COUPABLE

adjectif et substantif

[T-L : coupable2 ; GDC : coupable ; AND : coupable ; DECT : coupable ; FEW (II-2, 1498a) : culpabilis ; TLF (VI, 317b) : coupable]

I. -Adjectif.

A. -[D'une pers.] Qui a commis volontairement une faute.

Si y en i ot deux cenz et vint et cinq qui a la relations de touz estoient coupable de la mort des coulons rommainz (Bers., I, 9, c.1354-1359, 24.14, 45)

Ne feistes vous Eve coupable Et Adam du mors de la pomme En dampnacion de tout homme ? (Desch., M.M., c.1385-1403, 355)

Regnaut de Poilly (...) accusé de ce que l'en dit contre lui, que il est cause, consentant et principal, de empoisonner les eaues des puis, fontennes et autres lieux (...) confesse que il est coulpable et consentant dudit fait (Reg. crim. Chât., I, 1389-1392, 436)

...et dit que quelque chose qu'il eust autrefoiz congneu avoir emblé comme il est contenu ès confessions par lui autrefois faites qui lui furent leues mot après autre, il n'en est en riens coulpable ou chargié, mais en est pur et innocent. (Reg. crim. Chât., II, 1389-1392, 470)

Par les dens Dieu, dist Gieffroy, ne il ne moine ne abbé qui soit leans ne chantera jamais ne messe ne matines, car je les ardray tous. Lors se partent les chevaliers de lui, et lui dirent que ilz ne vouloient pas estre coulpables de ceste mesprison. (Arras, c.1392-1393, 251)

...par elles maintes diffames Sont mises sur hommes et femmes, Qui oncques n'en furent coulpables (Chr. Piz., M.F., II, 1400-1403, 93)

...icelluy Nycolas a esté trouvé coulpable de pluseurs cas usuraires (Baye, II, 1411-1417, 64)

Coupable de lèse-majesté

...pour le salut et le bien de touz, il pourra et devra par rayson estre attrapé et pris des communs publicans comme celi qui est chief de dissencion et coupable de lese magesté imperial. (Foul., Policrat. B., III, 1372, 230)

...et se ilz povoyent estre tenus, pugnition en seroit faicte comme de trahitres rebelles et coulpables de [crisme de] leze magesté (Juv. Urs., T. crest., c.1446, 123)

Coupable de sang. Qui a commis un crime de sang.

Lamech mauldit, coulpable de sang, fut le premier divisant une coste en deulx et tantost apréz la paine du deluge subverti le planteur de bigamie. (Daudin, De la erudition H., c.1360-1380, 429)

Estre coupable pour qqc.

La premiere est qu'Enfer ne fait Mal fors à ceulz qui ont meffait Et qui pour leur maux sont coupable (Mach., App., 1377, 650)

...en ce que tu n'estoies mie coulpable pour les pechiez muciez par aventure en conscience ou par effait en quelque maniere que commis avoies (Chr. Piz., Avision R.D., 1405, 126)

Se rendre coupable (à qqn). S'avouer coupable (envers qqn).

Je me rens confesse et coulpable A Dieu le pére esperitable, Qui pour nous en croiz mort souffri, Et a sa doulce mére aussi (Mir. abbeesse, 1340, 96)

...si m'en rens a vous Confès, coulpable et repentant (Mir. parr., 1356, 32)

Et pour ce il dient que a Dieu on a a regehir ses meffaiz, en li rendant coulpable et en criant merci et promettant soy amender. (Mandeville, Voy. L., p.1360, 294)

L'evesque d'Arras dit au contraire que partie, c'est assavoir Haton, est accusez et souspeçonnez crimine pessimo dont s'est rendu coulpable, parce que s'en fui, dont deust avoir la cognoiscence (Baye, I, 1400-1410, 149)

Si ne te soit honte offrir l'amende a moy suppellative de toy en ceste partie injuriee, te rendant repentie coulpable comme mal advertie, me recongnoissant suppellative sur toutes puissances relatives ça bas de Dieu ordonnees. (Chr. Piz., Avision R.D., 1405, 75)

...et par avoir pardonance et remission de mos pechiéz que encontre mon createur j'ay comis et faix dont je me rent coupable, en luy demandant que par ce humilité li plaise avoir pitié et mercy de ma cheytive arme (Caumont, Voy. N., p.1420, 22)

Ainsi doncques les notables en Gand, usant de ces termes envers le peuple, le peuple aussy battu en conscience (...) se rendi coupable et ne cessa de prier que, pour Dieu, on ouvrist les voies pour parvenir à la grâce et à la miséricorde de son prince. (Chastell., Chron. K., t.5, c.1456-1471, 290)

Mon Dieu, a vous je me rens, coulpable de tant de maulx que l'horreur d'y penser m'a souventefois voulu oster le hardement de plus me oser nommer vostre creature (Meschin., Lun. princes M.-G., c.1461-1465, 33)

A toy mon Dieu je me rends couppable, je ne me deffie mye de ta misericorde : tu es piteux et es venus pour les pecheurs, tu as perdonné a la Marie Magdalayne, au bon larron en l'arbre de la Croix, pour ce qu'ilz se retournerent a toy. (Bagnyon, Hist. Charlem. K., c.1465-1470, 209)

Se reputer coupable

...car la personne quant plus proffitera en bien et en l'amour de Dieu, tant plus se reputera coulpable et indigne de estre amee de Dieu (Gers., P. Paul, a.1394, 504)

Se sentir coupable (de qqc.)

De la verité de translation dist saint Jerome : 'Je n'en me sens en riens coupable, en l'interpretation ou translation des sacrés livres, avoir mué quelque chose de la verité du language hebrieu...' (Daudin, De la erudition H., c.1360-1380, 129)

...par la conscience et science des secrés il puet faire paour a celui qui s'en scet et sent coupable. (Foul., Policrat. B., III, 1372, 234)

Pour l'amour de Dieu, qui s'en sent coulpable - il m'entent bien ! -, corrige soy (Gers., Pent., p.1389, 78)

...et tout ainsi comme cellui qui se sent coulpable ne vit sans le runge de conscience qui le rent paoureux ne la paour de punicion de lui ne depart. (Chr. Piz., Avision R.D., 1405, 40)

...car, se [le chevalier] party estoit, ce estoit par desesperacion, dont il se sentoit moult couppables (La Sale, Salade, c.1442-1444, 108)

Se tenir coupable (de qqc.)

'...O vierge Marie ! veillez mon cueur rejoyr, et que par ma cause il n'ayt nul mal, car je me tiendroye coulpable de sa mort !' (C.n.n., c.1456-1467, 367)

L'ERMITE. Principal, vez le cy en place, Regardez quel homme notable, Je cuide qu'il se tient coupable Car il a grant peur de mourir. (Sots gard., a.1488, 103)

Non coupable de qqc.

..comment qu'il eust pleu a Dieu que fortune lui feust pour le present contraire, si tenoit il son pere preudomme et loyal, et non coulpable de ce fait. (Arras, c.1392-1393, 64)

[Sans compl., dans un cont. de droit ou de religion]

...car de chascun malfaiteur le juge pourroit dire quant il li plairoit que il scet de certain que il n'est pas coulpable et ne le vouldroit condempner. (Oresme, E.A.C., c.1370, 317)

Premier convient retourner a soy mesmez par correption, et soy tourner a fayre devoir. Ainsy et non autrement peult on trouver asseuree esperance. Car tant est bon espoir en Dieu contraire a tous crimez, que l'ame coupable ne peult estre asseuree. (Chart., L. Esp., c.1429-1430, 131)

Jhesu, Fil de Dieu perdurable, A toi vient le pecheur corpable ; Qui siez on ciel, Sirë et chier, Perdone moy tous mes pecchiés. (Prières saints R., t.1, 1400-1500, 128)

Par extension. Qui a plus ou moins involonairement commis une faute.

Maiz le fauconnier nonsavoir, Que malle nuit puist il avoir, Ne scet comme on s'en doit chevir [des oiseaux] , Pour ce les fait de fain morir, Si est courpable de la mort De ceulz que il tue a si grant tort. (La Buigne, Rom. deduis B., 1359-1377, 339)

Nostre cause est mise en espace. Ne say qui la puisse deffendre, Car nulz n'y est hardiz d'entendre, Tuit sommes culpables et meffait, Dont nulz n'ose emprandre le fait, Tant soit sains ne sainctifïez ! (Myst. Adv. N.D. R., c.1360-1365, 62)

...mais celui qui est incontinent, il est culpable du proverbe ouquel nous dison en ceste maniere : quant l'eaue suffoque un homme, quel mestier est il que il boive encore ? (Oresme, E.A., c.1370, 369)

B. -[D'une action, d'une attitude, d'une pensée...] Qui est condamnable.

...et par ainsi saint Pierre, comme je tiens, fut plus repris pour soy garder du temps advenir que pour le deffault coulpable du temps passé. (Gers., P. Paul, a.1394, 490)

Je ne croy point qu'il soit homme mortel Voire sans estre d'aucuns vices coupables (La Vigne, V.N., p.1495, 138)

II. -Substantif.

Celui qui a volontairement commis une faute.

T'ame et tes corps le comparront, Pour ce qu'as jugié faussement Maint preudomme et maint jugement ; Car les innocens opprimoies Et les courpables delivroies, Et Dieus dit qu'on n'ocie mie L'innocent et juste de vie. (Mach., C. ami, 1357, 13)

Lors ne sont plus en inventoire Ses biens, on lui delivre a plain, On lieve de son corps la main Et s'en va du fait non pugnis, Vraiz coupable absolz : trop honnis Seroit un juge seculer, S'il vouloit ce chemin aler: Il est tout certain, par saint George, Qu'om le panderoit par la gorge. (Desch., M.M., c.1385-1403, 158)

Et saichez que le doulz aignel Suscitera un Daniel Contre les faulx et hors du sens, Qui accusent les innocens, Jugent et laissent les coupables. (Desch., M.M., c.1385-1403, 160)

Se pollution ou sacrelege est faicte ou temple, la conscience dez faiseurs est premiere pollue et leur foy violee, ne la tache n'en demeure en l'eglise, maiz es ames des pecheurs qui le font, ou par qui peché Dieu le seuffre faire. L'oeuvre est de soy ville, maiz toute la vilté en tourne sur lez couppables de la villennie. (Chart., L. Esp., c.1429-1430, 60)

La misericorde de Dieu apert par les effects des benefices de Dieu, car il pardonne aux coulpables en delaissant la coulpe du mesfait et les paines qui s'ensieuvent au pechiet (Somme abr., c.1477-1481, 179)

...et illec devant tout le peuple, fit decoler les quatre plus principaulx coulpables du cas (Jehan de Paris W., 1494-1495, 8)

...entre autres, dist la maniere comme avoit esté desrobé le coffret aux bagues du roy, devisa les coulpables et le lieu où avoient esté portées les bagues et les fist recouvrer (Simon De Phares, Astrol., c.1494-1498, f° 114 r°)

Non coupable

Et n'est point a cuidier qu'a jamais Dieux souffrist que les mauvais ainsi cruelment tourmentassent les non coulpables ou les bons (...) Car, quant les mauvais forsennent sus les non coulpables, adonc sont luisans les innocens et purgiez, et la perversité des mauvaiz plus redonde sur la perdicion de eulx (Chr. Piz., Avision R.D., 1405, 126-127)