COURSIER

substantif masculin

[T-L : corsier ; GDC : coursier ; AND : courser ; FEW (II-2, 1576b) : cursus ; TLF (VI, 363a) : coursier1]

I. -Cheval rapide (apte à couvrir de longues distances ; cheval de bataille ou de tournoi).

Pour les despens Jehan de l'Ospital, lieutenant François de l'Ospital, 4 chevaliers (...), 3 varlés a cheval (...), 8 chevaux, un coursier, un sommier et 3 varlés de pié (...) pour aler a Roan et es parties de Normendie et de Picardie recevoir deniers, des tresoriers generalz du subside de Normandie (Clos galées Rouen M.-C., t.2, 1341-1342, 63)

Vas mettre la selle au coursier (Mir. marq. Gaudine, 1350, 157)

Tellement assena la teste du coussier Que le fist devant luy a terre tresbucher. (Hern. Beaul. D.B., c.1350-1400, 79)

Ly IIJ frère germain venoient chevauchant ; (...) Cascuns ot ung capiel de roses bien flariant ; Desur III haus coursiers aloient galopant. (God. Bouillon R., t.2, c.1356, 37)

Mais cuides tu, pour estre eschars, Pour garder tes vins et tes chars, Ton or, ton argent, tes jouiaus, Tes robes a dorés nouiaus, Tes destriers, tes courciers, tes selles, Aquerir les victoires belles ? (Mach., C. ami, 1357, 114)

...pour le restor dun coursier qu'il avoit eu mort au service de Monseigneur, quant la ville de Carenten fut recouvrée de la main des Bretons (Compte Navarre I.P., 1367-1371, 82)

Amenez selles et estriers, Roncins, courciers et bons destriers ; Pain, vin et planté de vitaille, Et gardez que becuit ne faille... (Mach., P. Alex., p.1369, 53)

Tantost monta sus son courcier Et s'en ala devers le roy... (Mach., P. Alex., p.1369, 87)

Mes les labeurs que il [le corps] seuffre ne doivent pas estre violens ne a une seule chose, si comme est le labeur des champions. Qui ne labeurent fors a luitier et les coursiers a courir, car la variation des labeurs est plus profitable. (Oresme, Pol. Arist. M., c.1372-1374, 333)

...le duc luy donna amiablement et luy fist au departir presenter ung très bel coursier amblant, ordonné et scellé et appareillié ainsi que pour le corps du roy (Froiss., Chron. M., XIV, c.1375-1400, 237)

...deux courciers ou pris de Vc frans (Reg. crim. Chât., II, 1389-1392, 205)

Et voient grant foison de nobles gens par la praierie (...) et par my la praierie courir chevaulx, destriers, pallefrois et coursiers, a grant multitude. (Arras, c.1392-1393, 37)

Quant Remondin ouy son oncle, si ot grant vergoingne, et sault du courcier a terre, l'espie ou poing, et s'en vint vistement devers le porc, et le fiert en l'escu, de grant ayr. (Arras, c.1392-1393, 18)

Et trouva le roy qui ja estoit montez sur un moult legier courcier et bien a main. (Arras, c.1392-1393, 134)

Lors monterent a cheval les deux freres, a bien CC. chevaliers noblement acesmez. Anthoine estoit sur un hault coursier liart (Arras, c.1392-1393, 164)

Au surplus le roy nous fist tresbonne chiere, et nous envoya de ses plus beaux courciers pour aler a sa court devers luy. (Voy. Jérus., c.1395, 85)

Li sires de Fagnuelles estoit montés sus .I. coursier trop merancolieus et mal afrenet ; si s'esfrea en cevauchant (Froiss., Chron. D., p.1400, 331)

Le roy Charles (...) fist pourveance de riches armeures, beaulx destriers amener d'Alemaingne, de Puille corciers, haubergons, jazerans, camailz forgier à Melan à grant foison (Chr. Piz., Faits meurs Ch. V, S., I, 1404, 128)

Item, je laisse à mon amé et feal frere, messire Jaques de Trye, chevalier, mon courcier morel. (Test. Parlem. Paris T., 1406, 422)

La Court a remis à lundi prouchain la cause d'entre Pierre L'Escot, d'une part, et J. Leonart, d'autre, qui estoit et est pour l'office de premier vallet des coursiers du Roy (Baye, II, 1411-1417, 62)

...la vendue et delivrance d'un coursier sur poil noir à longue queue (Comptes Etat bourg. M.F., t.1, 1419, 64)

Je respons en ceste manière Que j'ay veu petit lévrier Courre plus tost que grant coursier, Et souvent croist très bonne pomme Dedens le jardin d'un povre homme (La Haye, P. peste, 1426, 164)

...et avoit [un chevalier] devant luy la selle de son courcier qu'il regardoit (Juv. Urs., Verba, 1452, 262)

Et endemantiers qu'ilz disnoient, la royne lui envoya une piece d'un tresfin drap d'argent, monseigneur d'Anjou lui envoia un tres bel coursier tresbien en point (La Sale, J.S., 1456, 99)

Et, du costé desdiz Bretons et Bourguignons, y en ot aussi de tuez et navrez. Et si advint que ung gentilhomme, nommé le seigneur de Saint-Quentin, fut en ladicte saillie ou escarmouche abatu de dessus ung bon coursier dessur lequel il estoit monté, et après fut rescoux, mais il perdi sondit coursier et deux autres bons chevaulx. (Roye, Chron. scand., I, 1460-1483, 97)

Et estoient tous ceulx de sadicte compaignie habillez de hoquetons brodez à grans lettres d'or, et son courcier couvert de drap de damas ouvré de broderie aussi à grans lettres d'or. (Roye, Chron. scand., I, 1460-1483, 203)

Au matin, aprez la messe, dit adieu à ceulx de la ville, prist ses armes et monta sur son coursier et tira aux champs, luy et son ost (Bueil, II, 1461-1466, 6)

Plusieurs présens luy furent présentés, comme genets, beaux coursiers, mules et mulets (Faits Lalaing K., c.1470, 130)

Incontinent vindrent les hommes d'armes Sur grans coursiers, sur genestz et destriers (La Vigne, V.N., p.1495, 211)

II. -Navire rapide.

Or vous vueil les vaissiaus nommer Qui flotoient parmi la mer. Il y avoit coques et barges, Panfiles, naves grans et larges, Griparies et tafourées, Lins et fyacres et galées, Targes à chevaus et huissiers ; Et si avoit de bons courciers, Plus tost courans que nuls chevaus... (Mach., P. Alex., p.1369, 57)