ESBAHISSEMENT

substantif masculin

[T-L : esbäissement ; GDC : esbaissement ; FEW (I, 285b) : batare ; TLF (VII, 588b) : ébahissement]

A. -Profond étonnement, stupeur, ébahissement.

Et le dit fevre, afin que la merveille de son euvre il tournast en grant esbahissement de touz ceulx qui le regardoient et acreust la grace de l'empereour plus noblement et plusparfaitement, il prist la fiole de la main de l'empereour et, tant comme il pot, il la geta contre le pavement, et si fort que vaissiaus d'arain et de cuivre en deussent estre quasséz ou blesciéz. (Foul., Policrat., IV, 1372, 60)

Et pour un esbahissement de la multitude des playes, le chevalier, qui a este vaillant en bataille, en son hostel, sans guerre, se laisse vaincre par laschesse de lui mesmes et aucunesfois de garison cheoit en desesperacion. Et par deffault de remede se laisse morir indiscretement. (Mézières, Songe vieil pèl. C., t.2, c.1386-1389, 358)

Vecy chose tresmerveilleuse Et de grant ebeïssemant ! Bien debvons croire seuremant En noz dieux et en leur puissance, Et leur pourter grant reverance. (Myst. st Adr. P., c.1450-1485, 30)

Et quant la royne et sadicte compaignie virent et oïrent ceste merveilleuse chose, par merveilles et grant esbayssement l'un l'autre regarda (La Sale, J.S., 1456, 307)

...grand doleur luy eust esté, si paour et esbahissement ne luy eussent tollu tout sentement. (C.n.n., c.1456-1467, 457)

Ravissement (mystique).

Dilate moy en amour afin qu'en l'interiore bouche de mon cuer j'aprende a gouster comment c'est suefve chose que d'amer et d'estre fondu et vacquier en amour. Je seray tenu en amour en alant par dessus moy, par trop grant ferveur et esbahissement. (Internele consol. P., 1447, 80)

Estre en esbahissement de qqc. Être perplexe à propos de qqc., ne pas comprendre qqc..

Ha ! Createur, et pourquoy est ce Que ceux cy s'en vont lamentant, Les autres s'en aloient chantant ? Cest difference merveilleuse. Est il sours quelque dangereuse Chose en ceste ville depuis Le depart des premiers ? J'en suis En tres grant esbahissement. (Myst. Incarn. Nat. L., t.2, c.1454-1474, 93)

B. -Par métonymie. Chose étonnante, stupéfiante.

Dame, dis je, merveilles oy, Je songe ou dor, si com je croy. Un esperit vous m'appeles Qui en mon cors sui ci boutez, Qui dites que sui cler voyant Et si ne voy ne tant ne quant, Et de mon cors dit vous avez, Qui bien voit, qu'il est avuglez Et mont d'autres (trop) grant merveilles Qui me sont puces'es oreilles, Si vous pry que m'en enseigniez Plus clerement et apreigniez, Quar demander pas bien ne say Pour l'esbahissement que j'oy. (Guill. Digull., Pèler. vie hum. S., c.1330-1331, 188)

Et est [l'attitude des Anglais] ung esbahissement veu que en Angleterre a clercz solemnelz comme ilz si arrestent (Juv. Urs., T. crest., c.1446, 55)

Cheminez d'icy en avant Pour veoir grans esbahissemens : Vous verrez plusieurs monumens Tous ouvers, je vous certiffie. (Gréban, Pass. J., c.1450, 347)

Ilz faisoient tel abatis devant eulx et tel deffroisis d'escus Et de blasons que c'estoit grant esbahissement a voir. (Percef. III, R., t.3, c.1450 [c.1340], 114)

C. -Par analogie. [État comparable à celui de l'ébahissement]

1.Paralysie.

...stupor qui vaut en droit françois autant comme esbahissement (Saint-gille, Comment. A.Y. L., 1362-1365, 271)

2.Peur.

Pourquoy te laisses tu de vain esbahissement consommer ? Pourquoy te lasses tu de cures superflues ? Tien toy a mon bon plaisir et tu ne souffriras nul detriement. (Internele consol. P., 1447, 150)