CONFIDENCE

substantif féminin

[GD : confidence ; FEW (II-2, 1033b) : confidentia ; TLF (V, 1297b) : confidence]

Confiance.

Che que les Grecs dient est approuvé tres veritable : que folie engendre confidence, et erudition ou doctrine amaine cremeur. (Daudin, De la erudition H., c.1360-1380, 34)

Et ne se dechoive pas le josne de longue vie, car en ceste vie mortele ne peut estre que fole confidenche. (Daudin, De la erudition H., c.1360-1380, 302)

Et pour ce dit Tulles en Rethorique que magnanimité, c'est a dire vertu de avoir grant courage et confidence ou confiance, sont deux condicions appartenantes a la vertu de fortitude. (Oresme, E.A.C., c.1370, 209)

...quoy que a princes singulierement appartient clemence et debonnaireté, pour ce que puissance fait les seigneuries redoutables, mais clemence les fait estables et fermes, et de la clemence et humanité du prince naist confidence, de confidence sceurté, de sceurté hardement d'entreprendre et constance de conduire, mais du contraire de clemence naist souppeçon, de souppeçon vengence, de vengence rancune, separation et murmure. (Chart., Q. inv., 1422, 63)

Lez seigneuries qui viengnent par hoirie furent au premier commencés en forme de election, et l'excellence vertueuse de ceux qui furent esleuz lez rendist dignes de tel honneur, et depuis tournerent a leur premier hoir par permission du peuple. Et qui fist ce, fors la confidence de nature et l'esperance de honneste nourreture et sainte doctrine des bons parens ? (Chart., L. Esp., c.1429-1430, 68)

Car esperance eslieve l'omme a esperer sur sa propre puissance par confidence de la divine bonté, et crainte le fait retourner a doubter de soy mesmez par consideration de fraille nature. (Chart., L. Esp., c.1429-1430, 103)

C'est celuy [sacrement] quy seul et sur toute aultre chose peut enflamber le desir, causer humilité, engendrer compunction, donner confidence (...) et infondre joye et toute delectable consolation (Traité S. Sacr. B., c.1450-1500, 151)

Celuy ou gist toute ma confidence, Le dieu Mahon, presentement begnye (La Vigne, S.M., 1496, 179)

Confidence à qqn. Confiance en qqn.

Le commencement de toutes mauvaises temptacions c'est inconstance de corage et petite confidence a Dieu. (Internele consol. P., 1447, 301)

Avoir confidence en qqn/en qqc. Avoir confiance en qqn ou qqc..

'Monseigneur, je vous di que les Portingalois ont tousjours eu grandement leur confidence en toute grace de Dieu et en bonne fortune pour eulx en celle place de Juberote, et pour ce s'i arresterent-ilz encore à celle fois.' (Froiss., Chron. M., XII, c.1375-1400, 282)

Ilz (...) manderent ung jour à Westmoustier tous les souverains de Londres et ceulx où ilz avoient la greigneur confidence (Froiss., Chron. M., XIV, c.1375-1400, 62)

En celle eglise a une image de Nostre Dame à une petite cappelle, qui fait grans miracles et grans vertus, et en lequelle li roi d'Engletière ont tousjours eu grant confidence de creance. (Froiss., Chron. R., X, c.1375-1400, 117)

O sire Dieu ! tu scez la bonne voulenté qu'il a eue à toy quant il fut occis, et en ce j'ay grant confidence de son salut. Car, comme dit l'Escripture : Justus si morte preoccupatus fuerit, in refrigerio erit. C'est à dire, se le juste a esté avancé de la mort, il sera en refroidement et en repos. (Doc. 1408. In : MONSTRELET, Chron. D.-A., t.1, c.1425-1440, 314-315)

Ilz se doibvent du tout fier en Dieu et y avoir confidence. (Monstrelet, Chron. D.-A., t.6, c.1444-1453, 108)

...savoir faisons que en ensuiant icellui, d'icellui nous ayans plaine et entiere confidence es grans sens, loyaulté, preudommie de nostredit cousin de St Pol (Ecorch. Ch. VII, T., 1445, 208)

...une personne qui se confira en soy mesmes est fol d'avoir esperance ou confidence en homme. (Juv. Urs., Verba, 1452, 222)

...ung grand seigneur (...) entre les aultres ses serviteurs avoit parfecte fiance, confidence et amour en ung jeune et gracieux gentil homme de son hostel (C.n.n., c.1456-1467, 79)

Et, ledit premier jour de may CCCCLXXII, fut faicte à Paris une moult belle et notable procession en l'eglise de Paris et fait ung preschement bien solennel par ung docteur en theologie nommé maistre Jehan Brete, natif de Tours, lequel dist et declaira entre autres choses que le roy, aiant singuliere confidence en la benoiste, glorieuse vierge Marie, prioit et exhortoit son bon populaire, manans et habitans de sa cité de Paris, que d'ores en avant, à l'eure de midi que sonneroit à l'eglise dudit Paris la grosse cloche, chascun feust flechi ung genoil en terre en disant Ave Maria (Roye, Chron. scand., I, 1460-1483, 264)

...le Cabdet d'Albret, seigneur de Saincte-Basile, ouquel ledit de Beaujeu avoit eu grant confidence pour ce qu'il avoit esté nourry et eu moult de biens en la maison de Bourbon. (Roye, Chron. scand., I, 1460-1483, 289)

...le sire d'Estelan, nostre bailly de Rouen, auquel pour la grant confidance que nous avons de sa personne, nous avons baillé la garde et cappitainye de nostre bonne ville de Rouen (Lettres Louis XI, V.M., t.10, 1483, 82)

..et nous y servez comme en vous avons nostre parfaicte et entiere confidence. (Lettres Ch. VIII, P., t.1, 1487, 153)

Avoir confidence que

Et avoient les gens moult grand confidence et espérance que par son retour et desprisonnement [du duc d'Orléans] venroit grant consolacion ou royaume de France. (Monstrelet, Chron. D.-A., t.5, c.1444-1453, 452)

Confidence de soi. Confiance en soi.

Mais il n'est homme qui pour son affection puisse tousjours joïr de ces divines consolacions, car le temps de temptacion ne cesse point longuement et moult est contraire a la supernele visitacion la fausse liberté de corage et la grant confidence de soy mesmes. (Internele consol. P., 1447, 34)

Avoir confidence de qqc. Tirer confiance en soi, tirer fierté de qqc..

...l'infame et orde condition de plusieurs qui se glorifient et ont confidence de leurs malefices (Tardif, Facéties Pogge D.H.-P., c.1490, 232)

Par métonymie. Confiance dont qqn ou qqc. est l'objet.

...l'esperance et la confidence du saufconduit (Bouvet, Arbre bat. R.-B., c.1386-1389, 35)

...nonobstant que ladicte ville le roy avoit laissée et baillée en la garde et confidence du seigneur de Fiennes. (Roye, Chron. scand., II, 1460-1483, 85)

Sur la confidence de qqc. Sur la foi de.

...sur la confidance d'icelle grace et remission il avoit conversé paisiblement au lieu ou il avoit acoustumé de demourer (Ordonn. Ph. le Hardi, Marg. de Male B.-B., t.2, 1401, 470)