ESTANG

substantif masculin

[T-L : estanc2 ; GDC : estanc ; AND : estank ; FEW (XII, 232b, 233a) : *stanticare ; TLF (VIII, 218a) : étang]

A. -Pièce d'eau stagnante de faible profondeur, étang.

Pluto s'en va grant aleüre, Mais ne va trot ne ambleüre Eins samble que ce soit la foudre ; Il fait entour lui si grant poudre Qu'elle vole jusqu'a la nue. Proserpine a en mi tenue, Qu'il ne vuet pas que l'en la voie. Il scet bien la plus droite voie : Les estans dou souffre a passez Et d'autres mauvais pas assez. Dyane qui vit la merveille, Moult li desplaist, moult se merveille De Dis, qui la deesse en porte, Qui moult se pleint et desconforte. (Mach., C. ami, 1357, 87)

Vers les estans de Sicanie A Pluto sa voie acueillie. (Mach., C. ami, 1357, 88)

...ung loutre qui entre en ung estant (...) destruit tout le poisson que il y treuve. (Froiss., Chron. M., XIV, c.1375-1400, 19)

...le royaulme de France (...) est raempli de gros villaiges, de biaux pays, de doulces rivieres, de bons estans, de bonne prayeries (Froiss., Chron. M., XIV, c.1375-1400, 86)

Item, selon Aristote en Metheores, aucunes montaingnes sont tant hautes que elles passent la moienne region de l'aer, si comme est une appellee Caucasus et une autre Parnasus es quelles sont estancs (Oresme, C.M., c.1377, 706)

...lui et un varlet (...) ont esté oudit pays à un estanc appartenant aus doyen et chapitre de Paris, ouquel a une bouticle où l'en garde poisson (Reg. crim. Chât., II, 1389-1392, 69)

...environ a quatre ans, il vint servir ledit chevalier comme varlet, et par icellui chevalier fu commis à prendre garde à ses estans et bois, et, en ce faisant, servi ledit chevalier par l'espace de IIJ ans continuelz ou environ (Reg. crim. Chât., II, 1389-1392, 78)

Estoit aussi mescreu icellui Jehan, oudit hostel et en ladite ville, d'avoir emblé grant foison d'autre poisson ès estans d'icellui chevalier, et de le avoir vendu à Chastres soubz Montlehery et aillieurs. (Reg. crim. Chât., II, 1389-1392, 79)

Et les deux freres vont après, et treuvent le roy dessoubz un arbre, sus un estang, ou il attendoit le cerf que ly chien achassoient. Les deux freres se trairent a part, pour ce que ilz ne vouloient pas destourber le roy a veoir son deduit, lequel le perceut bien et leur en scot moult bon gré. Atant esvous venu le cerf, qui s'en vint ferir en l'estang. (Arras, c.1392-1393, 75)

...quant Remond fu venu a Nerbonne, qu'il fist faire robes de hermite pour lui, pluseurs et moult simples, et pour son chapellain et pour son clerc, telles qu'il leur appertenoit. Et puis se party et vint passer au destroit de l'estant de Salse, et passa par dessoubz le chastel, et vint a Parpagnen, et y jut la nuit, et le lendemain se party et passa la uellon et le pertuis, et vint au disner a Figiere, et au giste a Geronne. (Arras, c.1392-1393, 271)

Adont arriva a la fontaine de Salmacis, ou il ot un bel estanc cler et seri ; adont lui prist talent de soy baigner. (Chr. Piz., Ep. Othea L., c.1400-1401, 265)

...l'air troubles fumées, Principalement engendrées Des grans bouillons, fumiers et corps, Pourriz en terre et par dehors, Des lacz, palus et vieulx estangz, Et d'autres eaues arrestans De grans vallées et de fosses (La Haye, P. peste, 1426, 45)

Et ceulx qui font leur mansion En quelque lieu ou région Auprez des eaues néant clères, Soient lacz, estangz ou rivières, Et ceulx aussi qui ont les corps Rudes selon nature et fors, Et ceulx qui petit de vin boivent, Pevent tout seurement et doivent User d'aulx un peu par raison (La Haye, P. peste, 1426, 127)

...et pour la nuyt qui survint fut besoing a nos gens de retraire et d'eulz loigier sur le marois d'un estang (La Sale, J.S., 1456, 221)

Et alors les ditz Angloys saillirent sur eulx et en tuerent et firent noyer grant nombre en l'estangc du dit lieu (Gruel, Chron. Richemont L., c.1459-1466, 44)

Et, le dimenche ensuivant, cinquiesme jour dudit moys, environ huit heures du matin, desemparerent et partirent lesdiz seigneurs de Lorraine et de Suixe, et vindrent à Neufville, et oultre ung estang près d'ilec firent leurs ordonnances. (Roye, Chron. scand., II, 1460-1483, 37)

...en une isle enclose partie du Rosne, partie de la mer Mediterrene où sont estangs près ladite mer, lesquelz en esté se concellent en sel par l'ardeur du Soleil, tout ainsi que fait autre eaue en glace par froid. (Simon De Phares, Astrol., c.1494-1498, f° 87 v°)

Par métonymie. Droit de pêche dans un étang.

...monsieur l'abbé du Monstierneuf a de nouvel levé estang et banc de vin en son bourg (Reg. Poitiers F., t.2, 1463, 193)

B. -Au pluriel. Eaux du bief d'un moulin.

...au fermier dudit moulin a blé, pour ce que en appareillant les esseaus du grant estant de Brethueil les estancs furent lessez aler, par quoy il convint que ledit moulin cessast de mouldre par lespace de VI sepmaines, et pour ce fu rabatu audit fermier, sur ce quil povoit devoir dicelle ferme, pour chascune sepmaine I sextier de blé (Compte Navarre I.P., 1367-1371, 228)