DEBOUTER

verbe

[T-L : deboter ; GD : deboter ; GDC : deboter ; AND : debuter ; DECT : deboter ; FEW (XV-1, 213) : *botan ; TLF (VI, 779a) : débouter]

I. -[Sur bout 'coup' ou sur bouter 'frapper']

A. -Frapper, violenter, maltraiter qqn.

...en trop mauvais secours De corps et d'ame te mettoies, Quant ton curé si deboutoies Qui la cure avoit et la garde De t'ame. (Mir. parr., 1356, 42)

Et elle lui apparut en la plus piteuse forme et figure que on ne puet considerer et penser, la charité et amour de Nostre Seigneur Jhesucrist, c'est assavoir tout nu, tout playé, decraché, debouté, portant la croix a ses espaules. (Déclar. Hyst. S., a.1449, 150)

Debouter ses doigts. Jeter ses doigts (à la figure de qqn).

A po que mes doiz ne deboute Si que les deus iex te crevasse, Par Mahommet, en ceste place. (Mir. st Val., c.1367, 155)

B. -Attaquer qqn (ou un animal).

...une biche qui a son faon et elle est en païs ou elle n'est point deboutee [var. abouctee] de leus, ne de chiens, ne d'autres bestes, et u païs ou elle est (,) a bonnes viandes et douches... (Henri Ferr., Modus et Ratio, Livre deduis T., c.1354-1377, 63)

Ou milleu d'Espoir et de Doubte Les cueurs se mussent plusieurs jours, Pour regarder les divers tours Dont ['par lesquels'] Dangier souvent les deboute. (CH. D'ORLÉANS, Rond. C., 1443-1460, 458)

II. -[Sur bouter 'pousser ou repousser']

A. -Debouter qqn qq. part. Pousser qqn qq. part.

La durté n'oublïerent pas Qu'en prison furent debouté Et de leur seignourie osté. (Renart contref. R.L., t.1, 1328-1342, 179)

Au figuré. Pousser qqn.

Quant il se vit en si haut point, Orgueil, qui ne scet faire a point, En son cuer se mist et bouta Et telement le debouta Qu'il perdi sa gloire et son regne, N'orgueil n'i tint regle ne regne. (Mach., C. ami, 1357, 29)

B. -Debouter qqn (de)

1.Au propre.

a)Debouter qqn (de qq. part). Chasser, repousser qqn (de qq. part).

Alons les du tout debouter Et mettre a fin. (Mir. ste Bauth., c.1376, 139)

Tu es droiz hoirs de Bretaigne Brute et Gallesse. Or estes vous bien ruez jus et deboutez de la noble contree de Bretaigne. Certes, se vous le vous laissiez ainsi tollir par lascheté de vostre cuer, tout le monde vous escharvira, et dira on : Veez vous la le fol qui, par faintise de cuer, s'est laissié dechacier de si noble pays et region comme le royaume de Bretaigne. (Arras, c.1392-1393, 49)

...tout çou qu'il font, (...) C'est pour moy dévouter de men grant roiauté (Geste ducs Bourg. K., c.1410-1419, 501)

...il [ce marchand] est semblable au marchant qui est debouté du temple de Dieu (Juv. Urs., T. rever., 1433, 79)

Et adonc ledit suppliant, courroucé de ce que lui disoit ledit maistre Jehan, lui dist par deux foiz ces parolles : 'Va t'en ! va t'en', et print une juisarme en sa main, laquelle il avoit près de lui pour la garde de ladicte place, et frappa deux coups du plat de ladicte juisarme sur ledit maistre Jehan, pour l'en cuidier envoyer et debouter d'ilec, pour eschever debatz, et aussi qu'il estoit heure tarde et ne voyoit on plus guères (Doc. Poitou G., t.9, 1447, 41)

...arriverent pluseurs freres mineurs (...) eschassez et deboutez par leur mauvais gouvernement et faincte devocion du royaume d'Espaigne (C.n.n., c.1456-1467, 215)

Et, ilec ainsi assemblez que dit est, parlerent de leursdiz differens, mesmement pour raison de la prinse et retenue que faisoit mondit seigneur le connestable de la ville de Saint-Quentin qu'il avoit prinse et mise en sa main, et d'icelle en dechassé et debouté dehors le sire de Creton, qui avoit la garde d'icelle ville de par le roy (Roye, Chron. scand., I, 1460-1483, 313)

Ces soctes soctans assoctees Ont esté par nous deboutees, Car il vous voulloient presenter Ce present et encor enter Devant vostre grant majesté. (Feste roys, c.1475-1500, 311)

Il nous fault d'icy remüer. Nous ne sommes pas en seurté, Veu que l'en a ja debouté Nostre maistre. Or müons lieu. (Pass. Auv., 1477, 123)

...vous avez dechassé et debouté nostre bailly et autres noz officiers de nostreditte ville d'Amyens et y avés mis et bouté noz ennemys (Le Clerc, Interp. Roye, c.1502, 265)

En particulier. [L'ennemi]

...s'il avenoit que aucunes gens d'armes estraingiers venissent à force en nozdis pais ou de l'un de nous pour ycellui dommagier, chascun de nous, de toute sa force, doit faire et fera aide à lez debouter de nosdis pais. (Trés. Reth. S.L., t.2, 1391, 372)

...vous devez exposer vostre personne a recouvrer vostre seignorie et aider a voz subgetz a resister et debouter voz ennemis (Juv. Urs., Loquar, 1440, 388)

[Les Bourguignons] en furent deboutez [de Beauvais] , leverent leur siege, et s'en deppartirent honteusement. (Lettres Louis XI, V., t.5, 1473, 166)

Debouter (un seigneur) (d'une seigneurie / du trosne...)

...ilz veulent debouter vostre prince droiturier et seigneur naturel que voz vies et voz corps sont tenuz defendre et tendent occuper le siege royal pour vous defouler soubz leur tirannie. (Chart., Q. inv., 1422, 18)

O tu Roy ! avecques révérence, que penses-tu, voulant débouter injustement le très chrestien roy des François de la chaière et trosne de si très grant et si puissant royaume ? (Monstrelet, Chron. D.-A., t.3, c.1425-1440, 74)

Cellui est digne de estre privé et debouté de sa seignourie qui en use a ses voulentés et non mie au proffit de ses subgetz (Juv. Urs., Verba, 1452, 265)

Sire, il est venu nouvelles que le roy Amydas est debouté de sa seigneurie par ses subgectz et aultres seigneurs qui n'y ont point de tiltre, et qu'il a une très belle fille, laquelle il veult baillier à aucun homme de bien qui le vouldra servir pour le remettre à sa seigneurie. (Bueil, II, 1461-1466, 158)

Debouter qqn d'une institution

Ce fut Sergius, ung moigne apostat, infect de heresie nestorienne et debouté d'Eglise, qui te subgeera ceste mauvaistié pour mettre en trouble sainte crestienté et complaire aux nestoriens hereses. (Chart., L. Esp., c.1429-1430, 124)

Debouter qqn hors / dehors de

Tes ennemis hors d'entour toy Chace et deboute. (Mir. Barl. Josaph., c.1363, 253)

Robert d'Arthois considerans les choses qui avoient esté faictes contre luy se departit du royaulme et [,] estudiant et machinant chosez nouvelles [,] pensoit comment il deboutteroit Phelippe roy de France hors du royaulme (Juv. Urs., T. crest., c.1446, 35)

...saint Jheromme debouta trois clers hors de sa table pour ce qu'il les veÿ deshonnestement seoir a icelle (Colart Mans., Dial. créat. R., 1482, 117)

...par celle occasïon [Dieu] Ne leur devoit point pardonner Mais les va tantoust debuter Dehors de paradix terrestre (Oudin, St Genis M.S., c.1490, 94)

Estre debouté de l'espaule. Avoir l'épaule démise, luxée (littér. être hors de son épaule).

Item, se il est deboutés des espaules, brochier le, et puis lier d'une corde d'arc .V. jours et .VI. nuiz. (Chir. chevaux P., c.1325-1350, 375)

b)Debouter qqn de (de qqn / d'un groupe). Exclure qqn (d'un groupe).

De tous hommes fu deboutez Pour l'orgueil ou il fu boutez, Et parmi champs, parmi boscages Fu mis o les bestes sauvages. (Mach., C. ami, 1357, 30)

Or va donc, pecheur detestable, Aprés tes maledictions Ensemble te excommenions, Et te nonçons pour debouté De la nostre socïeté, Habendonné d'ame et de corps. (Myst. Pass. Troyes B., a.1482, 466)

Debouter qqn d'avec qqn. Séparer qqn de qqn.

Paour ay de ses traïteurs Que voy la, et tant les redoubte Que d'avec li ne nous deboute Que je ne l'ose regarder. (Jour Jug. R., c.1380-1400, 245)

Debouter qqn de la compagnie de qqn

Et firent iceulx roigne et seigneurs tant que icelluy connestable fut débouté de la compaignie dudit roy. (Chart. J., Chron. Ch. VII, V., t.2, c.1437-1464, 18)

Rejeter, repousser qqn.

Souspirer, Dementer, Desperer, Moy haïr, moy oïr, Refuser, Debouter Et donner, Tout amer Sont en lieu de merir. (Mach., Les lays, 1377, 376)

Nu comme ung ver, vestu en president, Je riz en pleurs et attens sans espoir, Confort reprens en triste desespoir, Je m'esjouys et n'ay plaisir aucun, Puissant je suis sans force et sans pouoir, Bien recueully, debouté de chascun. (Villon, Poèmes variés R.H., c.1456-1463, 46)

Cilz es bien folz qui mest sa cure A eymer sy parfaittement Qu'en la fin de lui on n'a cure, Ains est debouté rudement. Pour moy le dis je proprement, Jamais a ce ne m'envaÿs De plus sermonner nullement, Car pour eymer je suis haÿs. (Jeu quatre pers. L., a.1465, 194)

Debouter qqn de soi mesme (en combattant)

...en deboutant tousjours son ennemy de luy et en gardant son aleine (Bueil, II, 1461-1466, 110)

Debouter qqn arriere

...tu as assemblé ces gens cy pour toy exaulcer et pour nous debouter arriere, mais je vous feray de dessus ce grant cheval tresbucher à terre (Doolin de Mayence V, P., a.1500, 12-4)

[Un animal]

Qui a faulcon, oisel ou chien Qui le suit, ame, craint et doubte, Il le tient chier et garde bien Et ne le chace ne deboute (Chart., B. Dame, 1424, 345)

Participe passé en emploi adjectival. Repoussé, découragé.

...les dis messages ['messagers'] , moult deboutés et contrains en lermes pour les devant dis griez, et vestus de noirs vestemens, requistrent a ycelle madame l'emp[er]erix que elle daingnast et voulsist octrier entierement et consentir a effet a leur message et a leur peticion (Vignay, Théod. Paléol. K., c.1333-1350, 28)

2.Au figuré.

a)Debouter qqn (d'un office, d'une fonction). Chasser, renvoyer, suspendre qqn (d'un office, d'une fonction).

...si tost comme il ot la possession dudit lieu, furent establiz officiers nouveaulx, par quoy ledit Perrinet ne pot joir de sondit office, maiz en fut debouté (Compte Navarre I.P., 1367-1371, 108)

...chils qui sera ainsi traictiéz et trouvéz en teles reproches qu'il ne doie demourer au dit office, deboutéz en sera (Hist. dr. munic. E., t.2, 1368, 124)

...pluseurs baillifs de ce royaume se efforçoient de debouter pluseurs capitaines de leurs offices, et y mettre des nouveaulx (Baye, II, 1411-1417, 119)

...ledit Regnault Le Clerc seroit receu huissier ou lieu dudit Pierre Belle, qui en fu debouté et privé (Fauq., I, 1417-1420, 329)

...Anthoine de Chabannes, conte de Dampmartin, qui ainsi estoit eschappé de la Bastide Saint-Anthoine et qui depuis fist moult de maulx au roy et à ses subgets en Auvergne et ailleurs, venu devant Paris avecques les autres princes, fut fait et creé grant maistre d'ostel du roy ou lieu du seigneur de Crouy, en deboutant de ce ledit de Crouy, messire Charles de Meleun et tous autres ; et lui en furent baillées lettres par le roy, qui certiffioit que ledit Chabannes lui avoit fait serement de loyaument le servir à l'encontre de tous. (Roye, Chron. scand., I, 1460-1483, 169)

Participe passé en emploi substantival masculin. Personne qui est chassée, renvoyée, suspendue (d'un office).

...Mahaut, femme de bonne mémoire, jadiz contesse d'Artoys, ou temps que elle vivoit, eschevins avoient usé et acoustumé de venir sur le temps de la creacion des diz eschevins et li nommoient douze personnes pour eschevins, et elle recevoit lesquelz qu'il li plaisoit et, ou lieu des deboutéz, y mettoit autres à sa voulenté (Hist. dr. munic. E., t.1, 1347, 332)

b)Debouter qqn (d'un bien, d'une possession, d'un droit...). Priver, déposséder, exclure qqn (d'un bien, d'une possession, d'un droit...).

...quant le dit seigneur se vid ainsi debouter de son heritage par ses mauvais subgés (Bouciquaut L., 1408-1409, 314)

...et pour ce, nous ledit chevalier avons debouté et deboutons de tout le droit qu'il avoit et povoit avoir en et sur ladicte maison (Sent. Chât. Paris M., II, 1415, 74)

...pour avoir loyalment servy le roy nostre sire, mondit seigneur et son parti, pour lequel fait il a esté debouté de ses biens et possessions, a perdu tout son vaillant et cellui de sa femme (Comptes Etat bourg. M.F., t.3, 1416-1418, 178)

...ce n'estoit mie l'intencion de ladicte Court que les officiers et serviteurs du Roy, qui ne sont point comprins oudit roole, comme chambellans et autres, soient forclos ne deboutez dudit lays (Fauq., II, 1421-1430, 82)

...par la coustume et usaige notoirement gardees et observees en ce royaulme, toutesfoys que une femme est deboutee d'une succession, comme d'aucum fief, les filxs qui descendent d'elle sont forcloz et deboutés (Juv. Urs., Aud. celi, 1435, 158)

Injures de fait, si est mectre main en autre ou en ses biens, comme de batre et de ferir, ou du sien tollir en le deboutant et oustant de son droit, de son dommaine, de sa saisine ou pocession. (Cout. instit. Anjou Maine B.-B., t.2, 1437, 496)

...que le roy donneroit sa fille au roy Henry d'Angleterre, et avec ce l'establiroit seul et vray héritier de sa couronne après son trespas, en déboutant son fils propre (Chastell., Chron. K., t.1, c.1456-1471, 116)

...laquelle fille la royne Ysabel, seur dudit roy domp Henry, debouttoit de la succession de Castille, disant que la mère l'avoit conceüe en adultère. (Comm., II, 1489-1491, 147)

c)Debouter sa femme. Chasser, répudier sa femme.

Remarque : Doc. 1459. In : Ch. Petit-Dutaillis, Doc. nouv., 1908, 182 (...et lequel est marié, et a debouté sa femme espousée, et par desus icelle sa femme espousée maintient publiquement hostel et mesnage avecques une nommée Marguerite de la Mote, aussi mariée).

d)DROIT Prononcer un jugement par lequel sont déclarées irrecevables ou mal fondés la demande de qqn ou l'exercice par qqn d'une voie de recours.

Ouye laquelle requeste faite par ledit prisonnier, ledit mons. le prevost, par l'advis et deliberacion des dessus diz presens conseilliers, lui fu donné terme d'enseigner de ce que dit est dedens VJ sepmaines du jour d'uy, sur peine d'en estre forclos et debouté du tout, et que ad ce jamais ne fu receu ; et icelle prefixion, par le commandement dudit mons. le prevost, a esté signifiée et dite à maistres Jehan Merlet, Gautier de Lengres et Robert Caret, promoteurs de la court de l'official (Reg. crim. Chât., I, 1389-1392, 400)

...et que maistre Jehan Saliou, qui se dit procureur de l'eglise de France, soit debouté de son opposition, comme torçonniere, injuste et non recevable (Fauq., III, 1431-1435, 95)

A esté pronuncié par sentence des dessusdiz commissaires et moy avec eulx, que les opposicions desdictes Katherine et Bonbonne n'estoient recevables, et comme teles en ont esté deboutées. (Aff. Jacques Coeur M., 1453-1457, 230)

...nostredict conseiller de Torcy a obtenu, comme il dit, deux arrestz à son prouffit, par l'un desquelz ledict seigneur de Carency a esté debouté de garend (Lettres Ch. VIII, P., t.3, 1490, 101)

Remarque : Même mot ds STAVELOT, Chron. B., a.1447, 581 (Et à la quarte fois ly appelleis soy covint debiter par le seriment de unck homme por ly, qui son absenche doit excuseir ; cf. aussi p.129) ?

e)Par extension. Debouter qqn de qqc.

Priver qqn de qqc..

Je sai toutes vos volentés, Et conment estes deboutés De vostre amour par mesdisans Qui a grant tort vus sont nuisans. (Dame Lycorne G., c.1349-1350, 184)

...et comme tel, l'avons privé et débouté, privons et déboutons de l'honneur et dignité de parrie de France (Chastell., Chron. K., t.3, c.1456-1471, 481)

...il est conté pour vil et digne d'estre debouté des biens espirituelz que Nostre Seigneur promet a ses bons serviteurs. (Colart Mans., Dial. créat. R., 1482, 108)

...Dont je suis desconfortee, Tormentee, De tout plaisir deboutee (Molinet, Myst. st Quentin C., c.1482, 58)

Débarrasser qqn de qqc..

...A celle fin qu'il vous deboute De ceste dure enfermecté (La Vigne, S.M., 1496, 568)

C. -Debouter qqc. (de)

1.Au propre.

a)Debouter qqc. (de qq. part). Faire sortir, chasser qqc. (de qq. part).

Et le saige amoureux saint Pol avoit tout relenqui, tout debouté dehors, en tant que le monde estoit tout mort a luy (Gers., P. Paul, a.1394, 513)

b)Repousser qqc..

Ilz [des moines] debouttent eaue, cervoise et houppes, Pour engorgier clarés et ypocras (Molinet, Faictz Dictz D., 1467-1506, 605)

[D'une chose]

Il disoient que le ciel deboute les choses pesantes et les fait assembler ou milieu, et les legieres monter en haut par la force de son mouvement et par violence. (Oresme, C.M., c.1377, 146)

2.Au figuré.

a)Rejeter, repousser qqc..

Parlons aprés du second traitre, Delit luxurieux, qui occist ou deboute pure et nette chasteté ; et, par ce, le temple de Dieu est fait plus ort que une estable a pourceaux (Gers., Annonc., a.1400, 236)

Comment pourroit ung doulx et piteux Pere debouter les prieres d'ung tel fil (...) ? (Miélot, Spec. hum. salv. L.P., 1448, 156)

b)En particulier. Repousser qqc. (de mauvais), faire disparaître qqc..

...amans (...) Avéz veüz voz cuers en haut degré Du gent deduit qui deboute tristesse (Recueil galant. V.-B., c.1350-1400, 60)

La souvraine et droicte science De loys, c'est (...) Debouter faulseté et vice (Chr. Piz., M.F., II, 1400-1403, 112)

Je ne sçay, fait il, comment toute creature raisonnable ne deboute de soy sur tous autres vices le pechié d'envie. (Chr. Piz., Trois vertus W.H., c.1405, 139)

...à débouter les guerres hors de ce royaume, et le mectre en paix et transquilité, adfin qu'en icellui royaulme Dieu soit servi et honoré, et que marchandise et labour y puisse avoir cours. (Doc. 1423. In : MONSTRELET, Chron. D.-A., t.4 c.1444-1453, 149)

Je suis deffait en verité, Se vostre doulce humanité Ne s'accorde a moy conforter. Plaise vous, dame de bonté, Ma misere et adversité Par vostre grace debouter ! Certes, je ne puis plus durer, Ne mon cueur ne peut endurer Les assaulx que luy fait Desir. (Narcissus, p.1426, 309)

Je te requier, sire, par ceste humilite tresparfaittement superhabundante, que tu deboutes de moy tout orgueil et toute arrogance (Miélot, Spec. hum. salv. L.P., 1448, 159)

...et comme les mains en corps humains sont de debouter les choses nuysans, a frapper les infestans, a traire les choses neccessaires, a garder et deffendre les aultres membres, ainsi sont les chevaliers et nobles a faire ce que dit est en la chose publique (Juv. Urs., Verba, 1452, 240)

LA TIERCE SOTE. Roy gracieux, trestout troys puissamment Je vous salue moy tressote assotee, Sote je suis, assotee sotement, Car sotie je n'ay point deboutee Mais est tresfort dedans mon cueur entee. (Feste roys, c.1475-1500, 308)

...l'homme courrouchié par bonne jalousie enflammee d'une fervente amour d'aucune chose juste, honneste, grande, prouffitable et salutaire se expose pour l'apprehender en pugnissant et en deboutant ce qui est injuste et deffendant virilement ce qui appartient a justice et au bien commun piteusement, non furieusement. (Somme abr., c.1477-1481, 138)

Ces choses dictes, ung peu furent oustees Ses cures tristes, et douleurs deboutees, Joye en son cueur commença a reprendre (Saint-gelais, Enéide VI, B., c.1500, 322)

Debouter arriere / derriere

C'est que parfaicte humilité Soit en vous en toute maniere Et orgueil debouté derriere. (Gréban, Pass. J., c.1450, 222)

Et le hardement de toutes emprinses ou on pouoit acquerre loz et pris s'acompaigna avec moy et debouta arriere de moy toute couardie et doubtance (Percef. III, R., t.1, c.1450 [c.1340], 145)

Emploi absolu.

Icy convient l'ame entrer forment dedans sa memoire sans evagacion par dehors, et esclarsir son entendement par debouter et oster (Gers., Trin., 1402, 172)

III. -[Sur bout 'extrémité' ou 'limite']

A. -[Sur bout 'extrémité' (?) ; des fumées du cerf] Debouté. Sans bout, sans pointe (?).

Il getent leurs fumees en diverses manieres selon les temps et selon les viandeïs qu'ilz font, ore en tourche, ore en plateaux, ore fourmees, ore aguillonnees, ore entees, ore pressees, ore debotees et en d'autres diverses manieres (Gast. Phébus, Livre chasse T., 1387-1389, 62)

B. -[Sur bout 'limite'] Debouter de + inf. Se donner pour terme, pour fin de, s'efforcer de.

...onques desleauté Je n'euz en moy, ne voulenté, par m'ame, Fors d'acomplir a mon pouoir son gré, Comme doit faire ung servant a sa dame. (...) ...je sçay bien que n'ay tant debouté D'estre son serf, se grace n'eust ouvré En son doulx cueur (Lannoy, WERCHIN, Ball. P., 1404, 364)

C. -Au figuré. Region. (Bretagne) Proposer une enchère moindre dans l'adjudication d'un marché au moins-disant.

...après la chose bannie à qui pour mains la vouldroit faire, led. suppliant (...) desbouta teillement que lad. prinse lui demoura (...) ...il a esté perdant oud. marché (Actes Jean V Bret. B., t.5, 1442, 40)