DEGOUTTER

verbe

[T-L : degoter ; GDC : degoter ; DEAF, G 1055-1056) : gotedegoter ; AND : deguter ; DECT : degoter ; FEW (IV, 348a) : gutta ; TLF (VI, 984a) : dégoutter]

I. -Emploi intransitif. Couler, tomber goutte à goutte.

A. -[D'un liquide, en partic. des larmes, du sang, de la sueur]

Tresdouce Dame, ceste laveure ne saveroie jeo trover si ceo ne feust des ameres lermes et salees qe de vos douz oeux noun pas degouterent, mes ferement correrent par parfitement grante dolour de coer... (Henri Lanc., Seyntz medicines A., 1354, 136)

En si grant presse estoit son cuer [de Jésus] Et tel destrece de douleur Quë ausi com fust pressouré En pressour à fort vis fermé ; Le sanc de son cors li sailloit De toutes pars et degoutoit. (Guill. Digull., Pèler. J.-C. S., 1358, 262)

Les Sarrazins appellent le boys Enothbalse ; et le fruit, qui est auques semblant a cubebes, il appellent Abbebisan ; et la liqueur qui degoute des branches il appellent Grybalse. (Mandeville, Voy. L., p.1360, 255)

...A ses ordes mains et senglentes. Souvent au[s] roches se hurtoit, Dont li sans de li degoutoit. (Mach., Voir, 1364, 626)

...Vincent, in Speculo hystoriali, dit que ce n'est du manne du desert, mez est le manne lequel degousta, quant saint Charlamaingne remit lez fleurs dez espines de la Couronne de Jhesuchrist et furent cez fleurs convertis en manne (Songe verg. S., t.1, 1378, 327)

Pour faire oster eaue de vin mectez eaue et vin en une tasse, et ayez du fil de cocton et plongez l'un bout au fons de la tasse et l'autre bout soit pendant sur le bort et au dessoubz et dehors de la tasse, et vous verrez que par icelluy bout l'eaue degoutera comme blanche. Et quant l'eaue sera toute degouctee vous verrez le vin vermeil degouter. (Ménagier Paris B.F., c.1392-1394, 275)

Illec recouscha Nostre Dame son cher enfant et lava les drappelletz de Nostre Seigneur de l'eaue d'icelle fonteine, et puis estandi iceulx drappelletz par dessus la terre pour les essuyer ; et de l'eaue qui degoutoit d'iceulx drappelletz, ainsi comme ilz essuyoient, pour chascune goute naissoit ung petit arbrisseau (Voy. Jérus., c.1395, 57)

...Et sucche de sa bouche le miel qui en degouste Devant qui grant doulcheur est amer, qui en gouste. (Livre Rossignol. N., c.1400-1420, 65)

[Avec un datif éthique]

Mais en ce disant la liqueur Qui estoit par dedens mon cuer Me degouta par mi les yeus Dessus ma face en pluiseurs lieus (Mach., Voir, 1364, 212)

Tant et sy longement se combatirent qu'il n'y avoit celluy a quy le sanc et le sueur ne degouttast par terre. Bien pou s'en failly que goutte ne veissent (Gérard de Nevers L., c.1451-1464, 43)

Degoutter goutte à goutte

...elle le voit si estreint Qu'Amours de li par force espreint La liqueur qui des yeus degoute Parmi sa face goute a goute (Mach., R. Fort., c.1341, 63)

Quant [Polyphème] les hommes prent, il les tue, Puis les deveure et les mengue, Si que li sans aval degoute Parmi sa barbe goute a goute. (Mach., Voir, 1364, 620)

Degoutté de qqc. Parsemé de gouttes.

Grant clarteit y avoit quant vint al esclarier ; De chire fut l'engliese degotee : esrachier Vorent toutes lez gottes, si en fist-ons mangier A cinq lempreux, qui sont cureis sens delaier (JEAN D'OUTREM., Geste Liège B.B., t.4, a.1400, 665)

Emploi impersonnel. Il tombe des gouttes.

PATHELIN. Hé dea ! s'il ne pleut, il degoute ['Si ce n'est pas la grande fortune, du moins on en retire quelque avantage' (Éd.).] (Path. D., c.1456-1469, 154)

Participe présent en emploi adjectival. Liquide.

Primo, il couvient batre .IIII. ou .VI. oeufz (c'estassavoir moyeul et blanc) et batre tant qu'ilz soient degoutans comme eaue (Ménagier Paris B.F., c.1392-1394, 204)

Emploi pronominal. S'écouler, se déverser.

Et vint a ung sentier large en bas et estroit a monter par lez dunez et montaignez qui haultez estoient et si malaiseuses a monter qu'il doubtoit moult le voyage, car tant plus monta et plus trouva le chemin estroit et rompu dez eauez, lesquellez se degoutoient par la. (Saladin C., c.1465-1468, 117)

B. -[P. méton. du sujet]

1.[D'une chose] Laisser tomber (un liquide) goutte à goutte.

De la fenme litigieuse ou noiseuse est dit en Proverbes ou .XXVIIe. chapitre : 'Les tois degoutans en jour de froidure et la fenme noiseuse sont comparéz ensanble'. Comme soubz le toit en froidure degoutant ne peut le homme reposer, aussi avec fenme noisseuse on ne peut durer. (Daudin, De la erudition H., c.1360-1380, 422)

Degoutter à grosses gouttes

...Car vous diriés que tout y font, Tant y est le lieu rumatique, Car les parois, qui pas de brique Ne sont, y suent et degoutent A grosses goutes et leur ostent Les maçonnages de dessus (Chr. Piz., M.F., I, 1400-1403, 135)

2.[D'une pers.]

Je ne sçay ou puisa les larmes Qu'il rendy des yex en tous tarmes, Car par degoutance routiere Il degouta comme goutiere. (Pastor. B., c.1422-1425, 258)

II. -Emploi transitif. Laisser tomber, distiller.

A. -[D'une pers. ou d'une personnif.]

1.Faire tomber qqc. par gouttes.

Et pour ce mon coer souspiroit, Et des yex larmes degoutoie Sur mon papier que tout gastoie (Pastor. B., c.1422-1425, 258)

Puis print le torsis et souvent lui fist degouter la cire sus son sain et sus son ventre en telle maniere que la tendre char s'en eschaudoit et brulloit. (Percef. III, R., t.2, c.1450 [c.1340], 211)

...prenes demie livre de lart de porc qui soit bien gras et demy quarteron de gresse de geline ; et que tout cella soit bien flambé et degouté dedans une escuelle plaine d'eaue fresche (Guill. Villiers, Hipp. P.-D., a.1456, 137)

Faire degoutter une goutte

Et quant vous croyrez que le miel soit cuit, pour essayer s'il est cuit, ayez de l'eaue en une escuelle et faictes degouter en icelle eaue une goucte d'icelluy miel (Ménagier Paris B.F., c.1392-1394, 279)

[Dans un cont. métaph.] Distiller.

Par tout voloient anges drus, En terre et en ciel chantoient Et par tout joie nuncoient. Il n'estoit espere du ciel Qui par tout ne degoutast miel. (Guill. Digull., Pèler. âme S., c.1355-1358, 325)

O cieulx, degouttez vostre rousee d'en hault, et le juste descende des nues ! Ouvre soy la terre, et germe le Sauveur ! (Gers., Annonc., a.1400, 229)

Vierge beneüree, De ta doulce rousee Me degoute une goute. (Prières saints R., t.2, c.1440, 238)

Item est apellé 'consolateur', pour ce qu'il degoutte en noz cuers les consolations celestiennes et divines. (Somme abr., c.1477-1481, 123)

2.Verser, renverser.

Auchuns en mengeant, quant leurs escueilles veullent vuidier, degoutent leurs grasses souppes sur la nappe (Daudin, De la erudition H., c.1360-1380, 253)

En particulier. Degoutter son sang. Verser son sang.

[Prière à sainte Barbe, martyre :] - Car selonc ce que l'escripture Tesmongne, trestoute ta cure Jusques a ton propre sang degouster Li donnas sans rien excepter Et laissas amis et parens, Honneur, avoir et tenemens, Affin que tu puisse venir En paradis pour le servir (Prières saints R., t.2, 1400-1500, 83)

[Formule d'affirmation] Par le sang que Dieu degoutte

Par la char Dieu qu'on achata, Par la lance dont fut ferus, Par le sang que Dieux degouta, Par la char dont Dieux s'esconsa Ou corps de la vierge Marie... (Desch., Oeuvres Q., t.1, c.1370-1407, 272)

'Par le sang que Dieu degoutta,' Dist Malebouche, 'dire j'ose Qu'oncques homs de pain ne gousta Plus veritable en toute chose Que je suis.' (Martin Le Franc, Champion dames I-II, P., 1440-1442, 85)

Remarque : Autre ex. ds GDC IX, 291c.

B. -[D'une chose]

Au propre. [Du raisin]

Buvons, buvons De cest puree ['vin'] Qui est degoutee De ces morillons. Chantons, dançons ; Cest annee Est à bien tournee. Loer Dieu devons. (Man. lang. G., 1396, 53)

[P. méton. du sujet]

Et si a vn vaissel de pierre aussi comme de marbre, la quelle pierre on appelle enydros, qui tousiours degoute eaue et se remplissent de eulx meismes tous les ans (Mandeville, Voy. L., p.1360, 236)

Et la delez il a iiii. pilers de pierre, qui tousiours degoutent eaue. Et dient aucuns que il pleurent la mort nostre seigneur. (Mandeville, Voy. L., p.1360, 270)

Et au plus hault du pais sont arbres qui tousjours degoutent yaue belle et clere, qui chiet en focés auprés des arbres, la miller pour boire que l'on seroit treuver (Béthencourt, Canarien C., c.1490, 235)