CLAMER

verbe

[T-L : clamer ; GD : clamer ; GDC : clamer ; AND : clamer ; DECT : clamer ; FEW (II-1, 729a) : clamare ; TLF (V, 874b) : clamer]

I. -[Idée d'affirmation, de proclamation]

A. -Emploi transitif. Clamer qqc.

1.Dire hautement qqc..

Sy m'agree Retourner en la maisoncelle Dont je yssy povre pucelle, Nue de trestous bien mundains ; Et nue mon retour y clains, Sanz en retenir rien qui soit (Gris., 1395, 83)

Le prophete Ysaie oyt les Seraphins trois fois clamans et disans 'Sains, sains, sains' en l'honneur et loenge de la trinité (Somme abr., c.1477-1481, 124)

Vecy ung prophete divin Qui moult beaux enseignemens clame (Michel, Myst. Pass. J., 1486, 88)

Clamer que. Affirmer, proclamer que.

Quintement, les creatures clament que Dieu est. (Somme abr., c.1477-1481, 101)

Clamer + inf.

... de quoi il a esté trouvé véritable, comme apparu est par tout ce qui en est advenu, tant en son propre royaume, dont il portoit couronne ; comme en celuy de France dont il clamoit avoir titre. (Chastell., Chron. K., t.1, c.1456-1471, 340)

2.Clamer (qqc.) à qqn. S'adresser à qqn en disant qqc..

Vous avez receut l'esperit des filz qui sont fais par adoption, c'est a dire par amour et par parfaite dilection, auquel nous clamons disant 'Abba', c'est a dire 'Pere'. (Somme abr., c.1477-1481, 108)

B. -Clamer qqn/qqc. + attribut de l'obj. Appeler, proclamer, considérer qqn/qqc. comme.

On m'a dit (...) Que nostre abbeesse le clerc ayme Et qu'autrement point ne le claime Que son ami. (Mir. abbeesse, 1340, 73)

LA DAME. (...) Que je ne soie plus nommee Brehaigne, mais mere clamee (Mir. enf. ress., 1353, 6)

LA DAME. (...) N'onques homme n'ama, ce croy, Autant femme aussi qu'il m'amoit. Touzjours s'amie me clamoit. (Mir. enf. ress., 1353, 41)

Pour ce sera touzjours amée De moy et ma dame clamée Et ma maistresse. (Mir. Theod., 1357, 78)

De le terre d'Orliens este sirez clamés (Hugues Capet L., c.1358, 94)

Hee, doulce contree, j'ay eu en toy tant de soulas et de recreacion, et y estoit ma beneurté, se Dieu n'eust consentu que je n'eusse esté ainsi faulsement trahie. Helas ! Je en souloye estre dame clamee, et m'y souloit on faire et acomplir tout quanque je commandoye. Or n'en seray je pas sans plus povre chamberiere. (Arras, c.1392-1393, 259)

[Le marquis] Janicola, mainte journee T'ay veü preudomme clamé (Gris., 1395, 36)

LE MARQUIS. (...) Mes amis entiers Et bien amez, vez cy ma femme, Vez ci m'espeuse et vostre dame ! Ceste amez, doubtez, honnourez, Cherissiez, et dame clamez (Gris., 1395, 38)

...dessus la chaire Moÿse Sieent scribes et Pharisees, Qui (...) veulent les grans estres, Et sires qu'on les cleime et maistres (Chr. Piz., M.F., II, 1400-1403, 8)

Foires ordonna et marchiez, Ou l'en peust acheter et vendre (...) Et, de son nom, les clama foires (Chr. Piz., M.F., II, 1400-1403, 278)

Doncques elle fut belle corporellement, et pour ce digne d'estre de Dieu son amie clamee : Tota pulcra etc. (Gers., Concept., 1401, 426)

Ce m'est assez bien, que pour elle J'aye du mal que mon cuer cele, Et que je l'ayme Sans plus par penser, en moy meisme, Et que seule dame la clayme Et en mes douleurs la reclaime, Quant autre chose Faire n'en puis (Chart., L. Dames, 1416, 204)

Moult ont leurs honneurs entamez, Que leurs peres ont tant amez Qu'ilz en furent nobles clamez, Don sont venuz Iceulx qui n'ont pas maintenuz Leurs bons faiz ne bien retenuz, Quant a honte sont revenuz (Chart., L. Dames, 1416, 226)

Bien doit estre sire clamez, qui de ses hommes est amez (La Sale, Salade, c.1442-1444, 7)

Se [nous, les pendus] freres vous clamons, pas n'en devez Avoir desdaing, quoy que fusmes occis Par justice ... touteffois vous sçavez Que tous hommes n'ont pas le sens rassis. (Villon, Poèmes variés R.H., c.1456-1463, 66)

L'empereur [Alexandre le Grand] si l'araisonna [Dïomedés] : 'Pourquoy es tu laron en mer ?' L'autre responce lui donna : 'Pourquoy laron me faiz clamer ? Pour ce qu'on me voit escumer En une petïote fuste ? Se comme toy me peusse armer, Comme toy empereur je feusse...' (Villon, Test. R.H., 1461-1462, 32)

Chascun me clame Et me reclame - putain immunde (Pass. Auv., 1477, 151)

Clamer qqn quitte ((de) qqc.)

Ly usurier lez clama quicte Celle somme que je t'ay dicte (Myst. Pass. N.S. R., c.1350-1370, 103)

Er sces tu que je vuel ? Que tu clame quites toutes ces gens qui cy sont, petis et grans, et que tu leur rende tout l'avoir que tu leur as tollu se tu l'as (Chev. papegau H., c.1400-1500, 10)

Jehan Marcel (...) quicta et quicte clama bonnement et absolument a tousjours sans rappel ledit Robin Clement (Rouen temps Jeanne d'Arc L., 1420, 16)

Et je luy pardonne vrayement, dist il lors, et l'en clame quicte (C.n.n., c.1456-1467, 400)

Clamer qqc. quitte à qqn. Pardonner qqc. à qqn.

Dame, soiez leur respondant Aucune chose ; mot ne dites, Ce meffait leur soit clamez quittes, S'il vous agrée. (Mir. nonne, 1345, 350)

Clamer qqn à/pour. Reconnaître qqn comme.

Bien veigniez vous, celi que j'aime Et qu'a seigneur et espoux claime (Mir. emper. Romme, 1369, 275)

Une fille avez, et j'aussi En ay une que je bien aime Et pour fille la tien et claime (Mir. fille roy, c.1379, 116)

Et si m'amoit - De quoy nully ne le blasmoit - Et pour sa dame me clamoit (Chart., L. Dames, 1416, 216)

Clamer qqn/qqc. de tel ou tel nom. Appeler qqn (de tel ou tel nom).

A mon compagnon sanz detry En irez, c'on clame Honnoré (Mir. enf. diable, c.1339, 40)

...et fu li rois logiés en une abbeie que on clainme ou pais le clostre Saint Piere, et est de blans monnes. (Froiss., Chron. D., p.1400, 140)

Entre ces deus villes de Vennes et de Dignant a un fort chastiel, lequel on nonme Roceperiot (...) Et en estoit chapitains uns esquiers de Bourgongne que on clamoit Gerart de Malain (Froiss., Chron. D., p.1400, 521)

Puis s'en ala li dis messires Lois d'Espagne a tout son hoost deviers une grose ville seant sus la mer que on clainme Garlande, et le assega par terre (Froiss., Chron. D., p.1400, 536)

...de ce temps ot un honme d'armes, en Bretagne, alemant que on clama Crokart, liquels avoit esté en son conmencement uns varlés au signeur d'Ercle en Hollandes (Froiss., Chron. D., p.1400, 860)

Emploi pronominal. Se clamer + attr.. Se déclarer + attr..

Les uns fiert et fait clamer las Et les autres desrobe, helas ! (Mir. st Guill., c.1347, 6)

Tu me fais une dame amer Dont trop me puis pour fol clamer. (Mir. Theod., 1357, 69)

Et [celui qui aime] va rompant ses cheveulx a bons dois - Et ses souspirs entrecouppent sa voix - Tout forsené ; N'il ne semble ne sage ne sené, Tant se demaine et tant est malmené. Et se clame d'Amours mal assené Et baraté, Et se complaint de sa grant loyauté (Chart., D. Fort., 1412-1413, 184)

Nul ne se doit amy clamer Si non par cuer ains que par livre, Car force ne puet entamer La volenté france et delivre. (Chart., B. Dame, 1424, 343)

Or se puet donq cellui chetif clamer, Et son estat est dolent et dampnable, Qui grieve et nuit et se fait diffamer Et n'aime rien fors d'amour prouffitable. (Chart., B. Nobles, c.1424, 401)

...jamais infortuné ne me veil reputer ne clamer quand en elle [la Fortune] trouve si large bonté. (C.n.n., c.1456-1467, 574)

II. -[Idée de plainte, de réclamation, de récrimination]

A. -Emploi transitif.

1.Clamer qqn

a)Implorer qqn.

Ainçois, mon vray Dieu, je congnoy Que quant au besoing t'ay clamé Tu m'as benignement sauvé. (Marcadé, Myst. Pass. Arras R., a.1440, 243)

LE DRAPPIER. Et, par la Dame que l'en clame, Tu les rendras au samedi, Mes six aulnes de drap... (Path. D., c.1456-1469, 140)

Seule, esgaree en gueulle d'ennemis Gloutz et famis, je peris en la mer. (...) ne sçay quel saint clamer (Molinet, Faictz Dictz D., 1467-1506, 80)

...le Dieu d'Amours clame Et reclame, Que me doint venir plus hault. (Pass. Auv., 1477, 135)

b)DROIT En appeller à qqn (en tant que détenteur d'un pouvoir judiciaire).

[Le roi d'Angleterre, nommé vicaire de l'Empire, exerce sa fonction judiciaire] Et tantos la en drois fu clamet et respondut entre parties conme devant l'empereur et jugiet droit a la semonse de li. (Froiss., Chron. D., p.1400, 294)

c)Réclamer qqn comme un droit.

Et ly hons qui par amours aime Toute le voeult, toute le claime, Sy tost qu'a lui est octroÿe (Dit prunier B., c.1330-1350, 85)

d)[De Dieu] Clamer qqn à soi. Appeler qqn à soi.

LAZARE. ...Nayés estïons en la mer De peché, Magdaleine et moy ; Mais Dieu nous veult a luy clamer Pour suivre desormais sa loy. (Michel, Myst. Pass. J., 1486, 169)

2.Clamer qqc. Réclamer, revendiquer qqc..

Si l'encloirent de toutes pars et le prissent et le missent jus dou coursier ; et fu prisonniers a euls siis. Casquns i clama part, et li demanderent se il se voloit rançonner. (Froiss., Chron. D., p.1400, 332)

...cuer amant est moitoier A part equale De s'amour seule et principale, Soit l'aventure bonne ou male, Rire, plourer, couroux ou gale ; Dont raison yere Qu'en terre estrange et maronniere De cuer soie o lui prisonniere Et de sa prison parçonniere, Sans y clamer Franchise ou le droit entamer D'Amours qui me fait affamer, En souspirant dela la mer, Ou mon cuer vire Et passe plus tost que une vire Sans batel ou autre navire. (Chart., L. Dames, 1416, 236)

HESTER (à Assuérus). Prince puissant, qui grant auctorité Et grant regnon et voix loingtaine clame, Mille mercys (Myst. Viel test. R., t.6, c.1450, 49)

Les debtes de l'ung qui restoient, Bien a cinq cens deniers montoient, L'autre a cinquante en nombre entier. Or n'ont de quoy payer tous deux : Cil [le créancier] les quicte, que riens n'en clame. Je te demande lequel d'eulx Plus ferme son crediteur ame. (Myst. Pass. Troyes B., a.1482, 439)

Fortunë y veult droit clamer Et si fait fort reclamer Et nommer Sa tres varïable alee ; Or nous y peut comprimer Et n'y savons reprimer Ne rimer, Car nostre garde est allee. (Myst. Pass. Troyes B., a.1482, 814)

Clamer vengeance. Réclamer, exiger vengeance.

De part Dieu, sire, et de certain saveiz que le chien at clameit, pour combatre et aultrement, la vengen[c]e du murdre son maistre a vous sy qu'a justice. (JEAN D'OUTREM., Myr. histors G., a.1400, 131)

Clamer droit sur qqn. Revendiquer un droit sur qqn.

Aussi con sur moy clamast droit L'issue par cy me devée (Mir. nonne, 1345, 327)

Bel Acueil n'est mie haÿs D'Amours qui n'a cure d'orgueil, Mais le fait franc en son païs, Si que nul si hardi sur l'ueil De clamer droit sur Bel Acueil, Ne chalanger de ses biens fors ce Qu'il a donné de son bon vueil, Sans faire contrainte ne force. (Chart., D. Rev., a.1424, 318)

B. -Se plaindre.

1.Clamer de qqc. Se plaindre de qqn.

...Filz, voeulle toy conforter. Vas a Alixandre clamer Du grant despit et des hahens Que t'a fait le roy des Brïens. (Renart contref. R.L., t.1, 1328-1342, 155)

2.Clamer sur qqn. Se plaindre de qqn.

Las ! je doy bien tortre mes poins Et clamer sur toy derrechief. (Mir. Theod., 1357, 126)

3.Emploi pronominal.

a)Se clamer. Se plaindre.

JEHAN BOCACE : Le dire est brief : en toy n'a cause pour toy clamer telle comme tu te fais. LA ROINE : Que dis tu ? O homme, n'a il cause en moy de demener deul et de moy desmesurer en sens ? (Chastell., Temple Boc. B., 1463-1464, 103)

Se clamer à qqn. Se plaindre auprès de qqn.

Et ly sors failhit, sy soy regardent l'ung l'autre, quant ilz se treuvent affolleiz et enguingniéz ainsy. Atant envoye les .XI. barons qui estoient le garde du treit, qui sont affoleiz ainsy, sy s'en vont clamant au roy. (JEAN D'OUTREM., Myr. histors G., a.1400, 149)

Se clamer de qqn/qqc. Se plaindre de qqn.

Pour ce Renard point Raison n'aime : De lui se deult, de lui se claime. (Renart contref. R.L., t.1, 1328-1342, 9)

Je vous suppli, dame nonnain, Que vous me dictes verité De trois amours dont je me clain : Religieus, noble et villain. (Desch., Oeuvres R., t.8, c.1370-1407, 123)

A la mort, a l'ayde, a la mort ! (...) Mon seigneur, helas ! je me clame De ce traistre larron infame Qui se mocque de gens de bien. (Roy sotz, c.1450-1500, 216)

b)DROIT Se plaindre en justice.

Et sera la partie qui ce sera clamée secondement mis en amende de la loy de la court où il se sera clamé, si ledit adjournement n'est baillé sur ledit tort fait. (Cout. instit. Anjou Maine B.-B., t.1, 1411, 404)

Se clamer à qqn. Déposer une plainte auprès de qqn (en tant que détenteur d'un pouvoir judiciaire).

Des personnes qui se clament au maieur ou es eschevins, le maire doit avoir XIII deniers sur cellui qui sera trouvéz en tort et 1 denier pour le sergent qui fera l'adjournement. (Cout. bourg. glosé P.M., c.1380-1400, 31)

Se clamer de qqn. Se plaindre en justice au sujet de qqn.

...Comme Guillaume Murdrac, (...) eschancon du Roy nostre dit seigneur, et Guillaume Murdrac (...) se feussent chacun de soy clamez des religieux preeur et frères de la maison Dieu de Coustances, pour lui demander une certaine porcion de disme (Cartul. Hôtel-Dieu Cout. L., 1408, 220)

Comme frères Gilles Lasquier, prestre, pour luy et procureur des priour et aultres frères de l'ostel Dieu de Coustances, se fust clamé de Jaquet le Trestre, de la parroisse de Saint Pierre de Coustances, affin qu'il obéisist à tenir desdiz prieur et frères une pièce de terre (Cartul. Hôtel-Dieu Cout. L., 1461, 304)

Se clamer de poursuite. Se porter en justice devant une juridiction souveraine (au lieu de la cour du suzerain).

Que nul ne sera tenu à soy clamer de poursuite de partie vers autre à la court souveraine, fors une foiz seulement : et se il se claime secondement de poursuite, le juge subgit n'en cessera point en sa court : mais pourra procéder contre lui, et donner telx exploiz comme au cas appartendra, et sera tenu ès despens de sa partie adverse. (Cout. instit. Anjou Maine B.-B., t.1, 1391, 364)

L'en se peut une foiz clamez de poursuicte sans faire amende à la court (Cout. instit. Anjou Maine B.-B., t.2, 1437, 335)

Se clamer que. Se plaindre que.

Item, que Juhannote de Nuiz, prise pour ce qu'elle s'estoit clamee que Jeh. Bourdereaulx l'avoit ravie et elle ne l'ay pehu prover, acourdéz est qu'elle soit mise a cest pruchain sambadi ou pillory. (Echevin. Dijon L., 1341, 3)

Participe présent en emploi substantival. Le/la clamant. Celui/celle qui se plaint en justice.

...le juge du vassal cessera de plus avant proceder jusques ad ce que le renvoy soit fait, lequel luy sera fait sy le clamant ne maintient tort fait (Cout. instit. Anjou Maine B.-B., t.3, a.1458-14, 204)

Mes come gaires n'y avoit de bargaing a parler premier, et que le suscité mesmes sembloit estre meu en la presse de la clamant su(y) [r] ly, ly aiant cause maintenant de parler, aprés l'autre commencha par interrogacion et dist ainsy... (Chastell., Temple Boc. B., 1463-1464, 87)

Participe passé en emploi substantival. Celui qui est poursuivi en justice.

Et s'il veult proceder en ladicte court souveraine, le clamé y sera contraint si ladicte court n'est requise par ledit procureur. (...) Si le clamé se deffault du premier adjournement qu'il a fait bailler, il aura tel adjournement comme au temps du clam il devoit avoir en ladicte court subgete. (Cout. instit. Anjou Maine B.-B., t.4, 1464, 159)