CHEREMENT

adverbe

[T-L : chierchierement ; GDC : cherement ; AND : cherement ; DECT : chierement ; FEW (II-1, 440a) : carus ; TLF (V, 664a) : chèrement]

A. -À un prix très élevé.

1.Au propre. À un prix très élevé, au prix fort.

Et par aucuns marchans bourgois de Paris et d'ailleurs, qui avoient gardé du vin creu autour de Paris comme de Champigny sur Marne et autres lieux voisins, le vendirent bien chierement, car plusieurs en vendirent à detail deux solz parisis la pinte, qui estoit audit pris trente six livres tournois le muy. (Roye, Chron. scand., II, 1460-1483, 109)

...en payant chierement. (La Vigne, V.N., p.1495, 293)

2.Au figuré.

a)[Avec des verbes comme acheter, vendre, payer, comparer 'payer'...] À un prix élevé.

Mais ce qu'on aimme chierement Ou a acheté chierement, Qui le verroit dou tout perir, Si que ja ne peüst garir, Venir en porroit tel meschief Qu'on y metteroit bien le chief Et tout le corps entierement. (Mach., J. R. Nav., 1349, 222)

Mais chiérement li venderay [celle qui ne me veult amer] , Car si grant honte li feray Que ne le pourra amender. (Mir. marq. Gaudine, 1350, 134)

...esploit d'armes sont si chierement comparet et achatet, ce sevent chil qui i travellent, que nullement on n'en doit mentir. (Froiss., Chron. D., p.1400, 35)

'Li rois s'en enfourmera de ce fait, et chierement le comparront chil qui ont conmenchiet la meslee.' (Froiss., Chron. D., p.1400, 121)

...d'Artevelle estoit mors (...) chil de Gant l'avoient ocis, si en furent li pluisseur moult tourblé (...) et imaginerent que li rois d'Engleterre, outre mesure, seroit moult courouciés et que li pais de Flandres le poroit bien trop cierement comparer (Froiss., Chron. D., p.1400, 640)

Si estendue A sa force a moy, sa rendue, Que joie long temps actendue M'a donnee et puis revendue Si chierement Qu'il me va par empirement, Car Douleur m'assault fierement Quant Espoir faut entierement Sans moy promectre Retour et sans s'en entremectre. (Chart., L. Dames, 1416, 250)

Ainsi acheterent bien cherement les pouvres cordeliers le disme non accoustumé qu'ilz misrent sus. (C.n.n., c.1456-1467, 226)

...si n'est la misericorde de Nostre Seigneur, a qui me recommende, il [le passé de la dame] me sera en l'autre monde bien cherement vendu. (C.n.n., c.1456-1467, 328)

Il te coustera (bien) cherement Se tu ne t'en fuys du royaume. (Sav. serg. D.L., c.1480-1490, 33)

Lors respondit ledit grant maistre qu'il estoit prest à mener l'une desdittes bandes, tant celle des gens de pié que de cheval, ou laquelle qu'il plairoit au roy, offrant d'y employer sa vie ; laquelle bande, dont il auroit la charge, il n'esperoit point perdre sans estre chierement vendue à ses ennemys et qu'ilz n'en eussent doloreuse victoire. (Le Clerc, Interp. Roye, c.1502, 273)

b)[Avec des verbes comme garder, tenir...] Comme un objet précieux, de grand prix, avec sollicitude.

Or avés vous oÿ comment Celle qui m'a en son comment M'envoia lettres et joiaus Et reliques et dis nouviaus. Et certes je l[es] aouroie Et si chierement les tenoie Comme se fust mon Dieu terrien (Mach., Voir, 1364, 464)

Quant vous arés vostre livre, si le gardés chierement, car je n'en ai nulle coppie, et je seroie coureciés s'il estoit perdus (Mach., Voir, 1364, 558)

Nous le garderons chiérement Com nostre filz et nostre affin (Mir. Berthe, c.1373, 211)

Assez lui tarde Qu'il soit tout seul afin qu'il le regarde Et qu'il le baise ; et chierement le garde Et se prent plus de non le perdre garde Que cent marcs d'or ; C'est son espargne et son riche tresor. (Chart., D. Fort., 1412-1413, 173)

B. -[Idée d'intensité dans le sentiment]

1.[Modifie des verbes comme prier, supplier, remercier...] Avec un sentiment intense, vivement.

Mais je te pri trop chierement Que ne croies legierement Et que de garçons ne t'acointes, Car c'est trop perilleus acointes, Et que tu t'armes volentiers, Car c'est tes souvereins mestiers... (Mach., C. ami, 1357, 125)

Mon tresdoulz cuer, je vous mercy trop chierement de ce que vous m'avés envoié (Mach., Voir, 1364, 450)

Si vous pri et suppli si humblement et si chierement come je puis, et en tout guerredon, que vous me veuilliés escrire par ce message, en tele maniere que je puisse estre confortee... (Mach., Voir, 1364, 676)

Si vous pri chierement que vous ne vos voelliés pas arester sus ce (Froiss., Chron. D., p.1400, 300)

Si vous prie cierement, conme une dame veve et orfene de mari, que vous aiiés pité de moi et de l'enfant, et le tenés foi et loiauté et a moi aussi, ensi que vous avés fait jusques a chi a son pere et mon mari. (Froiss., Chron. D., p.1400, 502)

Si vous suppli chierement, messire Gautier, que vous voelliés aler deviers lui et li priier pour nous et remonstrer conment loiaument nous avons servi nostre signeur li roi de France (Froiss., Chron. D., p.1400, 836)

...'Va tost encontinent a l'evesque de Saint Vincent, et le salue de par moy et luy dy que je luy prye cherement qu'il veigne jusques ycy pour oyr ma filhe Vienne, que a luy se veult conseiller.' (La Cépède, Paris Vienne K., 1432, 139)

2.Avec un sentiment intense (de tendresse, d'amour, de respect...).

Pour ce n'en quier faire partie, Car trop seroit grief departie De ma trés douce dame chiere Qui par sa gracieuse chiere Me fait amer trés chierement De loial cuer si chierement Qu'elle est vers moy seul enchierie, Et s'est seur tous de moy chierie, Qui tant l'aim, pris, serf et tien chier Que ja ne m'en quier destachier. (Mach., D. verg., a.1340, 54)

Quant je la vi si hautement Assise, et si trés noblement De grans richesses acesmée, Et si servie et honnourée Chierement de tous et de toutes, Dedens mon cuer venirent doubtes Qui y entrerent par folie Et par droite merencolie. (Mach., J. R. Nav., 1349, 182)

Selonc ce que j'aim chierement Et que j'ay longuement servi Vostre dous viaire plaisant, Dame, d'umble cuer vous depri Qu'au retour d'un regart joli, Pour moy rendre sens et maniere, Secourés moy, ma dame chiere. (Mach., L. dames, 1377, 129)

Doncques la sage dame qui chierement les aimera sera diligente que ilz soient bien endoctrinéz (Chr. Piz., Trois vertus W.H., c.1405, 59)

...tousjours trouvoit sa dame (...) et luy monstrant mains de semblant d'amour que par raison ne deust, car elle savoit, et de vray, que loyallement et cherement de luy estoit bien fort amée. (C.n.n., c.1456-1467, 473)

...il est mon vray filz (...) lequel j'ay sy chierement nourry, amé et tenu chier... (La Sale, Reconf. De Fresne H., 1457, 13)

L'ai ge nourry si chierement Pour estre a ung gibet porté ? (La Vigne, S.M., 1496, 388)