ELECTION

substantif féminin

[T-L : eleccïon ; GD : eslection ; GDC : election ; AND : election ; FEW (III, 210b) : electio ; TLF (VII, 818b) : élection]

A. -Choix ; valeur de ce qui est choisi.

1.Fait de choisir, choix.

...mais il est tel pour son eleccion et selon le habit ou inclinacion naturele ou acquise par laquele il est tel, c'est a savoir ventëeur, comme celui qui est mensongier. (Oresme, E.A., c.1370, 268)

LE MARQUIS. (...) celle que je prendray [comme épouse] Par m'eleccïon et vouldray, Fille du prince des Rommains Ou d'autre vaillant plus ou mains Selon que bon me semblera (Gris., 1395, 17)

Dieu, notre juge, nous baille yci election : ou que nous soyons yci batuz de la verge de penitence, ou que nous aurons jugement rigoreux aprés la mort. Ne soyons pas si folz que nous refusons la verge, et eslisons la mort. Ung enfant meismement, qui refuit tant bature, ne feroit pas telle election, aincoys bailleroit il la verge, et prieroit que on le batist, que il ne receust la sentence de la mort (Gers., Déf., 1400, 242)

...je veil que, a faire l'election et le chois, vous aiez singulier regard qu'il ne soit homme vague, deshonneste et pou vertueux [Conseil d'un vieux mari à sa jeune femme sur le choix d'un 'bon' amant] (C.n.n., c.1456-1467, 563)

...et par election solennelle, et après avoir receu le serment de chascun se doit creer le queux ; car ce n'est pas estat ou office commun, c'est mestier subtil et sumptueux, et qui toute seureté sent, et est le prouffit necessaire du prince, et dont on ne se peut passer ; et est bien raison que le prince, par le rapport de ses maistres d'hostel, [et] de l'election sur ce faite, donne le don au queux. (La Marche, Mém., IV, Pièces annexées, 1474, 51)

...Saint Augustin declaire par sa diffinicion disant que predestination est une precedente ordonnance d'aucune personne a la glore, en laquelle diffinition est notee la election de Dieu (Somme abr., c.1477-1481, 169)

Touchant l'election du lait est a noter que on doit eslire lait de moyenne substance quant on le donne pour nourrissement, et ne doit pas estre fort subtil come lait de drosmadaire ou chameaulx et d'anesse, ne fort gras, ne de grosse substance, come lait des vaiches et brebis. (Rég. santé corps C., 1480, 19)

Officier de election. Officier qui tient sa charge par choix - et non héréditairement.

...et ordonna que quant aucuns officiers de élections, greneteries, contrerolles, greffes et autres telz offices vacqueroient par mort, que les nommez oudit roole feussent pourveuz selon l'ordre d'icelui (Baude, Eloge Ch. VII, V., p.1484, 131)

À/en l'election de qqn. Au choix de qqn.

...vif bois quant ilz en auront necessité par livrée, pour leurs moulin et maison fere, et pour leurs autres necessités, et un fou à leur ellection à Noël. (Hector De Chartres, Cout. R., 1398-1408, 5)

...on ne empesche pas que la jurisdiction aussi ne appartiengne a la jurisdiction seculiere, et est en l'election du demandeur de poursuivre ou il vouldra (Juv. Urs., Verba, 1452, 365)

Par election. Volontairement.

Et quant aucun fait nuisement et mal par eleccion, adonques est il injuste et mauvais. (Oresme, E.A., c.1370, 308)

Sur toute election. Avant tout.

Et vous, gens d'armes esprouvez, Qui faites l'execution, Et bons et loyaulx vous prouvez, Bien faire on en doit mention (Louez en toute nation Vous en serez !), et sans faillance Parler sur toute election De vous, et de vostre vaillance, Qui sanc, corps et vie exposez Pour le droit (Chr. Piz., J. d'Arc, 1429, 35)

2.Par métonymie. Valeur de ce qui est choisi, valeur.

À election / d'election / par election. De valeur, d'élite.

Pren toutes gens d'election Et ne te charge de merdaille, Car il n'est tresors qui les vaille, Car c'est l'onneur, l'estat, la vie D'un prince a tele compaignie. (Mach., C. ami, 1357, 117)

Là fu li bons messire Jehans Pastez, li vaillans et li preus, Et messire Guys li Baveus, Avec très bonne compaingnie De chevaliers et d'escuirie, Preus, vaillans et d'election, Dont je vous ay fait mention. (Mach., P. Alex., p.1369, 148)

Si se parti sus un soir li dis rois Henris de l'host, en se compagnie tous les milleurs combatans par election que il euist. (Froiss., Chron. L., VII, c.1375-1400, 74)

Et là fu acordé que le duc de Lancastre aroit à coustages du royaume d'Engleterre entre mil et XIIc. lances, toutes gens de election, et IIM. archiers et mille gros varlez. (Froiss., Chron. M., XII, c.1375-1400, 295)

...messires Garniers de Quadugal (...) amenoit en sa compagnie cent lances de bonnes gens, tous a election. (Froiss., Chron. D., p.1400, 814)

Vaisseau d'election. Personne choisie par Dieu pour ses qualités.

Pour neant ne l'appella pas Dieu vaissel d'election pour porter son nom et sa baniere devant les roys et princes et filz d'Israel. (Gers., P. Paul, a.1394, 511)

PIERRE. Doulz Dieu, vous soiez mercïé De si noble conversïon ! Vostre nom soit glorefïé D'avoir esleu tel champïon ! SAINT ANDRIEU. C'est .i. vessel de eleccïon. (Cycle myst. prem. mart. R., c.1430-1440, 95)

Avoir election sur qqc. L'emporter sur qqc..

Que science trop mieux, sanz faille, Que nulle autre richece vaille, En son livre le dit Alain De Plainte de Nature a plain, Que la noble possession De science a eslection Sur toutes les choses amees Qui doient estre renommees (Chr. Piz., Chem. estude P., 1402-1403, 221)

3.En particulier. ASTR. Choix du moment astrologiquement favorable pour prendre telle ou telle initiative.

Li science des jugemens d'astronomie si est ausi prouvee par les revolucions, par les mutacions de l'air, par les nativités, par les questions, par les elections, et par les entencions... (Compil. sc. étoiles C., a.1324, 92)

Car toute nature (...) apres dieu vient de la vertu du firmament, des 12 signes et planetes (...) et en drescemens et force et foiblesce dedenz les 12 maisons par chascun commencement naturel : come a l'eure de revolucions de ans, grans conjunccions, eclipses, nativités, questions, et eleccions (Pèler. Prusse, Élect. L.F., 1361, 92)

La sexte [partie de l'astrologie] est de elections, pour eslire heure de commencier un voiaje ou une besongne, et soubz cheste partie est contenue celle qui enseigne a faire ymage, caraos, aniaulx, et telles choses (Oresme, Divin. C., c.1366, 4)

La .vi.^e partie [de l'astrologie] est des eleccions. Ceste partie sert de eslire temps propice et convenable a toute euvre commencier, si comme temps convenable pour saignier, temps de baignier ou temps de prendre medecine, temps de marchander, temps de faire taillier ou de vestir aussy robe nouvelle, temps d'aucun edifice commencier... (Evr. Conty, Eschez amour. mor. G.-T.R., c.1400, 30)

Cestui regna XXXVIII ans paisiblement sur ces homes au moïen de bonnes elections de astrologie. (Simon De Phares, Astrol., c.1494-1498, f° 17 v°)

Cestui monstra bien qu'il estoit astrologien en l'election qu'il print pour combatre contre Telchilem et contre Armanistes, le roy d'Assirye, ou temps de Jacob et de Esaü (Simon De Phares, Astrol., c.1494-1498, f° 19 v°)

...print et eut grant regard au seigneur de l'eure où est faicte aucune revolucion, interrogacion, nativité ou ellection (Simon De Phares, Astrol., c.1494-1498, f° 20 v°)

...et donne bien à entendre de quoy sert la congnoissance du cours celeste, et comme les corps celestes ont grande colligance aux corps humain et que sans ellection est moult difficille subvenir à aucunes maladies (Simon De Phares, Astrol., c.1494-1498, f° 77 r°)

Cestui fist audit duc [Charles d'Orleans] plusieurs ellections sur sa nativité et plusieurs ellections comme j'ay veu et aussi sur sa femme qu'il espousa lors, niepce dudit duc de Bourgoingne (Simon De Phares, Astrol., c.1494-1498, f° 155 r°)

Election astrologale

Cestui Syrachus monstra aucuns termes à Brutus sur les ellections astrologalles, qui depuis lui furent prouffitables (Simon De Phares, Astrol., c.1494-1498, f° 31 r°)

Bailler election/donner election. Fixer le jour propice pour commencer une entreprise.

Cestui donna ellection pour la premiere fondacion de Gennes (Simon De Phares, Astrol., c.1494-1498, f° 26 v°)

Cestui donna conseil et election d'enclorre Romme de muraille soubz la constellacion du signe du Lion, qui est signe royal et de victoire. (Simon De Phares, Astrol., c.1494-1498, f° 37 v°)

Aucuns dient qu'il bailla l'election pour construire Antioche. (Simon De Phares, Astrol., c.1494-1498, f° 57 v°)

Prendre ses elections. Choisir son jour propice.

Il fault bien dire que cestui Marcel estoit né entierement soubz influence forte de Mars et qu'il sçavoit bien prandre ses ellections en ses haultes entreprises. (Simon De Phares, Astrol., c.1494-1498, f° 69 r°)

B. -En particulier. Fait d'élire, élection ; p. méton., circonscription financière soumise à la juridiction des élus.

1.Fait de désigner, de choisir qqn pour exercer une fonction, élection.

Or, entendés, (...) S'orés noble canchon d'assaus et de tournois ; Sy com Jhérusalem conquesta Godefrois, Et comment il en fu par élection roys. (God. Bouillon R., t.2, c.1356, 279)

Nous avons ordené par droit élection Ce royalme divin sur le conte Huon (God. Bouillon R.B., t.3, c.1356, 83)

Quant ly homme Fedry coisirent le fachon, Lors dist ly I. à l'autre : 'Vechi fiere opinion ; En Paris ont fait roy par droit'elexyon, Autrement ne poroient venir à leur coron...' (Hugues Capet L., c.1358, 152)

Je suy rois couronnez de France le royon, Non mie par oirrie ne par estrasion, Mais par le vostre gré et vostre elexion (Hugues Capet L., c.1358, 177)

Et faisoient exemple par le roy dan Henry, qui avoit esté roy couronné de toute Castille par le election du pays et pour le commun profit. (Froiss., Chron. M., XII, c.1375-1400, 8)

Et le mandèrent li cardinal à leurs amis que pape avoient par bonne et digne election. (Froiss., Chron. R., IX, c.1375-1400, 54)

Je conseil que bonne erre Li alons faire mencion Conment par grant eleccion Emperiére est. (Mir. st Lor., 1380, 151)

...ordonnons que d'ores en avant nul ne soit receu comme advocat en aucunes de noz cours de la chancelerie de noz bailliages, de noz auditoires et de nostre parlement ou d'autres noz commis, s'ilz ne sont esleuz ou esprouvéz comme souffisans et expers advocas par noz diz chancelier et bailliz, et l'election ou aprobacion du chancelier souffira en l'une de ces cours pour toutes les autres (Cout. bourg. glosé P.M., c.1380-1400, 71)

...li roiaulmes de France est de si noble condition que il ne doit ne puet par succession venir ne descendre a fumelle, ne par consequent, a fil de fumelle. Et le donnerent li douse per de France, par election et rieule naturel et droiturier que il ont en France, et de la quelle ordenance anciiennement on avoit veu user, a Phelippe de Valois, fils jadis a mesire Carle, le conte de Valois et frere a ce biau roi Phelippe de desus dit. (Froiss., Chron. D., p.1400, 46)

Se il avient que Dieus li donne I. hoir male, ce que la couronne de France desire a avoir, je vous pri que vous en faites bonne garde et le couronnés a roi, qant il vous samblera que il apertiengne a estre ; et, se elle est fenme, si ordonnés de la couronne de France a juste election, car (...) elle ne le poet avoir. (Froiss., Chron. D., p.1400, 174)

Ce jour, a esté faicte eleccion de graphier, et est venu le sort sur moy N. de Baye, indigne. (Baye, I, 1400-1410, 1)

Il s'acointa du pape qu'à ce tans tenoit-on, (...) Depuis fu desposés par figuration ; Se fist-on nouviel pape par élecquesion (Geste ducs Bourg. K., c.1410-1419, 305)

Cedit jour, vint le Chancellier en la Court, et appellées toutes les Chambres (...) fu vaqué au scrutine de l'election de procureur du Roy, et nundum conclusum. (Baye, II, 1411-1417, 102)

Et pour ce pleust à Dieu que (...) les dis offices fussent donnéz et distribuéz, non mie par telz simonies ou faveurs, mais par pure, loyalle, et vraie eleccion par preudommes bien congnoissans et par bonne enqueste donnéz aux plus vallables et mieulx dignes (Chr. Piz., Paix W., 1412-1413, 82)

Et ceste puissance s'apelle pollitiquement thimocracie, qui est en commun parler eslection, que aucuns par l'instabilité doubteuse de souvent changer seigneurie, et affin de oster achoisons de divisions au choisir et parcialités de gouverner, ont mieulx amé continuer par ordre de nature et regle de doctrine leur seigneurie en une moriginee maison et glorieuse ligniee que souvent cheoir au tumulte dez mutations de discors et d'envie (Chart., L. Esp., c.1429-1430, 70)

...mais c'est assavoir es choses raisonnables, car pour ce sont ilz [les princes] de Dieu et par son ordonnance constituez, et maintefois par election du peuple. (La Sale, Salade, c.1442-1444, 15)

La premiere maniere de faire l'emperreur est par ellection, quant les XII ellecteurs de l'empire sont d'accord (La Sale, Salade, c.1442-1444, 224)

...que doresnavant on fist les presidens et conseilliers par election (Juv. Urs., Nescio, 1445, 542)

...et nous le veons meismes au filz du duc de Lenclastre, c'est asçavoir a Henry dernier mort, qui succeda a son pere, et celluy qui a present est, qui tient le royaulme par succession et non mie par eslection (Juv. Urs., T. crest., c.1446, 155)

Vous [aurons], avant qu'i soit nonne, Se Dieu plest, pour nostre chaynonne Recheu [par] dedans nostre eglise, Car l'eure de chapitre est prise A fayre vostre election. (Myst. st Bern. Menth. L., c.1450, 75)

Chier sire, vous savez aussi Quant vint a mon eslection, Que evesque je fus par ainsi : Fistes ma procreacion Par vostre salutacion, Moy indigne de vostre grace ; De ma constitucion Fut a Orleans la mon espace. (Myst. siège Orléans H., c.1480-1500, 287)

...vous procedez à l'eslection des procureurs et commis au gouvernement de ladicte ville, ainsi que avez accoustumé faire d'ancienneté (Lettres Ch. VIII, P., t.1, 1483-1488, 70)

...et qui [ung des plus notables chevaliers] plus a fait et veu en armes, honneur et estaz, et aussi pour l'estat et office de souverain maistre d'ostel de France, et pour la grant prouchaineté que avez à l'entour de nostre personne, avés esté, comme raison est, esleu pour estre l'ung des principaulx de ladicte election. (Le Clerc, Interp. Roye, c.1502, 241)

Faire election

A ceste ellection faire furent li grigneur partie des cardinaux, et fu appellés Clemens. (Froiss., Chron. R., IX, c.1375-1400, 145)

Si vous fault estre diligens D'aler les nobles hommes querre De ce pais et leur requerre Que sanz mettre en dilacion Viengnent pour faire eleccion Qui regnera. (Mir. st Lor., 1380, 146)

2.Par métonymie. Circonscription financière soumise à la juridiction des élus.

...pour cause de ce et des proffiz et usures, par pluseurs et divers comptes et contraux usuraires et fraudeleus, il convint que il se obligast et se obliga au dit Baudin Vinteguerre, demourant à Lodun, en cincq cens livres bonne fort monnoie, c'est assavoir petiz tournois, ou en florins d'or à l'escu, chascun compté pour seize soulz et huit deniers en l'eslection du dit Baudin (Doc. Poitou G., t.2, 1347, 365)

...une contrelettre de Thomas de La Perrouse, receveur de l'aide de 12000 livres tournois nagaires accordee et octroyee par les trois estas des mectes de l'election de Langres (Comptes Etat bourg. M.F., t.1, 1419, 201)

Samblablement, de la part du Roy seront transportées et bailliées à monditseigneur de Bourgongne et à son hoir dessusdit après luy, tous les prouffis des aydes. C'est assavoir des greniers à sel, quatriesmes de vins vendus à détail, imposicions de toutes denrées, tailles, fouages, aydes et subvencions quelconques qui ont ou auront cours, et qui sont ou seront imposées ès élections de Mascon, Chalon, Eston et Langres (Doc. 1435. In : MONSTRELET, Chron. D.-A., t.5, c.1444-1453, 162-163)

...donnons plaine puissance de nommer, (...) à nosdits serviteurs nous servans actuelment chascun jour les offices qui doresenavant seront vacans à nostre nominacion ou plaine disposicion, c'est assavoir aux gentilshommes les cappitaineries, vigueries, bailliages et autres telz offices à eulx appartenans, et les eslections, greneteries, contrerolleries, greffes, jugeries, lieutenances à noz serviteurs de la plume, et les soubzvigueries, sergenteries et autres tels offices à nos serviteurs non clercs (Roi René vie L., 1468, 330)

...au regard de la cotte et portion qui est ceste presente année imposée sur les habitans de ladicte ville de Evergnicourt (...) mectez le sus, asseez et imposez en quelque autre lieu de vostre election que veirez myeulx le povoir porter (Lettres Louis XI, V., t.5, 1474, 270)

...faictes doresenavant par chascun an bailler et délivrer au plus offrans et darreniers enchérisseurs la ferme de ladite imposicion foraine par les esleuz sur le fait de noz aides en l'élection d'Angiers, ainsi qu'ilz ont acoustumé de faire par avant ladite main mise ; car ainsi nous plaist il estre fait, non obstant lesdites lettres de commission et quelxconques autres ordonnances, mandemens ou deffenses à ce contraires. (Roi René vie L., 1476, 365)

...les esluz sur le fait de noz aides et tailles en l'élection et conté de Poictou (...) ont mis et imposez à nosdictes tailles et impostz, et les ont contrains à en paier certaine grant somme de deniers, en venant directement contre l'exemption, immunité et franchise dont les diz habitans ont joy (Doc. Poitou G., t.12, 1477, 193)

Voir aussi elison