DESLOGER

verbe

[T-L : deslogier ; GDC : deslogier ; AND : desloger ; FEW (XVI, 449b, 450a) : laubja ; TLF (VI, 1040a) : déloger]

A. -Emploi intransitif ou pronominal. Quitter l'endroit où l'on a logé.

Or furent à Saint Clou ly nobile princhier ; à joie et à revel s'alerent hesbergier, Jusquez à l'endemain qu'il ont fait dezlogier. (Hugues Capet L., c.1358, 138)

Loeurs tentes destendirent, chascung se desloga, En loeurs marces revont en loeurs paÿs dela. (Huon Bordeaux B., c.1400-1450, 127)

Je vi le temps que je souloye Vivre en espoir d'estre joyeux, Et pensoye qu'il m'en fust mieulx ; Mais je pers ce que j'actendoye. Deshors ! Deshors ! Il vous fault deslogier, Desir sans joye et Pensee d'Amours. Tant avez fait en mon cuer de voz tours Qu'il n'y a plus pour vous que fourrager. Nonchaloir vueil desormais harberger Avec Oubli, pour moy donner secours. Deshors ! Deshors ! Il vous faut deslogier, Desir sans joye et Pensee d'Amours. Je vous receu un peu trop de legier. Departez vous ! Alez logier ailleurs ! N'aprouchez plus de mon cuer les forsbours ! Trop ay vescu soubz voustre dur dangier. Deshors ! Deshors ! Il vous fault deslogier, Desir sans joye et Pensee d'Amours. (Chart., R. Bal., c.1410-1425, 380)

Se desloger de qq. part. Partir de qq. part où l'on était logé, installé.

...je le fis mander Dez dont que de Beauvais je me voulz desloger (Cip. Vignevaux W., p.1400, 130)

Mais Hanibal, qui ja savoit bien par espies que Claudius venoit près de Hostilius, affin qu'il ne lui convenist combattre a deux consulles enssemble contre, actendant la venue de Hasdrubal, son frere, se desloga par nuit des champs de Tarente et s'en alla en Boucie. (La Sale, Salade, c.1442-1444, 41)

Et le lendemain, premier jour de septembre oudit an LXI, il [Louis XI] se desloga dudit palais et s'en ala loger en son hostel des Tournelles près de la bastide Saint-Anthoine, où il fut et sejourna depuis par aucun temps. (Roye, Chron. scand., I, 1460-1483, 30)

Ou moys de novembre, le roy vint pardevers Paris et fu logié à Ablon sur Seine, depuis au boys de Vinciennes, à Hauberviller et autres lieux, et puis d'ilec se desloga et ala en la France soy loger en ung hostel appartenant à maistre Dreux Budé, audiencier, nommé le Bois le Conte. (Roye, Chron. scand., I, 1460-1483, 319)

Audit Nicolas, ledit jour, la somme de vingt florins pour parachever de payer plusieurs ouvriers qui ont besoingné au chasteau, au présent que le roy s'est deslogé de la ville (Comptes roi René A., t.1, 1478, 47)

Et au chasteau de Capoue logé Fut seurement, car pieça deslogé Si s'en estoit Alphons (La Vigne, V.N., p.1495, 250)

Se desloger de qqc. Quitter, abandonner qqc..

Et depuis, le mercredi, feste de la Magdaleine, environ l'eure de trois heures de matin, ledit duc de Bourgongne honteusement se desloga de son ost et s'en parti et s'en ala sans autre chose faire, sinon que, durant l'espace de XVI jours entiers qu'il fu devant ladicte ville, il ne cessa de faire getter son artillerie contre ladicte ville nuit et jour, qui peu ou neant greverent icelle ville ne les habitans d'icelle (Roye, Chron. scand., I, 1460-1483, 281)

Emploi transitif. Éloigner qqn/qqc..

Desloger qqn

Beaul sireul, que tu nous desloiges D'avecques toy quant ainsi paiez ! (Pass. Semur D.M., c.1420 [1488], 32)

Desloger qqc.

Et retournerent li signeur a Villevort et se conmenchierent a deslogier et a tourser tentes et tres, auqubes et pavillons et toutes manieres de logeis portatis, et a metre sus chars et sus charettes. Tout fu deslogiet et mis a voie et a chemin (Froiss., Chron. D., p.1400, 308)

infinitif substantivé. Action de quitter l'endroit où on a logé.

...VIIJ ans a ou environ, ouquel temps il servoit et demouroit avec le viconte de Burnitel et qu'ilz estoient logiez en la ville de Montalvan en Guyenne au deslogier qu'il fist dudit hostel, par temptacion de l'ennemi, mal print des biens de leur hoste où ylz estoient logiez une espée et une taloche (Reg. crim. Chât., II, 1389-1392, 452)

Mais ce matin, au deslogier de leurs logis, les gens d'armes dudit Sforce lui demanderent : pour nous congnoistre les ungs des aultres, quelz ensseignes porterons nous ? (La Sale, Salade, c.1442-1444, 197)

B. -En particulier. [Domaine militaire]

1.Emploi intransitif ou pronominal. Lever le camp, quitter le campement ; lever un siège ; se retirer d'un lieu de bataille.

Je ne say pour quoy ne commant, Li sires de Lesparre vit Qu'il se deslogeoient et dit, S'on l'en creoit, hors isteroient Et qu'assez sejourné avoient. (Mach., P. Alex., p.1369, 161)

Et quant de moy et de ma gent, je me deslogeray presentement pour eulx approuchier, car ilz ont trop sejourné en nostre pays sans avoir nouvelles de moy. Alez vous ent devers mon frere et lui dictes que je me desloge pour aler combatre les ennemis de Dieu. (Arras, c.1392-1393, 134)

...le roy s'estoit deslogiez pour aler combatre ses ennemis. Lors fait sonner ses trompettes et se desloge, et s'en vint logier sur une petite riviere qui cheoit en la mer. (Arras, c.1392-1393, 134)

Lors se desloga ly ost et passa la riviere au pont soubz Dun en belle ordonnance, et chevauchierent tant que ilz se vindrent logier a un soir entre Verton et Lucembourc. (Arras, c.1392-1393, 158)

Le lendemain, par matin, ainsi que le duc yssoit de sa messe et qu'il faisoit tromper pour deslogier et que l'avant garde s'estoit mise au chemin et le sommage, estes vous venus quatre chevaliers de la cité (Arras, c.1392-1393, 177)

Ce venredi au soir, il fu ordonné en l'oost le roi d'Engleterre que on se deslogeroit sus le point de mienuit, et se retrairoit on tout bellement en Hainnau (Froiss., Chron. D., p.1400, 335)

Qant ce vint au matin, on se desloga, et sonnerent les tronpetes parmi l'oost. (Froiss., Chron. D., p.1400, 382)

Ensi eut li contes de Montfort le chastiel de Brest (...) Et puis se desloga de la et s'en ala devant Auroi (Froiss., Chron. D., p.1400, 472)

Pour ces parolles, ne laissierent A eulx mouvoir, ains deslogierent Les grans osts de la gent gregoise. (Chr. Piz., M.F., II, 1400-1403, 312)

Et à ceste heure, courut bruit que lesdiz ennemis, ainsi estans devant Paris, s'en aloient et deslogoient, et que à leurdit partement mettoient peine de brusler et endommager ladicte ville partout où possible leur seroit. (Roye, Chron. scand., I, 1460-1483, 110)

'...vous avez dit, ce me semble, que ces gens-cy sont en trois parties logiez, et que l'une des trois parties ne peult aider aux deulx autres. Pensez-vous qu'ilz demeurent ainsi qu'ilz sont ? Ces trois logeiz que vous avez dit, les tenez-vous pour trois sièges ? Car aucuneffoys on se loge, et desloge-l'en de devant une place pour approcher plus prez. Et on ne tient pas telz logeiz pour sièges, jusques ad ce qu'ilz soient de tous poins demourez ; et les dit on sièges, quant ilz sont de tous poins arrestez sans desloger.' (Bueil, I, 1461-1466, 170)

...et, comme ilz escoutoient, le sire de Rocqueton dit : 'Guyon, seurement ces gens-cy veullent desloger ; je l'entens bien. Ilz chargent leur artillerie. Or escoutons encores ung peu et nous approchons plus prez pour mieulx en savoir la verité au vray...' (Bueil, I, 1461-1466, 207)

...le duc de Bourgoingne, atout son armée, au troiziesme jour apprez qui fu deslogiez dudit Secavebecque, se ala logier et mettre le siége devant une autre place nommée Poucques (...). Pendant le temps duquel logis ung chevallier... (Escouchy, Chron. B., t.2, a.1465, 84)

Longuement dura ce parlement, et affin de compte fut conclud que le duc de Bourgoingne s'esleveroit de devant Nuz et que l'Empereur deslogeroit de son camp, et que tous deux à une fois se deslogeroient et partiroient de leurs logis, et se retireroit l'Empereur en l'empire, et le duc de Bourgoingne en ses pays. Et ainsi fut faict d'une part et d'aultre, et fut le deslogement faict de devant Nuz ; et se retira l'Empereur contre l'empire, et le duc de Bourgoingne en ses pays. (La Marche, Mém., III, c.1470, 100)

Comme j'ay dit, le conte du Maine ne se sentant assez fort pour les combattre, deslogeoit tousjours devant eulx en s'aprochant du roy. (Comm., I, 1489-1491, 20)

Si la besongne alloit bien pour luy, il se trouvoit à la meslée ; et, si elle alloit mal, il se deslogeoit de bonne heure. (Comm., I, 1489-1491, 214)

Et ainsi, pour retourner à ma principalle matière, le roy de Portugal n'eut pas faict une journée, au departir qu'il fist d'avecques ledict duc de Bourgongne, que ledict duc de Lorraine et les Allemans, qui estoient en sa compaignie, ne deslogeassent de Sainct-Nycolas pour aller combattre le duc de Bourgongne. (Comm., II, 1489-1491, 149)

...car vous les eussiez trouvés si trés infortunés [les Anglais devant Boulogne] , que là où il ne vous eust pleu leur courir sus et les avoir ainçois laissés VIII ou dix jours, sans faire parlamenter à eulx, si Dieu, de sa puissance absolue, n'eust destourné les influences, il leur eust convenu combatre ensemble l'un à l'autre et deslogés [desloger] à leur grande confusion, deshonneur et dangier de leurs personnes et au grant honneur et prouffit de vous et de vostre royaulme, et veez là, Sire, de quoy vous povoit servir astrologie. (Simon De Phares, Astrol., c.1494-1498, f° 8 r°)

Le lendemain dimenche au matin, Son train fut prest de bien tost desloger. (La Vigne, V.N., p.1495, 199)

Disoient estre bien asseüréz qu'ilz deslogeroient et mourroient de fain. (Comm., III, 1495-1498, 231)

Mais que vous mandés voz subgetz. En brief temps seront [les Romains] deslogetz, Car vous avez des plus vaillans Chevaliers et mieulx bataillans Qui soyent aujourdhuy en ce monde. (Myst. st Laur. S.W., 1499, 133)

Faire desloger qqn/ une troupe

Et le roy fait deslogier l'ost et s'en vint logier a une petite lieue du gallaffre, que les Sarrasins ne savoient nouvelles d'eulx ne de leur venue. (Arras, c.1392-1393, 134)

...pour ledit Collart estre alé le XXIe jour dudit mois à Heudecourt, Bullecourt et Riencourt affin de faire deslogier pluseurs gens d'armes qui estoient à messire Charles de Lens que le bastard du Bos menoit (Comptes Etat bourg. M.F., t.1, 1420, 323)

2.Emploi transitif. Forcer qqn, une troupe, à quitter son campement, faire lever le camp à.

...et jura ses dieux qu'il viendroit planter sa banniere ou mylieu des crestiens et que il les deslogeroit (Wauquelin, Belle Hélène Const. C., c.1448-1452, 283)

Et (...) nous ne sommes pas deliberés de faire riens à l'entrise [l. l'entreprise] ne requeste de voz maistres ; et ne sommes pas icy venuz pour cela faire. Nous sommes venuz pour les desloger de là où ilz sont, et pour entreprendre sur eulx à nostre requeste et non pas à la leur. (Bueil, I, 1461-1466, 211)

Desloger un lieu

Libérer un lieu/une population de ses assiégeants.

La contesse de Monfort et messires Gautiers de Mauni entendirent ces nouvelles que messires Loeis d'Espagne et toute son host estoit arrestés par devant le chastiel de Conquest. Si appella messires Gautiers tous les compagnons saudoiiers, et leur dist que ce seroit trop noble aventure pour yaus tous, se il pooient deslogier le dit chastiel et desconfire le dit monsigneur Loeis et toute son host. (Froiss., Chron. L., II, c.1375-1400, 155)

Qant chil de Calais (...) les veirent premierement aparoir sus le dit mont de Sangates, pennons et banieres venteler, il eurent moult grant joie et quidierent tantos estre deslogiet et delivret dou dangier des Englois (Froiss., Chron. D., p.1400, 826)

Faire que ceux qui sont dans un lieu le quittent.

...et n'i demora, avant que il fust jours, ville ne hamiel a deslogier. (Froiss., Chron. D., p.1400, 448)

3.infinitif substantivé. Action de lever le camp.

Et, la nuit, les Bourguignons, qui estoient logez à la Granche aux Merciers, s'en deslogerent, pour ce que l'artillerie du roy portoit de Paris jusques en ladicte Granche, et au desloger abatirent toute la couverture dudit lieu, et en emporterent toutes les poultres, solives, huys, portes, fenestres et tout le portatif, pour eulx taudir et pour ardoir. (Roye, Chron. scand., I, 1460-1483, 96)

Et (...) au loger et au desloger, on doit faire tirer quelque nombre de gens aux champs, selon la puissance qu'on a, avant que les escouttes ne guettes soyent retournées des champs, pour servir de guet et pour arrester les ennemyz, s'ilz survenoient, tant que le logeiz puisse estre en ordonnance de bataille pour combatre. (Bueil, II, 1461-1466, 34)

4.Participe présent en emploi substantival. Deslogeant. Celui qui lève le camp.

...qant les Englois et les Bretons qui en Hainbon se tenoient, veirent le deslogement, li auqun, par convoitise de gaegnier, sallirent hors et se bouterent sus les deslogans (Froiss., Chron. D., p.1400, 556)