CHAMBRIERE

substantif féminin

[T-L : chamberiere ; GDC : chamberiere ; AND : chambriere ; DECT : chamberiere ; FEW (II-1, 133a) : camera ; TLF (V, 483a) : chambrière]

A. -Femme de chambre, domestique, servante (surtout d'une femme, mais pas exclusivement).

JEHAN. (...) Dame, vueillez la pourveoir De chamberiére. LA MÉRE ANTHURE. Voulentiers, sire, a lie chiére. Maalot, je te pri que la serves Si bien que tu m'amour desserves (Mir. st J. Cris., c.1344, 293)

...il et sa dite femme, (...) avec Jehan Baussay, dit Vente, leur vallet, et une femme leur chamberiere, et aucuns autres en leur compaignie, (...) alerent à leurs dites maisons et y vindrent à jour faillant, nuyt entrant (Doc. Poitou G., t.2, 1346, 334)

LA DAME. (...) Ores quant en mon bain entray, Ma chamberiere demanday Mon enfant avoir pour baignier (Mir. enf. ress., 1353, 37)

LA FILLE. Dame, se Dieu plait, mon courage A mal faire ne tournera ; Mais sui celle qui vous sera Com chamberiére. LE ROY D'ESCOSSE. Non serez pas, m'amie chiére ; Mais vous serez sa damoiselle. (Mir. fille roy Hongrie, c.1371, 26)

Encores entrèrent cil glouton en la cambre la princesse et despecièrent tout son lit, dont elle fu si eshidée que elle s'en pasma. Et fu de ses varlés et camberières prise entre leurs bras et aportée bas en une posterne sour le rivage. (Froiss., Chron. R., X, c.1375-1400, 112)

Se le doulz Jhesus tant m'avance Que Fïacre me veulle prendre, Guerredon vous en vouldray rendre Bon et grant et a bonne chiere. Venez avec moy, chamberiere, C'est bon a faire. (Vie st Fiacre B.C.P., c.1380-1400, 18)

...à un soir, en l'ostel où pend l'enseingne de l'Espée, ouquel elle avoit acoustumé d'aler jouer et esbatre bien souvent avec les filles et chamberieres dudit hostel, pour ce que elle estoit leur voisine (Reg. crim. Chât., II, 1389-1392, 125)

Certes en toy [Griseldis] ay bon refuy Et bon recours, ma fille chiere, Car tu m'ez fille et chamberiere, Voire mere, se Dieu m'aït ! (Gris., 1395, 27)

La premiere dame, faisant chamberere et service a Griseldis, la fait desvestir et parer richement. (Gris., 1395, 39)

La dame, par sa chamberiere, Fist garder avant et arriere (Chr. Piz., M.F., II, 1400-1403, 225)

Inventoire et prisiée des biens meubles apartenans a l'execucion de defunt sire Pierre Cachevent prestre (...) trouvez aprés son decez en son hostel assiz au dit Beauvais en la rue de Saint Panthaleon, ouquel il trespassa le derrein jour d'octobre l'an de grace mil CCC. fais de lauctorité et commandement de Chapiltre de Beauvais es IIIe et IIIIe jourz du mois de novembre tantost aprez ensuyvant par honneste et discrette personne, maistre Guillaume le Monnier, (...) et Clement de Fourneul, priseur juré en le ville de Beauvais, (...) et moy, Jehan Marau, tabellion apostolique et notaire juré d'icelle eglise. Ad ce aussi furent presens Jehane du Fortel, chamberiere du dit deffunt, Jehan Poulette, garde de la jurisdiction laïc des religieux Saint Jehan de Jherusalem, desquelz la dicte maison est tenue (Invent. test. beauv. L., 1401, 56)

Marnehar, la chambouriere de la roine (Percef. Compl. R., c.1450 [c.1340], 458)

...ledit vallet estoit amoureux d'unne chamberiere (Le Bouvier, Chron. Ch. VII, C.C.J., c.1451-1455, 216)

...lequel coffre a esté ouvert et ont esté trouvez dedens deux sacz de toille et ung pacquet èsquelz avoit des chemises, des cuervechiées, de petites pièces de toille et autres menues choses qui gaires ne valent, lesquelz sacz et autres besongnes estans dedens le dit coffre lesdiz Robin et sa femme ont affermé leur avoir esté baillées en garde par Guillemete, chamberière de Perrecte de Village (Aff. Jacques Coeur M., 1453-1457, 171)

C'est a dire, mon ami, que le filz de la chambriere bien moriginé vault assez plus que le filz du roy qui est mal condicionné. (La Sale, J.S., 1456, 21)

...entretant la chambriere monta en la chambre et esveilla madame (C.n.n., c.1456-1467, 119)

...la chambriere, quand vint au matin, qu'elle eut blanchy ces chemises, couvrechefs et petiz draps, les sechez au feu, et ploiez bien et gentement... (C.n.n., c.1456-1467, 397)

Or veez cy la chambriere retournée de la boucherie, qui ne trouve pas ces chemises (C.n.n., c.1456-1467, 398)

Item, varletz et chamberieres De bons hostelz - riens ne me nuyt ! - Feront tartes, flans et goyeres Et grans ralïatz a mye nuyt - Riens n'y font sept pintes ne huit Tant que gisent seigneur et dame -, Puis aprés, sans mener grant bruyt, Je leur ramentoy le jeu d'asne. (Villon, Test. R.H., 1461-1462, 122)

Cestui jugea moult veritablement sur la nativité de Pauton de Sentrailles, qui fut ung très loyal capitaine gascon pour le royaume de France, qui estant à Couci fut trahy par une chambriere, laquelle que ung bon prisonnier qu'il avoit la print à femme, print les clefz derier son chevet et ouvrit la prison et eulx deux vindrent au lit et le tuerent. (Simon De Phares, Astrol., c.1494-1498, f° 153 r°)

En apposition.

Si fist demourer en bas la fillette chambriere pour l'introduire et le mener ou estoit sa maistresse. (C.n.n., c.1456-1467, 572)

En particulier. Servante de prêtre.

...ledit Phelipot demanda à plusieurs personnes de ladite ville de Rungy, des noms desquieulx il ne se recorde à present, où estoit sa suer, la chamberiere du prestre. (Reg. crim. Chât., II, 1389-1392, 233)

[Avec une valeur nég.]

...Dieu scet quantes pucelles, vierges et de bon lieu, ont esté prinses par force et autrement, et faictes chamberieres et ribaudes de garcons paillars, larrons (Juv. Urs., Loquar, 1440, 364)

Les Rommains, pour les apaisier [les Albins] , leur escriprent (...) et que de leurs filles n'avoient fait pas garses ne chamberieres, mes dames, leurs femmes et compaignes (Nouvelles inéd. L., p.1452, 81)

[À propos d'un homme] Servir de chamberiere. Être homosexuel' (Éd.).

LE .II. SERGENT. Mais aux departies, Tes adjournemens faiz sans verge. LE .I. SERGENT. Esse mal fait ? LE .II. SERGENT. Comme conscierge, Ha, nenny, par la belle dame ! LE .I. SERGENT. Emprés moy n'est pas... LE .II. SERGENT. Une femme, Mais tu sers bien de chamberiere. LE .I. SERGENT. Je faictz tres bien. LE .II. SERGENT. Bonne maniere, Tellement que chascun le voit. (Mir. st Nic. juif, c.1480-1500, 100)

B. -Par métaphore.

Je les secour ; je les conforte Contre Desir qui les assaut Et fait maint dolereus assaut ; Je leur sui chastiaus et fortresse ; Je leur sui servante et maistresse ; Je leur sui dame et chamberiere ; Je porte partout leur baniere (Mach., R. Fort., c.1341, 78)

D'autres histoires pourroit on assez amener, mais il me suffist d'avoir monstré que chevance et avoir ne sont que accessoires et serves a vertu et comme chamberieres qui ministrent ce qu'est necessaire a fragilité humaine et si sont fortes a avoir, dangereuses a garder, a distribuer perilleuses, douloureuses au perdre et necessaires a princes et seigneurs a leurs guerres conduire et achever. (Chart., Q. inv., 1422, 54)

[À propos de Marie]

Ecce ancilla domini, etc. : Vezci la chamberiére de Dieu (Mir. Theod., 1357, 79)

[À propos d'une dévote de la Vierge]

Ha ! Marie, vierge pucelle (...) Vueilliez essaucier ma priére, Et je com vostre chamberiére Vous promet je ne partiray De ci tant que tout dit aray Vostre sautier. (Mir. ste Bauth., c.1376, 116)

[À propos d'une femme humblement soumise à son mari]

Mon chier seigneur, dès ore mais Me tien pour vostre chamberiére. Je vous pri (...) q'un don m'octroiez (...) Avant que service vous face Tel conme est tenue de faire Femme a son mari, sanz meffaire, Quant il leur plaist. (Mir. Clov., c.1381, 230)

[Dans un cont. allég. ; à propos d'une entité qui est au service d'une autorité supérieure]

Sy requiers que la cher, qui est l'ancelle, serve et chamberiere, riens ne face contre l'auctorité ou voulenté de l'ame qui est sa royne, dame et maistresse. (Gers., Concept., 1401, 399)

Car le doulx Dieu, acteur de vie, Lesse Nature, sa chambrière, Ouvrer et faire à sa manière (La Haye, P. peste, 1426, 76)

Pour certain, la sapience theologienne est princesse et royne de toutes sciences, a laquelle toutes les aultres ars et sciences servent comme chambrieres. (Somme abr., c.1477-1481, 98)

Ta chamberiere nature. La nature, ta servante.

Vrays Dieux, comment sont les merveilles que tu as laissiees ca jus en la vertu de ta chamberiere nature, merveilleuses et diverses en leur expedicion, se tu n'y espandoies ta grace divine, et especialment de ceste merveilleuse aventure que je voy ou cours des estoilles que tu as lassus assises dès le commencement du ciel (Arras, c.1392-1393, 19)