ASTRONOMIE

substantif féminin

[T-L : astrenomie ; GD : astrenomie ; AND : astronomie1 ; DECT : astrenomie ; FEW (XXV, 628b) : astronomia ; TLF (III, 766b) : astronomie]

[Désigne, dans la plupart des cont., à la fois la science qui étudie les astres et l'art divinatoire ; ces deux parties sont gén. différenciées par leur champ d'application : les mouvements et les jugements]

A. -Science qui étudie les mouvements des astres.

Abraham, si com bien le sai Par Josephum qui le m'aprist (...) Ensegna les Egyptiens Dë astrologie à son tempz, Et apres par Ptholomee Astronomie amendee Et corrigiée fu si bien Qu'amender on n'i savoit rien. (Guill. Digull., Pèler. J.-C. S., 1358, 115)

...il est assavoir (...) que la science des estoilles, qui est appelle astronomie, contient deux principales parties. La premiere si est des mouvemens, et la seconde des jugemens. La premiere partie considere principal[e]ment le cours du ciel et des estoilles, les mesures des signes et des planetes, les causes de[s] eclipses et des conjonctions et opposicions, et plusieurs autres nobles consideracions. Et ceste partie d'astronomie est tresnoble et excellente science, licite et appreuvee de l'Eglise. (Mézières, Songe vieil pèl. C., t.1, c.1386-1389, 604)

Declairees doncques (...) les deux parties de la science d'astrologie, l'une bonne et l'autre mauvaise, lesquelles deux parties sans declaracion par la vieille sont conprinse en cestui mot d'astronomie (Mézières, Songe vieil pèl. C., t.1, c.1386-1389, 609)

Astronomie est une science de la congnoissance des estoilles et des sept planettes erratiques et principales, c'est assavoir : Mars, Mercurius, Venus, Saturnus, Jupiter, Sol et Luna (Desch., Art dictier R., 1392, 268)

Maistre Brunet Latin de Florence dit que Noé engendra Ionicus, qui tint la terre de Eritanie, qui est jouxte le fleuve de Eufratez en Orient, et fut le premier qui escripvit astronomie et qui ordonna la science du corps des estoilles et ce, en son livre appellé le Tresor. (Simon De Phares, Astrol., c.1494-1498, f° 15 r°)

Cestui tint lecture publique à Paris de la science de astronomie. (Simon De Phares, Astrol., c.1494-1498, f° 134 v°)

[Un des sept arts libéraux, gén. le troisième du quadrivium]

...lequel estoit le plus sage clerc en tous les set ars qui fust en roialme de France en son temps, car il estoit maistre de granmaire et logique, de retorique et arismetique et de geoumetrie et de musique et de abstronomie, et si estoit bon clerc en theologie. (Henri Ferr., Modus et Ratio, Songe pest. T., c.1354-1377, 192)

Toute disposition, ou elle est en nombre, a quoy appartient arismethique, ou en proportion qui sert a musique, ou en assiete, a laquelle appartient geometrie, ou en mouvement, a qui appartient astronomie. (Daudin, De la erudition H., c.1360-1380, 110)

Il y est gramaire, logique, Geometrie, arismetique, Et puis musique et retorique Et la soutive astronomie. (Mach., F. am., c.1361, 217)

...qu'il ait congnoissance du carrefour, c'est a dire des quatre sciences qui sont nommees arismetique, geometrie, astronomie et musique (Saint-gille, Comment. A.Y. L., 1362-1365, 362)

La .VJe. des ars ou des sciences liberaulx et la tierce des quatre dessus dictes c'est astronomie ou astrologie, qui traitte et determine du ciel et des estoilles. (Evr. Conty, Harm. sphères H.P.-H., c.1400, 17)

Et .IIII. diverses manieres De sciences nobles et chieres En Mathematique sont prises Et terminees et comprises : Arismetique en est une, Musique l'autre plus commune, La tierce si est Geometrie, Et la quarte, ou plus a maistrie, Est Astronomie, me semble. (Chr. Piz., M.F., II, 1400-1403, 113)

Sage d'astronomie. Savant en astronomie/astrologie.

Berfuné qui estoit sages d'estronomie Regarda ens ou chiel, la endroit s'estudie, Et a veü en l'air et sorti mainte fie Que par païens seroit nostre gent malbaillie (Renaut Mont. B.N. V., c.1350-1400, 676)

L'ystoire dit que cilz contes Aimery fu un tres vaillans homs, et qui ama toutes noblesces et fu ly plus saiges d'astronomie qui feust a son temps ne depuis Aristote. (Arras, c.1392-1393, 16)

Et pour ce dit un ancien sage de astronomie que quant aucun doit avoir un bon eur en mariage, il lui seurvient aucunefois ostacles et empeschemens qui le font retarder ou avancier espoir tant qu'il se treuve aussy comme contraint de sa femme espouser en bonne constellacion et en bonne heure, qui est signe certain de sa bonne aventure. (Evr. Conty, Harm. sphères H.P.-H., c.1400, 35)

Li quens commence a regarder Les estoilles qui cler luysoyent, Qui tout le ciel enluminoyent. Moult fu sage d'astronomie, Tout en congnoissoit la maistrie, Et ainsi comme ou ciel regarde, D'une estoille la se prent garde. La voit merveilleuse aventure Qui depuis lui fut aspre et dure ; Le preu d'autrui bien y conçoit, Maiz son malpoint il n'aperçoyt. (Coudrette, Mélus. R., c.1401-1402, 118)

Savoir d'astronomie. Être instruit en astronomie.

Il savoit bien d'astronomie Et de maintë autre clergie (Coudrette, Mélus. R., c.1401-1402, 112)

Moult fu sage cellui roy Ptholomée, et moult sceut de la science d'astronomie, et mesura la reondeur de la terre. (Chr. Piz., Faits meurs Ch. V, S., II, 1404, 46)

Estre plein/garni d'astronomie. S'y connaître en astronomie/astrologie.

Au temps que ly contes Eimery regna, l'ystoire tesmoingne que de moult de sciences il estoit plains, et especialment de celle d'astronomie, comme j'ay dessus dit. (Arras, c.1392-1393, 17)

Je [Mélusine] scay bien comment tu [Remondin] as occis ton seigneur par mespresure, comme de cas volontaire, combien que pour l'eure tu ne le cuidas pas faire ; et scay bien toutes les paroles qu'il te dist par l'art d'astronomie dont il fu garny. (Arras, c.1392-1393, 25)

B. -Science qui consiste dans l'observation des astres et de leurs mouvements, plus partic. dans le but de déterminer leur influence sur la destinée humaine, les événements terrestres et les conditions météorologiques.

1.[L'accent est mis sur l'aspect divinatoire]

Et pour savoir la verité de ceste prophecie ai je molt musé et estudié que ce peut estre, si me semble parmi cen que j'ai veu, tant par la science d'abstronomie, comme par cen qui est avenu... (Henri Ferr., Modus et Ratio, Songe pest. T., c.1354-1377, 203)

Et se magique m'asseüre Ou astronomie est pour moy, Et Fortune estre me vuet dure, Asseürer pas ne me doy. (Mach., L. dames, 1377, 230)

En particulier. Fausse astronomie. Art magique.

Le secont article de quoi elle m'acuse si est que elle dist que je tieng escoles u monde de vos creatures et leur apraing mauvaises siences de caraux, de sorcheries et fausses abstronomies et de pluseurs mauvaises sienses confuses. (Henri Ferr., Modus et Ratio, Songe pest. T., c.1354-1377, 64)

Maistre d'astronomie

Duquel [livre du ciel] le très suserain Maistres Forga et si forma les letres, Par lesqueles, n'en songez mie, Tout bon Maistre d'Astronomie Peut sentir, lire et mastiquier, Et loyalment pronostiquier Les groz effectz et les notables Qui par Nature sont faisables (La Haye, P. peste, 1426, 29)

Regarder en l'astronomie. Lire dans les étoiles.

...et moult estoit en grant doubtance pour les .VII. sages, car il avoit entendu qu'ilz devoient regarder en l'astronomie pour le tresor qui estoit perdus savoir la verité et qui cellui qui avoit fait le larrecin estoit. (Bérinus, I, c.1350-1370, 412)

Savoir d'astronomie ; savoir/voir par astronomie. Lire, voir dans les étoiles.

...et avoient cilz deux en seurnom Astraloges, qui vault autretant a dire en rommant comme 'astronomiens', car ilz savoient d'astronomie quanque on en pouoit savoir par raison, et de ce estoient leur seurnom estrait. (Bérinus, I, c.1350-1370, 5)

'Sire', dist Cycero, 'or soit doncques ennuit le corps gardé sanz mouvoir de cy, et je vous asseüre que demain vous savrez de quel linage il estoit et de quelle nacion il yssy, mais son nom je ne vous ay pas en convenant de dire, ains vous en diray tout ce que on vous en pourra dire ne savoir par astronomie'. (Bérinus, I, c.1350-1370, 412)

Premierement vous parleron de la pestilence a venir, comme par laquelle cause elle nous est demoustree par les con[s]tellacions et che que savoir en pouons par l'art d'abstronomie. (Henri Ferr., Modus et Ratio, Songe pest. T., c.1354-1377, 199)

...et y sont ouïes toutes mauveses sciences, c'est a savoir de caraus, sorceries, de conjurations, de savoir les choses perdues par abstronomie au diable. Pour lesquelles choses dessus dites, avecques cen que nous veon par abstronomie, avendra u roialme de France, depuis l'an de grace 1341 jusques a l'an de grace 1362, plus de merveilles, d'opressions et de pestilences que il n'avint u roialme de France puis le premier roi crestien. (Henri Ferr., Modus et Ratio, Songe pest. T., c.1354-1377, 202-203)

Le conte, qui moult savoit d'astronomie, regarde ou ciel, et voit les estelles cleres, et l'air pur, et la lune estoit moult belle, sans tache, ne obscurté. (Arras, c.1392-1393, 19)

[En cooccurrence avec jugement] Astrologie judiciaire.

Car suppose, dit il, que la science d'astronomie des jugemens fust vraye, se cent docteurs en astrologie, les plus souffisans du monde, demourassent ensemble estudians es jugemens des choses advenir, et que plus est, vesquissent cent ans ensemble, ilz n'auroient pas vraye cognoissance de jugier (Mézières, Songe vieil pèl. C., t.1, c.1386-1389, 607)

Et quant aux jugemens d'astronomie entre les paiens, il est assavoir qu'ilz entremeslent l'yngromancie et les autres sciences deffendues avecques l'astronomie (Mézières, Songe vieil pèl. C., t.1, c.1386-1389, 612)

Astronomie judicative

Et ainsi est il de plusieurs regles d'astronomie judicative, mais il est aucunes gens si simples qu'ilz cuident que tout ce qu'ilz treuvent en escript soit verite. (Oresme, Divin. C., c.1366, 58)

Et pour conclusion, dame royne, (...) il est expedient par ce que j'ay dit dessus que les grans princes qui sont de noble engin en nostre science mathematique, et par espicial en astronomie la judicative, soient bien enseignez ; par laquelle science ilz saichent les choses a advenir et a tout saigement pourveoir. (Mézières, Songe vieil pèl. C., t.1, c.1386-1389, 603)

2.[L'accent est mis sur la détermination du moment propice d'une entreprise]

Election d'astronomie

...le chevetaine ara avec lui un ou plusieurs docteurs en medecine pour la cure des malades et conservacion de la sante de l'ost, lesquelx phisiciens, par les jugemens et elections d'astronomie, par l'eglise octroyees, feront faire les sangnyes et donront les medecines pour la sante de la noble chevalerie (Mézières, Songe vieil pèl. C., t.1, c.1386-1389, 518)

Nous devons donc encore aussy savoir quant aux eleccions qui se font par doctrine, comme font les eleccions d'astronomie (...) que en toute eleccion raisonnablement faicte on doit considerer la condicion et l'estat de la personne et la nature aussy de l'euvre ou de la chose qui est a commencier et selon ce querir heure convenable et propice a ce faire. (Evr. Conty, Harm. sphères H.P.-H., c.1400, 32)

Remarque : V. aussi astrologie

C. -Par analogie. Basse astronomie. Alchimie.

Saches que cest art ancore est apelee la basse astronomie mais elle n'est pas si noble come celle dessus mais par figure elle fut comparee a celle dessus. [...] La basse astronomie est dicte art de nature sus l'euvre de la pierre desiree blanche et vermeille et de touz les sept metauls et autres pierres qui pevent rester et demourer et rester contre le feu, et par aucuns ceste art est dicte Alkimie [...] Et ses VII metauls sont comparés au VII planetes qui sont au firmament (Doc. c.1450. In : Romania 133, 2015, 401)