ESLARGIR

verbe

[T-L : eslargir ; GD : eslargir ; GDC : eslargir ; FEW (V, 185a, 186a, 187a) : largus ; TLF (VII, 812a) : élargir]

A. -[Idée d'abondance, de libéralité]

1.Eslargir qqc. (à qqn). Accorder, donner qqc. avec libéralité à qqn.

Quant fu ce parlement fine [l. finé] Et Moises si ot disne [l. disné] , De son relief vout departir Et aumosner et eslargir Aus povres pelerins errans Dont grant plente avoit leens. (Guill. Digull., Pèler. vie hum. S., c.1330-1331, 63)

Ne vous sont pas lez biens de Saint Eglise donnez et elargis dez Roys, des princes et aultres seigneurs, et de leurs subjés, pour Dieu servir et adourer (...) ? (Songe verg. S., t.1, 1378, 35)

..le roy de France est 'maistre et garde de noz sains escrins, dezquelx escrins nous donnons et eslargissons a ceulx a qui il nous plait, et pour ce est il que il fait aucunement conpaingnie a Nostre Majesté'. (Songe verg. S., t.1, 1378, 327)

Et anssi, selon vostre opynion, touz ceulx qui sont en l'ordre dez Mendyans pechent mortelment, et nul ne leur doit donner aucune chose ne elargir et, par consequant, lez oraysons et lez sacrifices que ilz offrent a Dieu ne sont pas agreables (Songe verg. S., t.2, 1378, 238)

...une foys, a souper, quant il [l'empereur Titus] se remambra que il n'avoit rien eslargy ne donné tout du longc de la journe[e], il dist ces paroles : 'O amici, hanc diem perdidi' : 'he ! mez amis, j'ay perdue ceste journee'. (Songe verg. S., t.2, 1378, 269)

Et pour ce mon Dieu, des maintenant, sans aucune demeure, viens a moy, repentant et te reclamant sans aucune demeure, tandis que j'ay temps et espace, et tes tres doulx embrassemens me soient eslargis. (Chr. Piz., Psaumes allég. R., 1409, 86)

...ayant souvenance des biens que en ce monde Nostre Seigneur et Redemteur Jesus Christ luy avoit elargis en grande abondance (Trés. Reth. L., t.3, 1421, 29)

Je te mercie, puissant Dieu, Des grans dons et des grandes graces Que tu m'as voullu eslargir (Myst. Viel test. R., t.4, c.1450, 390)

Qu'il vous pleust de moy eslargir Et donner le corps de Jhesus, Pour ce que j'advoye conclus L'ensevelir honnestement. (Pass. Auv., 1477, 236)

Et vous, seigneurs, en qui clergie A suffisance est eslargie, Mon parler ne veillez desdire Ne d'icelluy en rien mesdire (La Vigne, S.M., 1496, 327)

Eslargir qqn à qqn

O Dieu glorïeux (...) Qui de ta divine clemence M'as or eslargi et donné filz tant bieneureux... (Michel, Myst. Pass. J., 1486, 332)

Eslargir grace à qqn. Accorder grâce à qqn.

...elle n'a peu faire les debvoirs, foy et hommage, que estoit tenue de faire envers mondit seigneur le conte, requerant doulcement sur ce grace a elle estre eslargie (Trés. Reth. L., t.3, 1449, 299)

Par extension. Dépenser qqc..

...le grant tresor que tu assambles et que tu elargis en murs, en fossés et en chastiaux reparer et redrecer, et aucuns faire de novel, car en edifices de palais et de chastiaux nul n'est plus soutif ne de plus grant magnificence que tu soies ; et tout ce fais pour la pais du pueple (Songe verg. S., t.1, 1378, 6)

2.Emploi pronominal.

S'eslargir. Se montrer généreux.

[Ovide parle d'une entremetteuse dont il a besoin] Si m'advisay que sermonner, Et promettre sans riens donner, Ne proufitoit riens à ma cause. Adonc n'attendi pas grant pause Et m'eslargi oultre coustume, Et sanz dons na vault une plume (Le Fèvre, Vieille C., a.1376, 141)

Si doubte que en ce pas ne soient bien gardees leurs regles et que erreur soit en la distribucion par trop despendre et se eslargir ou il n'affiert et mal recompenser ou donner a qui dessert. (Chart., Q. inv., 1422, 51)

S'eslargir de qqc. Se défaire de qqc., donner qqc..

Si se fisent grans recognissances, et s'eslargi li rois de quanqu'il peut faire pour l'amour de ses frères et dou connestable. (Froiss., Chron. R., VIII, c.1375-1400, 119)

Si fist incontinent escripre et grosser bulles à pooir, tant au roi comme à ses oncles et as prelas d'Engletière, de ces pardons et asolupcions de painne et de coupe ; et avoecq tous ces biens, dont il s'eslargissoit, il otrioit au roi et à ses oncles un plain disime par toute Engletière à prendre et lever. (Froiss., Chron. R., XI, c.1375-1400, 87)

S'eslargir vers qqn. Se montrer généreux envers qqn.

Et se doit aucune foys eslargir soy vers eulz, et presenter leur ses choses selonc son pouoir. Car se il leur acomplist leur deü, ce n'est nulle grace ; mais ce que homme fait, proprement meü d'amour et de charité (...) il peut estre nommé droitement pure aumosne (Vignay, Théod. Paléol. K., c.1333-1350, 49)

Se maistrise y a, elle est mienne Par la loy d'Amours ancïenne, Qui l'ordonna Pour les dames et leur donna Maistrise, ou moult noble don a, Et par ce leur guerredonna Les biens qui yssent De leur grace quant s'eslargissent En pitié vers ceulx qui languissent D'amours dont les cuers amaigrissent (Chart., L. Dames, 1416, 237)

S'eslargir à + inf. Se montrer généreux jusqu'à + inf..

...et, en oultre, que le roy luy fourniroit en pension, par chascun an, jusques à LXm livres tournois, et tout sans prejudice aux autres enfans, qui pour le temps à venir pourroient venir à la couronne, de povoir demander tel et semblable appanage, pour ce que le roy, pour avoir paix et bonne amour avecques sondit frere, se eslargissoit à lui bailler si grant somme que de LXm livres tournois par an. (Roye, Chron. scand., I, 1460-1483, 200)

S'eslargir de + inf. Avoir la générosité de, se montrer généreux en.

'...Or me doy à tous jour de bien faire eslarguir, Et de hardiement bataille maintenir...' (Baud. Sebourc B., t.1, c.1350, 299)

Avint une fois entres les autres que li chevaliers s'ala eslargir de parler au dit bourgois et dist : 'Je ne sçai, mès se vous voliés bien acertes, je racquerroie ceste cité, le bourc et le chastiel au roy de Navare.' (Froiss., Chron. L., V, c.1375-1400, 88)

Les nobles, qui se sont eslargis de donner les rentes, les terres et les seignouries et les biaux hiretaiges que ceux de l'Eglise tiennent, s'en refroideront de donner avant et retolront, espoir, ce que donné ont. (Froiss., Chron. M., XII, c.1375-1400, 231)

3.Eslargi. Généreux.

Prince de qui la parole est oye En promettant jamais ne la desdie, Car il seroit forment contre s'onnour. Promette po, soit sa main eslargie (Desch., Oeuvres Q., t.2, c.1370-1407, 82)

B. -[Idée d'extension]

1.Au propre.

a)Augmenter qqc. dans le sens de la largeur.

Eslargir qqc.

Puis doit couper des [l. dès] la gorge, d'une part et d'autre, entre les deux jambons tout au long de la poitrine, en eslargissant son taill einsi comme vendra plus aval jusques au fonz du ventre et des cuisses, et puis doit cela reverser dessus la poytrine. (Gast. Phébus, Livre chasse T., 1387-1389, 187)

De l'ancienne porte qui souloit estre dedans les murs anciens dessusdits, devant l'ostel de l'evesque d'Evreux, en la grant rue Saint Anthoine, près de Sainte Katherine du Val des Escolliers, neant, pour ce qu'elle fut pieça abatue pour eslargir ladite rue, pour ce neant. (Comptes Paris V.L.D., t.1, 1447-1449, 560)

Rendre plus large, desserrer (un espace qui emprisonne).

Einsi toute nuit le demeinne, Jusqu'a tant que Nature ameinne Le jour ; et quant il est venus, Li espriviers qui n'est pas nus De courtoisie et de noblesce S'avise que l'oisel ne blesse En eslargissant [var. alargissant] sa prison, Par quoy moult l'esprivier prise on. Comment prison li eslargist ? Celui oisel qui la se gist, D'entre ses piez le laist aler. (Mach., D. Aler., a.1349, 285)

b)Par extension.

Étendre (un domaine).

Cestui Clovis, comme dit est, ayma moult la science des estoilles et s'en sceut bien servir contre les Saxons et contre les Gotz, lesquelz il gecta de son royaume et par le conseil d'iceulx avecque sa chevalereuse proesse, en tant qu'il eslargit son royaume depuis Lyon jusque à la mer de la Petite Bretaigne et depuis Cambray jusque aux mons Pirrennées, qui estoit grant chose à tant avoir de si fortes parties. (Simon De Phares, Astrol., c.1494-1498, f° 98 r°)

Ouvrir, agrandir qqc..

Et pour ce mon Dieu (...) viens à moy (...) et tes tres doulx embrassemens me soient eslargis. (Chr. Piz., Psaumes allég. R., 1409, 86)

...et la matrone doit avoir les dois gresles et longs et la main aussi et doit eslargir doulcement la bouche de la matrice (Gordon, Prat., c.1450-1500, VII, 16)

Donc necessaire chose est en grandes concussions desnuer et eslargir aulcune partie de la fracture affin que nous puissons laver, mondiffier et absterger les pourritures de la miringne. (Panis, Guidon, 1478, tr.III, doct.2, chap.1)

Encores je eslargiz le compas de .c. jusques a .f. et puis le pyé immobile mys sus .d. je faiz le quart cercle. (Nic. Chuquet, Géométrie H., 1484, 391)

Mais ledict duc de Bourgongne, par conseil d'officiers, voulut eslargir ses limites (Comm., I, 1489-1491, 168)

Pource qu'il convenoit le plus souvent rompre et tailler le bout d'une roche pour contourner les pieces d'artillerie, aucunes fois eslargir et bien souvent remplir les concavitez du chemin ou roches (La Vigne, V.N., p.1495, 278)

Eslargir le lieu à un ennemi. Laisser une brèche à l'ennemi (pour qu'il s'y engouffre).

Sy s'en partirent chaudement et hastivement les deux rois, et eslargirent le lieu aux Crestiens, qui lors pencerent que il se voussissent ja mectre en fuite, sy en furent moult joieux. (Guill. Orange T.H.G., t.1, p.1450, 173)

Éloigner qqc., pousser au large.

...le bastart Gadifer (...) print un aviron en sa main et leur rescout le batel et l'eslargi bien avant en la mer (Gadifer De La Salle, Canarien, c.1404-1406. In : Chrestom. R., 64)

Emploi pronominal. S'eslargir. S'étendre, occuper un espace plus grand.

...les Carmes, attendue leur necessité d'eulz elargir en leur logiz, averont par la main de la Court de l'argent ou biens à eulz laissiez par Perrenelle de Crepon pour acheter certeinne place près d'eulz. (Baye, I, 1400-1410, 44)

...car encores sont en guerre avecques luy, et si [se] sont bien oséz eslargir, comme d'avoir prins en Pouille sept ou huyt citéz en gaige, mais je ne sçay quant ilz les rendront. (Comm., III, 1495-1498, 113)

[D'un organe] S'agrandir, se gonfler.

La seconde maniere ou espece, c'est quant l'air ne peut estre tiré au cueur souffisamment, pour ce que la canne du polmon et le pis ne se peuvent eslargir et l'appelle on anhelitus ou anhelosus (Gordon, Prat., c.1450-1500, IV, 8)

Eslargi. Gonflé.

...s'il a le ventre eslargi ou restraint (Prevost, Cir. Guill. Salicet, 1492, II, 2)

S'éloigner.

Mes ains que (...) je m'osaisse eslargir, Pour moi encor mieuls assagir A Joneche di (Froiss., Joli buiss. F., 1373, 126)

Mais assés tost après, eulx doutans sa venue, se saisirent du batel et se mirent dedens, et se eslargirent bien auant en la mer (Béthencourt, Canarien G., c.1490, 34)

Entreus que chils parlemens se fist, s'eslarghirent et refroidirent li Franchois, et pluiseurs s'alèrent ombroyer desoubs les arbres et désarmer pour le cault, car bien cuydoyent avoir trieuwes ou paix (Hist. chron. Flandres K., t.1, c.1342-1383, 288)

...le seigneur de Saintré, jasoit qu'il se fust ung peu eslargy, tout a plain il l'entendit. (La Sale, J.S. E., 1456, 406)

[D'une troupe] Se donner du champ, se déployer.

Si reculèrent un petit et se remisent ensamble, et puis se ouvrirent et fisent voie à leurs arciers qui estoient derrière yaus, pour traire. Quant li arcier furent devant, si s'eslargirent et commencièrent à traire de grant manière. (Froiss., Chron. L., VI, c.1375-1400, 125)

Si trestost comme ils furent à nous, ils mirent pié à terre et nous assaillirent fierement, et, ce qui trop nous greva, nous ne nous poions eslargir, car nous estions entrez en ung chemin, lequel à deux costez estoit enclos de haultes haies et de vignes. (Froiss., Chron. M., XII, c.1375-1400, 104)

Là estoient gens d'armes de leur costé en grant dangier, car au relever ilz ne povoient aidier l'un l'autre, et si ne se povoient eslargir pour eulx deffendre ne combatre à leur volenté. (Froiss., Chron. M., XII, c.1375-1400, 157)

...il me semble bon de nous eslargir sur le paiis et ravir les biens pour ravitaillier nostre navire (Percef. Compl. R., c.1450 [c.1340], 22)

c)En particulier. [À propos de prisons, de prisonniers]

Eslargir (sa prison à qqn). Libérer qqn (de prison).

...la Court leur eslargist leur prison pour aller là où il voudront, jusques au jour de la baillie de Senz de cest present parlement ; à laquelle journée il se comparestront en leurs propres personnes pour oïr l'ordrenance de la Court (Conf. Jug. Parlem. Paris L.L., 1333, 93)

...messeigneurs (...) eslargirent à ceuls qui s'ensuivent (,) leur prison par tout le royaume de France juques à la seneschauciée de Biaucaire du prochain parlement venant (Conf. Jug. Parlem. Paris L.L., 1334, 96)

...que (...) il leur eslargast leurdite prison parmi la ville de Paris, jusques à tant que la Court en eust autrement ordené. (Conf. Jug. Parlem. Paris L.L., 1333, 110)

Quant ce vint à le nuit, le prevos des marchans, qui volt complaire à ces englès saudoiiers, leur eslargi leurs prisons et les fist delivrer et aler leur voie. (Froiss., Chron. L., V, c.1375-1400, 111)

Remarque : Autre ex. (fourni par Gilles Roques) : doc. 1369 ds Félix Brassart, Histoire du château et de la châtellenie de Douai, 3, 103 (consultable sur Gallica). Cf. aussi Cl. Gauvard, Bibl. Ec. Chartes 157, 1999, 577.

Par extension. Libérer qqn.

A ce faire s'accorda le fol et de fait le fist, craignant estre remis en l'eaue, si que par succession de temps le medecin lui eslargit sa prison tousjours de petit en petit (Tardif, Facéties Pogge D.H.-P., c.1490, 92)

Libérer un animal (un oiseau).

Li espriviers qui n'est pas nus De courtoisie et de noblesce S'avise que l'oisel ne blesse En eslargissant sa prison, Par quoy moult l'esprivier prise on. Comment prison li eslargist ? Celui oisel qui la se gist, D'entre ses piez le laist aler. Et s'il ne puet si tost voler, Pour ce qu'il a souffert assez, Par quoy il puet estre lassez, Il se puet sus ses piez drecier Et ses plumettes adrecier Lés l'esprevier privéement. Lors li espreviers doucement, Pour li congnoistre, le regarde Et le prent aussi comme en garde (Mach., D. Aler. a.1349, 285)

Eslargir qqn. de prison. Libérer qqn (de prison).

...ledit Pierre a esté eslargi de prison pour aler là où il voudra, dedenz le royaume de France (Conf. Jug. Parlem. Paris L.L., 1334, 98)

Eslargir qqn. Mettre (un prisonnier) en liberté, libérer qqn.

...comme nous aiens bailliet en mandement à notre dit bailli que les diz souspeconnéz soient eslargi jusques au dit jour de l'Assencion, nous avons acordé et accordons aus dis maieur et eschevins que la dicte dilacion et cours de temps jusques à la dicte Ascencion et ensement le dit eslargissement, qui par notre dit bailli se fera des dis souspeconnéz, ne portent aucun preiudice (Hist. dr. munic. E., t.3, 1368, 409)

...pour souspeçon de plusieurs crimes avoit pieçà esté emprisonné et eslargi des prisons dudit Chastellet (Reg. crim. Chât., I, 1389-1392, 212)

...par la confession dudit prisonnier appert que, pour cas criminel, il avoit esté eslargy audit jour de samedi derrenierement passé (Reg. crim. Chât., II, 1389-1392, 10)

...toutesvoies ledit prisonnier n'en avoit voulu confesser aucune chose, et, pour ce, par lui, comme juge ordinaire, avoit esté eslargi à certain jour avenir, moyennant certaine caucion par lui receue. (Reg. crim. Chât., II, 1389-1392, 403)

...Guillemin le Mareschal, alias elargy par la Court juques à huy, est elargy comme devent par main souverainne juques aux jours de Paris prouchainement venans. (Baye, I, 1400-1410, 43)

...la Court a ordonné que jusques à la Septembresche, J. de Saint Pere sera elargi et interim fera tout son effort de contenter ses crediteurs (Baye, I, 1400-1410, 137)

Cedit jour, la Court a eslargi J. du Ru, prisonnier en la Conciergerie et nagueres geolier d'icelle (Baye, I, 1400-1410, 156)

Et finablement je eslargy ledit Quercin tout prisonnier jusques au XIIe jour d'aoust pourveu qu'il a promis et juré paier et délivrer dedens 15 jours ès mains de monseigneur le Trésorier, maistre Estienne Chevalier, ladicte somme de 507 escus quart, sur peine de cent marcs d'argent à appliquer au Roy. (Aff. Jacques Coeur M., 1453-1457, 53)

Et après, par ladicte court, furent eslargis et renvoyez en leurs maisons. (Roye, Chron. scand., II, 1460-1483, 97)

...certain temps après fut ledit suppliant par nostre dicte court de Parlement eslargy touchant ledit cas previlegié jusques à certain jour, et semblablement fut eslargy par nostre dit conseiller touchant le delit commun. (Doc. Poitou G., t.10, 1462, 316)

Participe passé en emploi adjectival ou substantival.

Emploi adjectival. Libéré sous condition.

...veue la confession d'icellui prisonnier, ce que autrefois il avoit fait autre larrecin, dont il avoit et a remission, qui encores ne lui est pas verifiée, maiz est encore prisonnier eslargi (Reg. crim. Chât., I, 1389-1392, 185)

Emploi substantival masculin. Celui qui a bénéficié d'un élargissement.

...consideré la grace et remission à lui ottroyé par le roy nostre sire, pour raison du hanap d'argent dont dessus est faite mencion, laquelle n'estoit encore aucunement verifiée, et aussi que, en l'expedicion d'icelle, il estoit cheuz et mis, vendredi derrerement passé, en un deffaut des eslargis (Reg. crim. Chât., I, 1389-1392, 189)

2.Au figuré. Développer qqc..

a)Eslargir qqc.

Eslargir (une faculté de l'esprit). Développer (une faculté), donner plus d'ampleur (à une faculté).

SPIRITUALITÉ [Dans le courant de Saint-Victor] Accéder au premier degré vers la contemplation de Dieu.

Eslargissons doncques a present, o devost peuple crestien, et estendons le giron de nostre desir, c'est a dire desirons bien, car quant plus desirerons et plus en aurons. Espandons devant eulz [saint Pierre et saint Pol] le sac de nostre povreté espirituelle (Gers., P. Paul, a.1394, 484)

Certes tu as bien matiere et large en toy, tant en ton corps que en ton âme, sur laquelle tu peulx eslargir et espandre ta meditacion a la fois sur le corps a la fois sur lame selon son estre et condicion naturelle (Cib., p.1451, 185)

Donner plus d'ampleur à qqc..

...la pensee des mortieulx, (...) est enveloppee de tres espesses tenebres, par quoy il avient que elle eslargist ses demandes a ce que son appetit desire, pour ce que elle ne scet congnoistre son mieulx (Bouciquaut L., 1406-1409, 397)

Étendre (le champ d'application d'un texte juridique).

...les juges royaulx eslargissent et extendent trop les cas que ilz dient estre privilegiés (Juv. Urs., Verba, 1452, 382)

Eslargir sa parole. Parler davantage.

Je ne vueil plus avant eslargir ma parole. (Chart., L. Esp., c.1429-1430, 177)

Eslargir (une loi). Rendre une loi moins astreignante, plus souple.

Tu devoies eslargir les loys estroictes, et tu as ouvert la voye et abandonné la bride a tout appetit sensuel. (Chart., L. Esp., c.1429-1430, 122)

Augmenter (la portée de qqc.).

...il a volu son nom en la loenge du peuple eslargir et dilater (Mir. st J. Paulu, c.1372, 93)

Augmenter (une qualité).

Se montent ses branches au vent Pour entrer en secont jouvent Qui est moiens temps appellez. S'estent ses branches de tous lez, En eslargissant sa biauté Et en acroissant sa bonté, Pour traire a la conclusion Qui est dite perfection, Pour li deduire et deporter, Fleurs, fueilles et bon fruit porter. (Mach., J. R. Nav., 1349, 221)

Eslargir (un sentiment). Donner libre cours (à un sentiment).

...dont encommença a larmoyer de pitié et de douleur de cuer, et pour eslargir son couraige il dist au roy Lyonnel... (Percef. IV, R., c.1450 [c.1340], 502)

[Troyle] ...s'en entra tout fin seul en sa chambre et la eslargit la grant douleur qu'il avoit tenue close et enserree en son estomac (Beauvau, Troyle B., c.1455, 618)

Emploi absolu. Ouvrir des perspectives.

Desir boute : Crainte restraint ; L'un eslargist : l'autre resserre (Chart., B. Dame, 1424, 337)

Emploi factitif.

Eslargir qqn. Faire que qqn soit augmenté (en salaire).

Elle veille sur ses sergens ; Elle scet restraindre ses gens, Quant mestier est, et eslargir (Desch., M.M., c.1385-1403, 11)

Eslargir qqn en qqc. Faire que qqn développe, augmente en lui qqc..

...la negligence et non coustume de ne prendre garde sur les mauvais de telz offices le temps passé a donné licence de plus eslargir en mauvaistié ceulx qui de fallaces et divers fraudes se scevent bien aidier (Chr. Piz., Paix W., 1412-1413, 97)

b)Emploi pronominal.

S'eslargir. Prendre des libertés.

Et vous savez, qui femme prent Avoir le doit entierement, Et ly hons qui par amour aime Toute le voelt , toute le claime, Sy tost qu'a lui est octroÿe ; Telle chose ne se fait mie D'une femme tant seulement A deux hommes en un moment, Et pour che vous escondissoye. Encoire moult m'eslarguissoye Quant je vous voloye donner Du sien, et sans lui appeller ! (Dit prunier B., c.1330-1350, 85)

S'eslargir en qqc. S'exprimer, dévoiler ses pensées, s'étendre au sujet de qqc..

...mes au regard de retourner dont il [le dauphin] estoit venu ne de soy traire devers luy [le roi de France] , il n'en estoit pas encoire avisé. Aussy il ne faisoit encoire que venir, et estoit laz et traveillié et venu de loingtaines marces (...). Aussy ne pooit bonnement soy plus eslargir en ceste matere, consideré que les ambassaeurs de son bel oncle [le duc de Bourgogne] qui avoient esté par dela devers le roy pour sa cause, ce disoit, n'estoient pas encoire retournéz, par quoy ne savoit ce que pooit fere ou leissier, ne respondre ne taire. (Chastell., Chron. IV, D., c.1461-1472, 87)

S'eslargir envers qqn. S'ouvrir à qqn, faire savoir ses pensées à qqn.

Jehan Coustain doncques, ayant devant luy le coeur de cest homme par longues subtiles menées, enfin s'eslargit envers luy par demande, assavoir... (Chastell., Chron. K., t.1, c.1456-1471, 240)

S'eslargir de paroles. Se répandre en paroles, se laisser aller à parler.

Adont la grant yre et despit que le dit Thomas ot le fist eslargir de parolles selon son courage (Bouciquaut L., 1409, 386)

S'eslargir à + inf. Se laisser aller à.

Ces pensers [li] furent si riches Que la belle adont s'eslargi, A tout ce qu'elle entendi, A faire .I. petit rondelet (Froiss., Méliad. L., t.2, 1373-1388, 250)

Emploi impersonnel. S'eslargir. Exposer, développer longuement.

Cestes manieres à tenir selon discrecion ou prudence semblablement appartiennent selon leur qualité et estas aux dames et autres dames differencieement, si que à chascune appartient, et pareillement aux hommes, quoyque plus largement se pourroit eslargir à dire sur ceste matiere touchant chascun estat particulierement, mais pour briefté à tant souffise la descripcion des susdis .III. dons. (Chr. Piz., P.V.H., 1416-1418, 37)