CONTENT

substantif masculin

[T-L : content3 ; GD : content1 ; AND : content1 ; FEW (II-2, 1103a) : contentio]

A. -Querelle, dispute, débat, contestation (en partic. judiciaire).

...Comme debas, contens et controversies eussent esté meues, lonc temps a, et encores pendent en la court du roy nostre sire à Paris, entre religieus homme le prieur et les freres de l'Ospital de Saint Jehan de Jherusalem en Acquitaine (Doc. Poitou G., t.2, 1341, 193)

S'il y a chevalier avironneëment Qui face a Olivier bataille ne content, Je le feray mourir a dueil et a tourment (Gir. Vienne D.B., c.1350-1400, 187)

...pour eschiver les contens et les riotes, qui pourroyent sourdre entr'eux au temps à venir (Cartul. Laval B., t.2, 1356, 256)

Ainçoiz qu'il soit longt temps, a moy ara comptant. (Flor. Octav. L., t.1, c.1356, 342)

Je ne crieng pas la foudre tant Com je crieng t(e)'yre et ton content. (Mach., Voir, 1364, 640)

...se deux personnes plaidient en jugement d'aucun heritage et posent un chascun son fait possessoire, se chascun prove la possession esgalment, la chose du contempt sera et demoura en la main du seigneur comme litigieuse, jusques les parties aient difinitive de la propriété. (Cout. bourg. glosé P.M., c.1380-1400, 160)

...les sergens du pais de Normendie exigent et extorquent indeuement des subgiez de leurs sergenteries plusieurs sommes de deniers et autres choses pour espargner ceulx qui leur donnent d'aler aux veues, informacions et autres exploiz de justice, par quoy plusieurs foiz la verité des contens ne peut estre sceue, pour ce que les plus prochains et mielx savans n'y sont fait venir (Echiq. Normandie S., 1400, 109)

Item, du grant contens qui y fu entre Ethioclés et Polinicés (Chr. Piz., M.F., II, 1400-1403, 172)

...duquel office estoit procés et contens entre plusieurs (Baye, I, 1400-1410, 346)

...ledit Jaquemart Caupois maintenoit que Jehan Palenq, brasseur, lui avoit fait faire lesdictes navreures par les dessus nommés, pour ce que ledit Jehan Palenq et ledit Caupois avoient eu pluiseurs contemps de parolles ensamble (Hist. Lille T., t.2, 1405, 426)

...s'il lui sourt peril, guerre ou contens... (Chart., B. Nobles, c.1424, 406)

...pour l'apaisement du content et discord d'entre mon très chier et très amé cousin le duc de Brabant d'une part, et vous d'autre (Doc. 1424. In : MONSTRELET, Chron. D.-A., t.4, c.1444-1453, 217)

...en laquelle ville le mareschal dudit arcevesque eut noise et content avec ung autre mareschal de ladicte ville pour le salaire de ferrer ung cheval (Monstrelet, Chron. D.-A., t.2, c.1425-1440, 7)

Et pour le bien que j'en atens, Riens que tout honneur n'y entens. Les moiens sont clers et patens, Conduiz par espoir de valoir, S'en doit estre chascun contens, Sans mectre noise ne contens, Pour faire plus mon cueur douloir. (Narcissus, p.1426, 289)

Et pour ce dist Seneque, en son livre VI^e des benefices et ou XXI^e chappiltre, de ceulz qui sont eslevez en haulx estas, que ilz ne ont de riens plus besoing fors que on leur die verité ; et puis enssieut sa sentence sur les debatz et grans contens qui sont es cours aux grans seigneurs (La Sale, Salade, c.1442-1444, 8)

...Haynes, contends, divisions (Myst. Viel test. R., t.4, c.1450, 298)

Et puis ensuit la sentence sur les debats et grans contemps qui sont ès cours des grans seigneurs (La Sale, Sale D., 1451, 41)

Après plusieurs paroles, contend y fut si grant que Michault d'Arges frappa Gaultier tellement que brief il devia. (Nouvelles inéd. L., p.1452, 43)

...nul ne doit prendre debat ne contens a l'encontre d'homme estraignier et incongneu (Colart Mans., Dial. créat. R., 1482, 153)

...debat, discord, comptans. (La Marche, Triumphe dames K.-B., p.1488, 41)

Tendre le vueil a noyse et a contens (La Vigne, S.M., 1496, 142)

Sans content. Sans discussion, sans débat.

Biaux seigneurs, je vueil sanz contens Ce que voulez. (Mir. st Guill., c.1347, 22)

Cousin, je feray sanz contens Vostre plaisir, c'est de raison (Mir. enf. ress., 1353, 58)

Mettre un content entre qqn et autrui. Fomenter une querelle entre qqn et qqn d'autre.

DEUXIESME DYABLE. (...) J'ay un contens si tresgrant mis Entre Basille et l'empereur (...) Qu'il a juré a ce Basille Qu'il destruira toute sa ville (Mir. emp. Julien, 1351, 183)

B. -En particulier.

1.Combat armé, bataille.

Touz jours ont content et grant guerre Es Turquois et es Serasins. (Dupin, Mélanc. L., c.1324-1340, 59)

La commenche bataille et orrible content (Baud. Sebourc B., t.1, c.1350, 19)

Louïs tout le premier se feri au content (Cip. Vignevaux W., p.1400, 70)

Es Franchois se ferirent qu'il n'en sceurent nient, Ne ja mais ne cuidassent qu'il eüssent content (Cip. Vignevaux W., p.1400, 91)

Ne veult avoir ne guerre ne content (Galien D.B., c.1400-1500, 33)

C'est le grand roy et le souverain sire Qui ayme amour et hait guerres et contemps. (Myst. Incarn. Nat. L., t.1, c.1454-1474, 23)

Laisser fault les enfans crier, Les plus grans maistres maistrier, Les princes faire leurs contends (Michel, Myst. Pass. J., 1486, 116)

Remarque : Flor. Octav. L., t.2, c.1400, 405 ; Percef. IV, R., c.1450 [c.1340], 631...

2.Compétition.

...il disoit que moult proffitoit constituer pluseurs pris et diverses manieres de debas et de contens, comme au jeu des barres (...), a joustes et tournois... (Vasque De Lucène, Cyropédie G.-G., 1470, 214)

3.Combat intérieur, débat de conscience.

JUDAS. O povre cueur plain de contens... (Michel, Myst. Pass. J., 1486, 61)

C. -Par métonymie.

1.Sujet de querelle, de contestation, objection.

LE COUSIN. A un mot, il ne nous plaist mie Qu'avec nous doiez plus ore estre. Pensez de vous au retour mettre : Il en est temps. LE CHANOINE. Puis que riens n'y vault mon contens, A l'ostel m'en retourneray (Mir. chan., c.1361, 173)

Nobles seigneurs, soiés contens Qu'entre cy et demain le soir Je responde sus ces contens. (Molinet, Myst. st Quentin C., c.1482, 112)

Lors le sage legislateur [dont le fils a été convaincu d'adultère] Non volent son edict enffraindre [à savoir que l'on arracherait les yeux à celui qui commet l'adultère] Ne pitié paternelle estaindre, prononcia et jugha par droit Que son filz un des yeulx perdroit, Et ly ung ['et lui-même un oeil'] pour hoster co[n]stant. Auxi le peuple fut contant. (Moralité cincq pers. B., 1484, 82)

Oste ses contens ['ces différents'] Et ta main luy tens (Michel, Myst. Pass. J., 1486, 109)

Mettre content à qqc. Voir une objection à qqc..

Tu ne dis rien que bien ne vueille : Alons, je n'y met nul contens. (Mir. st Lor., 1380, 141)

Au pluriel. Vaines contestations, objections inutiles.

Prevost, ce ne sont que contemps, Qui l'excuses et justifiez ; Il fault que tu le cruxifies (Gréban, Pass. J., c.1450, 308)

Seigneurs, ce ne sont que redites De s'arrester sur ces contens. (Michel, Myst. Pass. J., 1486, 177)

2.Dommage, atteinte portée à qqn.

'...Et environ tout le païs Tout a Alixandre concquis.' (...) ...en l'intervalle du temps, Lui paradvindrent ces comtemps ['la nouvelle de ces atteintes, de ces dommages'] (Renart contref. R.L., t.1, 1328-1342, 124)

Mais elle fait trop milleur chiere As pluiseurs gens Qu'a moi (...) ...ce m'est durs contens ['cela m'atteint profondément'] . (Froiss., Espin. amour. F., c.1369, 106)

Faire content à qqn

Clarice la duchesse (...) Veult qu'a ceste journee portés souffisament Par desus vo hëaume tout enson haultement, Vous portés ceste manche (...) Par quoi, se vous cuer l'aime de riens parfaitement, Que vous y esprouvez aujourd'ui tellement Que le roy de Garscongne en fache parlement Et qu'a sa suer avoir ne fasse nul content. (Renaut Mont. B.N. V., c.1350-1400, 268)

'Savari,' dit le bel, 'faités [l. faites] armer ma gent, Trestous a la couverte (...) Affin que contre moy ne fachent nul comptent !' (Galien D.B., c.1400-1500, 111)

À / en / ou content de

Au dommage de, à l'encontre de.

Veoir ung homme, autant qu'il est possible Grave en conseil, maintenant cheminer Avec ung tas de voituriers, aller En la boe immundice et ordure Telz herpailles guetrés acompaigner, A grans contens de sa noble nature ! Qui est celluy qui alleguer pourroit De homme sage plus grant mutation ? (Saint-gelais, Eurial. Lucr. R., c.1490, 67)

En représailles de.

...icellui Colin, prisonnier, et par serement, cogneut et confessa que, en hayne et contempt de ce que feu Pierre Vimaches, pour raison dudit cheval, l'avoit fait adjourner par davant ledit mons. le prevost, pour estre païé des XXXIJ s. dessus dis, qu'il avoit acheté icellui cheval (...), fery icellui Pierre d'un baston de fagot qu'il tenoit en sa main un ou plusieurs coups sur la teste (Reg. crim. Chât., I, 1389-1392, 179)

...depuis, et nonobstant lesdites injures à elle faites par ledit prisonnier, icellui prisonnier est alez par plusieurs fois devers elle, eue compaignie charnelle à elle qui parle, et tant que sondit feu mary lui dist qu'il s'estoit aperceu que ledit prisonnier frequentoit avec elle, et, ou contempt de ce, bati et feri de coups orbes moult durement ladite deposant. (Reg. crim. Chât., I, 1389-1392, 270)

...IIJ mois avoit ou environ, ou content de ce que un juif du nom duquel il ne se recorde, demourant à Trevou, ne lui vouloit païer XIJ d. qu'il lui devoit, il print et embla à icellui juif un mantel (Reg. crim. Chât., II, 1389-1392, 47)

...lors il vint à la congnoissance de la Court par les plaintes et rappors de pluiseurs que lesdis boulengiers, en contempt desdictes ordonnances (Fauq., I, 1417-1420, 353)

Et alors en despit ou contemps des paroles proferées par ledit Thomas, ycellui exposant jetta un godet de terre contre le mur. (Paris domin. angl. L., 1420, 2)

...mais en contempt de ce que ledit pere ne retourna point devers eulx, comme promis l'avoit, mirent ledit Jehannin es fers (Chancell. Henri VI, L., t.1, 1424, 151)

...les Allemans se boutèrent dedans ladite ville de Saint-Ypolite, et en contempt de l'obéissance qu'ilz avoient faicte audit Daulphin, boutèrent le feu, et ardirent toute icelle ville (Chart. J., Chron. Ch. VII, V., t.2, c.1437-1464, 46)

...et doubterent que, ou contempt et en contrevenge de la guerre et des donmages que ilz avoient fais et faisoient au roy et à la ville de Paris et en tout le païs d'environ, le roy leur vousist faire aulcun desplaisir ou donmaige (Maupoint, Journ. paris. F., p.1465, 89)

Au mépris de.

Et vint nostredit cousin de Bourgoingne à tout sa puissance près et entour nostre ville de Paris, et ou content de nous et de noz deffences, inhibicions et commandemens, amena avec luy et tient lesdiz malfaicteurs et crimineulx ou grand partie d'iceulx (Doc. 1414. In : MONSTRELET, Chron. D.-A., t.6, c.1444-1453, 147)

...mais ou contempt dudit appoinctement, et contre la teneur et l'exécution d'iceluy, avoit détenu et occupé, et encore de présent détenoit et occupoit, luy et ses consorts, les susdits palais et chastel d'icelle ville de Rouen (Chart. J., Chron. Ch. VII, V., t.2, c.1437-1464, 153)

Par dépit de ce que.

...et mesmement desroberent et pillierent plusieurs eglises es villages, ou content et despit de ce que ilz ne avoient peu et ne povoient pillier et desrober la ville de Paris à leur gré. (Maupoint, Journ. paris. F., p.1465, 81-82)