SOUDOYER

substantif masculin

[T-L : soudoiier1 ; GD : soldoier1 ; DECT : soudoiier1 ; FEW (XII, 52b) : solidus]

Celui qui touche une solde, soldat, mercenaire.

Pour 1 cheval et 1 valet pris a Saint Walery, 19 de mars, pour porter argent a Boulongne pour les soudoiers de Calés (Clos galées Rouen M.-C., t.2, 1347, 125)

Le tresor de Coustant avons a no bandon, S'en ont no soudoier recheu leur penchion (Renaut Mont. B.N. V., c.1350-1400, 589)

...gens d'armes com chevaliers, Gentilz bourgois et soudoiers (Guill. Digull., Pèler. âme S., c.1355-1358, 265)

Nous venons a vous, treschier sire, Savoir se vous avez mestier De nous qui sommes sodoier : Gens d'armes sonmes. (Mir. Amis, c.1365, 9)

Car aussi y avoit il guerre ; Et pour acointier les signeurs, Les grans, les moiens, les meneurs, Les chevaliers, les escuiers, Les bourgois et les saudiers, Et pluseurs autres qui armer Se vorroient outre la mer. (Mach., P. Alex., p.1369, 17)

En cest degré de fortitude peuent estre contenus souldoiers et tous ceuls lesquelz convoitise de pecune contraint a combatre. (Oresme, E.A.C., c.1370, 211)

Nous sommes sodoiers errans Par pais, qui maistre querons. (Mir. fille roy, c.1379, 63)

... [il] le meneroit en la guerre ou pays de Lymosin, au lieu de la Sousterrene, duquel lieu et forteresse il estoit saudoyer ; et que s'il le vouloit bien et loyaulment servir, il le feroit riche homme (Reg. crim. Chât., I, 1389-1392, 57)

...et yceulx biens admenez en ladite forteresse de Corbefin, pour aidier à vivre et soustenir les autres soudoyers englois estans en ycelle forteresse (Reg. crim. Chât., I, 1389-1392, 58)

Lors s'i esbatent a grant tourbe et confusion les soldoyers de l'ennemy d'enfer pour mettre a perdicion la povre perrochienne de ceste eglise, c'est assavoir nostre ame. (Gers., Purif., 1396-1397, 65)

Par foy, dist Uriiens, nous ne sommes pas cy venus pour estre soudoyers pour argent, mais pour essaucier la foy catholique et estre soudoier Jhesucrist. Et voulons bien que chascun sache que nous avons finance assez pour paier nos gens. (Arras, c.1392-1393, 115)

Et sachiez que moy ne mon frere ne sommes pas venus vous aidier comme soudoyer pour argent, mais pour droit et raison soustenir, et aussi que tous chevaliers doivent aidier les vefves, les orphelins et les pucelles en leur droit gardant. (Arras, c.1392-1393, 166)

Et avint un jour que chil troi chevalier desus nonmet avoient mis ensamble grant fuisson de gens d'armes et de saudoiiers a piet, et alerent mettre le siege devant une ville que on dist la Roce Deurient (Froiss., Chron. D., p.1400, 88)

...en ceste meisme sepmainne, il avint que li saudoiier françois, liquel se tenoient en la chité de Cambrai, issirent hors et vinrent devant le castelet de Relenghes (Froiss., Chron. D., p.1400, 347)

Li haros et li cris s'esleva. Tantos, gens, honmes, fenmes et enfans s'esfreerent ; et veirent bien que il estoient atrapé, et que c'estoient lor voisin, li saudoiier de Cambrai, qui les resvilloient, et qui ce damage lor portoient. (Froiss., Chron. D., p.1400, 352)

Il fu consilliés que il semonsist tous ses honmes, et priast ses amis et presist saudoiiers de toutes pars, car il avoit bien de quoi faire, et cevauçast a poissance de gens d'armes en Bretagne (Froiss., Chron. D., p.1400, 467)

Mesire Gautier, dist mesire Jehan de Viane, ... . Si vous suppli chierement, ... que vous voelliés aler deviers lui et li priier pour nous et remonstrer conment loiaument nous avons servi nostre signeur li roi de France, nous conme si saudoiier et si soubject, et les povres gens de ceste ville aussi qui n'en pooient ne osoient aultre cose faire... et prende en merchi et en pité le povre peuple de Calais (Froiss., Chron. D., p.1400, 836)

Assembla moult de souldoiers ; Si leur a promis grans loyers (Chr. Piz., M.F., II, 1400-1403, 310)

Amour d'argent commendera a un p(a)illart ou sodoyer aler en bataille, et soy exposer a playes, a fain, a soif et a mort (Gers., Concept., 1401, 411)

Vieulx soudoiers avecques jeune gent Ne sont prisiez la valeur d'une mitte (CH. D'ORLÉANS, Ball. C., c.1415-1457, 137)

Et, entre les autres, furent tuez et mis à mort ledit conte d'Armaignac, le conte de Grantpré (...) et autres capitaines, chevaliers, nobles et soldoiers dudit d'Armaignac (Fauq., I, 1417-1420, 137)

...paiement des gaiges des conseilliers, capitaines, sauldoiers et officiers de mesdiz seigneurs et dame (Comptes Etat bourg. M.F., t.3, 1418-1420, 437)

À Liepin, filz Michiel, couvreur de tieulle, et Jehan Harcelle, son varlet, pour 18 journees qu'ilz ont couvert sur les ediffices dudit chastel, tant sur la maison et estable des chevaux dudit capitaine comme sur la chappelle, et generalment sur le logiz des saudoiers (Comptes Etat bourg. M.F., t.3, 1418-1420, 625)

À messire Jehan seigneur de Thoulonjon, chevalier, conseiller et chambellan de mondit seigneur le duc, la somme de deux mille frans, que mondit seigneur lui a ordonné prendre et avoir sur les revenues et seigneuraiges de ses monnoyes de Bourgoingne en eschange d'une assignacion qu'il avoit ou pais de Flandres, au vivant de feu monseigneur le duc derrain trespassé, cui Dieu absoille, et par son commandement, pour le paiement des souldoyers qu'il tenoit en garnison ou chastel du bois de Vincennes (Comptes Etat bourg. M.F., t.2, 1419, 601)

À Jehan Puignere, saudoyer au chastel de Lille, le XVIIe jour dudit mois pour porter lettres de par mondit seigneur à Thouroult devers les deputez du terroir du Franc (Comptes Etat bourg. M.F., t.1, 1420, 446)

...pour recompenser les souldoiers, on metteroit sus ung ayde de mil frans (Fauq., II, 1421-1430, 351)

...Thomas Cooley escuier anglois, nagaires soubzdoier en la garnison de Saint Laurens des Mortiers en Anjou (Chancell. Henri VI, L., t.2, 1429, 150)

Phelippe troubla toute Grece et Macedoine, puis fut occis par ung sien soudoyer (Chart., L. Esp., c.1429-1430, 140)

Pendant lesquels trois jours iceulx gens de guerre, tant le grand que le petit, le seigneur que le moindre souldoyer, eurent moult à souffrir et endurer par l'ouraige de pluye qu'il fist durant ces trois jours, dont estoit tout l'ost perdu pour l'ord chemin qu'il faisoit. (Chart. J., Chron. Ch. VII, V., t.2, c.1437-1464, 138)

Ledit monseigneur Robert Guiscart (...) lui XI^e de ses freres vindrent oudit royaume de Sicile au service et souldoiers du prince de Capua (La Sale, Salade, c.1442-1444, 168)

...ung povre soudoyer bourguignon, nommé Parnet Grasset (La Marche, Mém., I, c.1470, 203)

Alez prendre ung tel souldoyer A faire vostre garde corps ! (Myst. Pass. Troyes B., a.1482, 537)

[Un gentilhomme aussi peut être soudoyer]

Si fu retenus de mesire Amauri de Cliçon et pour estre saudoiiers a la contesse de Montfort et chapitainne de tous les aultres, et ot de sa carge .CCC. lances et deus mille archiers. (Froiss., Chron. D., p.1400, 509)

[Cont. métaph.]

Ces trois traitres soubdoyers se peuent ainsi nommer : Flateur mensongeur, Delit luxurieux, Estat pompeux, oultrageux ou ambicieux. (Gers., Annonc., a.1400, 234)

Emploi adjectival.

...vous arez tant de barnage Et de sodoiers compaignons Et Alemans et Bourguignons, Que je tien tout biau li sera Quant retourner il [Clovis] s'en pourra A sauveté. (Mir. Clov., c.1381, 219)

Chil bidau saudoiier qui en Saint Amant se tenoient, estoient moult orguilleus et ne faisoient compte des Hainnuiers, et par especial des Valenchiennois. (Froiss., Chron. D., p.1400, 426)

...messires Hervis de Lion, pour porter a ceuls de l'ost contraire et damage, esmeut les compagnons saudoiiers et auquns jones honmes bourgois de Nantes. Et sallirent hors a une ajournee par la posterne de Ricebourc et se missent sus les camps, et cevauchierent a la couverte, ensi que li varlés les avoit ensengniet. (Froiss., Chron. D., p.1400, 496)

Remarque : Cf. aussi GD VII, 493c, soudaicheur.