CHAMPION

substantif masculin

[T-L : champïon ; GDC : champion ; AND : champiun ; DECT : champïon ; FEW (XVI, 299b) : *kampjo ; TLF (V, 492b) : champion]

A. -Celui qui se bat, les armes à la main, pour défendre autrui, pour le plaisir de la compétition....

1.Celui qui se bat en duel judiciare pour défendre la cause de quelqu'un d'autre.

...vierge Marie, Or ne say je se fas folie, Car trop muable est cuer de femme: Pour ce vous pri, tresdoulce dame, Qu'aussi qu'en bonne entencion Vois pour elle estre champion, Soit qu'elle ait ou non ait mespris, Gardez hui m'onneur et mon pris Par vostre grace. (Mir. marq. Gaudine, 1350, 158)

Ensi se combatirent comme bon campion, et se tinrent ceste seconde empainte moult vassaument. (Froiss., Chron. L., IV, c.1375-1400, 114)

'Sire, par vostre force, non de droit, vous me ostez et tollez les drois de mon eglise, dont en ce vous vous meffaites grandement. Je ne suy pas si fort en ce pays comme vous estes, mais sachiez que au plus tost que je porray je vous envoieray tel champion que vous doubterez plus que vous ne faites moy.' (Froiss., Chron. M., XII, c.1375-1400, 174)

Et se la querelle estoit de plus de V s., l'en li pouroit bien esgarder par droit que il jureroit que il ne l'eust mie mis em la plévine, si comme nous avons dit dessus : et l'autre le pouroit chalongier par un gaige de bataille : et pouroit bien estre la bataille corps à corps, ou par deux champions loieaux se ilz se vouloient changier. Et celuy qui sera veincu rendroit ses coustz à l'autre que il aroit mis à son champion louer et à son consoil et couz du jour (Cout. instit. Anjou Maine B.-B., t.1, 1385, 328)

Le lendemain le duc de Bourgongne revint en son eschaffault, environ dix heures, acompaigné du conte de Richemont et des seigneurs de son conseil, pour actendre les champions qui devoient faire leurs armes à pied. (Monstrelet, Chron. D.-A., t.4, c.1444-1453, 152)

Mais, afin que faulte ne soit trouvee en moy, vecy mon champion, qui furnira pour moy la bataille par tel sy que, se vous le pouez concquerre, je me tiens a vaincu, et s'il vient au dessus de vous, j'avray gaignee ma querelle. (Percef. III, R., t.2, c.1450 [c.1340], 259)

...et ainsy qu'il chevauchoit au long du pavé, il encontra la damoiselle c'on amenoit ou champ ou, selon la sentence du roy, elle devoit estre arse et executee a mort, se par dedens douze heurez ne trouvoit champion qui son droit luy deffendist contre le seigneur de Moncalde, lequel moult pompeusement chevaucha auprez du roy en point de faire la bataille et jamais n'eust cuidier trouver homme qui l'eust peu par force matter et desconfire (Comte Artois, c.1453-1467, 53)

Comme ung champion venu sur les rencs de bonne heure et attendant son ennemy... (C.n.n., c.1456-1467, 50)

Et tant ala et s'esmut le debat entre elle et le roy de Morienne qu'il getta son gaige contre elle, disant qu'elle estoit digne de mort. Mais elle fu raplegie par son frere Bandelodas qui entreprinst livrer champion pour sa soeur et qui luy donna jour de bataille. (Saladin C., c.1465-1468, 164)

L'on dit souvent : qui veult le sien attaindre, Par bataille, soit a droit ou a tort, L'on doit querir tousjours champion fort. (La Marche, Déb. Cuid. Fort. H., 1477, 292)

2.Celui qui combat pour défendre une cause collective, un pays....

et les romaines legions, aussi comme se il fussent sans ame, toute esperance mes non pas toute cure deguerpirent et lessierent, pour ce car il n'avoient que un seul champion, lequel les troys Curaces avoient ja enclous. (Bers., I, 1, c.1354-1359, 25.6, 42)

...se no champion est vaincu nullement, Nous cresrons Mahommet a leur devisement [des Turcs] . (Cip. Vignevaux W., p.1400, 193)

laquelle mort du dit connestable fu plainte et plourée de mains vaillans, et communement de tout le royaume, lequel faisoit perte de tres vaillant champion et deffendeur de lui, et tres propice. (Chr. Piz., Faits meurs Ch. V, S., II, 1404, 182)

Considerée ta personne, Qui es une jeune pucelle, à qui Dieu force et povoir donne D'estre le champion et celle Qui donne à France la mamelle De paix et doulce norriture, Et ruer jus la gent rebelle, Véez bien chose oultre nature! (Chr. Piz., J. d'Arc, 1429, 32)

Combattant, guerrier valeureux.

Quant ainssy ot toute soubmise Auffrique, et aux Rommains aquise, Adont, le vaillant Scipïon S'en part, com vaillant champïon (Chr. Piz., M.F., III, 1400-1403, 236)

Quelz champions souloit en toy [royaume de France] trouver Crestienté ! Ja ne fault que l'expresse : Charlemeine, Rolant et Olivier, En sont tesmoings (CH. D'ORLÉANS, Compl. C., 1433-p.1451, 260)

En eux [les princes français] avoit Dieu aigres et léaulx champions (Chastell., Chron. K., t.1, c.1456-1471, 7)

Or regardez comme messeigneurs, qui sont nobles de pere en filz et en portent nom et armes, doivent bien garder leur honneur et l'estat de noblesse, quant ceulx qui ne le sont de lignée, le gardent si songneusement, comme tant de bons champions et vaillans hommes qui combatent jusques à la mort avec leur chief pour acquerir l'estat de noblesse ; et vrayement ilz sont bien à prisier et honorer. (Bueil, II , 1461-1466, 82)

Guibon qui scet nostre efficace L'arriere-garde conduira, Et avecques luy il aura Le vaillant champion Ferrant Et Taillemen le trespuissant (Myst. st Laur. S.W., 1499, 156)

«Je mis au bas le vaillant champion Plain de renom, Charles, duc de Bourgoigne. (Antitus, Poés. P., c.1500, 18)

3.Celui qui participe à une compétition de tournoi, jouteur.

...car les corps humains sont adonques plus chaux de chaleur naturelle, pourquoy ilz requierent plus grant nourrissement : preuve l'aage des enffans et aussi les champions. (Saint-gille, A.Y., 1362-1365, 56)

Et donques tout aussi comme gens armés se combatent contre gens non armés, ainsi se combatent telz contre les armés non expers et aussi comme un champion bien apris contre un ignorant ou ydiot. (Oresme, E.A., c.1370, 213)

Mes les labeurs que il [le corps] seuffre ne doivent pas estre violens ne a une seule chose, si comme est le labeur des champions. Qui ne labeurent fors a luitier et les coursiers a courir, car la variation des labeurs est plus profitable. (Oresme, Pol. Arist. M., c.1372-1374, 333)

Et lors cria un heraut, de par le roy, que nulz ne feust si hardiz qu'il parlast mot, ne ne fist signe nul que nulz des champions peust entendre ne appercevoir, sur peine de la hart. (Arras, c.1392-1393, 62)

Adonc l'empereur (...) fist demander a tous XX champions leurs pris que ilz devoient paier l'un a l'autre s'ilz eussent perdu (La Sale, J.S., 1456, 267)

Devoirs, crys et cerimonies furent faictz, et tandiz chascun champion envoya presenter son baston au juge (La Marche, Mém., II, c.1470, 125)

Et oudit champ et dedens les lices se pourmena plusieurs tours, attendant lesdiz quatre champions ou l'un d'eulx, contre lesquelz il se porta vaillamment, car il rompy cinq lances bien et nettement, et plus eust fait s'il eust pleu aux commissaires ordonnez pour lesdictes joustes. (Roye, Chron. scand., I, 1460-1483, 203)

4.Rival (dans la guerre ou dans un duel).

'Dame', dist li vassaus, 'chaiens voi le glouton Quar enherber aida Godefroi de Buillon, Et si l'en vi deffendre a loy de campion Contre le fel Eracle, qui en fist le puison ; Mais de bataille faire dist on que chest rayson Non mie est approuvee, car a le [foi]s voit on Que chius qui a le tort mate son campion...' (Bât. Bouillon C., c.1350, 218)

Hannibal voult conquester Romme Mais tout, en somme, Faillit par ung bon champion, Plus hardy n'eut d'icy en Somme Le vaillant homme, Et avoit a nom Scipion, Il eut a sa promotion Commission De conquester ceulx de Cartage, Et vint en son intention, Sans fiction Aux Rommains leur fit faire hommage. (Régn., F.A., 1432-c.1465, 199)

Le compaignon d'Hector et d'Achillés Et le cousin du vaillant Herculés Quant a prouesse ainsi se doit entrendre, Le lieutenant du prudent Ulixés, De Godeffroy le vertueux acés Et l'heritier du parfait Alixandre, Celluy que Dieu a fait sa bas descendre Pour estre dit couraigeux champion De Hanibal, Pompee et Scipion, Nommé par tout tant en prose qu'en vers, Engilbert, vray conte de Nevers. (La Vigne, V.N., p.1495, 139)

[Dans un contexte grivois] Jouteur amoureux.

La fille confessa tout, et dist ouvertement en jugement que pource qu'elle avoit trouvée la lance de son champion si grosse, ne luy avoit osé bailler l'escu, doubtant qu'il ne la tuast (C.n.n., c.1456-1467, 500)

5.À Rome, gladiateur.

...les esleus des jeunes, qui estoient les plus biaux et plaisans de corps et de face et convenables de membres, furent gardés pour les guerres et les victoires faire, et les autres qui avoient passé .XVII. ans furent envoiéz lïez au labour et as oevres d'Egypte a fouïr les metals et furent espendus par diverses provinces, les uns a esbatemens des guerroieurs et champions et les autres donnéz as bestes. (Foul., Policrat. B., II, 1372, 144)

Par analogie. Compétiteur dans un concours à qui boira le plus.

...nous debvons Prier pour tous bons biberons Et champions , car ceste annee, Je croy qu'aront bonne vinee (Serm. st Jamb. K., c.1460, 50)

J'ay bons champions frequenté, Et gourmetz de fine vinée (La Vigne, Munyer T., 1496, 234)

Et qui est ce vuideur de potz Qui nous vient icy empescher De chanter ? Voise ailleurs prescher ! Mais avisez quel champion : Or est il le plus franc pion Qui soit point d'icy en Bourguoigne ! (Serm. bien boire K., c.1500, 561)

[Dans un contexte métaph.]

Et se resgardés yes de l'autre, Garde toy ; car lance seur fautre, Se vient encontre toy combatre, Pour toy de toute honneur abatre, Sans menasse et sans deffier ; Si que tu ne t'i dois fier, Ne qu'en baston d'un champion. Et, selonc mon oppinion, Des biens qu'elle donne et envoie, De l'un pren ne de l'autre joie. Si qu'einsi vois par sa figure La douce fortune et la sure. (Mach., R. Fort., c.1341, 88)

B. -Par extension. Celui qui défend, protège, soutient.

1.[Titre appliqué à Dieu]

...c'est la vierge en qui li roy puissans De paradis (...) Se voult armer conme vray champion, Puis s'en yssi et a destruccion Mist nostre mort par sa mort (Mir. Theod., 1357, 132)

Prince treshault, qui as le nom Et le renom De consouler tes bons amis, Donne moy, treshault champïon, Solacïon Et a Marie de son filz ! (Pass. Auv., 1477, 181)

2.Celui qui se consacre à la défense, à la protection d'une personne (de sa réputation), défenseur.

Et ai esté tes champions En toutes tribulations ? (Mach., Voir, 1364, 376)

S'ensuyt comment le roy entra dedens Quiers, de l'onneur qu'on luy fist, la maniere de son recueil, de l'entree que messeigneurs de la ville luy preparerent et du triumphe que les dames luy firent, des dictiers et rondeaulx qu'elles dirent en le couronnant d'un chapelet de violettes, en le baisant comme vray roy et vertueux Champion de l'onneur des dames. (La Vigne, V.N., p.1495, 163)

Champion et avocat (pour qqn)

Sachiez que ces sis damoiselles, Qui sont juenes, gentis et belles, Sont champions et advocas Pour l'amant qui est si trés mas Qu'il est de toute doleur pleins Pour la doubtance des villeins. (Mach., D. verg., a.1340, 43)

Ainsi le font li vrai ami, Qui n'ont cuer lent ni endormi, Mais champions et advocas Sont pour leur ami en tous cas. (Mach., Voir, 1364, 650)

...Et certes nous sommes preudommes, N'onques ne fumes desloyaus, Einsois sommes bons et loyaus, Et avons esté et serons, Et envers tous vous garderons, Com champions et advocas, Vous et vostre honneur, en tous cas. (Mach., P. Alex., p.1369, 265)

3.Celui qui défend, soutient une cause, une institution.

...certes, ce sont tres nobles gages, lezquelx Diex a singulierement donnés a ce champyon de l'Eglyse, le roy de France, dezquelx gages il a longuement usé, luy et sez predecesseurs, et, par consequant, il n'en doit pas estre privé (Songe verg. S., t.1, 1378, 334)

Et en tous voz affaires reclamez l'aide de vostre Createur, et le servez diligemment, et amez et creniez comme vostre Dieu et vostre Createur. Et Nostre Mere Saincte Eglise soustenez, et soiez si vrais champions encontre tous ses malveullans. (Arras, c.1392-1393, 85)

Et ainsi le magnifique empereur, entre tous et surtous lez roys et empereux crestiens tresglorieux et victorieux, noble campion, augmentateur et deffensseur de la sainte foy catholique, pour les doubtes et paours de la nuit, c'estassavoir pour les traitres, tressagement estoit gardes. (Mézières, Sustance H., 1396, 64)

O sire Dieu, ou gist provision, N'obliez pas ce povre champion, Maiz le tirez ou hault mont de Syon De vous veoir qui est souverain bien ! (Myst. st Adr. P., c.1450-1485, 117)

Il convient savoir que la Justice en misericorde et en verité est le champion qui garde et deffend le bon prince en son honneur et en sa seignourie... (La Sale, Sale D., 1451, 85)

...se mect a voye devers les bons seigneurs de Perusse, vraiz champions et defenseurs de la tressaincte foy chrestiane. (C.n.n., c.1456-1467, 109)

Et furent faitz ses obseques et son enterrement a grans prieres, offrandes et aulmones en grande comptemplacion pour l'amour de Roland, car l'on peult bien pensser et considerer l'amour et dilection que Charles avoit en luy et la grande merancolie qu'il souffrit de la perte de celluy qui estoit sy noble prince et valleureux champion pour la foy crestienne et tout le confort de luy. (Bagnyon, Hist. Charlem. K., c.1465-1470, 212)

Au pays de Hainaut, (...) en estoit prince et seigneur le très-glorieux duc Philippe de Bourgongne, le très-chrestien champion de la foi, le patron et l'exemple des vertus, l'honneur de la chrestienté, le tremblement et effroi des marches infidèles (Faits Lalaing K., c.1470, 3)

Je treuve que ung nommé Boniface, conte de Pavie, fut ung moult vaillant chevalier, voyayeur et champion pour la foy crestienne. (La Marche, Mém., I, c.1470, 28)

En l'honneur du roy souverain Confirmation de ma main Vous donneray avecques tonsure, Car ma pensee est toute seure Que vous serez vray champion A la loy. (Myst. st Laur. S.W., 1499, 175)