DEDUIT

substantif masculin

[T-L : deduit ; GDC : deduit ; AND : deduit ; DECT : deduit ; FEW (III, 171a) : ducere ; TLF (VI, 914a) : déduit]

A. -Ce qui divertit, qui distrait ; ce qui fait plaisir' .

Je vif en deduiz et en festes (Tomb. Chartr. W., c.1337-1339, 73)

Et nompourquant je puis bien dire Qu'homme ne saroit deduit querre En l'air, en l'iaue, n'en la terre, Qu'on n'i trouvast prest a toute heure A son vueil, sans faire demeure. (Mach., R. Fort., c.1341, 30)

...le roy estoit ou parc alez chassier. Et les deux freres vont après, et treuvent le roy dessoubz un arbre, sus un estang, ou il attendoit le cerf que ly chien achassoient. Les deux freres se trairent a part, pour ce que ilz ne vouloient pas destourber le roy a veoir son deduit, lequel le perceut bien et leur en scot moult bon gré. (Arras, c.1392-1393, 75)

Je suis tout le jour a la chace Et aultre chose ne pourchace Que deduit et esbatement. (Sots mal., c.1480, 77)

Au pluriel.

Aussi les deux de bon cuer le volurent, Et bien firent quant si bon juge eslurent Sans respiter, Qui en haulx fais se scet bien delitter Et en honneur loyauté acquiter, Et a Phebus de vertu heriter, Qui tant fut preux Et tant haÿ chietifs faiz et honteux Et tant ama les deduis deliteux, Tresdur aux fiers et aux folez piteux, Comme je sent. (Chart., D. Fort., 1412-1413, 194)

Madame, qui est ainsin demeuree seule d'ami, ne voit bahours, joustes, dansses, chasses ne autres deduis ou son cuer puist prendre plaisir. (La Sale, J.S., 1456, 240)

Les deduitz, plaisances et jeuz Des grans seigneurs (Coquill., Oeuvres F., 1478-p.1494, 248)

Spectacle agréable.

LE ROY. Fille, je vueil que le deduit Venez veoir de nostre chace (Mir. st J. Paulu, c.1372, 100)

Sire, pour Dieu, laissiez aler Vostre oyseau aprez celle proye En tel maniere qu'il la voye. Si verrez tantost bel deduit. (Gris., 1395, 6)

CHACUN. Messeigneurs, Dieu vous doint santé. Je me suis premierement bouté Si dedans pour veoir ce deduit. (Sots triumph., c.1475, 39)

Divertissement (avec une nuance ironique).

YSEMBERT. Il est temps de faire depart Et de nous aler habiller, Car anuyt nous convient veiller Sur le trouppeau, chascun pour soy. (...) ALORIS. S'il vient, il y aura deduit ; Chaxcun se garde de mesprendre ! (Gréban, Pass. J., c.1450, 68)

Paysage agréable, plaisant.

Et se tient ledit dispot de Rascie en ceste dite ville pour ce qu'elle est en tresbeau deduit de boys et de rivyeres pour toutes chaces et pour toutes voleries. (La Broquière, Voy. Outr. S., c.1455-1457, 209)

Musique agréable.

Quant tout fut passé, l'en ne vey riens fors la tente ou la noble compaignie estoyt entree et ou il y avoit un tel deduit d'instremens que ce sambloit un droit paradis. (Percef. IV, R., c.1450 [c.1340], 15)

...la nuit qui estoit prouchaine ramena les pastours et pastourelles des champs atout leur bestail menant melodieux deduit de cornes, muses et flagols pour la doulçour du serain (Percef. IV, R., c.1450 [c.1340], 1062)

Gazouillis (des oiseaux).

Et s'efforçoit si de chanter Que par dessus tout le chanter Des autres oisillons l'oï, Dont mes cuers moult se resjoï. Et quant j'eus oï le deduit Des oisiaus, tous seus, sans conduit, M'en alay parmi le vergier (Mach., D. verg., a.1340, 14)

Si qu'en escoutant le deduit Des oisiaus, Amours qui me duit A faire son trés dous plaisir De fin cuer et de vray desir Me fist a ma dame penser Bonnement, sans villain penser (Mach., D. Lyon, 1342, 166)

Rossignol, messager d'amoureuse nouvelle (...) Vien, vien, si t'en iras ou je aler ne puys, Mon amy salueras par tes chans et deduys (Livre Rossignol. N., c.1400-1420, 51)

Occupation agréable.

Dont, puisque je suis transporté Par viellesse en aultre deduyt, Au travail sera depporté Mon filz et aux armes conduyt. (La Vigne, S.M., 1496, 162)

De (grand) deduit. Qui est plaisant.

En ce pays ne venoit nuls Qui n'i fust le tres bien venus, Car c'est terre de grant deduit (Froiss., Espin. amour. F., c.1369, 124)

Luxure vient mignotement, Car delit tout son fait conduit. Garniz estoit honnestement : Arnois porte de grant desduit Et de jouster tres bien aduit, Lance grosse et roide porte. [Connotation grivoise] (Prisonn. desconf. C., c.1488-1489, 27)

Maison de deduit. Maison de plaisance.

A leur departement, il prisent le chemin dou Suseniot, un moult biau chastel et maison de deduit pour le duch. (Froiss., Chron. R., VIII, c.1375-1400, 127)

En pauvre deduit. Misérablement.

...Ens el mois de decembre, en mult povre desduit Nasquit ly roy Jesus (JEAN D'OUTREM., Geste Liège B.B., t.1, a.1400, 612)

Par extension. Bienfait, profit.

Et le Soleil, qui tousdiz luit, Faisant au Monde grant déduit, Comme dolent de ceste chose, Son corps monstrer ne peut ou n'ose. (La Haye, P. peste, 1426, 53)

B. -Plaisir qui vient d'un divertissement, d'une distraction ; p. ext. plaisir, joie, bonheur.

...saint Perre (...) en lieu de joie et de deduit M'a fait de grant doleur un mais (Mir. pape, 1346, 373)

Dont quant je fui outre passez Le crueus chemin de tristesse, Raison m'amenistra leësse, Joie, pais, solas et deduit, Et je me mis en leur conduit... (Mach., D. Aler., a.1349, 391)

...c'est trez grant deduit, onclez (...), D'oïr des instrumens le gracieux apel. (Hugues Capet L., c.1358, 6)

Vive tels roys et ja ne muire ! Qui ne vuet, ne quiert, ne pourchasse Autre deduit ne autre chasse Fors damagier ses annemis, Et s'est courtois à ses amis. (Mach., P. Alex., p.1369, 217)

C'estoit ou mois de septembre que les nuis sont longhes asés, et si faissoit si biel et si seck que c'estoit uns grans deduis. (Froiss., Chron. R., XI, c.1375-1400, 137)

...quoy qu'il eust richesce, Si fu le plus de ses deduiz Aler de nuiz rompre les huiz A mariées et pucelles (Mir. Pierre Changeur, c.1378, 245)

...male adventure, convertie en la personne de son adversaire (...) en joye non pareille, deduit solaz et lyesse tres accomplie. (C.n.n., c.1456-1467, 184)

C'est son deduyct que de chanter. (Sav. Calb. T., c.1475-1500, 139)

...le chevalier, pour da plaisance, s'en alla aux champs esbatre. Et pour son deduit, laissa son faulcon voller aprés sa proye en l'air (Colart Mans., Dial. créat. R., 1482, 170)

Il est humble, atempré et saige, Tant de fait comme de parolle, Tout son deduit, tout son usaige Est de tenir papier ou rolle (Molinet, Myst. st Quentin C., c.1482, 35)

Au pluriel.

Ces parolles resjoïrent moult les Flamens, et le misent tantost hors de prison ; se li acomplirent une partie de ses deduis, tant que d'aler en rivière. (Froiss., Chron. L., IV, c.1375-1400, 34)

Et fist mettre le roy de France ens ou chastiel de Londres (...) et son jone fil, monsigneur Phelippe, avoech lui ; et les restraindi et leur tolli moult de leurs deduis (Froiss., Chron. L., V, c.1375-1400, 198)

S'amours tous amans joïr Au commancement faisoit, Son pris feroit amenrir, Car nuls amans ne saroit Les grans deduis qu'on reçoit En dame d'onnour servir. (Mach., Motés, 1377, 493)

Il nous fault le jone Edouwart couronner et faire roi, et mettre dalés li honmes de sens et de vaillance, par quoi il soit espers et resvilliés, car nous n'avons que faire d'un roi endormit ne pesant, qui trop demande ses aises et ses deduis. (Froiss., Chron. D., p.1400, 94)

À/en/par (grant) deduit

Et s'en iroit a son esduit, Sans estre prise, a grant deduit. (Mach., D. Aler., a.1349, 269)

Quant vint apres, qu'ensamble orent esté Et l'un a l'autre par samblant acointé En .I. praiel, u par deduit estoient, Et l'un a l'autre leur secré il disoient. (Dame Lycorne G., c.1349-1350, 138)

La demourai .VII. jours en route, A grant deduit, moi et ma route. (Mach., Voir, 1364, 346)

La quarte galée conduit, à grant joie et à grant déduit, Uns chevaliers de grant renon ; Florimont de Lesparre a non. (Mach., P. Alex., p.1369, 142)

C'estes vous, tres bele, Qui estes l'entele Flourie et nouvelle, Mere, où Dieu, vierge et pucelle, Par deduit, Einsi le cuit, S'engendra, quant Gabriel Vous dist la nouvelle Qui 'ave' s'apelle. (Mach., Les lays, 1377, 398)

Et au soir les dames couchièrent le mariée, car à elles appartenoit li offices, et puis se coucha li rois qui le désiroit à trouver en son lit. Si furent en deduit celle nuit, che poés vous bien croire. (Froiss., Chron. R., XI, c.1375-1400, 236)

Les hommes qui la estoient escouterent a grant deduit et n'en dirent riens, et par ainsin devant elle furent donnees ces oppinions et oy le jugement de sa desloiaulté. (La Sale, J.S., 1456, 306)

Si se tenoit alors le roy en la cité de Paris (...) en grant desduit et soulas, car alors n'estoit nulles nouvelles de guerre en France. (Jehan de Paris W., 1494-1495, 4)

Ces traitres mengent là hault en ung preau umbrageux et y sont à grant deduit (Doolin de Mayence V, P., a.1500, 61)

Sans deduit. Sans s'amuser plus longtemps ; sans tarder.

Ly bastart de Beafort vers Hesbain est corus, Par les vilhes criant : 'Aux armes sens desdus !' (JEAN D'OUTREM., Geste Liège B.B., t.3, a.1400, 458)

Acquerre deduit

Einsi me vueil porter en ceste guerre Et sagement dedens mon cuer enquerre Se j'en porray par Dous Penser acquerre Joie et deduit (Mach., F. am., c.1361, 176)

Aller en deduit/en ses deduits

Uns chevaliers un trop bel arc Li aporta et le volt tendre, Mais onques n'i volt la main tendre, Eins li dist : 'Alez en deduit, Qu'assez ci endroit me deduit'. (Mach., F. am., c.1361, 189)

La povre femme le recongneut assés, car elle avoit plusieurs fois esté à l'aumosne à sa porte : si l'avoit veu aller et venir, ensi que ungs sires va en ses deduis. (Froiss., Chron. R., X, c.1375-1400, 231)

Avoir (grand) deduit (de)

Et quant j'eus tout remiré son affaire, Certes, j'avoie Moult grant deduit et moult parfaite joie, Et pour trés boneüreus me tenoie, Pour ce, sans plus, que loiaument l'amoie. (Mach., J. R. Beh., c.1340, 79)

Et se conduit [l'aigle] en l'element De l'air haut et bas a sa guise, Sans doubter galerne ne bise, Et si gaiement s'i deduit Qu'on a dou vëoir grant deduit. (Mach., D. Aler., a.1349, 362)

Paris, Paris, bien vanter m'os Que la plus belle creature Qu'onques sceüst former nature Te donray en ta signourie, Qui sera ta dame et t'amie, Dont tu aras joie et deduis. (Mach., F. am., c.1361, 218)

Vechi plus de cinc cens lances, englès et gascons (...) qui fort vous manachent, et dient qu'il ne vous vorroient mies ja avoir pris pour le deduit qu'il aront dou prendre. (Froiss., Chron. R., VIII, c.1375-1400, 103)

Avoir son deduit en qqc.

...et le saige Aristote avoit ses livres avecques lui, car tout son deduit avoit en estude. (Percef. IV, R., c.1450 [c.1340], 518)

Mener deduit

Seigneurs, en la cité (...) Menoient grant deduit Sarrazin et Persant (Hern. Beaul. D.B., c.1350-1400, 19)

Mettre son deduit en qqc.

Mais il avoit son deduit mis Seul en chacier et en voler ; Seulement se voult deporter En oyseaux et en chiens chassans (Gris., 1395, 3)

Mettre son corps à grand deduit

Les chanoynes ont ceste jugence, Quart c'est toute lour diligence Que lour corps mettre a grant desduit. (Dupin, Mélanc. L., c.1324-1340, 316)

Perdre son deduit/tous (ses) deduits

Car je voy bien que tu me nuis Et que joie has de mes anuis, Quant le cuer de ma dame duis à moy fuir. Et pour ce que tu t'i deduis, J'ay si perdu tous mes deduis Qu'en riens resjoïr ne me puis, Dont trop m'aïr. (Mach., Compl., 1340-1377, 245)

Amis, bien voi que tu pers tous deduis Pour ce qu'il faut que face ceste voie (Mach., Voir, 1364, 278)

Prendre (grant) deduit/son deduit/ses deduits (en)

Si prenoie moult grant deduit, Car j'estoie tout asseür Que c'estoit aucun bon eür, Si le suï moult volentiers. (Mach., D. Lyon, 1342, 171)

Autel puet on d'un amant dire Qui puet parler sans contredire A sa dame et prendre loisir Toutes heures a son plaisir, Sans trouver empeechement, C'est assavoir honnestement Prendre deduis et esbanois Et trés tous amoureus denois. (Mach., D. Aler., a.1349, 322)

LA VENTRIERE. De dire rondel ne balade, Dame, ne vous daille maishuit. Nous prendrons bien nostre deduit Ailleurs huy mais. (Mir. enf. ress., 1353, 21)

...il vuet et quiert l'onneur de moy Et qu'il m'aimme assez plus que soy, Et se le truis Si bon qu'il prent tous ses deduis En moy servir... (Mach., Motés, 1377, 513)

Si ne puis durer longuement, Car ma tres douce dame rit Et prent deduit en mon tourment Et ès meschiés, où mes cuers vit. (Mach., Bal., 1377, 564)

Amis, se je te veoie, Grant deport Et grant deduit y penroie ; Desconfort Seroient en mon cuer mort. (Mach., Ch. bal., 1377, 633)

...et se il euist vesqu, et messires Guillaumes de Douglas qui fu ocis par sa vaillance en Grenade, et li contes Jehans de Moret, li rois d'Engleterre n'euist osé avoir ensi pris ses deduis de chiens ne d'oisiaus en Escoce, ne chevauchiet sans avoir eu des grans rencontres. (Froiss., Chron. D., p.1400, 220)

Et se tu veulz congnoistre fortune et te submettre a sa variableté, de tout temps en court la trouveras. La s'esbat elle de ses tours bestournés et fait ses mutations et son entregiet. Or prent son deduit a faire d'un chetif mescongneu ung puissant orguilleux, qui tout descongnoist, et d'un hault satrappe eslevé en vaine gloire et en pompe ung meschant foullé et deffait, qui depuis vit en vergoigne du dechiet de son estat et en deffiance de sa vie. (Chart., L. Esp., c.1429-1430, 7)

Le tres gracïeulx Vesperus Et Aurora sont apparuz, Qui la nouvelle ont assignee De la tres doulce matinee Ou tout cueur joyeulx prent deduit. (Gréban, Pass. J., c.1450, 268)

Querre deduit

Et nompourquant je puis bien dire Qu'homme ne saroit deduit querre En l'air, en l'iaue, n'en la terre, Qu'on n'i trouvast prest a toute heure A son vueil, sans faire demeure. (Mach., R. Fort., c.1341, 30)

[D'une chose] Estre deduit à regarder/au regarder/à voir/du voir...

Moult souvent aloit regardant Ly escuier ses deux juiaux, Lesquelz il tenoit pour sy beaux Que c'estoit deduis du veïr. (Dit prunier B., c.1330-1350, 55)

C'estoit merveilles et grans deduis au regarder les armes luisans, leurs banières ventelans (Froiss., Chron. L., V, c.1375-1400, 195)

Puis ordonna ses batailles, si noblement et si ricement parés uns et aultres, que c'estoit solas et deduis au regarder (Froiss., Chron. L., V, c.1375-1400, 199)

...c'estoit deduit a regarder le hourt des pucelles pour les riches joyaulx qui estoient au dessus d'elles (Percef. III, R., t.1, c.1450 [c.1340], 321)

A l'autre lez tournoioyent le conte de Pedracq et le conte de Desers, qui faisoient tant d'armez que c'estoit un deduit a veoir. (Percef. III, R., t.2, c.1450 [c.1340], 28)

[Rare] État de bonheur mystique.

Ayez tousjours en recordacion, Pour vostre bien et deduyt gracïeux, De Jhesucrist la saincte passion (La Vigne, S.M., 1496, 216)

Le deduit de Dieu. Le plaisir de Dieu.

Sans aultre crit Laisse Dieu faire, Car son desduit - vous doit complaire. (Pass. Auv., 1477, 242)

C. -En particulier.

1.Plaisir amoureux, jeu amoureux.

Ja Fedry n'y ara nul deduit carnelment (Hugues Capet L., c.1358, 220)

Des mariez aprandrez le deduit (Desch., Oeuvres R., t.7, c.1370-1407, 24)

Quant le povre deduit du lit Est passé par aucunes nuis, Lors te saudront les grans ennuis, Car tu ne pourras achever Son delit sanz ton corps grever, Qui adonc reposer vouldras (Desch., M.M., c.1385-1403, 54)

Et pour ce peut il bien estre par avanture que les poetes faignent que Jupiter faisoit tant de adulteres et tant de fornicacions, sy come on treuve es fables des poetes de Almena, la fame Amphitrion, avec laquelle il jut et fit doubler la nuit pour son deduit avoir plus longuement (Evr. Conty, Eschez amour. mor. G.-T.R., c.1400, 380)

Quant est de moy, qui peut chacer si chace, Ou pour voler faucon haquart pourchace ; Mais oncq ne fut si gracïeuse chace Que du deduit qui parle face a face, Bel comme un ange. L'oyseau s'essore et le cerf va au change, Le chien se pert, le fauconnier s'enfange, Le senglier rompt des dens corps, linge ou lange. Leur saison cesse : Oyseaulx muent et cerfs perdent leur gresse, Les chiens ullent et font ennuy et presse. Mais le deduit amoureux ne se lesse ; Tant est plaisant Qu'il se maine par semblans en taisant, Non pas en bruit et en noise faisant. (Chart., D. Fort., 1412-1413, 177)

Pour ce, je me tiens apresté A deduiz, en champs et en bois, S'Amours y prent nulz de ses droiz, Quelque bien m'y sera presté (CH. D'ORLÉANS, Rond. C., 1443-1460, 511)

... [le mari] se tira vers le lieu ou ce beau deduit se faisoit. Et au hurter qu'il fist a l'huys, il trouva l'atelée du chevalier et de sa femme (C.n.n., c.1456-1467, 432)

Il estoit si fait au deduit Et si aspre, aussy estoit elle, Qu'il ne leur failloit nul respit Delay, grace ne quinquernelle. (Coquill., Oeuvres F., 1478-p.1494, 12)

L'amoureux deduit

Pucelle nouvelle espousee A sa compaigne disoit : '... Comment passates vous la nuyt Qu'on vous fit l'amoureux deduit ... ?' (Neuf unica du ms. de Stockholm, éd. F. Lecoy, c.1400-1500. In : Trav. Ling. Litt. 16-1, 1978, 296)

2.Plaisir de la chasse ; chasse.

À Jacob Frere, faulconnier, la somme de dix frans monnoye royal que mondit seigneur lui a donné pour une fois de grace especial, pour et en recompensacion de sa paine et traveil qu'il a eu en avoir mué à mondit seigneur ung ostoir et deux espriviers pour son gibier et deduit (Comptes Etat bourg. M.F., t.1, 1420, 357)

...Maiz pour avoir deduit meilleur, Aiez un homme avecques toy Qui maite en ton deduit arroy, Car sanz ordenance nul fait, Saichez bien, ne puet estre fait. (La Buigne, Rom. deduis B., 1359-1377, 124)

Aucuns seigneurs d'Engleterre avoient là fait venir chiens et oyseaux pour leurs deduis et espriviers pour les dammes. (Froiss., Chron. M., XII, c.1375-1400, 311)

Et aussi tient l'en que le droit cuer de la saison d'espreveterie bonne ne dure que environ six sepmaines, que il couvient voler aux cailles. C'est assavoir depuis le moiz de juillet que l'en treuve les volees des premiers perdrialx, jusques en aoust qu'ilz deviennent fors, qu'il convient voler aux cailles. Et lors se afoiblie le deduit, car depuis que les perdriaulx sont failliz et que l'en ne treuve que les peres et les meres qui sont fors, l'en ne les peut prendre fors au voulon -- c'est assavoir au fouldre (Ménagier Paris B.F., c.1392-1394, 143)

Item, saichiez que [ le ] deduit de perdriaulx dure jusques a la myaoust, et adont commence le deduit des cailles, pour ce que alors deviennent fortes et voulentiers se tiennent prez des bois et des hayes. (Ménagier Paris B.F., c.1392-1394, 160)

Y a il nul en ceste place Qui beau gibier trouver nous face Ou avoir puissons beau deduit? (Gris., 1395, 5)

Chiens et oyseaux nous fault avoir Et aler prendre aucun deduit, Que bonne piece y a, ce cuit, Que n'eümes deduit de chace. (Gris., 1395, 24)

LE CHASTELLAIN. Il nous fault aller au deduict, Entens tu ? PETIT BON. Les chiens sont tous prestz. (Myst. jeune fille L., c.1413-1445 [c.1530], 10)

À Jacob Frere, faulconnier, la somme de dix frans monnoye royal que mondit seigneur lui a donné pour une fois de grace especial, pour et en recompensacion de sa paine et traveil qu'il a eu en avoir mué à mondit seigneur ung ostoir et deux espriviers pour son gibier et deduit (Comptes Etat bourg. M.F., t.1, 1420, 357)

Deduit de chasse

Chiens et oyseaux nous fault avoir Et aler prendre aucun deduit, Que bonne piece y a, ce cuit, Que n'eümes deduit de chace. (Gris., 1395, 24)

Deduit de gibier

Tu scez que c'est de deduit de gibier (CH. D'ORLÉANS, Rond. C., 1443-1460, 385)

Deduit de(s) chiens/deduit d'oiseaux. Chasse avec les chiens, chasse avec des oiseaux de proie.

Vous avez l'art et la science Des deduis de chiens et d'oyseaulz (La Buigne, Rom. deduis B., 1359-1377, 281)

...Acteon fut un frisque et gentil chevalier, et amoit le deduit des chiens sur toute riens (Froiss., Chron. M., XII, c.1375-1400, 93)

Mais il avoit son deduit mis Seul en chacier et en voler; Seulement se voult deporter En oyseaux et en chiens chassans ; La riviere li fu plaisans Et le bois au deduit des chiens. (Gris., 1395, 3)

Princes chasseurs, qui aymés venaissons Et le deduyt de chiens et de faulcons... (Au grey d'amours F.-H., c.1400-1500, 275)

Messire Gaultier de Rupes fut en armes monlt renommé, en large conscience, et en deduyt de chiens et d'oiseaulx. (Nouvelles inéd. L., p.1452, 34)

...les belles plaines, tant plaisantes que a souhaiter, pour le deduyt des oyseaulx en temps de gibier (C.n.n., c.1456-1467, 175)

Si tu tes plaisances pourchasses, Au deduyt d'oyseaulx ou de chasses, Il y a du temps pour esbatre Et d'aultre pour pleurer et batre. (Meschin., Lun. princes M.-G., c.1461-1465, 39)

Ung ancien prince avoit ung filz (...) lequel prenoit tout son plaisir et felicité en la nourriture et deduit de chiens et de oyseaux, mesmement a voler et a chasser. (Tardif, Apologues R., c.1493-1498, 87)

Deduit du faucon

...le deduit du faucon et de l'esprevier sont les plus delitables (Henri Ferr., Modus et Ratio, Livre deduis T., c.1354-1377, 228)

Deduit d'espreveterie

Si ferai ma quinte partie Du deduit d'espreveterie (Henri Ferr., Modus et Ratio, Livre deduis T., c.1354-1377, 241)

Deduit royal

Le deduit pour faire les buissons pour les bestes noires est apelé deduit real pour trois causes. La premiere si est pour ce que il appartient aus rois et aus princes, pour ce qu'il ont les grans forés, ou les bestes sont, et les buissons bien garnis... (Henri Ferr., Modus et Ratio, Livre deduis T., c.1354-1377, 104)

Chien de deduit. Chien de chasse.

Les chiens de deduit ont renom De noblece (La Buigne, Rom. deduis B., 1359-1377, 327)

Homme de deduit. Chasseur.

...luy qui estoit homme de deduit comme il estoit aux champs, et eussent ses levriers mis ung lievre en chasse, il picque son cheval (C.n.n., c.1456-1467, 332)

Gens de deduit

Vestu de vert seront trestuit, Car il n'y a fors gens de deduit (La Buigne, Rom. deduis B., 1359-1377, 373)

Livre de deduit. Traité de chasse.

Et que nous ne fussons oysis, Nous fist un livre de deduis (Henri Ferr., Modus et Ratio, Livre deduis T., c.1354-1377, 7)

Prendre le cerf à court deduit. Prendre le cerf pendant une chasse qui dure peu de temps.

Donc, quant nostre veneur nouvel voudra prendre le cerf a court deduit et vilainement, et est droitement deduit d'omme gras ou d'omme vieill ou d'un prelat ou d'omme qui ne veult travaillier, et est belle chasce pour eulx, mes non pas pour homme qui veult chascier par mestrise et par droyte venerie, mes bien est bon pour metre a la voye et a la char ses chienz au commencement de la sayson en affetaysons (Gast. Phébus, Livre chasse T., 1387-1389, 251)

Par métonymie. Ensemble des personnes et des animaux qui servent à la chasse.

...6 draps vers et demi de plusieurs païs délivrés en ce terme pour faire cotes hardies et houces pour le bois aus huit veneurs du Roy, à deux escuiers du déduit, à huit archiers, et à quatre aides (Comptes argent. rois Fr. D.-A., I, 1352, 151)

Gibier.

Un paisant avoit un chien De grant exploit, jeune et puissant, Fort et hardi, si l'ama bien, Car toute beste fut prenant, Et si gardoit diligemment Son hostel de jour et de nuit ; Manger lui fist de maint deduit, Et des loups son tropiau garda. (Desch., Oeuvres Q., t.6, c.1370-1407, 270)

Remarque : En dehors du sens C2, ne se trouve que dans les textes littéraires - surtout poétiques. Devient plus rare au cours du XV^e s. Dans l'ex. suivant, le seul de ce type, desduitz correspond peut-être à deduire I (au sens B). Le sens serait : 'Exposé que l'on fait de qqc.'

Si mes propos et mes desduitz Estoient meurs et mes diz vers, De ceulx ou plus je me desduitz Mal eusse composé dix vers Sans les mectre en termes divers A demonstrer par un autre nom Ung droit pour moy et l'autre non.. (Chast., Temps rec. D., 1451, 53)