AMENDEMENT

substantif masculin

[T-L : amendement ; GD : amendement ; GDC : amendement ; AND : amendement ; DECT : amendement ; FEW (III, 217b-218b) : emendare ; TLF (II, 734b) : amendement]

A. -Amélioration (d'une chose).

1.[À propos d'une chose concr.]

a)[D'un outil, d'un instrument, pour le rendre plus performant]

Ung fer lime l'autre, et ung pecheur chastie son semblable, et devient instrument de la divine justice. La lime se use et puis est degettee comme inutile, et le fer limé par l'amendement du maistre est reabillité et mis a prouffit. (Chart., L. Esp., c.1429-1430, 42)

b)[D'un bien]

Travaux de remise en état, réparations.

Mestre Phelipe Le Lampier (...) a appareillié nostre lavouer et i a mis XVI clés nueves du sien, dont il a eu XXXVI s. p., en tele maniere que si les clés et le lavouer ont besoin d'amendement, et en li ['si on lui'] mande que il les viegne amender, il a promis de venir les appareillier a ses coutz (Livre raison St-Martin-de-Pontoise D., 1333, 32)

Quant une nef par viellesce perit Qui par mer a couru treslonguement, Le feste bas et le bois se pourrist Et les costez branlent legierement ; Les estoupes, la poiz et le cyment Desjoingnent, l'eaue alors a son entrée, Ne charpentiers n'y scet amendement : Par ce vaissel no vie est figurée. (Desch., Oeuvres Q., t.2, c.1370-1407, 49)

...et si sont tenus de mettre et employer en reparations necessaires et convenables au soustenement et admendement de ladite maison dedans trois ans prouchains entrevenant la somme de 12 l. p. (Comptes Paris V.L.D., t.1, 1443-1444, 350)

Travaux faits sur un bien pour en augmenter la valeur.

Si gentil home ou coustumier avoit prins fame par mariage, et il eust fait en sa terre belles mesons, ou planter belles vignes, et la fame morust sanz heir descendant de sa char, tout celuy amendement seroit au lignage de devers sa fame, et ne li en feroient la [l. ja] retour se ilz ne voulient. (Cout. instit. Anjou Maine B.-B., t.1, 1385, 343)

Si aucun faisoit grans ediffices en heritaige de sa femme ou grans amendemens, la femme estant morte le fons et touz les ediffices et amendemens vendront aux heritiers de la femme, sans ce que le mary eust ja retour desdiz amendemens ; car le fons trait à soy les ediffices. (Cout. instit. Anjou Maine B.-B., t.2, 1437, 274)

c)[Du sol ou des produits du sol]

[Dans un cont. métaph.]

De si long temps l'ay arrousé [l'arbre de la plante d'amours] de plours Et de lermes tant doloreusement, Et si n'en sont les fruiz de riens meilleurs Ne je n'y truis gaires d'amendement. Je les recueil neantmoins songneusement (Chart., R. Bal., c.1410-1425, 388)

Par métonymie. Substance incorporée au sol pour l'améliorer.

Letamen (...) dicitur : fiens, amendement (Le Ver, Dict. M.E., c.1420-1440, 271)

2.[À propos d'une chose abstr.]

a)Fait d'apporter des améliorations à qqc. en corrigeant ou modifiant ce qui ne convient pas.

Amours, pour verité certaine, Mort vous guerrie fellement ; Se n'y trouvez amendement, Ce monde n'est que chose vaine. (CH. D'ORLÉANS, Ball. C., c.1415-1457, 85)

Sy nous amenderons, et par ainsi tournera ceste adventure a bonne fin. Et laissons passer ceste adventure parmy espoir d'amendement, et faisons joye de nous meismes, car la journee le doit. (Percef. IV, R., c.1450 [c.1340], 396)

Amélioration, correction (de propos tenus).

[Le roi exige un conseil difficile à donner] Sire, volentiers, puisque vous le conmandés, et ce sera par l'amendement et correttion de mes signeurs et compagnons (Froiss., Chron. D., p.1400, 722)

b)DROIT Amendement de jugement. Réévaluation, réformation d'un jugement.

Nul gentil home ne puet demander amendement de jugement que l'en li face, ainz convient que il le fause tout oultre, ou que il le tiengne pour bon ; si ce n'est en la court le Roy (Cout. instit. Anjou Maine B.-B., t.1, 1385, 299)

c)FINANCES Fait d'améliorer l'évaluation de qqc..

Nous voulons que le Bailli de Caux qui sera pour le temps, ou son Lieutenant, face ausdis Marchans et Gens dudit Royaume de Portigal et d'Algarve qui descendront en ladite Ville, livrer maison et celiers pour eulx et pour leurs biens par pris convenable, et que le pris soit fait par deulx Bourgeois de ladite Ville eleuz par lesdiz Marchans et par deux Marchans de ladite Cité eleuz par le Bourgois de ladite Ville : Quatre feront serement devant nostredit Prevost, que bien et loyaument feront le pris selon le temps, et ne pourra croistre le pris se ce n'est par aucun amandement puis fait qu'il sera prisié par lesdis esleus comme dit est (Ordonn. rois Fr. S., t.3, 1362, 575)

Amendement des monnaies. Opération visant à corriger une monnaie en lui donnant une valeur plus grande, réévaluation.

...recevoir les mars d'argent ordonnez estre levez pour l'admendement de noz monnoies (...) en nostre ville de Paris (Ch. VI, D., t.1, 1422, 414-415)

B. -Amélioration (d'une pers.).

1.[Sur le plan phys.]

a)Amélioration de la santé, guérison.

Et moult estoit doulente qu'elle ne veoit point de amendement en la personne du chevallier, se lui dist : 'Sire chevalier, je me donne grant merveilles comment vous estes ainsi rengrevé, veu qu'on vous fait tout le mieulx qu'on peut. Car il n'y a ceans damoiselle ne moy aussi qui ne fussent moult joyeuses de faire chose parquoy vous peussiez recouvrer bonne santé, car moult serions doulentes se vous trespassissiez icy.' (Percef. III, R., t.1, c.1450 [c.1340], 112)

Aprés ce que dessus est dit, l'istoire fait mencion que quant le preu Lyonnel fut apporté en son nouveau chasteau, moult agravé des navrures qu'il avoit conquises a l'encontre du chevallier rommain, comme dit est, il ne demoura gaires qu'il se commença moult a amender (...). Mais quant ilz veirent qu'il estoit grandement au retour, ilz s'assamblerent et tous quatre vindrent devant lui et lui commencerent a dire : 'Certes, sire, nous sommes moult liez de vostre bon amendement...' (Percef. III, R., t.2, c.1450 [c.1340], 9)

b)Progrès, profit.

Et d'autre part vous sçavés par ses nourrices qu'il n'a failly nuit depuis sa nativité que Zephir ne l'ait visité et frotté de herbes, sy devons penser que c'est aussy a l'amendement de l'enffant. (Percef. IV, R., c.1450 [c.1340], 268)

2.[Sur le plan moral] Progrès, perfectionnement.

Et, comme dit Tulle : 'qui clot ses oreilles a verité, par especial de ses amis, il est a delaissier comme celuy auquel on ne attent salut ne amendement'. (Gers., Noël, p.1404, 310)

Or je delesse Celle raison et viens a la lëesce, Ayse de cuer et haultaine richesce Que un amant puet avoir de sa maistresse Si largement ; Au bien aussi et a l'amendement Que jeune cuer en son commencement Reçoit d'Amours pour son avancement, S'il a vouloir N'entencïon de jamais rien valoir. (Chart., D. Fort., 1412-1413, 166)

Cil qui tombe et se ressourt a mains de vergoigne que cil qui par honte de relever demeure souillé en la fange, et plus est louable bon amendement que vicieuse faulte n'est reprouchable. Car faillir est humaine imperfection, maiz discipline et correction sont oeuvres divines. (Chart., L. Esp., c.1429-1430, 106)

Maintefois je me suis efforcé de me perdre de tous pointz, et tousjours, Sire, te es efforcé de me radrecer et reduire, attendant mon admendement (Alecis, Dial. crucif. pèler. P.P., 1486, 35)

Amendement des moeurs

...il estoient icy venus pour tout le bien commun et par especial de ce royaume, et à la loenge et exaltation de la foy, à la correction des vices et amendement des meurs (Baye, II, 1411-1417, 260)

Venir à amendement

La mort du pecheur nullement Dieu si ne veult ne ne demande, Mais veult qu'il vive longuement Pour venir a amendement, Et qu'en vivant tousjours s'amende. (Régn., F.A., 1432-c.1465, 107)

3.Ce qui améliore la situation de qqn.

a)Progrès, prospérité, profit.

Mais j'atendoie bonnement Adès de lui l'amendement, Aussi comme uns vrais amans fait Qui aimme de fin cuer parfait Sa dame, et a adès amé (Mach., D. Aler., a.1349, 378)

S'amours me doinst joie et amendement De vous, a qui mon vrai cuer recommande, Vos pensées me sont commandement, Si ferai ce que vos cuers me commande (Mach., Voir, 1364, 1826)

Ainsi furent faittes les noepces de Pallidés de Hurtemer et de Dace de Cornuaille, et furent ensamble l'an ensieuvant en grant paix et amendement, car ilz restorerent le royaume de Cornuaille et fonderent la une cité (Percef. IV, R., c.1450 [c.1340], 875)

Avoir amendement de qqc. Tirer profit de qqc..

Et pour ce fere sans aucun deffaut, ledit Guillot doit avoir de nous 17 liv. parisis et un muid de bled, et avec ce nous devons fere demourer une de nos vaches en notre dite maison, de laquelle vache ledit Guillot aura le fruit, et aussi afin que nos gens en aient amendement quand ils iront. (Livre raison St-Martin-de-Pontoise D., 1454, 174)

[De Dieu] Octroyer amendement à qqn. Accorder la prospérité à qqn.

Lors ot le roy grant joye, et se dreca en son seant, et print l'espee par la poingnie que Uriiens lui tendoit et lui donna la collee en disant : Ou nom de Dieu, chevalier soiez, qui vous ottroit amendement. Et puis lui baille l'espee. (Arras, c.1392-1393, 119)

Et lors Gieffroy prist Hervieu, son nepveu, qui estoit a un genoil devant lui, et le leva entre ses bras en lui disant : Beau nepveu, Dieux vous octroit bon admendement. Et l'enfant lui respont : Grans mercis, beaulx oncles. (Arras, c.1392-1393, 216)

Octroyer amendement de corps et d'ame à qqn. Accorder la santé et la prospérité à qqn.

Seur soit vostre cuer et fiz Que c'est un fiz, ma chiére dame. Diex li octroit de corps et d'ame Amendement ! (Mir. Clov., c.1381, 248)

Par amendement. En constante amélioration.

Mes enfans, pensez d'amer et honnourer et porter et tenir bonne foy ly uns a l'autre. Je ne vous puis plus tenir compaignie. Je vous commande au vray Roy de gloire qui vous octroit paix ensemble et bonne vie et longue par admendement, et vous octroit bonne vertu et puissante victoire contre les ennemis de Dieu. (Arras, c.1392-1393, 123)

Or deprion la noble Dame Qu'elle soit garde de nostre ame, Et son Filz, nostre Creatour, Qu'il nous dont saulvement a touz, Et vivre par amandement En penczant ou Trespassement De celle Virge glorieuse (Trespassement N.D. G., 1484, 518)

[D'une chose] Estre amendement à qqn. Profiter à qqn.

CAYPHE. (...) Si nous seroit reproche a voir Ces larrons pendre toute jour. Par quoy, sans faire long sejour, Faictes leur froisser les genoulx Pour les faire mourir de coups, Puis les faictes jecter arriere. PILATE. Ha, messeigneurs, vostre priere M'est amandement ! Mais pensez Que j'ay du desplaisir assez Du faict de Jesus le prophete Et, si j'en ay sentence faicte, Si n'en suis je point consentant. (Michel, Myst. Pass. J., 1486, 422)

b)Aide, assistance, soutien.

Mettez y vostre amendement, Dame, par vostre doulx plaisir. (Mir. enf. diable, c.1339, 12)

La maniere de la feste, ce vous racompteray je par l'amendement de Benuicq, de Lyonnel et de Gadifforus. (Percef. IV, R., c.1450 [c.1340], 1135)

C. -Dédommagement, compensation.

1.Compensation, gratification.

La vi leurs cours plaine de gent, Et tout pour pourchacier argent, Atout boites a mandemens ; Mais bien petis amandemens Je y vi a plusieurs avoir (Chr. Piz., M.F., II, 1400-1403, 66)

2.Réparation.

Si s'en traioient par devers le roy d'Engleterre comme au plus droiturier signeur de toute crestienté, pour avoir vengance et amendement de ce fait qui regardoit à trop grant cose. (Froiss., Chron. L., IV, c.1375-1400, 185)

Hellas, messieurs, veillez a mercy prandre Ce povre homme qui pour l'amandement De ses meffaitz a voz piedz se vient rendre (La Vigne, S.M., 1496, 371)

Avoir amendement de qqc. Obtenir réparation de qqc..

Se je n'en ay plus tost amendement - De t'en poursuivre et en faire actïon Sans faillir, soies en seure, hardiement, En soustenant qu'a tort, mauvaisement, Tu l'as occise et tuee faulsement Et vueil mourir en ceste entencïon. (Hautev., Compl. H., c.1441-1447, 59)

Prendre amendement sur qqn. Avoir réparation.

[Une rixe] Nous ne le poons sousfrir, et n'en savons prendre milleur amendement que sus ceuls qui ont esmeu la rihote (Froiss., Chron. D., p.1400, 120)

Venir à amendement. Réparer une faute, s'amender.

...ces Espagnolz (...) nous ont fais pluiseurs despis ; et encores n'en viènent il à nul amendement (Froiss., Chron. L., IV, c.1375-1400, 88)