CONSEILLER

substantif masculin

[T-L : conseillier ; GDC : conseillier2 ; AND : conseiller1 ; DECT : conseillier2 ; FEW (II-2, 1070b, 1071a) : consiliarius ; TLF (V, 1379a) : conseiller]

A. -Celui qui conseille.

...le traÿtre conseillier [var. conseilleur] (Dupin, Mélanc. L., c.1324-1340, 211)

Or a trouvé, s'il vous plaist, consillier Bon et loial ; laissiez le consillier ; Si ferez bien. (Mach., J. R. Beh., c.1340, 129)

Je ne me puis miex conseillier Qu'au conseil d'un tel conseillier (Mir. parr., 1356, 6)

...Ti consillier, tes concubines, Ti serf, ti vallet, tes meschines... (Mach., C. ami, 1357, 31)

...pour estre voz conseillers Vous arez ces deux chevaliers (Mir. Berthe, c.1373, 200)

Les bons seigneurs sont les bons conseillers, et a vray dire, sire, sans flaterie, dé pieca je vous ay ouy recommander de ceste noble condicion, que vous oyés et creés voulentiers bon conseil (Gers., Noël, p.1404, 310)

Et, sur ce, ses bons amyz, conseilliers et serviteurs, aprez plusieurs debatz faiz par entre eulx-meismes, respondirent tous... (Bueil, II, 1461-1466, 230)

Celui qui est sage.

Un chevalier a ancïen En ceste court, bon catholique (...) Saige de droit naturel senz, S'a plus veü qu'homs de ceenz. Si est soubtilz et beau parlier, Si que Ulixes, le conseillier, Se ore feust o nous en vie, Je croy, ne l'en passeroit mie (Gris., 1395, 9)

Emploi adjectival.

...il [Jean de Saintré] vint descendre en sa grant loige, toute bien tendue, que le roy aux deux entrees hors des lices pour chascun avoit fait faire, et la descendist et avecques lui ces quatre seigneurs conseilliers, et des siens ceulz qu'il avoit ordonnez. (La Sale, J.S., 1456, 112)

B. -Membre d'un conseil (administratif, politique ou judiciaire) ; officier appelé à donner des avis à un personnage de haut rang.

Et pour ce, si comme il apparra aprés par Aristote, ceste science appartient par especial et principalment as princes et a leurs conseilliers. (Oresme, E.A., c.1370, 98)

...la supplicacion de noz amez et feaulx les maire, eschevins, bourgois, conseilliers jurez et de toute la commune de nostre ville de Poictiers (Doc. Poitou G., t.4, 1372, 230)

...messire Symon Burlé estoit ung des prouchains conseilliers qu'il eust (Froiss., Chron. M., XIV, c.1375-1400, 40)

...telles manieres de gens sont appelléz jugeurs et conseilliers des juges. (Cout. bourg. glosé P.M., c.1380-1400, 107)

Lequel maistre Denis, après ce qu'il ot eu sur ce conseil aux conseillers de ladite eglise de Saint-Magloire, rapporta et dist qu'il se consentoit que par main souveraine et sanz prejudice de sadite juridicion de Saint-Magloire, pourveu que de ce il eust lettres comme dit est, que dudit prisonnier feust faite tele justice comme ledit mons. le prevost et lesdiz conseillers verroient (Reg. crim. Chât., I, 1389-1392, 8)

...fu amené Pierre de Thoulouse par devant Thibaut Le Miant, juge ordinaire d'Anjou et du Maine, (...) Robin Heriçon et Gervaise Auderon, conseilliers de la court (Reg. crim. Chât., I, 1389-1392, 471)

Martin Double, conseillier et advocat du roy en Chastellet (Reg. crim. Chât., II, 1389-1392, 338)

SECONT BARON. Sire, c'est chose manifeste. Ne pas de ce ne me merveil, Qu'il y convient grant appareil. S'en chargeray ce chevalier, Vostre premerain conseillier, Qui assez a sens de le faire (Gris., 1395, 19)

Item, du siege des conseillers (Chr. Piz., M.F., II, 1400-1403, 1)

Et ce pendant les presidens et conseilliers de la Court ont esté occupez en consultacions et jugemens de procès (Fauq., I, 1417-1420, 44)

...messire Robinet de Mailly, chevalier, conseillier et chambellan de mondit seigneur et executeur du testament de feu messire Charles Boutery, jadiz chevalier et chambellan de mondit seigneur (Comptes Etat bourg. M.F., t.1, 1419, 9)

Et ainsi le supplient à la Court et sont chargiez lesdis advocas et conseilliers de Gand de supplier à la Court. (Fauq., II, 1421-1430, 299)

Ou est la prudence des clers et conseilliers, qui par leurs sens ont mains royaumes preservez et relevez souvent en perilleuses aventures ? (Chart., Q. inv., 1422, 13)

Et d'autre part lez haulx hommes qui premier establirent principaultés et firent lez loys par qui le monde est gouverné furent ensemble princes et clers savans, puissans conseilliers, executeurs des loys par leur sens, et conservateurs d'icellez par leur povoir vigoreux. (Chart., L. Esp., c.1429-1430, 73)

Lors le mareschal ou ung de noz conseilliers, ou cellui que le juge commettera, qui lui dira par la maniere qui s'enssieut (La Sale, Salade, c.1442-1444, 218)

...que doresnavant on fist les presidens et conseilliers par election, et que nul ne feust esleu en conseillier se il n'estoit clerc experimenté (Juv. Urs., Nescio, 1445, 542)

...ung général conseillier sur nosdites finances, qui aura à vériffier toutes nos lettres et mandemens de finances, veoir et visiter les estaz et receptes de touz et chascun noz trésoriers, receveurs et fermiers et autres par les mains desquelz se reçoivent et passent nosdites finances (Roi René vie L., 1466, 316)

Entre les conseillers se trouvent tousjours largement de bons et notables personnages et aussi quelques bien mal condicionnéz. (Comm., I, 1489-1491, 51)

...Voire sans ce que son maistre d'ostel Et conseiller estoyt auparavant (La Vigne, V.N., p.1495, 135)

Conseiller en (la cour de) Parlement

..presens maistres Guillaume Porel, conseiller du roy nostre sire en son parlement (Reg. crim. Chât., I, 1389-1392, 182)

...et puis avez aucun temps practiqué en la court de Parlement et aprez conseiller en icelle, et naguerez bailli de Sens (Juv. Urs., Nescio, 1445, 466)

Et lors, par maistre Jehan Avin, conseiller lay en la court de Parlement, furent fais plusieurs explois en l'ostel dudit d'Estouteville, comme de cercher boistes, coffres et autres lieux pour savoir se on y trouveroit nulles lettres (Roye, Chron. scand., I, 1460-1483, 12)

Maistre Jaques Juing, conseiller en la court de Parlement, en son temps se desdia en la science des estoilles, par especial en la pratique de l'astrolabe et y fut moult expert. (Simon De Phares, Astrol., c.1494-1498, f° 162 v°)

Conseiller (du roi). Membre du Conseil du roi ; officier remplissant une fonction au gouvernement, à la maison du roi.

Cil s'en parti qu'il fu delivres, En grant estat, en grant arroy, Si comme consillier dou roy. (Mach., P. Alex., p.1369, 235)

...maistre Pierre Fresnel, conseillier et maistre des requestes de l'ostel du roy nostre sire (Reg. crim. Chât., I, 1389-1392, 522)

...sire François Chanteprime, Jehan Chanteprime, conseilliers et tresoriers des guerres du roy nostre sire (Reg. crim. Chât., II, 1389-1392, 487)

Ce jour, maistre Guillaume de Launoy a esté receu conseiller du Roy en la Chambre des Enquestes ou lieu de feu maistre Guillaume Liroiz (Baye, I, 1400-1410, 28)

...et incontinent après donna à maistre Phelippe du Drac l'office de conseillier du Roy ou Chastellet (Fauq., II, 1421-1430, 219)

Le lendemain, arriverent trois des gens de l'hostel du Roy et ses conseilliers (Bueil, II, 1461-1466, 23)

Conseiller clerc. Conseiller ecclésiastique du Parlement de Paris, par opposition au conseiller laïc.

Ce jour, maistre Andry Marguerie a esté receu en office de conseillier clerc en la Chambre de Parlement (Fauq., II, 1421-1430, 221)

Conseiller lai. Conseiller laïc du Parlement de Paris, par opposition au conseiller clerc.

Avant les plaidoieries, maistre Jehan Forme fu esleu et receu à l'office de conseillier lay en la Chambre des Enquestes (Fauq., I, 1417-1420, 155)

Conseiller à part. Conseiller particulier, conseiller secret.

...le roy Amydas (...) laissa ceste belle et grant entreprinse par aucuns conseilliers à part. (Bueil, II, 1461-1466, 233)

C. -[Antiquité romaine] Principal magistrat de Rome.

LE SENATEUR. Sire, des senateurs sui l'un, C'est de la ville conseillier. (Mir. fille roy Hongrie, c.1371, 76)

...car en olygarchie il est neccessaire que les proconsulz soient en petit nombre ou resgart de la multitude. Et pour ce est ce chose olygarchique ; mes la ou en un princey sunt ces .II. choses, ce est assavoir que lez proconsulz sunt institués sus les conseillers, je di que avoir conseillers, ce est chose demotique ou democratique ; mes avoir proconsulz, ce est chose ou maniere olygarchique. (Oresme, Pol. Arist. M., c.1372-1374, 198)

Les legaz ou messaiges solempnelz de l'empereur estoient aucuns de ses consules ou conseilliers qui estoient envoiez de par l'empereur a l'ost, et a eulz obeissent les legions et toutes les aides de l'ost ['consules ou conseilliers' trad. lat. consul] (Vegece, 1380, II.9)

L'an quatre cens cinquante six, Je, Françoys Villon, escollier, Considerant, de sens rassis, Le frain aux dens, franc au collier, Qu'on doit ses euvres conseillier, Comme Vegece le racompte, Saige Rommain, grant conseillier, Ou autrement on se mescompte... (Villon, Lais R.H., c.1456-1457, 11)

L'an .xiiii.^e de Dare, les Romains en lieu d'un roy creerent deux consules ou conseilliers, qui ne demouroient en tel office si non ung an seulement (Mer des hist., t.2, 1488, f° 19b [BnF/Gallica])

L'an .xxi. du regne d'iceluy Dare, qui est aprés le regne des Romains l'an .ix.^e, fut a Rome cree et ordonnee une nouvelle dignité que ilz denommoient dictature ; et est plus grande et plus excellente que conseiller mais semblable a puissance imperiale (Mer des hist., t.2, 1488, f° 19c [BnF/Gallica])

Remarque : FOUL., Policrat. B., VIII, 1372, 92.

Conseiller des guerres. Commandant en chef.

En tous les aucteurs de la science de chevalerie l'en treuve que par les tressaiges conseilliers des guerres l'en menoit contre les ennemis deux legions et non plus ['conseillier des guerres' trad. lat. consul] (Vegece, 1380, II.4)