BOMBARDE

substantif féminin

[GD : bombarde ; GDC : bombarde ; FEW (I, 430b) : bombus ; TLF (IV, 646a) : bombarde]

I. -MUSIQUE Instrument à vent, à anche battante, à double languette, percé de sept trous et muni d'une clef' (GAY I, 172b).

...cinq pièces d'instrumens tant bombardes, comme chalemies qu'il avoit bailliez et délivrez à ses menestriers (Comptes Lille L., t.1, 1413-1415, 96)

Lors, peu à peu, fait prendre l'escarmuche, par telle condicion que quant ilz verroient une des tours fumer, et au ton d'une bombarde, que chascum se retraist. (La Sale, Reconf. De Fresne H., 1457, 25)

II. -ARMES, ARMURERIE Machine de guerre servant à lancer des projectiles, des boulets de pierre.

...et le [le chastel] fist pourveir de bombardes, d'espingales, d'artilleryes et d'aultres engins (Le Bel, Chron. V.D., t.2, 1358, 152)

On les fist tantost retraire, car cil dou Kesnoy descliquièrent canons et bombardes qui jettoient grans quariaus. (Froiss., Chron. L., II, c.1375-1400, 14)

Il firent faire et ouvrer une bombarde merveilleusement grande, laquelle avoit cinquante et trois pols de bée et jettoit quarreaux merveilleusement grans, gros et pesans. (Froiss., Chron. R., X, c.1375-1400, 248)

'Et faites tout d'un fait et d'un chemin, à l'assambler, jeter nos bombardes et nos canons et traire nos arbalestriers.' (Froiss., Chron. R., XI, c.1375-1400, 50)

...qant li chastiaus fu tous ouvrés, li rois et ses consauls le fissent asseoir et lever droit sus l'entree dou havene, en l'enbouqure de la mer, et fu pourveus d'espringalles, de bonbardes d'ars a tour et d'aultres instrumens bons et soubtieus. (Froiss., Chron. D., p.1400, 825)

Et ceulx dedens fort se deffendent, Et relancent a ceulx dehors Bombardes et groz canons fors (Chr. Piz., M.F., II, 1400-1403, 315)

...ains fist ferir a terre de plain eslais et vous saluer Sarrasins de bons viretons et de bombardes (Bouciquaut L., 1406-1409, 247)

Mais adont vous revenoit a grant tas le trait des galees de bombardes et de viretons, qui vous abatoit a tas les plus huppez (Bouciquaut L., 1406-1409, 248)

De quanques il afiert et derière et devant, Pour asir forteresces et aler craventant Tours, castiaus, bieffrois, tout y fu-on trouvant ; Et si ot trois bonbardes dont l'une estoit si grant Et jetoit un pieron si oryble et pesant Qu'il n'est tour tant forte, qu'il ne voist trébuscant. (Geste ducs Bourg. K., c.1410-1419, 439)

...la somme de trois cens quatre vins unze frans quinze solz tournois en deniers payez à Jehan de Bastre, auquel ladicte somme estoit deue pour avoir amené sur ses chars et chevaulx la grosse bombarde de Brebant ou voyaige que monseigneur a derrenierement fait en France (Comptes Etat bourg. M.F., t.1, 1419, 13)

...à Carcassonne, mareschal, demorant audit Troyes, pour avoir ambatu les deux roues du char de ladicte bombarde, reffait plusieurs bandes, chevilles et autres choses y neccesseres (Comptes Etat bourg. M.F., t.2, 1419, 606)

...la somme de cincq cens soixante sept frans, onze gros dix sept deniers obole tournois, en deniers payez en pluseurs parties payes pour le fait de la voiture tant des bombardes et autres artilleries de mondit seigneur (Comptes Etat bourg. M.F., t.1, 1420, 222)

...puis apres aqui mesmes hault en l'ayre ung si tresque grant bruyt espaventable qu'il n'est ou monde bombarde ne canon eusse puissance de le fere tel ne sy grant comme celluy fut (Caumont, Voy. N., p.1420, 57)

...et envoia messire Anthoine de Craon, bien acompaigné, à Vernon, querre les bombardes, canons et autres engins de guerre (Monstrelet, Chron. D.-A., t.2, c.1425-1440, 249)

...le duc d'Anjou estoit logié sur la grève, vers la rivière, ou estoient ses truyes et bombardes. (CABARET D'ORV., Chron. Loys de Bourb. C., 1429, 60)

Et est bien verité que ly fondemens de composition des canons et des bombardes est fundee sur la science du quart Livre de Phisic, ou il parle de la penetracion de dymentions et de la pure vuidange que on appelle vacuité. (Fusoris, Traité cosmogr. G., 1432, 28)

Pensons de furnir l'avant garde No dandeffle et no grant bombarde. (Marcadé, Myst. Pass. Arras R., a.1440, 240)

Alors, pour la nuit qui survint, le tirer des bombardes cessa. (La Sale, Sale D., 1451, 243)

...et envoya plusieurs foiz devers le Roy que on lui envoiast des canons et des bombardes... (Le Bouvier, Chron. Ch. VII, C.C.J., c.1451-1455, 111)

Puis fut assise l'artillerie, tant bombardes que engins volans et aultre artillerie (Gruel, Chron. Richemont L., c.1459-1466, 210)

Puis fist mettre quatre bombardes devers la mer en la greve, quant la mer estoit retirée, et, quant la mer venoit, toutes les bombardes estoient couvertes manteaulx et tout, et estoient toutes chargées, et en telle maniere abillées que, dès ce que la mer estoit retirée retraicte, on ne faisoit que mettre le feu dedans, et faisoient aussi bonne passée comme si elles eussent esté en terre ferme (Gruel, Chron. Richemont L., c.1459-1466, 214)

Ou moys de Decembre oudit an, le roy, pour tousjours acroistre son artillerie, voult et ordonna estres faictes XII grosses bombardes de fonte et metail de moult grande grosseur et longueur, et voult icelles estre faictes c'est assavoir trois à Paris, trois à Orleans, trois à Tours et trois à Amiens. (Roye, Chron. scand., II, 1460-1483, 63)

Oudit an LXXVIII, le lundi devant les Roys, advint que pluseurs officiers du roy en son artillerie firent assortir une grosse bombarde, qui en ladicte année avoit esté faicte à Tours, pour illec l'essaier et esprouver. (Roye, Chron. scand., II, 1460-1483, 81)

Et, quant voz bombardes commenceront, faictes que les veugloires et la menue artillerie tirent quant et quant aprez le coup de la bombarde, affin que ceux de dedans n'ayent puissance de riens boulvarder ne de amender le dommaige que la bombarde leur aura fait. Vous devez, durant la baterie de voz bombardes, faire trenchées pour entrer ès fossez. (Bueil, II, 1461-1466, 41)

...aussi de quantité des bombardes, canons, pierres à bombardes pour voz sièges, voz canonniers vous le sauront bien dire ; car c'est leur mestier. (Bueil, II, 1461-1466, 45)

Et quant le duc est devant une ville, et il fault asseoir ses bombardes, il convient pour chascune bombarde ung gentilhomme de son hostel pour la conduite d'icelle bombarde, et la suylte, qui est ès mains du bombardier, est derechief estoffée et garnie de toutes choses (La Marche, Mém., IV, Pièces annexées, 1474, , , 90)

...que, quant ilz orroient tirer ung coup de bombarde et deux grosses serpentines, incontinent après, sans autres coups, qu'ilz assaillissent hardiement, car ledict duc assauldroit de son costé. (Comm., I, 1489-1491, 153)

Artillerie, faulcons, grosses bombardes (La Vigne, S.M., 1496, 156)

Bombarde à mains

...douze bombardes à main. Item, une hache d'armes à marteau et tranchant, garnie de dague. Item, troys autres haches à bec de faucon. (Comptes roi René A., t.2, 1417, 241)

Bombarde portative

Adont vinrent arbalestrier et gens de piet avant, et si en i avoit aucuns qui jettoient des bonbardes portatives et qui traioient grans quariaux empenés de fier. (Froiss., Chron. R., XI, c.1375-1400, 13)

III. -COSTUME [P. anal. de forme]

A. -Bombarde de manche. Partie très évasée de la manche.

...troys martres sébelines, bonnes et fines, pour fourrer unes bombardes des manches de la jacquette grise (Comptes roi René A., t.2, 1452, 155)

B. -Manche ayant cette ouverture très évasée.

...quatre paulmes et demy pour bourdez ung chapeau, pour nous, et pour faire ung collet à une de nos robes longues et des bonbardes à une de noz jacquectes (Comptes roi René A., t.2, 1472, 25)

Manche à bombarde

Et n'est ce pas grant oultrage voirement et chose superflue ce que comptoit l'autre jour un taillandier de robes de Paris, que il avoit fait pour une simple dame qui demeure en Gastinois une cote hardie ou il a mis .V. aulnes de drap a l'aune de Paris de drap de Bruisselles de la grant moison, et traine bien par terre trois quartiers, et aux manches a bombardes qui vont jusques aux piéz ? (Chr. Piz., Trois vertus W.H., c.1405, 159)