CREVER

verbe

[T-L : crever ; GD : crever ; GDC : crever ; AND : crever ; DECT : crever ; FEW (II-2, 1316b) : crepare ; TLF (VI, 480b) : crever]

A. -Au propre. Éclater ; faire éclater.

1.Emploi intransitif ou pronominal. Crever/se crever. Éclater, s'ouvrir brutalement sous l'effet d'une pression, d'un heurt ; laisser échapper ce qui était contenu.

[D'une chose quelconque]

Se li [cuirs] [Ms. 'cuiers'] creve ou endurcist pour les emplastrez, oigniez le d'oignement panthamiron, ou de miel ou d'uile. (Chir. chevaux P., c.1325-1350, 403)

Puis mectez pour chascun sextier d'eaue une escuelle d'orge largement -- et ne chault s'elle est a toute l'escorche -- et pour deux parisis de reglisse -- item , des figues -- et soit tant bouly que l'orge creve. (Ménagier Paris B.F., c.1392-1394, 263)

Toutesfois, il y eust troys bombardes et ung canon qui crevèrent, en tirant [il s'agit de bombardes qui ont été submergées par la mer] (Chart. J., Chron. Ch. VII, V., t.2, c.1437-1464, 232)

[D'un liquide] Jaillir, se répandre (sous l'effet d'une tension).

Mesmes la roye, qui estoit saige et discrete, en plouroit tellement que les larmes lui creverent des yeulx. (Percef. III, R., t.2, c.1450 [c.1340], 362)

Atant les larmes creverent des yeux du roy par telz sourgons qu'il lui convint cesser sa parolle. Jason non obstant sa jennesse commença lors a fondre en legieres larmes. (LEFÈVRE (R.), Hist. Jason P., c.1460, 127)

Se crever sur qqc.

Et meure Paris ou Elayne, Quicunques meurt meurt a douleur Telle qu'il pert vent et alaine, Son fiel se criesve sur son cueur, Puis sue Dieu scet quel sueur... Et n'est qui de ses maulx l'alege, Car enffant n'a, frere ne seur, Qui lors voulsist estre son pleige. (Villon, Test. R.H., 1461-1462, 43)

[D'un cours d'eau] Estre crevé. Être en crue.

Et, quant vint le matin, il monterent a cheval moult joyeusement et allerent jucques qu'il furent pres d'une riviere qui estoit fort crevé pour la pluye, de quoy Paris fust moult courroucié pour ce qu'il veoit qu'elle estoit trop perilleuse de passer (Paris Vienne B., c.1400-1450, 94)

[D'une substance (ici du miel)] Faire des bulles qui éclatent sous l'effet de la cuisson.

Et le faictes boulir et remuez si longuement qu'il laisse a soy croistre et que vous veez qu'il gecte boullon aussi comme petites orines ['bulles'] qui se creveront, et au crever gecteront ung petit de fumee aussi comme noire. (Ménagier Paris B.F., c.1392-1394, 264)

[D'un abcès, d'une veine] S'ouvrir en éclatant.

Et avoit une apostume près de l'oreille, laquelle se creva dedens son corps et l'estrangla. (Monstrelet, Chron. D.-A., t.3, c.1425-1440, 168)

[Dans un cont. métaph.]

Tant sceit chascun que la cité (...) a englouty toute celle pecune dont tu parles cy devant, et que le peuple d'icelle a entonné et recueilly la gresse du labeur et conquestz des autres pars du royaume et les derrenieres espargnes des nobles hommes, comme le gouffre et l'abisme ou tout est descendu, puis en a rendu ce guerredon que l'ampostume de son orgueil, enflee de trop avoir, est crevee de toutes pars et a respandu partout le venin et la poison de cruelle et horrible sedicion et les oeuvres de inhumaine tirannie. (Chart., Q. inv., 1422, 41)

[D'un organe]

Diex, mon cuer pourquoy ne part Et créve afin que je morusse, Si que plus honte ne beusse Du grant meschief ou je me voi ? (Mir. femme, 1368, 211)

Quant le venin lui fu eschauffé au pulmon, Le coeur lui est crevé tout par mi le moilon (Cip. Vignevaux W., p.1400, 84)

[Du grain dans l'épi] Être parvenu à maturité.

[Sentence biblique] Quand la moisson est crevee, le moissonneur est envoyé

Mais petit a petit quant le messon est crevee, le messonneur est envoyé. (Daudin, De la erudition H., c.1360-1380, 318)

Par plaisanterie. [D'une personne] Éclater.

...si comme cellui qui a trop mengié ou beu qui songe qu'il crieve ou que le ventre lui tent (La Sale, Sale D., 1451, 229)

...je prie a Dieu que tant vous buvez ung jour que vous puissez crever (C.n.n., c.1456-1467, 543)

2.Emploi transitif.

a)Faire éclater.

[Un fruit]

Lors dist la courge : 'Et comment, datilier, vous en convient il parler ? Par Dieu, je getteray tant de courjons que je vous creveray dessoubz' (Bouvet, Appar. Meun A., 1398, 64)

[Un abcès, une veine...]

...quant le foye ne peut envoier le sang aux voines en deue quantité pour nourrir les autres membres, il advient qu'il regorge aux voines du poulmon, et les estant trop, et les creve (Saint-gille, Comment. A.Y. L., 1362-1365, 163)

Et metez en une cuiller de fer, meslez avec saïn de porc, les herbes surdites, et leur metez sus les bosces. Et cela les fera meürer. Et, quant ilz seront molles, si les crevez d'unne lancete. (Gast. Phébus, Livre chasse T., 1387-1389, 123)

Et se ceste maladie est venue par boutons ainssi que le farcin corde, si soient crevez et empoisonnes (Guill. Villiers, Hipp. P.-D., a.1456, 127)

[Un organe]

Et Anthoine boute l'espee ou fourreau et l'ahert par le millieu du corps et le tire jus du cheval et le gecte si rudement a terre que a pou que il ne lui a crevé le cuer ou ventre. (Arras, c.1392-1393, 162)

b)En particulier. Crever l'oeil/les yeux à qqn

Quant point sera, creuve li l'ueil (Mir. emp. Julien, 1351, 221)

Et vraiement il demandoient Choses qu'à faire n'afferoient ; Dont li gentils roys amast mieux Qu'on li eüst crevé les yeux, Et que mais n'afulast heaume, Ou avoir perdu son royaume, Ou tantost mourir vraiement Qu'il leur acordast telement... (Mach., P. Alex., p.1369, 203)

...Si vaillant et si preude femme, Et en tous cas si bonne dame, Que jamais ne s'i consentist, N'au roy son signeur ne mentist. Et vraiement elle amast mieus Qu'on li deüst crever les yeus. (Mach., P. Alex., p.1369, 249)

Dit une fable que quant Ulixes s'en retournoit en Grece apres la destruccion de Troye, grant orage de temps transporta sa nef en une isle ou ot un geant qui n'avoit que un seul oeil en my le front, d'orrible grandeur. Ulixes par sa soubtillete lui embla et ravy, c'est a entendre, lui creva. (Chr. Piz., Ep. Othea L., c.1400-1401, 186)

...lors fu pris le roy Zedechias, et lui fist Nabugodonosor tuer ses enfens devant lui, et puis lui fist crever les yeulx (Chr. Piz., M.F., II, 1400-1403, 166)

Seigneurs Rommains, c'est bourde et fable Quant que ce vilain va disant. Croirez vous qu'un povre paisant Qui fut pendu puisse estre Diex ? En vous devroit crever lez yeulz. (Mart. st Pierre st Paul R., c.1430-1440, 125)

...le pere (...) print son filz et luy creva les yeulx et le mist en chartre perpetuelle (Juv. Urs., Verba, 1452, 295)

Et, en pourparlant d'icelle, lesdiz pages du Bien Publique coururent sus ausdiz pages du Palais, qui se revencherent, et baillerent les ungs aux autres de terribles et merveilleux cops, tant de poings, de pierres, bastons, cousteaulx et dagues, et y en ot plusieurs navrez, batus et les yeulx crevez ; et falut fermer les portes et que gens de bien s'en meslassent pour les defaire et appoincter. (Roye, Chron. scand., I, 1460-1483, 163)

...et fut la bataille à ce menée, que ledit Jacotin creva les deux yeulx à son adversaire, et puis luy donna ung grant cop de son baston, dont il l'assomma, et le mist hors de la lice (La Marche, Mém., II, c.1470, 406)

Se vous n'estes en ce cas pourvoyans, Ilz vous viendront en brief crever les yeulx. (Cene dieux, c.1492, 110)

...et les prebtres fist occire, synon Josedeph à qui il fist pardon, puis fist crever les yeux à Sedechyas et le fist mener en Babillone et laissa paisible Jeremie et Baruch, son notere. (Simon De Phares, Astrol., c.1494-1498, f° 44 r°)

...et, quant eut toute sa chevence, il lui fist crever les yex, copper la langue, puis tenailler, puis escarteller et pendre. (Simon De Phares, Astrol., c.1494-1498, f° 142 v°)

Estre crevé

...monseigneur (...) souffrit bien que madame luy bouchast son bon oeil d'une main, et de l'autre elle tenoit la chandelle devant l'oeil de monseigneur qui crevé estoit (C.n.n., c.1456-1467, 113)

Se crever les yeux

Pareillement recite Stace, en son livre de Thebes, de deux freres qui, par avarice d'avoir le royaume de Thebes, eurent guerre l'un contre l'autre, dont le pere eut telle desplaisance que lui-mesmes se creva les yeulx (Bueil, I, 1461-1466, 129)

Cestui fut disciple de Platon et fut le cinquiesme phillozophe qui se creva les yeulx, pour mieulx sçavoir science par son entendement. (Simon De Phares, Astrol., c.1494-1498, f° 54 r°)

Au figuré. Crever les yeux (à qqn). Aveugler qqn par son évidence, ne pas passer inaperçu.

Se vous n'en avez assez en une, je vous en feray avoir cent. Il n'est point disette de femmes, non, elles crievent les yeux aux gens ! (LEFÈVRE (R.), Hist. Jason P., c.1460, 159)

Être tout proche des yeux de qqn.

...gueres n'ala loing que le maistre curé, a qui les oeufz et le beurre crevoient les yeulz, cria pour Dieu mercy. [Le curé est enfermé dans une huche, remplie de nourriture et attachée sur le dos d'un cheval] (C.n.n., c.1456-1467, 446)

B. -Par analogie.

1.Mourir.

Là plourras Les maus qu'as, Dolereus et mas ; Là creveras Où tu partiras. S'en morras Sans respas En l'amoureus las. (Mach., Les lays, 1377, 373)

JUDAS. (...) De malle heure suis je neyssus, Maudicte soye celle que m'a porter ! Mieulx auce valus que je fusse crevé Aut vantre qui m'a porter. (Pass. Autun Roman F., c.1400-1500, 188)

Bien pevent envïeux crever : Sa mort fait son honneur lever Contre qui vouldrent eslever Mauvaiz renon. (Chart., L. Dames, 1416, 223)

SATHAN. Crever puisse tu, quant tu nous Faiz tant de peinne et de traval, Faulx traite, dyable desloyal, Plain de noise et forcennement (Myst. st Adr. P., c.1450-1485, 109)

...nulz homs jamais ne debvroit monter sur asne tant en a despit pour tant qu'il porta le Saulveur du monde, mais tres bien sur cheval ; car qui chiet de sur asne par terre, l'asne dist : 'Crieve !', et le cheval nous dit : 'Lieve'. (Ev. Quen., II, c.1466-1474, 123)

[D'un végétal] Dépérir.

[Un pré n'a pu être affermé] ...pour ce que alors que l'on baille les fermes des prez la superfluite [l. superfluité] et surabundance des eaux y sourvenues y estoient et a este [l. esté] continuellement telle que lerbe [l. l'erbe] y creve ; pour ledit an LX a este [l. esté] toute perie et perdue (Comptes Lamballe C.-L., 1460, 220)

Emploi transitif. Crever qqn/un animal. Faire mourir, tuer qqn/un animal.

Sains Blaises sus le lac embla, Qui terre ferme li sambla ; Saint Lorent rendi la veüe à ceaus qui l'avoient perdue ; Sainte Magarite creva Le serpent qui mult la greva (Mach., P. Alex., p.1369, 15)

Si m'a Amours guerredonnee Qu'Espoir m'a toute abandonnee, Et plus ne voient Mes yeulx un seul bien qu'ilz avoient, Qu'il couvient que plus ne revoient. Pou perdroie s'ilz me crevoient, Car tout de vray Jamaiz par eulx n'appercevray Chose dont joie recevray (Chart., L. Dames, 1416, 228)

AFFRICQUEE. Que malle poyson et venin Vous creve ! voicy tresbeau jeu. (P. Jouh. D.R., a.1488, 34)

2.[De l'aube, du jour naissant] Poindre, paraître, se manifester avec éclat.

Devant matines se leva, Droit quant l'aube du jour creva. (Renart contref. R.L., t.1, 1328-1342, 102)

Quant ly chevallierz fu housez, Son palefroy lui amena, Plus de .V. lieues chevaucha Ains qu'on veïst l'aubbe crever. (Dit prunier B., c.1330-1350, 59)

Einsois que l'aube fu crevée, Fu venue toute l'armée. (Mach., P. Alex., p.1369, 67)

Si montèrent à cheval sus une vesprée, et chevaucièrent toute le nuit jusques au point dou jour que li aube crevoit. (Froiss., Chron. L., III, c.1375-1400, 113)

L'aube creva et vint le jour, et ainsi qu'a soleil levant vint la dame du chastel en si noble et si riche habit que le roy fu tous esbahiz tant de la richesse de l'abbit que de la beauté de la dame. (Arras, c.1392-1393, 304)

Au matin quant le jour crieve Pensant a amours me lieve (Chr. Piz., Dit Pastoure R., 1403, 261-262)

L'endemain, au matin, quant l'aube fu crevée, Y ot grant escarmuche par le ville monstrée. (Geste ducs Bourg. K., c.1410-1419, 446)

Ainsi l'aube du jour creva Et les compaignons s'endormirent, N'oncques nulx d'eulx ne se leva Tant que huit heures lever les firent. (Chart., D. Rev., a.1424, 319)

[Part. passé]

Encore ci l'attenderay Jusques a tant que je verray Le jour crevé. (Mir. nonne, 1345, 326)

L'aube crevant. Le point du jour.

...droit à l'aube crevant, Isterons de Nimaye, la chité souffissant (Baud. Sebourc B., t.1, c.1350, 99)

Au matinet, à grans eslais, S'en alerent vers le palais, Droit à l'eure que la corneille Les paresseus huche et esveille, C'est à dire à l'aube crevant... (Mach., P. Alex., p.1369, 267)

Si montèrent tantos tout à cheval et chevaucièrent (...) vers le ville de Saint Quentin ; et vinrent là droit à l'aube crevant (Froiss., Chron. L., V, c.1375-1400, 150)

...sus l'aube crevant, l'air se refroide durement (Froiss., Chron. M., XIV, c.1375-1400, 98)

Et chevaucherent tant qu'ilz passerent oultre Verset, et arriverent en ung fort buisson, où ilz ordonnerent leur embusche devant l'aube crevant. (Bueil, I, 1461-1466, 35)

Remarque : V. aussi aube1.

C. -Au figuré. Avoir l'impression d'éclater.

1.[D'une personne] (Se) crever de tel sentiment. Éclater sous le coup de tel sentiment.

Mais la Discorde la dervee Ne fu semonse ne mandee, Dont tant li poise et tant li grieve Qu'a po que de despit ne crieve. (Mach., F. am., c.1361, 204)

Quant m'en souvient je criefve de ire, Car je avoie trouvé ung tel mire Que a ma maladie convenoit. (Hautev., Conf. Test. am. tresp. B., c.1441-1447, 82)

Et bon mary, qui de dueil se creve et fend, ne scet que faire de soy descouvrir et bailler l'absolucion sans plus attendre. (C.n.n., c.1456-1467, 464)

Et, quant ledit duc sçot ledit partement, il cuida enrager et crever de dueil, et, en la presence de ladicte ambaxade de Bretaigne, ledit duc de Bourgongne declaira ledit seigneur d'Argueil avoir confisqué envers lui corps et biens, et puis fist arraser et abatre toutes les places et chasteaulx qu'il avoit en ses pays. (Roye, Chron. scand., I, 1460-1483, 246)

SATHAN. (...) Je ne sçay que dire, Je ne sçay que faire. Brief, je creve d'ire. Je ne me puis taire, Rien ne me peult plaire, Je suis sans soulas. Tout mon entreprinse retraire Fait ce faulx mastin Nicolas. (Mir. st Nic. juif, c.1480-1500, 104)

LUCIFFER (en se tourmentant). Haro, haro, brou, j'enraige, je foigne, Deables d'enffer, je creve de despit ! (La Vigne, S.M., 1496, 224)

Emploi absolu.

Sa face estoit vermeille et enflambee, ses yeulx estincelans et tresperçans de regart. Le cueur et le corps lui estoient tant enflez de despit et de felonnie que elle fust crevee, se elle ne se desgorgast par tençons et reprouches, ainsi comme ung moust qui boust en tonnel, et par faulte d'event ront la barre et le bondel. (Chart., L. Esp., c.1429-1430, 6)

Si est mon cuer tant abrevé De douleur qu'a pou n'est crevé, Quant si planté Se sent de sa joie, en planté De tristour ou tant a hanté ; Et mal sus mal n'est pas santé Maiz grief dangier. (Chart., L. Dames, 1416, 235)

Adont le dolent se leva Et part de la feste plourant. A peu que son cuer ne creva Comme a homme qui va mourant, Et dist : 'Mort, vien a moy courant Ains que mon sens se descongnoisse, Et m'abrege le demourant De ma vie plaine d'engoisse'. (Chart., B. Dame, 1424, 359)

2.[Du coeur]

Crever (à qqn) (de tel sentiment). Éclater, se casser.

Atant s'avala Aigres en la tour par l'enseignement de son pere qui lui fist eschever la cuve, et quant il aperçut le meschief et la doulour ou son pere estoit, et il sçot la verité que il ne l'en pouoit delivrer ne aidier, a pou que le cuer ne lui creva de destresce et d'angoisse (Bérinus, I, c.1350-1370, 395)

LE MARI. (...) celle Qu'ay espousé par marïage, Dont a po que de dueil n'enrage, Et que mon cuer parmy ne creve, Tant me tourmente et tant me greve La paine qu'il ly fault encourre. (Mir. enf. ress., 1353, 60)

...je croi que le cuer me fust crevés ou ventre, se je n'eusse descouvert mon meschief a aucune personne (Mach., Voir, 1364, 748)

...mon cuer pourquoy ne part Et créve afin que je morusse (...) ? (Mir. femme, 1368, 211)

Ha ! chiére dame debonnaire, Departir de vous tant me gréve Qu'a po que le cuer ne me créve. (Mir. fille roy Hongrie, c.1371, 59)

Car trop parler Puet moult grever, Et refuser Feroit crever Mon cuer de sa pointure. (Mach., Ch. bal., 1377, 616)

A peu que son cuer ne creva Comme a homme qui va mourant, Et dist : 'Mort, vien a moy courant Ains que mon sens se descongnoisse, Et m'abrege le demourant De ma vie plaine d'engoisse'. (Chart., B. Dame, 1424, 359)

Quant voy mon filz en croix levés, Las, bien me doit le cueur crevés D'angoisses et de grand envie. Las, que ferai ge, pouvre Marie ? (Pass. Autun Biard F., 1470-1471, 119)

Il fault que lieve Mon cuer, que creve - pour ceste mort. (Pass. Auv., 1477, 240)

(Se) crever de telle émotion. Ressentir intensément telle émotion.

'Et, de fait, elle ne Cleriadus n'ozerent veoir l'un l'autre que leurs deux cueurs ne feussent crevez de courroux' (Cleriadus Z., c.1440-1444, 361)

...je prie a Dieu que tant vous buvez ung jour que vous puissez crever (C.n.n., c.1456-1467, 543)

Emploi transitif. Crever le coeur (à qqn). Faire que le coeur éclate, faire que qqn éprouve un grand déplaisir.

Car quant je voy qu'il vous convient la mer Passer, amis, c'est le fiel, c'est l'amer Qui crevera mon cuer. (Mach., Compl., 1340-1377, 253)

Mais a peu qu'il ne me creva Le cuer de sa voix et parolle ! (Marcadé, Myst. Pass. Arras R., a.1440, 82)

Certes ceste predicion si veritable de la science des estoilles doit toute seulle crever le cueur à ses ebethés calumpniateurs de astrologie, qui dient que ne sont que vanités et mensonges. (Simon De Phares, Astrol., c.1494-1498, f° 79 r°)

Avoir le coeur crevé

A peu que n'ay le cuer crevé (Oudin, St Genis M.S., c.1490, 68)