BRASSER

verbe

[T-L : bracier2 ; GD : brasser ; GDC : bracier ; AND : bracer2 ; DECT : bracier2 ; FEW (I, 483a) : brace ; TLF (IV, 917a) : brasser1]

Emploi transitif.

A. -Au propre.

1.Brasser, mélanger des matières plus ou moins liquides en les travaillant avec le bras ; d'où préparer une mixture.

Helas ! se dist Regnaut, que de painne souffrés Tout pour l'amour de mi, (...) Car se que j'ay brassé convient que vous buvés. (Renaut Mont. B.N. V., c.1350-1400, 236)

Le garchon est pendus qui le venin brassa (Cip. Vignevaux W., p.1400, 87)

Mauldit soit il de Dieu le Pere Tout Puissant Qui brassa le bruvage dont de gens moru tant. (Cip. Vignevaux W., p.1400, 100)

Tous leur blez firent amasser Et un fort buvrage brasser (Chr. Piz., M.F., III, 1400-1403, 257)

[Cont. métaph.]

Pourtant s'aucuns s'en sont joye tollue Par conduite meschante et dissolue, S'ilz se deçoivent Par en user autrement qu'ilz ne doivent Et maulouyer en la fin en reçoivent - Ilz l'ont brassé, c'est raison qu'ilz le boivent. (Chart., D. Fort., 1412-1413, 192)

C'est ce faulx prophette Jhesus Qui nous a brassé ce brassin. (Myst. Pass. Troyes B., a.1482, 507)

2.En particulier. Fabriquer (de la bière, du cidre, du poiré..)..

...plusieurs brasseurs demourans ou bailliage de le Houdsche es parties de Bruges, illec brassans et excedans la grute du seigneur de la Gruuthuse, et autres taverniers qui doivent deux gros de chascun tonnel de cervoise (Comptes Etat bourg. M.F., t.3, 1416-1418, 92)

Et meismement fu publié en la ville de Gand qu'on se abstenist de brasser cervoises, ne aultres paraulz buvrages, et que toutes povres gens feissent tuer leurs chiens, et que nul ne gouvernast ne nouresist chienne, se elle n'estoit chastrée. (Monstrelet, Chron. D.-A., t.5, c.1444-1453, 320)

Participe passé en emploi adjectival.

[D'une céréale] Préparé pour être transformé en bière, malté.

...molins à bras en leurs maisons, esquelz molins lesdis brasseurs moloient ou faisoient mieure journelment à leur plaisir et voulenté leurs grains braisiés ou non braisiés (Hist. Lille T., t.2, 1443, 527)

Item que lesditz brasseurs de bieres et servoises seront tenuz de faire bonnes bieres et servoizes de bons grains, nettement tenuz, bien gruez, couroyez, braisiez, sans y mettre baye, pyement, poix rasine, yvroye, ne autres mauvaises matières (Mét. corp. Paris L., t.1, 1489, 621)

[D'une bière] Dont le brassage a été fait.

...pour chascun brassin de cervoise brassé ou non brassée audit Maisierez et fourbours dessusdis... je prens et ay avecques ledit Pierre de Lumes... IX pos pinte et demie de cervoise (Trés. Reth. L., t.3, 1419, 17)

Emploi absolu. Fabriquer de la bière, du cidre, du poiré....

...item, s'il y a aucun brasseur brassant ou fevre forgant ou boulengier fournant ou d'autre mestier ouvrant qui touche le fait de ladicte forest, il paye chacun de soy par chacun an au roy notre sire aux termez saint Michiel et Pasquez par moytié cinq solz en la main dudit alloueur (Hector De Chartres, Cout. R., 1398-1408, 97)

Item, les bracheurs de ladite ville ont la grosse branche à abattre de dessus la roe d'une charette de III piés et demi de manche de la hache dont ilz abattent, et de ce sont tenus païer au sergent de la garde II gallons de servoise quant ilz brachent. (Hector De Chartres, Cout. R., 1398-1408, 181)

B. -Au figuré.

1.Réaliser, construire qqc..

Marie [Marie d'Orléans] , nom tres gracïeulx, Fons de pitié, source de grace, La joye, confort de mes yeulx, Qui nostre paix batist et brasse ! (Villon, Poèmes variés R.H., c.1456-1463, 40)

Memoire fait veoir le temps passé Et souvenir des maulx et des biens faiz. Un ceur devot ne peult estre lassé De cogiter tout ce qu'il a brassé (La Marche, Triumphe dames K.-B., p.1488, 107)

Brasser que. Faire en sorte que.

L'ENNEMI. Haro ! ne sçay conment je brasse Que cel hermite la deçoive Si que de moy ne s'aperçoive. (Mir. st J. Paulu, c.1372, 95)

Emploi absolu. S'affairer.

LE PREMIER DYABLE. (...) Alons devers eulz tant bracier Que l'ame de chascun soit moie. (Mir. enf. diable, c.1339, 6)

2.Entreprendre, tramer, ourdir qqc..

Vous avéz pour noiient ceste chose brassee (Flor. Rome W., c.1330-1400, 210)

Et se faire volés che que je voel brasser, Tant d'or et tant d'argent vous feray delivrer Que vos enfans porés haultement marier. (Chev. cygne P., c.1356, 13)

Ja brassa telle chose le glouton parjuré Dont grant meschief advint en la Chrestienté (Cip. Vignevaux W., p.1400, 82)

Le traïtrez Robert qui ce mal voult brasser A fait par son malice la porte bien fermer (Cip. Vignevaux W., p.1400, 84)

Quant le roy Dagoubert fut de che escolé, Cuida que Ciperis eüst le fait brassé (Cip. Vignevaux W., p.1400, 88)

...vous ne contés mie Que le forte gehine que on lui ot baillie Lui faisoit recongnoistre ce qu'il ne brassa mie. (Cip. Vignevaux W., p.1400, 104)

...tous les maulz qu'il brasse seront seur lui tournant (Cip. Vignevaux W., p.1400, 138)

...ne ja riens valoir Ne lui pourra chose qu'il face, Car Fortune ront quanqu'il brace (Chr. Piz., M.F., II, 1400-1403, 89)

Du camp ne vous poés nullement acquittier, S'i ne congnoit le fait qu'il a volu brasser (Huon Bordeaux B., c.1400-1450, 14)

Les deulx filz au roy Hugues (...) Le roy Hugues leur pere ont enherbé, (...) Et ont mis sus vostre mere, que le fait a brassé (Galien D.B., c.1400-1500, 108)

Maiz quant passé A un ennuy qui l'a lassé, Fortune a tantost compassé Un mal tout nouvel et brassé, Que on n'y prent garde. (Chart., L. Dames, 1416, 232)

Pour venir de mon cas a chef, G'y brasseray ung tel meschef Que mes deniers seront rescous, Mais se sera bien aux chers coux De mon maistre, on viengne qui peult. (Myst. Pass. Troyes B., a.1482, 623)

Toutes lesquelles choses ledict de Lescun et autres ambassadeurs dessusdicts ont conduit et brassé soubz umbre du voyage dessusdict (Lettres Ch. VIII, P., t.2, 1488, 28)

Boire ce qu'on a brassé. Subir les conséquences de ses actes.

...il luy falloit adviser nécessairement comment il pourroit mieux boire ce qu'il avoit brassé, car boire le luy falloit. (Chastell., Chron. K., t.1, c.1456-1471, 16)

Brasser foleur. Commettre une folie.

Conte Grimault, grant foleur brace Qui guerre sanz raison esmeut. (Mir. Amis, c.1365, 17)

Boire (qqc.) tel que/comme on (l')a brassé. Subir les conséquences d'une mauvaise action.

Boyre fault comme on l'a brassé. Hee, le temps passé Ne peult revenir. Brief, le souvenir Rent mon cueur tout mat et cassé. (Myst. jeune fille L., c.1413-1445 [c.1530], 7)

Nul confort d'elle [pauvreté] ne descent tant qu'on est de Mort embrassé : Boire fault comme on a brassé. (Taillev., Passe temps D., c.1440, 145)

Tout tel que nous l'avons brassé Le fault boire, maistre Agrappart. (Gréban, Pass. J., c.1450, 15)

S'il en compere la folie, Le boive tel qu'il a brassé ! (Myst. Pass. Troyes B., a.1482, 364)

Proverbe. Tel le boit qui tel le brasse. Celui qui l'a fait doit en subir les conséquences.

Si n'en encoulpe Nul que moy lasse Qui mieulx vëoir la mort amasse Qu'il faillist que ainsi le blasmasse ; Maiz tel le boit qui tel le brasse. (Chart., L. Dames, 1416, 290)

Mais tel le boit qui tel le brasse. Va ! Que mal an, et male grace, Et male encontre, et mau repos Soient a toy (Myst. Résurr. Angers S., 1456, 133)

Brasser des brouets/brasser potage. Préparer, jouer des tours.

Car au premier comme au nostre nous avons obey, mais de l'autre couste nous sommes evanouiz. Or sommes encheuz en tant de malediction que de l'un ne de l'autre n'avons possession. Et ainsi de noz dieux, c'est l'effect d'avarice, nous sommes tous fraudez et a bon droit. Car ce brouet nous avons bien brasse [l. brassé] . (Mézières, Songe vieil pèl. C., t.1, c.1386-1389, 271)

Et se Pilate aulcunement Nous refusoit le jugement, Vers les Romains l'accuserons Et tel brouet lui brasserons Del or qu'il a pris et ravi Qu'il en sera tout esbahi (Marcadé, Myst. Pass. Arras R., a.1440, 145)

NYVELET. On a jouay ung tour de maistre. MALOSTRU. Nous a on telz brouetz brassez ? (Copp. lard., a.1488, 178)

Elle s'en va a saincte Avoye, Se croy jë, en pellerinage, Ou au gibier en taspignage S'en va brasser quelque brouet. (P. Jouh. D.R., a.1488, 26)

Proverbe. Qui brasse potage ne vient pas à son avantage

Mesmement eulx, par leur oultraige, Ont produit la voye et passaige Pour nous voloir desavoyer ; Mes souvent qui brasse potaige Ne vient pas a son avantaige, Car eulx mesmes ce sont noyez. (Myst. siège Orléans H., c.1480-1500, 475)

Brasser maint bon escot. Faire bombance.

J'entens le train, je voy que c'est, On [y] brasse maint bon escot. (Sots gard., a.1488, 105)

Brasser qqc. à/contre qqn

...grant courroux et dueil amer M'a (...) pourchacié. Ore certes elle a bracié La mort pour li. (Mir. emper. Romme, 1369, 275)

Encores fust plus courouciés S'il seuist bien tous les meschés Que Florée li taille et brasse. (Froiss., Méliad. L., t.1, 1373-1388, 21)

De ceste avenue, luy et tout son lignaige furent durement courrouchiez et penserent bien que messire Henry de Persi, conte de Northombrelant, leur avoit tout ce brassé et attisé, quoyque ilz luy fussent de son lignaige et prochains voisins marchissans de terres et de chastiaulx. (Froiss., Chron. M., XIV, c.1375-1400, 44)

Bien veoit que Ghisebrest Mahieu avoit en che voiage aucune cose brasset contre lui au conte et contre ses compaignons, pour tant que li contes avoit fait si amiables responses. (Froiss., Chron. R., IX, c.1375-1400, 175)

SATHAN. ...Luy brasseray telle injustice Qu'elle [Marie] mourra de malle mort. (Myst. jeune fille L., c.1413-1445 [c.1530], 41)

Pluseurs, mains maulx m'avés brassé. (Pouvre peuple H., c.1450-1492, 225)

...et se doloit et complaignoit à Dieu et au monde du meschief que ces gens-ci luy brassoient (Chastell., Chron. K., t.4, c.1456-1471, 444)

Emploi absolu. Intriguer.

Doulx Jesus, eternelle face, Je te requier en ceste place, Mon createur, mon Dieu, mon sire, Que tu vueilles octroyer grace A Laurens, car bien voy qu'on brasse A livrer son corps a martire. (Myst. st Laur. S.W., 1499, 208)