BASSINET

substantif masculin

[T-L : bacinet ; GD : bassinet ; GDC : bacinet ; AND : bacinet ; FEW (I, 200a) : *baccinum ; TLF (IV, 251a) : bassinet]

A. -Récipient métallique destiné à conserver la braise, brasero.

...cordes, cuir blanc et tané, une forge garnie, fer et achier, charbon, souffléz, bacinez à piéz et à queue pour alumer le feu. (Chr. Piz., Fais armes cheval., 1410, 52 v°)

Pour lesquelz canons garnir de pouldres, charbon et autres estoffes neccessaires, il en fault ce qu'il s'ensuit. Premièrement, trente mille livres de pouldre à canon ou environ, dont la moitié soit mise en estoffes. Item trois milliers de charbon de saulle, deux milliers de sacz de charbon de chesne, vingt bacinetz, à trois piez chacun et une queue, pour le feu allumer pour lesdis canons, et vingt souffletz. (Bueil, II, 1461-1466, 47)

B. -ARMES, ARMURERIE

1.Armure de tête, plus légère que le heaume, gén. pourvue d'une visière, calotte de métal portée seule ou sous le capuchon de mailles du haubert.

De sa mace pesant l'a si fort martaley Que teste et bacinet ha tout esquartaley. (Gir. Ross. H., c.1334, 250)

...un bachinet roont et unes gorgiere de platez (Clos galées Rouen M.-C., t.2, 1339, 13)

Pour Dieu, plaise vous a oster Ce bacinet si que vous voie. (Mir. marq. Gaudine, 1350, 169)

...ilz ne se sçavoient armer de plates, ne de bachinès à barbiere, ne de colerete, ne de menus fers (Le Bel, Chron. V.D., t.1, 1352-1356, 156)

...ledit Hervieu disoit li avoir esté osté un bacinet de la facon de Paris, où il avoit un chappel de pelles (Compte Navarre I.P., 1367-1371, 130)

Et se trouvoient bien d'omes à picques et as plançons, à cotes de fier, à auquetons, as capiaux de fier, as bachinès plus de douse mille. (Froiss., Chron. R., XI, c.1375-1400, 98)

Quant l'appellant veult entrer ou champ, il doit porter avec lui toutes ses armeures dont il se vouldra aidier dedens le champ, et avoir son bacinet mis tout lacié, la visiere abaissie, sa targe à son coul et son glaive en son [poing] et en tous estas et en toutes manieres soy avoir ainsi comme il vouldra et devra estre en combatant encontre son adversaire (Cout. bourg. glosé P.M., c.1380-1400, 306)

Item je donne a mon amei Perrin Friolat, chestellain de Chemeilley, mon bacenat et ma lance. (Test. Besanç. R., t.1, 1381, 492)

...les gens d'armes seront montez sur les chevaulx dedans le vaisseau, le bacinet en la teste et la lance au poing... (Mézières, Songe vieil pèl. C., t.2, c.1386-1389, 435-436)

...tout le temps de sa vie et puiz XVJ ans ença a continuelment suy les guerres, porté le bacinet comme varlet servant, et servi le dessus dit escuïer par VJ ans ou environ (Reg. crim. Chât., II, 1389-1392, 506)

Et n'alerent pas si desgarniz que chascun n'eust la cotte d'acier, et le pan, et la piece, et le harnoiz de jambes es bouges. Les pages portoient la lance et le bacinet. (Arras, c.1392-1393, 51)

Et avant que il [Olivier] se peust relever, Remondin le vint si chargier de coups qu'il ne se povoit mouvoir, et lui esracha le bacinet de la teste par force, et lui met le genoil sur le nombril et la main senestre au col, et la le tient en telle destrece qu'il ne se puet mouvoir. (Arras, c.1392-1393, 63)

Quant tu revendra cy, rapporte mon haubert, Mon hanap ensement et mon jolit cornet, Se le laissiés sur terre a guise d'ung mousquet Car il n'a que vestir, point n'a de bachinet (Huon Bordeaux B., c.1400-1450, 148)

Ces bacinés resplendissoyent Contre le soleil et luisoyent, Noble chose estoit a veïr. (Coudrette, Mélus. R., c.1401-1402, 187-188)

...ai assena son compaignon en la visiere si grant coup que il rompy les boucles, et a pou ne lui fist voler le bacinet du chief (Bouciquaut L., 1406-1409, 51)

...et aprés on lui lassa son bacinet, qui fort lui fu bouclez (Bouciquaut L., 1406-1409, 71)

Jusques à cent gentis homes i ara par esmanche, Et seront bien armés cascuns à se plaisanche, Fors de harnas de gambes, de bacinès et de lanches. (Geste ducs Bourg. K., c.1410-1419, 353)

...Un lasche fuitif diffamé Et de tel deshonneur blasmé, Qui tant a son bien entamé Comme de fuire En tel place et aux autres nuire, Faire son bacinet reluire Et vestir harnoiz pour defuire ! (Chart., L. Dames, 1416, 276)

...IIII aulnes de toille cirée pour mectre entre deux draps des chapperons des bacmez [l. bacinez] de mon dit seigneur (Comptes Lille L., t.1, 1421-1422, 191)

Item deux bachinetz à banière (Invent. test. Surreau Foville F., 1435, 52)

Or ça, ça ! j'ay du temps jadis De glaves et de vieus cousteulx, De goudendars et de martiaulx, De guisermes et de haches grosses, De gantelés et de taloches, De daghes et de beux armeres, De heaulmes et de bachines, De fers de lances a jouster, Et belles targes pour porter (Marcadé, Myst. Pass. Arras R., a.1440, 131)

Lors s'apensa de cerchier cinq chevaliers (...) lesquelz il requerroit de estre tous ensemble compaignons et freres a porter par l'espace de troiz ans une visiere de bassinet, d'or pour les chevaliers et d'argent pour les escuiers (La Sale, J.S., 1456, 228)

...et ceulx qui ne sont nobles de lignée, le sont par exercice et mestier des armes, qu'ilz suyvent, qui est noble de soy-mesme. Et vous dy que le harnoys est de telle noblesse que, depuis que ung homme d'armes a le bacinet en la teste, il est noble et souffisant de combatre ung roy. (Bueil, II, 1461-1466, 80)

Le sergent veult aler gaitier, Il (la) afuble son basinet, Mais il aura ung loppinet De ce baston pour luy oster. (Sav. serg. D.L., c.1480-1490, 33)

Puis apres, faictes porter pierres De fais, tantoust sus la muraille, Broches ardant a grosses quarres Pour percer jalerant a maille (...) Salades et grans bassinez, Oveq arbalestes de passe, Lances et fers bien affinez, Qu'i ne soit riens qu'on ne trespasse. (Myst. siège Orléans H., c.1480-1500, 551)

Remarque : GAY I, 97a. FROISS., racontant vers 1400 des événements qui se sont produits en 1328, le sent comme un mot nouveau

Et le serviroient casquns a une qantité de hiaumes couronnés, car, pour lors, on ne parloit point de lances ne de bachinés fors de hiaumes. (Froiss., Chron. D., p.1400, 259)

Bassinet (à camail). Bassinet armé d'une courte pèlerine de mailles protégeant le cou et les épaules.

Chil de dedens par force li esrachièrent son bachinet à tout le camail hors de la teste. (Froiss., Chron. R., IX, c.1375-1400, 22)

...il avoit prins icelle cote de fer, avec un bacinet à camail, une piece d'acier, uns gantelez, uns gardes-bras et harnais de jambes, que lors il exposa en vente audit Phelipot (Reg. crim. Chât., II, 1389-1392, 258)

Bassinet (à visiere)

Et fist restraindre ses plates et recengler son coursier, et mist son bachinet à visière, par quoi il ne peuist estre cogneus, et ensi fisent tout li aultre. (Froiss., Chron. L., V, c.1375-1400, 207)

[Le bassinet se met au moment de combattre ; symbolise ainsi la guerre]

'Entre vous, quant vous estes à Paris, à Chartres, à Roem ou à Orliiens, vous maneciés les Englès et vous soushediés le bacinet en le tieste devant yaus. Or y estes vous, je les vous moustre.' (Froiss., Chron. L., V, c.1375-1400, 20)

'Et vueil bien que vous sachiez se ilz ne meurent, que dedens ung an je ne mettray bachinet en teste pour vostre guerre.' (Froiss., Chron. M., XII, c.1375-1400, 37)

'Sire, vecy vos ennemis. Mettez bachinet en teste, ou nom de Dieu et de saint George.' (Froiss., Chron. M., XIV, c.1375-1400, 164)

2.Par métonymie. Chevalier, soldat qui porte le bassinet (qui porte une cuirasse).

Ly évesques d'Olifierne ot l'ost moult bien gardée A X mil bachinés de bonne gent nostrée (God. Bouillon R.B., t.3, c.1356, 509)

Et pooient estre entours six banières et deux cens bacinès, et environ cinq cens bidaus tout à piet. (Froiss., Chron. L., II, c.1375-1400, 77)

Nouvelles leur viennent de le gaite dou chastiel, que une route d'Englès approçoient, où bien pooient estre environ cent bachinet, et y avoit quatre pennons. (Froiss., Chron. R., VIII, c.1375-1400, 153)

Maint bacinet et maint heaume Avec eulz ont. (Mir. ste Bauth., c.1376, 127)

...il scet du duc de Lenclastre et autres gens du pays d'Engleterre qui lui ont dit (...) qu'ilz aimeroient mieux combatre le roy de France en son royaume atout Xm bacinez et Vm archiers, qu'il ne feroit combatre les François ou pays d'Engleterre à XXm Engleiz contre Xm François (Reg. crim. Chât., II, 1389-1392, 197)

Mais ilz lui dirent lors toute la verité, et comment ilz avoient ja envoyé devant IIIJc. bacinez pour lui garder encontre leurs ennemis. (Arras, c.1392-1393, 71)

... dedens le jour que Melusigne ot fait crier, s'assemblerent en la pree de Lusignen grant multitude de gentilz hommes, tant du pays de Poictou comme des marches voisines, et furent nombrez jusques a quatre mille bacinez et mil et cinq cens que archiers que arbalestriers. (Arras, c.1392-1393, 151)

Et avoit en la cité cent bacinez de Hongres qui durement estoient bons chevaucheurs, et yssoient moult souvent et estourmissoient l'ost et portoient grant dommage. (Arras, c.1392-1393, 180)

Du costé devers midi vint Chevalerie o plus de vint Mille, je croy, de bacinés A harnois fourbis, biaux et nes. (Chr. Piz., Chem. estude P., 1402-1403, 120)

A huit cens bacinès se fu de luy partant (Geste ducs Bourg. K., c.1410-1419, 413)

...a tout .IIIIxx. bacinés (Jean De Montreuil, Traité cheval. G.O.O., 1413, 109)

C. -MUSIQUE Instrument à percussion. (synonyme bassin)

Danssés une ronde carolle, Sans avoir pipe ne musette, Je feray une chansonnette Au son du bachinet clicquant. (Molinet, Myst. st Quentin C., c.1482, 300)

D. -[Plante] Renoncule, bouton d'or. (synonyme bassin)

Seigneurs, dames, chambrerieres, sequelles Y vont coeullant flourettes a planté (...) Cuidereles, consauldes, piprenelles, Marjolaines, lavendes, bachinés (Molinet, Faictz Dictz D., 1467-1506, 105)