BRIEVEMENT

adverbe

[T-L : briefbriémentbrievement ; GDC : briefment ; AND : brefment ; DECT : briément ; FEW (I, 520a) : brevis ; TLF (IV, 955b) : brièvement]

A. -[Adv. de temps]

1.En peu de temps, en une courte durée, rapidement, vite.

Adonc vindrent si frere et Maugiz leur parent, Qui tost est dessendu, entre ses braz le prant, Devant Alart le met, puis remonte bryment. (Renaut Mont. B.L. V., c.1350-1400, 61)

Et de tele delectacion la transmutacion est briefment faite. (Oresme, E.A., c.1370, 418)

Les parens d'elle et si voisin, Et son vray baron Joachin, Et tous li peuples qui la yere, Loent Dieu de sa grant lumiere, Qui la fut briefment espandue (Desch., M.M., c.1385-1403, 149)

Briefvement la robe se fait, la sainture et le chapperon (Quinze joies mar. R., c.1390-1410, 12)

Tu, Melusigne, qui es l'ainsnee et celle qui deusses estre la plus congnoissans, c'est par toy, car le scay bien, que ceste dure chartre et prison a esté donnee a ton pere, et pour ce en seras tu la premiere punie. La vertu du germe de ton pere toy et les autres eust attrait a sa nature humaine, et eussiés esté briefment hors des meurs, nimphes et faees, sans y retourner. (Arras, c.1392-1393, 12)

...on le maudissoit de toutes pars, quer luy ou ses officiers pilloient tout, ravissoient tout, ne laissoient riens, tant par prises comme par tailles, comme par imposicions et gabelles et gens d'armes ; et briefment chascun crioit vengence a Dieu encontre luy. (Gers., Annonc., a.1400, 236)

Messires Robers d' Artois et les Englois et Bretons d' un lés souperent bien briefment, et point ne se desarmerent, et reposerent un petit. (Froiss., Chron. D., p.1400, 571)

Elle se part lors du conseil, et s'en ala lors par sale, par chambre, partout briefment ou les plus grans aloyent. C'estoit merveille que de veoir et de oyr le maintieng de Male Voulenté ainsy affublee de adulacion (Gers., Noël, p.1404, 306)

...laquelle chose fu tres brievement faicte (Bouciquaut L., 1406-1409, 53)

Affin que tost et briefvement Son mal se puisse deporter. (La Vigne, S.M., 1496, 460)

Assez brievement. Très vite.

...et assez briement Vint de vie a definement. (Vie st Evroul S., c.1350, 103)

Le / du plus brievement. Le plus vite possible.

... [il] commanda à maistre Gieffroy Le Goibe, examinateur, que il alast sur le lieu, et se informast des excusacions et alibi proposez par ledit prisonnier, et le plus briefment qu'il pourroit rapportast ce qu'il auroit fait et trouvé (Reg. crim. Chât., II, 1389-1392, 243)

Si se ordonnerent et apparillierent dou plus briefment que il peurent (Froiss., Chron. D., p.1400, 491)

2.Peu de temps après, sous peu, sans délai.

a)[Avec un temps du futur (futur, cond., subj. ...)] Bientôt, sous peu.

Si requiers, en le vous disant, Que briefment en aie venjance (Mir. ev. arced., c.1341, 133)

...Que de moy ferïez brement .j. Job nouvel. (Vie st Eust. 1 P., c.1350-1400, 145)

La femme a enfant conceü, Combien qu'encore cogneü Ne l'ait. Briefment le sentira. (Mir. enf. ress., 1353, 7)

Je suppose qu'assez briefment Venra cy ma mére et sa gent (Mir. st Sev., 1362, 223)

Et s'ensi est qu'il te couviegne Variier par trop sejourner, Si me fes prendre et ajourner Ou que tu voes et de par toi, Se briefment ne te ramentoi Ce que tu as de pourveance, Ou tu n'as gaires de beance. (Froiss., Joli buiss. F., 1373, 63)

Si vous pri qu'il vous viegne apoint Que vous regardés sur che point Par quoi briefment reconfort aie De che mal qui si fort m'esmaie (Froiss., Joli buiss. F., 1373, 166)

Nouvelles vindrent au duc d' Irlande que les oncles du roy et tous ses gens estoient passez et que briefment ilz auroient la bataille. (Froiss., Chron. M., XIV, c.1375-1400, 69)

S'Amours vostre dur corage Ne met biefment en tel ploy Que vo douçour assouage La dolour que je reçoy, Onques mais ne fu veüe Creature si perdue Pour amer de cuer entier. (Mach., L. dames, 1377, 190)

...et lors l'un d'iceulx chevaucheurs (...) et aussy ledit Breton (...) lui distrent qu'ilz avoient lessié ledit mons. de Berry à Leseignen, et se devoit partir briefment pour aller à Melle (Reg. crim. Chât., I, 1389-1392, 547)

Car je cuit tel temps avenir, Et Dieux le doint briefment venir, Que se continuez tel verve, Je vous feray si vile serve Que chascun vous desprisera (Chr. Piz., Chem. estude P., 1402-1403, 125)

...en requerant que la Court voulsist sur ce briefment pourveoir et faire response convenable. (Fauq., I, 1417-1420, 305)

...Ou mourir me fault briefvement (Régn., F.A., 1432-c.1465, 19)

Et guery serés briefvement (Pac. Job M., c.1448-1478, 369)

...je le feray briefvement (Percef. IV, R., c.1450 [c.1340], 702)

Et quant vostre bracelet sera parfait, la nuyt de ce premier jour de may, qui sera briefment, vous venrez yci a moy et je le mectray en vostre bras (La Sale, J.S., 1456, 80)

...si vous prie tant que je puis qu'après ma mort, qui sera brefment, vous les prenez avecques vous (C.n.n., c.1456-1467, 328)

...en remerciant son parent et voisin, dit que brefvement y pourvoiroit [au dommage dont il est victime] (C.n.n., c.1456-1467, 378)

...et brièvement le vous signifieray par mes gens (Chastell., Chron. K., t.3, c.1456-1471, 224)

Augmoins pour resjoïr voz seurs Et nous donner esperance grant, Mitiguer deussiés voz doleurs, Veu que sussiter doit [Jésus] briefment. (Pass. Auv., 1477, 255)

Regardez qu'il n'y ait deffault Dessus mon corps, ne bas ne hault, Affin que briefment on me voye, Autrement je me courceroye Se veoye une seulle plume Dessus moy (P. Jouh. D.R., a.1488, 18)

...au chemin se mectra briefvement (La Vigne, S.M., 1496, 189)

Assez brievement. Très bientôt.

Beaulx seigneurs, vous direz au roy que je ne viens fors pour bien, pour avoir droit en sa court de ce que je demanderay, selon la raison que le roy et son conseil verront que j'auray. Et assez briefment je me trairay par devant lui en sa court. (Arras, c.1392-1393, 51)

Bien brievement. Dans un court délai.

... [que] atant s'en retournast sans autre chose dire ou faire, et que bien briefvement elle auroit des nouvelles d'iceulx esposez, et vendroit à son entente, et que sondit ami retourneroit par devers elle (Reg. crim. Chât., I, 1389-1392, 357)

Je me doubte que je n'aye bien briefment une forte guerre et grosse et a forte partie a faire ; si vueil savoir se vous me vouldrez aidier ou non. (Arras, c.1392-1393, 210)

b)[Avec l'impératif, le subj., l'inf. après pour...] Sans délai, immédiatement.

NOSTRE DAME. Venez avec moy par deport, My ange, car je vueil aler Une moie amie appeller De l'estat de pechié a grace. Trop s'i est enlacie et lace. Alons briefment. GABRIEL. A vostre doulx conmandement, Dame des cieulx, obeirons (Mir. nonne, 1345, 342)

Mandez la ventriere briefment. Vous traveilliez certainement. (Mir. enf. ress., 1353, 18)

Chiere dame, je suis contrains De ceste fille vous oster Et d'icelle o moy emporter, Pour faire et acomplir briefment Du marquis le commandement. (Gris., 1395, 54)

...Qu'a lui se rendist erramment Et treu lui payast brievement (Chr. Piz., M.F., III, 1400-1403, 6)

Marie, levons nous briefment Et nous en alons vistement En Egypte (Gréban, Pass. J., c.1450, 99)

B. -[Dans le déroulement du discours]

1.[Portant sur un verbe du dire] En peu de mots, de manière concise.

Et briément a mon cuer conterent Tout ce qu'il virent et trouverent. (Acart, Prise am. H., 1332, 28)

...Lui respondirent moult briement (Tomb. Chartr. Trois contes S., c.1337-1339, 82)

Vez cy, je vous respon briefment (Mir. ev. arced., c.1341, 106)

Item, des mouvemens des corps glorifiéz desus dis je m'en passe briefment pour ce que les docteurs en ont soufisanment determiné (Oresme, C.M., c.1377, 724)

Et pour conclure brevement En ces faiz incomprehensibles Qui ne sont pas a moy possibles De retenir et reciter... (Desch., M.M., c.1385-1403, 275)

Et lui fait, pour dire briefment, L'amour toute et l' umanité, Qu'elle puet en sa povreté (Gris., 1395, 29)

Sy vous respons brefement que mes enffans n'avront ja mariage, se ce n'est... (JEAN D'OUTREM., Myr. histors G., a.1400, 177)

...je toucheray briefment les deux autres raisons ensemble pour lesquelles cuer doloreux par repentance est bieneureux, et plaisir mondain est a refuser (Gers., Déf., 1400, 240)

Je passe briefment pluseurs questions lesquelles pourroit demander curiosité : Se cest enfant estoit aussy saige selon l'umanité comme il fut en l'aage de XXX ans ? Je dy que oy, excepté science d'experience. (Gers., Noël, p.1404, 298)

...qui sont tous ars supersticieux et divinatoires, lesquelles choses desmelleray l'une de l'autre clerement et brevement, ce que par cy devant n'a esté fait, et si fait a esté, il n'est pas venu à ma congnoissance, ne de ces ignorans. (Simon De Phares, Astrol., c.1494-1498, f° 9 r°)

Pource qu'en la matiere presente y a plusieurs choses qui bonnement ne se pourroient acoustrer en ryme si briefvement comme l'en pourroit faire en prose (La Vigne, V.N., p.1495, 281)

Brievement à dire / à parler. À le dire en peu de mots, de manière concise.

Atant, briefment a dire, mult de paroilhes ont dit entre eulx. (JEAN D'OUTREM., Myr. histors G., a.1400, 2)

Et briefment a parler, toute creature comparee a Dieu est deffectueuse aiant deffaulte, car nulle proporcion est de la chose finie a l'infinie. (Somme abr., c.1477-1481, 149)

2.[Adv. de phrase] Pour le dire en peu de mots, de manière concise.

Briefment, en oiseuz ne se fie Homs qui voeult mener bonne vye (Renart contref. R.L., t.1, 1328-1342, 2)

Briefment, Paours, qui ses vertus devise, Fait a l'amant maint bel et bon servisce (Froiss., Orl., 1368, 89)

Ardeurs l'amonneste et enfourme Que [,] briefment [,] c'est Eqo s'amie (Froiss., Joli buiss. F., 1373, 162)

Et cascuns fust, en demandant, briefment Bien avisés. (Froiss., Joli buiss. F., 1373, 210)

Briefment, tout cil qui là estoient furent mort ou pris [ou 'en peu de temps' ?] (Froiss., Chron. L., V, c.1375-1400, 218)

Et brievement : Plaisir est doulz, craintivement (Chart., L. Dames, 1416, 256)

Briefment, c'est la plus saincte chose Que bouche sçaroit racompter. (Gréban, Pass. J., c.1450, 100)

Vallerius, briefment, entent qu'il [Lucius Reginus] ne fist pas comme bon officier de laissier le prisonnier (La Sale, Sale D., 1451, 160)

Remarque : Une précédente version de cet article a été rédigée par Edmonde Papin.