ANCIENNETÉ

substantif féminin

[T-L : ancïeneté ; GDC : ancienneté ; AND : anciené ; FEW (XXIV, 638b) : ante ; TLF (II, 959a) : ancienneté]

A. -[À propos d'une pers.]

1.Grand âge, vieillesse.

...le vaillant roy Charlemaine (...) Estoit par ancienneté Moult affoibli et vieulx de jours (Desch., M.M., c.1385-1403, 357)

Sy tost que Lyonnel vey les deux pucelles droittes, il lui sambla qu'elles estoient moult anciennes et que a grant paine elles se leverent en estant. Pour ce marcha avant Lyonnel pour faire reverence a leur ancienneté et pour soustenir l'une qui se nommoit Blanche (Percef. III, R., t.2, c.1450 [c.1340], 181)

...et dez lors se party le conte d'Artois atout la charge de l'armee que volentiers il prist a conduire pour l'amour de l'ancienneté du conte d'Urgel et du bon droit qu'il y avoit. (Comte Artois S., c.1453-1467, 46)

Et ce se fait pour debouter l'entendement charnel, c'est assavoir qu'on ne cuide ce que le Pere pour l'anchienneté de lui ne soit reputé impotent, le Filz a cause de sa jonesse ne soit reputé moins sage et le Saint Esperit a cause de sa soudaineté soit tenu estre cruel. (Somme abr., c.1477-1481, 159)

Venir en ancienneté. Devenir vieux.

L'en ne doyt point despriser les anciens ne on ne les doyt point debouter, car, si tu es jeune, tu dois desirer de venir en ancienneté et doys aymer et priser les fais que ilz ont faict en leur jeunesse. (Macho, Esope R., c.1480, 98)

Prendre vieillesse et ancienneté [ici à propos de l'amour] Vieillir.

Et ceste amour s'appelle amour unique, a chascun commune singulierement et singuliers a tous ensamble, non point acroissans par participacion ne defaillans par usaige ne prenans viellesse ne ancienneté par quelcunque succession de temps (Crap., Cur Deus, De arrha B.H., c.1450-1460, 271)

2.Par extension. Âge.

Car se le noble a pouvreté Ou un pou d'ancienneté, Ou sa femme samblablement, Tant leur doit on plus humblement Laisser l'onneur et eulx offrir. (Desch., M.M., c.1385-1403, 297)

3.Expérience, savoir.

Yssac Obenazem fut en ce temps moult aprecié par sa grande encienneté et moult bonne experience en la science des estoielles. (Simon De Phares, Astrol., c.1494-1498, f° 66 r°)

B. -Locution adjectivale. locution adverbiale. [À propos de pers. ou de choses]

1.Locution adjectivale.

Subst. + de (grande) ancienneté. Très ancien.

...ce estoit que elle racomptoit le pris, l'onneur, la haultece, noblece poissante et digneté dune princesse de grant auttorite, couronnee de precieux dyademe a septre royal de grant ancienete et richece (Chr. Piz., Avision T., 1405, 76)

Par quoy appert clerement deux choses de grant ancienneté (Juv. Urs., T. crest., c.1446, 104)

Estre d'ancienneté. Dater de longtemps.

...puisque ung homme a donné sa foy, il ne peult plus prendre la foy d'ung aultre. Encore dist on plus que, selon les drois anciens des armes, il ne se doit ne se peut combatre ne armer jusqu'à ce qu'il soit quicte de sa foy. (...) Mais il fut trouvé par tous les cappitaines et gens de guerre que, se la chose estoit de ancienneté, encore estoit-elle telle, ne jamaiz n'avoient veu faire le contraire. (Bueil, II, 1461-1466, 213)

2.Locution adverbiale.

a)De (grande) ancienneté. Depuis longtemps, de longue date.

Car li trompeur et li corneur orent en despit ce que les censeurs derreniers leur avoient deffendu que il ne mengassent dedenz le temple de Jovis, combien que d'ancienneté il leur eust esté acoustumé et ottroié (Bers., I, 9, c.1354-1359, 30.5, 54)

...et leur fis solennelment jurer aux saintes ewangiles de Dieu, que loyaument a leur avis me diroient quel nombre de sergens y seroit bon et expedient que monseigneur meist en la dite conté, et quel nombre d'ancienneté il y doit et a acoustumé d'avoir (Comté Porcien R., 1400, 210)

Ce jour, l'evesque et chapitre de Paris sont alez en procession à la benediction du Lendit, ainsi que est acoustumé d'ancienneté. (Fauq., II, 1421-1430, 311)

...LX solz de rente que ledit Filleul prenoit d'ancienneté sur ledit hostel et heritage (Rouen temps Jeanne d'Arc L., 1442, 361)

...la duchié de Guyenne est d'ancienneté du vray demaine de la couronne de France (Juv. Urs., T. crest., c.1446, 104)

...six sergenteries sur lesquelles ladicte somme fu comme dit est d'anceanneté crée et instituée (Rouen temps Jeanne d'Arc L., 1446, 386)

...en oultre ne voulons que, par vous, ou ledit contreroleur, ne autres, soient doresenavant faiz aucuns gratis, dons ou radiacions dudit emolument de nostre dit seel à quelzconques personnes que ce soient, sinon à noz serviteurs domestiques, aux officiers de nostre dicte court et Chambre des comptes, et autres qui ont acoustumé d'ancienneté en estre exemps. (Lettres Louis XI, V., t.3, 1468, 214)

...vous procedez à l'eslection des procureurs et commis au gouvernement de ladicte ville, ainsi que avez accoustumé faire d'ancienneté (Lettres Ch. VIII, P., t.1, 1485, 70)

...ce sont les villes de Basle et Strasbourg et autres villes imperialles qui sont au long de ceste rivière de Rin, lesquelles, d'ancienneté, avoient esté ennemyes desdictz Suysses (Comm., II, 1489-1491, 100)

Senes la ville antique Dicte le vierge, pource que manifique Plus qu'autre ville, et d'ancïenneté En son regime elle a tousjours esté. (La Vigne, V.N., p.1495, 222)

b)De toute ancienneté / De tout temps et ancienneté. De tout temps, depuis toujours.

...on peult respondre que ce est une chose notoire, et ce que l'en dit de toute ancienneté (Juv. Urs., T. crest., c.1446, 41)

...ne ne estoit venu au rayaume comme estranger, mais comme homme tres noble et issu de rayalle lignie et honnouree de toute ancienneté (Beauvau, Troyle B., c.1455, 627)

Ou moys de janvier ensuivant dudit an LXXV, fut [publié] à son de trompe, par les carrefours de Paris, les lettres patentes du roy nostre sire, qui contenoient comme de toute ancienneté il ait esté permis aux roys de France par les sains peres papes que de cinq ans en cinq ans ilz peussent faire assembler tous les prelas du royaume de France pour la reformacion et afaires de l'Eglise, ce qui de long temps n'avoit esté fait (Roye, Chron. scand., II, 1460-1483, 4)

...et leur direz ainsi qu'il y a ung proverbe commun, que chacun dit de toute ancienneté, que on ne doit riens faire à l'entreprise de son ennemy. (Bueil, I, 1461-1466, 210)

...vous faisons scavoir que nostre plaisir et voulenté est que noz droiz (...) dont nous et noz predecesseurs, de tout temps et ancienneté, avons jouy et usé (...) soyent par vous entierement entretenus, observez et gardez, et que les infracteurs, et ceux qui ont fait et feroient doresnavant au contraire (...) soyent punis (Lettres Louis XI, V., t.2, 1463, 121)

...jaçoit que, de toute ancienneté, ignorance soit ennemie de science, neantmoins jamais ignorans ne oserent tant descouvrir et monstrer si plainement leur ignorance, comme puis nagueres ont fait ses detracteurs, mes ennemis (Simon De Phares, Astrol., c.1494-1498, f° 9 r°)

...pareillement se lit que à Nostre Dame du Puy en Auvergne, en ung reffretoer qui y est, nulle mouche n'y peut vivre et semblablement, en la Provence dicte Aqueuse, de toute encienneté a ung lieu où nulle mouche ne peut vivre, et, si d'aventure elle y est apportée d'aucun lieu, tantost est morte. (Simon De Phares, Astrol., c.1494-1498, f° 70 v°)

Et fault entendre que, de toute ancienneté, ilz estoient partisans de la maison d'Arragon et aultres ennemys du roy de France (Comm., III, 1495-1498, 72)