ESPARGNER

verbe

[T-L : espargnier ; GDC : espargnier ; AND : esparnier ; DECT : espargnier ; FEW (XVII, 165b) : *sparôn ; TLF (VII, 1298b) : épargner]

I. -[Idée de réserve qu'on ménage, d'utilisation parcimonieuse de qqc.]

A. -Emploi transitif. [L'objet désigne uns chose]

1.Ménager, économiser (l'argent, un bien).

...quant il sera temps Baudeuins, le miens fils, Sera plus noblement mené hors du pays : N'espargneray avoir où que je l'aye pris. (God. Bouillon R., t.2, c.1356, 6)

Se sage homme encien en ta terre N'as, si l'envoie en autre querre, Et ne te chaille qu'il te couste ; N'i espargne [var. espergne] riens, car sans doubte, Il gaaingnera bien sa despense, S'a tes besongnes de cuer pense. S'aucune chose t'abellit, N'i pren mie si grant delit Que tu en perdes tes besongnes. (Mach., C. ami, 1357, 134)

...quant il sera temps Baudeuins, le miens fils, Sera plus noblement mené hors du pays : N'espargneray avoir où que je l'aye pris. (God. Bouillon R., t.2, c.1356, 6)

Vous irez en Chypre ; ordenez Que nous aiens planté de nez, Des milleurs et des plus seüres ; Et s'amenez des armeüres Quan que vous en porrez avoir ; Et n'espargniez pas nostre avoir. (Mach., P. Alex., p.1369, 52)

Si qu'à Paris vous en irez, Et là pourveance ferez Pour nos chevaliers et no gent, Et n'i espargniez n'or n'argent, Mais faites là si grandement Et si très honnourablement, Qu'il ne soit chose qui y faille, Car trop seroit notable faille S'il y avoit aucun deffaut (Mach., P. Alex., p.1369, 235)

Et ainsi espargnier a pecune seroit mal ou avoir choses saines seroit mal ou tous les .II. (Oresme, E.A., c.1370, 403)

...lui estant en la ville de Bourges en Berry, sur un cousturier où il avoit ouvré, demanda à un des varlès oudit hostel, avecques lequel il avoit ouvré, de quel part ne là où il avoit tant espargnié d'argent qu'il avoit en sa bourse (Reg. crim. Chât., I, 1389-1392, 135)

Qant il furent venu a Valenchiennes, il se logierent a leur aise et i furent recheu a joie. Et les regardoient toutes gens a mervelles, pour le grant estat que il tenoient, car il n'espargnoient nulles riens, non plus que argens lor apleuist des nues, et açatoient toutes coses le pris que on lor faisoit. (Froiss., Chron. D., p.1400, 253)

Pour ce vous, madame ma mère, qui avés mon sceau, n'espargnié point ma terre par vente ne par engage (Cartul. Laval B., t.3, 1429, 78)

Pour vous n'ay espargnay du myen, Or suis pouvre, plain de foiblesse : Pour Dieu, faictes moy quelque bien, Veu que m'a desrobé Veillesse. (CH. D'ORLÉANS, Rond. C., 1443-1460, 529)

...je ne vous laissay pas tant d'argent a mon partir, et si n'en povez tant avoir espergné que pour avoir acquis tant de vaisselle (C.n.n., c.1456-1467, 463)

Nulle despence ne soit chere ; N'espargnhés riens, ainsi le veulx. Chantés, dancés, laissés tout deul Et menés tous joyeuse vie (Pass. Auv., 1477, 88)

Bastard de Bourbon, lequel estoit très gentil, vaillant et loyal chevalier et qui bien servoit leaument le roy et la couronne de France et n'espergna oncques chose qui feust à luy pour employer au service du roy, et a eu tousjours aussi grant esgard pour mener les affaires du roy son maistre autant et plus qu'il n'a fait les sciennes. (Le Clerc, Interp. Roye, c.1502, 203)

[Prov., sentence] Moult espargne de bien celui qui ne les a. Ce qu'on n'a n'a pas il est facile de ne pas le dépenser.

...Pour le saint jour de Pasques qui demain adjourra, Ne boit on point de vin en nostre ost par dela ; Deci jucque a demain nous n'en buveron ja. - Par ma foy, dist Bertran, on a dit de pieça : Moult espargnie de bien celui qui ne les a. (Cuvelier, Chans. Guescl. F., c.1380-1385, 250)

Sans espargner or ni argent. Par tous les moyens.

LE ROY DE PARTHES. (...) Et amasserons tant de gens, Sans esparnier or ny argens, C'on le sera par tout le monde, Tant comme il dure a la ronde, Pour destruire ces faulx Romains Qui nous ont mis du plus au mains. (Myst. st Adr. P., c.1450-1485, 12)

Il n'y a rien d'espargné à une entreprise. On fait toutes les dépenses nécessaires (pour une entreprise).

...aultres officiiers (...) presenterent a la roine et a son fil (...) chevaus et palefrois si bien aournés de tout ce que a euls apertenoit que riens n'i avoit espargniet. Et laquelle cose la roine d'Engleterre vei moult volentiers (Froiss., Chron. D., p.1400, 65)

Li rois d'Engleterre et la roine, quoique il fuissent a siege devant Calais, se apparilloient de grant poissance, et metoient ouvriers en oevre ; et n'i avoit riens espargniet de cambres, d'abis, de rices jeuiauls, pour donner au jour des espousailles. (Froiss., Chron. D., p.1400, 805)

Emploi absolu.

La appert qui a espargnié Et bien a prouffit besongné (Chr. Piz., M.F., I, 1400-1403, 105)

Participe présent en emploi substantival. Celui qui est économe.

Et ceuls que nous appellons tenans ou espargnans ou avers ou chetifz ou semblablement, tous telz deffaillent en donacion. (Oresme, E.A., c.1370, 239)

infinitif substantivé. Économie.

...et il soubzmettre se vaulsist aux plaisirs et services des dieux Momonna, de Venus et de Bacus : les dieux d'avarisse, de luxure et du vin, combien que Bacus et Venus soyent plus sur la despense que sur l'espargnier (La Sale, Sale D., 1451, 246)

2.[Domaine de la nourriture]

Ne pas se priver de qqc..

...il descouvroit bien viande, et point n'espargnoit le boire. (C.n.n., c.1456-1467, 487)

Ne rien espargner. Ne se priver de rien.

D'autres aussi y avoit, et aussi le premier chambelan du roy, messire Burel de La Riviere, beau chevalier, et qui certes tres gracieusement, largement et joyeusement sçavoit accueillir ceulz que le roy vouloit festoier, faire liement et à grant honneur les messages que le roy mandoit par lui à yceuz estrangiers, les aler souvent veoir et viseter en leurs logis, leur dire de gracieux et beaulx moz et que le roy les saluoit et leur mandoit qu'ilz feissent bonne chiere, n'espargnassent riens, et toutes telz gracieuses paroles (Chr. Piz., Faits meurs Ch. V, S., II, 1404, 88)

Espargner qqc. à qqn. Priver qqn de qqc..

Sur piez commanda aux cappitaines de son chastel et de sa ville et aux portiers qu'ilz laissassent entrer tous ceulx qui voudroient venir des gens de son filz, et oultre qu'on leur appareillast et delivrast vivres et que tout ce qui y seroit leur fust miz en avant et que on ne leur espargnast riens. (Bueil, II, 1461-1466, 192)

3.Espargner une chose quelconque

Ne pas abuser de (tel geste, des effets de telle action...).

Espargniez vostre doulx attrait Et vostre gracieux parler, Car Dieu scet les maulx qu'ilz ont fait A mon povre cueur endurer. (CH. D'ORLÉANS, Ball. C., c.1415-1457, 21)

...il prestoit ses yeulx a l'ostesse, sans espargner par dessoubs la table le gracieux jeu des piez (C.n.n., c.1456-1467, 219)

Conserver précieusement, garder intacte (une partie du corps).

...comme aux engins de guerre, dont les Rommains defendoient le Capitole de Romme, feust defailli le cordage, les dames de Romme firent couper leurs blons cheveux et bailler pour faire cordes et secourir a la publique necessité, et consentirent leur plus chier et naturel adournement estre converti en rude mistere et traitié par les dures mains d'ouvriers mecaniques ce que depuis l'eure de leur naissance avoient espargné sur leurs chiefs et de leurs mains soigneusement cultivé. (Chart., Q. inv., 1422, 32)

4.Espargner un bien non évaluable en argent

Ménager qqc..

Item, quant il s'i expose il le fait forciblement et hardiement, senz espargnier a sa vie, aussi comme se il reputast du tout que vivre n'est pas chose digne d'estre espargniee en tel cas. (Oresme, E.A., c.1370, 253)

Son mary lui commanda que, comment qu'il fust, qu'elle fist tant qu'il eschappast sans mort, et qu'elle n'y espargnast ne son corps, ne son honneur, ne autre chose pour le sauver et rescourre sa vie. (Ménagier Paris B.F., c.1392-1394, 80)

Je veue à Dieu mon createur, à Nostre-Dame, aux dames et au faisant, que de la commission et charge de guerre que monseigneur le duc de Bourgoingne me baillera en ce très saint voyage, je me acquicteray sy bien et leaument à mon pooir, que nul ne porra dire à la verité, que j'aye espargnié mon corps et ma chevance. (Escouchy, Chron. B., t.2, a.1465, 168)

Et ne y espargnent ne corps ne biens pour la grant ardeur d'amour qu'ilz ont a luy. (Fillastre, Traité Conseil H., c.1472-1473, 220)

Épargner (à) sa vie. Ménager sa vie.

Item, quant il s'i expose il le fait forciblement et hardiement, senz espargnier a sa vie, aussi comme se il reputast du tout que vivre n'est pas chose digne d'estre espargniee en tel cas. (Oresme, E.A., c.1370, 253)

Item, en tel cas il ne espargne pas la vie. (Oresme, E.A.C., c.1370, 254)

...et n'y espargna [Curtius] pas sa vie pour la chose publique sauver (Juv. Urs., Loquar, 1440, 379)

Et moy, comme vostre très humble serviteur et povre parent, me suis retiré en voz pays pour y vivre et mourir, sans espargner ma vie ne mes biens où il vous plaira m'employer pour vous. (Le Clerc, Interp. Roye, c.1502, 348)

Nous prions Dieu qu'il nous doint la grace de vous y faire le service tel que nous desirons et que esperons faire ; et povez estre asseuré que noz vies n'y seront point espargneez pour ce faire. (Le Clerc, Interp. Roye, c.1502, 392)

[Par litote]

Ne rien espargner pour + inf. Tout faire pour.

Il n'est riens c'on doie espargnier Pour lui faire santé avoir (Mir. st Sev., 1362, 197)

Ne rien espargner que ne + subj. Tout faire tant que tel but n'est atteint.

Si qu'il n'est doleurs ne meschiez Dont cuers d'amans soit entechiez, Qui soit de si triste marrien Com celle qui n'espargna rien Que Hero ne meïst a mort Pour son ami qu'elle vit mort, Ne nuls n'en porroit par raison Faire juste comparison, Ne que de fiel encontre baume. (Mach., J. R. Nav., 1349, 250)

B. -Emploi intransitif ou pronominal. [D'une pers.]

1.(S)'espargner. Se ménager, ne pas prendre de risques.

...chevalier et esquier joustoient sans euls espargnier (Froiss., Chron. D., p.1400, 66)

Pour lors li rois d'Engleterre estoit en la flour de sa jonece, et point ne s'espargnoit, mais s'aventuroit en la bataile aussi aventureusement conme nuls de ses chevaliers (Froiss., Chron. D., p.1400, 407)

Li dis Gerars de Malain n'espargnoit point, mais se desfendoit de grant volonté et par bonne ordenance. (Froiss., Chron. D., p.1400, 544)

...et certes il frequentoit les joustes en icelluy temps et gaignoit bruict et prix, et enduroit le faiz et le travail, et donnoit et recepvoit grans coups, sans soy espargner, comme se c'eust esté ung pauvre compaignon qui desirast son advancement à ce mestier. (La Marche, Mém., II, c.1470, 334)

Allons ! Jupiter nous conduye Et nous ramaine en Rommanie Ainsi joyeulx comme en partons ! Sur les champs ne nous espargnons Sur la peine qu'il apartient. (Myst. st Laur. S.W., 1499, 154)

2.S'espargner de qqc. S'abstenir de qqc..

...à quoy ce duc, tout ennemy qu'il estoit, oncques toutesvoyes ne contendist, ne n'y mist peine, mais par diverses fois et en pluseurs lieux là où il veoit matière disposée à ce pouvoir faire virtueusement, s'en est contenu en pitié et s'en est espargné par compassion du noble royal sang (Chastell., Chron. K., t.2, c.1456-1471, 89)

3.S'espargner à/de + inf. Hésiter à, renâcler à.

LE DEUXIESME SERGENT. (...) Or ça, vezci de quoy Il sera batuz, conme fol, Dès les rains aval jusqu'au col. Avant ! chascun la seue prengne, Et de bien ferir ne s'espargne Sur ce dur dos. (Mir. st Val., c.1367, 161)

...comme gens crueulx n'espargnent communement à faire leurs desloyaultéz en traison ou autrement, pour ce que Joab en traison et par maniere de treves tua Abner, et aussi en signe de baisier occist Amasan, fu cellui tué dedans le temple, si que il est escript ou second chapitre du tiers livre des Roys. (Chr. Piz., Paix W., 1412-1413, 144)

Ja ne m'y verrez espargnier D'entrer le premier en la guerre (Myst. st Adr. P., c.1450-1485, 58)

LE SOT. A bien boutter il ne s'espargne, Mais il a oublié Cocaigne Ou il fut nommé coquillon. (Gaud. sot, c.1450, 11)

4.S'espargner que

Se dispenser de.

Je ne me vueil mie espargnier Qu'avec vous n'aille. (Mir. st Alexis, 1382, 290)

Éviter à soi-même que.

...La desesperée, la fole, Qu'amours honnist, qu'amours afole, L'espée d'Eneas trouva Et en son corps si l'esprouva Qu'onques ne se pot espargnier Qu'en soy ne la feïst baingnier. Dont elle morut a dolour Pour amer, et par sa folour. (Mach., J. R. Nav., 1349, 209)

II. -[Idée de dommage, de désagrément évité]

A. -Emploi transitif. Espargner qqn

1.Traiter qqn avec indulgence, ménager qqn.

Mais tu, quiconques es, ou seras, prince romain, remembre toy que tu doies savoir les peuples gouverner, espargnier as subjects et debeller les orgueilleus. (Oresme, E.A., c.1370, 98)

...et ne espargne point ton ennemy, mais luy monstre ta puissance (Juv. Urs., Verba, 1452, 312)

'...je vous recommande vostre [l. nostre] abbé et vous prie que l'espargniez un petit.' (La Sale, J.S., 1456, 281)

Mais selon la verité ce estoit avaricieuse rapacité qui ne espargnoit homme, ne femme, ne petis enfans, que tout ne fust ravis, rifflé, maintenant par fraude renardique, maintenant par violence loupine, maintenant par occision leonine. (Gers., Noël, p.1404, 309)

Ferés bien fort, baptés, roillés Jusques au sang soit tout moillés. Or sus, varlés, prouvés vous bien, Ne l'espargnéz ne que ung chien. (Pass. Semur D.M., c.1420 [1488], 196)

Or y pensez, belle Gantiere, Qui escolliere souliez estre, Et vous, Blanche la Savetiere, Or est il temps de vous congnoistre : Prenez a destre et a senestre, N'espargniez homme, je vous prie, Car vielles n'ont ne cours ne estre Ne que monnoye qu'on descrye. (Villon, Test. R.H., 1461-1462, 57)

LE TEMPS. N'espargnez ne frere ne seur, Perrin, compere ne commere, Mesmes ton pere ne ta mere Ne dois espargner. (Sots triumph., c.1475, 46)

LE PREMIER. Ilz frappent a cul descouvert, S'en donne garde qui vouldra. Carmes, cordeliers et chanoynes, Jacobins, augustins et moynes, Mauldit (soit) qui les espergnera ! (Rapp., c.1480, 64)

Proverbe. Celui nuit aux bons qui espargne les mauvais

...ilz [les gouverneurs des cités] doivent prudentement obvier et contredire aux mauvais et les pugnir, car Senecque dit : 'Celuy nuyst aux bons qui espareigne et ne pugnist les mauvais.' (Colart Mans., Dial. créat. R., 1482, 128)

Emploi absolu.

LUCIFER. Je veul doncques sans espargnier Le gecter en la grant fornaise, Et le tourmentez a vostre aise. (Myst. st Adr. P., c.1450-1485, 63)

Item, a maistre Jehan Mautaint Et maistre Pierre Basannier, [Je lègue] Le gré du seigneur [Robert d'Estouteville] qui attainct Troubles, forfaiz, sans espargnier ['sans ménager les auteurs des forfaits'] ; Et a mon procureur Fournier, Bonnetz cours, chausses semelees Taillees sur mon cordouennier, Pour porter durant ces gelees. (Villon, Lais R.H., c.1456-1457, 21)

Traiter (un adversaire) avec humanité.

...on verra comment il se defendra de vostre habillement de guerre. Si vous l'espergnez, je frapperay sur vostre teste (C.n.n., c.1456-1467, 57)

Laisser la vie sauve à qqn, faire grâce à qqn.

Espargniez moy, si ferez bien : Sachiez pour voir que nulle rien Ne sens de chose c'on me face : Gardée sui par la Dieu grace. (Mir. femme, 1368, 218)

C'est Tourtouze, Liche et Valence, Et maintes grandes et petites, Qui de peler les aus sont quittes, Car c'est tout mors et mis en cendre, Sans espargnier homme ne prendre. (Mach., P. Alex., p.1369, 213)

'...Et ne vous faindés pas de euls porter contraire et damage, se vous poés, car qant il enteront en nostre pais, il ne nous espargneront point.' (Froiss., Chron. D., p.1400, 375)

...gens d'armes et archiers qui encauçoient les fuians, faisoient grans occisions, car honme n'estoit espargniés qui ceoit en lors mains. (Froiss., Chron. D., p.1400, 691)

Et de ce dit Seneques que 'c'est vraie clemence de esparnier autry sang sy come le sien' ; et a la verité, c'est chose naturele de esparnier la personne miserable. (Evr. Conty, Eschez amour. mor. G.-T.R., c.1400, 565)

Tout sera mis en feu et flamme, Sanz espargner homme, ne femme. (Chr. Piz., M.F., I, 1400-1403, 136)

Comme Codrus, le roy des Atheniens, qui ot en responce des dieux que, s'il mouroit en la bataille qu'il menoit, que victoire seroit pour lui, et combien que ceste responce feust venue a la cognoissance de ses ennemis et que defence feust faicte que nul ne se embatist a ferir Codrus, toutesvoies il changa son abit royal en abit de saquement, afin que nul ne l'espargnast, et par sa mort acquist victoire a son peuple et a sa cité sceurté de ses ennemis. (Chart., Q. inv., 1422, 53)

[De la mort]

La mort prent tout et n'espergne ame (Myst. Viel test. R., t.2, c.1450, 263)

...mort est maistresse Qui n'espergne foyble ne fort. (Myst. Viel test. R., t.2, c.1450, 323)

O mort (...) Tu n'espargnhes grant ne petit ; Au jour d'uy tu m'as desconfie. (Pass. Auv., 1477, 130)

Espargner un animal Ménager, s'abstenir de surmener (une monture).

'Monte sus mon coursier tantost et ne l'espargne point, et chevauce devers le garnison de Pierepont.' (Froiss., Chron. L., V, c.1375-1400, 139)

2.Exempter, dispenser qqn.

...la Court a commendé et enjoinct à Robert Chaurre que, sans deport aucun, de cy en avant, et sans aucun espargner, il lieve les amendes ordonnées pieça des advocas et procureurs (Baye, II, 1411-1417, 3)

Espargner qqn (de qqc.)

Dispenser, exempter qqn (de qqc.).

Noble duc, la cité et nous sommes du tout en vostre commandement, plus que a seigneur marchissant que nous ayons. Et ne nous espargniez de chose que nous puissions faire, car nous en sommes tous prests, et ore et autresfoiz. (Arras, c.1392-1393, 176)

Par antiphrase. Exempter (une épouse du devoir conjugal).

...monseigneur, pour changer voire et madame espergnier (...) passa le temps comme il souloit avecques les belles et bonnes. (C.n.n., c.1456-1467, 84)

Et je le croy bien, respondy Flourette, pieça ne m'avint d'avoir si bonne nuit car ce songart Joquesus mon mary, ne me fist ne chou ne quoy voire au moins qui vaille, passé a plus de .IX. jours ; je croy qu'il face sa neuvaine a quelque sainct. Maupreu lui puist il faire de me ainsi espargnier ! (Ev. Quen. I, c.1466-1474, 106)

Éviter qqc. à qqn.

...iceulx conseilliers (...) furent d'oppinion que elle estoit digne de souffrir mort comme sorciere, c'est assavoir estre arse, et que de ce l'en ne la povoit espargnier, veues les choses dessus dites (Reg. crim. Chât., II, 1389-1392, 312)

...la Court a commendé et enjoinct à Robert Chaurre que, sans deport aucun, de cy en avant, et sans aucun espargner, il lieve les amendes ordonnées pieça des advocas et procureurs (Baye, II, 1411-1417, 3)

Espargner qqn que ne pas + subj.

Dispenser qqn de.

Et le meir ressut les viscount en la Gildhall, par le comandement le roy, pur eux esparnier q'ils ne alassent en Gales. (Chron. London A., c.1350, 15)

Éviter à qqn de.

... [ils] delibererent et furent d'oppinion que l'en ne le pourroit espargner qu'il ne feust executez comme larron (Reg. crim. Chât., I, 1389-1392, 209)

... [ils] delibererent et furent d'oppinion que l'en ne povoit ne devoit icelle prisonniere espargnier que elle ne feust tournée ou pilory (Reg. crim. Chât., II, 1389-1392, 254)

3.Épargner à + inf. S'abstenir de.

...gens d'armes (...) se boutoient toudis ens es plus drus et ne les espargnoient à ochire et à abatre non plus que chiens. (Froiss., Chron. R., XI, c.1375-1400, 23)

...le poeuple fastidieux et non congnoissans l'estimacion des grans services qu'il [Coriolan] leur avoit fais et qui espargnié n'avoient pas a le condempner honteusement (La Sale, Sale D., 1451, 104)

Et toy, France, ne espargne point a contenter Angleterre du meuble de tes trois estas (Juv. Urs., Aud. celi, 1435, 270)

Espargner (à) qqn à/de + inf. Éviter à qqn de.

Dame, pour voz piteux regrez De vous dire sommes touz prez Que d'ardoir vous espargnerons (Mir. fille roy Hongrie, c.1371, 59)

...veue ladite confession, l'en ne povoit espargnier ledit prisonnier à estre mis à question afin de savoir la verité de ses autres mesfaiz (Reg. crim. Chât., II, 1389-1392, 523)

...les sergens du pais de Normendie exigent et extorquent indeuement des subgiez de leurs sergenteries plusieurs sommes de deniers et autres choses pour espargner ceulx qui leur donnent d'aler aux veues, informacions et autres exploiz de justice, par quoy plusieurs foiz la verité des contens ne peut estre sceue, pour ce que les plus prochains et mielx savans n'y sont fait venir (Echiq. Normandie S., 1400, 109)

B. -Espargner qqc.

1.Faire en sorte que qqc. de pénible n'ait pas lieu.

...et pur esparnir effusion de sank christiene (Bille roi Anglet. D., 1369, 140)

2.Ne pas endommager, ne pas détruire qqc..

Et puis entrèrent en la terre dou signeur de Chastiel Nuef : si fu toute courue ossi sans point espargnier. (Froiss., Chron. R., VIII, c.1375-1400, 174)

Seur la mer de Triple chevauche, Mais il n'i a maison de bauche, De terre, ne d'autre marrien Qu'il n'arde, et n'i espargne rien. Souvent s'espée en sanc a taint, Chascuns tue quanqu'il ataint. (Mach., P. Alex., p.1369, 212)

Locution. [Idée d'attention portée à]

N'espargner ne haie ne buisson. Courir aussi vite que possible.

Et Aymes s'enfuï faisant grant plorison. Onques n'i espargna ne haie ne buisson. (Bris., Restor paon D., a.1338, 71)

[D'un cheval] N'espargner ne mont ne val. Aller grand train.

Despit est monté ou cheval, Qui n'espargne ne mont ne val ; Saus de biche fait sans mentir Quant li fait l'esperon sentir. (La Buigne, Rom. deduis B., 1359-1377, 237)

N'espargner ni estoc ni souche. Faire de grans efforts.

Adonc le roy met cor a bouche, Qui n'espargne n'estoc ne souche, Si commence fort a corner. (La Buigne, Rom. deduis B., 1359-1377, 376)

N'espargner ne pers ne bleu. Faire qqc. sans retenue.

Mengiés pour deux ou pour trois jours ; Buvés souvent, mettés tousjours, Sans espargnier ne pers ne bleu, (Molinet, Faictz Dictz D., 1467-1506, 784)

Emploi absolu. Sans épargner. Sans ménagement.

Ferez sus eulz fort, mes amis, Sanz espargnier. (Mir. fille roy, c.1379, 75)

III. -Au figuré. [Idée de restriction] Espargner qqn/qqc. Laisser de côté, excepter qqn ou qqc..

Tu es, toy seul, des pars occidentalles En devalant jusqu'aux orïentalles, Le reffuge de tous plaisirs haultains, Le subjugueur de toutes les Ytalles Et le confort des villes capitalles, Sans espargner celle aux Nappolitains. (La Vigne, V.N., p.1495, 172)

Ce dit jour mesme, le pape chanta messe Au grant autel de Saint Pierre de Romme, Le roy present et toute la noblesse Du sang royal, tres grans seigneurs qu'on nomme Les chevaliers de l'ordre, et autres comme Grans capitaines, conducteurs, gouverneurs, Gens d'ordonnances, gentilz hommes, seigneurs, Et oultre plus, sans ung seul espargner, Tous les Françoys et estrangiers plusieurs Vindrent illec pour les pardons gaigner. (La Vigne, V.N., p.1495, 236)