CURE

substantif féminin

[T-L : cure ; GD : cure1 ; GDC : cure ; AND : cure1 ; DECT : cure ; FEW (II-2, 1557b) : cura ; TLF (VI, 628a) : cure1, cure2]

A. -Souci, préoccupation ; soin, attention que l'on porte à qqn ou à qqc..

1.Souci, préoccupation, tout ce qui hante l'esprit.

Ceulx de l'angarde ynellement Vindrent compter ceste aventure A leur seignour qui en grant cure Et a moult grant angoisse estoit (Tomb. Chartr. Trois contes S., c.1337-1339, 78)

Autre mestier n'avoient, n'autres cures. (Mach., F. am., c.1361, 166)

Et aucune foiz quant le corps repose, ne repose pas la pensee pour les sollicitudes et les cures precedentes que l'en ne peut pas tousjours legierement deposer ne oster. (Oresme, E.A.C., c.1370, 270)

...Mais ja mon cuer ne ma cure, Mon desir ne mon penser Ne verra nulz remuer, Pour grieté qu'Amours m'envoie... (Mach., L. dames, 1377, 42)

Chasse hors, au moins pour I peu de temps, toute autre cure et souci, autre pensee de tes besoingnez mondaines (Gers., Pent., p.1389, 72)

Quelle merveille aussy se nous n'avons paix de conscience ne repos dedans nous quant nous gisons en telle ordure, et quant nous nous habandonons au hahay et au bruit de toute cure terrienne et tres noiseuse (Gers., P. Paul, a.1394, 513)

Nagaires je m'esbanoyoye par le plaisant et fructifiant jardin de la sainte Escripture, tant pour mettre en oubly les miseres, cures et soussis du temps present, et chassier hors Oyseuse, la fole, comme pour ouyr la louenge des sains et sainctes (Gers., Concept., 1401, 388)

Et nagaires ainsy comme je me estoye retrait ou secret de ma pensee, et que je avoye bouté hors toute autre cure (...), je prins fort a considerer les manieres diverses par lesquelles Male Voulenté ostoit la gloire a Dieu. (Gers., Noël, p.1404, 303)

...ses delis estoient mixtionnés du fiel des pesans cures et angoissez mondaines qu'il avoit sur le ceur tousjours. (Curial B.-H., a.1447, 359)

2.[Avec une nuance plus active] Préoccupation que l'on a de qqn ou de qqc., visée de qqc., soin, attention, effort que l'on porte à qqn ou à qqc..

Au regne Dieu premierement Entendi et segondement A ses besoignes seculieres. Or le font aultrement noz peres, S'il est qui ose dire voir. L'en peut du plus appercevoir Qu'ilz ont mis cel devant derriere ; La cure de terre est premiere, Celle du ciel est la segonde. (Tomb. Chartr. Trois contes S., c.1337-1339, 106)

Lors fu saint Paulin en grant cure Des chaitifs et des exilliez. (Tomb. Chartr. Trois contes S., c.1337-1339, 109)

Et la femme, qui en grant cure Fut tousjours de son filz avoir... (Tomb. Chartr. Trois contes S., c.1337-1339, 112)

Il sont fort et légier ; s'ont les cuers tous engrans De véoir crestyens, car cascuns fu penssans Qu'il éuissent de cure tous les cuers recréans (God. Bouillon R., t.2, c.1356, 203)

Apres il prove par .III. raisons que la cure de possession qui est en cultivement de terre est la premiere. (Oresme, Ycon. Arist. M., 1374, 810)

A celle composition du corps, a la santé, au proufit ou delit du quel auques toute nostre cure veille... (Gast. Phébus, Livre oraisons T., c.1380-1383, 53)

Lors n'avoit cure ne soing (...) Fors de jouer, selon l'usage, Avec les enfens de mon aage (Chr. Piz., M.F., I, 1400-1403, 21)

Et quant l'Université, par grant cure, orent mis en escript... (Journal bourgeois Paris T., 1413, 28)

Pour ce ne doit faire injure Ne laidure, N'en torfait s'aventurer, Toute noble crëature Dont la cure Doit estre a droit mesurer. (Chart., B. Nobles, c.1424, 399)

Et pluseurs enfans, sans doubtance Plains de purté et d'innocence, En plusieurs lieux à mort livrés, En défault de cure et de vivres (La Haye, P. peste, 1426, 169)

...entre les cures, pensées et solicitudes qui nous doivent esmouvoir (Paris domin. angl. L., 1431, 334)

...leur intencion Est tousjours, et toute leur cure, A fere peché et ordure (Pac. Job M., c.1448-1478, 227)

...par songneuse cure... (Gréban, Pass. J., c.1450, 350)

...la peine, le soing, la cure et le travail qu'ilz avoient soustenu depuis leur partement de France jusques a Napples (La Vigne, V.N., p.1495, 288)

Au pluriel. Objets de préoccupation.

...Et qu'il quierent les aventures, Car ce doient estre les cures De quoi il doient plus songnier. (Froiss., Méliad. L., t.3, 1373-1388, 37)

...se souffisanment ilz ne peussent deffendre leurs choses et les estraignes cures par leur vertu (Colart Mans., Dial. créat. R., 1482, 181)

De vostre cure. Par l'effet de votre sollicitude.

Mon nepveu, vous nous demonstrés A nous prochains faire pardon, Veu que de vostre cure ouffrés A ces grans pecheurs ung tel don ! (Pass. Auv., 1477, 217)

Avoir cure à qqc. Viser à qqc..

Onques n'ot entente ne cure A nul delit ou qu'elle alast (Gris., 1395, 40)

Avoir cure à / de (qqn / un animal). Se soucier (de qqn / d'un animal), s'intéresser à lui.

Il n'est nul autre dieu fors toy, car tu as cure de tous, pour ce es tu sires de tous. (Gast. Phébus, Livre oraisons T., c.1380-1383, 33)

...qui ait amour, cure et diligence aux chienz (Gast. Phébus, Livre chasse T., 1387-1389, 328)

...ceulz ne monstrent que iceulz ayent grant cure ou memoire de leurs amis ne de leur delivrance, qui leur font aynsi la sourde oreille (Gers., Déf., 1400, 226)

Pense quelle cure il a de toy, comme il te baille les remedes salutaires. (Cib., p.1451, 188)

N'avoir cure de qqn. Ne pas se soucier de qqn, ne pas tenir compte de qqn.

Mais quant je pensay ensement Comment je l'aim trés loyaument, Et elle n'a cure de moy, Einsois me fait peinne et anoy Et me fait en dolour languir... (Mach., D. verg., a.1340, 17)

Mais j'aim la fleur de toute creature Et grant doubte ay qu'elle n'ait de moy cure. (Mach., Compl., 1340-1377, 252)

Folie vous feroit embatre La ou l'en n'a cure de vous. (Mir. nonne, 1345, 318)

Mais quant li tristes ymagine La grant biauté, la douceur fine De celle qui n'a de li cure, Dont li venroit envoiseüre, Que elle aimme un autre que li ? (Mach., Prol., c.1377, 8)

...Jeune regent plain de sa volenté, Sang si divis l'un de l'autre n'a cure (Baye, II, 1411-1417, 219)

Or allez a vostre charreton, si vous voulez, car je n'ay cure de vous ! [Une jeune mariée révèle à son époux qu'elle a été la maîtresse d'un charretier] (C.n.n., c.1456-1467, 72)

Mais ceste deffenderesse disoit qu'elle n'avoit cure de luy ne de ses biens (MART. D'AUV., Arrêts Am. R., c.1460-1466, 67)

JOYEULX SOUDAIN. Vous estiés donc si estourdy, Que n'en avoit cure de vous ? (B. veoir, p.1480, 20)

M'ont dit qu'i n'en partiront point Et que Orleans ainçois auront, Et que de vous ne leur chault point, Ne pour vous riens y n'en feront Et que assez puissant y sont Sans voz gens, et qu'i n'en ont cure, Et qu'il auront a toutes fins Orleans, ou il ont mis leur cure. (Myst. siège Orléans H., c.1480-1500, 367)

Avoir cure de qqc. Se soucier de qqc..

Du savoir aray je tel cure Qu'il n'y ara point de deffault. (Mir. abbeesse, 1340, 93)

Et ne pourroit estre que, quant a ce, elle eust eu cure et sollicitude des bestes et que elle eust eu en despit si precieus corps comme sont les estoilles. (Oresme, C.M., c.1377, 452)

Les mondains n'ont cure que de l'amour mondaine plus que le porcel ne quiert que boe, si se moquent de ceulz qui n'en tiennent compte. (Gers., P. Paul, a.1394, 515)

...onques en lui ne vi coraige Qu'il eust cure de marïaige (Gris., 1395, 7)

N'avoir cure de qqc. Se désintéresser de qqc., ne pas se soucier de qqc., n'avoir que faire de qqc..

Or vous diray ce qu'ils queroient, Einsi comme oy dire l'ay. Il ne queroient que delay, Et de la pais n'avoient cure, Qui depuis leur fu chose dure. (Mach., P. Alex., p.1369, 202)

Sire de Lesparre, servi M'avez, que bien ay desservi, Et se je vous doy rien, paier Vous vueil tantost sans delaier ; Mais cure n'ay de vo service, Car trop y a danger et vice, Se la cause dire voloie. (Mach., P. Alex., p.1369, 225)

Mais ce qui plus le fait estre angoisseus Et qui plus croist la dolour qui me dure, C'est qu'à chascuns est humbles et piteus Vos gentis cuers, helas ! et il ne cure Ne pité n'a de ma dolour obscure, Et si scet bien que j'ay lonc temps langui En desirant vostre douce merci. (Mach., Bal., 1377, 543)

Quant Gieffroy ouy que cil [le géant] le prisoit si pou, si fu moult doulent. Si lui dist : Meschant creature, tu as paour de moy. De ta courtoisie ne t'ay je cure, car tu le fais par doubte. Or saches bien de certain que jamais ne me partiray de ceste place jusques a tant que je t'auray osté la vie du corps, et ayes pitié de toy, non pas de moy, car je te tien pour mort la ou tu es. (Arras, c.1392-1393, 246)

Combien que la nature d'amour soit que elle attrait et ravit l'amant a ce qu'il ayme, tant fort que d'autre chose n'a cure ou paour ou honte, neantmoins en ce est la condicion de l'amour de Dieu divisee de l'amour mondaine ou charnelle, car l'amour de Dieu recoit et croit conseil, et est ployant et doulce a l'exemple de fer ardent, mais l'autre non. (Gers., P. Paul, a.1394, 501)

LE PREMIER. Je n'ay cure de telle feste. (Rapp., c.1480, 60)

Conclusion : de cela n'ai ge cure Et en parle qui parler en vouldra. (La Vigne, S.M., 1496, 165)

Avoir cure de + inf. Se soucier de + inf..

Et cuidiez vous que j'aye cure de faire une maison d'or ? Celles de pierre que monseigneur mon pere et madame ma mere me ont laissiees me souffisent bien. (Arras, c.1392-1393, 295)

Si l'embrassa bien doulcement et la voulut baiser ; et elle s'en defend tresbien et luy dit assez rudement : (...) je n'ay cure d'estre baisée. (C.n.n., c.1456-1467, 316)

N'avoir cure de + inf. Ne pas se soucier de + inf. ; ne pas avoir envie de + inf..

Et dist icelli maistre d'ostel, à lui qui parle, que ledit mons. l'evesque, son maistre, n'avoit cure d'avoir lesdites lettres closes à lui envoyées par le roy, pour ce qu'il savoit bien le contenu en icelles (Reg. crim. Chât., I, 1389-1392, 527)

De conffesser, ce dit, n'a cure Synon chamberieres et dames. (Villon, Test. R.H., 1461-1462, 139)

Voicy beau myracle en ce lieu De ces gens cy qui nauoyent cure Destre guaris mais l'aduenture Cest Dieu mercy tournee sur eulx (Myst. st Martin K., a.1500, 377)

Avoir la cure de qqc.

Tous corps qui de bien amer Vuet avoir la cure Doit par raison encliner, Et c'est sa droiture, Là où son cuer esmouvoir Se vuet, quant à bien avoir. (Mach., Motés, 1377, 485)

...De dangereux procés avoir la cure (Au grey d'amours F.-H., c.1400-1500, 286)

Avoir (sa) cure en qqc. S'occuper de qqc., s'y adonner.

Dieu het trop (...) qui les a en cure [de tels péchés] (Desch., Oeuvres R., t.8, c.1370-1407, 127)

Filz, bien te recorde Des euvres de misericorde, Et es corps mors avoir ta cure De les mettrë en sepulture (Courcy, Chem. vaill. D., 1406, 89)

Ung marchant qui n'a soing et cure Et grant diligence en son fait En bien peu de temps est deffait Et tresbuche en tresgrant ruyne (Myst. jeune fille L., c.1413-1445 [c.1530], 11)

Avoir cure que. Être attentif à ce que.

Et donques en la maniere que il est en prestz que ceulz qui doivent vouldroient que ceulz a qui ilz doivent ne fussent pas en vie, et ceulz qui ont presté ont cure et solicitude que la vie de leur debteurs soit sauvé, semblablement ceuls qui ont bien fait veulent que ceulz vivent a qui ilz ont fait bien gaaignier et recevoir de eulz graces et retribucions. (Oresme, E.A., c.1370, 473)

Devotes gens, se les dampnez ont telle cure et diligence que nous ne soyons dampnez (...), vous devez trop mieulz croire que les ames de purgatoire ont plus grant desir que nous soyons repentans de noz pechiez (Gers., Déf., 1400, 241)

N'avoir cure que. Ne pas se préoccuper que.

LE SECOND. Je n'ay cure, moy, qu'on me bate. (Rapp., c.1480, 60)

Avoir cure + interr. ind.

...et avoient entr'iaux grant cure et grant entente comment il porroient rompre celle mine (Froiss., Chron. R., IX, c.1375-1400, 93)

N'avoir cure + interr. ind. (ou adv. interr.)

Et se ce me poés impetrer dou duch ou dou roy, je n'ai cure douquel, je vous quitterai vostre raençon (Froiss., Chron. L., IV, c.1375-1400, 6)

De ceste response fut le roy d'Espaingne tout resjoys, car on le conseilloit aprez sa plaisance, ne il n'avoit cure quel marchié qu'il fesist, mais que il fust quite des Anglois. (Froiss., Chron. M., XIV, c.1375-1400, 107)

...Geffroys Teste-Noire (...) n'avoit cure où il fuist pris, fust sus l'eglise ou ailleurs, mais qu'il eust. (Froiss., Chron. M., XIV, c.1375-1400, 217)

...cil (...) commenchierent à (...) tourner en fuies vers Courtrai et ailleurs, il n'avoient cure où, pour eux mettre à sauveté (Froiss., Chron. R., XI, c.1375-1400, 56)

...et demandent les armes, n'ont cure a quel title, et trop grandement s'i dilitent et abilitent. (Froiss., Chron. D., p.1400, 202)

...il avoient cuvriiet et heriiet le pasage a l'Escluse, et robé et pilliet sus la mer, et n'avoient eu cure a qui (Froiss., Chron. D., p.1400, 408)

Avoir qqn en cure. Se préoccuper de qqn.

...s'Amour m'avoit en cure... (Desch., Oeuvres Q., t.3, c.1370-1407, 379)

Avoir qqc. en cure. Disposer de qqc..

...trois puissances en cure A (...). La premiere est raisonnable, Pour bien et mal diviser ; L'autre... (Desch., Oeuvres Q., t.2, c.1370-1407, 251)

Faire cure de qqc. Se préoccuper de qqc..

G'i morrai (...), Si n'est qui m'en face cure. (Froiss., Pris. am. F., 1372-1373, 157)

Ne faire cure de qqc. Se désintéresser de qqc..

Elle est si despite Qu'elle ne fait cure De riens ou habite. (Froiss., Lays am. M., c.1362-1394, 82)

Faire belle cure en qqc. Bien s'occuper de qqc., bien se tirer de qqc..

Tu y as faict tresbelle cure, A ung seul coup l'as mys en biere. (Myst. st Laur. S.W., 1499, 209)

Livrer cure de qqc. Se préoccuper de qqc..

Puis Neptunus, qui les lieux fluctueux Et inundans a Saturne succede, Cure livra des lieux perecliteux Quant Boreas a dechassé si roide Et, cuide moy, qui n'y eust mis remede Englouty l'eust de tenebreure malle, Mais Neptunus leur monstra face laide, Cuidant s'(oy) haulser maintesfois on ravalle. (Rapp., c.1480, 57)

Mettre sa cure en qqn. Se préoccuper de qqn, se porter vers qqn.

Car c'est le vray dieu de nature, Et jamés point n'obliera Ceulx qui en luy mectent leur cure. (Pac. Job M., c.1448-1478, 368)

Mettre (sa) cure à / en qqc. Mettre ses soins à qqc., se préoccuper de qqc..

Trop est chaitif et esgaré Qui s'entente met et sa cure En .I. femier pour sa peinture, Soit a son propre corps polir Ou pour a autre honnour tollir. (Tomb. Chartr. Trois contes S., c.1337-1339, 87)

Et qui, aveques les autres graces que il lui a donnees, il li a inspiree si noble volenté que il met sa cure et son entente a si bonnes sciences. (Oresme, E.A., c.1370, 98)

Maint cuer vaillant qui mettoit cuer et cure Au bien commun... (Desch., Oeuvres Q., t.2, c.1370-1407, 73)

Se tu songes, n'y met mie ta cure ['N'y attache pas d'importance'] ; Nul ne se doit fier en chose obscure (Le Fèvre, Caton U., a.1376, 90)

Aussi povons par conjecture, Qui veult en ce mettre sa cure, Pronostiquer mortalité Quant en terre a stérilité (La Haye, P. peste, 1426, 55)

Qui en ce monde met sa cure S'en va deceu asséz souvant. (Pac. Job M., c.1448-1478, 329)

Je n'y veux plus mettre ma cure En ceste folle vie mondaine. (Coquill., Oeuvres F., 1478-p.1494, 316)

M'ont dit qu'i n'en partiront point (...) Et que assez puissant y sont Sans voz gens, et qu'i n'en ont cure, Et qu'il auront a toutes fins Orleans, ou il ont mis leur cure. (Myst. siège Orléans H., c.1480-1500, 367)

Quant de Venus, elle ne procure Toujours fors a me despiter, Car elle met toute sa cure En chans et jeux pour me iriter. (Cene dieux, c.1492, 109)

Des Chrestiens me tiendray prest Ie leur feray mettre leur cure En conuoytise et en luxure (Myst. st Martin K., a.1500, 180)

Mettre (sa / toute sa / toute) cure à / de / en / pour + inf.

...et metans cures A effacier bonnez natures (Renart contref. R.L., t.1, 1328-1342, 2)

Quar il mist cure, estude et paine A Dieu servir diligeaument (Tomb. Chartr. Trois contes S., c.1337-1339, 74)

Et ne mettoit mie sa cure A soi cointir ne a farder (Tomb. Chartr. Trois contes S., c.1337-1339, 88)

...en alant mettrons no cure De bien chanter (Mir. nonne, 1345, 351)

Or avez de quatre les trois. Et li quars est li plus estrois Auquel on doit bien regarder, Comment on le puist bien garder : C'est que vous metez vostre cure [var. cuer] En sieuir les poins de droiture Ou coustume attraite de droit ; Si jugerez en bon endroit. (Mach., J. R. Nav., 1349, 256)

Emprés a mis Numez sa cure a creer les prestres dez dieux (Bers., I, 1, c.1354-1359, 20.1, 32)

Come sont ceuls qui mectent leur cure en aquerir pecunes, - marcheans et telz gens. (Oresme, E.A.C., c.1370, 494)

Et lors regarde ou ciel, et commence a souspirer plus fort que devant. Et Remondin, qui moult l'amoit, lui dist : Haa, monseigneur, pour Dieu, laissiez telz choses ester. Il n'appertient point a si hault prince comme vous estes, mettre cure de enquerre de telz ars, ne de telz choses. (Arras, c.1392-1393, 20)

...a laquelle appreseure vous me promectiez d' entendre songneusement et mettre toute vostre cure et diligence pour ma paix et amour garder (Ménagier Paris B.F., c.1392-1394, 1)

Ilz jugent nices ceulz qui mettent toute leur cure a oyr parler de Dieu par Escripture ou sermon (Gers., P. Paul, a.1394, 515)

Tu as beauté corporelle, mais saiches que trop plus belle, plaisante et desirable est celle de ton ame, a laquelle garder tu doys mettre toute ta cure, o ame devote, tellement que point tu ne soyes halee par l'ardeur de luxure (Gers., Concept., 1401, 418)

Sy mis, des lors, ung pou ma cure A penser que ce povoit estre (Courcy, Chem. vaill. D., 1406, 10)

Car Phelipe, son pere, mist tresgrant cure a le [Alexandre] faire endoctriner en science, avant qu'il preist les armes. (La Sale, Salade, c.1442-1444, 31)

...il n'y avoit nul d'eulx deux qui ne meist toute cure a concquerre son honneur (Percef. III, R., t.1, c.1450 [c.1340], 64)

Il mist sa cure et son estude a la fassonner [sa jeune femme] , et de fait elle luy obeissoit (C.n.n., c.1456-1467, 278)

N'oubliez donc ce que je vous revelle Et de venir mectez tous vostre cure. (La Vigne, S.M., 1496, 237)

Se mettre en cure de + inf.

Chascum de nous se mecte [en] cure De chiminer legieremant. (Myst. st Bern. Menth. L., c.1450, 40)

Mettre (toute) sa cure + prop. consécutive. Faire effort (pour que).

...Comment il met toute sa cure Si qu'il les puist en gré servir, Comment il se vuet asservir Devers elles, si qu'elles l'aimment... (Mach., D. Lyon, 1342, 178)

Apres, Venus, sa chiere mere, Qui de l'enfant forment se pere, Y fu com dame souverainne, Qui moult met sa cure et sa peinne, Afin qu'il soit bien entroduis En amours ; c'est tous ses deduis. (Mach., P. Alex., p.1369, 6)

Mettre toute sa cure / toutes ses cures en qqc. Mettre tous ses soins à qqc. (et non ailleurs), être entièrement accaparé par qqc..

...Dont les dames de Cyconie, Pour itant que leur druerie Ne volt avoir, le lapiderent. Car dars et lances li getterent, Pierres, caillos et roches dures ; En ce mirent toutes leurs cures. Mais li poetes [Orphée] qui chantoit Les roches dures enchantoit, Si que nul mal ne li faisoient, Mais devant li s'amolioient. (Mach., C. ami, 1357, 92)

Se ses peres, qui roy estoit, Et qui coronne d'or portoit, Sceüst dou fil l'entrepresure, Et qu'il metoit toute sa cure En ce passage seulement, Trop s'en courroussast durement, Si l'en peüst espoir retraire, Par force ou par sarrement faire. (Mach., P. Alex., p.1369, 13)

[En tournure nég.] Se désintéresser de qqc. (mettre ses soins, ses préoccupations ailleurs).

...Robes riches et curieuses, Pleinnes de pierres precieuses, De rubiz, de saphirs, de pelles, Mais n'i acontoient deus melles, N'il ne metoient pas leurs cures En porter teles vesteüres. (Mach., C. ami, 1357, 130)

Mettre sa cure + interr. indir.

Si mettoit toute sa cure et diligence nuit et jour comment il peuist parfurnir ce voiage. (Froiss., Chron. R., X, c.1375-1400, 156)

Mettre qqc. en cure

...Affin que vous mectés en cure La doctrine que je vous baille. (Barbes brayes A., a.1450, 86)

Prendre qqn en cure. Se préoccuper de qqn, prendre soin de qqn, veiller sur qqn.

Et des maus dont tant ai langui Me prenés par vo grace en cure, Flours de toute creature. (Acart, Prise am. H., 1332, 5)

...puis [les ambassadeurs] s'en alerent Au soudan faire leur requeste. Or gart Dieux leur corps et leur teste ! Car s'il ne les prent tous en cure, Il sont de mort en aventure. (Mach., P. Alex., p.1369, 199)

...aussi Dieus et Nature Vous ont donné puissance de garir L'amoureus mal dont je san la pointure ; Ne mais n'en seray garis, Se par vous n'est, dame ; j'en sui tous fis. Si devés bien penre en cure et avoir Moy qui tous sui vostres sans decevoir. (Mach., L. dames, 1377, 232)

Comment ose creature Dire qu'amour pure Li est si tres sure Qu'à desconfiture Ou en desespoir sera, S'elle ne le prent en cure ? Et dit qu'il endure Doleur si tres dure Que, s'elle li dure, Son grant desir l'ocirra. (Mach., Lays, 1377, 453)

...cheulx que tu veulx prendre en t'amour et en cure (Livre Rossignol. N., c.1400-1420, 73)

Prendre qqc. en cure. Prendre soin de qqc., se préoccuper de qqc..

Ha ! sire, je qui sui despis De touz pour ce que sui contrait (...) Vueillez regarder mon meshaing Et prendre en cure. (Mir. st Panth., 1364, 336)

...Neptunus qui la mer prent en cure (Molinet, Faictz Dictz D., 1467-1506, 66)

Prendre cure (à / de qqc.)

Pour Dieu, doulce suer, ne vous chaille De venir y, car c'est trop loing, Et trop vous convendroit grant soing Prendre et grant cure. (Mir. enf. ress., 1353, 77)

Car d'autre aymer n'ay povoir, quel qu'il soit ; Jamais nul jour n'en pourroye prendre cure. (Au grey d'amours F.-H., c.1400-1500, 186)

BEAUCOP. Hee, povre sot, où veulx tu tendre ? A amours tu prens soing et cure, Scez tu bien là où tu veulx tendre. (B. veoir, p.1480, 16)

Prendre cure de + inf.

De raler nous fault prendre cure (Mir. mère pape, c.1355, 401)

...la sage dame (...) qui verra grant amour entre le prince son seigneur et sa maistresse (...) prendra grant cure d'elle meismes porter entr'eulx gracieux messages et dons de choses plaisans, recommendacions et salus, pour les nourrir tousjours en celle paix et amour (Chr. Piz., Trois vertus W.H., c.1405, 97)

...Adfin que chascun prende cure De gaignier la belle chainture (Pastor. B., c.1422-1425, 50)

Quant je fus leans je prins cure De saluer la godinette (Coquill., Oeuvres F., 1478-p.1494, 288)

Prendre la cure de qqc.

Et puis de pes tost prent la cure. (Henri Ferr., Modus et Ratio, Songe pest. T., c.1354-1377, 37)

...en grant peril de sa personne, prenoit tout le soing et la cure de l'ost (Comm., II, 1489-1491, 331)

Prendre la cure de + inf.

Et donques quiconques veult prendre la cure de savoir plus a plein de teles choses, il peut considerer leur escriptures. (Oresme, Pol. Arist. M., c.1372-1374, 69)

Prendre cure que

...se elle [la veuve] a enfans et le pere ne les ait partis en son vivant, prendra grant cure que les partages des terres et seigneuries soient fais entr'eulx par bon regart et avis des barons et de sage conseil (Chr. Piz., Trois vertus W.H., c.1405, 84)

Prendre sa cure à qqc.

Et les dames visiter vont Que n'ont ne seigneur ne baron, Voluntier y prennent lour cure. (Dupin, Mélanc. L., c.1324-1340, 61)

Rendre grant cure à qqc. Se préocuper de.

Pais fu faite et acordée entre le roy de France et le roy de Navare, parmi l'ayde et le grant sens de monsigneur le captal de Beus, qui y rendi grant cure et grant diligence. (Froiss., Chron. L., VI, c.1375-1400, 182)

Ne savoir cure de soi. Perdre la raison.

Ainsi qu'en tel meschief estoie Et en tele malaventure Que de moy ne sçavoie cure, La porte rompi et froissay Et es mains des larrons laissay Tout quanque j'avoie vaillant. (Le Fèvre, Vieille, trad. De vetula H., a.1376, 237)

Tenir qqn en cure

Juppin te tiegne en sa cure ! (Pac. Job M., c.1448-1478, 242)

Tenir cure de + inf. Se préocuper de.

Sire soudant, se vous aviez veu le roy Uriien et le roy Guion, et leur fiere contenance, et le maintieng de leurs gens, et la grant, horrible et resoingneuse fierté de cellui au grant dent, son frere, il ne vous tendroit ja cure de les envahir comme vous dictes. (Arras, c.1392-1393, 226)

Tourner sa cure devers qqc.

Ceste Gale (...) devers l'ame, qu'el ot chere, Tourna principalment sa cure. (Tomb. Chartr. Trois contes S., c.1337-1339, 89)

B. -[La préoccupation est dans les soins à apporter à autrui] Traitement ; remède.

1.Traitement, soins, thérapie.

Estoupes (...) Ne donnez pour cure au faucon (La Buigne, Rom. deduis B., 1359-1377, 352)

Les mutacions des aages, et principalment en joenesce, des temps, des vies, des lieux, sont convenables aux cures des epilentiques. (Saint-gille, A.Y., 1362-1365, 63)

...cure des plaies (Saint-gille, A.Y., 1362-1365, 255)

...il ne sera mal quel qu'il soit, Se de ma main cure reçoit, Que je ne garisse (Mir. st Panth., 1364, 319)

...cellui qui sa cure entroublie, Quant il se voit en sa grant maladie, Meurt de legier (Desch., Oeuvres Q., t.3, c.1370-1407, 122)

...Il eust peu par medicine Remouvoir celle pulentine Et enquis cure et garison (Desch., M.M., c.1385-1403, 335)

Puiz fault traictier, en besoignant, De lait aigre, cler et poignant, Car itel lait, sans dire fable, Est approuvé et convenable En temps de boce vraiement, Tant en cure comme autrement, Espécialment en esté, Pour sa plaisant propriété (La Haye, P. peste, 1426, 128)

Dont lui estant malade, fust dit que en une cure lui fist mis des dyamans, qui furent cause de plus tost abregier ses jours. (La Sale, Salade, c.1442-1444, 186)

...en toutes maladies, l'art commande la propre cure, excepté en troys cas esquieulx suffist cure large, preservative ou paliative. (Panis, Guidon, 1478, chap. sing.)

...mais que seullement [le chirurgien] soit informé selonc Galien des intencions de la cure (Panis, Guidon, 1478, chap. sing.)

Ophillo, medico et astrologo, fut environ ce temps grandement stippendié du roy de Tigne pour les cothiennes cures et predicions qu'il faisoit par la science de astrologie et de son bon conseil. (Simon De Phares, Astrol., c.1494-1498, f° 63 r°)

[Contexte métaph.]

Car tant est sure L'arsure, Qu'à desmesure Me dure, Que mais de cure Ne cure, Pour ce que de dur en dur Ma dame pure M'est dure... (Mach., Lays, 1377, 305)

Comment est sa douceur pure Douce à tous et à moy sure Et ne cure De ma cure Ne de la mortel pointure Dont mes cuers est entechiés, Et seur toute creature L'aim d'amour ferme et seüre ? (Mach., Lays, 1377, 437)

...la justice d'un roy c'est la paix des peuples, la garde d'un pais, l'immunité du peuple, l'aide des gens, la cure et garison des languissans, la joye des hommes (Juv. Urs., Verba, 1452, 294)

Avoir / prendre (qqn / un animal) en cure. Soigner (qqn / un animal).

[Les chirurgiens] qui ledit feu Jehan le Grant avoient eu en cure, et ycelui veu et visité en sa maladie... (Phil. Vi Valois, Doc. paris. V., t.2, 1341, 111)

...pour la despense de la haguenée dudit maistre Pierre, laquelle demoura malade audit lieu de Bernay quant il retourna d'Avrenchin, et pour la poine du mareschal qui lavoit en cure (Compte Navarre I.P., 1367-1371, 344)

Puis par tout le corps le fist viseter touttes ses playes (...). Une pucelle de layans le prist en cure (Gérard de Nevers L., c.1451-1464, 47)

Faire une cure. Prescrire un traitement, appliquer un traitement (à un malade).

Li uns après l'autre [les médecins] tastoient Partout ou taster la devoient, Les piez, le pous, et puis les temples ; Et puis si moustroient exemples Des cures qu'il avoient faites En pluseurs lieus et bien parfaites. Et que plus d'exemples moustroient, De tant plus esbahi estoient. (Mach., J. R. Nav., 1349, 202)

...il convient faire les cures en divisant les especes et les manieres de maladies singuleres (Oresme, E.A., c.1370, 539)

Cestui aprint maistre Gervais de Viviers, medicin, qui puis, au moïen de la science des estoilles, acquist grant honneur et fist de moult notables cures. (Simon De Phares, Astrol., c.1494-1498, f° 113 r°)

Rogerii Parmensis fut en ce temps medicin, cyrurgien et grant astrologien et fist de belles cures et euvres qu'il a laissées pour perpetuer sa memoire par escript. (Simon De Phares, Astrol., c.1494-1498, f° 146 v°)

Cestui estoit assez speculatif et sçavant le cours du grant almanac et, à ceste cause, faisoit de très belles cures à plusieurs paciens. (Simon De Phares, Astrol., c.1494-1498, f° 161 v°)

2.Au figuré. Traitement (ici en vue d'améliorer la moralité).

Et est manifeste que les cures communes sont faites par les loys, et de teles oeuvres les bonnes sont faites par les loys vertueuses. (Oresme, E.A., c.1370, 534)

C. -[La préoccupation est dans la responsabilité que l'on assume (de qqc., d'autrui)] Responsabilité, charge.

1.[En gén.]

...Ou souvent chiet en grans deffauls De sa voyë et son emprinse Et de sa cure qu'il a prinse, Se il ne a quy la voye luy enseigne. (Courcy, Chem. vaill. D., 1406, 12)

Et qui plus est se sont renduz a immoderee avarice en procurant par symonie, et par aultres voyez illicitez, litigieuses et prophanes, en corruption et autrement, benefices et prelatures espirituelz, et qui plus est se sont souillez et occupez es affaires citoyens et aux negoces et cures temporelles. (Chart., L. Esp., c.1429-1430, 177)

On ne peut desservir deux cures (CH. D'ORLÉANS, Rond. C., 1443-1460, 484)

Avoir la cure de qqc. Avoir la responsabilité de qqc..

Il vous convient avoir la cure, Archedyacre, du porter Cy devant, et je, sanz doubter, Avecques vous le porteray (Mir. ev. arced., c.1341, 121)

Qui aura la cure et le soing De vo gent et de vostre terre ? (Mir. marq. Gaudine, 1350, 123)

Avoir cure de qqc. Être en charge de qqc..

Car chescun entendra a sa propre chose et quant pluseurs ont equalment la cure d'une chose, chescun en veult faire a sa guise et sunt a descort. (Oresme, Pol. Arist. M., c.1372-1374, 82)

Avoir la cure de qqn. Avoir la garde de qqn.

La difference et la dissention fu faite pour une cure, ce est assavoir pouor la garde et la cure que aucuns avoient d'une pucelle (Oresme, Pol. Arist. M., c.1372-1374, 212)

...veil que de vous mesmes aiez la cure et le soing et soiez gardienne. (C.n.n., c.1456-1467, 562)

Tenir la cure sur qqc. Régner sur qqc..

C'est assavoir par consonance Proportion et convenance Et pour quelque similitude, Plaisant esgart et habitude, Qu'ilz ont ensemble par Nature, Laquele soubz Dieu tient la cure Sur toutes les choses visibles, Mesmement sur les corruptibles. (La Haye, P. peste, 1426, 1)

2.DROIT Curatelle.

...lesquiex desdiz amis et prochein de lignage desdiz meneurs estoit le plus souffizans et profitables à avoir et prendre en soy la cue [l. cure] desdiz meneurs et de leurs biens (Titres Bourbon H.-B., t.1, 1353, 462)

...enfans mariez et non mariez, qui eussent aucune chose de par eulz, feussent en garde, bail, tutele, cure, mainburnie ou administracion quelconques (Chron. Jean II Ch. V, D., t.1, c.1375, 59)

3.[Domaine religieux] Charge spirituelle, ecclésiastique, en partic. charge d'une paroisse, charge, fonction d'un curé.

LE CURÉ. Saint pére, en mon hostel estoie (...) en Ytalie lau je mains Et la ou j'ay, sire, une cure (Mir. mère pape, c.1355, 405)

À mestre Jehan Lefranc, curé de leglise parrochial de Notre Dame de la Roonde, es fors bourgs d'Évreux, et advocat de Monseigneur en la court de leglise d'Évreux, auquel estoit deu (...) sa pension (...) et avecques ce li estoit deu pour aumosnes quil prent à cause de sa cure (Compte Navarre I.P., 1367-1371, 323)

Je, souverains (...), Tous estas doing seculiers et de cure [Éd. : 'Je donne tous les grades de clercs et de laïques'] (Desch., Oeuvres Q., t.4, c.1370-1407, 274)

... [deux des premiers bénéfices de son choix] pour les donner et en faire la présentacion par ycelle de Bar, à quelque personne qu'il lui plaira, soient dignités, cures, prébendes ou autres, comme qu'ils soient nommés. (Cartul. Laval B., t.2, 1385, 325)

Pour lesquelles franchises dessus desclarées, ledit curé, à cause de sadicte cure, est tenu ouvrir son eglise par chacun an et sonner ou faire sonner les clochez d'icelle pour estre receuez les avoinez deubz au roy (Hector De Chartres, Cout. R., 1398-1408, 110)

...le Roy, avant qu'il alast à sa messe ne qu'il disnast, ly donna ladicte cure de S. Thomas (Baye, II, 1411-1417, 275)

Tel d'aultrui cure est chapellain Qui baille la sienne à servir [allusion à la location des cures à bail] (Alecis, Faintes monde P.P., c.1460, 114)

COQUILLART. Pour bien gouverner une cure De cent livres, ou plus ou moins, Mais fais je tendroye plus haultains Que ne scauroit faire ung docteur. (Est., p.1460, 24)

Item, a Chappellain je laisse Ma chappelle a simple tonsure, Chargee d'une seiche messe Ou il ne fault pas grant lecture. Resiné lui eusse ma cure, Mais point ne veult de charge d'ames ; De conffesser, ce dit, n'a cure Synon chamberieres et dames. (Villon, Test. R.H., 1461-1462, 139)

Bien souvent on procure Benefices a cure Ordonner aux mains saiges. (Cene dieux, c.1492, 115)

...aiant reguard et considération aux grandes charges que peuvent avoir lesdictz curez à raison de la lointainneté de la demeure dudit curé, qui est en l'ostel Dieu de Coustances, pour d'ilec venir de jour et de nuict, ainsy que les cas se peuvent offrir, aux visitations et autres choses nécessaires des paroissiens d'icelle cure (Cartul. Hôtel-Dieu Cout. L., 1498, 357)

Cure d'ames

...Conme curé conmis de droit A les avoir en cure d'ames (Mir. parr., 1356, 21)

Encor quant il a cure d'ames A gouverner comme curez, Onques ne doit estre obscurez, Qu'il ne soit prest pour le baptesme Que l'en fait d' uille et du saint cresme (Desch., M.M., c.1385-1403, 302)

...pour aucun benefice ayant cure d'ames (Juv. Urs., Verba, 1452, 382)

...De grans prelas aians la cure de ames (Molinet, Faictz Dictz D., 1467-1506, 103)

Presbytere de la cure

...les oultraiges par eulx ou aucun d'eulx fais et commis en l'ostel d'icellui curé, qui est le propre presbitaire de la cure, en desrompant son mesnaige (Reg. crim. Chât., II, 1389-1392, 246)

Messire Guillaume Herouart, curé de Canteleu, a en la forest de Roumare, à cause du presbitaire de sa dicte cure, (...) sa cache à pié pelu en ladicte forest entre deux soleux. (Hector De Chartres, Cout. R., 1398-1408, 66-67)

D. -Par métonymie. Lieu de résidence d'un curé, presbytère.

...à la priere et requeste du curé d'icelle ville qui lors estoit, et lequel dit à lui qui parle que entre lui et son predecesseur, curé dudit lieu, avoit très-grant noise et riote pour raison de ladite cure, que un chascun dist à lui appartenir (Reg. crim. Chât., II, 1389-1392, 109)

... [Durant Garnier, prestre curé de Saint-Ernouf a] les franchises qui ensuivent, c'est assavoir ledit curé boiz pour son chaufage et ardoir en ladicte forest en lieu de ladicte cure, par livrée du verdier ou son lieutenant, sans amende (Hector De Chartres, Cout. R., 1398-1408, 136-137)

Archeprestrises, reclusages, Cures, celes et hermitages Y a de trestoutes manieres, Aspres, estroites et legieres. (Chr. Piz., M.F., I, 1400-1403, 124)

...et durant ceste guerre (...) on les a prins [des prêtres] en leurs cures mesmes (Juv. Urs., Nescio, 1445, 485)