SOUFFRIR

verbe

[T-L : sofrir ; GD : soufrir, soufrant ; GDC : soufrir ; DECT : sofrir ; FEW (XII, 399a) : sufferre ; TLF (XV, 738b) : souffrir]

I. -Emploi transitif.

A. -Supporter, endurer, subir qqc..

1.[Un poids (au propre ou au fig., en partic. un poids financier)]

Item, que la Bourcelliere de Poitiers avoit ediffié en nostre demainne et qu'il avoit eu argent d'icelle pour le souffrir. (Doc. Poitou G., t.3, 1350, 14)

...liquels Hennequin luy nomma par ordre ceuls qu'il cognoissoit, et quelle renchon ilz porroient souffrir et païer s'il estoient pris. (Reg. crim. Chât., I, 1389-1392, 383)

Suffero (...) : soufrir ou sus lever, emporter (...). Sufferens (...) : soufrans, patiens, soustenans, portans (Le Ver, Dict. M.E., c.1420-1440, 484)

Suffero (...) : soufrir ou sublever, emporter (...). Sufferens (...) : souffrant, patiens (Le Talleur, Vocab. E.M., c.1490, 380)

2.[Une chose pénible (physique ou morale), une souffrance]

NOSTRE DAME. Mes amis, moult me doy doloir (...) De la cruelle passion Qu'a souffert mon serjant a tort (Mir. ev. arced., c.1341, 131)

Trop m'est griéve ceste douleur Et ce feu trop ardent et chaut. [l. chaut,] Las ! las ! que cy souffrir me fault ! (Mir. prev., 1352, 248)

Icy convient ma lasse d'ame Souffrir l'ardeur de ceste flame. (Mir. prev., 1352, 248)

Ce fu un appellé Radamas qui entendoit ceste loy en toute justice commutative et disoit que la venjance est droiturierement faite se celui qui a mal fait seuffre et reçoit telz maulz comme il a fait. (Oresme, E.A., c.1370, 292)

Et un autre fait adultere pour sa concupiscence et y despent du sien et en sueffre damage. (Oresme, E.A., c.1370, 281)

Et pour ce, celui qui fait mal par aguet cuide bien que celui a qui il le fait seuffre injuste. (Oresme, E.A., c.1370, 309)

Car en teles parties de l'ame il advient que un homme seuffre aucune chose contre les desirriers de son appetit. (Oresme, E.A., c.1370, 328)

Certes, je seuffre tant de peine Que vie humaine en moy deffault (Mir. roy Thierry, c.1374, 261)

Et atant s'en ala, et retourna icelle femme, trois ou quatre jours après, devers lui qui parle, laquelle lui demanda se il avoit souffert la nuyt grant peine ; et il lui respondi que il ne vouldroit avoir tout l'or du monde, et il en deust souffrir encores deux autelles. Et lors lui qui deppose demanda à ycelle Jehennete se elle savoit bien qui estoit la femme qui lui faisoit souffrir tel tourment (Reg. crim. Chât., II, 1389-1392, 287)

Et, ce fait, ledit mons. le prevost pria et requist messeigneurs dudit parlement dessus nommez que demain ilz voulsissent venir sur lesdiz quarreaux pour faire et avancer ledit procès, attendu la longue prison par elle soufferte. (Reg. crim. Chât., II, 1389-1392, 300)

Quant le duc Anthoine scot le meschief que les Sarrasins font au roy, si en ot grant pitié et jure en son cuer que pas ne demourra en ce party et que Sarrasins acheteront la peine que ilz font souffrir aux Crestiens. (Arras, c.1392-1393, 172)

Or me [Mélusine] r' as tu [Remondin] embatue en la penance obscure ou j'avoye long temps esté par ma mesaventure. Et ainsi la me fauldra porter et souffrir jusques au jour du jugement et par ta faulseté. (Arras, c.1392-1393, 256)

... il souffroit grant hachie, car le venin qui estoit en la plaie lui bruissoit tout le corps. (Arras, c.1392-1393, 121)

Et comment, sire chevalier, dist Anthoine, ne vous semble il pas que la chose acoustumee de longue main ne soit mieulx congneue de ceulx qui l'exercitent que celle qui est nouvellement emprise, et grieve moins ? Par foy sire, si fait. Dont, dist Anthoine, vaut il mieulx qu'ilz l'appreingnent la peine de souffrir leurs harnoiz en temps que ilz le pevent faire a leur aise et eulx rafreschir seurement, pour savoir la maniere comment ilz le pourront plus a aisiement souffrir quant mestier sera, que s'il leur convenoit apprendre entre leurs ennemis, en doubte et en durté. (Arras, c.1392-1393, 156)

La renforca la bataille forte et horrible. La souffrirent crestiens grans faiz, et sont reculez le long d'une lance. (Arras, c.1392-1393, 235)

...et se Dieu de sa grace n'eust regardé son povre pueple, les biens de terre estoient en grant peril et par consequant le pueple, nonobstans les travaulx que sueffre en moult de manieres (Baye, I, 1400-1410, 93)

...et aussi pour relever le peuple et subgiez de ce royaume des griefs et oppressions qu'ilz ont souffert et soubstenu par cy devant et soubstiennent de jour en jour (Fauq., I, 1417-1420, 360)

Revoquez vous et sy creez Es grans dieux de nostre creance, Et des biens tresgrant habondance Nous vous ferons et largement, Ou, ce se non, certainement Vous souffrerés peinne tresdure. (Myst. st Adr. P., c.1450-1485, 78)

O doulz Jhesus, qui passion Souffraz pour la redempcion D'umaingne ligne, Envoye nous ta grace divine, Affin qu'elle nous enlumine Et face digne De ta gloire et fruicion ! (Myst. st Adr. P., c.1450-1485, 81)

...vous amenderez a mon vouloir et tout a ma devise les peines et travaulx que j'ay souffers et enduré[s] tout pour l'amour de vous. (C.n.n., c.1456-1467, 156)

'...il n'y a medicin ne cyrurgien en Paris qui n'ait veu mon cas. - Et qu'en disent ilz ? souffrerez vous longuement ceste doleur ?...' (C.n.n., c.1456-1467, 536)

...la grande et extreme chaleur qu'ilz avoient et souffroient ilec (Roye, Chron. scand., I, 1460-1483, 297)

Plus ne porroye cy demeurer Ne souffrir le tarrible torment Lequel me fait mon pouvre enfant, Quant le diable ainsi le tormente. (Pass. Auv., 1477, 157)

Nepveu, coment - pouvés vous souffrir tant de maulx ? (Pass. Auv., 1477, 210)

...quant vostre cher precïeuse Voy souffrir ung si grant martire, La passion m'est si trespeneuse Que d'eure en heure, las, j'espire. (Pass. Auv., 1477, 220)

Josep, mon frere et amy, Bien devons a Dieu rendre grace, Car entre bras en ceste plasse Nous tenons le corps de celluy Que pour nous a souffert enuy Et en celle croix mort onteuse. (Pass. Auv., 1477, 243)

Faulx Judas, tu m'as fait du pire Par ton ire Et par ton envie maulvaise ; Tu me faiz souffrir ce martire, Cuidant nuyre A ton seul maistre [Jésus] pour ton ayse. (Pass. Auv., 1477, 246)

Doulce porture, Paine tant dure - advés souffert tant humblement. (Pass. Auv., 1477, 255)

Or me dictes donc, mon doulx filz, Si oncques pis A homme vis - souffrir ne avoir tant de paine ? (Pass. Auv., 1477, 256)

Haa, Jehan, mon filz, la doleance Et paine que j'ay veu souffrir A mon filz, qu'estoit ma plaisance, De grant doleur me fait morir. (Pass. Auv., 1477, 258)

BOURGOIS. Las, il est pendu ! (...) Or est il mort de mort villayne ; Secours donner ne luy pourroye, Dont je seuffre une dure payne. (La Vigne, S.M., 1496, 389)

LUCILLE, en montant sur le decolouer. Par toy me soit grace donnee, Mon amy, je le te requier, Tant que je puisse mercier Mon Dieu pour qui souffre martire. (Myst. st Laur. S.W., 1499, 266)

Souffrir la mort. Endurer la mort.

...il n'y avoit pas cause pour quoy elle deust souffrir mort, mais conseillerent que elle feust tournée ou pillory (Reg. crim. Chât., I, 1389-1392, 201)

...le saulvement ou condempnacion que l'arme de lui attent aujourd'uy à avoir et recevoir après sa mort, qu'il voit qu'il convient qu'il sueffre presentement (Reg. crim. Chât., II, 1389-1392, 92)

Et savez comment il a premierement souffert la crueuse mort pour nous racheter des paines d'enfer. (Arras, c.1392-1393, 108)

...dont Nostre Seigneur nous getta, par la mort qu'il souffrist sur l'arbre de la sainte croix (La Sale, Salade, c.1442-1444, 125)

Souffrir que. Endurer que.

...laquele, en soy revengant et debatant, fu si floibe que elle ne se pot plus aider et falu qu'elle souffrist dudit Baudet que, malgré qu'elle en eust, qu'il la cogneust charnelment. (Reg. crim. Chât., II, 1389-1392, 511)

Supporter qqc., résister à qqc..

Mais ce n'y vault neant, car Poittevins sont fors et durs, aspres et fiers comme lyon, et leurs deux seigneurs si puissans que nulz ne les ose actendre. Et voit bien le roy au par aler qu'il ne puet souffrir leur force. Mais le roy, qui moult par fu vaillans homs et fort et roides, cria en hault : Ausaiz ! Avant, seigneurs barons, ne vous esbahissiez pas, la journee est a nous. Faisons leur un bon poindre et nous tenons ensemble et tantost les verrez desconfiz se nous nous povons un pou tenir contre eulx. (Arras, c.1392-1393, 161)

[Avec un adv. d'intensité (au lieu d'un obj.)]

Mais moult fu grande la force des Sarrasins, et orent moult crestiens a souffrir et a porter, et eussent esté noz gens desconfiz se Dieu, par sa grace, n'eust celle part admené Gieffroy et sa navire, ainsi comme vous orrez cy après en la vraye histoire. (Arras, c.1392-1393, 217)

Monseigneur, j'ay grant merveille de vous, qui estes chevalier de si hault affaire, comment vous avez tant souffert de ce mastin Gardon, le jayant, qui a mis vostre pays de Guerrande en patiz... (Arras, c.1392-1393, 239)

...[elle] adressoit la plus part de ses motz venimeux sur la pouvre Jehannette, qui n'en peut plus souffrir. (C.n.n., c.1456-1467, 272)

...ladicte ville eust eu beaucop à souffrir ou grant dommage du roy et du royaume (Roye, Chron. scand., I, 1460-1483, 153)

Emploi pronominal à sens passif.

Et supposé que ou temps passé aient esté fais pluseurs maulx et injures tant d'ung costé que d'aultre, tout se doit souffrir et endurer (Juv. Urs., Aud. celi, 1435, 263)

Emploi absolu. Endurer.

Car nous ne sommes dis bons ne mauvais ne loés ne vituperés selon telles puissances ou pour ce que nous povons souffrir selon les passions dessus dictes. (Oresme, E.A., c.1370, 159)

Item, il appartient plus a amy bien faire que bien souffrir ou que bien recevoir (Oresme, E.A., c.1370, 484)

Les gouverneurs des citéz, par le sens de quoy traicte ceste science deveent aucuns arts, les autres souffrent, commandent, et en ordenent quant a la matere ou de la forme ou du pris et des autres appartenances, si comme des robes, du pain et des autres choses. (Oresme, E.A.C., c.1370, 105)

Gieffroy, beaulx filz, il n'a gueres que nous n'en savions nouvelles, et avons souffert pour amour de vostre venue, car nous ne voulions pas troubler la feste. Mais ne vous chault, car Gardon sera bien paiez de sa desserte. (Arras, c.1392-1393, 239)

infinitif substantivé.

Lors sa demeure et tart saillir Et mon bien souffrir me vauldra. (Chart., B. Dame, 1424, 354)

Participe présent en emploi adjectival. [Dans une injure] Qui souffre d'insuffisance, infortuné, misérable.

Tu as menti, coqu souffrant ! (Lettres rémission René II P.D.H., 1489, 187)

3.[D'une chose] Supporter qqc..

Les corps malades ne pevent souffrir grant diete en amptonne ne en esté, maiz en yver pevent mieulx soustenir, et en ver aprez. (Saint-gille, A.Y., 1362-1365, 57)

Se telles choses sont evacuees ainsi comme il est neccessité, il fait bien et seuffre le corps legierment celle evacuacion ; maiz le contraire lui fait mal. (Saint-gille, A.Y., 1362-1365, 71)

Par ce que nous dirons sera manifeste que cors infini ne puet souffrir mouvement ou action faicte par corps fini et aussi il ne puet faire action en corps fini. (Oresme, C.M., c.1377, 122)

Et des prouffiz et des fruiz que il en a levez, selon la mise d'argent que il y pourra avoir, soit distribué a en faire une prieuré et renter moines, selon la quantité que la mise pourra souffrir raisonnablement, pour chanter perpetuelment pour l'ame du nepveu du roy. (Arras, c.1392-1393, 65)

...la congnoissance des particulles passientes ou seuffrantes (Panis, Guidon, 1478, tr.I, doct.1, chap.1)

Être le lieu de qqc..

La lune la nuyt enlumine. Elle seuffre acroissement et amenrissement. (Somme abr. M., II, c.1477-1481, 85)

Souffrir que

Car l'amour naturele que le pere a au filz ne sueffre pas que il face violence. (Oresme, E.A.C., c.1370, 533)

Et tout ce est possible, et ceste possibilité sera reduite a fait en ceste maniere par neccessité de nature, qui ne puet souffrir que une matere ait touzjours une forme ne que une chose corruptible dure touzjours. (Oresme, C.M., c.1377, 256)

...ses affaires ne povoient souffrir que celle nuyt il retournast. (C.n.n., c.1456-1467, 24)

Emploi absolu.

Au quart, ou il fu dit que l'en pourroit foïr si avant en terre, etc., je di que nature ne pourroit souffrir, aussi comme l'en ne pourroit par nature approchier du ciel tant que l'en y touchast. (Oresme, C.M., c.1377, 170)

B. -Par analogie. [Idée d'acceptation (d'une chose que l'on supporte ou que l'on tolère)]

1.Souffrir qqn

a)Supporter qqn.

Emploi pronominal réciproque.

Et qui vouldroit dire : elle ment, Si regarde l'air et la terre, Entr'eulx trouvera telle guerre Que jamais ne se souffreroient L'un l'autre (Chr. Piz., Chem. estude P., 1402-1403, 18)

Souffrir qqn + attribut de l'obj.

Et dist, avec ce, que s'il n'eussent dist l'un de l'autre qu'il estoient espousez en plusieurs desdites villes où ilz ont esté, que les hostes sur qui il se herbergoyent ne les eussent pas souffers couchiez en leurs maisons comme ilz faisoyent. (Reg. crim. Chât., I, 1389-1392, 152)

Car s'il est aulcun qui ['qu'il'] ne puisse souffrir egal avec les aultres, c'est grant signe qu'il veult user de force (La Sale, Sale D., 1451, 253)

...Dieu scet le dueil que j'en porte (...) quand celuy de qui je doy avoir et tout secours attendre, en sa presence et par son advis m'a bien souffert deshonorez ! (C.n.n., c.1456-1467, 52)

b)Attendre qqn.

E ! doulx Jhesus, (...) Bien m'as monstré, bien m'as offert Grant amour, quant tu m'as souffert Et attendu si longuement. (Mir. mère pape, c.1355, 360)

2.Souffrir qqc.

a)Supporter, accepter qqc..

...belle fille, entens moy : Se le roy prent ton pucellage, Seuffre le, si feras que sage (Mir. Berthe, c.1373, 167)

Or ne scay lequel croire, mais pour ce que vous estes mon frere, je ne vous doy pas celer ne souffrir vostre deshonneur, et pour ce suiz je cy venus pour le vous dire. (Arras, c.1392-1393, 241)

Gardez que vous ne soiez si hardiz que jamais en paiez denier, car je vous courreceroye du corps. Je verray qui sera cellui si hardy qui vouldra avoir treuage sur moy. A ce jour que je le souffreray, soye je mort de male mort soubite. (Arras, c.1392-1393, 297)

Quant l'empereur vit la vaillance de cestes gens, et que l'un parti ou l'autre failloit que rompist, alors s'escria et dist : 'Helas ! ou estoit mon cuer, de souffrir un tel inconvenient ?' (La Sale, J.S., 1456, 267)

Et constat, par ceste lecçon, Pour conserver vim et robur, Prestat ne faire mot ne son, Souffrir et escouter murmur ; Si conjunx clamat 'Ad ce mur !', Fingat que pas ne le conçoit. Fol non credit tant qu'i reçoit. (Villon, Poèmes variés R.H., c.1456-1463, 48)

Il fait assez a croire et penser qu'elle ne souffrit pas la volunté de l'Escossois pour plaisir qu'elle y prensist (C.n.n., c.1456-1467, 53)

Je l'ay longuement enduré [Jean-Baptiste] Et souffert tout ce qu'il disoit, Quoy que l'en aye murmuré Ne dit de moy. Il me plaisoit Quant il preschoit un autre roy. (Pass. Auv., 1477, 97)

Souffrir que. Accepter l'idée que.

Et les autres, si comme Empedocles, dient que la cause est pour ce que le ciel est environ elle [la terre] et est si tres isnelement meu que par ce il ne seuffre que la terre se moeve (Oresme, C.M., c.1377, 546)

Emploi absolu. Laisser faire.

Quant le beau Mars l'eut bien meüe en lesse, S'elle soufrit, vous m'antandez venir : (...) Car ordement se laissa espanir Par le ribaut (Epître Romains M., c.1475, 182)

b)Tolérer, permettre qqc..

...laquelle lettre na tenu lieu audit de Crespon, ou compte dentre lui et ledit Messire Jehan Climence, que de IXcLXXV l. II s. IX d. t., parceque Ferrando, lieutenant lors du roy de Navarre, ne le voult souffrir, si comme ledit Messire Jehan Climence la tesmoigné au burel en la chambre des comptes (Compte Navarre I.P., 1367-1371, 441)

...veans que en ce faisant on leur faisoit tort, et que lui et le frere de sa dicte femme pourroient perdre la part de leur dit bois et le bon droit qu'ilz y pretendoient avoir, avecques ce qu'ilz seroient desappoinctez de leur possession, s'il le souffroyent, conclurrent et proposerent entre eulx de aler audit jour de mardi, avec leurs beufz et charettes audit bois, pour en avoir leur part. (Doc. Poitou G., t.8, 1446, 361-362)

...Dieu plus ne vouloit son tresdamnable abus permettre ne souffrir. (C.n.n., c.1456-1467, 97)

[Conseils à une jeune mariée] ...garde bien que, quelque chose qu'il face, que tu ne dies ung tout seul mot ; et quelque chose qu'il vouldra faire, seuffre tout. (C.n.n., c.1456-1467, 249)

Et, par mon ame, nous ferons, Nous ne souffrerons point cela. (Feste roys, c.1475-1500, 308)

Je ne puis plus souffrir l'ostrage Qu'on a fait a Jhesus mon filz ; Donc pour advertir les Juïfz Je veulx temeures estre en terre, Et que division soit en pierre. (Pass. Auv., 1477, 224)

Souffrir qqc. à qqn. Permettre qqc. à qqn.

La se prist (...) Premier a s'espée sachier Thibert pour li le chief tranchier ; Mais les autres, quant il la virent, De pitié pas ne li ['le lui'] souffrirent, Ains jettérent Thibert a terre (Mir. Berthe, c.1373, 228)

...ung jour ensemble estoient, après les treshaulx biens que amour leur souffrit prandre (C.n.n., c.1456-1467, 92)

Laquelle il cuida bien aller baiser et saluer, et faire une orde excusance de ses faultes. Mais il ne luy fut pas souffert, car elle luy tourna l'espaule (C.n.n., c.1456-1467, 181)

Et le vendredi ensuivant, quart jour dudit moys, le roy ordonna aux portiers de laditte porte Saint-Anthoine qu'on laissast entrer desdiz Bourguignons en icelle ville, dont plusieurs y vindrent à ceste cause et en grant nombre, qui y firent plusieurs excès et maistrises, ce qui ne leur eust pas esté souffert qui bien eust sceu que le roy ne s'en feust point courroucié (Roye, Chron. scand., I, 1460-1483, 125)

JOUHAN. Hé ! dame, le dyable y ait part, Je me tuë et romps le col Sans nul gré. LE SOT. Tant es tu plus fol. Si tu luy seuffre, el n'a pas tort. (P. Jouh. D.R., a.1488, 20)

Souffrir que. Tolérer, permettre que.

L'EMPERÉRE. Seigneurs, (...) Je hé tant ces gens crestiens Que je ne soufferray pour riens Qu'en mon regne nul en remaingne Vivant (Mir. st Ign., 1366, 79)

...sa proteccion et tutele soubtraicte, il [le saint Esprit] seuffre et soustient que les chetifs, que celle forsenee mauvaistié demaine (...), soient, par diverses illusions de dyables, trais et menéz ou fons d'ebfer. (Foul., Policrat. B., II, 1372, 199)

Il prent congié, lui et ses freres, et montent. Mais il ne voult souffrir que le roy Regnault ne Anthoine le convoiassent, mais leur dist : Prenez avant congié de voz femmes, mes seurs, et de voz gens, et ordonnez de voz besoingnes. (Arras, c.1392-1393, 283)

Et lors fist chargier pain et vin, poulaille, foings, avoines, et envoier a Gieffroy, qui oncques n'en retint rien, mais bien souffry que qui en voult avoir pour son argent, en eust. (Arras, c.1392-1393, 210)

...la Court n'avoit volu souffrir que les lettres de la taille fussent publiées en la Court (Baye, I, 1400-1410, 34)

Et a ces parolles Madame (...) souffrist qu'il la baisast. (La Sale, J.S., 1456, 234)

...monseigneur, qui est content de ceste espreuve, souffrit bien que madame luy bouchast son bon oeil d'une main (C.n.n., c.1456-1467, 113)

...je ne pourroye souffrir que une telle gouge se trompast et de vous et de moy si longuement. (C.n.n., c.1456-1467, 230)

L'EMPEREUR. Ha, mes amys en qui gist ma fïance Et la certayne, entiere confïance De moy qui suis vostre seul empereur, Le dieu Mahon ne seuffre qu'en pire eur Soit subvertie vostre grant excellence ! (La Vigne, S.M., 1496, 241)

Sire, ne souffrés que autre que vostre misericorde, clemence et pitié soit juge de ma cause (Le Clerc, Interp. Roye, c.1502, 369)

Souffrir + prop. inf.

Las ! chetif, las ! Mére Dieu, conment soffert l'as Ainsi morir ? (Mir. ev. arced., c.1341, 114)

Sertes, sire, moult mesprenons De vous souffrir faire tel choze [laver les pieds de ses disciples] Mais contre vous riens dire n'oze, Car mon seingneur ne doy desdire. (Myst. Pass. N.S., fragm. Troyes R., c.1350-1370, 275)

De par la mére nostre sire Jhesu Crist te vieng demander Se tu te soufferras crever L'autre oeil (Mir. emp. Julien, 1351, 220)

...Celui (...) qui souffri mettre son corps Ou sepulcre ou il habita Trois jours... (Mir. st Val., c.1367, 140)

LA SERVE. Or pouez bien veoir conment Vous ain, dame, de bonne amour, Qui seuffre a ma fille l'onnour De son corps perdre, et si ouvrer Pour vous que jamais recouvrer Ne la pourra en son aage (Mir. Berthe, c.1373, 172)

...demandé fu par ledit mons. le prevost audit maistre Denis (...) que il souffrist faire dudit Symon justice et raison (Reg. crim. Chât., I, 1389-1392, 7)

J'ayme trop mieulx a mourir que de souffrir ainsi martirier ma gent. (Arras, c.1392-1393, 162)

... vous enconvenancerez pareillement que jamais ne porterez ne ferez dommage, ne ne le souffrerez a faire a vostre povoir dommage nul a ma damoiselle qui cy est, et l'aiderez et conforterez, lui, son pays et tous ses hommes, envers tous et contre tous qui dommage ou injure lui vouldroient porter ou faire porter. (Arras, c.1392-1393, 168)

Et soiez toute seure que a vous ne a voz gens ne a vostre forteresse, je ne souffreray rien a meffaire ou cas que vostre mary n'y soit. (Arras, c.1392-1393, 209)

...disoie A moy meismes que Dieu celestre Tel discorde sueffre en terre estre Pour le prouffit d'omme mortel (Chr. Piz., Chem. estude P., 1402-1403, 19)

...et qu'ilz [les baillis et les sénéchaux] ne seuffrent fere assemblées de gens d'armes en leurs povoirs (Baye, II, 1411-1417, 152)

Sy donnons en mandement au receveur dudit Vitry, a cellui ou ceulx qui ont saisie ladicte conté de Rethel, se saisie est, et au commis au gouvernement d'icelle, que ilz en sueffrent et laissent, le temps dessus dit durant seulement, joir et user paisiblement ladicte madame la contesse sans destourbier (Trés. Reth. L., t.3, 1417, 8)

...requerant ledit proposant (...) qu'il pleust à mondit seigneur le Dauphin, lieutenant pour le Roy, sur ce pourveoir et souffrir la collacion et disposicion demourer en l'ordonnance du Pape (Fauq., I, 1417-1420, 62)

...et souffrerons, quant ad ce cas, les gaiges de bactailles avoir lieu. (La Sale, Salade, c.1442-1444, 209)

Damp moyne (...) luy defendit sa chambre, et chargea bien expressement a son clerc qu'il ne la souffrist plus entrer dedans (C.n.n., c.1456-1467, 273)

...je sçay bien que vostre mere ne la souffrera plus demourer ceens. (C.n.n., c.1456-1467, 371)

Quoy que je lui voulsisse dire [à la femme aimée] , Elle estoit preste d'escouter Sans m'acorder ne contredire. Qui plus, me souffroit acouter Joingnant d'elle, pres sacouter... Et ainsi m'aloit amusant Et me souffroit tout raconter, Mais ce n'estoit qu'en m'abusant (Villon, Test. R.H., 1461-1462, 67)

Nobles seigneurs, ne souffrez empescher L'ame du bon feu maistre Jehan Cotart. (Villon, Test. R.H., 1461-1462, 102)

...je suis ta femme Et tu me seuffres violer ? (Cene dieux, c.1492, 131)

LE PERE SAINCT MARTIN. (...) Et, pour trop mieulx mon lox revalider, Suscistrato me seuffre presider En tout honneur et louenge immortelle : Par quoy je puis mon contraire evader Et au trosne d'Appollo resider Qui sur mon chief excellence martelle. (La Vigne, S.M., 1496, 140)

Souffrir (à qqn) à / de + inf.

LE SEIGNEUR. Je m'en vois, car je ne pourroie Souffrir a voir vous [l. vo] destourbier. Je vois a la vierge proier Qu'elle vostre cuer mette a point. (Mir. enf. diable, c.1339, 21)

...et [il] avoyent souffert aus ouvriers et monnoyers à faire autres fautes qu'il ne devoyent faire de raison, les queles fautes estoyent converties en foiblages. Item, qu'il avoient aucune foiz payé aus diz ouvriers et monnoyers leur ouvrage et monnoye en flaons. Item, que quant il estoient marchans et changeurs et il avoyent receu leur payment de la monnoye, il le trebuchoyent et mettoyent le foiblage d'une part et le fort d'autre. (Doc. Poitou G., t.3, 1353, 128)

3.Souffrir qqc. à qqn. Accepter d'accorder, de céder qqc. à qqn.

...parmi ce estoit tenu de livrer ausdiz lyons pour leur gouverne l'achat de deux moutons ou autant qu'il leur en souffriroit pour leur sustentacion et aussi du feuvre et autres menues choses pour leur neccessité et que comme il feust ainsi que depuis. (Comptes Lille L., t.1, 1425, 219)

II. -Emploi intransitif ou pronominal.

A. -[Idée de souffrance que l'on supporte]

1.Emploi intransitif. Supporter, ressentir une douleur, une souffrance.

...ladite Marion disoit que elle souffroit pour sondit ami qui ce marioit (Reg. crim. Chât., I, 1389-1392, 355)

...mais or sont aise, Qui qu'en seuffre, aprés le mesaise (Chr. Piz., M.F., III, 1400-1403, 172)

Car partout avoit grant tribulation, et souffroit et avoit moult à souffrir le peuple et par especial en la Languedoy, par la grant multitude de gens d'armes (Baye, I, 1400-1410, 246)

Adonay, quant je y advise Les gens que preschent verité, Souvent pour la iniquité Des ostinés seuffrent beaucop. (Pass. Auv., 1477, 99)

Heloÿ, heloÿ lama Sabatam ! Pour quoy tant souffrir, Mon Dieu, me laisses tu sans t'offrir A moy ayder ne tant ne quant ? (Pass. Auv., 1477, 222)

Souffert a volontairement Pour le saulvement des pecheurs (Pass. Auv., 1477, 255)

Proverbe.

C'est un proverbe de la gent, Cil qui plus souffre bonnement Plus valt (Gower, Miroir homme M., c.1376-1379, 156)

Qui plus vit, plus a a souffrir. (Miélot, Prov. U., 1456, 198)

Souffrir de qqc.

...par toutes les meilleures voyes et manieres que nous saurons adviser pour le relievement du povre peuple de ce royaume, qui tant a souffert et seuffre de misere et povreté (Fauq., II, 1421-1430, 96)

...d'ung marchant qui enferma en sa huche l'amoureux de sa femme ; et elle y mist un(e) asne secretement, dont le mary eut depuis bien a souffrir (C.n.n., c.1456-1467, 13)

...leur hostesse en avoit eu beaucop a souffrir (C.n.n., c.1456-1467, 395)

Souffrir de qqn. Endurer de la part de qqn des choses pénibles.

A che aussi pacience est neccessaire, de laquelle dist saint Gregoire es Morales : «La patienche est vraie quant on aime chelui par lequel on a a souffrir». Au contraire dist Plautus : «C'est chose trop singuliere quant l'omme ne veult souffrir de son samblable». (Daudin, De la erudition H., c.1360-1380, 266)

Participe présent en emploi substantival. Personne qui souffre, qui est souffrante.

Et sa douleur chassée et deboutée (...) le souffrant est de sa santé seur. (Saint-gelais, Séj. honn. J., c.1490-1495, 111)

GRAMMAIRE Patient (celui qui subit l'action) ; passif, voix passive.

Remarque : Doc. c.1400. In : E. Stengel, Z. frz. Spr. Lit. 1, 1879, 33-34 (sachez q'il y a trois genres de verbes et ces sont ces trois, actif c'est a dire faisant qu'aussi se poet tourner enseufferant, si come je ayme, je suis ame, passif c'est a direseufferantqu'aussi se poet tourner en faisant, si come je suis ame et je ayme, le troisiesme genre, c'est du neutre, c'est a dire qui signifie chose a faire et ne se poet bien tourner enseuffreant, si come je dors, mais alme nee ne dit pas je suys dormy).

infinitif substantivé. Souffrance.

...toutes ses deux fortunes [du roi Charles VII défunt] , prospere et averse, toutes ses povretéz et grans souffrirs, toutes ses haultes et merveilleuses oeuvres depuis, meurs et vertus, qualitéz et toutes conditions loables sont comprises dessoubz [le titre de 'vertueux'] (Chastell., Chron. IV, D., c.1461-1472, 319)

2.Emploi pronominal. Se souffrir. S'inquiéter, se soucier.

Et adonc ledit Thomas dist audit suppliant : 'Ne te souffre, je paieray pour toy', et le print par dessoubz le braz (Doc. Poitou G., t.12, 1480, 308)

3.[D'une chose ; idée de dommage subi] Souffrir de qqc. Subir un dommage par qqc..

Mes c'est chose raisonnable que nous ne oiions pas le son du ciel et que les corps de cibas n'ont a souffrir de tel son, car le ciel ne sonne pas ; et avecques ce, les choses que nous avons dites devant sont cause manifeste et font tesmoing que nous disons verité, et sont arguement a respondre a la doubte que font les Pitagoriens en disant que les corps du ciel meuz font symphonie. (Oresme, C.M., c.1377, 472)

B. -Par analogie. [Idée d'acceptation (d'une chose que l'on supporte ou que l'on tolère)]

1.Se souffrir + inf. Accepter de faire qqc. (ou que qqn fasse qqc.).

...tu [le roi Charles VII] t'es souffert estordre par oblique conseil, tu t'es souffert distraire la voye de ton salut, et par hommes donnéz a vanité temporele as differé a faire oeuvre pleine de gloire sempiterne (Chastell., Chron. IV, D., c.1461-1472, 305)

Pour ce, se doit souffrir le prince soy conseiller et doit estre persuasible et menable par raison et verité. (Fillastre, Traité Conseil H., c.1472-1473, 190)

2.Accepter de s'abstenir de qqc. ; s'abstenir de qqc., renoncer à qqc., se passer de qqc..

a)Se souffrir de qqc.

Biaux doubx peres plains de haultesse, Vous dittes mes piés laverés ; Mais se Dieu me doint joye, non ferés ! Ja ne me sera reproché Que vous ayés a mes piez thoché. Souffré vous an, pour Dieu, biau sire. (Myst. Pass. N.S., fragm. Troyes R., c.1350-1370, 276)

BARLAAM. (...) C'est a penser, se dit l'escript, Aux graces que fait Jhesu Crist Et a fait a l'umain lignage Et a desirer l'eritage De Paradis. LE ROY. Seuffre toy, seuffre de telz diz, Ou tu me verras courroucier (Mir. Barl. Josaph., c.1363, 256)

DEUXIESME SERGENT. (...) Sa, sire ! issez : en male estraine Ce puist ore estre. IGNACE. Mon ami, Dieu, le roy celestre, Le te pardoint. LE PREMIER SERGENT. Souffrez vous, souffrez de ce point Et avec nous vous en venez. (Mir. st Ign., 1366, 108)

Par ma foy, beaulx seigneurs, ce ne seroit pas raison au moins que je ne payasse voz gens qui cy sont venuz a voz souldees et gaiges. Damoiselle, dist Anthoine, souffrez vous ent, car monseigneur mon pere et ma dame ma mere les ont satisfaiz d'un an avant ce que ilz partissent de nostre pays ; si n'a il pas encores ung mois acomply. Et, d'autre part, nous avons argent assez. Si ne vueilliez plus perdre voz paroles, car certes, ma damoiselle, il ne s'en puet faire autre chose. (Arras, c.1392-1393, 166)

Monseigneur, que vous fault il ? Estes vous malade ? Et quant Remond oït qu'elle ne lui parle de rien, si cuide qu'elle ne sache rien de ce fait. Mais pour neant le cuide, car elle scet bien tout. Mais pour ce qu'il ne l'ot descouvert a nullui, elle s'en souffry et n'en monstra semblant. Et cil lui respond, qui moult fu joyeux : Ma dame, j'ay esté un pou malade et ay eu ung pou de fievre en maniere de continue. (Arras, c.1392-1393, 244)

Mais leur poise que lermoyant La voyent, si la reconfortent, A lui s'offrent et moult l'ennortent Que du dueil se vueille souffrir (Chr. Piz., M.F., III, 1400-1403, 94)

...combien qu'or cellui voise En la bataille, plusieurs mois S'en est souffert (Chr. Piz., M.F., III, 1400-1403, 124)

Se souffrir à / de + inf.

A toi sire ie clamerai, tu qui es mon dieu, ne te weille mie souffrir et taire de mi aidier et conforteir. (Psaut. lorr. A., 1365, 29)

Le roy et la royne Genevre et tous ensievant le vont moult prier qu'il se souffrist de a Caradoz copper la teste (Thom. Saluces, Chev. errant W., 1394, 892)

...li conte de Hennau fut desconfis si fort qu'ilh se soffrit dedont en avant de combatre contre Mongols (JEAN D'OUTREM., Myr. histors B.B., t.4, a.1400, 122)

...le beuf et l'asne se souffrirent a manger le foing quant il y fut mis et couché [Var. ds VIGNAY, ms. BNF fr. 241, a.1348 : se souffrirent de] . (Batallier, Lég. dorée D.-L., 1476, 144)

Remarque : Se souffrir à + inf. : FROISS., Chron. L., IV, c.1375-1400, 17 (GD VIII, 506a).

Se souffrir de qqn. Se passer de qqn.

GABRIEL. (...) Vous faites vilenie grande De tant faire attendre le prestre. Vueillez vous tost a voie mettre ; Venez offrir. GUIBOUR. Il se peut bien de moy souffrir. Die sa messe : a brief parler, Je n'y pense point a aler (Mir. femme, 1368, 227)

b)Emploi intransitif. Renoncer.

...mieux te loe a souffrir Que toy embatre en tel peril (Dit prunier B., c.1330-1350, 70)

3.Attendre, patienter ; se maîtriser, se calmer, se modérer.

a)Emploi intransitif. Attendre, patienter.

Et pour che qu'il scet souffrir (...) Il venra li tamps Qui guerredon tres entir Li rendera, sans mentir, De tous ses ahans. (Froiss., Joli buiss. F., 1373, 132)

...le tresdoulz Creatour et mon souverain Seigneur, qui voit touz jours ma mauvaise vie et encore atent pour veoir si je me corrigeray, attendant, soufrant et escoutant si en aucune maniere je vouldroye amander ma vie... (Gast. Phébus, Livre oraisons T., c.1380-1383, 46)

Et leur dit qu'encore .V. jours Seuffrent, en Dieu priant tous jours, Et secours leur envoyera (Chr. Piz., M.F., II, 1400-1403, 221)

Et ses barons reconfortant Le vont, disant qu'il seuffre atant. (Chr. Piz., M.F., III, 1400-1403, 57)

...ilz souffrirent et soursirent de demander au commun la franchise de leurs serfz. (La Sale, Sale D., 1451, 148)

Et, en allant a cheval parmy la ville, le duc milannois mist tousjours au dessus de ly le duc de Cleves (...) ; de quoy toutevoies le duc de Cleves comme tout esvergondé estrivant alencontre, dru et souvent se traveilla de le faire venir coste a coste ; lequel, non le vueillant faire, s'excusa (...). Si ne pooit avoir aultre chose le duc de Cleves et luy en convenoit souffrir. (Chastell., Chron. IV, D., c.1461-1472, 244)

JAUNE BEC. Plumés ? Me voullez vous routir ? A, Dieu, comment vous me tatez ! Hay ! Hay ! PLAISANT FOLLIE. Souffrez. JAUNE BEC. Vous me gastez ! Par le sancg de my je m'anfume ! Hay ! Hay ! PLAISANT FOLLIE. Empreu ! JAUNE BEC. Hay ! Hay ! CUIDER. Et deux ! (Pipée R., c.1470-1480, 195)

Faire souffrir qqn. Faire patienter qqn.

...qu'il se enforme et sache tost et diligenment de la certaineté du fait et de la cause de ceste besoigne et le nous rescrive et que entredeux il face souffrir le dit Rogier et ses aidanz et tenir la chose en tel estat (Doc. 1331. In : J. Miret, Le Moy. Âge 29, 1917-1918, 57)

infinitif substantivé.

N'y alez pas doncques, le peril y est trop grant. Je vous conseille pour le mieulx que vous retournez en Yconie et que vous mettez ceste chose en vostre souffrir (LEFÈVRE (R.), Hist. Troyes A., c.1464, 434)

[P. opp. aux substances, qualités, quantités, relations... de la théorie aristotélicienne] Ce qui est subi.

...que ilz considerassent de chascune chose la substance, la quantité, la relacion, la qualité, le siege de l'estre, le lieu, le temps, leur avoir, leur faire et leur souffrir, et en toutes ces choses ici leur proprietéz (Foul., Policrat. B., III, 1372, 209)

b)Se souffrir. Attendre, patienter.

Or vous souffrez, je les vois mettre. C'est fait. Or nous fault entremettre Du mettre sus. (Mir. ev. arced., c.1341, 118)

Ore un petit ci vous souffrez, Et je revien a vous en l'eure, Sanz goute faire de demeure. (Mir. st Val., c.1367, 129)

c)Se souffrir. Se maîtriser, se calmer, se modérer, être patient.

Felon Sathanas, vien sus, Et te seuffres ..., mauffé. Ne soies pas si echauffé ! (Myst. Adv. N.D. R., c.1360-1365, 58)

Ains le reçoit en belle pascïensce, Pour mieuls valoir, il se fait bon souffrir. (Froiss., Orl., 1368, 84)

Or s'est il sagement souffers Et toutdis bellement offers A vous, dame, et a cheuls servir, Com chils qui se voelt asservir Entirement a tous vos gres. (Froiss., Joli buiss. F., 1373, 183)

Et lors les barons du pays, qui la furent assemblez pour reconforter Remond, que ilz amoient de bon cuer, lui [Mélusine] vindrent a l'encontre et la bienviengnerent forment, et lui compterent comment ilz ne lui povoient faire laissier sa doulour. Or vous souffrez, dist elle, car, se Dieu plaist, il sera sempres reconfortez. (Arras, c.1392-1393, 254)

...combien que les juesnes hommes (...) eussent prinz, l'un le baston à estaindre les chandoilles de l'eglise, les autres ce que povoient trouver par l'eglise, toutevoie au seul signe du recteur se souffroient, n'onques l'en ne les vit plus obeissans (Baye, I, 1400-1410, 103)

Se souffrir et taire

On se doit souffrir et taire Et tout en gré rechevoir Quanq qu' Amours ordonne, voir. (Froiss., Par. am., c.1361-1362, 61)

Et s'on sent grieté ne haire, On se doit souffrir et taire Car tous confors puet parfaire Amours, par son grant pouoir. (Froiss., Rond. B., c.1365-1394, 51)

Souffre-toi / souffrez-vous. Du calme ! Patience !.

Souffrez vous, il en est mestierz ! (Dit prunier B., c.1330-1350, 83)

LA MARQUISE. (...) Car ceste compagnie voirs Me fait au cuer grant dueil avoir ; Je n'en puis mais. LA DAMOISELLE. E ! dame, souffrez vous huy mais. Est ce bien fait d'ainsi plourer ? (Mir. marq. Gaudine, 1350, 128)

BARLAAM. (...) C'est a penser, se dit l'escript, Aux graces que fait Jhesu Crist Et a fait a l'umain lignage Et a desirer l'eritage De Paradis. LE ROY. Seuffre toy, seuffre de telz diz, Ou tu me verras courroucier (Mir. Barl. Josaph., c.1363, 256)

BERNART. (...) se vous me voulez baillier Sauf conduit et raençon prendre, (...) De ma terre arez la moitié. (...) AMILLE. Souffrez vous : nous n'en ferons rien ; Nous ferons ce que nous devommes. (Mir. Amis, c.1365, 13)

DEUXIESME SERGENT. (...) Sa, sire ! issez : en male estraine Ce puist ore estre. IGNACE. Mon ami, Dieu, le roy celestre, Le te pardoint. LE PREMIER SERGENT. Souffrez vous, souffrez de ce point Et avec nous vous en venez. (Mir. st Ign., 1366, 108)

Et d'un autre aussi que son filz trahinoit, le pere li dist quant il fu trahiné ou trait jusques a l'uis : 'Repose toy', dist il, 'laisse seuffre toy, car jusques ici trahiné je mon pere.' (Oresme, E.A., c.1370, 384)

Remarque : Myst. Pass. N.S. R., c.1350-1370, 206, v.2867 ; 250, v.4043 ; JEAN D'OUTREM., Myr. histors B.B., t.4, a.1400, 364...