BIERE

substantif féminin

[T-L : biere ; GD : biere ; GDC : biere2 ; AND : bere1 ; DECT : biere ; FEW (XV-1, 93b) : *bëra ; TLF (IV, 488a) : bière2]

A. -Brancard servant à porter les morts.

Je lo que le facions porter, Cousin, tout droit au cimetiére, Sanz jesir plus sur terre en biére (Mir. femme, 1368, 203)

Ne nous mouvons tant que Hervy soit esloingniez, et puis nous ferons une biere de perches, et le couvrerons de ramssiaux, et porterons le corps devers le roy, en lui disant comment Hervy de Leon a murdry son nepveu en trahison. (Arras, c.1392-1393, 59)

B. -Cercueil, bière.

Et plus l'aim qu'autrui ne mon bien, Nom pas d'amour veinne et legiere, Mais si entiere, Que mieus ameroie estre en biere Qu'a parsonniere Fust, n'en moy pensée doubliere. (Mach., R. Fort., c.1341, 20)

Et les gettoit on en grans fosses Tous ensamble, et tous mors de boces, Car on trouvoit les cimatieres Si pleinnes de corps et de bieres Qu'il couvint faire des nouvelles. (Mach., J. R. Nav., 1349, 150)

Et me monstre si dure chiere, Que bien perchoi par sa maniere Qu'elle [ma douce dame] m'a trop plus chier en biere Que plus garder. (Froiss., Par. am., c.1361-1362, 42)

Et estoit encores la fosse toute ouverte et bien maconnee. Et y avoit bons anneaulx de fer au travers, pour soustenir la biere, se on vouloit mettre le corps, car la avoit il ordonné sa sepulture. Et estoit le corps en bonne toile ciree, et gesoit en sa biere sur deux haulx treteaulx devant le maistre autel de layens, et y avoit grant luminaire, et tousjours VIIJ. des freres de layens autour, jour et nuit, qui disoient pseaulmes et vigilles de mors. (Arras, c.1392-1393, 290)

...il ploroit ausi tenrement que dont que il veist tous ses amis en biere (Froiss., Chron. D., p.1400, 844)

Ou temple, ou Hector fu en biere, L'amenerent. (Chr. Piz., M.F., III, 1400-1403, 142)

...pour 26 lambourdes dont on se aida à faire le biere et les tourelles d'icelle, 12 deniers pour piece, sont 26 solz ; à lui, pour 8 aisselles de gaugnier dont on se aida à faire les courbes desdictes tourelles, payé pour chacune 3 solz, sont 24 solz ; à lui, pour 73 aisselles de blanc bois dont on se aida à faire le planchier de ladicte chappelle (Comptes Etat bourg. M.F., t.1, 1420, 472)

Et devant icelle biere aloient quatre crieux de ladicte ville, sonnant de leurs clicquectes, et en leurs poictrines les armes dudit Grenier, et autour d'icelle biere y avoit quatre sierges et huit torches [portées] par hommes vestuz de dueil et armoiez comme dit est. (Roye, Chron. scand., II, 1460-1483, 83)

Se pour ma mort le bien publicque D'aucune chose vaulsist mieulx, A mourir comme ung homme inique Je me jugasse, ainsi m'est Dieux ! Griefz ne faiz a jeunes ne vieux, Soie sur piez ou soye en bierre : Les mons ne bougent de leurs lieux Pour ung povre, n'avant n'arriere. (Villon, Test. R.H., 1461-1462, 31)

Gesir en biere

Quant tout li ot dit et conté, Et li roys l'ot bien escouté, Dieu loa et li fist grant chiere, Et pour ceaus qui gisent en biere Fist prier Dieu devotement Et dire messes hautement. (Mach., P. Alex., p.1369, 172)

Mettre qqn en une biere

Et vesci toute la maniere Comment mors fu et mis en biere. (Mach., P. Alex., p.1369, 248)

Et ceulx prirent Eudes par belle maniere et par belles paroles, et le menerent en une cave (...). Ilz l'enfermerent, et l'estoufferent de fumee de foing moillié, et puis le mirent en une biere. Et fu porté ensevelir a Poictiers, en l'abbaye de Moustier Nuef, et fu fait son obseque moult richement, si comme il appertenoit. (Arras, c.1392-1393, 261)

Haa ! beaul frere, vo belle chiere Avés perdue ; mectre en biere Vous covyent, dont je suis dolente. (Pass. Semur D.M., c.1420 [1488], 143)

Laquelle execucion fut ledit jour faicte à l'eschaffault ordinaire desdictes hales, à l'eure de trois heures après midi qu'il ot ilec le col couppé, et puis fut enseveli et mis en biere et delivré aux Cordeliers de Paris pour estre inhumé en ladicte eglise ; et vindrent querir ledit corps esdictes hales jusques environ de VII à VIIIxx Cordeliers, à qui furent delivrées XL torches pour mener et conduire ledit corps en leur eglise. (Roye, Chron. scand., II, 1460-1483, 56)

J'aroye plus chier que fusse mis en biere Que l'en me seust fauseté reprover (Jeu quatre pers. L., a.1465, 190)

SAINCT MARTIN. L'avez vous desja mys en biere ? LA BOURGEOISE. Las, menny, encor est il la. (La Vigne, S.M., 1496, 390)

[Cont. allég.]

Desobeyssance l'envelope [l'âme] du linceul et du lien de mauvaise acoustumance. Mais Obstinacion la met en la biere et ou sarcueil qui se nomme oblivion de Dieu. (Gers., Purif., 1396-1397, 66)

Au figuré. Tuer, voir mourir qqn.

Et dist l'istore que tant en mirent en biere devant eulx que trop s'en courreça amerement le roy Corsuble pour la grand perte qu'ilz faisoient. (Saladin C., c.1465-1468, 59)

Nous y gaigneron maint fleurin Et metron crestiens en biere Qui ont prins guerre a l'empiere, Jaçoit ce qu'il soit crestien. (Myst. st Laur. S.W., 1499, 144)

Au figuré. Mettre qqc. en biere. Perdre qqc..

Vostre amour Maint plaint et maint plour Par grant tristour M'a fait mettre en biere. (Froiss., Joli buiss. F., 1373, 172)