ETIQUE

adjectif et substantif

[T-L : etique2 ; GDC : etique ; AND : ethique ; FEW (IV, 396a) : hecticus ; TLF (VIII, 253a) : étique]

I. -Adjectif. Qui est atteint de fièvre consumante, d'étisie, qui est d'une extrême maigreur.

Qui du cors sont anïenté Et gasté comme sont tisique Et cilz aussi qui sont ethique, Tortue leur rent santé. (Best. lap. Rosarius S., c.1330, 117)

Anqui furent gari pluseur paralitique, Sourt, müet, clopt, goutus et fievreux et etique (Gir. Ross. H., c.1334, 292)

Et c'est aussy que cilz qui est etique qui a une chaleur tres grande et tres innaturelle es membres et ou corps partout generaument et est en fievre continuelment et, neantmoins, il ne le sent point par la longue coustume qui ainsy le habitue, et la chaleur dessus dicte et la fievre lui est aussy comme connaturelle. (Evr. Conty, Harm. sphères H.P.-H., c.1400, 64)

...et les pepins de dedens quant ilz sont cuiz comme aultres pommes sont bons pour gens qui ont la toux et qui sont etiques et si sont bons pour fryt de ventre et a restraindre le sang comme dient Pliton et Ysodores. (Best. hérald. H.E., c.1435-1450, 511)

...une maladie la print telle que a veue d'eul toute secchoit tellement que, selon le dit du phisicien de la royne, elle estoit brief eticque ou morte se son air naturel ne l'eust recouvree (La Sale, J.S., 1456, 270)

Oudit mois et an mourut aussi madame Marguerite de Bourbon, femme de Phelipe monseigneur de Savoye, contesse de Bresse, de maladie qui longuement luy dura ; et d'icelle maladie on n'y peut mettre remede qu'elle n'en mourust etique, dont fut grant dommaige, car elle estoit en son vivant moult honneste et bonne dame et pleine de grans biens et vertus. (Roye, Chron. scand., II, 1460-1483, 131)

La seconde doctrine est que l'omme se doit garder de courrousser, car ire et courroux samblablement seche le corps, pourtant qu'elle eschauffe tous les membres excessivement, et trop grande chaleur seche le corps et le fait ethique, comme dit Avicenne en la premiere distinction de la IIIe doctrine au premier chapitre. (Rég. santé corps C., 1480, 2)

Mon esprit fut comme demy estique De tant l'avoir tourmenté et brouillé (La Vigne, Ress. chrest. B., 1494, 107)

...ainsi que frenatiques, En ces boutiques chacun de vous s'enferme Et là-dedens, comme trop aquatiques, Demy-ethiques, dictes devotz cantiques, Tous fleumatiques, pendant aux yeulx la lerme (La Vigne, Compl. roy Bazoche M.R., 1501, 401)

Fievre etique. Fièvre qui consume et amaigrit.

Mais en ethique vieille compete lait et miel et brouet de chairs, touteffois miel en fievre ethique est moult nuysable (Gordon, Prat., c.1450-1500, I, 9)

...et l'appelon ethique vieille en telle maniere que la chaleur est moult estendue (Gordon, Prat., c.1450-1500, I, 9)

Etique est fievre continue d'une forme sans vice de humeur et le subget c'est le cueur (Gordon, Prat., c.1450-1500, I, 9)

Sextement note que vecy la maniere de venir en etique : quant le polmon ne peult souffisamment evacuer le cueur, les vapeurs demeurent qui eschauffent le cueur et puis tout le corps, et ainsi s'engendre etique et consumpcion, car la ou est etique, la est ptisique et non pas aultrement (Gordon, Prat., c.1450-1500, IV, 5)

Se c'est pour male complexion ou elle est trop chaulde ou trop froide et est plus souvent par la froide : ou pour ce qu'elle est trop seche et fait etique, ou trop humide et fait ydropisie (Gordon, Prat., c.1450-1500, V, 3)

Soif etique. Soif qui consume.

A toy [Geoffroy Chaucer] pour ce de la fontaine Helye Requier avoir un buvraige autentique, Dont la doys est du tout en ta baillie, Pour rafrener d'elle ma soif ethique (Desch., Oeuvres Q., t.2, c.1370-1407, 139)

II. -Substantif.

A. -Malade atteint de fièvre consumante.

Et quant vapeur seche deffault les cheveulx faillent et tombent et ne se rengendrent point, si comme es ptisiques et etiques et es comsumptis et es anciens la cause formale c'est le porre (Gordon, Prat., c.1450-1500, II, 1)

...car le laict de chievre est attrempé, come dit Avicenne au second canon, et est de grant [nourrissement] par quoy convient aux ethiques. (Rég. santé corps C., 1480, 80)

B. -Substantif féminin. Étisie.

Au maladie q'est nommé Ethique Envie est comparé. C'est un desnaturel ardour, Que deinz le corps u s'est entré De son chalour demesuré Arst comme ly fieus dedeinz le four (Gower, Miroir homme M., c.1376-1379, 47)

Ethique, une maniere de fievre : ethica (Gloss. gallico-lat. M.M., c.1425-1450, 215)

...et l'appelon ethique vieille en telle maniere que la chaleur est moult estendue (...) ...en ethique vieille compete lait et miel et brouet de chairs (Gordon, Prat., c.1450-1500, I, 9)

Voir aussi éticien