SELON

préposition

[T-L : selonc ; GD : solonc ; AND : sulum ; FEW (XI, 385b) : secundus ; TLF (XV, 285b) : selon]

I. -[Croisé avec long] Le long de.

Une chose vy je moult hideuse, ainsi que je cheminoie selong un des flueves de Pardis. (Jean Le Long, Voy. Odoric A.M., 1351, 61)

Sauveterre est une moult bonne ville, et gist auques en bon pays et cras, selonch les marces voisines (Froiss., Chron. L., VII, c.1375-1400, 15)

Et ce est selonc partie d'une ligne ymaginee du centre du monde a la circonferance (Oresme, C.M., c.1377, 60)

…il passerent outre la riviere a gué, moult a malaise, et puis se logierent selonch la ditte riviere. (Froiss., Chron. D., p.1400, 132)

Et fu tous li pais pilliés, courus et robés, selonc la marine, et avoient cargiet lor navie de si grant avoir de draps, de pennes, de lainnes, de filles et de vassielle que mervelles estoit a penser (Froiss., Chron. D., p.1400, 680)

...et la nuyt ensuivant se vindrent logier les François devant la barrière du boullevert et tout au long de la prarrye selon la rivière d'Aise, et firent de grans fossez et boullevers de boys pour eulx taulder des canons de ladite ville (Chart. J., Chron. Ch. VII, V., t.2, c.1437-1464, 21)

...sur les préz seloncq la riviere (Wauquelin, Manequine C.T., a.1448, 159)

...et chevauchierent selon une piece tant qu'ilz trouverent une petite sentelete. (Percef. I, R., t.1, c.1450 [c.1340], 399)

...selon ung larris descendi (Cligès C.T., 1455, 116)

Car en ce cas il fauldroit porter des clayes ou fagotz, ou une corde pour atachier à ung gros pal au pié du mur, qui traversera tout le fossé, adfin que nos gens puissent aller selon la corde et porter leurs tronssons le mieulx et le plus droit qu'ilz pourront. (Bueil, I, 1461-1466, 88)

Tout selon. Tout le long.

Sur ung tertre monta et laissa ung sentier Et s'en vint tout selon ung vinier. Quant Robastre le vit ensement varïer (Hern. Beaul. D.B., c.1350-1400, 28)

Tout selonc le cyté aloient costïant (Hugues Capet Lab., c.1358, 166)

Lors yssirent de la garenne, et vindrent tout selon le mur, au bout du clouz (Arras, c.1392-1393, 75)

Emploi adverbial.

...or chevauchons tout selon pour veoir se on pourroit trouver passaige. (Percef. I, R., t.1, c.1450 [c.1340], 187)

II. -[Idées de conformité ou de point de vue]

A. -[Idée de conformité, d'adéquation]

1.À proportion de qqc..

A mon devis Avoit le sein blanc, dur et haut assis, Poingnant, rondet, et si estoit petis, Selonc le corps, gracieus et faitis (Mach., J. R. Beh., c.1340, 7)

...selonc l'uevre le salaire (Mach., D. Aler., a.1349, 240)

Quant il fu venu en ses galeries, il regarda le feu, et ili sambla assez petit, et dist aux chevaliers qui là estient : 'Vecy petit feu selon le froit' (Froiss., Chron. M., XII, c.1375-1400, 56)

2.En vertu de qqc., en fonction de qqc..

Et sachiez de certain, selon le chemin que je lui ay veu prendre, vous trouverez monseigneur vostre pere trespassé quant vous vendrez la. (Arras, c.1392-1393, 289)

...et là selon la voie du saint Esperit seroit esleu par les cardinaulx (Chr. Piz., Faits meurs Ch. V, S., II, 1404, 157)

Selon tout son pouvoir

Et se aucun opposoit au contraire, en mettant que un ange meust le ciel ou soi meisme selon tout son povoir le plus tost et le plus isnelment que il onques pourroit, donques convendroit il que il meust soudainement et en moment indivisible (Oresme, C.M., c.1377, 300)

Selon que l'on peut

En ce point je regardoie Par tout selon que pouoie Et vi sieges treshaus assis Plus clers que n'est cristal burnis (Guill. Digull., Pèler. âme S., c.1355-1358, 13)

En vertu de (d'une chose nég.).

...et la gent Agriano estoient malement decreüz et affebliez, car mauvaisement peüssent multiplier selon le pechié qu'il maintenoient contre Dieu et contre nature. (Bérinus, I, c.1350-1370, 125)

Or est verité que l'incontinent est tel et telement disposé que il parsuit les delectacions corporeles selon superhabondances et hors ordre de droite raison. (Oresme, E.A., c.1370, 393)

3.En conformité avec qqc., en lien, en harmonie avec qqc..

Si vous mandons que le dit arrest ainsi donné vous revoiez diligaument et sanz delay et tout le procés et les enquestes touchanz le dit arrest et dont il est et s'ensuit, et en redonnez ce que vous en verrez estre a faire selonc raison et justice (Chartes Abb. St-Magl. T.F., t.3, 1330, 9)

Tout fut fait selon lor devis (Tomb. Chartr. Trois contes S., c.1337-1339, 116)

La vierge benoite, espouse du souverain roy, qui est le roy de paradis, selon divers temps a elle convenables, propose et fait diverses chançons : et sont trois temps es paroles proposées, desquelx le premier li fu convenable selon le temps de sa desponsacion, le secont selon le temps de sa vie et de sa peregrinacion, le tiers fu selon le temps de son assumpcion et couronacion. (Mir. ev. arced., c.1341, 103)

Je croy, selon mon escient, Que la mye nuit est passée. (Mir. ev. arced., c.1341, 112)

Respondez en selon vostre esme. (Mir. nat. N.S.J.C., c.1343, 233)

Et quant le terme vint que la dame en deüst delivrer selon nature, elle se delivra d'un beau filz. (Bérinus, I, c.1350-1370, 7)

...et il en seront requis selon les us et coustumes de France (Chartes Abb. St-Magl. T.F., t.3, 1357, 221)

Et considere quel est le terme ou la mete de telz signes, lesquelz nous dison estre moiens entre superhabondance et deffaute selonc droite raison. (Oresme, E.A., c.1370, 330)

Et juste est ce qui loist ou est a faire selonc droit, comme dit est. (Oresme, E.A.C., c.1370, 300)

...je vous diray dont ce sournom anciennement luy vint, selonc ce que j'ay oy recorder les anciens (Froiss., Chron. M., XIV, c.1375-1400, 8)

...je suy tenus de vous conseillier et adreschier selonc mon petit povoir et sens. (Froiss., Chron. M., XIV, c.1375-1400, 64)

...selon raison, usage, stille et coustume nottoires de court laie (Chartes Abb. St-Magl. T.F., t.3, 1389, 603)

...qant li fils ot eage, li rois le maria, mais ce ne fu pas selonc le linage dont il estoit issus (Froiss., Chron. D., p.1400, 108)

Selon ce

Et selon ce, les amistiés sont les unes plus grandes, les autres plus petites. (Oresme, E.A., c.1370, 432)

Les cappitaines de la communauté de Gand... se tenoient tout pourveu, avisé et enfourmé que il aroient la guerre. Si s'ordonnèrnt selonc che. (Froiss., Chron. R., XI, c.1375-1400, 199)

En oultre, disoient que ledit duc de Bourgongne les avoit principalment chargiez de savoir quelle charge on lui vouldroit baillier et à quoy on le vouldroit emploier par deça, afin que, selon ce, il peust amener en sa compaignie ou faire venir gens d'armes (Fauq., II, 1421-1430, 69)

Selon ce qui / ce que

Et secondement, l'en doit faire retribucion selon ce qui est digne. (Oresme, E.A., c.1370, 427)

... povrement, selonc che que il leur avoit proumis, ils s'estoit acquittés envers le conte (Froiss., Chron. R., X, c.1375-1400, 30)

Or me poeut on demander comment chil de Gaind faissoient leur guerre, et je en responderai volentiers, selon che que le jeur ai depuis oï parler (Froiss., Chron. R., X, c.1375-1400, 140)

En conformité avec (ce que préconise) qqn.

...Et de faire selonc le sage Qui dit et demoustre en sa page Que... (Mach., J. R. Nav., 1349, 141)

En particulier. [Dans la langue du droit] Conformément à qqc..

Par la vertu des queles lettres, nous vous mandons et commettons et a chascun de vous par soy que vous l'arrest dont mencion est faite es dites lettres metés diligenment a execucion deue de point en point selon la fourme et teneur en la maniere que li diz noseignieur li roys le nous mande (Chartes Abb. St-Magl. T.F., t.3, 1330, 15)

Au quiex il firent commandement de par le roy et de par nous que, lundi prochain, a heure de prime, il restablissent ou restituent ou facent restituer et restablir aus religieus de Saint Magloire de Paris, selon la teneur d'un arrest ou jugié donné en la court du roy noseignieur pour les diz religieus contre le dit abbé, Jehan le Forestier, leur sergant, ou lieu ou il fu resqueus aus diz religieus de Saint Magloire en la ville d'Issy (Chartes Abb. St-Magl. T.F., t.3, 1330, 15)

...selonc l'ordenance du dit feu Thommas (Chartes Abb. St-Magl. T.F., t.3, 1365, 295)

4.Locution conjonctive. Selon (ce) que. Dans la mesure où, compte tenu de ce que, selon que.

Selon que

...vous mandons que ledit Me Jean vous restablissiez dans l'office de petit clerc des comptes et mettiez au dit office selon que le verrés a ce propre et convenable pour notre proffit (Phil. Vi Valois, Lettres closes C., 1347, 129)

Car, dist il, les citez aussi comme les autres choses seulent venir et naistre de bas commencement, mes ensuivant, selonc que les diex et leur vertu leur aident, ellez seulent leurs ricesces et leur non essaucier. (Bers., I, 1, c.1354-1359, 9.3, 15)

Et ainsi l'ame par tous les sens du corps, selon que cellui eage le seuffre, tellement se contraint que, tout ce que par la char elle atrait ou qu'elle refuse, ce seulement tres fort elle desire ou resongne. (Daudin, De la erudition H., c.1360-1380, 6)

...et les pactis, selonc que ilz avoient sommé leurs comptes, montoient bien par an ens es terres dessus dites comme les redemption[s] des fors et des garnisons devoient monter. (Froiss., Chron. M., XIV, c.1375-1400, 135)

Et ne font mie seulement honeur et reverence au Pape, mez aux patriarches, arcevesques et evesques, et aux simples prestres aussi, en soy agenoullant et enclinant, selon que le cas de la devocion le requiert (Songe verg. S., t.1, 1378, 172)

Car selon que cuer se demente, La bouche d'amant parlemente De ce qu'il faut que le cuer sente (Chart., L. Dames, 1416, 273)

...la affliction est briefve ou longue selon que la matiere est convenable a estre resolvee ou non resolvee (Gordon, Prat., c.1450-1500, I, 6)

Le mouvement droit est du hault en bas et du bas en hault, selon que les corps d'embas se meuvent selon leur legiereté ou gravité. (Somme abr., c.1477-1481, 145)

Et, ce fait, se vous voulez venir à Bohain pour estre plus près de moy, je le vouldroye bien, affin de ordonner et pourveoir au surplus de ce qui sera à faire, selon que les materez seront disposées. (Le Clerc, Interp. Roye, c.1502, 216)

Selon ce que

Car selonc ce qu'Amours le vuet Deduire, il s'esjoïst ou duet (Mach., R. Fort., c.1341, 32)

...et avecques ce il y a de toutes manieres de bestes contrefaites d'or et d'argent si melodieusement et si soutivement que, selon ce que li doulx chans des oisillons monte et avale, elles tripent, queurent et saillent par ce vergier et y font telle joye et telle baudour, que vous serez tous esbaubiz du regarder. (Bérinus, I, c.1350-1370, 67)

...car les autres personnes, comment qu'elles ayent equalité a la personne du Pere quant a la divinité, si ont elles, selonc ce que le Filz prist humanité, aucune minorité (Jean Golein, Rational B.D., c.1370-1372, 711)

Et en ceste tierce maniere est difference selonc ce que l'obscurté est grande ou petite (Oresme, C.M., c.1377, 210)

Remarque : Percef. I, R., c.1450 [c.1340], gloss.

B. -[Idée de point de vue]

1.En ce qui concerne qqn ou qqc..

Et donc la bonne operacion continuee est plus delitable selon elle. (Oresme, E.A., c.1370, 486)

...messires Daniaulx de Hallwin... fist toutes les pourveances departir onniement et donner à chascun, selon lui et à sa charge, sa portion (Froiss., Chron. R., X, c.1375-1400, 247)

'Je vous di, messire Gemme, on face appareillier nos hommes et ordonner chascun selon luy, car nous chevaucherons temprement et monstrerons visaige à nos ennemis' (Froiss., Chron. M., XII, c.1375-1400, 141)

...et pleust à Dieu que chascun prince de la crestienté, selon soy, fist aussy bon devoir comme lui ! (Escouchy, Chron. B., t.2, a.1465, 390)

...ce qui compete a ung est appliquié a cellui a qui proprement ne compete selon lui (Somme abr., c.1477-1481, 161)

...ma premiere persecucion est venue des jugemens que je ay faiz pour vous à Lion et à Paris, toutefois selon et consernans purement ladicte science d'astrologie, telx qu'il pleut lors à vostre très sacrée Majesté me commander fere (Simon De Phares, Astrol., c.1494-1498, f° 2 v°)

2.Aux dires de (de qqn ; d'un texte qui fait autorité), à en croire qqn, à suivre l'avis de qqn.

Ce doulx vaissel precieux, excellent, Fu le saint corps de la vierge de pris, Marie, en qui tout bien si est compris, En laquelle, selon sainte escripture, Se fourma Diex en humaine figure (Mir. ev. arced., c.1341, 144)

...la raison si est car, selon saint Augustin, en mariage corporel sont troys biens qui plus parfaitement doivent estre en mariage espirituel de l'ame a Dieu (...) Le premier bien est fruit ou lignie, par quoy sont entendues bonnes euvres, selon saint Gregoire, qui dit aussi conme femme ne doit concepvoir lignie fors de son mari, aussi personne conjointe a Dieu par amour ne doit concepvoir ne faire nulle euvre fors pour Dieu. (Mir. femme roy Port., c.1342, 149)

Selon Aristote cinq puissances ou parties de l'ame sont (Oresme, E.A.C., c.1370, 145)

Car, selon un vers de Chaton : 'qui sua consumunt cum deest aliena secuntur...' (Oresme, E.A.C., c.1370, 238)

Selon un docteur .IIII. cas sont ou l'en seuffre injuste voluntairement, mais non pas de parfaite volenté. (Oresme, E.A.C., c.1370, 312)

Selon les philosophes stoïques iniquité et injustice est un habit de cuer et de pensee qui destruit et gette du tout hors de la region et habitacion de bones meurs et banist justice et equité. (Foul., Policrat., IV, 1372, 82)

Tu voys doncquez comme les regnes et les puissances establies sans doctrine ou conduiz par desrayson sont non certains, et tirent et le roy et le royaulme a paine et a mort, qui est la soulde et le guerdon de peché, selon saint Paoul. (Chart., L. Esp., c.1429-1430, 47)

Selon les docteurs de Grece quatre dictions sont, dont ilz usent en leur langaige et maniere de parler, c'est a scavoir usye, usyosis, ypostasis et prosopon (Somme abr., c.1477-1481, 129)

Remarque : Forme seron : HENRI FERR., Modus et Ratio T., c.1354-1377, gloss. (seron) ; forme solon(c) : Tomb. Chartr. Trois contes S., c.1337-1339, 108 (solon) ; BERS., I, 1, c.1354-1359, 42.4, 71 (solonc). Forme tronquée lonc

Cascuns lonc son estat s'asist ynellement (Jourd. Blaye alex. M., a.1455, 690)