quiert vie honneste ; Car il ne vient pas de franchise, Eins est fondez seur couvoitise, Et s'i moustre on si sa maniere Que maint en parlent en derriere. (Mach., C. ami, 1357, 138)

...car il les gardent [leurs pecunes] ou se dient garder afin que il n'aient besoing de acquerir ou prendre ou temps avenir par aucune voie laide ou deshoneste. (Oresme, E.A., c.1370, 240)

...la maniere des marchans est enclinee a grant gaigne ou a faire quelque chose deshonneste ; comme a prester a usure (Juv. Urs., T. rever., 1433, 78)

'...O ma dame, quelle le feray je ? Certes, je ne m'en fuiray pas, et ja deshonneste nouvelle ne vous sera de moy recordee !' (LEFÈVRE (R.), Hist. Jason P., c.1460, 147)

Il est mieulx d'estre prejuré Que injustement tuer ung prophete Pour ung jurement deshonneste. (Pass. Auv., 1477, 97)

b)Déshonorant, honteux.

Après recommença ledict Morvillier en donnant grandes et deshonnestes charges au duc de Bretaigne appellé François, disant que ledict duc et ledict conte de Charroloys là present, estant ledict conte de Charroloys à Tours, devers le roy, là où il l'estoit allé veoir, avoyent baillé seelléz l'ung à l'autre en se faisant frères d'armes. (Comm., I, 1489-1491, 6)

...affin que leur foiblesse ne les conduysist à faire quelque marché deshonneste ne à espoventer leur maistre à leur retour plus que de besoing (Comm., I, 1489-1491, 66)

Contraire à l'honneur.

Autant valoit que ung scelle sa promesse, Oncques ne fist ung deshonneste ouvraige. (Meschin., Lun. princes M.-G., c.1461-1465, 6)

Et, pour ce, le sage prince doit diligemment examiner se le conseil que on luy donne est honeste ou deshonneste affin que par trop legiere credulité il ne soit meu a faire chose deshonneste ou reprochable. (Fillastre, Traité Conseil H., c.1472-1473, 205)

Proverbe. Laide chose et deshonneste est au docteur quand sa propre coulpe le redargue et reprend. Il est déshonorant pour un docteur d'être confondu par sa propre faute.

O, toy, homme, garde toy de faire la chose que tu as accoustumé de blasmer, car laide chose et deshonneste est au docteur quant sa propre coulpe le redargue et reprent. (Colart Mans., Dial. créat. R., 1482, 204)

C. -Par extension. Vil, abject.

1.[D'un animal] Vil, vilain.

...ceste beste livre A mort et l'enfant faiz delivre (...) Par la puissance de ta crois Que faire vueil sur ceste beste, Qui est hideuse et deshonneste. (Mir. st Panth., 1364, 318)

Car cil qui orgueil en lui a, Tousjours les vices il aura. (...) Adonc laisse la nature Des hommes, et vie des bestes Prendra, qui sont deshonnestes. (CH. D'ORLÉANS, L. péché C., 1404, 546)

2.Vil, abject.

NOSTRE DAME. (...) Est ce bien chose deshonneste Et fait vilain ? SAINT ESTIENNE. Chiére mére au roy souverain, Trop villainement s'est meffait Quy murtre si vilain a fait (Mir. ev. arced., c.1341, 131)

'...Mais comment seroit honnouree souffisamment se pechié le deshonneste en luy [la Vierge] par aucun temps dominoit ?' (Gers., Concept., 1401, 399)

Par ce est condempné le proverbe des folz qui dient : 'Plus de prouffit et moins de honneur', lequel ne vint onques ne proceda fors de deshoneste et tres vilain courage. (Fillastre, Traité Conseil H., c.1472-1473, 234)

Malpropre, repoussant.

Et entrèrent ensemble en une gallerie rompue à cause des ouvraiges que on appelloit la gallerie de Hacquelebac, pour ce que cestui-là l'avoit et autres foiz eu en garde ; et estoit le plus deshonneste lieu de leans, car tout le monde y pissoit (Comm., III, 1495-1498, 305)