ESPANDRE

verbe

[T-L : espandre ; GD : espandre1 ; GDC : espandre ; AND : espandre ; DECT : espandre ; FEW (III, 302) : expandere ; TLF (VII, 1294b) : épandre]

A. -Au propre.

1.[L'objet désigne un liquide]

a)Emploi transitif. Verser (un liquide), le répandre.

...et quant lesdictes lamproyes seront bien et appoint embrochees, si les lavés bien et appoint aveques ledit bon vin claret - et le retenés et puis le mectés avecques le sang et si ne le espandés point (Chiquart, Cuis. S., 1420, 162)

Verser (l'eau baptismale).

A tout ton nom je te baptise De ceste yaue que truis cy preste, Que je t'espanz dessus la teste (Mir. st Lor., 1380, 170)

Par métonymie. Espandre un récipient. Répandre le contenu (d'un récipient), le vider.

...le pecheur parle a Dieu qui voit son cuer et pour ce le confesseur n'est que l'oreille Dieu, doncques la bonne nonnain doit en humilité et en cremeur tout son cuer espandre devant lui aussi comme on espant plein pot d'eaue, si comme dit l'Escripture. (Frère Robert, Chastel perill. B., c.1368, 281)

...et incontinent espandi ladite chopine de vin et en demanda avoir une autre chopine de vermeil, que elle qui parle leur ala traire (Reg. crim. Chât., II, 1389-1392, 497)

Espandre du sang

Verser le sang (en blessant, en tuant qqn).

...il fault païer ausdiz habitans et parrochiens, pour le sanc qui fu espendu dedens ladite eglise pour ledit fait, à l'evesque de Paris, douze livres par., pour icelle eglise reconcilier et regenerer (Reg. crim. Chât., II, 1389-1392, 224)

...tant plus voient de sanch espars et espandu, et tant sont il plus hardi et outrageus. (Froiss., Chron. D., p.1400, 778)

.. 'Messagier ! Comment me poeut requerir d'amours mon anemy qui malvaisement a destruit mon royaulme ? Il a beaucoup espandu du sang de mes amis et de mon poeuple. Je vous respons que ainçois pardestruira il tout le residu que je face en rien sa voulenté.' (LEFÈVRE (R.), Hist. Jason P., c.1460, 134)

Et, après qu'ilz furent tous ainsi tuez et murdris, y survint et se y trouva ledit de Bourgongne, qui, tout à cheval, entra dedens ladicte eglise, en laquelle y avoit bien demy pié de hault du sang espandu des povres creatures ilec estans, qui à ceste heure estoient tout nuz gisans ilec mors. (Roye, Chron. scand., I, 1460-1483, 270)

Cestui predist moult veritables l'orrible temps et la grande clameur du sang espandu ou resne d'Allexandre. (Simon De Phares, Astrol., c.1494-1498, f° 57 v°)

Espandre son sang. Donner sa vie (pour une cause).

...car pour elle reparer il [Jhesu] espandi son precieux sanc (Mir. Oton, c.1370, 317)

Il doit avarice hair, Ouir messe, Dieu reclamer, Son prince et son seigneur amer, Son sang pour Jhesucrist espandre Et le menu peuple deffendre, Afin qu'il puisse labourer, Et les nobles, par leur oeuvrer, Aient sur yceulx leur estat. (Desch., M.M., c.1385-1403, 76)

...Jhesu Cris (...) volt mort recevoir en crois pour nous et son sanch espandre (Froiss., Chron. D., p.1400, 165)

Pour sa contree s'armera, Son prince de cuer amera, Et pour lui espandra son sanc, Se mestier est (Chr. Piz., Chem. estude P., 1402-1403, 183)

Espandre (ses) larmes

...maintenant hastivement se lieve pour priier, les genoux sont flechis sur la terre et, par larmes souvent espandues, la face est purgee qui par avant estoit soullee. (Daudin, De la erudition H., c.1360-1380, 435)

La vi mes bons amis entiers, Comment cascuns y fist tant d'armes Que puis en furent moult de larmes Esplorees et espandues Et moult de dames esperdues Pour leurs signeurs et leurs maris (Froiss., Pris. am. F., 1372-1373, 130)

Pour ce vous pri, Plourez avec my, Mi loyal amy ; Espandez vo plour seur mi Pour moy faire plus doloir, Et je vous di Que mi anemi Seront assevi, S'il voient partir par mi Mon dolent cuer sans espoir... (Mach., Les lays, 1377, 437)

...pluseurs femmes ont larmes a commendement qu'elles espandent toutesfoiz ou le plus souvent qu'elles veulent (C.n.n., c.1456-1467, 93)

Espandre sa semence

Vulca[i]ns long temps la poursuï [Pallas] Et elle tousjours le fui. Li ennemis et li maufés Fu une fois si eschaufés Que son germe en terre espandi. La terre s'ouvri et fendi Et de ce la terre conçupt Un enfant que Pallas receupt. (Mach., Voir, 1364, 692)

Emploi pronominal.

...car se le vit ne tendoit l'esperme ne se pourroit espandre en la matrice et pour ce ventosité y est necessaire (Gordon, Prat., c.1450-1500, VII, 1)

b)Emploi intransitif ou pronominal. Se répandre.

La dame vit son let qui ainsy espandoit (à la suite d'un miracle) Ses mains joint vers le ciel et Jhesus en looit ; Et a dit doucement : son filz alaitteroit (Tristan Nant. S., c.1350, 593)

Quant un vaisel plain d'yaue est isnelement tourné en circuite puis desus puis desouz, l'eaue demeure ou vaisel sans espandre et sanz cheoir pour la force du mouvement. (Oresme, C.M., c.1377, 302)

Ce semble paradis terrestre, Les fonteines y sont sourdans, Dont les rus en vont espandans Par tout le monde, a grant randon. (Chr. Piz., M.F., I, 1400-1403, 118)

[De la pluie] Tomber.

...lors, espendu Est une grant pluye en tel fourme Comme jadiz (Chr. Piz., M.F., III, 1400-1403, 270)

2.[L'objet désigne une substance plus ou moins molle (surtout la cervelle dans un contexte de bataille)]

Emploi transitif.

...Ilz ne pevent pas cheir sur nul home vivant Que bien ne lui effondrent son hëaulme luisant, Et toute la cervelle avec lui espant. (Tristan Nant. S., c.1350, 474)

Emploi factitif.

...et ly fendirent la teste de jusarmes, puiz que fu abatu de son cheval, et ly firent espendre la cervelle de la teste sur le pavement (Baye, I, 1400-1410, 206)

Emploi intransitif ou pronominal. Se répandre.

Einsois la teste li fendi, Si que la cervelle espandi. Apres il li copa la gorge D'un coustel de mauvaise forge, Que mal fust il onques forgiez (Mach., P. Alex., p.1369, 270)

Et quant vous croyrez que le miel soit cuit, pour essayer s'il est cuit, ayez de l'eaue en une escuelle et faictes degouter en icelle eaue une goucte d'icelluy miel ; et s'il s'espand, il n'est pas cuit. Et se icelle goucte de miel se tient en l'eaue sans espandre, il est cuit. (Ménagier Paris B.F., c.1392-1394, 279)

3.[L'objet désigne une chose concr. que l'on peut étendre, disperser, déployer...]

a)Étendre en éparpillant.

...et est et sera tenus ledit Jehan, par chascun an du dit temps, mettre et espandre tout le fiens es dites vingnes que les diz religieus vouldront faire mener pres des dites vingnes et de chascune piece d'icelles vingnes (Chartes Abb. St-Magl. T.F., t.3, 1380, 498)

En ma chambre a bon aromas De cynamon, mirre, alloé, Qu'espandu ay, et alloé Sur mon lit escarlatte d'Ypre, Balme et encens, oyseaulx de Chippre : Vien au lit de nouvel paré Que je t'ay ainsi preparé (Desch., M.M., c.1385-1403, 189)

...il qui parle ot huit noëz desdites poisons, desquieulx il mist l'un en une fontenne sur le grant chemin de Paris, entre Chartres et la Ferté, et les y getta toutes espandues, senz drapel, pource que elles estoient desvelopées en sa tasse (Reg. crim. Chât., I, 1389-1392, 436)

...une femme nommée Marion (...) laquele lui aprint à dire : Ou nom du Pere, du Filz et du Saint-Esperit, et que elle ne lavast point ses mains au dimenche (...) prenist du chenevis et espandist au devant d'elle plain poing (Reg. crim. Chât., II, 1389-1392, 281)

...et par tous les lieux ou il [Moïse] les espandit [des fleurs] elles y sont encores aujourd'uy proprement figurées, en telle maniere que vous ne sauriés rompre la roche en tant de lieux, que tousjours vous n'y doyez veoir l'empraincte de la fleur si proprement figurée comme nul painctre la sauroit faire. (Voy. Jérus., c.1395, 47)

Elle fist baloiz courre par tout, espandre la belle herbe vert partout en sa chambre (C.n.n., c.1456-1467, 571)

Et à chascune fois portoit ung sac plain de poudre à canon, laquelle il espandit et semit sur ledit pont de claies, et d'icelle feist une trainnée jusques à laditte breche, en quoy faisant il se mist en très grant dangier ; mais neantmointz paracheva son entreprinse ainsi qu'il luy avoit esté enchargé. (Le Clerc, Interp. Roye, c.1502, 291)

Par métonymie. [Dans un cont. métaph.] Répandre le contenu de qqc..

Espandons devant eulz le sac de nostre povreté espirituelle, car plus le monstrerons grant et plus nous recevrons les aumosnes de grace qui sont seules et vrayes richesses (Gers., P. Paul, a.1394, 484)

b)Étaler uniformément sur le sol.

...pour 14 voyes de carraulx de grez qui ont esté par luy cueillis, assemblés et amassés entre ladite chapelle et le Lendit, qui estoient espendus aval le chemin (Comptes Paris V.L.D., t.1, 1450-1451, 737)

c)Disséminer (des choses).

Homme, ce dit Salemon en ses Proverbes, qui parolles doulces et saintes blandist et flate son ami, ou cellui à qui se faint estre ami, fait tout ainsi que s'il espandoit rez et las au devant de ses pas pour le prendre. (Chr. Piz., Paix W., 1412-1413, 77)

d)Faire espandre qqc. Faire tomber qqc..

...et quant je avray ce fait, je me leveray acoup, et tireray tout a moy et feray tout espandre et verser quanques il y avra sur la table, et puis appaiseray tout ainsi. (Ménagier Paris B.F., c.1392-1394, 94)

e)[Avec une idée de désordre] Espandre les cheveux. Laisser aller sans ordre.

...car elle paumee et defecte chey a terre, ses cheveulx espanduz sur l'erbaige (Premierfait, Cas nobles hommes G., 1409, 170)

Et en signe de ce, ses blons cheveulx, qui a fin or estrivoient de couleur, veissez espanduz et degetiez sans aournement au travers de ses espaules et une couronne d'or fin sur son chief portoit, qui par divers hurs si fort estoit esbranlee que ja penchoit de coste, enclinee moult durement. (Chart., Q. inv., 1422, 7)

f)Espandre une voile. Déployer une voile.

...et incontinent sans arrest laisserent aler la voille au vent, laquelle estoit hault troussee pres de l'antaine ; si rompirent les joinches a quoy la voille estoit atachee et la voille s'espandit par abas et cuillit vent. (RENÉ D'ANJOU, Cuer am. espris W., 1457, 103)

g)[Idée de faire pousser, de développer]

[Dans un contexte métaph.]

Disoit Sapience : 'J'ay espandu mes rainceaulx si comme fait l'arbre nommé therebin. Tous mes membres et mes branches sont chargiez d'onneur.' (Le therebint est ung arbre vertueux en fleur, en fueilles, en fruit et en distillacion. Car il pleure et jette poix comme le sapin). (Horloge de sapience S., c.1389, 67)

Ainsi le raim De luxure est tres deffendu En cuer de prince estre espandu. (Chr. Piz., Chem. estude P., 1402-1403, 235)

Emploi pronominal.

[D'un végétal] Se développer, s'étendre.

Et quant la pomme d'icelluy chou -- laquelle est ou millieu -- est ostee, l'en arrache et replante en terre nouvelle le tronc de ce chou, et en yssent larges feulles qui s'espandent. (Ménagier Paris B.F., c.1392-1394, 203)

[D'une plante en broderie] S'étendre.

...et gecte la dicte esclisse vingt-quatre branches de may et huit de genestes, dont les seize vont contremont le collet et s'espandent sur le quartier de devant jusque près de la ceinture ; et pareillement sur le quartier de derrière, et les autres seize branches vont contreval la manche senestre d'icelle houppellande et s'espandent et champoient toute icelle jusques au coude (Chart. J., Chron. Ch. VII, V., t.3, Fragm. hist., 1403-c.1470, 266)

h)Emploi intransitif ou pronominal. [D'un animal] Se déployer.

Lïepars volentiers s'espant Et est hastiz, et en sallant Prent sa proyë, et, quant il fault, Mains fier en devient et mains baut. (Guill. Digull., Le Dit de la fleur de lys D., 1338, 274)

[D'un animal (la salamandre)] S'étendre.

Comment se puet en feu espandre L'oisel nommee salemandre, Et sans lesion y demeure Sans ce que le feu le deveure ? (Le Fèvre, Respit Mort H., 1376-1380, 94)

[D'un poisson] Répandre ses oeufs, frayer.

Quant un samon voelt espandre et faire de joefnes, il se trait loynz de la mer vers mont en ces eawes et devient tout hors de sa nature (Henri Lanc., Seyntz medicines A., 1354, 85)

Participe passé en emploi adjectival. D'une grande étendue.

De moult parfaite amour s'amoient ; Mais a grant peinne se vëoient, Qu'entre Hero et Leandus Fu uns bras de mer espandus Qui estoit larges et parfons, Si qu'on n'i preïst jamais fons ; Et ce leur faisoit trop d'anuis. (Mach., J. R. Nav., 1349, 248)

N'y a pas moult haulte hebarge, Mais moult est espandue et large (Chr. Piz., M.F., I, 1400-1403, 123)

B. -Par analogie. [L'objet désigne la source d'une sensation]

1.Emploi transitif. [Du soleil] Diffuser (la lumière), répandre (la chaleur).

Item, le soleil quant eclipsé est, aucuns lieus sont en terre ou il ne espant pas sa lumiere, mais pour ce n'est il pas moins perfect en soy que autrefois. (Oresme, C.M., c.1377, 364)

...mais il est vray que fortune de mer par force nous mena en ung païs ou il faisoit si chault que nous cuidions tous morir par la grand ardeur du soleil qui sur nous ses raidz espandoit. (C.n.n., c.1456-1467, 130)

Quant vint l'endemain matin, premier jour du mois de may, que le temps estoit bel, la praierie arrousee et que le solleil commenchoit poindre et doucement espandre ses rais sur les pavillons, les eschaffaus furent tendus de draps d'or sy richement que merveilles. (Jehan d'Avennes F., c.1465-1468, 80)

[De la chaleur] Estre espandu qq. part. Être répandu, diffusé.

Et la chalour qui en froidure Est couvertie, c'est l'ardure Qui s'est moult longuement couverte En ton cuer. Or est descouverte Et parmi ton corps espandue, Dont a un cop tramble et tressue. Et pour ce que le feu aproches D'Amours qui te point de ses broches, Pers tu maniere et contenence, Scens, joie, vigour et puissance. (Mach., R. Fort., c.1341, 116)

2.Emploi pronominal. [D'un son] S'espandre qq. part. Pénétrer qq. part et se faire entendre.

Sitos que li sons de le trompète Phelippe s'espandi ens es logeïs, on le recongneut ; tout se levèrent et armèrent. (Froiss., Chron. R., XI, c.1375-1400, 42)

[D'une odeur] Se répandre.

Et est ainsi de bonne renommee en une personne comme se il estoit possible que du corps d'une creature ysist si grant odeur qu'elle s'espandist par tout le monde, si que toutes gens la flairassent : tout ainsi par l'odeur de la renommee qui par tout court d'une valable personne, toutes gens peuent avoir le goust et le flair de bon exemple. (Chr. Piz., Trois vertus W.H., c.1405, 42)

[Dans un contexte métaph.] Estre espandu

...aussi l'odeur de bonté de la glorieuse vierge est espandue et sa vertu par tout le monde sentue. (Mir. prev., 1352, 232)

[À propos du prince René, duc de Lorraine] Lis odourant en odeurs vertueuses, Dont la senteur, par moderacion, S'espant partout en euvres fructueuses (Du Prier, Songe past. D.-M., c.1477-1508, 95)

[D'une période de temps] Estre espandu. S'écouler, passer.

Tantos fu ajournée et jours, car, à l'entrée de jenvier, les matinées sont tantost espandues. (Froiss., Chron. L., VII, c.1375-1400, 199)

C. -Au figuré.

1.[Avec une idée de mouvement, d'extension dans l'espace] Espandre une chose abstr.

a)[Une information, une rumeur...] Propager, divulguer.

Ces nouvelles s'espandirent en pluseurs lieux (Froiss., Chron. M., XIV, c.1375-1400, 218)

Chils mandemens s'espandi parmi le roiaulme de Portingal : si s'ordonnèrent toutes gens d'armes de cheval et à piet pour estre là à ce jour. (Froiss., Chron. R., X, c.1375-1400, 191)

Lors fait noncier par toutes les eglises qu'ilz feissent sonner les sains et facent processions a croix et a gonfanons, en louant et regraciant le Createur des creatures et en priant qu'il les vveille conforter contre les Sarrasins. Et commenca la sonnerie, et la joye grant quant la nouvelle fu espandue par la ville. (Arras, c.1392-1393, 96)

Ceste nouvelle fut tantost espandue par les villes voisines. (C.n.n., c.1456-1467, 104)

Vueillez nostre conseil entendre En ce cas icy, et espandre De ce que volons proposer, Afin que ne puissons mesprandre. A ceste voye volons tandre Sur nous on ne puisse gloser. (Myst. siège Orléans H., c.1480-1500, 512)

Emploi pronominal. Se répandre, se transmettre.

Adonc fut l'emperiere en si grant meschief que je ne le vous saroie deviser, et s'espandi par la cité la nouvelle comment il estoit avenu. (Bérinus, II, c.1350-1370, 48)

Et vous diz que la feste y fut grant toute la nuit et s'en espandi la nouvelle ou chastel. (Bérinus, II, c.1350-1370, 111)

Et ja pouez veoir quelz parolles en seroient se plus se continuoient voz novelles manieres quant ja sont apperceues, par quoy parolles s'en espandent en mains lieux. (Chr. Piz., Trois vertus W.H., c.1405, 120)

...vint ceste matiere a la congnoissance du maistre et de la maistresse des deux amans, et d'iceulx s'espandit et saillit en l'audience du pere et de la mere (C.n.n., c.1456-1467, 164)

...le gentil folastre s'approucha de Troyes (...) [et] fut prins, dont le bruyt s'espandit tost parmy toute la ville. (C.n.n., c.1456-1467, 450)

b)[La renommée] Diffuser, répandre.

Pour ce est il dit : Oleum effusum, c'est a dire nom espandu, et vraiement il est bien plantureux. Car il est espandu ou ciel, en la terre et en enfer (Mir. ev. N.D., c.1348, 60)

...aussi l'odeur de bonté de la glorieuse vierge est espandue et sa vertu par tout le monde sentue. (Mir. prev., 1352, 232)

...la renommée en fust espandue par toute la marche et es terres voisines (C.n.n., c.1456-1467, 402)

Emploi pronominal.

Renommee qui partout court Et qui s'espant en mainte court Dist a Nabugodonosor : 'Rois, en ton païs a encor Pluseurs qui d'aourer n'ont cure L'idole d'or et l'estature Et qui font contre ton decré Tout en appert, non en secré.' (Mach., C. ami, 1357, 20)

Je te di que la renommee S'espant par toute la contree Que po de gens scevent la cause Dont ta detention se cause, Si en dit chascuns a sa guise. (Mach., C. ami, 1357, 64)

Et certes, ma tresdouce suer, j'ai si grant joie et si grant plaisance en vostre bon renon et en vostre loenge, qui ainsi s'espant par tout et espandera, se Dieus me donne vie, qu'il n'est doleur ne tristece qui me peust venir. (Mach., Voir, 1364, 424)

c)SPIRITUALITÉ [Dans le courant de Saint-Victor] Espandre (sa vue, sa méditation). Élargir sa pensée (en vue d'accéder au premier degré de l'échelle qui mène vers la contemplation de Dieu).

Certes tu as bien matiere et large en toy, tant en ton corps que en ton âme, sur laquelle tu peulx eslargir et espandre ta meditacion a la fois sur le corps a la fois sur lame selon son estre et condicion naturelle (Cib., p.1451, 185)

Lieue tes yeux et regarde du lieu ou tu es et espans ta veue et regarde a destre et a senestre, hault et bas, et tu verras que toute la terre, c'est a dire ton corps qui est de terre et tout ce qui est dedans, ie la tay donnee (Cib., p.1451, 185)

Emploi pronominal. [D'une faculté de l'esprit] Se dilater, s'étendre.

Or entens bien comment tu congnoistras lune de lautre, cogitacion a vng mouuement vague et passe de lung a lautre, meditacion perseuere et entent a une chose, contemplacion entour une chose voit choses innumerables et soy espant par intelligence assi comme se lentendement se dilatoit (Cib., p.1451, 182)

Dilatacion de pensee est quant lentendement se extent et se espant en plusieurs choses mediter lesquelles on peult assez aisiement congnoistre comment, mais que on applique son engin et entendement. (Cib., p.1451, 185)

d)Espandre son regard à qqn. Diriger son regard vers qqn.

Et en alant ayant la teste droite, les paupieres droites basses et arrestees, et la veue droit devant vous quatre toises et bas a terre, sans regarder ou espandre vostre regard a homme ou femme qui soit a destre ou a senestre, ne regarder hault, ne vostre regard changier en divers lieux muablement, ne rire ne arrester a parler a aucun sur les rues. (Ménagier Paris B.F., c.1392-1394, 11)

2.[Avec une idée d'abondance, d'effusion]

a)Emploi transitif. [D'un être céleste] Prodiguer, distribuer généreusement qqc..

A champ, a vile et a cité Marie moustre sa pitié ; A toute gent est expandue Et queurt comme yaue par la r[ue]. (Propr. choses Rosarius Z.S., c.1330, 48)

...vierge, qui compris en toy Ce que le ciel ne peut comprendre, Vueilles sur moy ta grace espandre, Si que pacienment je port L'angoisse et travail de la mort (Mir. femme roy Port., c.1342, 194)

Et pour ce, se de sa franche et liberale volenté Il espant de son bien et de sa grace en ses creatures et fait aucunes choses pour elles secondairement et comme pour fin de seconde intencion (Oresme, C.M., c.1377, 364)

Vrays Dieux, comment sont les merveilles que tu as laissiees ca jus en la vertu de ta chamberiere nature, merveilleuses et diverses en leur expedicion, se tu n'y espandoies ta grace divine, et especialment de ceste merveilleuse aventure que je voy ou cours des estoilles que tu as lassus assises dès le commencement du ciel, par haulte science d'astronomie dont tu m'as presté une des branches, de quoy je te doy louer de cuer parfait (Arras, c.1392-1393, 19)

[Avec une valeur nég.] Espandre un sentiment. Faire éprouver, faire subir les effets de tel sentiment.

Faites tost, si vous aprestez, Et espandez m'ire sur terre. Il n'y avra ne clé ne serre Qui contre moy puisse durer. (Jour Jug. R., c.1380-1400, 240)

Arrestés vous sur ces pointz, et deffermez vos yeulx, et desormaiz ne revoquez en doubte que sur vous ne soit espandue l'ire divine, qui vous ravalle et destraint par dessus la fortune du monde, et plus vous griefve et empesche que ne fait l'ambition oultrageuse de ceulx qui vous guerroient. (Chart., L. Esp., c.1429-1430, 83)

Il semble (...) que vostre fureur soit expandue sur voz povres brebis et sur vostre pasture (Juv. Urs., Loquar, 1440, 369)

Quant sur le tout voulu mon ire espandre, J'en assignay sur eulx telle malandre Qu'Entendement ne sceut remedier Que les Gregois n'allassent deffier Le fort Hector, le puissant roy Priame. (Antitus, Poés. P., c.1500, 16)

b)[D'une pers.]

Et pour ce, en epiloguant en conclusion ce que dit est devant de cestui tres sage roy, (...) pouons congnoistre, avec les autres vertus de lui, l'ordre de sa tres discrete largece par ce que grandement l'a tousjours espandue (Chr. Piz., Paix W., 1412-1413, 161)

Espandre son coeur. Ouvrir, déployer, vider son coeur.

...le pecheur parle a Dieu qui voit son cuer et pour ce le confesseur n'est que l'oreille Dieu, doncques la bonne nonnain doit en humilité et en cremeur tout son cuer espandre devant lui aussi comme on espant plein pot d'eaue, si comme dit l'Escripture. (Frère Robert, Chastel perill. B., c.1368, 281)

Espandre sa cure à qqc. Se consacrer à.

Nous consentons en surplus, voulons et commandons, que selon que offert l'avez, vous espandez et habandonnez toute vostre cure, pouoir et estude a ma mie toute belle composer, aourner et douer. (Gers., Concept., 1401, 405)

[Avec une valeur négative] Gaspiller qqc..

...de compter n'ay pas envie En la mesure de ma vie Les ans qu'au monde ay despendu Et en vanitez espandu (Mir. Barl. Josaph., c.1363, 273)

c)Emploi pronominal. Se répandre ; se communiquer.

...et en ce appert la neccessité de dire que Dieu n'est et ne fut oncques seul, car bonté ne puet estre seule sans soy espandre. (Gers., Trin., 1402, 168)

Estre espandu

...et, en icellui voyage, moiennant la grace de Dieu et de la benoiste vierge Marie, le roy et mondit seigneur de Guienne furent reünis et mis en bonne paix et amour l'un avec l'autre, dont moult grant joye fut incontinent espandue par tout le royaume (Roye, Chron. scand., I, 1460-1483, 231)

Et de ladicte nativité fut grant joye faicte et espandue par tout le royaume de France, et en furent chantez en divers lieux Te Deum laudamus et autres belles louenges à Dieu, les feux faiz parmy les rues, tables rondes et autres grans joies et esbatemens. (Roye, Chron. scand., I, 1460-1483, 241)

3.[Avec une idée de dispersion, à propos de personnes]

a)Emploi pronominal. Se disperser, se répandre.

...ycelle gent en pluseurs lieux du royaume de France s'espandirent, en Guiene et autre part, et partout, où ilz passerent, n'est mie doubte que moult domagierent le pais et plus l'eussent mal mené, se ne fust la resistance, qu'ilz trouverent (Chr. Piz., Faits meurs Ch. V, S., I, 1404, 202)

...l'umain lignage, qui se espandi ça et la, avoit presques occupé toute espace de terre (Premierfait, Cas nobles hommes G., 1409, 126)

...et aprés saillirent ceulx de cheval, qui s'espendirent par tout le chemin et detailloient touz ceulx qui s'en fuioient (Jean De Rouvroy, Stratag., c.1425. In : Chrestom. R., 103)

Sy s'espandirent [les chevaliers] par le bois et avint que Troïlus s'embati sur ung marescaige (Percef. IV, R., c.1450 [c.1340], 210)

Adonc se espandirent par les champs les gens de mondit seigneur le daulphin pour sercher leurs ennemis (Le Bouvier, Chron. Ch. VII, C.C.J., c.1451-1455, 109)

Et lesdiz Bourguignons, ainsi venus en ladicte Isle de France, s'espandirent en divers lieux en icelle et y prindrent Dampmartin, Nantoullet, Villemonble et autres menues places (Roye, Chron. scand., I, 1460-1483, 51)

Et, après, iceulx Bretons s'espandirent par ledit pays de Normendie, comme jusques à Caen, à Baieux, Coustances et autres lieux. (Roye, Chron. scand., I, 1460-1483, 193)

b)Emploi factitif.

Espandre des ennemis. Faire fuir, se disperser (des ennemis).

Espandre les enemis, fundere hostes, n'est autre chose que lez anemis faire fuir, et c'estoit quant on les desconfissoit sans grant occision. (Bers., Gloss. D., c.1355, 141)

Mes Romulus et son ost leur furent au devant en bataille et leur apristrent car ire sans force est vaine et sans pourfit, car il espandit, chassa et poursuyt leur ost, et leur roy tua il, trencha et despoulla en icelle bataille, et de plaine venue a prise leur cité. (Bers., I, 1, c.1354-1359, 10.4, 17)

...et la bataille romaine, enflammee pour le hardiement que il voient en Romulus leur roy, rusa et chassa et espandit les Sabins (Bers., I, 1, c.1354-1359, 12.9, 20)

Faire espandre des personnes. Faire se disperser (des personnes).

...[il] fist espandre tous ses gens par divers chemins pour veoir si quelque ung les suyvoit (C.n.n., c.1456-1467, 547)

[D'une pers. ; avec une idée de mouvement violent] S'espandre sur qqn. Tomber, se précipiter sur qqn.

...il pour emploier sa force comme ung quarreau d'arballestre se frapa ou le tournoiement se faisoit et sur les chevaliers du conte d'Armignac s'espandy par telle facon, qu'il en abatty plus de dix avant qu'il cessast. (Jehan d'Avennes F., c.1465-1468, 86)

c)Participe passé en emploi adjectival. [De personnes] Dispersé, disséminé.

...car les ennemis estoient moult espandus par le royaume (Chron. Jean II Ch. V, D., t.1, c.1375, 135)

...Les Babilons tant s'esmayerent Et tant le roy Ninus doubterent Qu'ilz deguerpirent leur cité, Et eulx meismes desherité S'en sont et, sanz autre molestes, S'en sont issus eulx et leurs bestes, Par maintes contrees espars, Et espandus de toutes pars, Dessus le fleuve de Gion Et par mainte autre region (Chr. Piz., M.F., II, 1400-1403, 181)

...avons fait widier et mettre hors de ce royaume en grant danger de notre personne tous les cappitaines, routiers et autres gens de guerre espandus en icellui à la foule et totale destruction des pays de mon dit seigneur (Lettres Louis XI, C., t.1, 1438-1461, 21)

Le III^e est, quant il treuve ou oïst nouvelles que ses anemis sont espandus, les assaillir vigoureusement et prestement avant qu'ilz se puissent rallier. (La Sale, Salade, c.1442-1444, 242)

Monseigneur conte de Suffort, Je viens a vous dire nouvelles : François vennent a grant effort, Spanduz par champs et ruelles, Reluisant comme estincelles De blans harnois ainsi que signes ; Et si sont leurs volantez telles Mectre (De) mectre voz villes en ruynes. (Myst. siège Orléans H., c.1480-1500, 540)