REPRENDRE

verbe

[T-L : reprendre1, reprendre2 ; GDC : reprendre ; DECT : reprendre ; FEW (X, 272b) : reprehendere ; TLF (XIV, 892a) : reprendre]

I. -Emploi transitif. [D'une pers.] Reprendre qqn / qqc. Prendre de nouveau, prendre en retour, prendre à son tour.

A. -Saisir, appréhender (de nouveau, en retour, à son tour).

1.Saisir qqc., qqn, un animal.

Lors pris mes gans, si li tendi ; Dont il qui bien y entendi Les prist, et puis si les laissa ; Aprés un po se rabaissa, Si que secondement les prist, Puis les laissa, puis les reprist (Mach., J. R. Nav., 1349, 276)

...et, en après, reprint icellui sachet et le mist et bouta en son coffre, duquel il portoit la clef. (Reg. crim. Chât., II, 1389-1392, 87)

L'espee est entree en terre sy fort qu'elle luy sailhit fors de la main, maiz il l'at tantost reprinse. (JEAN D'OUTREM., Myr. histors G., a.1400, 190)

...ainsi animé et aguillonné de honte et de desir, il reprend la levriere par les oreilles (C.n.n., c.1456-1467, 195)

2.En particulier.

a)Reprendre qqn. S'emparer de (qqn qu'on a laissé s'échapper), rattraper.

...et le landemain fu reprins et admené ès prisons de ladite Ferté. (Reg. crim. Chât., I, 1389-1392, 435)

...aucuns des estrangiers saillirent par dessus les murs de la cité de Paris derrier leur maison es fossez, et furent repriz par les gens du Roy environ XIIIJ freres estrangiers (Baye, I, 1400-1410, 11)

En ce temps vindrent aussi à Paris plusieurs des nobles de Normandie pour servir le roy en ses guerres, tous lesquelz furent logez aux faulxbourgs de Saint-Marcel lez Paris, entre lesquelz y en avoit aucuns particuliers qui firent moult de maulx et larrecins, et de ce en furent aucuns d'eulx reprins par aucuns des bourgois de ladicte ville, et qui, contre leur gré et voulenté, y vouloient entrer. (Roye, Chron. scand., I, 1460-1483, 103)

SAINCT MARTIN. (...) Dedens ung boys premierement fus pris, Lesquelz, a voir leurs preparacions, De me tuer avoyent entrepris, Car l'un d'iceulx sa hache avoit compris Dessus mon chief en façon et manyere Qu'il m'eust tué ; mais d'un d'eulx fus repris, Avec lequel, dedens une taynyere, Du grant chemin ung bien petit arriere A luy mesme fus je baillé en garde (La Vigne, S.M., 1496, 356)

b)S'emparer de nouveau (d'un territoire, d'une place forte...).

Et fut faicte ladicte destrousse le samedi IIe jour de mars, oudit an LXXV, où il y ot grant murdre fait desdiz Bourguignons. Et, après ce que ledit de Bourgongne s'en fut ainsi honteusement fouy que dit est, et qu'il eut perdue toute son artillerie, sa vaisselle et toutes ses bagues, lesdiz Suixes reprindrent lesdiz deux chasteaulx et firent pendre tous les Bourguignons qui dedens estoient, et aussi reprindrent les ville et chastel de Grantson et firent dependre tous les Alemans que ledit de Bourgongne y avoit fait pendre, qui estoient en nombre Vc et XII, et les firent mettre en terre saincte (Roye, Chron. scand., II, 1460-1483, 10)

B. -Faire en sorte de disposer (à nouveau, en retour, à son tour) de qqn ou de qqc..

1.Reprendre qqn. Garder à nouveau qqn auprès de soi.

Reprendre une femme. Poursuivre la vie commune (avec une femme).

...son mary, obstiné et endurcy en son propos, n'en voult oncques oyr parler, et encores mains de la reprendre [Chassée par son mari, une femme réclame ses biens] . (C.n.n., c.1456-1467, 420)

...que une belle jeune femme nommée Jehanne du Bois, femme d'un notaire du Chastellet dudit lieu de Paris, se party et absenta hors de la maison de sondit mary et s'en ala où bon lui sembla, et depuis par long temps fut perdue. Et après, sondit mary, bien conseillé de ses principaulx amis, la reprint, et se contint de là en avant avecques sondit mary bien et honnestement. (Roye, Chron. scand., I, 1460-1483, 33)

Reprendre qqn (à son service, auprès de soi)

Aprez reprint deux chevaliers Monlt vaillans et deux escuiers. Au roy Aristes les tramist (Renart contref. R.L., t.1, 1328-1342, 184)

L'emperiere qu'estoit puissans Vint avant, sy les combaty, Mais en la fin le champ perdy, Sy s'en fouy en Constantin, Reprist son pueple plus hardy Et retourna pour eulx combatre. (Bouvet, Appar. Meun A., 1398, 50)

...poursuites et demandes faictes eet que pourroit faire nostredit procureur à l'encontre dudit de Nemours, transigier, pacifier, appointer, traicter, conclure et accorder pour et au nom de nous avec icelluy Jacques d'Armignac, duc de Nemours, de luy quitter, abolir, remettre et pardonner toutes les faultes, crimes, delictz et offences passés, le reprandre et remettre en nostre bonne grace, luy rendre et restituer toutes sesdittes terres, seigneuries et biens meubles et immeubles quelconques (Le Clerc, Interp. Roye, c.1502, 245)

Et devés sçavoir que le conte de Dampmartin, qui avoit fait le serement au roy, comme devant est dit, quant le roy le reprint en son service, de le servir envers tous et contre tous, hors et reservé contre le duc de Bretaigne (et le roy ayant doubte que ledit grant maistre ne portast amytié audit duc), ne se trouva point à la despesche de laditte ambassade de Bretaigne (Le Clerc, Interp. Roye, c.1502, 336)

Recueillir, prendre qqn avec soi.

[Dans un sens mystique ; du Christ en croix qui accorde au bon larron repenti d'être avec lui au Paradis]

Tu monstres le bien qu'est en toy, Mon cosin, mon maistre, Jhesus, Veu que le larron qu'en desroy A fait de grans maulx et habus Tu reprens sans faire reffus, Promectent de ta seule grace Qu'il ara paradis la sus Avec toy ou en aultre place. (Pass. Auv., 1477, 219)

2.CHASSE

Reprendre (le) faucon. Faire revenir le faucon, en lui montrant le leurre.

Tu deusses avoir regardé De quoy tes faucons reprendroies (...) Ou de charcois ou de geline. (La Buigne, Rom. deduis B., 1359-1377, 192)

Reprendre (le) chien. Faire revenir le chien.

...et bien entendre A leurs levriers tantost reprendre (La Buigne, Rom. deduis B., 1359-1377, 398)

Et, si chienz venoyent trop darriere qui fussent vieulx, il les doit reprendre et au dessoubz du vent venir au devant de ses chienz et les releissier autre foiz et donner aventaige, mes, s'ilz sont juenes chienz, il n'en doit nul reprendre. (Gast. Phébus, Livre chasse T., 1387-1389, 196)

...il le doit moustrer a ses levriers [le lièvre] et les laissier aler sanz dire mot. Et, s'ilz le prenent, c'est bien fet, et, se non, il doit reprendre ses levriers et demourer einsi illec pour veoir si plus de lievres y vendront jusques a la nuyt (Gast. Phébus, Livre chasse T., 1387-1389, 289)

3.Reprendre qqc.

a)Prendre de nouveau, récupérer (ce qu'on a posé, donné, remis, prêté...).

M'entente est de faire mander (...) Le bourgois, et ly prieray Que ses deniers vueille reprendre (Mir. pape, 1346, 386)

Et se Dieus me donne tel grace Que vostre besongne bien face, Vostre bon cheval reprenez ; Car n'est drois que le me donnez. Et j'en cheviray a vos dis Bonnement, sans nuls contredis. (Mach., D. Aler., a.1349, 317)

...Si ne volt vers moy revenir. Lors le laissay je couvenir Aussi comme amans qui s'amie Ne porroit traire de folie. La le laissay je, le gerfaut, Mais ce fu par son grant defaut, Car volentiers repris l'eüsse, S'a m'onneur ravoir le peüsse. Mais je perdi si mon savoir Qu'a m'onneur ne le pos ravoir, Dont je demourai moult pleins d'ire (Mach., D. Aler., a.1349, 384)

Diex nous donna grant et greignour, Benoët soit Nostre Seignour ! Il donna et il a reprins, Ja par moy n'en sera reprins. (Vie st Evroul S., c.1350, 99)

Des bonnes gens et habitans de la ville de Furnes, qu'ilz ont prestez, à reprendre sur leur part et porcion dudit ayde, en deniers paiez à madame la duchesse de Bourgoingne pour son extraordinaire (Comptes Etat bourg. M.F., t.3, 1418-1420, 436)

Et a reprises ledit de Morvillier lesdictes lettres, qui les avoit apportées ceans (Fauq., II, 1421-1430, 273)

Malliferas, sans plus parler, Reprent ce chief ; va le tourner Pres de son corps, que ne le voye. (Pass. Auv., 1477, 108)

SAINCT MARTIN. Qui en Jhesucrist se confie, En la parfin bien luy en prend. TIERS. Mahon et Appollo deffie, Car Jhesucrist mon cueur reprend. PREMIER. Puisque cella ton cueur apprend, Je feray comme tu feras. (La Vigne, S.M., 1496, 449)

Reprendre qqc. de qqn

Chouse inpossible est Dieu perdre son honneur, car ou le pecheur, de sa voulenté, paie ce qu'i doit, ou Dieu de lui reprent par contrainte (Crap., Cur Deus, De arrha B.H., c.1450-1460, 185)

Prendre qqc. en remplacement, en compensation.

...et si n'y avera ja interest pour les Plaidoiries, car se la Court emploie aucuns jours de Plaidoiries à conseiller et juger ladicte epistle, en pourra repranre [pour les plaidoiries] autant des jours ordonnez à conseiller (Baye, I, 1400-1410, 164)

Prendre pour sa part.

...et fu ordonné que maistre Jaques Phelippe, notaire du Roy, reprendroit par devers lui les cedules et descharges estans par devers ledit maistre Bertrand. (Fauq., II, 1421-1430, 150)

Remettre de nouveau sur soi (ce qu'on a abandonné).

...et [les habitans de la ville de Paris] reprindrent, par commandement de justice, l'enseigne et crois de Saint Andry que pluiseurs avoient delaissié (Fauq., I, 1417-1420, 318)

...frere Aubry fut [tant] effraié que a peu s'il eut sens ne loisir de reprendre sa gonne. (C.n.n., c.1456-1467, 308)

[Avec un objet spatial]

Lors a tantost reprins sa voie (Tomb. Chartr. Souvain S., c.1337-1339, 35)

Lors les deux lisses commancerrent A reprandre les voyes du leur [du cerf qu'elles poursuivent] (Brézé, Chasse T., c.1481-1490, 37)

Reprendre d'une beste. Retrouver les traces d'une bête.

J'appellé tous les chiens a moy. Myraulde tantost en reprit. (...) Chascun a rechasser se prit (Brézé, Chasse T., c.1481-1490, 40)

b)Retrouver, recouvrer (une qualité, une capacité, une fonction...).

Et pour ce est en tel cas tres utile et tres proffitable gieu et esbatement pour teles sollicitudes deposer a temps, jusques a tant que la pensee soit aussi comme reposee et recrëee, et que les esperis repreingnent leur vigeur. (Oresme, E.A.C., c.1370, 270)

Madame, qui pour reprendre sa couleur que des penitences avoit perdue, demeura seulle aucunement. (La Sale, J.S., 1456, 256)

Mais le vipere, reprinse ses forces, courut sus au cocodrille (Colart Mans., Dial. créat. R., 1482, 153)

Reprendre (son) haleine

Tant ont la montaingne eslongné Que dou chastel sont aprochié, Et qu'il furent en mi la pleinne. Là reprent chascuns son alainne, Car plus estoient eschaufé Que s'au feu se fussent chaufé. (Mach., P. Alex., p.1369, 154)

Laisse moy reprendre m'aleinne. Tu m'estrangles ; je ne puis plus. (Myst. st Bern. Menth. L., c.1450, 132)

Lieutenant, faictes arrester Voz gens en reprenant alaine (Myst. siège Orléans H., c.1480-1500, 652)

Reprendre son ame. Ressusciter.

La Mors ne vous puet plus tenir, Corps qui par li estes passé, Levez suz, trop estes lassé De sa jus en terre gesir. Or suz, sans panre autre respit, Trestuit voz amez reprenez, Et avec moy vous en venez Au jugement le Tout Puissant. (Jour Jug. R., c.1380-1400, 247)

Reprendre sa memoire. Voir mémoire

[De la mémoire]

Ce faisant [tout en priant] , je m'entroubliay, Non pas par force de vin boire, Mon esperit comme lÿé. Lors je sentis dame Memoire Reprendre et mectre en son aulmoire Ses especes colaterales, Oppinative faulse et voire Et autres intellectualles (Villon, Lais R.H., c.1456-1457, 28)

c)[D'une chose] Retrouver son état d'origine.

...mes regreez se reprennent fait a fait, par le moyen duquel lavage que g'y feroie (Doc. c.1450. In : J. Rigault, Actes du 98e Congrès nat. des Soc. sav., t.1, 1975, 105)

d)Dire qqc. pour sa part ou bien en réponse à qqn.

Mais du Bastart avoit les crueus fais ois, Par aucunes espies, qui li eurent repris Tant c'onkes ne li prist volenté ni avis De venir a Orbrie (Bât. Bouillon C., c.1350, 165)

Quant la pucelle ouÿ l'escuier en present Qui du gentilz Florent telz nouvelles reprent, Amours l'embrase sy que tout son cueur emprent. (Flor. Octav. L., t.1, c.1356, 137)

Car se vous estes neez de tel engendrement Com ce franc escuier cy endroit le reprent... (Flor. Octav. L., t.1, c.1356, 138)

Mes j'ai moult oÿ reprendre Qu'on se doit au bien amer Dou tout emploiier (Froiss., Ball. B., c.1362-1377, 35)

Rapporter qqc..

Li philozophes nous aprent En un capitle ou il reprent D'une auctorité un notable Pour toutes gens moult pourfitable (Froiss., Pris. am. F., 1372-1373, 37)

4.[Idée de rattachement] Reprendre de / à

a)Reprendre qqc. de qqn

[D'un vassal] Se faire confirmer un fief par l'héritier du suzerain décédé.

[Messire Jehan de Croy, ambassadeur du duc de Bourgogne, au roi de France :] ...c'est celui [le dauphin] , se vous deffailliez - que Dieu ne vueille ! -, qui doit estre son souverain seigneur [du duc de Bourgogne] et de qui il doit reprendre et tenir. (Chastell., Chron. IV, D., c.1461-1472, 183)

b)Reprendre qqc. à qqc. Rattacher qqc. à qqc., faire dépendre qqc. de qqc..

Et [le maistre en philosophie] celles [les sept branches du buisson] de si grant engien Et si magistraus faisoit estre Que trestout ce qui pooit nestre Ne desous leurs eles comprendre, A elles estoit a reprendre. (Froiss., Joli buiss. F., 1373, 101-102)

c)Se reprendre à qqn. Se rattacher à qqn.

Je ne me seuc à cui reprendre, Il n'est nuls hom qui voelle entendre (Jean De Le Mote, Regr. Guill. S., 1339, 87)

C. -[D'une chose]

1.[D'un végétal] (Se) fixer (et développer).

[Contexte métaph.] Quar ce seroit abusion Se dedens cloistre ou hors la porte Le malvès arbre bon fruit porte (...) Et a sa racine reprise En orguil et en couvoitise (Tomb. Chartr. W., c.1337-1339, 120)

Participe passé en emploi adjectival. Qui est bien fixé, enraciné, qui a bien poussé, qui est pleinement développé.

...Et s'estoit environ poursains Li lieus, dont il estoit plus sains, Plus biaus, plus gens, plus gracieus, Odorans et melodieus, De haies de belles devises Enracinées et reprises, Pommiers de paradis, rosiers, Franche aube espine et esglentiers ; Groselier aussi y estoient Qui bien et bel y afferoient. (Mach., D. Aler., a.1349, 392)

Et nota que marjolaine veult plus grasse terre que violectes, et s'elle a trop ombre elle devient janne. Item , quant elle est bien reprinse adonc la doiz arracher par touffes et replanter a large en potz. (Ménagier Paris B.F., c.1392-1394, 119)

2.[D'un mal] Reprendre qqn. Saisir qqn (à nouveau, à son tour).

Lors n'i voit riens de seürté, Si que ses griés maus le reprent Qui plus agüement le prent Que se douceurs n'i fust venue Qui tantost est niens devenue. (Mach., D. Aler., a.1349, 379)

Quant ma douleur est anquepres guerie Lors nouveau mal me reprent et harie, Qui nourrissant me tue et desnature (Robertet, Oeuvres Z., c.1450-1500, 85)

D. -[Comme verbe support, marque la réitération d'une inchoativité] Reprendre qqc. (d'abstr.). Entrer à nouveau (dans tel ou tel état), retrouver.

...quant leur fauldra telz estas, Feront larrecins ou baraz, Dont vendront a meschante fin Ou reprendront estat meschin. (Bouvet, Appar. Meun A., 1398, 30)

Pour refaire les yeulx abusez de ce pouvre martir, le bourgois commenda qu'on le feist seoir a la table, ou il reprint nouvelle ymaginacion par boire et menger largement (C.n.n., c.1456-1467, 27)

Reprendre courage / coeur 'courage' / volonté...

Car se le cuer longuement tel mal porte, Il en porroit mors estre, et elle morte, Que ja n'aveingne, Mais chascuns d'eaus bon corage reprengne. Car li cuers trop se destruit et mehaingne Qui en tel pleur et tel doleur se baingne (Mach., J. R. Beh., c.1340, 131)

...Se compaingnay les damoiseaus Qui amoient gentils oiseaus, Pour mettre jus merencolie Et reprendre volenté lie. (Mach., D. Aler., a.1349, 343)

Reprenons cueur, ayons en Dieu confort (Villon, Poèmes variés R.H., c.1456-1463, 63)

Au fort il reprint courage (C.n.n., c.1456-1467, 195)

II. -[Idée de reprise ou de continuité dans le temps]

A. -Emploi transitif.

1.Reprendre qqc.

a)Continuer de s'occuper de (ce qui a été momentanément interrompu), se remettre à qqc..

Mais j'alonge trop mon propos Premier, et dont parler propos, Si vueil ma matiere reprendre Et au continuer entendre. (Mach., F. am., c.1361, 149)

GABRIEL. (...) Reprendre vueil nostre rondel, Car de chant est et bon et bel (Mir. st Sev., 1362, 205)

...et en nulle autre manière n'est la matière des monnoies, soit pure ou simple, à relenquir ne aussi à reprendre nouvellement (Oresme, Monnoies W., c.1365, XL)

Reprendre un procès

...s'est pieça meu procès entre feu Joachin Girard (...) d'une part, et feu Pierre de Peyré, d'autre, au lieu desquelz defunctz, leurs enfans et heritiers ont reprins ledit procès (Doc. Poitou G., t.11, 1473, 388)

Emploi absolu.

Roy Herodes, advise toy ; La femme de ton frere tiens : Il ne t'en peult venir nulz biens (...). Laisse le du tout sans reprendre, Se tu veulx tresbon conseil prendre. (Renart contref. R.L., t.1, 1328-1342, 59)

...il a esté appoinctié, du conseil du procureur du Roy, d'une part, et de l'evesque de Paris, d'autre part, que lesdiz des XVxx repranront et feront le service divin jusques à VIIJ jours inclus prouchain venans (Baye, II, 1411-1417, 254)

b)Remettre qqc. en vigueur.

Et furent reprins certains advis autresfoiz faiz par la Court pour baillier ou envoier au prevost de Paris pour yceulz faire tenir et mettre à execucion. (Fauq., I, 1417-1420, 134)

c)Poursuivre, continuer, prolonger (sans idée d'interruption).

LE RUSTAULT [à saint Martin] . (...) Tresnoble frere de hault pris, Qui de Jhesus avez compris Et repris La doulceur, l'amour et la grace (La Vigne, S.M., 1496, 410)

Reprendre sa maniere

Mais cils qui ot le cuer franc sans amer Dist : 'Dame chiere, Pour Dieu merci, reprenez vo maniere, Vous vous tuez de faire tele chiere, Car je voy bien que moult comparez chiere L'amour de li...' (Mach., J. R. Beh., c.1340, 66)

Et quant je vi qu'il festioient A bonne chiere et liement Et tout aussi joliement Com s'il n'eüssent riens perdu, Je n'os mie cuer esperdu, Eins repris tantost ma maniere Et ouvri mes yeus et ma chiere Devers l'air qui si dous estoit Et si clers qu'il m'amonnestoit Que hors ississe de prison Ou j'avoie esté la saison. (Mach., J. R. Nav., 1349, 153)

d)[Dans une argumentation] Revenir sur qqc..

Donques en reprenant, nous diron aprés de chascune vertu quelles elles sont et en quelles choses et en quelle maniere. (Oresme, E.A., c.1370, 203)

Quand nostre homme eut tout au long compté, sa femme ne reprint que l'ung de ses poins (C.n.n., c.1456-1467, 71)

2.Reprendre qqn. Prendre la relève de qqn.

Au passif. Estre repris. Bénéficier d'une pause au cours d'un combat.

...le IJ^e jour aprés ilz combatroient a pyé dix poux de lances sans reprinse, puis seront repris pour changier bastons, c'est assavoir haiches pareilles, desquelles ilz combatront d'estoc, de mail, ou de taille, ainsin que mieulz leur plaira, sans reprise, X autres coups. (La Sale, J.S., 1456, 145)

B. -Emploi intransitif ou pronominal.

1.Se reprendre à + inf. Se remettre à, se mettre de son côté, pour sa part à.

... [par comparaison des mauvais prêtres avec des oiseaux] mais quant ilz regettent leurs plumes, ilz se reprennent a vouler comme devant. (La Sale, Sale D., 1451, 63)

La dame (...) se recommanda deuotement a la vierge Marie. Aduint que, en alant leur chemin, ilz trouuerent vne eglise (...). La dame se reprint a saluer la vierge Marie et a soy recommander a elle de tout son cuer. (Miélot, Mir. N.D. W., 1456, 6)

Si s'en retourna nostre maistre en son lit, enprès sa femme, sans dire mot (...) Et de fait se reprint nostre maistre a dormir bien fort. (C.n.n., c.1456-1467, 368)

...et se reprirent à courre après luy de plus belle, qui mieux mieux (Chastell., Chron. K., t.2, c.1456-1471, 127)

Et tous a chasser se reprirent. (Brézé, Chasse T., c.1481-1490, 39)

2.Reprendre arriere à dire qqc. Prendre à nouveau la parole.

Et Raison a rire se prent, Qui dist [var. arriere reprent A dire] (La Buigne, Rom. deduis B., 1359-1377, 220)

III. -Emploi transitif. [Idée de correction, de rectification, d'opposition, de critique]

A. -Au propre. Reprendre qqc. Réparer, restaurer qqc..

Pour faire repenre, conreer et rappareillier environ XV piez de lonc de la chauciée de l'estang du Parc... [forme dissimilée par le r initial ?] (Comté Champ. Brie L., t.3, 1347-1348, 450)

Pour faire condempner l'une des grandes bondes de l'estang de la Forestiere, la quelle couroit si fort que le dit estang estoit en grant peril, pour ycelle repenre, reconreer... (Comté Champ. Brie L., t.3, 1347-1348, 450)

Participe passé en emploi adjectival. [D'une plaie] Refermé, guéri.

...à la darniere foiz que il la vit [la plaie] , elle estoit toute garie et reprise nettement, si comme plaie puet estre (Phil. Vi Valois, Doc. paris. V., t.2, 1342, 152)

Corriger, amender qqc..

Touteffoiz noz calumpniateurs ont damnée ladicte somme faulcement, car en tout son livre n'y a mot à reprandre, comme dit seigneur Albert. (Simon De Phares, Astrol., c.1494-1498, f° 23 v°)

B. -Au figuré.

1.Reprendre qqn. Blâmer, réprimander, admonester qqn.

Si en ferez La coustume ; pas ne la briserez, Car ja de nul reprise n'en serez, Et de bon cuer pour l'ame prierez. (Mach., J. R. Beh., c.1340, 99)

Car se la dame Que je repren moult durement et blame, - Et c'est bien drois, car elle acuet grant blame De muance faire en la fausse game, - Premierement N'eüst osté son cuer de cest amant Qui tous estoit en son commandement, Amours, Amours, je parlasse autrement. (Mach., J. R. Beh., c.1340, 126)

L'en ne doit pas juge reprandre Quant il veult user de equité. Il ne fait point de iniquité, Ne ne fait a partie injure, Quant nostre cause li appert seure, De nul n'en doit estre repris. (Myst. Adv. N.D. R., c.1360-1365, 61-62)

...Dont il reprist moult et maudist Ceus qui le gait faire devoient, Quant de ce fait riens ne savoient. (Mach., P. Alex., p.1369, 98)

Et je croy bien que Dieux vous aimme, Car il le vous a bien moustré En lieus où vous avez esté, Si que, fieux, je vous vueil reprendre Et, en vous reprenant, aprendre Que c'est si mauvaise racine De vivre en pechie de hayne, Que bien jamais ne fructifie (Mach., P. Alex., p.1369, 237)

Pour ce que tous mes chans fais De dolereus sentement Et pour ce que ne chant mais, Repris sui de meinte gent. Mais qui vraiement saroit Ce que mes las cuers reçoit Pour ma dame au dous accueil, Ja mais ne me blasmeroit, Se je chant mains que ne sueil. (Mach., Bal., 1377, 547)

Et ainsi ce que je ay dit par esbatement en ceste maniere peut aler valoir a confuter et reprendre ceulz qui voudroient nostre foy par raysons impugner. (Oresme, C.M., c.1377, 538)

Ceulx, donques, qui dient que ceste opynion est heretique ou plaine d'erreur, si reprenent le Pape et l'Eglyse de Ronme et luy imposent erreur (Songe verg. S., t.2, 1378, 256)

O tu qui dis ainsy et alegues cecy, certes tu loues saint Pierre quant il, qui estoit pape et pasteur de l'Eglise universale, souffrit estre repris, et le porta paciemment, et y obeit humblement, ce qui est contre l'orgueil de pluseurs qui ne veulent, tant soyent petiz, souffrir de riens estre repris ou corrigiez (Gers., P. Paul, a.1394, 490)

Maintenant je vous vuilz reprandre ; Il pert bien que vous ne sçavés riem. Dictes, ne sçavés vous pas bien Qu'il covyent necessairement Que ung homme meure pour le gent, Affin que ne perisse toute ? (Pass. Semur D.M., c.1420 [1488], 153)

Vous me volez trop vert reprendre. (Marcadé, Myst. Pass. Arras R., a.1440, 175)

Marc Anthonius jamaiz ne mettoit en escript nulles de ses oroisons, lesquelles il faisoit en son plaidoier, adfin que, se une aultre foiz il disoit le contraire, que il le peust affermer sans ce que on le peust reprendre par son escript. (La Sale, Salade, c.1442-1444, 26)

Pour vostre bien cecy disons, Affin que ne soyés reprins : Puisqu'entre vous mains l'avez prins [le prisonnier] , Sur vous toute la charge en torne. (Myst. st Adr. P., c.1450-1485, 130)

Quand le bon homme se sentit ainsi aigrement reprins de ses voisins, et qu'ilz luy blasmoient le repaire de son curé en son hostel, force luy fut de dire au curé qu'il se deportast de hanter en sa maison (C.n.n., c.1456-1467, 440)

Et s'aucun me vouloit reprendre Et dire que je le maudiz [mon seigneur, l'évêque Thibault d'Aucigny] , Non faiz, se bien me scet comprendre (Villon, Test. R.H., 1461-1462, 24)

Jamais [le jeune] ne veult estre touché Ne reprouché. Qui le reprent, il croyst en yre. (Pass. Auv., 1477, 118)

Item et ne seroient a reprendre ne a vituperer les malfaiteurs, ne a loer les bienfaitteurs. (Somme abr., c.1477-1481, 167)

Et si advient que père ou mère, Oncle, tante, seur ou frère Les reprennent par grant doulceur, Ilz prennent tout ce par rigueur. (Myst. ste Barbe P., 1493, 30)

PREMIER MAISTRE [à saint Martin] . Estes vous bien si tresoultrecuydé Que de reprandre ung docteur en la chaire ? (La Vigne, S.M., 1496, 335)

Prince puissant auquel d'estre reprins Ne luy desplaist, est signe de grant pris. (Beufves Hant. I., c.1499-1503, 322)

Emploi absolu.

Et si j'ay mal parlé en rien,Vous plaise le moy pardonner Et mesdisans habandonner, Qui sont tousjours prestz de reprandre. (Brézé, Chasse T., c.1481-1490, 49)

Reprendre qqn de qqc.

...Pour la grant trahison de quoy on le reprent. (Tristan Nant. S., c.1350, 352)

Diex nous donna grant et greignour, Benoët soit Nostre Seignour ! Il donna et il a reprins, Ja par moy n'en sera reprins. (Vie st Evroul S., c.1350, 99)

...combien que le doulx Jhesus des obprobres que nous li faisons nous peust et puist reprendre et blamer... (Mir. Barl. Josaph., c.1363, 246)

Uns chevaliers de grant renon ; Florimont de Lesparre a non. Nez est dou païs de Gascongne, Si com la langue le tesmongne ; De Lesparre est sires clamez. Mais il fu repris et blasmés D'une escarmuche que là fist, Qui ne fu pas de grant profit, Comment qu'il le feïst pour bien Et pour vaillance, on le scet bien, Si com ci après le sarez (Mach., P. Alex., p.1369, 143)

Tant en ot mort près dou rochier Qu'il n'i pooient chevauchier. Qui fuir pot, il s'en fui, Mais li roy plus ne les sievi. Pour ce que reprendre se voit De ce que tant fait en avoit. À Alayas s'en retourne Li bons roys qui envis sejourne. Quant il y vint, il assailly Le chastel, mais il y failly (Mach., P. Alex., p.1369, 215)

Car Hetor parloit ainsi : 'Ha,' disoit il, 'se je me porte mal, Polidamas le me reprochera et m'en reprendra.' (Oresme, E.A., c.1370, 211)

Et pour ce sont mi chant de rude affaire, Qu'il sont tuit fait d'un cuer plus noir que meure, Triste, dolent, qui larmes de sanc pleure. S'en sui repris et blasmez durement. (Mach., Bal., 1377, 557)

Se d'amer me repentoie. Il m'a longuement servi Si bien que miex ne vorroie, N'onques en li riens ne vi De quoy reprendre le doie. (Mach., Ch. bal., 1377, 606)

Je n'i voy Miex ne plus à point. Si ne doy estre reprise De ce que tant l'aimme et prise Que je vueil bien Son grant bien (Mach., Lays, 1377, 384)

Recite Tulle, in De officiis, secundo [secundo], partie d'une epistre laquelle envoya Philipe, pere d'Alixandre, a luy en le reprenant de ses dons excessis (Gers., Noël, p.1404, 311)

...le duc de Bourgoigne du fait avenu ne doit point estre reprins, mais le doit le Roy guerredonner en honneur, en amour, en richesses et autres biens (Baye, II, 1411-1417, 261)

Y pert bien de leur faulx abus, De penser estre remis sus Par une fille mal aprise, Qui de faulceté est reprise Et de paillardise surprise. (Myst. siège Orléans H., c.1480-1500, 549)

Et aucuns l'en blasmerent et reprindrent (Colart Mans., Dial. créat. R., 1482, 227)

Adresser à qqn le reproche de qqc., le taxer de qqc..

...de lacheté nul reprendre Ne les peüst (Chr. Piz., M.F., III, 1400-1403, 72)

...afin que nous ne soyons reprins de lacheté (Percef. IV, R., c.1450 [c.1340], 53)

Reprendre qqn de + inf. Blâmer qqn de + inf., le critiquer de.

Mieuls me plaist la fin qu'il prist prendre Qu'on me puist dire ne reprendre D'estre recreans ne fallis. (Froiss., Pris. am. F., 1372-1373, 41)

Pour ce, ne fist si a reprendre Semiramis de son filz prendre (Chr. Piz., M.F., II, 1400-1403, 188)

Reprendre qqn + inf. Reprocher à qqn de.

...[le curé] avoit esté reprins de porter courte robe, et (...) on luy avoit chargé de la porter longue. (C.n.n., c.1456-1467, 531)

Et comment, beaulx seigneurs, vous estes donc bien fort maleureux, qui avez chacun femme qui ainsi vous reprend d'aller a la taverne (C.n.n., c.1456-1467, 542)

Estre reprins de / en (un délit, un méfait). Être accusé de.

...depuis ce qu'il avoit commencé à aprendre ledit mestier, il avoit continué le mieulx qu'il avoit peu et sceu (...) sans ce qu'il eust oncques esté reprins, attaint ou convaincu d'aucun mauvès cas ou crime. (Reg. crim. Chât., I, 1389-1392, 202)

...s'il estoit repris en aucun pechié ou enorme delit... (Colart Mans., Dial. créat. R., 1482, 127)

...que quiconcques seroit convaincu et reprins en adultere seroit privé de ses deux yeulx (Colart Mans., Dial. créat. R., 1482, 222)

Estre repris de ce que + ind.

Et que ire soit plus naturele il appert par example d'un homme qui fu repris de ce que il avoit feru son pere, et il respondi que aussi son pere avoit feru le sien pere et icelui aussi le sien en retournant dessus. (Oresme, E.A., c.1370, 384)

...on list de l'empereur Trajan es croniques rommaines que, comme aucuns de ses amis le reprenissent de ce que, oultre et par dessus tous les empereurs, il estoit trop famillier et commun en se condescendant et acointant de tous, il respondi qu[e]... (Colart Mans., Dial. créat. R., 1482, 184)

[La conscience morale]

Conscience n'auray reprise De gaing a tort ['ma conscience ne sera pas accusée de...'] (CH. D'ORLÉANS, Ball. C., c.1415-1457, 170)

Reprendre qqn si...

Au departir de vous mon cuer vous lais Et je m'en vois dolans et esplourés. Nulz ne me doit d'ore en avant reprendre, Se je sui gais, liés, chantans et jolis, Car j'aim et serf et desir, sans mesprendre, De toute flour la biauté et le pris. (Mach., L. dames, 1377, 75)

Ne nulz ne me doit reprendre, Se faire vueil, sans mesprendre, De sa bele face tendre Le dous gracieus voloir. (Mach., Lays, 1377, 321)

Par trois raisons me vueil deffendre Qu'on ne me doit mie reprendre, Se, selon la condition De m'amour, qui ja mais n'iert mendre, Vueil ma pleinte et mon lay comprendre En triste ymagination. (Mach., Lays, 1377, 322)

[D'une entité abstr.] Reprendre qqn. Amener qqn à reconnaître son erreur.

...l'yver froit nous surprent, Qui n'a ['Si on n'a'] du blé ou du vin en sa tonne, Au long aller son deffault le reprent (Meschin., Lun. princes M.-G., c.1461-1465, 31)

Estre repris de qqc. (d'une entité abstr.) Être amené à reconnaître son erreur par qqc..

Mez, certes, je me doubte que vous ne soïés encore convaincus et repris de la Sainte Escripture, a laquelle vous ne pourriés respondre. (Songe verg. S., t.1, 1378, 40)

2.Reprendre qqc.

a)Blâmer, critiquer (un comportement, un usage...).

Non pourquant que neuces charnelles Segondes et tierces ensemble A qui selon Dieu s'y assemble Voulust point blamer ne reprendre, Mais, com j'ai dit, mielx se volt prendre Aux noces espirituelles... (Tomb. Chartr. Trois contes S., c.1337-1339, 90)

Car j'ai repris a mes despens Ce de quoi je me hontioie (Froiss., Joli buiss. F., 1373, 50)

Ce que plusieurs dient que ilz ne savoient point que telz pechiez fussent mauvais, pour ce que oncquez mais ne lez avoient oÿs reprandre, m'enhorte a parler ; mais l'ordure du pechié, duquel la parole corrompt l'air, me contraint a les taire, affin aussy que je ne donne cause de mal aux innocens. (Gers., Pent., p.1389, 78)

Flateur pourra icy dire : 'Reprens tu les habiz a roynes, a damez, a damoiselles ? Veulz tu qu'ellez soient vestues comme femmes de village ou comme beguinez ?' (Gers., Annonc., a.1400, 238)

Tel vice fait moult a reprendre. (Gréban, Pass. J., c.1450, 195)

Tu as, comme il me semble, la queue toute paraleticque et tremblant et tu veulz distinguer et reprendre mes vices ! (Colart Mans., Dial. créat. R., 1482, 185)

Assez / trop à reprendre

N'en monde n'a si soutil homme, Tant soit apers, qui sans meffaire Sceüst un amant contrefaire, Qu'il n'i eüst trop a reprendre ; Ne riens ne me feroit entendre Que il peüst soudeinnement Sa couleur muër proprement En quatre manieres diverses, Blanches, rouges, noires, ou perses. (Mach., R. Fort., c.1341, 64)

Car tels jure de son marchié Qui puis en laisse la moitié ; Et tels cuide amer sans mesprendre Ou il a assez a reprendre. Si que d'eaus me tairay a tant ; Car je croy que chascuns a tant Loyauté, valour et savoir, Qu'il en feront bien leur devoir. (Mach., D. Lyon, 1342, 235)

N'y avoir que reprendre

Car volentiers mis les eüsse en voie De juge prendre Tel qu'a jugier leurs fais peüst entendre, Si souffissant qu'il n'i eüst qu'aprendre, Et qu'après lui n'i eüst que reprendre. (Mach., J. R. Beh., c.1340, 102)

Amis, je t'ai moult bien oÿ Et mon cuer as moult resjoÿ De tes courtois ensengnemens. Mais si lons est tes parlemens Que trop longue chose seroit, Qui chascun mot repeteroit ; Si me passerai, pour briété, De m'onneur et de ta griété, Car ne puis faire mon devoir De les toutes ramentevoir : Et me garderai de mesprendre Si que n'i ara que reprendre, Se je puis et Dieus le m'ottroie. (Mach., Voir, 1364, 490)

...un grant cas ou n'a que reprendre. (Gréban, Pass. J., c.1450, 89)

Faictes tant qu'il n'y ait que reprendre En son doulx entretenement. (Gréban, Pass. J., c.1450, 92)

...la pucelle ou riens n'y avoit que reprendre (Percef. III, R., t.2, c.1450 [c.1340], 169)

...en vous n'y a que reprendre (Poés. lyr. court. XVe I., c.1454-1456, 128)

Critiquer, corriger (un dire, une opinion...).

Ga[llien] reprent la sentence d'aucuns en la generacion de illiaque passion (...) Ga[llien] reprent telle opinion (Saint-gille, Comment. A.Y. L., 1362-1365, 380)

b)Dire du mal de qqc..

Je n'entendz pas que l'on puisse reprendre L'arc de feugiere : aucuns l'ayment le mieulx. (Au grey d'amours F.-H., c.1400-1500, 227)

c)Contredire qqc..

Ne puis qu'enpris D'estre pris En pourpris De vo haut pris Que tant pris, Ne mespris Ne ne repris Vo vueil ne quier reprendre, Car com souspris, Desapris D'estre espris D'amer m'espris. (Mach., Lays, 1377, 307)

Emploi absolu. Se défendre (dans un procès).

Et semblablement si celuy qui ainsi est adjourné pour reprandre [var. respondre] [,] se deffault par deux deffaulx... (...) Et si la demande n'avoit esté déclairée contre le prédécesseur d'icelluy qui ainsi est adjourné pour repprandre ou qu'il ne apparust aucunement de ladite déclaration par procès... (Vieux cout. Poitou F., c.1451-1454, 64)

C. -Emploi pronominal. Se reprendre

1.Se blâmer soi-même, se faire des reproches.

Ainsi que le chevalier se reprenoit de ce qu'il s'estoit ung petit dolousé... (Percef. III, R., t.2, c.1450 [c.1340], 241)

2.Modifier son attitude, son comportement, le corriger.

Pour loing saillir, fault reculler, Cela assez povez entendre. Qui ce congnoist se doit reprendre Sans entreprendre tel fardeau, Je tiens la chose par trop grande, Quant il y fault laisser la peau. (S. fol, c.1480-1490, 7)

D. -[D'une chose] Reprendre qqn

1.[D'une faute commise, de la conscience morale...] Accuser qqn.

Dame, se savez riens de quoy Vous repreigne la conscience, Dites le nous en audience (Mir. marq. Gaudine, 1350, 162)

Qui trop de courroux en soy prent, Nature et raison l'en reprent. (Gréban, Pass. J., c.1450, 86)

O, toy, homme, garde toy de faire la chose que tu as accoustumé de blasmer, car laide chose et deshonneste est au docteur quant sa propre coulpe le redargue et reprent. (Colart Mans., Dial. créat. R., 1482, 204)

2.Aller à l'encontre de qqn.

Je suis de moy mesmes espris : Je chasse, et suis en mes las pris Jë alume le feu qui m'art ; Je suis le docteur mal apris Qui par [sa] scïence est repris Et trompé mesmes par son art. (Narcissus, p.1426, 314)